Yohana 18
18
Yesu akugwiligwa
Matayo 26:47-56; Maliko 14:43-50; Luka 22:47-53
1Yesu ivo akomeleze kulonga, akalawa hamwenga na wanahina wake akaita mwambo ya kolongo da Keduloni, hant'hu aho hakala hahandigwa miti ya mizaituni akaingila yeye na wanahina wake. 2Yuda, ila ambiduke Yesu, kakala kahamanya hant'hu aho, kwa vila mala nyingi Yesu kakala akwita uko na wanahina wake. 3Ivo, Yuda akasola pelela dya watoani wa kilumi na waamizi kulawa kwa wakulu wa walava nt'hambiko na Mafalisayo, akeza nao hala hahandigwa miti ya mizaituni kuno wakawa na vimuli na mawenge na vinthu vakutoanila. 4Yesu, kuno akumanya yose yakulonda kumulawila, akalawila akawauza, “Mkumulonda niani?” 5Ao wakamulongela, “Yesu wa Nazaleti!” Yesu akawalongela, “Nie niyo.” Na Yuda ila ambiduke Yesu kakala katimalala hamwenga nao. 6Yesu ivo awalongele, “Nie niyo.” Wakabwela kunyuma na wakagwa. 7Yesu akawauza kaidi, “Mkumulonda niani?” Wakamulongele “Yesu wa Nazaleti.” 8Yesu akawalongela, “Niwalongela kale kuwa nie niyo. Ivo elo, ikawa mkunilonda nie, huwalongeleni walekeni wano want'hu wahalawe.” 9Yesu kalonga ayo ili yadahe kulawila yala ayalongile, “Wala unink'hile simwazile hata imwe.” 10Saimoni ila Yesu amtangile Petulo kakala na panga, akadisomola mui yala yake, akamkant'ha gutwi dya kulume msank'hani wa mulava nt'hambiko mkulu. Msank'hani iyo kakala akutangigwa Maliko. 11Yesu akamulongela Petulo, “Panga dyako dibweleze mui yala yake. Vino, nisekufosela mahenyeko yala Tata alondile niyafosele?”
Yesu akugaligwa kwa mlava nt'hambiko Mkulu
12Kamala wala watoani hamwenga na kilongozi wawe na wamizi wa Kaya ya Mulungu wakamgwila Yesu, wakamfunga kwa ngozi, 13na wakamgala kwa Anasi, akalile mkoi wake Kayafa. Iyo kayafa kakala mulava nt'hambiko mkulu mwaka uo. 14Iyo Kayafa ndo akalile kawasongeza Wayahudi kuwa ikulondigwa mnt'hu imwe adanganike kwa ajili ya want'hu wengi.
Petulo akumulema Yesu
Matayo 26:69-70; Maliko 14:66-68; Luka 22:55-57
15Simoni Petulo hamwenga na mwanahina imwenga wakamkola Yesu. Iyo mwanahina imwenga kakala akumanyika kwa mlava nt'hambiko mkulu, akaingila hamwenga na Yesu mgati ya pologwa da mulava nt'hambiko mkulu. 16Mbali Petulo kakala katimalala kunze haguhi na lwivi. Aho ndo mwanahina imwenga akalile akumanyika nk'hani na mmulava nt'hambiko mkulu akalawa kunze na akalonga na mwanamke akalile akuwamila lwivi na akamtogolela Petulo aingile. 17Iyo mwanamke akamuuza Petulo, “Vino, na weye ni imwe wa wanahina wa mnt'hu ino?” Petulo akamlongela, “Nie sio mwanahina wake.” 18Wasank'hani na wamizi, wakala wakoleza moto kwa vila kukala na mp'heho, wakawa wakotela moto. Naye Petulo kakala katimalala hamwenga nao akotela moto.
Mlava nt'hambiko mkulu akumuuza Yesu
Matayo 26:59-66; Maliko 14:55-64; Luka 22:66-71
19Ivo elo, mlava nt'hambiko mkulu akamuuza Yesu mbuli za wanahina wake na kufunza kwake. 20Yesu akamulongela, “Nilonga na kila mnt'hu bila kufisa. Siku zose nikala hufunza mzikaya za kufikanila Wayahudi na kufugamalila na hai Kaya ya Mulungu hant'hu ambaho Wayahudi wose wakala wakuifika aho. 21Hangi ukuniuza nie? Wauze wala wanihulikile yala niwalongele ao wakumanya yala niyalongile.” 22Ivo amalile kulonga ayo mwamizi imwe akalile katimalala aho akamtoa Yesu nk'huwa muuso, kamala akalonga, “Vino, nivo ukumulongela mlava nt'hambiko mkulu?” 23Yesu akamulongela, ikawa nilonga mbuli ihile, lagisa iyo mbuli ihile nilongile, mbali ikawa nilonga mbuli ya kweli hangi mkunitoa? 24Kuno Yesu akawa kafungigwa ngozi niho Anasi akamgala kwa mulava nt'hambiko mkulu Kayafa.
