लुका 8
8
येसुलाइ सयोग दान्या मिमार
1हुकिं येसु परमेस्वरवइ ओराज्य बारेलाउ अप्चाउ खबर सथैद सहर-सहर सोनो नाखाँ-नाखाँल हिंके। बाह्रजना चेलार ब येसुस लेर। 2भुत्र सोनो रोगराङि गराँउ खो मिमार ब येसुस लेर। नोरमध्ये मग्दलिनि हैयादाज्याउ मरियम, हुङिज सात गोता भुत्र अस्पुलैसिउ लेर#मत्ति २७:५५-५६; मर्कुस १५:४०-४१; लुका २३:४९ । 3हेरोदवइ ओकारिन्दा खुजासवइ ओज्या योअन्ना ले। हुकिं सुसन्ना सोनो गुँ भ्या मिमार ब लेर। आउ मिमाराइ याधन-सम्पत्ति याद येसुइ ओसेवा दाज्याउलेर।
दुर् वास्सिउ आन्
मत्ति १३:१-९; मर्कुस ४:१-९
4तला सहर-सहरङि सोनो नाखाँ-नाखाँङि भ्या अर्मिर राद येसुइ ओलेउक अस्दुसिरैकेर। हुकिं येसुइ नोरलाइ तुबु आन् जाद योकेउ,
5“तुबु अर्मि दुर वासन्या हिंके। नोइ दुर ओवासज्याक खो दुर घ्वात परिके, हैजैद अर्मिराइ याखुँवइ नो दुर्लाइ सिकेर, सोनो बाजार राद ज्योकेर। 6हैजैद खो दुर लुँ वाज लेउ नाम्ल परिके। होल परिइन्या ते परिइके, तर चिसो अर्गम् ओमालेउवइ नो थुँके। 7सोनो खो दुर अप्जुज्याँ खार्ल परिके, नो दुर अप्जुज्याँ खार्ल उपरिउवइ घ्यो मास्दैकेउ। 8तर खो दुर चाहिं अप्चाउ अर्गम्लेउ नाम्ल परिके, हैजैद नो परिइ द सय गुना भ्या ओसे अप्सेके।” आउ आन् हैओलेउ छिंङि येसुवइ हैयादोकेउ, “ङास्पाँ थैन्याराइ, ङास्पाँ ध्यानस ओथैरक!”
9येसुवइ ओचेलाराइ येसुलाइ आउ आन्वइ ओअर्थ नाति हैलेद अस्गेंकेर। 10येसुवइ नोरलाइ हैयादोकेउ, “जेलाइ ते परमेस्वरवइ ओराज्य भितर्लाउ रहस्य सैंन्या ग्यान यासिउ लिज्या। तर गुँरास ङा आन्ल ङास्पाँज्या हैजैद नोराइ राँन्या ते राँज्यार तर माराँदुर सोनो थैन्या ते थैज्यार तर माबुझैर#यसैया ६:९-१०।
दुर् वास्सिउ आन्वइ ओअर्थ
मत्ति १३:१८-२३; मर्कुस ४:१३-२०
11“आउ आन्वइ ओअर्थ आउज, दुर हैलेसिउ परमेस्वरवइ ओबचन। 12हुकिं घ्वात परिउ दुर्चाहिं नोरज, जो अर्मिराइ बचन थैन्या ते थैज्यार तर यायुउँल मानैदुर, नेलाइलेक बिस्वास दाद बाँचिउ गमास्दैरक हैलेद सैतान राद, थैसिउ अस्पाँ नोराइ यायुउँङि हाइद लोउ। 13लुँ वाज लेउ नाम्ल परिउ चाहिं नोरज, जो अर्मिराइ परमेस्वरवइ ओबचन थैद खुसि जास्द बिस्वास दाज्यार। तर बिस्वास दोर दिब नोर ओरें मालेउ बिरुवा मदिउ याजासो कारनवइ दुख कस्त ओराउ बेलाक नोराइ याबिस्वास ङोइद हिं। 