Yohana 19
19
1Kamala Pilato akalagiliza wamsole Yesu na wamsapule. 2Nao waamizi wakaluka chigata cha miwa, wakamvika Yesu mmutwi na wakamvika nk'hanzu ya kimwene ya zambalau. 3Wakala wakukwela hala eli mui nyumba ya kimwene ulo kwa ulo, wakalonga, “Ndamsa mwene wa Wayahudi.” Kuno wakumtoa mank'huwa muuso. 4Pilato akalawa kaidi kunze akawalongela Wayahudi wakalile wafikana hala, “Loleni humulava kumwenu, ili mdahe kumanya kuwa nie sionile mbuli ihile.” 5Ivo elo, Yesu akalavigwa kunze akawa kavala kila chigata cha miwa na ula mwenda wa zambalau. Pilato akawalongela, “Loleni mnt'hu wenu ino hano.” 6Wala Vilongozi wa Walava nt'hambiko na wamizi wa Kaya ya Mulungu ivo wamwonile, wakalonga kwa sauti nk'hulu, “Muwambeni iyo! Muwambe!” Pilato akawalongela, “Msoleni mweye wenyewe mkamuwambe mumsalaba, nie sionile mbuli abanange ya kumulamula.” 7Wayahudi wakamulongela, “Cheye chinayo malagilizo na kulawana na malagilizo ayo, akulondigwa kudanganika kwa vila yeye kaitenda Mwana wa Mulungu.” 8Pilato ivo ahulikile ayo, akaogoha nk'hani. 9Niho Pilato akamsola Yesu akaingila nae mui nyumba, akamuuza Yesu, “Weye kulawahi?” Mbali Yesu halongile kint'hu. 10Pilato akamlongela, “Weye ukulema kulonga na nie? Hukumanya ya kuwa nina udahi wa kukulekela egu kukuwamba mumsalaba?” 11Aho Yesu akamulongela, “Weye hulondile kuwa na udahi wowote kumwangu ingi hwink'higwe kulawa kwa Mulungu. Ivoelo ila anigalile kumwako ana zambi nk'hulu nk'hani.” 12Kwandusila aho, Pilato kakala akulonda nzila ya kumulekela Yesu, mbali Wayahudi wakaongeza kuguta wakalonga, “Ukamulekela mnt'hu ino, weye sio mbuya wa Kaisali. Mnt'hu yoyose akuitenda kuwa ni mwene akumbela Kaisali mwene mkulu wa Loma.” 13Pilato ivo ahulikile mbuli izo, akamulava Yesu kaidi kunze akakala mchisumbi chake cha ulamuzi, hant'hu hakutangigwa “Sakafu ya ibwe.” Kwa Kibulania hakutangigwa Gabata. 14Iyo ikala siku ya Kuisasala na Pasaka iyo ikala gesa saa sita ya msanya. Pilato akawalongela Wayahudi, “Mwene wenu ino hano.” 15Wao wakaguta wakalonga, “Muhalave! Muhalave ukamuwambe.” Pilato akawauza, “vino nikamuwambe Mwene wenu?” Wala viongozi wa Walava nt'hambiko wakamulongela, “cheye chibule Mwene imwenga bali Kaisali.” 16Ivoelo, Pilato akamulava Yesu na akawenkha ili wakamuwambe.
Yesu akuwambwa mumsalaba
Matayo 27:32-44; Maliko 15:21-32; Luka 23:26-43
Niho wakamsola Yesu. 17Yesu akawa kaupapa msalaba wake, akalawa kwita hant'hu hakutangigwa, “Bela da mutwi.” Kwa kieblania hakutangwa Goligota. 18Aho ndo wamuwambile mumsalaba. Want'hu wamwenga waidi, wakawambigwa hamwenga nae, imwenga msalaba wake ukala ubanzi wa kumoso wa Yesu na imwenga msalaba wake ukala ubanzi wa kulume wa Yesu.
19Pilato akandika mchibao, “Yesu wa Nazaleti Mwene wa Wayahudi.” Akakigongomeka mchanya mumsalaba wa Yesu. 20Kwa vila hant'hu aho awambigwe Yesu hakala haguhi na Wayahudi wengi wakala wakusoma mandiko ayo, ya Kiebulani, Kiyunani na kilumi. 21Viongozi wa Walava nt'hambiko wakalema, wakamulongela Pilato, “Usekuandika Mwene wa Wayahudi.” Mbali andika kuwa, “Mnt'hu ino yeye kalonga ndo mwene wa Wayahudi.” 22Pilato akawalongela, “Niyandikile niyaandika.”