Petulo akumulema kaidi Yesu
Matayo 26:71-75; Maliko 14:69-72; Luka 22:58-62
25Chipindi icho Petulo kakala katimalala aho akotela moto. Ivo elo wakamuuza, “Vino na weye ni imwenga wa Wanahina wake?” Yeye akabela akalonga, “Nie sio.” 26Imwenga wa watwana wa mlava nt'hambiko mkulu, ndugu wa ila akant'higwe gutwi na Petulo akamuuza, “Vino, weye sikuonile kula kuimiti ya mizaituni ukawa hamwenga nayo?” 27Petulo akalema kaidi, aho aho zogolo dikalila.
Yesu akugaligwa kwa Pilato
Matayo 27:1,2,11-14; Maliko 15:1-5; Luka 23:1-5
28Nalugunzu gunzu vilongozi wa Wayahudi wakamsola Yesu kulawa kwa Kayafa, na wakamgala kui kaya ya mwene wa Kilumi, nao ili wadahe kudya Pasaka, hawaingilile muikaya ya Pilato wasekwiza kuswela kutogoleligwa kumfugamalila Mulungu na kuswela kudya Pasaka. 29Ivo Pilato akawalawila kunze, akawauza, “Mkumchongea mnt'hu ino kwa mbuli ili abanange?” 30Wakamlongela, “Ingi hatendile ubananzi hachilondile kumgala kumwako.” 31Pilato akawalongela, “Haya, msoleni mweye mkamlamule kwa kukola Malagilizo yenu.” Wayahudi wakamulongela, “Cheye hachikulondigwa kumkoma mnt'hu yoyote.” 32Walonga ivo ili ulotezi aulongile Yesu ulawile wa kulagisa ni kudanganika kwa vili naadanganike. 33Ivo elo Pilato akaingila mgati ya zumba dya kimwene, akalagiliza Yesu agaligwe, akamuuza, “Weye ndo mwene wa Wayahudi?” 34Yesu akamulongela, “Vino, ukuuza mbuli iyo kwa kugesa weye egu want'hu wamwenga wakulongela mbuli zangu?” 35Pilato akamulongela, “Nie sio Muyahudi, want'hu wa isi yako na vilongozi wa walava nt'hambiko wakugala kumwangu, kubanangaki?” 36Yesu akalonga, Umwene wangu sio wa Isi ino. Umwene wangu ingi uwile wa Isi ino wasank'hani wangu ingi wanitowanile nisekugwiliga na vilongozi wa wayahudi. Mbali Umwene wangu sio wa isi ino. 37Pilato akamuuza, “Ivoelo, weye ni Mwene?” Yesu akamulongeala, “Weye ndo ukulonga kuwa nie ni ndo Mwene. Kwa mbuli ino nielekigwa, na kwa ajili ya dino niza mui Isi, ili niulonge ukweli. Mnt'hu yoyote wa kweli akuihulika sauti yangu.” 38Pilato akamuuza, “Ukweli ndo mbwani?”
Yesu akulamulwa kukomigwa
Matayo 27:15-31; Maliko 15:6-20; Luka 23:13-25
Ivo akomeleze kulonga ivo, Pilato akaita kunze kaidi, akawalongela Wayahudi wala wamgalile Yesu, akawalongela, “Sionile ubananzi wowote autendile mnt'hu ino.” 39Mbali mweye muna Malagilizo kuwa kipindi cha Pasaka nimulekele mfungwa imwe mkumulonda, ivo elo mkumulonda nimulekele ino mwene wa Wayahudi? 40Wao wakainula sauti wakalonga, “Sio mnt'hu ino, mbali mulekele Balaba.” Balaba kakala mbavi.
ទើបបានជ្រើសរើសហើយ៖
Yohana 18: DBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Dowe @The Word for The World International and Dowe Language translation. All rights reserved.