14अप्जुज्याँ खार्ल परिउ चाहिं नोरज, जो अर्मिराइ बचन थैन्या ते थैज्यार, तर आउ मादमिलाउ अस्पाँराइ याचिन्ता, सुख-चैन सोनो धन-सम्पतिवइ ओलोप दाद याबिस्वासलाइ बदिउ मायोर, हैजैद नोराइ यासे मिउँ मास्दैउ। 15तर अप्चाउ अर्गम्लेउ नाम्ल परिउ चाहिं नोरज, जो अर्मिराइ अप्चाद बचन थैद यायुउँल नैद इमान्दारिस बचन अनुसार एन् दोर। हैजैद नोराइ समय ओराक भ्या ओसे सप्सेर।
बत्तिइ ओआन्
मर्कुस ४:२१-२५
16“सुराइ ब बत्ति खाँद अप्जाइ माखुप्र, सोनो खात धुँल ब मामुर, बरु भितर्ल रान्यारलाइ मिंराउँ गजास्क हैलेद बत्तिलाइ झ्यों पोत झार#मत्ति ५:१५; लुका ११:३३।
17“अइजैद ज मुँद नैसिउ अस्पाँर जो जति लिज्यार, हो स्यो अस्पाँर रैंन्यालेर सोनो माबुजैसिदुउ स्यो अस्पाँर ब स्योराइ बुजैदुन्या लेर#मत्ति १०:२६; १२:२।
18“होकारन हुस्यार लेच्यो, जे जेथैउ अस्पाँलाइ ध्यानस थैच्यो, नेलाइलेक जोस लिज्या, होलाइ अजैब यासिन्याले, सोनो जोस माले, होस लेउ ब नुङि अप्नुइसिन्याले#मत्ति २५:२९; लुका १९:२६।”
येसुइ ओवामा सोनो ओपार्जार
मत्ति १२:४६-५०; मर्कुस ३:३१-३५
19तला येसुइ ओवामा सोनो ओपार्जार येसुस अस्दैसिन्या राकेर। तर अर्मिराइ याहुल्मुलवइ येसुइ ओलेउक माहिंदुकेर। 20हैजैद होकाउ लिज्यार मध्ये खोराइ येसुलाइ हैदोकेर, “नामा सोनो नपार्जार नास अस्दैसिन्या लेद लाँक च्याँद लेर।”
21तर येसुवइ नोरलाइ हैयादोकेउ, “ङा ङामा सोनो ङापार्जार ते, जोराइ परमेस्वरवइ ओबचन थैद हो अनुसार ज एन् दोर होरज।”
येसुइ नम्बुर्लाइ सान्त जैकेउ
मत्ति ८:२३-२७; मर्कुस ४:३४-४१
22तला येसु ओचेलारास दोङ्गाल याचुँलेक येसुइ ओचेलारलाइ हैयादोकेउ, “गे अर्बि होप्त गिहिंते।” हुकिं नोर हिंकेर। 23दोङ्गाल याहिंज्याक येसु अर्ङल्के। हो बेलाक अर्बिल घ्यो आँधिबेरि चलिके। हैजैद दोङ्गाल रि पलेंनाद, नोर आपत्ल परिकेर। 24येसुइ ओचेलार ओलेउक राद येसुलाइ अइलेद सप्चैंकेर, “गुरु ज्यु, गुरु ज्यु, गे गेदुबिरिके।” आउ थैद येसु सोद आँधिबेरिलाइ हकारिकेउ, होपन्याज हो स्यो थामिसिके हैजैद स्यो सान्त जास्के।
25हैजैद येसुइ नोरलाइ हैयादोकेउ, “काँउ जे जेबिस्वास काँदि उहिउँ?”
