oLuka 13
13
Shagbotu kwe Ogekwu
1Ishi oni ashishini kase ni bebeni ka do Oyesu oshu ikweyi kase ko Ogalili ni Obilatus ngmuwa ishini aba peshi do Owuso ni. 2Oyesu kyogwu mo, <<Koni angma ase ko Ogalili mani ni, asha ase ko Ogalili shishini kpo ozalabi ona? 3Aayi! Nyya ka dala, owoni ala shagbotu ikweyi ko ozalabi kala lo, kpiri kala ba gekwu bya awa ni. 4Kwa ase igwahata ni oda ki iso sa shuwa Osiluwa kweyi yuwa ngmo ni, ala ba ma mo asha ase shishini ko Ojerusele kpiri kpo ozalabi la? 5Aayi! Nyya kadala, owoni ala shagbotu ikweyi ko ozalabi kala lo, kpiri kala ba gekwu bya awa ni.>>
Elase ikweyi ko odegyo ni gwa lo ni
6Oyesu kelase da awa mo, <<Ongo oye te efu ko ofigi ipu ke eho ki inabi nu. Oga ko wo ogwogwa nu, oke pye kwo oye lo. 7Ebeni oka do ongo ni ya yi iyi kwe eho ni mo, <Ma, ishayi eta ikyeni yoma ni nyya wa tikpo ko ogwogwa ke efu ko ofigi, nke ya pyo ojije ipu nu lo. Yi go! Ikweyi koji ni ayumo okpagye gwu?>
8Ine ko yi iyi kwe eho ke kyogwu mo, <Adole, ana shobita nagye ipu ki ishayi mani, kweyi na bwogo gyehe to kweyi na sho otakyi. 9Owoni ogwa ishayi ni ya wa ni oshoshi! Owoni ogwa lo ke, ana yi go tonu.>>>
Oyesu do Onya ni Winyi ni Ogege Eno ko Ominyo
10Eno ko Minyo Oyesu ya foza ipu ke ekpa oye, 11kweyi onya oye ni omaku bibi yo winyi ki ishayi igwahata, oyo tokoka kweyi ya gege ko nata lo. 12Ishini Oyesu mo ni, oyogwu mo, <<Onya, ada wo ogege.>> 13Ebeni oya abo nu si ikweyi, ebebeni opyo ogege kweyi osho Owuso iye.
14Oteyi ke ekpa ke kyanya koni Oyesu da ano ogege Eno ko Minyo ni. Oka da ase ni be ebeni ni mo, <<Agbe eno ihiri ni shu ko yo oko ni, ala wa ipu ka aweno mani shini ana da ala ogege, ke we Eno ko Minyo lalo.>>
15Adole ka da anu mo, <<Ala awoyoziyi! Anoho ipu kala ya ye ena kwe odagyi nu yayi kweyi ya byo ge ebe ko gwinyo Eno ko Minyo lo? 16Onya mani bwi ipwoma ki Ibirayi ni Ibiri yo gbo ishayi igwahata ikyeni ni, oya shoshi shini ana yoyi Eno ko Minyo lo?>>
17Ishini okela ni ni, omonyekwotu nu kpiri yi iweyi. Ashishini kase ke shotunehe kpa awoza ki igbashi ni oya ya ni.
Elase Ikweyi ki Ikpo ko Omosta
(oMatiyu 13.31-32; oMak 4.30-32)
18Ebeni Oyesu do oka mo, <<Obula ko Owuso lebyo oji? Kwe oji ni nyya myo kpa anu? 19Olema byi ikpo ko omusta ni ongo oye ze kweyi tu eho nu ni. Obwu kweyi gye we efu, kweyi awigbano kiso ba lole ayabo nu.>>
Elase ikweyi ko Oyisi
(oMatiyu 13.33)
20Oki do oka mo, <<Nyya myo obula ko Owuso kpo oji? 21Olema byo oyisi gbayayi ni onya yi kwabo kpo omu nwashika, gbi ishini onu,>>
Ala Gipu ko Owe Pyopyi
(oMatiyu 7.13,14,21-23)
22Ebeni Oyesu bwa awogya leke kpa awonyakwu kweyi ya foza ishini oya go Ojerusele ni 23Ashe do oka mo, <<Adole, ase gbayayi pini aba wa ngma awa la?
Oka da awa mo, 24<<Ala takirikwu shini ala bwofunu pyopyi, nyya kadala, ase lewa ba takirikwu ko bwa anu, aba gege lo. 25Owoni adole wa yofunu gwu, ala ba hagye ese ba gwofunu ki ya shagye mo, <Adole, gwofunu daha.>
<<Anu ke ya ka mo, <Ngya ala lo, nki gye ebe ni ala bwa anu wa lo.>
26Ebeni ala ba kamo, <Aha re ki gwa kpa awo, kweyi oki foza ikweyi ko owe ka.>
27<<Anu ke ya kamo, <Ngya ala lo, kwe ebenya ni ala bwa anu wa. Ala shaga sho obutun ala ase bibi!>
28<<Ebeni ala ba kyegba ba shabo ahanu, ishini ala mi Ibirayi kpi Ishakwu kpo Oyakubu kpa awobane kpiri ipu ko obula ko Owuso, ala ke aba ya ala ta ge ese. 29Ase ba wa bwa ohanokyi kpe eye kpa abwi iso kpo onose, kweyi ba wa ze ebe ko yagye wa ebe ki imya obula ko Owuso. 30Ebeni awase ni wa ko gwejeji ba wa kikyikyo, kikyikyo ba wa ko gwejeji.>>
Oyesu Byotu do Ojerusele
(oMatiyu 23.37-39)
31Ishi oni ashishi ka Awofarisi we ebe ko Oyesu kweyi ka da anu mo, <<She ebeni bita shini oge ebye. Ohiridus ya yimu ko yo ngmo.>>
32Okyogwu mo, <<Ala ga ka de iwo ka apashi oni mo, <Nyya ngmo omaku bibi ki ya da ase ogege ikyeni kpo okyi kweyi eno ko omweta nyya yo oko hin kweyi.> 33Owotiri shini na go ohobu kpi iyawu hin ikyeni, okyi kpi ikyiyo, ikweyi koni inobane ya gekwu ebyibye lo so Ojerusele!
34<<Aye, Ojerusele, Ojerusele! Ala ni ngma awinobane ki ta awase ni atuwo oleho ebe kala ni akyo! Igbe maa ni nyya yimu ko kpa ayi kala tukpa byo ni ogwu yaya akya ka ayi nu ni, ala ke tela ko ya mani! 35Ma! Nabani asho ole kala bita gba ashishe lo. Nyya kadala, ala ba mun kelo gbishini ala ba kamo, <Otunehe yo kpase ni wa ipu ki iye ka Adole.>>>
ទើបបានជ្រើសរើសហើយ៖
oLuka 13: ALA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
THE WORD FOR THE WORLD INTERNATIONAL, THE WORD FOR THE WORLD NIGERIA
oLuka 13
13
Shagbotu kwe Ogekwu
1Ishi oni ashishini kase ni bebeni ka do Oyesu oshu ikweyi kase ko Ogalili ni Obilatus ngmuwa ishini aba peshi do Owuso ni. 2Oyesu kyogwu mo, <<Koni angma ase ko Ogalili mani ni, asha ase ko Ogalili shishini kpo ozalabi ona? 3Aayi! Nyya ka dala, owoni ala shagbotu ikweyi ko ozalabi kala lo, kpiri kala ba gekwu bya awa ni. 4Kwa ase igwahata ni oda ki iso sa shuwa Osiluwa kweyi yuwa ngmo ni, ala ba ma mo asha ase shishini ko Ojerusele kpiri kpo ozalabi la? 5Aayi! Nyya kadala, owoni ala shagbotu ikweyi ko ozalabi kala lo, kpiri kala ba gekwu bya awa ni.>>
Elase ikweyi ko odegyo ni gwa lo ni
6Oyesu kelase da awa mo, <<Ongo oye te efu ko ofigi ipu ke eho ki inabi nu. Oga ko wo ogwogwa nu, oke pye kwo oye lo. 7Ebeni oka do ongo ni ya yi iyi kwe eho ni mo, <Ma, ishayi eta ikyeni yoma ni nyya wa tikpo ko ogwogwa ke efu ko ofigi, nke ya pyo ojije ipu nu lo. Yi go! Ikweyi koji ni ayumo okpagye gwu?>
8Ine ko yi iyi kwe eho ke kyogwu mo, <Adole, ana shobita nagye ipu ki ishayi mani, kweyi na bwogo gyehe to kweyi na sho otakyi. 9Owoni ogwa ishayi ni ya wa ni oshoshi! Owoni ogwa lo ke, ana yi go tonu.>>>
Oyesu do Onya ni Winyi ni Ogege Eno ko Ominyo
10Eno ko Minyo Oyesu ya foza ipu ke ekpa oye, 11kweyi onya oye ni omaku bibi yo winyi ki ishayi igwahata, oyo tokoka kweyi ya gege ko nata lo. 12Ishini Oyesu mo ni, oyogwu mo, <<Onya, ada wo ogege.>> 13Ebeni oya abo nu si ikweyi, ebebeni opyo ogege kweyi osho Owuso iye.