Yohana 18
18
Yesu akugwiligwa
Matayo 26:47-56; Maliko 14:43-50; Luka 22:47-53
1Yesu ivo akomeleze kulonga, akalawa hamwenga na wanahina wake akaita mwambo ya kolongo da Keduloni, hant'hu aho hakala hahandigwa miti ya mizaituni akaingila yeye na wanahina wake. 2Yuda, ila ambiduke Yesu, kakala kahamanya hant'hu aho, kwa vila mala nyingi Yesu kakala akwita uko na wanahina wake. 3Ivo, Yuda akasola pelela dya watoani wa kilumi na waamizi kulawa kwa wakulu wa walava nt'hambiko na Mafalisayo, akeza nao hala hahandigwa miti ya mizaituni kuno wakawa na vimuli na mawenge na vinthu vakutoanila. 4Yesu, kuno akumanya yose yakulonda kumulawila, akalawila akawauza, “Mkumulonda niani?” 5Ao wakamulongela, “Yesu wa Nazaleti!” Yesu akawalongela, “Nie niyo.” Na Yuda ila ambiduke Yesu kakala katimalala hamwenga nao. 6Yesu ivo awalongele, “Nie niyo.” Wakabwela kunyuma na wakagwa. 7Yesu akawauza kaidi, “Mkumulonda niani?” Wakamulongele “Yesu wa Nazaleti.” 8Yesu akawalongela, “Niwalongela kale kuwa nie niyo. Ivo elo, ikawa mkunilonda nie, huwalongeleni walekeni wano want'hu wahalawe.” 9Yesu kalonga ayo ili yadahe kulawila yala ayalongile, “Wala unink'hile simwazile hata imwe.” 10Saimoni ila Yesu amtangile Petulo kakala na panga, akadisomola mui yala yake, akamkant'ha gutwi dya kulume msank'hani wa mulava nt'hambiko mkulu. Msank'hani iyo kakala akutangigwa Maliko. 11Yesu akamulongela Petulo, “Panga dyako dibweleze mui yala yake. Vino, nisekufosela mahenyeko yala Tata alondile niyafosele?”
Yesu akugaligwa kwa mlava nt'hambiko Mkulu
12Kamala wala watoani hamwenga na kilongozi wawe na wamizi wa Kaya ya Mulungu wakamgwila Yesu, wakamfunga kwa ngozi, 13na wakamgala kwa Anasi, akalile mkoi wake Kayafa. Iyo kayafa kakala mulava nt'hambiko mkulu mwaka uo. 14Iyo Kayafa ndo akalile kawasongeza Wayahudi kuwa ikulondigwa mnt'hu imwe adanganike kwa ajili ya want'hu wengi.
Petulo akumulema Yesu
Matayo 26:69-70; Maliko 14:66-68; Luka 22:55-57
15Simoni Petulo hamwenga na mwanahina imwenga wakamkola Yesu. Iyo mwanahina imwenga kakala akumanyika kwa mlava nt'hambiko mkulu, akaingila hamwenga na Yesu mgati ya pologwa da mulava nt'hambiko mkulu. 16Mbali Petulo kakala katimalala kunze haguhi na lwivi. Aho ndo mwanahina imwenga akalile akumanyika nk'hani na mmulava nt'hambiko mkulu akalawa kunze na akalonga na mwanamke akalile akuwamila lwivi na akamtogolela Petulo aingile. 17Iyo mwanamke akamuuza Petulo, “Vino, na weye ni imwe wa wanahina wa mnt'hu ino?” Petulo akamlongela, “Nie sio mwanahina wake.” 18Wasank'hani na wamizi, wakala wakoleza moto kwa vila kukala na mp'heho, wakawa wakotela moto. Naye Petulo kakala katimalala hamwenga nao akotela moto.
Mlava nt'hambiko mkulu akumuuza Yesu
Matayo 26:59-66; Maliko 14:55-64; Luka 22:66-71
19Ivo elo, mlava nt'hambiko mkulu akamuuza Yesu mbuli za wanahina wake na kufunza kwake. 20Yesu akamulongela, “Nilonga na kila mnt'hu bila kufisa. Siku zose nikala hufunza mzikaya za kufikanila Wayahudi na kufugamalila na hai Kaya ya Mulungu hant'hu ambaho Wayahudi wose wakala wakuifika aho. 21Hangi ukuniuza nie? Wauze wala wanihulikile yala niwalongele ao wakumanya yala niyalongile.” 22Ivo amalile kulonga ayo mwamizi imwe akalile katimalala aho akamtoa Yesu nk'huwa muuso, kamala akalonga, “Vino, nivo ukumulongela mlava nt'hambiko mkulu?” 23Yesu akamulongela, ikawa nilonga mbuli ihile, lagisa iyo mbuli ihile nilongile, mbali ikawa nilonga mbuli ya kweli hangi mkunitoa? 24Kuno Yesu akawa kafungigwa ngozi niho Anasi akamgala kwa mulava nt'hambiko mkulu Kayafa.
Petulo akumulema kaidi Yesu
Matayo 26:71-75; Maliko 14:69-72; Luka 22:58-62
25Chipindi icho Petulo kakala katimalala aho akotela moto. Ivo elo wakamuuza, “Vino na weye ni imwenga wa Wanahina wake?” Yeye akabela akalonga, “Nie sio.” 26Imwenga wa watwana wa mlava nt'hambiko mkulu, ndugu wa ila akant'higwe gutwi na Petulo akamuuza, “Vino, weye sikuonile kula kuimiti ya mizaituni ukawa hamwenga nayo?” 27Petulo akalema kaidi, aho aho zogolo dikalila.
Yesu akugaligwa kwa Pilato
Matayo 27:1,2,11-14; Maliko 15:1-5; Luka 23:1-5
28Nalugunzu gunzu vilongozi wa Wayahudi wakamsola Yesu kulawa kwa Kayafa, na wakamgala kui kaya ya mwene wa Kilumi, nao ili wadahe kudya Pasaka, hawaingilile muikaya ya Pilato wasekwiza kuswela kutogoleligwa kumfugamalila Mulungu na kuswela kudya Pasaka. 29Ivo Pilato akawalawila kunze, akawauza, “Mkumchongea mnt'hu ino kwa mbuli ili abanange?” 30Wakamlongela, “Ingi hatendile ubananzi hachilondile kumgala kumwako.” 31Pilato akawalongela, “Haya, msoleni mweye mkamlamule kwa kukola Malagilizo yenu.” Wayahudi wakamulongela, “Cheye hachikulondigwa kumkoma mnt'hu yoyote.” 32Walonga ivo ili ulotezi aulongile Yesu ulawile wa kulagisa ni kudanganika kwa vili naadanganike. 33Ivo elo Pilato akaingila mgati ya zumba dya kimwene, akalagiliza Yesu agaligwe, akamuuza, “Weye ndo mwene wa Wayahudi?” 34Yesu akamulongela, “Vino, ukuuza mbuli iyo kwa kugesa weye egu want'hu wamwenga wakulongela mbuli zangu?” 35Pilato akamulongela, “Nie sio Muyahudi, want'hu wa isi yako na vilongozi wa walava nt'hambiko wakugala kumwangu, kubanangaki?” 36Yesu akalonga, Umwene wangu sio wa Isi ino. Umwene wangu ingi uwile wa Isi ino wasank'hani wangu ingi wanitowanile nisekugwiliga na vilongozi wa wayahudi. Mbali Umwene wangu sio wa isi ino. 37Pilato akamuuza, “Ivoelo, weye ni Mwene?” Yesu akamulongeala, “Weye ndo ukulonga kuwa nie ni ndo Mwene. Kwa mbuli ino nielekigwa, na kwa ajili ya dino niza mui Isi, ili niulonge ukweli. Mnt'hu yoyote wa kweli akuihulika sauti yangu.” 38Pilato akamuuza, “Ukweli ndo mbwani?”
Yesu akulamulwa kukomigwa
Matayo 27:15-31; Maliko 15:6-20; Luka 23:13-25
Ivo akomeleze kulonga ivo, Pilato akaita kunze kaidi, akawalongela Wayahudi wala wamgalile Yesu, akawalongela, “Sionile ubananzi wowote autendile mnt'hu ino.” 39Mbali mweye muna Malagilizo kuwa kipindi cha Pasaka nimulekele mfungwa imwe mkumulonda, ivo elo mkumulonda nimulekele ino mwene wa Wayahudi? 40Wao wakainula sauti wakalonga, “Sio mnt'hu ino, mbali mulekele Balaba.” Balaba kakala mbavi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Dowe @The Word for The World International and Dowe Language translation. All rights reserved.