नोर छक् परिद छेकेर, हैजैद या-या अइलेद अस्पाँकेर, “आउ सु स? आउवइ आँधिबेरि सोनो रिलाइ समेत आग्या यायाज्या, हैजैद नोराइ आइ ओआग्या भैंज्यार।”
भुत लागिउ अर्मि गराउँ
मत्ति ८:२८-३४; मर्कुस ५:१-२०
26येसु सोनो ओचेलार गालिल अर्बि होपताउ गेरासेनसलाउ इलाकाल कलेस्केर। 27हैजैद येसु दोङ्गातिं पाखाक लास्के येसुइ सहरलाउ तुबु अर्मिलाइ अस्दैकेउ, होलाइ भुत लागिउ ले। नो अर्मिवइ क्वा ओमाकुसिउ लेमाले दिन जासो ले, सोनो झिम्क मालेद नो सागरयाल ले। 28नोइ येसुलाइ राँद, चोइसि कलिद येसुइ ओलेउक घोम्लेद घ्यो अर्गास हैदोकेउ, “हे महान परमेस्वरवइ ओजा येसु, ना ङास नाति एन्? बिन्ति ङादिंनिज्या, ङालाइ दुख तायाँङाको।” 29नेलाइलेक येसुवइ भुत आत्मालाइ नो अर्मिङि पुलुस्द हिंनि हैदासिउ ले। नो अर्मिलाइ जैलेदिब भुत आत्मावइ कोलोसिउ ले। नो अर्मिलाइ साँगलवइ उखुँ-कुइ सुर्द नैदब हो भुतवइ ओसक्तिइ साँगल फ्याद भुतवइ नोलाइ सु मालेन्या थाउँयाल लोउ।
30येसुइ नो भुतलाइ अस्गेंकेउ, “नर्मि नाति?” नो भुतवइ हैलेके, “ङार्मि, फौज” नेलाइलेक भ्या भुत्र नो अर्मिइ ओलेउल पसिउ लेर।
31नो भुतराइ अतल कुन्दल तास्परिंसिको हैलेद येसुस बिन्ति दोकेर।
32होबेलाक नजिककाउ दाँदात तुबु घ्यो उ बोगाल बलाज्याउर लेर। भुतराइ नो उ बोगाल्ल हिउँ यासिको हैलेद येसुलाइ बिन्ति दोकेर। येसुइ नो भुतरलाइ हैयादोकेउ, “हिंच्यो।” 33हैजैद हो भुत्र नो अर्मिङि पुलुस्द उराइ यालेउल पसिकेर। होपन्याज नो उ बोगाल हाँतफ्या समुद्रदि हुलुलु हिंकेर स्यो उर रिल धुबिद सिकेर।
34अब अमदिउ जासो राँद उ छाज्याउर भागिकेर, हैजैद नोर हिंद सहर सोनो नाखाँ भरि आउ अस्पाँ हैयादोकेर। 35हैजैद लेमाले अर्मिर कैओजासो हैलेद राँन्या येसुइ ओलेउक राकेर। नो भुत लागिउ अर्मि गराँद क्वा कुसिद येसुइ ओलेउक चुँद ओलेउ राँकेर। आउ राँद नोर छक् परिद छेकेर। 36हुकिं नो भुत लागिउ अर्मि ओगराँज्याउ राँन्या अर्मिराइ होकाउ राँन्या राउ अर्मिरलाइ नो कैजैद गराँके हैलेन्या अस्पाँ यास्थैकेर। 37हैजैद गेरासेनस आस्पासयालाउ स्यो नाखाँलाउ अर्मिराइ येसुलाइ गेनाखाँङि हिंनि हैलेद बिन्ति दोकेर। नेलाइलेक नोर भ्या छेउर लेर। होकारन येसु दोङ्गाल चुँद ओल्के। 38होबेलाक भुत अस्पुलैसिउ अर्मिइ अइलेद येसुस बिन्ति दोकेउ, “ङाब नास हिउ ङास्दैक।”
39तर येसुइ नोलाइ अइलेद अस्परिंकेउ, “ना नझिम्दि ओल्नि, सोनो परमेस्वरवइ नाको लागि ख्वा घ्यो एन् दोकेउ, आउ अस्पाँ गुँरलाइ ब हैयादोको।” हैजैद नो स्यो सहरभरिल हिंद येसुइ ओल्को लागि खा घ्यो एन् दासिउ ले, हैलेद प्रचार दोकेउ।
याइरसवइ मिमा ओजा सोनो तुबु ओजोरो राज्याउ मिमा
मत्ति ९:१८-२६; मर्कुस ५:२१-४३