23Wamizi ivo wamalile kumuwamba Yesu mumsalaba, wakasola myenda yake wakaigawa malundo mane, kila mwamizi na lundo dyake. Mbali wakatogolelana wasekuidega ila nk'hanzu kwa vila ikala ishonigwa na kitambala kimwe kwandusila kuchanya hadi hasi. 24Wakalongelana, “Chisekuidega nk'hanzu ino mbali chisagule na chilamule naiwe ya niani.” Mbuli ino itendeka ili yalawila Maandiko ya Mulungu yalongile,
“Wakagawilana myenda yangu,
na mwenda wangu kwa simbi.” Ayo ndo wayatendile wala wamizi.
25Mda uo uo haguhi na msalaba wa Yesu wakala watimalala Mami yake, na mbudya wa Mami yake na Malia mke wa Kilopa na Malia wa kulawa Magidala. 26Yesu ivo amuonile Mami yake hant'hu hala hamwenga na ila Mwanahina ambwedile katimalala haguhi, akamlongela Mamiake, “Mama lola mwanako iyo aho.” 27Kamala Yesu akamulongela ila mwanahina, “Lola mami yako iyo aho.” Siku idyo idyo ila mwanahina akamsola Mami yake Yesu akaita nayo ukaya kumwake.
Yesu akudanganika
Matayo 27:45-56; Maliko 15:33-41; Luka 23:44-49
28Ivo yafosile ayo, Yesu kuno akamanya mbuli zimala, ili Maandiko yatimie, akalonga, “Huona nk'hilu.” 29Aho hakala na bakuli imemile siki. Ivo wakachofeka dodoki mui siki, wakaika mulumango wa mti wa hisopo, wakamuikila mmulomo. 30Yesu ivo ailanzile siki iyo, Yesu akalonga sank'hano imala. Akadulika mutwi wake hasi, akadanganika.
Yesu akutungigwa mkuki mulubavu
31Kwa vila ikala siku ya kuisasala na Pasaka, Wayahudi hawalondile mitufi isigale mumsalaba hadi siku ya Humulo, kwa vila siku iyo ya kuhumula ikala mchipindi cha Pasaka. Wayahudi wakamlomba Pilato alagilize migulu ya wala wawambiwe ibwenigwe, na mitufi yao isegezigwe mna imisalaba. 32Ivo elo, waamizi wakaita wakaibwena migulu ya mnt'hu wa mwanduso kuwambwa hamwenga Yesu na ila imwenga vila vila. 33Mbali ivo wafikile kwa Yesu, wakamuona kuwa kadanganika kale, ivo hawambwenile migulu yake. 34Mbali mwamizi imwenga wa wala waamizi akamtunga Yesu mkuki wa mulubavu, aho aho hakalawa damu na mazi. 35Mnt'hu aonile mbuli izo ndo alongile ayo, ili mweye mdahe kutogola. Na kulonga alongile ni kweli na akamanya kuwa akulonga ukweli. 36Mbuli zino zilawila ili Maandiko yadahe kutimia yala yalongile, “Habule hata vuha dyake dimwe dikulonda kubwenigwa.” 37Vila vila Andiko dimwenga dilonga, “Nawamulole ila wamtungile mkuki.”
Yesu akuzikigwa.
Matayo 27:57-61; Maliko 15:42-47; Luka 23:50-56
38Mbuli izo ivo zifosile, Josefu wa Alimataya, akalile akumtogola Yesu kwa kuifisa kwa kuwaogoha Wayahudi, akamulomba Pilato ausole mtufi wa Yesu. Pilato akamtogolela, ivo akaita akausola uo mtufi. 39Na Nikodemo ila haumwanduso kamwitila Yesu ichilo, akeza kagala mavuta yadamane yahanganywe na ubani ya uzamo wa kilo Salasini. 40Want'hu ao waidi wakausola mtufi wa Yesu, wakauzingiliza sanda kamala wakamuhaka yala mavuta, gesa ivo wazoele Wayahudi muukuzika. 41Hant'hu aho awambigwe Yesu hakala na busitani, na haguhi na muibusitani iyo hakala na kabuli dikalile mpya na habule mnt'hu azikigwe mdikabuli idyo. 42Ivo elo, kwa vila siku iyo ikala ni siku ya kuisasala na siku ya Kuhumula, na kwa vila kabuli dikala haguhi, wakamzika Yesu umo.
ទើបបានជ្រើសរើសហើយ៖
Yohana 19: DBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Dowe @The Word for The World International and Dowe Language translation. All rights reserved.
