1 Kɔlɛŋɛtiɛ́ŋ 9
9
Póle uméen buand gidigid
1Ndibá uguá ibembi a? Ndibá medenyi a? Mmasúguán Yésuse, Ɔgúná wasɔ a? Nudibá buóli buámɛ uguá Ɔgúná a? 2Mmába gá busió buá bómodi ndibá medenyi, gá buánɔ gɔg nnyɛ medenyi, gá giagiá, ndiskan yamɛ ya medenyi, banuá nunyaá yɛ́ uguá Ɔgúná. 3Nibíháŋídɛ́n niámɛ agá busió buá befudenyinye bámɛ, níniényé: 4Didianánigiman na bíhuán na nyánan a? 5Didianánigiman áneé ugándɔ uwaádáabanaá wɛɛ́d udielenye hana bɔsɔ́gá medenyi bálanɔ́, beliméen bá Ɔgúná na Séfas a? 6Yaŋuá omoómi na Balnabás gɔg didianánigiman na lɔb kandaguala buóli a? 7Ányá uwalanɔ́ buóli buá nsénsi gég gá busió mbánan? Ányá unyaá wa gɔ́n fínyi kɔndɔguɔ́bídɛn gibɔg? Ugúnya ana, ányá unyaá wa guoye gimbi giá manyam kondobióye na mabána má manyam máguɔ́? 8Ubugányɛ, búnyɛ pɛ́ŋ melélíe má bandɔ a? Ugúnya ana gigodi gídíɔ́guɔya buónyi buáguɔ́ búmomi a? 9Gɔgaá, búnyɛ ubúɔ́ŋɔ́n uguá gigodi giá Mɔ́sɛsa áneé: «Adianágɔ́d nnyag niíd uguá ginɛŋ igiɛ́ ígúnanɔ́ nsám. Uhaluá waábaŋa gá busió buá nnyag a?»#9.9 Det 25.4 10Búdibá gásɔ gá busió basuá béŋenyi úgálgalaá a? Ɛɛ́ɛ, búnyɛ gásɔ gá busió bɔ́mɔɔ́ŋa buɔ́. Gá giagiá, uyɔgɔnɔ́ ugódi áneé ubídágɛ́ɛd súsɔ́n, ugúnanɔ́ nsám, gá bia buég budáŋ, ugódi áneé ubia nubídágídɛ́n. 11Mmába dimanimá uguánɔ muand muá beseé muá gileénde, kásɛ búnyɛ mbísinye áneé didáŋáab biogoge uguánɔ guá budáŋ buá ɔmbɔ́d a? 12Mmába bómodi bádáŋáaba muand umugányɛ guónoólín agánɔ, uguá nɛɛ́m niá giagɛ basuá súsɔ́n dídiabá diabia muɔ́? Henyé gɔg áneé basuá dimasábia ndáŋa igányɛ, gɔgaá idiamán ɔdɛ́m áneé didiasiáyɛ bikum biá madɛ́ uguá ŋŋil ya Ginɔ́g giá Nsɔ́m giá Klístus. 13Nudiálinsan áneé bedúmbinusámb abálanɔ́ buóli uguá idúl, idúl híhígódionu áneé híóye bɔ́ a? Abálanɔ́ buóli agá ahɔd ya nsíb bógódi budáŋ uguá nusámb unuɔ́ bódóŋonyeé agá ahɔd ya nsíb a? 14Buand búmomi, Ɔgúná umeéŋín bandɔ obódógónyeé Ginɔ́g giá Nsɔ́m bugaga áneé bɔ́sɔ́dɔn uguá gídóginye giá Ginɔ́g giá Nsɔ́m. 15Yaŋuá gɔg mmásábia muand umugányɛ gidigid, ndiɔ́nuɔ́ŋɔn gá gueleé yoónúóhon áneé numpuá muɔ́, búnyɛ beseé muɛd áneé ŋŋué. Ta mɔndɔ udibá wɔɔ́mpɔgɛn nɛɛ́m niámɛ niábá uguá ibal. 16Gá giagiá, gudógónye Ginɔ́g giá Nsɔ́m uguɔ́ ndógónyeé gúdiaguala áneé mbígide gisas, búnyɛ buóli buámɛ ubúŋímbeneé áneé yala buɔ́, meyú naánamɛ mmódidógónye Ginɔ́g giá Nsɔ́m. 17Mmába yaábíalan buɔ́ yaŋuá mbánan, yaábianan bisuɛ́n, nnyɛ gɔg uguá gigúda gá guala buɔ́, búnyɛ ginɔ́h igiɛ́ Uhaluá úmandúgɛ́n. 18Bisuɛ́n biámɛ gɔg bíbínya giagɛ? Búnyɛ ibal ihiɛ́ ŋŋódionu uguá gidógonye giá Ginɔ́g giá Nsɔ́m gá gilé, ta gudáŋáab beseé wa buóli buá gidógínye giá Ginɔ́g giá Nsɔ́m igiɛ́ nnya wa bia. 19Nnyɛ uguá ibembi, ndibá giɔ́lɛ giá mɔndɔ gɔgaá mmaáyɛ giɔ́lɛ gá gɔ́gɛ́ɛd giod giá bandɔ uguá Klístus. 20Mmɔ́sɔ́dɔn na bayúdɛn haná maná bayúdɛn, búmabá gá gɔ́gɛ́ɛd bayúdɛn, mmɔ́sɔ́dɔn naá abámabá uguá ihiligine hiá gigodi hana mmábá uguá ihiligine hiáguɔ́, henyé gɔg áneé yaŋuá mbánan mmásábá uguá ihiligine hiá gigodi, búmabá pɛ́ŋ gá gɔ́gɛ́ɛd abámabá uguá ihiligine hiá gigodi. 21Mmɔ́sɔ́dɔn naá abámabá kanda gigodi hana yaŋuá súsɔ́n mmabá kanda gigodi, henyé gɔg áneé mmásábá kanda gigodi giá Uhaluá, gá giagiá Klístus únyaá gigodi giámɛ, búmabá pɛ́ŋ gá gɔ́gɛ́ɛd abámabá kanda gigodi. 22Iyanamb bugué buá ɔbɔɔ́ guágɔdɛ́m guɔ́b gúmanyaá bugídígíd, iyɔsɔ́dɔn hana guágɔdɛ́m guámɛ gúmanyɛ bugué gá gueleé ŋŋɔ́gɛ́ɛd bɔ́. Iyaáyɛ buá gidigid gá bandɔ gidigid gá gueleé nsódie gidám. 23Yaáguala buɔ́ gidigid gá busió buá Ginɔ́g giá Nsɔ́m gá gueleé yaŋuá súsɔ́n ndáŋáab bunɛ́m ubuɔ́ gídídánaninaá.
Duɔ́ndɔ́nd duá bandɔ bá ɔdɛ́d
24Nudiálinsan áneé bandɔ bá ɔdɛ́d abánya agá giɔ́mb bédíne gidigid wɔ́b, gɔgaá pɛ́ŋ omoómi únyánaná a? Ánaá núdíne gɔg uguá bilɔŋ bíábá wa busió. 25Bandɔ bá ɔdɛ́d bámán ɔdɛ́m uguá ginɛŋ igiɛ́ báhɔ́nhɔnaá, gá nyá nuɔl unúyigánɔ, gásɔ diábínuanan áneé dinyá nuɔl unúdianáyiganɔ́. 26Yaŋuá gɔg yeédíne nɔ́, ndiédíne uguá mebúbe, yaánuanan, ndiɔ́nɔhɔn gɔg bikúde biámɛ agá gudɔɔ́. 27Yeésésenye nuɔ́l nuámɛ, ŋŋimbe nuɔ́ uguá ginɔ́h giá gigodi giá Ɔgúná gá gueleé egélém gá sesenyinye bɔsɔ́gá nsɔ́m, bádianánsáyɔn uguá ɔlɔŋ.
