oLuka 15
15
Elase Ikweyi ko Otukpo ni Gebi ni
(oMatiyu 18.12-14)
1Eno oye awozegba kpa awinozalabi wa shogba to Oyesu shini ana foza ni oya ka ni. 2Awofarisi kpa awofono ke ba lo okwunu agye mo, <<Ongo mani ya yagye kpa awinozalabi kweyi ki ya roza kpa awa.>>
3Ebeni Oyesu kelase mani da awa mo: 4<<Owoni ashe ipu kala gbo otukpo ogbogbo oye kweyi oye ipu wa gebi, oya gege ko sha awahane ayahane bita ikpokyi kweyi ga labo ko oye ni gebi ni lo? 5Owoni opyo, oya shotunehe kweyi yayo ya so oko 6kweyi ya go ole. Ebeni oya ya awoya nu kpa awase ni bagye kwo ni ogwu wa bagye kweyi oya ka da awa mo, <Ala shotunehe kpami, npyo otukpo hin ni gebi ni.> 7Nyya kadala mo mamani ase ba shotunehe ole kiso ikweyi ki inozalabi oye ni shagbotu ni sha ase awahane ayahane ni wa aseneshi ni gbo shagbotu ke lo ni.
Elase Ikweyi ki Ikwiri ni Gebi ni
8<<Kwe owoni onya oye gba azufa ki ikwiri igwo kweyi oye gebi, oya kwo ola ikwomu kweyi gwebe kole nu myo gbi ishini oyo pye lo? 9Kweyi owoni opye, oya ya awoya nu kpa awase ni bagye kwo ni ogwu kweyi ya kamo, <Ala wa shotunehe kpa ami, npyi ikwiri hin ni gebi ni.> 10Mamani, nyya kadala, otunehe yaba obutu ka ayoleho ko Owuso ikweyi ki inozalabi oye ni shagbotu ni.>>
Elase Ikweyi ko Oyi ni Gebi ni
11Oyesu kamo, <<Ongo oye gba ayi epa. 12Oyi leke ka da ada nu mo, <Ada, da ami ogwu hin.> Ebeni oyo ogwu nu yiko we epa da awa.
13<<Gbeji lo, oyi leke kpo oza ni ogbo ni, kweyi go okpagye ni lenu ni ga yebe ni yo oza ni ogbo ni ngmo owe ni shoshi lo ni. 14Ishini oyi ikwiri nu ngmo kweyi ni, emye kotota go okpagye ni kweyi ogbo ojije ko re lo. 15Ebeni oga zo oko ki ikwiri ebe kase ko okpagye ni yo ga da aruma nu oza rore eho ni. 16Oya tikpo ka akya ni aruma ba ha ni shini anu na ha, ashishe ke da anu lo.
17<<Ishini okwikye wi iyinu ni, okamo, <Awoyoko da ada hin we ema ni aba roza ba shibita, ami ke ye ebeni ya gekwu kpe emye! 18Ami ya kwikye ya ge ebe ka ada hin kweyi ga ka da anu mo: Ada, nyyo ozalabi obutu ko Owuso kpo obutu wo. 19Nshu koni oya yumo ogwu mo nwwo oyi wo lo, yun na lema byo oye ipu ka awoyoko wo.> 20Ebeni onyiso kweyi ge ebe ka ada nu.
<<Ni oke tayayo ye ebe lenu ni, ada nu mo kweyi iyinyinyi yo kwu, kweyi onyinya ge ebe ko oyi nu kweyi kwo botu ki gwo okwunu.
21Oyi nu ka do anu mo, <Ada, nyyo ozalabi obutu ko Owuso ki iso kpa awo, nshu koni oya yumo ogwu mo nwwo oyi wo lo.>
22Ada nu ke ka da ayole nu mo, <<Ala nyinya papa ga kpo obagidi neshi bwo oda wa sho oko. Ala la arika abo kpo okpabawu ikpo. 23Ala ga ngme ena nyakwu, shini ahan yi imya kpo otunehe. 24Ikweyi koni oyin mani gekwu onabani oke onyiso, ogebi ayo pye.> Ebeni akwotu ko shotunehe.
25<<Ipu ki ishi oni, oyi nu anyakwase ye eho ya yoko. Ishini oyo pee kpo ole ni, opwo aba gwodu kweyi ba gyoba. 26Ebeni oyo oye ipu ka ayole ogwu kweyi do oka mo oji ya gbodagye. 27Okyogwu mo, <Oyene wo wa, kweyi ada kala ngme ena nyakwu ikweyi koni okwikye wa neshi kpo oshu ni.>
28<<Otu ko oyi nu anyakwase bya kweyi otanu ko gipu ole. Ebeni ada nu bose kweyi wa shagye da anu. 29Anu ke ka da ada nu mo, <Ma! Ishayi nwashika ni shigbo ni, nyyoko dawo byoshe ni, nggwakpaha dawo lo. Kwo oyi ki ikpowu oda ami shini na shotunehe kpa awoya hin lo. 30Ishini oyi wo ni ke kpo odu wo kweyi ga yi ngmo kpa awagbaza ni kwikye wo ole, ongme ena nyakwu da anu!>
31Ada nu kamo, <<<Oyin,> oyo kpa ami ishi kpiri, kweyi oza ni ngbo kpiri wa akakoho la. 32Aha ke shu ko shotunehe kotata, ikweyi koni oyene wo gekwu, onyiso, ogebi kweyi ayo pye.>>
ទើបបានជ្រើសរើសហើយ៖
oLuka 15: ALA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
THE WORD FOR THE WORLD INTERNATIONAL, THE WORD FOR THE WORLD NIGERIA
oLuka 15
15
Elase Ikweyi ko Otukpo ni Gebi ni
(oMatiyu 18.12-14)
1Eno oye awozegba kpa awinozalabi wa shogba to Oyesu shini ana foza ni oya ka ni. 2Awofarisi kpa awofono ke ba lo okwunu agye mo, <<Ongo mani ya yagye kpa awinozalabi kweyi ki ya roza kpa awa.>>
3Ebeni Oyesu kelase mani da awa mo: 4<<Owoni ashe ipu kala gbo otukpo ogbogbo oye kweyi oye ipu wa gebi, oya gege ko sha awahane ayahane bita ikpokyi kweyi ga labo ko oye ni gebi ni lo? 5Owoni opyo, oya shotunehe kweyi yayo ya so oko 6kweyi ya go ole. Ebeni oya ya awoya nu kpa awase ni bagye kwo ni ogwu wa bagye kweyi oya ka da awa mo, <Ala shotunehe kpami, npyo otukpo hin ni gebi ni.> 7Nyya kadala mo mamani ase ba shotunehe ole kiso ikweyi ki inozalabi oye ni shagbotu ni sha ase awahane ayahane ni wa aseneshi ni gbo shagbotu ke lo ni.
