oLuka 14
14
Oyesu do ongo oye ogege eno ko minyo
1Eno ko Minyo oye, Oyesu go ole ko oteyi ka Awofarisi ko ga roza, kweyi ase kpi iyi kwo. 2Ebeni obutu nu ongo oye gbo ose ki ikpo kpa abo myomyi. 3Oyesu da Awofarisi kpa awofono oka mo, <<Ono kamo an da ase ogege Eno ko Minyo kwe an ka da awa lo?>> 4Awa ke ko ojije lo. Ebeni obyo ongo ni kweyi oda nu ogege kweyi omo ona ga nu.
5Ebeni oduwo oka mo, <<Ano ipu kala ni oyi nu kwe ena nu gbo go ogo ki inyo Eno ko Minyo kweyi ya yo ngma lo?>> 6Kweyi agege ko ojije lo.
Ikweyi Bagye kpo Omaba Neshi
7Ni Oyesu ma awase shishini ni apawa ko ga roza ga bagye oka ka anyakwase ni, okelase mani dawa: 8<<Ishini ashe pawo gebe kimya ko onyape, ka ga yagye oka ka onyakwase lo, ikweyi koni ase ni ke awo ni ki ke ashe ni ki sho ni. 9Owoni olemani, ase ni ke ala ni wa ka da awo mo, <Nyiso sho oka wo do ongo mani.> Kweyi oya gbo owuru koni oya ga zo oka leke ni. 10Owoni ake ke awo, ga zo oka leke, koni ase ni ke awo ni wa ka da awo mo, <Oya, nyiso ga yagye oka ka anyakwase.> Ebeni awogboga ni be ebe ni ba mo gyiyi. 11Koni ase ni zi iyinu iso, aba zo wo ojije lo, ase ni ke yikweyi bagye, aba zo iso.>>
12Ebeni Oyesu ka da ase ni ke anu ni mo, <<Owoni oya ke ase ko roza kwi imya, ka ke awoya wo kwa ayene wo kwa ase ki ipwoma wo kwo oya kobagye wo ni gbo odu ni; owoni oya mani, awa ki bawa pawo eno oye shini ana suwore. 13Owoni oke ya ke ase ki imya, opa awoleha, awowinyi, awopyepu agye kpa awofiyi, 14bwe ebe koni oya pya aboneshi. Ikweyi koni awa mani ba gege ko sore lo Owuso ya sa aboneshi ki ya da awo abola eno ni aseneshi ba nyiso amiri ni.>>
Elase Ikweyi ki Imya Nyakwu
(oMatiyu 22.1-10)
15Ishini oye ipu kawase ni bagye oka kpa anu pwe ela mani ni, oka do Oyesu mo, <<Otunehe yo kpase ni wa roza ki imya obula ko Owuso ni.>>
16Oyesu kyogwu mo, <<Ongo oye yi imya nyakwu kweyi pe ewa ka asuse nwashika. 17Ni ishi ki imya gye ni, oto oyole nu oleho ebe kawase ni opawa ni mo, <Ala wa, ojoji kpiri ya wa.>
18Kpiri wa ke kwotu ko nyepwo. Akikyikyo kamo, <N re eho anana mani yoma, nyya yimu ko ga gyo ma. Nyya bo mo gbotu mene kpa ami.>
19<<Ashe hoha kamo, <N re ena eho ko sheho anamani yoma, nyyo owe ko ga mabo awa ma. Nyya bo mo gbotu mene kpa ami.>
20<<Kwikyikyeni ashe hoha ki kamo, <N gbo onya pepe kin yoma, nyya gege ya wa lo.>
21<<Oyole mani kwikye ga ka da adole nu oza ni aka ni. Ebeni otu ka adole nu bya kweyi oka do nu mo, <Nyiso papa gi ikweyi ko owe kpo obepa ko ogya ga kpa awoleha, awowinyi, awofiyi kpa awopyepu agye wa.>
22Oyole nu kamo, <<<Adole,> oza ni akamo naya ni nyya wa, kwikyikyeni ebe ke shishini.>
23<<Ebeni adole mani ka do oyole nu mo, <Bose gi ikweyi ko owe leke kpo onyakwu kweyi oka dawa na wa shini ole hin na nwu. 24Nyya kadala, ashishe ipu kawase ni npawa kikyikyo ni ya mo onye ko ozarore ki imya ni nyya mani lo.>>>
Enu ko gboso Oyesu
(oMatiyu 10.37-38)
25Ishini Oyesu yipu ki iyawu kpe ewa ka asuse ba ga ni, opyiyi kweyi ka da awa mo: 26<<Kpiri kase ni we ebe hin kweyi tela ka ada nu, kpi inanu, kpo onyanu, kpa ayinu, ayinanu nongo kpo nonya, kpo olayi nu lo, oya wi inogbosun lo. 27Kweyi kpiri kase ni ngo oshi nu kweyi ka ami lo, oya wi inogbosun lo.