40हुकिं येसु ओचेलारास ओल्द राके। होक लेमाले अर्मिराइ येसुलाइ स्वागत दोकेर, नेलाइलेक नो स्यो अर्मिराइ येसुलाइ कलेंज्याउ लेर। 41होक तुबु याइरस उर्मिलेउ यहुदिर अस्दुसिन्या झिम्लाउ सासक राद येसुइ उखुँक गोम्लेद, ङाझिम्क रादयाँको हैलेद येसुस बिन्ति दोकेउ। 42नेलाइलेक नोइ तुबु वाज बाह्र बर्सकाउ मिमा ओजा ओजोरो राद सिनाउ ले। नोइ उबिन्ति थैद येसु नोस हिंन्या ओजैसिज्याक। येसु हिंन्या ओजैसिज्याउ राँद अर्मिराइ येसुलाइ चार्वरङि घिरिकेर।
43हो हुल्मुल्लज बाह्र बर्सकिंताउ झि बगिन्या बेथावइ दुख अस्दैसिउ तुबु मिमा ब ले। नोइ ओल्सलेउ सम्पत्ति अस्प्याद उपचार दाद ब सुराइ नोलाइ मास्गराँदुसिउ ले। 44नो मिमा येसुइ उछिंतलाँ राद येसुइ ओक्वा छेउत छुकेउ। हुकिं येसुइ ओक्वा उछुउ पन्याज नोइ उझि बगिन्या रुकिसिके। 45हैजैद येसुइ हैलेके, “ङालाइ सुइ छुङाकेउ?” स्योराइ गेते म्हा हैलेकेर। हैजैद पत्रुस सोनो ओल्स लिज्याउराइ हैदोकेर, “गुरु ज्यु, अर्मिराइ अमदिउ याहुल्मुवइ नालाइ कुचुनिज्यार।”
46तर येसुइ हैयादोकेउ, “म्हा, ङालाइ तुबुइ छुसिउ ज, नेलाइलेक ङाङि सक्ति पुलुस्द उहिउँ ङासैंके।” 47अब नो मिमा ओल् मामुसिदुन्या अस्पाँ सैंद ओछेउराइ कर्कर् लेइलेइ येसुइ ओलेउक राद येसुइ उखुँक फुलुप लेके। होकाउ लिज्याउ स्यो अर्मिराइ याबरिक ओल् नाति कारनवइ येसुलाइ उछुउ, सोनो उछुउ पन्याज कैजैद ओघराँउ अस्पाँ स्यो हैलेके। 48हैजैद येसुइ नो मिमालाइ हैदोकेउ, “ङाजा, ना नबिस्वासवइ नालाइ सगराँनैनिउ। अब ना सान्तिस हिंनि।”
49येसु ओस्पाँज्याक, यहुदिर अस्दुसिन्या झिम्लाउ सासक याइरसवइ उझिम्किं तुबु अर्मि राद नोलाइ हैदोकेउ, “नजा छुरिते सिके। अब गुरुलाइ दुख तायोको।”
50तर येसुइ आउ थैद याइरसलाइ हैदोकेउ, “ताछेनि, बिस्वास वाज दोको, नो नजा बाँचिन्या ले।”
51हुकिं याइरसवइ उझिम्क कलेस्द येसुइ पत्रुस, याकुब, युहन्ना सोनो लुजाइ ओबाबु-ओवामा बाहेक गुँरलाइ ओल्स भितर्ल राउ मायोकेउ। 52होक अस्दुसिलेउ स्यो अर्मिर गर्द लावौसिज्याउर लेर, येसुइ नोरलाइ हैयादोकेउ, “ताछेच्यो, नो लुजा मासिथा, नो अर्ङल्द ले।”
53येसुइ ओस्पाँ थैद होकाउ लिज्याउ स्यो अर्मिराइ येसुलाइ गिल्दैद सास्केर, नेलाइलेक नोराइ नो लुजा सिद ले हैलेद सैंसिउ ले। 54तर येसुइ नो लुजाइ उकुइ कोलोद हैदोकेउ, “लुजा, सोनि।” 55हैजैद नो लुजाइ ओआत्मा फिरि ओल्द राके, हैजैद नो होपन्याज सोके। हुकिं येसुइ नोइ ओबाबु-ओवामनिलाइ लुजालाइ नाति-नाति ज्यान्यार याचिं हैयानिदोकेउ। 56नो लुजाइ ओबाबु-ओवामानि छक् परिकिंनि, तर आउ अस्पाँर सुरलाइ ब हैतादाचिं हैलेद येसुइ आग्या यानियोकेउ।
ទើបបានជ្រើសរើសហើយ៖
लुका 8: MAIK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 (Active), Mother Tongue Translators Society and Wycliffe Bible Translators, Inc. All rights reserved.