Yohana 19
19
1Kamala Pilato akalagiliza wamsole Yesu na wamsapule. 2Nao waamizi wakaluka chigata cha miwa, wakamvika Yesu mmutwi na wakamvika nk'hanzu ya kimwene ya zambalau. 3Wakala wakukwela hala eli mui nyumba ya kimwene ulo kwa ulo, wakalonga, “Ndamsa mwene wa Wayahudi.” Kuno wakumtoa mank'huwa muuso. 4Pilato akalawa kaidi kunze akawalongela Wayahudi wakalile wafikana hala, “Loleni humulava kumwenu, ili mdahe kumanya kuwa nie sionile mbuli ihile.” 5Ivo elo, Yesu akalavigwa kunze akawa kavala kila chigata cha miwa na ula mwenda wa zambalau. Pilato akawalongela, “Loleni mnt'hu wenu ino hano.” 6Wala Vilongozi wa Walava nt'hambiko na wamizi wa Kaya ya Mulungu ivo wamwonile, wakalonga kwa sauti nk'hulu, “Muwambeni iyo! Muwambe!” Pilato akawalongela, “Msoleni mweye wenyewe mkamuwambe mumsalaba, nie sionile mbuli abanange ya kumulamula.” 7Wayahudi wakamulongela, “Cheye chinayo malagilizo na kulawana na malagilizo ayo, akulondigwa kudanganika kwa vila yeye kaitenda Mwana wa Mulungu.” 8Pilato ivo ahulikile ayo, akaogoha nk'hani. 9Niho Pilato akamsola Yesu akaingila nae mui nyumba, akamuuza Yesu, “Weye kulawahi?” Mbali Yesu halongile kint'hu. 10Pilato akamlongela, “Weye ukulema kulonga na nie? Hukumanya ya kuwa nina udahi wa kukulekela egu kukuwamba mumsalaba?” 11Aho Yesu akamulongela, “Weye hulondile kuwa na udahi wowote kumwangu ingi hwink'higwe kulawa kwa Mulungu. Ivoelo ila anigalile kumwako ana zambi nk'hulu nk'hani.” 12Kwandusila aho, Pilato kakala akulonda nzila ya kumulekela Yesu, mbali Wayahudi wakaongeza kuguta wakalonga, “Ukamulekela mnt'hu ino, weye sio mbuya wa Kaisali. Mnt'hu yoyose akuitenda kuwa ni mwene akumbela Kaisali mwene mkulu wa Loma.” 13Pilato ivo ahulikile mbuli izo, akamulava Yesu kaidi kunze akakala mchisumbi chake cha ulamuzi, hant'hu hakutangigwa “Sakafu ya ibwe.” Kwa Kibulania hakutangigwa Gabata. 14Iyo ikala siku ya Kuisasala na Pasaka iyo ikala gesa saa sita ya msanya. Pilato akawalongela Wayahudi, “Mwene wenu ino hano.” 15Wao wakaguta wakalonga, “Muhalave! Muhalave ukamuwambe.” Pilato akawauza, “vino nikamuwambe Mwene wenu?” Wala viongozi wa Walava nt'hambiko wakamulongela, “cheye chibule Mwene imwenga bali Kaisali.” 16Ivoelo, Pilato akamulava Yesu na akawenkha ili wakamuwambe.
Yesu akuwambwa mumsalaba
Matayo 27:32-44; Maliko 15:21-32; Luka 23:26-43
Niho wakamsola Yesu. 17Yesu akawa kaupapa msalaba wake, akalawa kwita hant'hu hakutangigwa, “Bela da mutwi.” Kwa kieblania hakutangwa Goligota. 18Aho ndo wamuwambile mumsalaba. Want'hu wamwenga waidi, wakawambigwa hamwenga nae, imwenga msalaba wake ukala ubanzi wa kumoso wa Yesu na imwenga msalaba wake ukala ubanzi wa kulume wa Yesu.
19Pilato akandika mchibao, “Yesu wa Nazaleti Mwene wa Wayahudi.” Akakigongomeka mchanya mumsalaba wa Yesu. 20Kwa vila hant'hu aho awambigwe Yesu hakala haguhi na Wayahudi wengi wakala wakusoma mandiko ayo, ya Kiebulani, Kiyunani na kilumi. 21Viongozi wa Walava nt'hambiko wakalema, wakamulongela Pilato, “Usekuandika Mwene wa Wayahudi.” Mbali andika kuwa, “Mnt'hu ino yeye kalonga ndo mwene wa Wayahudi.” 22Pilato akawalongela, “Niyandikile niyaandika.”
23Wamizi ivo wamalile kumuwamba Yesu mumsalaba, wakasola myenda yake wakaigawa malundo mane, kila mwamizi na lundo dyake. Mbali wakatogolelana wasekuidega ila nk'hanzu kwa vila ikala ishonigwa na kitambala kimwe kwandusila kuchanya hadi hasi. 24Wakalongelana, “Chisekuidega nk'hanzu ino mbali chisagule na chilamule naiwe ya niani.” Mbuli ino itendeka ili yalawila Maandiko ya Mulungu yalongile,
“Wakagawilana myenda yangu,
na mwenda wangu kwa simbi.” Ayo ndo wayatendile wala wamizi.
25Mda uo uo haguhi na msalaba wa Yesu wakala watimalala Mami yake, na mbudya wa Mami yake na Malia mke wa Kilopa na Malia wa kulawa Magidala. 26Yesu ivo amuonile Mami yake hant'hu hala hamwenga na ila Mwanahina ambwedile katimalala haguhi, akamlongela Mamiake, “Mama lola mwanako iyo aho.” 27Kamala Yesu akamulongela ila mwanahina, “Lola mami yako iyo aho.” Siku idyo idyo ila mwanahina akamsola Mami yake Yesu akaita nayo ukaya kumwake.
Yesu akudanganika
Matayo 27:45-56; Maliko 15:33-41; Luka 23:44-49
28Ivo yafosile ayo, Yesu kuno akamanya mbuli zimala, ili Maandiko yatimie, akalonga, “Huona nk'hilu.” 29Aho hakala na bakuli imemile siki. Ivo wakachofeka dodoki mui siki, wakaika mulumango wa mti wa hisopo, wakamuikila mmulomo. 30Yesu ivo ailanzile siki iyo, Yesu akalonga sank'hano imala. Akadulika mutwi wake hasi, akadanganika.
Yesu akutungigwa mkuki mulubavu
31Kwa vila ikala siku ya kuisasala na Pasaka, Wayahudi hawalondile mitufi isigale mumsalaba hadi siku ya Humulo, kwa vila siku iyo ya kuhumula ikala mchipindi cha Pasaka. Wayahudi wakamlomba Pilato alagilize migulu ya wala wawambiwe ibwenigwe, na mitufi yao isegezigwe mna imisalaba. 32Ivo elo, waamizi wakaita wakaibwena migulu ya mnt'hu wa mwanduso kuwambwa hamwenga Yesu na ila imwenga vila vila. 33Mbali ivo wafikile kwa Yesu, wakamuona kuwa kadanganika kale, ivo hawambwenile migulu yake. 34Mbali mwamizi imwenga wa wala waamizi akamtunga Yesu mkuki wa mulubavu, aho aho hakalawa damu na mazi. 35Mnt'hu aonile mbuli izo ndo alongile ayo, ili mweye mdahe kutogola. Na kulonga alongile ni kweli na akamanya kuwa akulonga ukweli. 36Mbuli zino zilawila ili Maandiko yadahe kutimia yala yalongile, “Habule hata vuha dyake dimwe dikulonda kubwenigwa.” 37Vila vila Andiko dimwenga dilonga, “Nawamulole ila wamtungile mkuki.”
Yesu akuzikigwa.
Matayo 27:57-61; Maliko 15:42-47; Luka 23:50-56
38Mbuli izo ivo zifosile, Josefu wa Alimataya, akalile akumtogola Yesu kwa kuifisa kwa kuwaogoha Wayahudi, akamulomba Pilato ausole mtufi wa Yesu. Pilato akamtogolela, ivo akaita akausola uo mtufi. 39Na Nikodemo ila haumwanduso kamwitila Yesu ichilo, akeza kagala mavuta yadamane yahanganywe na ubani ya uzamo wa kilo Salasini. 40Want'hu ao waidi wakausola mtufi wa Yesu, wakauzingiliza sanda kamala wakamuhaka yala mavuta, gesa ivo wazoele Wayahudi muukuzika. 41Hant'hu aho awambigwe Yesu hakala na busitani, na haguhi na muibusitani iyo hakala na kabuli dikalile mpya na habule mnt'hu azikigwe mdikabuli idyo. 42Ivo elo, kwa vila siku iyo ikala ni siku ya kuisasala na siku ya Kuhumula, na kwa vila kabuli dikala haguhi, wakamzika Yesu umo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Dowe @The Word for The World International and Dowe Language translation. All rights reserved.