1 Kɔlɛŋɛtiɛ́ŋ 6
6
Nugélényi nuá beédébi
1Uguá ginɛŋ igiɛ́ núgódionu bidúdúlényé banuá na banuá uguá gimbi, naánanyá nuídanaá gá gála biɛ́ uguá bindiádába, nudiídán naá biɛ́ uguá gimbi giá beédébi? 2Nudiálinsan áneé basuá beédébi dienégélenyeé bandɔ bá guísi a? Mmába búnyɛ banuá nuénégélenyeé bandɔ, gá giagɛ baán bá muand bánúgáŋanaá gugála? 3Nudiálinsan áneé dienégélenye bilúna a? Iŋand ínig gɔg gá baán bá muand bá guísi uguɔ! 4Uguá ginɛŋ gɔg igiɛ́ núgódionu bilɔŋ biá bisan ibiɛ, nuɔnɔdɔ́ŋɔ́n bandɔ ɔbɔɔ́ Gimbi giá beédébi bá Klístus gídiábianan buand buá guala nɔɔ́nɔb! 5Yɔɔ́núɔyɔn buɔ́ gánɔ gá ɔduá gunɔ́h. Mɔndɔ udibá guɔ́ ugódionu nugedie gudɔ́mb bɔsɔ́gá gá gueleé usúmba bisan biá beliméen a? 6Gɔgaá, sɔ́gá ugódi gisan na sɔ́gá andá nɔ́ agá busió buá bindiádába, 7yaáguánan gɔg áneé nuámánágua, uguá ginɛŋ igiɛ́ núgálanɔ́ bisan banuá na banuá, gá giagɛ núdiábá nuamán ɔdɛ́m nubíɔda na bumbágiá nuond nubínihɛn áneé bɔ́hɔga muánɔ? 8Búnyɛ gɔg banuá nualanɔ́ bumbágía nuond nuhɔga muɔ́b, nuáguala nɔ́ gá bágánɔ. 9Nudiálinsan gɔg áneé bandɔ abánya mbágiá bádianádáŋáab bigínd biá Niguili niá Uhaluá? Nudibínɔ́ŋaá, ta biendéndi, ta ebébúlúgenyeé biaŋana, ta abálanɔ́ bidáŋa, ta bimbíla na banúmɔndɔ abádáabanaá áneé bɔsɔ́gá banúmɔndɔ bábídígan bɔ́, ta abásúŋaninaá bɔsɔ́gá, 10ta beébi, ta bandɔ bá gilɔŋkɛm gá ŋŋúme, ta bihuɔ́gíba, ta ɔbɔ́hɔgɔnɔ́ muand muá bɔsɔ́gá na bandɔ bá inɔŋɔnɔŋa bádiánádáŋáab bigínd biá Niguili niá Uhaluá. 11Ndénu gɔg bubuand ubuɔ́ bandɔ bómodi bámabá uguánɔ guá ɔlɔŋ búbugányɛ. Uhaluá umenúdúmb gɔg uwenúélígie, uwenúéye bandɔ bá gindényé uguá ɔhɛ́n huá Ɔgúná Yésuse Klístus na Gileénde giá Uhaluá wásɔ.