लुका 8
8
येसुलाइ सयोग दान्या मिमार
1हुकिं येसु परमेस्वरवइ ओराज्य बारेलाउ अप्चाउ खबर सथैद सहर-सहर सोनो नाखाँ-नाखाँल हिंके। बाह्रजना चेलार ब येसुस लेर। 2भुत्र सोनो रोगराङि गराँउ खो मिमार ब येसुस लेर। नोरमध्ये मग्दलिनि हैयादाज्याउ मरियम, हुङिज सात गोता भुत्र अस्पुलैसिउ लेर#मत्ति २७:५५-५६; मर्कुस १५:४०-४१; लुका २३:४९ । 3हेरोदवइ ओकारिन्दा खुजासवइ ओज्या योअन्ना ले। हुकिं सुसन्ना सोनो गुँ भ्या मिमार ब लेर। आउ मिमाराइ याधन-सम्पत्ति याद येसुइ ओसेवा दाज्याउलेर।
दुर् वास्सिउ आन्
मत्ति १३:१-९; मर्कुस ४:१-९
4तला सहर-सहरङि सोनो नाखाँ-नाखाँङि भ्या अर्मिर राद येसुइ ओलेउक अस्दुसिरैकेर। हुकिं येसुइ नोरलाइ तुबु आन् जाद योकेउ,
5“तुबु अर्मि दुर वासन्या हिंके। नोइ दुर ओवासज्याक खो दुर घ्वात परिके, हैजैद अर्मिराइ याखुँवइ नो दुर्लाइ सिकेर, सोनो बाजार राद ज्योकेर। 6हैजैद खो दुर लुँ वाज लेउ नाम्ल परिके। होल परिइन्या ते परिइके, तर चिसो अर्गम् ओमालेउवइ नो थुँके। 7सोनो खो दुर अप्जुज्याँ खार्ल परिके, नो दुर अप्जुज्याँ खार्ल उपरिउवइ घ्यो मास्दैकेउ। 8तर खो दुर चाहिं अप्चाउ अर्गम्लेउ नाम्ल परिके, हैजैद नो परिइ द सय गुना भ्या ओसे अप्सेके।” आउ आन् हैओलेउ छिंङि येसुवइ हैयादोकेउ, “ङास्पाँ थैन्याराइ, ङास्पाँ ध्यानस ओथैरक!”
9येसुवइ ओचेलाराइ येसुलाइ आउ आन्वइ ओअर्थ नाति हैलेद अस्गेंकेर। 10येसुवइ नोरलाइ हैयादोकेउ, “जेलाइ ते परमेस्वरवइ ओराज्य भितर्लाउ रहस्य सैंन्या ग्यान यासिउ लिज्या। तर गुँरास ङा आन्ल ङास्पाँज्या हैजैद नोराइ राँन्या ते राँज्यार तर माराँदुर सोनो थैन्या ते थैज्यार तर माबुझैर#यसैया ६:९-१०।
दुर् वास्सिउ आन्वइ ओअर्थ
मत्ति १३:१८-२३; मर्कुस ४:१३-२०
11“आउ आन्वइ ओअर्थ आउज, दुर हैलेसिउ परमेस्वरवइ ओबचन। 12हुकिं घ्वात परिउ दुर्चाहिं नोरज, जो अर्मिराइ बचन थैन्या ते थैज्यार तर यायुउँल मानैदुर, नेलाइलेक बिस्वास दाद बाँचिउ गमास्दैरक हैलेद सैतान राद, थैसिउ अस्पाँ नोराइ यायुउँङि हाइद लोउ। 13लुँ वाज लेउ नाम्ल परिउ चाहिं नोरज, जो अर्मिराइ परमेस्वरवइ ओबचन थैद खुसि जास्द बिस्वास दाज्यार। तर बिस्वास दोर दिब नोर ओरें मालेउ बिरुवा मदिउ याजासो कारनवइ दुख कस्त ओराउ बेलाक नोराइ याबिस्वास ङोइद हिं। 