14Oteyi ke ekpa ke kyanya koni Oyesu da ano ogege Eno ko Minyo ni. Oka da ase ni be ebeni ni mo, <<Agbe eno ihiri ni shu ko yo oko ni, ala wa ipu ka aweno mani shini ana da ala ogege, ke we Eno ko Minyo lalo.>>
15Adole ka da anu mo, <<Ala awoyoziyi! Anoho ipu kala ya ye ena kwe odagyi nu yayi kweyi ya byo ge ebe ko gwinyo Eno ko Minyo lo? 16Onya mani bwi ipwoma ki Ibirayi ni Ibiri yo gbo ishayi igwahata ikyeni ni, oya shoshi shini ana yoyi Eno ko Minyo lo?>>
17Ishini okela ni ni, omonyekwotu nu kpiri yi iweyi. Ashishini kase ke shotunehe kpa awoza ki igbashi ni oya ya ni.
Elase Ikweyi ki Ikpo ko Omosta
(oMatiyu 13.31-32; oMak 4.30-32)
18Ebeni Oyesu do oka mo, <<Obula ko Owuso lebyo oji? Kwe oji ni nyya myo kpa anu? 19Olema byi ikpo ko omusta ni ongo oye ze kweyi tu eho nu ni. Obwu kweyi gye we efu, kweyi awigbano kiso ba lole ayabo nu.>>
Elase ikweyi ko Oyisi
(oMatiyu 13.33)
20Oki do oka mo, <<Nyya myo obula ko Owuso kpo oji? 21Olema byo oyisi gbayayi ni onya yi kwabo kpo omu nwashika, gbi ishini onu,>>
Ala Gipu ko Owe Pyopyi
(oMatiyu 7.13,14,21-23)
22Ebeni Oyesu bwa awogya leke kpa awonyakwu kweyi ya foza ishini oya go Ojerusele ni 23Ashe do oka mo, <<Adole, ase gbayayi pini aba wa ngma awa la?
Oka da awa mo, 24<<Ala takirikwu shini ala bwofunu pyopyi, nyya kadala, ase lewa ba takirikwu ko bwa anu, aba gege lo. 25Owoni adole wa yofunu gwu, ala ba hagye ese ba gwofunu ki ya shagye mo, <Adole, gwofunu daha.>
<<Anu ke ya ka mo, <Ngya ala lo, nki gye ebe ni ala bwa anu wa lo.>
26Ebeni ala ba kamo, <Aha re ki gwa kpa awo, kweyi oki foza ikweyi ko owe ka.>
27<<Anu ke ya kamo, <Ngya ala lo, kwe ebenya ni ala bwa anu wa. Ala shaga sho obutun ala ase bibi!>
28<<Ebeni ala ba kyegba ba shabo ahanu, ishini ala mi Ibirayi kpi Ishakwu kpo Oyakubu kpa awobane kpiri ipu ko obula ko Owuso, ala ke aba ya ala ta ge ese. 29Ase ba wa bwa ohanokyi kpe eye kpa abwi iso kpo onose, kweyi ba wa ze ebe ko yagye wa ebe ki imya obula ko Owuso. 30Ebeni awase ni wa ko gwejeji ba wa kikyikyo, kikyikyo ba wa ko gwejeji.>>
Oyesu Byotu do Ojerusele
(oMatiyu 23.37-39)
31Ishi oni ashishi ka Awofarisi we ebe ko Oyesu kweyi ka da anu mo, <<She ebeni bita shini oge ebye. Ohiridus ya yimu ko yo ngmo.>>
32Okyogwu mo, <<Ala ga ka de iwo ka apashi oni mo, <Nyya ngmo omaku bibi ki ya da ase ogege ikyeni kpo okyi kweyi eno ko omweta nyya yo oko hin kweyi.> 33Owotiri shini na go ohobu kpi iyawu hin ikyeni, okyi kpi ikyiyo, ikweyi koni inobane ya gekwu ebyibye lo so Ojerusele!
34<<Aye, Ojerusele, Ojerusele! Ala ni ngma awinobane ki ta awase ni atuwo oleho ebe kala ni akyo! Igbe maa ni nyya yimu ko kpa ayi kala tukpa byo ni ogwu yaya akya ka ayi nu ni, ala ke tela ko ya mani! 35Ma! Nabani asho ole kala bita gba ashishe lo. Nyya kadala, ala ba mun kelo gbishini ala ba kamo, <Otunehe yo kpase ni wa ipu ki iye ka Adole.>>>
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
THE WORD FOR THE WORLD INTERNATIONAL, THE WORD FOR THE WORLD NIGERIA