Elase Ikweyi ki Ikwiri ni Gebi ni
8<<Kwe owoni onya oye gba azufa ki ikwiri igwo kweyi oye gebi, oya kwo ola ikwomu kweyi gwebe kole nu myo gbi ishini oyo pye lo? 9Kweyi owoni opye, oya ya awoya nu kpa awase ni bagye kwo ni ogwu kweyi ya kamo, <Ala wa shotunehe kpa ami, npyi ikwiri hin ni gebi ni.> 10Mamani, nyya kadala, otunehe yaba obutu ka ayoleho ko Owuso ikweyi ki inozalabi oye ni shagbotu ni.>>
Elase Ikweyi ko Oyi ni Gebi ni
11Oyesu kamo, <<Ongo oye gba ayi epa. 12Oyi leke ka da ada nu mo, <Ada, da ami ogwu hin.> Ebeni oyo ogwu nu yiko we epa da awa.
13<<Gbeji lo, oyi leke kpo oza ni ogbo ni, kweyi go okpagye ni lenu ni ga yebe ni yo oza ni ogbo ni ngmo owe ni shoshi lo ni. 14Ishini oyi ikwiri nu ngmo kweyi ni, emye kotota go okpagye ni kweyi ogbo ojije ko re lo. 15Ebeni oga zo oko ki ikwiri ebe kase ko okpagye ni yo ga da aruma nu oza rore eho ni. 16Oya tikpo ka akya ni aruma ba ha ni shini anu na ha, ashishe ke da anu lo.
17<<Ishini okwikye wi iyinu ni, okamo, <Awoyoko da ada hin we ema ni aba roza ba shibita, ami ke ye ebeni ya gekwu kpe emye! 18Ami ya kwikye ya ge ebe ka ada hin kweyi ga ka da anu mo: Ada, nyyo ozalabi obutu ko Owuso kpo obutu wo. 19Nshu koni oya yumo ogwu mo nwwo oyi wo lo, yun na lema byo oye ipu ka awoyoko wo.> 20Ebeni onyiso kweyi ge ebe ka ada nu.
<<Ni oke tayayo ye ebe lenu ni, ada nu mo kweyi iyinyinyi yo kwu, kweyi onyinya ge ebe ko oyi nu kweyi kwo botu ki gwo okwunu.
21Oyi nu ka do anu mo, <Ada, nyyo ozalabi obutu ko Owuso ki iso kpa awo, nshu koni oya yumo ogwu mo nwwo oyi wo lo.>
22Ada nu ke ka da ayole nu mo, <<Ala nyinya papa ga kpo obagidi neshi bwo oda wa sho oko. Ala la arika abo kpo okpabawu ikpo. 23Ala ga ngme ena nyakwu, shini ahan yi imya kpo otunehe. 24Ikweyi koni oyin mani gekwu onabani oke onyiso, ogebi ayo pye.> Ebeni akwotu ko shotunehe.
25<<Ipu ki ishi oni, oyi nu anyakwase ye eho ya yoko. Ishini oyo pee kpo ole ni, opwo aba gwodu kweyi ba gyoba. 26Ebeni oyo oye ipu ka ayole ogwu kweyi do oka mo oji ya gbodagye. 27Okyogwu mo, <Oyene wo wa, kweyi ada kala ngme ena nyakwu ikweyi koni okwikye wa neshi kpo oshu ni.>
28<<Otu ko oyi nu anyakwase bya kweyi otanu ko gipu ole. Ebeni ada nu bose kweyi wa shagye da anu. 29Anu ke ka da ada nu mo, <Ma! Ishayi nwashika ni shigbo ni, nyyoko dawo byoshe ni, nggwakpaha dawo lo. Kwo oyi ki ikpowu oda ami shini na shotunehe kpa awoya hin lo. 30Ishini oyi wo ni ke kpo odu wo kweyi ga yi ngmo kpa awagbaza ni kwikye wo ole, ongme ena nyakwu da anu!>
31Ada nu kamo, <<<Oyin,> oyo kpa ami ishi kpiri, kweyi oza ni ngbo kpiri wa akakoho la. 32Aha ke shu ko shotunehe kotata, ikweyi koni oyene wo gekwu, onyiso, ogebi kweyi ayo pye.>>
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
THE WORD FOR THE WORLD INTERNATIONAL, THE WORD FOR THE WORLD NIGERIA