Ŋŋódi bugaga buá guala buá gidigid
12Diɔ́guɔya áneé: «Nnyɛ wa guala buand gidigid.» Buand gidigid gɔg búdibá beseé gánɔ. «Nnyɛ wa guala buand gidigid.» Búnyɛ meliŋ, gúu gɔg ndiabá wa guáyɛ giɔ́lɛ giá buand ta búlúm. 13Gúu núɔnduguɔyɔnɔ́ áneé: «Bámaŋán gunyá gá busió buá nimuɛnd, nimuɛnd súsɔ́n gá busió buá gunyá.» Ɛɛ́ɛ, Uhaluá wanágad gɔg gunyá na nimuɛnd. Gɔgaá nuɔ́l nuá mɔndɔ núdibá gá busió buá ɔmbɛ́d huá gilégilé. Nuɔ́l nuásɔ núnyɛ gá busió buá Ɔgúná, Ɔgúná gá busió buá nuɔ́l nuásɔ. 14Uhaluá umehémíe Ɔgúná uguá gibɛ́l, wenédíhémie gɔg súsɔ́n gég gá buŋaŋa. 15Nudiálinsan áneé duɔ́l duánɔ dúnyɛ maláŋ má Klístus a? Nnyɛ wa gɔ́l maláŋ má Klístus gá guéye mɔ́ maláŋ má giendéndi a? Búdibá nɔ́! 16Nudiálinsan áneé mɔndɔ usábídímɛn na giendéndi giá ugándɔ, ugányɛ nuɔ́l númomi neéneg a? Gá giagiá, bɔ́guɔya áneé: «Bem báandɛ bánábá mmegu imoómi.» 17Gɔgaá usábígɔ́d na Ɔgúná báganyɛ gileénde gímomi. 18Bínɔ́hɔ́nínɔ́n ɔmbɛ́d uhúnúágánaá biíle na biendéndi. Bilɔga ibiólbióndeé ibiɛ́ mɔndɔ uságual bídiébíŋen uguég guá nuɔ́l. Mɔndɔ uwalanɔ́ gilɔg giá ɔmbɛ́d, waábíala gilɔga uguég guá nuɔ́l mbánan. 19Ugúnya ana nudiálinsan áneé nuɔ́l nuánɔ núnyɛ idúl ihiɛ́ Gileénde giá Budányɛ, igínya uguánɔ guónonuólín agá Uhaluá a? Nudiéndebígimbe banuá mbánan. 20Uhaluá umɔnúɔnd biɔŋɔ́n gulal, umanúháŋ gánɔ gá buɔ́lɛ. Ánaá núbúlúgenye yɔ́ gɔg na nuɔ́l nuánɔ.
ទើបបានជ្រើសរើសហើយ៖
1 Kɔlɛŋɛtiɛ́ŋ 6: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
1 Kɔlɛŋɛtiɛ́ŋ 6
6
Nugélényi nuá beédébi
1Uguá ginɛŋ igiɛ́ núgódionu bidúdúlényé banuá na banuá uguá gimbi, naánanyá nuídanaá gá gála biɛ́ uguá bindiádába, nudiídán naá biɛ́ uguá gimbi giá beédébi? 2Nudiálinsan áneé basuá beédébi dienégélenyeé bandɔ bá guísi a? Mmába búnyɛ banuá nuénégélenyeé bandɔ, gá giagɛ baán bá muand bánúgáŋanaá gugála? 3Nudiálinsan áneé dienégélenye bilúna a? Iŋand ínig gɔg gá baán bá muand bá guísi uguɔ! 4Uguá ginɛŋ gɔg igiɛ́ núgódionu bilɔŋ biá bisan ibiɛ, nuɔnɔdɔ́ŋɔ́n bandɔ ɔbɔɔ́ Gimbi giá beédébi bá Klístus gídiábianan buand buá guala nɔɔ́nɔb! 5Yɔɔ́núɔyɔn buɔ́ gánɔ gá ɔduá gunɔ́h. Mɔndɔ udibá guɔ́ ugódionu nugedie gudɔ́mb bɔsɔ́gá gá gueleé usúmba bisan biá beliméen a? 6Gɔgaá, sɔ́gá ugódi gisan na sɔ́gá andá nɔ́ agá busió buá bindiádába, 7yaáguánan gɔg áneé nuámánágua, uguá ginɛŋ igiɛ́ núgálanɔ́ bisan banuá na banuá, gá giagɛ núdiábá nuamán ɔdɛ́m nubíɔda na bumbágiá nuond nubínihɛn áneé bɔ́hɔga muánɔ? 8Búnyɛ gɔg banuá nualanɔ́ bumbágía nuond nuhɔga muɔ́b, nuáguala nɔ́ gá bágánɔ. 9Nudiálinsan gɔg áneé bandɔ abánya mbágiá bádianádáŋáab bigínd biá Niguili niá Uhaluá? Nudibínɔ́ŋaá, ta biendéndi, ta ebébúlúgenyeé biaŋana, ta abálanɔ́ bidáŋa, ta bimbíla na banúmɔndɔ abádáabanaá áneé bɔsɔ́gá banúmɔndɔ bábídígan bɔ́, ta abásúŋaninaá bɔsɔ́gá, 10ta beébi, ta bandɔ bá gilɔŋkɛm gá ŋŋúme, ta bihuɔ́gíba, ta ɔbɔ́hɔgɔnɔ́ muand muá bɔsɔ́gá na bandɔ bá inɔŋɔnɔŋa bádiánádáŋáab bigínd biá Niguili niá Uhaluá. 11Ndénu gɔg bubuand ubuɔ́ bandɔ bómodi bámabá uguánɔ guá ɔlɔŋ búbugányɛ. Uhaluá umenúdúmb gɔg uwenúélígie, uwenúéye bandɔ bá gindényé uguá ɔhɛ́n huá Ɔgúná Yésuse Klístus na Gileénde giá Uhaluá wásɔ.
Ŋŋódi bugaga buá guala buá gidigid
12Diɔ́guɔya áneé: «Nnyɛ wa guala buand gidigid.» Buand gidigid gɔg búdibá beseé gánɔ. «Nnyɛ wa guala buand gidigid.» Búnyɛ meliŋ, gúu gɔg ndiabá wa guáyɛ giɔ́lɛ giá buand ta búlúm. 13Gúu núɔnduguɔyɔnɔ́ áneé: «Bámaŋán gunyá gá busió buá nimuɛnd, nimuɛnd súsɔ́n gá busió buá gunyá.» Ɛɛ́ɛ, Uhaluá wanágad gɔg gunyá na nimuɛnd. Gɔgaá nuɔ́l nuá mɔndɔ núdibá gá busió buá ɔmbɛ́d huá gilégilé. Nuɔ́l nuásɔ núnyɛ gá busió buá Ɔgúná, Ɔgúná gá busió buá nuɔ́l nuásɔ. 14Uhaluá umehémíe Ɔgúná uguá gibɛ́l, wenédíhémie gɔg súsɔ́n gég gá buŋaŋa. 15Nudiálinsan áneé duɔ́l duánɔ dúnyɛ maláŋ má Klístus a? Nnyɛ wa gɔ́l maláŋ má Klístus gá guéye mɔ́ maláŋ má giendéndi a? Búdibá nɔ́! 16Nudiálinsan áneé mɔndɔ usábídímɛn na giendéndi giá ugándɔ, ugányɛ nuɔ́l númomi neéneg a? Gá giagiá, bɔ́guɔya áneé: «Bem báandɛ bánábá mmegu imoómi.» 17Gɔgaá usábígɔ́d na Ɔgúná báganyɛ gileénde gímomi. 18Bínɔ́hɔ́nínɔ́n ɔmbɛ́d uhúnúágánaá biíle na biendéndi. Bilɔga ibiólbióndeé ibiɛ́ mɔndɔ uságual bídiébíŋen uguég guá nuɔ́l. Mɔndɔ uwalanɔ́ gilɔg giá ɔmbɛ́d, waábíala gilɔga uguég guá nuɔ́l mbánan. 19Ugúnya ana nudiálinsan áneé nuɔ́l nuánɔ núnyɛ idúl ihiɛ́ Gileénde giá Budányɛ, igínya uguánɔ guónonuólín agá Uhaluá a? Nudiéndebígimbe banuá mbánan. 20Uhaluá umɔnúɔnd biɔŋɔ́n gulal, umanúháŋ gánɔ gá buɔ́lɛ. Ánaá núbúlúgenye yɔ́ gɔg na nuɔ́l nuánɔ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល