लुका 9
9
येसुइ बाह्र जना चेलारलाइ अस्परिंसिउ
मत्ति १०:५-१५; मर्कुस ६:७-१३
1तला येसुइ बाह्र जना ओचेलारलाइ तफेत याखुल्केउ। नोरलाइ स्यो रोगर सगराँन्या सोनो भुत्र अस्पुलैन्या सक्तिस अधिकार यायोकेउ। 2हुकिं येसुइ चेलारलाइ परमेस्वरवइ ओराज्य बारेल प्रचार दाच्यो सोनो बिरामिरलाइ यासगराँच्यो हैलेद अस्परिंन्या भन्दा बरिदि, 3येसुइ नोरलाइ हैयादोकेउ, “जे यात्रा जेदाक घ्वात जेस अर्जुइ, झोला, बरेस, रुप्या, फेरैसिन्या क्वार निउ तालाँच्यो। 4जेलाइ जो झिम्लाउ अर्मिराइ स्वागत दाच्योर, हो नाखाँङि जेमाहिउँवा सम हो झिम्ल ज लेच्यो। 5तर जो थाउँल अर्मिराइ जेलाइ स्वागत मादाच्योर हो थाउँलाउ अर्मिरलाइ परमेस्वरवइ दान्या न्याय जेतर्त रान्या ले हैलेद चिनोको लागि जेखुँताउ धुलो तक्तकैद हो थाउँङि पुलुस्द हिंच्यो#लुका १०:४-११; प्रेरित १३:५१ #प्रेरित १३:५१।”
6हुकिं येसुवइ ओचेलार बिदा बादि दाद, परमेस्वरवइ अप्चाउ ओखबर प्रचार दाइ-दाइ सोनो स्योदिङाउ रोगिरलाइ सगराँइ-सगराँइ नाखाँ-नाखाँयाल हिंकेर।
अर्गे हेरोद अल्मलिके
मत्ति १४:१-१२; मर्कुस ६:१४-२९
7गालिल छेत्रलाउ सासक हेरोद एन्तिपासवइ येसु सोनो येसुइ ओचेलाराइ यादाज्याउ स्यो एन्वइ ओबारेल थैद नो अल्मल्ल परिके, नेलाइलेक खो अर्मिराइ हैलेर “बप्तिस्मा याज्याउ युहन्नालाइ परमेस्वरवइ सिउङि जिंदो जैनौ।” 8खो अर्मिराइ चाहिं “येसुलाइ एलिया हैयादाज्याउ परमेस्वरङि अस्पाँन्या अर्मि फिरि जिंदो दाद ले हैदोर।” हुकिं गुँ अर्मिराइ जन “फ्याँकाउ परमेस्वरङि अस्पाँन्या अर्मिराङि तुबु सिउङि जिंदो दाद ले हैदोर#मत्ति १६:१४; मर्कुस ८:२८।” 9होकारन अर्गे हेरोदवइ हैलेके, “बप्तिस्मा याज्याउ युहन्नावइ ओघाँति ते ङाज क्यालो अस्परिंसिउ ले। तर जोइ ओबारेल ङा अमदिउ अस्पाँ ङाथैज्या आउ अर्मिचाहिं सु ओजासो?” हुकिं हेरोदवइ येसुस अस्दैसिन्या इच्छ्या दोकेउ।
येसुवइ पाँच हजार जना अर्मिरलाइ सज्यास्सिउ
मत्ति १४:१३-२१; मर्कुस ६:३०-४४; युहन्ना ६:५-१३
10हुकिं येसुइ ओवास्परिंउ बाह्र जना ओचेलार ओल्द राद नोराइ यादोउ स्यो एन्र येसुलाइ हैदोकेर। हुकिं येसुइ नो बाह्र जना ओचेलारलाइ वाज ओल्स लाँद बेथसेदा हैयादाज्याउ सहरल हिंकेर। 11तर अर्मिराइ आउ अस्पाँ सैंद लेमाले अर्मिर येसुइ उछिं-उछिं राकेर। येसुइ ओल्स हिउं अस्पैज्याउ नो अर्मिरलाइ राउ यायोकेउ। हैजैद नोरलाइ परमेस्वरवइ ओराज्य बारेल हैयादोकेउ। सोनो बिरामिरलाइ यासगराँकेउ।
12अब दिन दल्किनाके, हैजैद बाह्र जना प्रेरितराइ राद येसुलाइ हैदोकेर, “आउ अर्मिरलाइ बिदा यायोको, हुकिं नोर हिंद आस्पासयालाउ बस्ति सोनो नाखाँयाल हिंद गबासिरक, सोनो ज्यान्या-ओन्या याज गजुतैरक, नेलाइलेक आक गे सु मालेउ थाउँल गिलिज्या।” 13तर येसुइ नोरलाइ हैयादोकेउ, “जेज नोरलाइ ज्याउ-ओ यायाच्यो।”
नोराइ हैलेकेर, “गेस जम्मा अर्ङाबलै भरेस सोनो जोर्बलै ङ्हा वाझ लिज्या। हुकिंलेक आउ स्यो अर्मिरलाइ सज्यास्न्याको लागि गे गुँ ज्याउ चेंद रैन्या रो?”
14नोक सलेपा अर्मिर वाज पाँच हजार जना लेर। हुकिं येसुइ ओचेलारलाइ हैयादोकेउ, “आउ अर्मिरलाइ पचास-पचास जना जैद यासप्चैंच्यो।”
15हुकिं चेलाराइ हैजैदज स्योरलाइ यासप्चैंकेर। 16हुकिं येसुइ नो अर्ङाबलै भरेस सोनो जोर्बलै ङ्हा रैद स्वर्गदि राँद आसिर्बाद योकेउ। हैजैद सलेद अर्मिरलाइ बाध यायाच्यो हैलेद ओचेलारलाइ यायोकेउ। 17स्योराइ यावाउवा ज्योकेर, सोनो एलो तुक्रार चेलाराइ बाह्र फुङ्गा अस्दुकेर।
पत्रुसवइ येसु ज ख्रिस्त हैलेद स्विकारिसिउ
मत्ति १६:१३-१९; मर्कुस ८:२७-२९
18तला येसु अर्मिराइ याहुल्मुललिं छुतिद ओप्तराँज प्राथना दाज्याउ ले। होबेलाक चेलार येसुस लेर। सोनो येसुइ नोरलाइ यास्गेंकेउ, “ङा सु हैलेद अर्मिराइ हैदाँज्यार?”
19नोराइ येसुलाइ हैदोकेर, “खोराइ नालाइ बप्तिस्मा याज्याउ युहन्ना हैदिंज्यार, खोराइ एलिया हैदिंज्यार, सोनो गुँराइचाहिं फ्याँकाउ परमेस्वरङि अस्पाँन्या अर्मिङि तुबु फिरि जिंदो दाद ले हैलेद हैदिंज्यार#मत्ति १४:१-२; मर्कुस ६:१४-१५; लुका ९:७-८।”
20येसुइ नोरलाइ फिरि अइलेद यास्गेंकेउ, “तर जे चाहिं ङा सु हैजेदाङाज्या स?”
हुकिं पत्रुसवइ जबाफ याद हैदोकेउ, “ना परमेस्वरवइ उस्परिंनिउ ख्रिस्त#युहन्ना ६:६८-६९!”
21तर येसुइ नोरलाइ आउ अस्पाँ सुरलाइ ब हैतादाच्यो हैलेद कदा आग्या यायोकेउ। 22हुकिं येसुइ नोरलाइ हैयादोकेउ, “परमेस्वरवइ उस्परिंङाउ ङा अर्मिइ ओजाइ भ्या दुख अस्दौज परि। हुकिं ओल्लाइ यहुदि अगुवार, यहुदि मुख्ये पुजारिर सोनो मोसावइ ओनियम अस्पैन्याराइ यामन् मालागिन्या ले, हुकिं नोराइ नोलाइ सैन्या लेर, तर नो उसिउ सोंलात जिंदो जास्न्या ले।”
येसुइ उछिंत लागिन्याराइ दाउपरिन्या एन्
23हुकिं येसुइ स्योरलाइ हैयादोकेउ, “जोइ ङाछिंत रान्या इच्छ्या दाज्या होइ ओल्लाइ ज माया ओमारिउक, सोनो सिन्या दिभ तयार जास्द ङाछिंत ओलागिक#मत्ति १०:३८; लुका १४:२७। 24नेलाइकिंलेक जोइ ओप्रान बचैन्या इच्छ्या दोउ, होइ परमेस्वरङि अस्दैन्या जिबन मास्दौ। तर ङाको लागि उजिबन यान्यावइ, परमेस्वरवइ यान्या जिबन अस्दैन्या ले#मत्ति १०:३९; लुका १७:३३; युहन्ना १२:२५। 25हुकिं अर्मिइ स्यो मादमि ज अस्दौ दिब परमेस्वरवइ यान्या जिबन चाहिं उगुमैकिंलेक नो अर्मिलाइ नाति फाइदा जास्याद? 26तुबार ङास सोनो ङाबचनस यासिलिसिज्याकिंलेक, परमेस्वरवइ उस्परिंङाउ ङा अर्मिइ ओजा, ङाबाबु सोनो पबित्र परमेस्वरवइ ओस्पाँ हैदान्याराइ यामहिमाल ङाराक, होलाइ ङाब ङार्मि हैदान्या सिलिसिन्या ङाले। 27दसाज ङा जेलाइ हैङादाच्योज्या, आक च्याँलेउर खो खोर लिज्यार, परमेस्वरवइ ओराज्य यामाराउँवा सिन्या मालेर।”
येसुइ उरुप फिरिउ
मत्ति १७:१-८; मर्कुस ९:२-८
28आउ अस्पाँ ओस्पाँउ आथदिन् छिंङि पत्रुस, युहन्ना सोनो याकुबलाइ लाँद प्राथना दान्या येसु दाँदात हिंके। 29होक येसुइ प्राथना ओदाज्याक येसुइ ओसङा फिरिके, सोनो येसुइ ओक्वा बिजुलि चम्किउ मदिउ पाल्पालो जास्के। 30-31होक परमेस्वरङि अस्पाँन्यानि जोर् मोसा सोनो एलियानि स्वर्गताउ ज्योतिल रैंद येसु यरुसलेमल उसिउ छिंङि परमेस्वरवइ ङादो हैओलेउ अस्पाँ पुरा जास्न्या बारेल अस्पाँज्याउर लेर। 32पत्रुस सोनो ओल्स लिज्याउनि मसिंअर्ङल जासोर लेर। हुकिं नोर यासैंसिक नोराइ येसुलाइ मिज धिन्या ज्योतिल राँकेर। नोराइ जोर् अर्मिनि च्याँद इंस्पाँज्याउ राँकेर। 33हुकिं नो जोर् अर्मिनि येसुस बिदा दाद इंहिंरिक पत्रुसवइ येसुलाइ हैदोकेउ, “गुरु ज्यु, गेको लागि आक लेन्या अप्चाउ ओलेउ। गे सोम्बलै बासिन्या पो गेजैते, तुबु नाको लागि, तुबु मोसाको लागि सोनो तुबु एलियाको लागि।” ओल् ओस्पाँज्याउ अस्पाँ ओल्ज याका मादोकेउ।
34पत्रुसवइ आउ ओस्पाँज्याक नोरलाइ बादलवइ याकप्केउ, हैजैद चेलार भ्या छेकेर। 35हुकिं बादल झिंलिं, “आउ ङा ङाजा, आलाइ ङा छानिसिउ। आवइ ओबचन थैच्यो” हैलेज्याउ तुबु अर्गा थास्के#२पत्रुस १:१७-१८ #यसैया ४२:१; मत्ति ३:१७; १२:१८; मर्कुस १:११; लुका ३:२२।
36आउ अर्गा ओतोपो छिंङि चेलाराइ येसुलाइ वाज राँकेर। नोराइ याराँउ आउ अस्पाँ होबेलाक#9:36 होबेलाक: येसु मादमिल ओलेउ बेलाकाउ समय सुरलाइ ब हैमादोकेर नोराइ आउ यायुउँल नैकेर।
भुत आत्मा लागिउ छोरा
मत्ति १७:१४-१८; मर्कुस ९:१४-२७
37होइ ओपराति जब येसु सोंम ओचेलारास दाँदाङि मेल लास्केर। तुबु घ्यो हुल्मुल येसुस अस्दैसिन्या राकेर। 38हुल्मुलङि तुबु अर्मिवइ कलिद हैदोकेउ, “गुरु ज्यु, ङा नास बिन्ति ङादाज्या, ङा ङाजा छोरालाइ दया दाद राँद याँको। नेलाइलेक आउ तुबु वा ङाजा छोरा। 39तुबु भुतवइ नोलाइ कोलोज्या, सोनो नो एक्कासि कलिज्या, हुकिं नोलाइ कर्लैज्या। नोइ ओयालिं फिंज अस्पुलैज्या। लछार् पछार् जैद बल्ल-बल्ल रास्ज्या। 40नो भुतलाइ अस्पुलैद याच्यो हैलेद ङा नचेलारास बिन्ति ङादोके, तर नोराइ मादुकेर।”
41येसुवइ हैलेके, “ए जेबिस्वास मालेउ सोनो खराब अर्मिर, ङा खर्क सम जेस ङालेते, सोनो जेलाइ ख्वा सम सहिन्या? नजालाइ आक रैको।”
42नो ओराज्याक ज भुत आत्मावइ नोलाइ पैल्तैकेउ, हैजैद कर्लिके। तर येसुइ नो भुत आत्मालाइ हकारिकेउ, हैजैद नो छोरालाइ सगराँद नोइ ओबाबुइ उजिम्मा लैकेउ। 43परमेस्वरवइ ओमहानता राँद नोर स्योज छक् परिकेर।
44येसुइ ओदोउ एन् राँद अर्मिर छक् परिद यालेउ बेलाकज येसुइ ओचेलारलाइ हैयादोकेउ, “ङा हैङालेउ अस्पाँ ध्यानस थैच्यो, परमेस्वरवइ उस्परिंङाउ ङा अर्मिइ ओजालाइ अर्मिराइ याकुइत सुम्पिन्या लेर।” 45तर नोराइ आउ अस्पाँ माबुजैकेर। नेलाइकिंलेक आउ नोराइ गमाबुजैरक हैलेद नोराङि गोप्य नैसिउ ले। नोराइ आउ बिसयल येसुलाइ अस्गेंन्या छेर।
घ्यो सु?
मत्ति १८:१-५; मर्कुस ९:३३-४०
46होबेला नोरमध्ये स्योर भन्दा घ्यो सु हैलेन्या बिसयल याखार्ल अस्पाँ चलिके#लुका २२:२४। 47तर येसुइ नोराइ यायुउँलाउ अस्पाँ सैंद तुबु आलुजा लुजालाइ रैद ओछेउक सप्च्याँकेउ, 48हैजैद नोरलाइ हैयादोकेउ, “जोइ ङार्मित आउ आलुजा लुजालाइ अप्चाउ जौ, होइ ङालाइ ब अप्चाउ जैङाउ, सोनो जोइ ङालाइ अप्चाउ जैङाउ होइ ङालाइ अस्परिंन्यालाइ ब अप्चाउ जौ। नेलाइलेक जे मध्ये जो स्योरभन्दा आलुजा लिज्या, होज स्योर भन्दा घ्यो जास्#मत्ति १०:४०; लुका १०:१६; युहन्ना १३:२०।”
येसुइ उर्मित गुँराइ एन् दोकेर
मर्कुस ९:३८-४०
49हुकिं युहन्नावइ हैलेके, “गुरु ज्यु, तुबुइ नर्मितिं भुत्र ओवास्पुलैज्याउ गेराँके, हैजैद गे होलाइ दाउ गेमायाके। नेलाइकिंलेक हो गे गेसमुहलाउ अर्मि म्हा।”
50तर येसुइ हैदोकेउ, “नोलाइ नैतादाच्यो, नेलाइलेक जो जिबिरोध्ल माले, हो जेपक्छेल जास्।”
सामरिराङि बिरोध
51येसु स्वर्ग हिंन्या ओसमय नजिक ओरालेक येसुवइ दसाज यरुसलेम्दि हिंन्या युउँ दोकेउ। 52हुकिं येसुइ ओल्को लागि बरिदि ज स्यो चिज तयार जैद याँच्यो हैलेद अर्मिरलाइ सामरिया सहरलाउ तुबु नाखाँल यास्परिंकेउ। 53तर यरुसलेमदि हिन्या येसुइ उबिचार सैंद सामरि अर्मिराइ येसुलाइ अप्चाउ माजैकेर। 54हुकिं आउ राँद येसुइ ओचेलानि याकुब सोनो युहन्नानि हैदोकिनिं, “प्रभु ज्यु, स्वर्गतिं मि सर्वैद आरलाइ ङासमि हैलेन्या इच्छ्या नदाज्या#२राजाहरु १:९-१६?”
55तर फर्किद येसुइ नुनिलाइ यानिजपारिकेउ। 56हैजैद येसु सोनो ओचेलार गुँ नाखाँल हिंकेर।
येसुइ ओचेलारात जासन्या गुन
मत्ति ८:१९-२२
57येसु सोनो ओचेलार घ्वात याहिंज्याक, तुबु अर्मि राद येसुलाइ हैदोकेउ, “ना जाँदि नहि ङाब नछिंत हिंन्याङाले।”
58येसुइ नो अर्मिलाइ हैदोकेउ, “राँसलार लेन्या अर्पुप् लिज्या, सोनो नम्ताउ बाजाराइ याप्सिप् लिज्या, तर परमेस्वरवइ उस्परिंङाउ ङा अर्मिइ ओजाइते ङार्ङै मुन्या थाउँ ब माले।”
59हुकिं येसुइ गुँ अर्मिलाइ हैदोकेउ, “ङाछिंत रैं।” तर नोइ येसुलाइ हैदोकेउ, “गुरु ज्यु, बरिदि ङाबाबुइ ओलासलाइ गादिन्या हिउँ याँको।”
60येसुइ नोलाइ हैदोकेउ, “आत्माल सिन्या अर्मिराइ ज नोराइ सिउ यामुर्दारलाइ ओगादिरक, तर ना हिंद परमेस्वरवइ ओराज्यलाउ अप्चाउ खबर प्रचार दोको।”
61हुकिं फिरि गुँ तुबुइ ब येसुलाइ हैदोकेउ, “प्रभु, ङा नछिंत रान्याङाले, तर बरिदि ङाझिम्ल लिज्याउरास ङालाइ बिदा दाउ याँको#१राजाहरु १९:२०।”
62तर येसुइ नोलाइ हैदोकेउ, “उकुइ गोर्त कोलोद उछिंदि ओल्द राँज्याउ अर्मि सु ब परमेस्वरवइ ओराज्यालाउ योग्य माजास्।”
ទើបបានជ្រើសរើសហើយ៖
लुका 9: MAIK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 (Active), Mother Tongue Translators Society and Wycliffe Bible Translators, Inc. All rights reserved.
लुका 9
9
येसुइ बाह्र जना चेलारलाइ अस्परिंसिउ
मत्ति १०:५-१५; मर्कुस ६:७-१३
1तला येसुइ बाह्र जना ओचेलारलाइ तफेत याखुल्केउ। नोरलाइ स्यो रोगर सगराँन्या सोनो भुत्र अस्पुलैन्या सक्तिस अधिकार यायोकेउ। 2हुकिं येसुइ चेलारलाइ परमेस्वरवइ ओराज्य बारेल प्रचार दाच्यो सोनो बिरामिरलाइ यासगराँच्यो हैलेद अस्परिंन्या भन्दा बरिदि, 3येसुइ नोरलाइ हैयादोकेउ, “जे यात्रा जेदाक घ्वात जेस अर्जुइ, झोला, बरेस, रुप्या, फेरैसिन्या क्वार निउ तालाँच्यो। 4जेलाइ जो झिम्लाउ अर्मिराइ स्वागत दाच्योर, हो नाखाँङि जेमाहिउँवा सम हो झिम्ल ज लेच्यो। 5तर जो थाउँल अर्मिराइ जेलाइ स्वागत मादाच्योर हो थाउँलाउ अर्मिरलाइ परमेस्वरवइ दान्या न्याय जेतर्त रान्या ले हैलेद चिनोको लागि जेखुँताउ धुलो तक्तकैद हो थाउँङि पुलुस्द हिंच्यो#लुका १०:४-११; प्रेरित १३:५१ #प्रेरित १३:५१।”
6हुकिं येसुवइ ओचेलार बिदा बादि दाद, परमेस्वरवइ अप्चाउ ओखबर प्रचार दाइ-दाइ सोनो स्योदिङाउ रोगिरलाइ सगराँइ-सगराँइ नाखाँ-नाखाँयाल हिंकेर।
अर्गे हेरोद अल्मलिके
मत्ति १४:१-१२; मर्कुस ६:१४-२९
7गालिल छेत्रलाउ सासक हेरोद एन्तिपासवइ येसु सोनो येसुइ ओचेलाराइ यादाज्याउ स्यो एन्वइ ओबारेल थैद नो अल्मल्ल परिके, नेलाइलेक खो अर्मिराइ हैलेर “बप्तिस्मा याज्याउ युहन्नालाइ परमेस्वरवइ सिउङि जिंदो जैनौ।” 8खो अर्मिराइ चाहिं “येसुलाइ एलिया हैयादाज्याउ परमेस्वरङि अस्पाँन्या अर्मि फिरि जिंदो दाद ले हैदोर।” हुकिं गुँ अर्मिराइ जन “फ्याँकाउ परमेस्वरङि अस्पाँन्या अर्मिराङि तुबु सिउङि जिंदो दाद ले हैदोर#मत्ति १६:१४; मर्कुस ८:२८।” 9होकारन अर्गे हेरोदवइ हैलेके, “बप्तिस्मा याज्याउ युहन्नावइ ओघाँति ते ङाज क्यालो अस्परिंसिउ ले। तर जोइ ओबारेल ङा अमदिउ अस्पाँ ङाथैज्या आउ अर्मिचाहिं सु ओजासो?” हुकिं हेरोदवइ येसुस अस्दैसिन्या इच्छ्या दोकेउ।
येसुवइ पाँच हजार जना अर्मिरलाइ सज्यास्सिउ
मत्ति १४:१३-२१; मर्कुस ६:३०-४४; युहन्ना ६:५-१३
10हुकिं येसुइ ओवास्परिंउ बाह्र जना ओचेलार ओल्द राद नोराइ यादोउ स्यो एन्र येसुलाइ हैदोकेर। हुकिं येसुइ नो बाह्र जना ओचेलारलाइ वाज ओल्स लाँद बेथसेदा हैयादाज्याउ सहरल हिंकेर। 11तर अर्मिराइ आउ अस्पाँ सैंद लेमाले अर्मिर येसुइ उछिं-उछिं राकेर। येसुइ ओल्स हिउं अस्पैज्याउ नो अर्मिरलाइ राउ यायोकेउ। हैजैद नोरलाइ परमेस्वरवइ ओराज्य बारेल हैयादोकेउ। सोनो बिरामिरलाइ यासगराँकेउ।
12अब दिन दल्किनाके, हैजैद बाह्र जना प्रेरितराइ राद येसुलाइ हैदोकेर, “आउ अर्मिरलाइ बिदा यायोको, हुकिं नोर हिंद आस्पासयालाउ बस्ति सोनो नाखाँयाल हिंद गबासिरक, सोनो ज्यान्या-ओन्या याज गजुतैरक, नेलाइलेक आक गे सु मालेउ थाउँल गिलिज्या।” 13तर येसुइ नोरलाइ हैयादोकेउ, “जेज नोरलाइ ज्याउ-ओ यायाच्यो।”
नोराइ हैलेकेर, “गेस जम्मा अर्ङाबलै भरेस सोनो जोर्बलै ङ्हा वाझ लिज्या। हुकिंलेक आउ स्यो अर्मिरलाइ सज्यास्न्याको लागि गे गुँ ज्याउ चेंद रैन्या रो?”
14नोक सलेपा अर्मिर वाज पाँच हजार जना लेर। हुकिं येसुइ ओचेलारलाइ हैयादोकेउ, “आउ अर्मिरलाइ पचास-पचास जना जैद यासप्चैंच्यो।”
15हुकिं चेलाराइ हैजैदज स्योरलाइ यासप्चैंकेर। 16हुकिं येसुइ नो अर्ङाबलै भरेस सोनो जोर्बलै ङ्हा रैद स्वर्गदि राँद आसिर्बाद योकेउ। हैजैद सलेद अर्मिरलाइ बाध यायाच्यो हैलेद ओचेलारलाइ यायोकेउ। 17स्योराइ यावाउवा ज्योकेर, सोनो एलो तुक्रार चेलाराइ बाह्र फुङ्गा अस्दुकेर।
पत्रुसवइ येसु ज ख्रिस्त हैलेद स्विकारिसिउ
मत्ति १६:१३-१९; मर्कुस ८:२७-२९
18तला येसु अर्मिराइ याहुल्मुललिं छुतिद ओप्तराँज प्राथना दाज्याउ ले। होबेलाक चेलार येसुस लेर। सोनो येसुइ नोरलाइ यास्गेंकेउ, “ङा सु हैलेद अर्मिराइ हैदाँज्यार?”
19नोराइ येसुलाइ हैदोकेर, “खोराइ नालाइ बप्तिस्मा याज्याउ युहन्ना हैदिंज्यार, खोराइ एलिया हैदिंज्यार, सोनो गुँराइचाहिं फ्याँकाउ परमेस्वरङि अस्पाँन्या अर्मिङि तुबु फिरि जिंदो दाद ले हैलेद हैदिंज्यार#मत्ति १४:१-२; मर्कुस ६:१४-१५; लुका ९:७-८।”
20येसुइ नोरलाइ फिरि अइलेद यास्गेंकेउ, “तर जे चाहिं ङा सु हैजेदाङाज्या स?”
हुकिं पत्रुसवइ जबाफ याद हैदोकेउ, “ना परमेस्वरवइ उस्परिंनिउ ख्रिस्त#युहन्ना ६:६८-६९!”
21तर येसुइ नोरलाइ आउ अस्पाँ सुरलाइ ब हैतादाच्यो हैलेद कदा आग्या यायोकेउ। 22हुकिं येसुइ नोरलाइ हैयादोकेउ, “परमेस्वरवइ उस्परिंङाउ ङा अर्मिइ ओजाइ भ्या दुख अस्दौज परि। हुकिं ओल्लाइ यहुदि अगुवार, यहुदि मुख्ये पुजारिर सोनो मोसावइ ओनियम अस्पैन्याराइ यामन् मालागिन्या ले, हुकिं नोराइ नोलाइ सैन्या लेर, तर नो उसिउ सोंलात जिंदो जास्न्या ले।”
येसुइ उछिंत लागिन्याराइ दाउपरिन्या एन्
23हुकिं येसुइ स्योरलाइ हैयादोकेउ, “जोइ ङाछिंत रान्या इच्छ्या दाज्या होइ ओल्लाइ ज माया ओमारिउक, सोनो सिन्या दिभ तयार जास्द ङाछिंत ओलागिक#मत्ति १०:३८; लुका १४:२७। 24नेलाइकिंलेक जोइ ओप्रान बचैन्या इच्छ्या दोउ, होइ परमेस्वरङि अस्दैन्या जिबन मास्दौ। तर ङाको लागि उजिबन यान्यावइ, परमेस्वरवइ यान्या जिबन अस्दैन्या ले#मत्ति १०:३९; लुका १७:३३; युहन्ना १२:२५। 25हुकिं अर्मिइ स्यो मादमि ज अस्दौ दिब परमेस्वरवइ यान्या जिबन चाहिं उगुमैकिंलेक नो अर्मिलाइ नाति फाइदा जास्याद? 26तुबार ङास सोनो ङाबचनस यासिलिसिज्याकिंलेक, परमेस्वरवइ उस्परिंङाउ ङा अर्मिइ ओजा, ङाबाबु सोनो पबित्र परमेस्वरवइ ओस्पाँ हैदान्याराइ यामहिमाल ङाराक, होलाइ ङाब ङार्मि हैदान्या सिलिसिन्या ङाले। 27दसाज ङा जेलाइ हैङादाच्योज्या, आक च्याँलेउर खो खोर लिज्यार, परमेस्वरवइ ओराज्य यामाराउँवा सिन्या मालेर।”
येसुइ उरुप फिरिउ
मत्ति १७:१-८; मर्कुस ९:२-८
28आउ अस्पाँ ओस्पाँउ आथदिन् छिंङि पत्रुस, युहन्ना सोनो याकुबलाइ लाँद प्राथना दान्या येसु दाँदात हिंके। 29होक येसुइ प्राथना ओदाज्याक येसुइ ओसङा फिरिके, सोनो येसुइ ओक्वा बिजुलि चम्किउ मदिउ पाल्पालो जास्के। 30-31होक परमेस्वरङि अस्पाँन्यानि जोर् मोसा सोनो एलियानि स्वर्गताउ ज्योतिल रैंद येसु यरुसलेमल उसिउ छिंङि परमेस्वरवइ ङादो हैओलेउ अस्पाँ पुरा जास्न्या बारेल अस्पाँज्याउर लेर। 32पत्रुस सोनो ओल्स लिज्याउनि मसिंअर्ङल जासोर लेर। हुकिं नोर यासैंसिक नोराइ येसुलाइ मिज धिन्या ज्योतिल राँकेर। नोराइ जोर् अर्मिनि च्याँद इंस्पाँज्याउ राँकेर। 33हुकिं नो जोर् अर्मिनि येसुस बिदा दाद इंहिंरिक पत्रुसवइ येसुलाइ हैदोकेउ, “गुरु ज्यु, गेको लागि आक लेन्या अप्चाउ ओलेउ। गे सोम्बलै बासिन्या पो गेजैते, तुबु नाको लागि, तुबु मोसाको लागि सोनो तुबु एलियाको लागि।” ओल् ओस्पाँज्याउ अस्पाँ ओल्ज याका मादोकेउ।
34पत्रुसवइ आउ ओस्पाँज्याक नोरलाइ बादलवइ याकप्केउ, हैजैद चेलार भ्या छेकेर। 35हुकिं बादल झिंलिं, “आउ ङा ङाजा, आलाइ ङा छानिसिउ। आवइ ओबचन थैच्यो” हैलेज्याउ तुबु अर्गा थास्के#२पत्रुस १:१७-१८ #यसैया ४२:१; मत्ति ३:१७; १२:१८; मर्कुस १:११; लुका ३:२२।
36आउ अर्गा ओतोपो छिंङि चेलाराइ येसुलाइ वाज राँकेर। नोराइ याराँउ आउ अस्पाँ होबेलाक#9:36 होबेलाक: येसु मादमिल ओलेउ बेलाकाउ समय सुरलाइ ब हैमादोकेर नोराइ आउ यायुउँल नैकेर।
भुत आत्मा लागिउ छोरा
मत्ति १७:१४-१८; मर्कुस ९:१४-२७
37होइ ओपराति जब येसु सोंम ओचेलारास दाँदाङि मेल लास्केर। तुबु घ्यो हुल्मुल येसुस अस्दैसिन्या राकेर। 38हुल्मुलङि तुबु अर्मिवइ कलिद हैदोकेउ, “गुरु ज्यु, ङा नास बिन्ति ङादाज्या, ङा ङाजा छोरालाइ दया दाद राँद याँको। नेलाइलेक आउ तुबु वा ङाजा छोरा। 39तुबु भुतवइ नोलाइ कोलोज्या, सोनो नो एक्कासि कलिज्या, हुकिं नोलाइ कर्लैज्या। नोइ ओयालिं फिंज अस्पुलैज्या। लछार् पछार् जैद बल्ल-बल्ल रास्ज्या। 40नो भुतलाइ अस्पुलैद याच्यो हैलेद ङा नचेलारास बिन्ति ङादोके, तर नोराइ मादुकेर।”
41येसुवइ हैलेके, “ए जेबिस्वास मालेउ सोनो खराब अर्मिर, ङा खर्क सम जेस ङालेते, सोनो जेलाइ ख्वा सम सहिन्या? नजालाइ आक रैको।”
42नो ओराज्याक ज भुत आत्मावइ नोलाइ पैल्तैकेउ, हैजैद कर्लिके। तर येसुइ नो भुत आत्मालाइ हकारिकेउ, हैजैद नो छोरालाइ सगराँद नोइ ओबाबुइ उजिम्मा लैकेउ। 43परमेस्वरवइ ओमहानता राँद नोर स्योज छक् परिकेर।
44येसुइ ओदोउ एन् राँद अर्मिर छक् परिद यालेउ बेलाकज येसुइ ओचेलारलाइ हैयादोकेउ, “ङा हैङालेउ अस्पाँ ध्यानस थैच्यो, परमेस्वरवइ उस्परिंङाउ ङा अर्मिइ ओजालाइ अर्मिराइ याकुइत सुम्पिन्या लेर।” 45तर नोराइ आउ अस्पाँ माबुजैकेर। नेलाइकिंलेक आउ नोराइ गमाबुजैरक हैलेद नोराङि गोप्य नैसिउ ले। नोराइ आउ बिसयल येसुलाइ अस्गेंन्या छेर।
घ्यो सु?
मत्ति १८:१-५; मर्कुस ९:३३-४०
46होबेला नोरमध्ये स्योर भन्दा घ्यो सु हैलेन्या बिसयल याखार्ल अस्पाँ चलिके#लुका २२:२४। 47तर येसुइ नोराइ यायुउँलाउ अस्पाँ सैंद तुबु आलुजा लुजालाइ रैद ओछेउक सप्च्याँकेउ, 48हैजैद नोरलाइ हैयादोकेउ, “जोइ ङार्मित आउ आलुजा लुजालाइ अप्चाउ जौ, होइ ङालाइ ब अप्चाउ जैङाउ, सोनो जोइ ङालाइ अप्चाउ जैङाउ होइ ङालाइ अस्परिंन्यालाइ ब अप्चाउ जौ। नेलाइलेक जे मध्ये जो स्योरभन्दा आलुजा लिज्या, होज स्योर भन्दा घ्यो जास्#मत्ति १०:४०; लुका १०:१६; युहन्ना १३:२०।”
येसुइ उर्मित गुँराइ एन् दोकेर
मर्कुस ९:३८-४०
49हुकिं युहन्नावइ हैलेके, “गुरु ज्यु, तुबुइ नर्मितिं भुत्र ओवास्पुलैज्याउ गेराँके, हैजैद गे होलाइ दाउ गेमायाके। नेलाइकिंलेक हो गे गेसमुहलाउ अर्मि म्हा।”
50तर येसुइ हैदोकेउ, “नोलाइ नैतादाच्यो, नेलाइलेक जो जिबिरोध्ल माले, हो जेपक्छेल जास्।”
सामरिराङि बिरोध
51येसु स्वर्ग हिंन्या ओसमय नजिक ओरालेक येसुवइ दसाज यरुसलेम्दि हिंन्या युउँ दोकेउ। 52हुकिं येसुइ ओल्को लागि बरिदि ज स्यो चिज तयार जैद याँच्यो हैलेद अर्मिरलाइ सामरिया सहरलाउ तुबु नाखाँल यास्परिंकेउ। 53तर यरुसलेमदि हिन्या येसुइ उबिचार सैंद सामरि अर्मिराइ येसुलाइ अप्चाउ माजैकेर। 54हुकिं आउ राँद येसुइ ओचेलानि याकुब सोनो युहन्नानि हैदोकिनिं, “प्रभु ज्यु, स्वर्गतिं मि सर्वैद आरलाइ ङासमि हैलेन्या इच्छ्या नदाज्या#२राजाहरु १:९-१६?”
55तर फर्किद येसुइ नुनिलाइ यानिजपारिकेउ। 56हैजैद येसु सोनो ओचेलार गुँ नाखाँल हिंकेर।
येसुइ ओचेलारात जासन्या गुन
मत्ति ८:१९-२२
57येसु सोनो ओचेलार घ्वात याहिंज्याक, तुबु अर्मि राद येसुलाइ हैदोकेउ, “ना जाँदि नहि ङाब नछिंत हिंन्याङाले।”
58येसुइ नो अर्मिलाइ हैदोकेउ, “राँसलार लेन्या अर्पुप् लिज्या, सोनो नम्ताउ बाजाराइ याप्सिप् लिज्या, तर परमेस्वरवइ उस्परिंङाउ ङा अर्मिइ ओजाइते ङार्ङै मुन्या थाउँ ब माले।”
59हुकिं येसुइ गुँ अर्मिलाइ हैदोकेउ, “ङाछिंत रैं।” तर नोइ येसुलाइ हैदोकेउ, “गुरु ज्यु, बरिदि ङाबाबुइ ओलासलाइ गादिन्या हिउँ याँको।”
60येसुइ नोलाइ हैदोकेउ, “आत्माल सिन्या अर्मिराइ ज नोराइ सिउ यामुर्दारलाइ ओगादिरक, तर ना हिंद परमेस्वरवइ ओराज्यलाउ अप्चाउ खबर प्रचार दोको।”
61हुकिं फिरि गुँ तुबुइ ब येसुलाइ हैदोकेउ, “प्रभु, ङा नछिंत रान्याङाले, तर बरिदि ङाझिम्ल लिज्याउरास ङालाइ बिदा दाउ याँको#१राजाहरु १९:२०।”
62तर येसुइ नोलाइ हैदोकेउ, “उकुइ गोर्त कोलोद उछिंदि ओल्द राँज्याउ अर्मि सु ब परमेस्वरवइ ओराज्यालाउ योग्य माजास्।”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 (Active), Mother Tongue Translators Society and Wycliffe Bible Translators, Inc. All rights reserved.