ទើបបានជ្រើសរើសហើយ៖
1 Kɔlɛŋɛtiɛ́ŋ 9: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
1 Kɔlɛŋɛtiɛ́ŋ 9
9
Póle uméen buand gidigid
1Ndibá uguá ibembi a? Ndibá medenyi a? Mmasúguán Yésuse, Ɔgúná wasɔ a? Nudibá buóli buámɛ uguá Ɔgúná a? 2Mmába gá busió buá bómodi ndibá medenyi, gá buánɔ gɔg nnyɛ medenyi, gá giagiá, ndiskan yamɛ ya medenyi, banuá nunyaá yɛ́ uguá Ɔgúná. 3Nibíháŋídɛ́n niámɛ agá busió buá befudenyinye bámɛ, níniényé: 4Didianánigiman na bíhuán na nyánan a? 5Didianánigiman áneé ugándɔ uwaádáabanaá wɛɛ́d udielenye hana bɔsɔ́gá medenyi bálanɔ́, beliméen bá Ɔgúná na Séfas a? 6Yaŋuá omoómi na Balnabás gɔg didianánigiman na lɔb kandaguala buóli a? 7Ányá uwalanɔ́ buóli buá nsénsi gég gá busió mbánan? Ányá unyaá wa gɔ́n fínyi kɔndɔguɔ́bídɛn gibɔg? Ugúnya ana, ányá unyaá wa guoye gimbi giá manyam kondobióye na mabána má manyam máguɔ́? 8Ubugányɛ, búnyɛ pɛ́ŋ melélíe má bandɔ a? Ugúnya ana gigodi gídíɔ́guɔya buónyi buáguɔ́ búmomi a? 9Gɔgaá, búnyɛ ubúɔ́ŋɔ́n uguá gigodi giá Mɔ́sɛsa áneé: «Adianágɔ́d nnyag niíd uguá ginɛŋ igiɛ́ ígúnanɔ́ nsám. Uhaluá waábaŋa gá busió buá nnyag a?»#9.9 Det 25.4 10Búdibá gásɔ gá busió basuá béŋenyi úgálgalaá a? Ɛɛ́ɛ, búnyɛ gásɔ gá busió bɔ́mɔɔ́ŋa buɔ́. Gá giagiá, uyɔgɔnɔ́ ugódi áneé ubídágɛ́ɛd súsɔ́n, ugúnanɔ́ nsám, gá bia buég budáŋ, ugódi áneé ubia nubídágídɛ́n. 11Mmába dimanimá uguánɔ muand muá beseé muá gileénde, kásɛ búnyɛ mbísinye áneé didáŋáab biogoge uguánɔ guá budáŋ buá ɔmbɔ́d a? 12Mmába bómodi bádáŋáaba muand umugányɛ guónoólín agánɔ, uguá nɛɛ́m niá giagɛ basuá súsɔ́n dídiabá diabia muɔ́? Henyé gɔg áneé basuá dimasábia ndáŋa igányɛ, gɔgaá idiamán ɔdɛ́m áneé didiasiáyɛ bikum biá madɛ́ uguá ŋŋil ya Ginɔ́g giá Nsɔ́m giá Klístus. 13Nudiálinsan áneé bedúmbinusámb abálanɔ́ buóli uguá idúl, idúl híhígódionu áneé híóye bɔ́ a? Abálanɔ́ buóli agá ahɔd ya nsíb bógódi budáŋ uguá nusámb unuɔ́ bódóŋonyeé agá ahɔd ya nsíb a? 14Buand búmomi, Ɔgúná umeéŋín bandɔ obódógónyeé Ginɔ́g giá Nsɔ́m bugaga áneé bɔ́sɔ́dɔn uguá gídóginye giá Ginɔ́g giá Nsɔ́m. 15Yaŋuá gɔg mmásábia muand umugányɛ gidigid, ndiɔ́nuɔ́ŋɔn gá gueleé yoónúóhon áneé numpuá muɔ́, búnyɛ beseé muɛd áneé ŋŋué. Ta mɔndɔ udibá wɔɔ́mpɔgɛn nɛɛ́m niámɛ niábá uguá ibal. 16Gá giagiá, gudógónye Ginɔ́g giá Nsɔ́m uguɔ́ ndógónyeé gúdiaguala áneé mbígide gisas, búnyɛ buóli buámɛ ubúŋímbeneé áneé yala buɔ́, meyú naánamɛ mmódidógónye Ginɔ́g giá Nsɔ́m. 17Mmába yaábíalan buɔ́ yaŋuá mbánan, yaábianan bisuɛ́n, nnyɛ gɔg uguá gigúda gá guala buɔ́, búnyɛ ginɔ́h igiɛ́ Uhaluá úmandúgɛ́n. 18Bisuɛ́n biámɛ gɔg bíbínya giagɛ? Búnyɛ ibal ihiɛ́ ŋŋódionu uguá gidógonye giá Ginɔ́g giá Nsɔ́m gá gilé, ta gudáŋáab beseé wa buóli buá gidógínye giá Ginɔ́g giá Nsɔ́m igiɛ́ nnya wa bia. 19Nnyɛ uguá ibembi, ndibá giɔ́lɛ giá mɔndɔ gɔgaá mmaáyɛ giɔ́lɛ gá gɔ́gɛ́ɛd giod giá bandɔ uguá Klístus. 20Mmɔ́sɔ́dɔn na bayúdɛn haná maná bayúdɛn, búmabá gá gɔ́gɛ́ɛd bayúdɛn, mmɔ́sɔ́dɔn naá abámabá uguá ihiligine hiá gigodi hana mmábá uguá ihiligine hiáguɔ́, henyé gɔg áneé yaŋuá mbánan mmásábá uguá ihiligine hiá gigodi, búmabá pɛ́ŋ gá gɔ́gɛ́ɛd abámabá uguá ihiligine hiá gigodi. 21Mmɔ́sɔ́dɔn naá abámabá kanda gigodi hana yaŋuá súsɔ́n mmabá kanda gigodi, henyé gɔg áneé mmásábá kanda gigodi giá Uhaluá, gá giagiá Klístus únyaá gigodi giámɛ, búmabá pɛ́ŋ gá gɔ́gɛ́ɛd abámabá kanda gigodi. 22Iyanamb bugué buá ɔbɔɔ́ guágɔdɛ́m guɔ́b gúmanyaá bugídígíd, iyɔsɔ́dɔn hana guágɔdɛ́m guámɛ gúmanyɛ bugué gá gueleé ŋŋɔ́gɛ́ɛd bɔ́. Iyaáyɛ buá gidigid gá bandɔ gidigid gá gueleé nsódie gidám. 23Yaáguala buɔ́ gidigid gá busió buá Ginɔ́g giá Nsɔ́m gá gueleé yaŋuá súsɔ́n ndáŋáab bunɛ́m ubuɔ́ gídídánaninaá.
Duɔ́ndɔ́nd duá bandɔ bá ɔdɛ́d
24Nudiálinsan áneé bandɔ bá ɔdɛ́d abánya agá giɔ́mb bédíne gidigid wɔ́b, gɔgaá pɛ́ŋ omoómi únyánaná a? Ánaá núdíne gɔg uguá bilɔŋ bíábá wa busió. 25Bandɔ bá ɔdɛ́d bámán ɔdɛ́m uguá ginɛŋ igiɛ́ báhɔ́nhɔnaá, gá nyá nuɔl unúyigánɔ, gásɔ diábínuanan áneé dinyá nuɔl unúdianáyiganɔ́. 26Yaŋuá gɔg yeédíne nɔ́, ndiédíne uguá mebúbe, yaánuanan, ndiɔ́nɔhɔn gɔg bikúde biámɛ agá gudɔɔ́. 27Yeésésenye nuɔ́l nuámɛ, ŋŋimbe nuɔ́ uguá ginɔ́h giá gigodi giá Ɔgúná gá gueleé egélém gá sesenyinye bɔsɔ́gá nsɔ́m, bádianánsáyɔn uguá ɔlɔŋ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល