Walumi 5
5
Kuwa na nt'hindiwalo na Mulungu
1Elo, kwavila chitogoligwa halongozi ha Mulungu kwa nzila ya kutogola, ivo china nt'hindiwalo na Mulungu kufosela Mndewa wetu Yesu Kilisito. 2Kwa kumtogola Yesu, Mulungu kachinkha ujomwa wake. Hata aluse chikugendelela kukala muujomwa uo. Ivo chikudenkhelela nkhani, kwavila chikulolela kuwa nachikale hamwe na ukulu wa Mulungu. 3Sio ayo muhala chikudenk'helela, bali vilavila chikudenk'helela muna mahenyeko kwavila chikumanya kuwa mahenyeko yakuchitenda chiwe wafinyilizi. 4Ufinyilizi ukuchitenda chigangamale na ugangamavu ukuchitenda chiwe na lolelo. 5Lolelo dino sio dya kuchiguma chinyala, kwavila Mulungu kachigidila ubwedo wake mmyoyo yetu kufosela Muhe wake achink'hile. 6Ivochikalile hachikudaha kuihonya wenyewe kwa chipindi chitogoligwe, Kilisito akadanganika kwaajili ya cheye chili na zambi. 7Ni ndala mnt'hu yoyote kudanganika kwaajili ya mnt'hu ajomwane halongozi ha Mulungu, mbali mnt'hu akudaha kugeza kudanganika kwaajili ya mnt'hu adamane. 8Mbali Mulungu kalagisa kuwa akuchibweda nk'hani, kwavila ivochikalile chink'hali china zambi, Kilisito akadanganika kwaajili yetu. 9Ivo kwavila haluse chitogoligwa halongozi ha Mulungu kufosela damu ya Kilisito. Ivo ikulagisa kuwa nachihonyigwe kulawa muna maya ya Mulungu kufosela yeye? 10Kwavila ivochikalile wanongwa wa Mulungu, chitendigwa kuwa wambuya zake kufosela kudanganika kwa mwanake, Vino chikawa wambuya wa Mulungu ivo nachihonyigwe kwavila Mulungu ni mgima. 11Sio ayo muhala, mbali vilavila chikundenk'helela kwa ayala atendile Mulungu kufosela Mndewa wetu Yesu Kilisito, achitendile kaidi chiwe wambuya wa Mulungu.
Adamu kachigalila kudanganika na Kilisito kachigalila ugima
12Zambi iingila muna isi kwa kufosela mnt'hu imwe, nayo ikachigalila kudanganika na kudanganika kukaenela kwa want'hu wose kwavila wose watenda zambi. 13Zambi ikala iyaho mui isi Malagilizo hayanalavigwa mui isi, zambi ikala iyaho, mbali ikawa habule malagilizo zambi haikumanyika kuwa zambi. 14Mbali kuandusa chipindi cha Adamu hadi chipindi cha Musa kudanganika kukala kutalamila kwa want'hu wose, hata wala hawatendile zambi ya kumuleka Mulungu na ila aitendile Adamu ya kumuleka Mulungu.
Adamu kakala mulinganyo wa ila akulonda kwiza. 15Mbali uhasanyi wa Adamu haukudaha kuliganyizigwa na ujomwa wa Mulungu, hata ikawa zambi ya mnt'hu imwe itenda want'hu wengi wadanganike, mbali kwa ujomwa wa mnt'hu imwe yaani Yesu Kilisito Mulungu kawaongezela want'hu ujomwa wake na chitumetume chake. 16Chitumetume cha Mulungu hachikulingana na zambi ya mnt'hu imwe, kwavila ulamuzi wiza kufosela kwa mnt'hu imwe na ikachigalila henyeko, mbali chitumetume cha Mulungu chiza kwa nzila ya uhasanyi mwingi chiutendile, na ikatenda Mulungu achihalavile zambi zetu. 17Kweli, kwa uhasanyi wa mnt'hu imwe, want'hu wakaandusa kudanganika kwa kufosela mnt'hu imwe. Mbali ikulagisa kuwa chila achitendile ila mnt'hu imwe yaani Yesu kilisito ni chikulu nk'hani. Want'hu wose wakuhokela ujomwa uo na kitumetume icho cha kutogoligwa halongozi ha Mulungu nawatalamile muugima kufosela mnt'hu imwe nae ni Yesu Kilisito. 18Gesavila zambi ya mnt'hu imwe ivo igalile ulamuzi kwa want'hu wose vilavila kwa mbuli idamane aitendile mnt'hu imwe ikuwenk'ha wose kutogoligwa halongozi ha Mulungu na kupata ugima. 19Kwa mnt'hu imwe kuleka kumuhulika Mulungu, want'hu wengi watendigwa kuwa wana zambi. Ivoivo kwa mnt'hu imwe amuhulikile Mulungu itenda want'hu wengi watogolwe halongozi ha Mulungu kwa mnt'hu imwe, kumuhulika Mulungu. 20Malagilizo ya Musa ivoyalawile, yakagala kuongezekela kwa zambi, mbali zambi ivoiyongezekele wende wa Mulungu ukaiyoha kuongezekela. 21Gesavila zambi ivoikalile na nguvu na kuwagalila want'hu kudanganika, ivoivo na ujomwa wa Mulungu ukuwatenda want'hu watogoligwe halongozi ha Mulungu na kuwagalila ugima wa siku zose kufosela Yesu Kilisito Mndewa wetu.
ទើបបានជ្រើសរើសហើយ៖
Walumi 5: DBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Dowe @The Word for The World International and Dowe Language translation. All rights reserved.