28<<Ana mo ashe ipu kala ya yimu ko mo oda ki iso. Ikyikyo oya yagye ya to oza ni ole ni ya kwu shini ona ma kwe ikwiri ni ogbo ni ya gye ko yo ole kweyi ome lo? 29Owoni okwagye ko oda kweyi ogege ko kweyi lo, kpiri kase ni ma aba ye eye, 30aba kamo, <Ongo mani kwagye kole oke gege ko kweyi lo.>
31<<Kwo ose wonya ni ya yimu ko ga kpefu kpo ose oye kweyi ya yagye ya arisawu ikweyi ka adakare okpakwu igwo ni ogbo ni kwe aba gege ko kpefu kpo ose ni gba adakare okpakwu awepa ni ome lo? 32Owoni oya gege lo, bwi ishini atayayo be ebe lenu ni oya tayoleho nu oleho shini ana ga tikpo ko owe ko bagye ko mene. 33Mamani kpiri kase ni sho oza ni ogbo ni bita lo, oya wi inogbosun lo.>>
Onwa ni Nyeba ni
(oMatiyu 5.13; oMak 9.50)
34<<Onwa shoshi, owoni onye ko onwa ke nyeba, oya wo onwa ke? 35Ogbo oko oyoye eho ke lo, oya wo otakyi lo, aba yi shonu kin la.
<<Ase ni gba akpaha ko pwo na pwo.>>
ទើបបានជ្រើសរើសហើយ៖
oLuka 14: ALA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
THE WORD FOR THE WORLD INTERNATIONAL, THE WORD FOR THE WORLD NIGERIA
oLuka 14
14
Oyesu do ongo oye ogege eno ko minyo
1Eno ko Minyo oye, Oyesu go ole ko oteyi ka Awofarisi ko ga roza, kweyi ase kpi iyi kwo. 2Ebeni obutu nu ongo oye gbo ose ki ikpo kpa abo myomyi. 3Oyesu da Awofarisi kpa awofono oka mo, <<Ono kamo an da ase ogege Eno ko Minyo kwe an ka da awa lo?>> 4Awa ke ko ojije lo. Ebeni obyo ongo ni kweyi oda nu ogege kweyi omo ona ga nu.
5Ebeni oduwo oka mo, <<Ano ipu kala ni oyi nu kwe ena nu gbo go ogo ki inyo Eno ko Minyo kweyi ya yo ngma lo?>> 6Kweyi agege ko ojije lo.
Ikweyi Bagye kpo Omaba Neshi
7Ni Oyesu ma awase shishini ni apawa ko ga roza ga bagye oka ka anyakwase ni, okelase mani dawa: 8<<Ishini ashe pawo gebe kimya ko onyape, ka ga yagye oka ka onyakwase lo, ikweyi koni ase ni ke awo ni ki ke ashe ni ki sho ni. 9Owoni olemani, ase ni ke ala ni wa ka da awo mo, <Nyiso sho oka wo do ongo mani.> Kweyi oya gbo owuru koni oya ga zo oka leke ni. 10Owoni ake ke awo, ga zo oka leke, koni ase ni ke awo ni wa ka da awo mo, <Oya, nyiso ga yagye oka ka anyakwase.> Ebeni awogboga ni be ebe ni ba mo gyiyi. 11Koni ase ni zi iyinu iso, aba zo wo ojije lo, ase ni ke yikweyi bagye, aba zo iso.>>
12Ebeni Oyesu ka da ase ni ke anu ni mo, <<Owoni oya ke ase ko roza kwi imya, ka ke awoya wo kwa ayene wo kwa ase ki ipwoma wo kwo oya kobagye wo ni gbo odu ni; owoni oya mani, awa ki bawa pawo eno oye shini ana suwore. 13Owoni oke ya ke ase ki imya, opa awoleha, awowinyi, awopyepu agye kpa awofiyi, 14bwe ebe koni oya pya aboneshi. Ikweyi koni awa mani ba gege ko sore lo Owuso ya sa aboneshi ki ya da awo abola eno ni aseneshi ba nyiso amiri ni.>>
Elase Ikweyi ki Imya Nyakwu
(oMatiyu 22.1-10)
15Ishini oye ipu kawase ni bagye oka kpa anu pwe ela mani ni, oka do Oyesu mo, <<Otunehe yo kpase ni wa roza ki imya obula ko Owuso ni.>>
16Oyesu kyogwu mo, <<Ongo oye yi imya nyakwu kweyi pe ewa ka asuse nwashika. 17Ni ishi ki imya gye ni, oto oyole nu oleho ebe kawase ni opawa ni mo, <Ala wa, ojoji kpiri ya wa.>
18Kpiri wa ke kwotu ko nyepwo. Akikyikyo kamo, <N re eho anana mani yoma, nyya yimu ko ga gyo ma. Nyya bo mo gbotu mene kpa ami.>
19<<Ashe hoha kamo, <N re ena eho ko sheho anamani yoma, nyyo owe ko ga mabo awa ma. Nyya bo mo gbotu mene kpa ami.>
20<<Kwikyikyeni ashe hoha ki kamo, <N gbo onya pepe kin yoma, nyya gege ya wa lo.>
21<<Oyole mani kwikye ga ka da adole nu oza ni aka ni. Ebeni otu ka adole nu bya kweyi oka do nu mo, <Nyiso papa gi ikweyi ko owe kpo obepa ko ogya ga kpa awoleha, awowinyi, awofiyi kpa awopyepu agye wa.>
22Oyole nu kamo, <<<Adole,> oza ni akamo naya ni nyya wa, kwikyikyeni ebe ke shishini.>
23<<Ebeni adole mani ka do oyole nu mo, <Bose gi ikweyi ko owe leke kpo onyakwu kweyi oka dawa na wa shini ole hin na nwu. 24Nyya kadala, ashishe ipu kawase ni npawa kikyikyo ni ya mo onye ko ozarore ki imya ni nyya mani lo.>>>
Enu ko gboso Oyesu
(oMatiyu 10.37-38)
25Ishini Oyesu yipu ki iyawu kpe ewa ka asuse ba ga ni, opyiyi kweyi ka da awa mo: 26<<Kpiri kase ni we ebe hin kweyi tela ka ada nu, kpi inanu, kpo onyanu, kpa ayinu, ayinanu nongo kpo nonya, kpo olayi nu lo, oya wi inogbosun lo. 27Kweyi kpiri kase ni ngo oshi nu kweyi ka ami lo, oya wi inogbosun lo.
28<<Ana mo ashe ipu kala ya yimu ko mo oda ki iso. Ikyikyo oya yagye ya to oza ni ole ni ya kwu shini ona ma kwe ikwiri ni ogbo ni ya gye ko yo ole kweyi ome lo? 29Owoni okwagye ko oda kweyi ogege ko kweyi lo, kpiri kase ni ma aba ye eye, 30aba kamo, <Ongo mani kwagye kole oke gege ko kweyi lo.>
31<<Kwo ose wonya ni ya yimu ko ga kpefu kpo ose oye kweyi ya yagye ya arisawu ikweyi ka adakare okpakwu igwo ni ogbo ni kwe aba gege ko kpefu kpo ose ni gba adakare okpakwu awepa ni ome lo? 32Owoni oya gege lo, bwi ishini atayayo be ebe lenu ni oya tayoleho nu oleho shini ana ga tikpo ko owe ko bagye ko mene. 33Mamani kpiri kase ni sho oza ni ogbo ni bita lo, oya wi inogbosun lo.>>
Onwa ni Nyeba ni
(oMatiyu 5.13; oMak 9.50)
34<<Onwa shoshi, owoni onye ko onwa ke nyeba, oya wo onwa ke? 35Ogbo oko oyoye eho ke lo, oya wo otakyi lo, aba yi shonu kin la.
<<Ase ni gba akpaha ko pwo na pwo.>>
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
THE WORD FOR THE WORLD INTERNATIONAL, THE WORD FOR THE WORLD NIGERIA