14अप्जुज्याँ खार्ल परिउ चाहिं नोरज, जो अर्मिराइ बचन थैन्या ते थैज्यार, तर आउ मादमिलाउ अस्पाँराइ याचिन्ता, सुख-चैन सोनो धन-सम्पतिवइ ओलोप दाद याबिस्वासलाइ बदिउ मायोर, हैजैद नोराइ यासे मिउँ मास्दैउ। 15तर अप्चाउ अर्गम्लेउ नाम्ल परिउ चाहिं नोरज, जो अर्मिराइ अप्चाद बचन थैद यायुउँल नैद इमान्दारिस बचन अनुसार एन् दोर। हैजैद नोराइ समय ओराक भ्या ओसे सप्सेर।
बत्तिइ ओआन्
मर्कुस ४:२१-२५
16“सुराइ ब बत्ति खाँद अप्जाइ माखुप्र, सोनो खात धुँल ब मामुर, बरु भितर्ल रान्यारलाइ मिंराउँ गजास्क हैलेद बत्तिलाइ झ्यों पोत झार#मत्ति ५:१५; लुका ११:३३।
17“अइजैद ज मुँद नैसिउ अस्पाँर जो जति लिज्यार, हो स्यो अस्पाँर रैंन्यालेर सोनो माबुजैसिदुउ स्यो अस्पाँर ब स्योराइ बुजैदुन्या लेर#मत्ति १०:२६; १२:२।
18“होकारन हुस्यार लेच्यो, जे जेथैउ अस्पाँलाइ ध्यानस थैच्यो, नेलाइलेक जोस लिज्या, होलाइ अजैब यासिन्याले, सोनो जोस माले, होस लेउ ब नुङि अप्नुइसिन्याले#मत्ति २५:२९; लुका १९:२६।”
येसुइ ओवामा सोनो ओपार्जार
मत्ति १२:४६-५०; मर्कुस ३:३१-३५
19तला येसुइ ओवामा सोनो ओपार्जार येसुस अस्दैसिन्या राकेर। तर अर्मिराइ याहुल्मुलवइ येसुइ ओलेउक माहिंदुकेर। 20हैजैद होकाउ लिज्यार मध्ये खोराइ येसुलाइ हैदोकेर, “नामा सोनो नपार्जार नास अस्दैसिन्या लेद लाँक च्याँद लेर।”
21तर येसुवइ नोरलाइ हैयादोकेउ, “ङा ङामा सोनो ङापार्जार ते, जोराइ परमेस्वरवइ ओबचन थैद हो अनुसार ज एन् दोर होरज।”
येसुइ नम्बुर्लाइ सान्त जैकेउ
मत्ति ८:२३-२७; मर्कुस ४:३४-४१
22तला येसु ओचेलारास दोङ्गाल याचुँलेक येसुइ ओचेलारलाइ हैयादोकेउ, “गे अर्बि होप्त गिहिंते।” हुकिं नोर हिंकेर। 23दोङ्गाल याहिंज्याक येसु अर्ङल्के। हो बेलाक अर्बिल घ्यो आँधिबेरि चलिके। हैजैद दोङ्गाल रि पलेंनाद, नोर आपत्ल परिकेर। 24येसुइ ओचेलार ओलेउक राद येसुलाइ अइलेद सप्चैंकेर, “गुरु ज्यु, गुरु ज्यु, गे गेदुबिरिके।” आउ थैद येसु सोद आँधिबेरिलाइ हकारिकेउ, होपन्याज हो स्यो थामिसिके हैजैद स्यो सान्त जास्के।
25हैजैद येसुइ नोरलाइ हैयादोकेउ, “काँउ जे जेबिस्वास काँदि उहिउँ?”
नोर छक् परिद छेकेर, हैजैद या-या अइलेद अस्पाँकेर, “आउ सु स? आउवइ आँधिबेरि सोनो रिलाइ समेत आग्या यायाज्या, हैजैद नोराइ आइ ओआग्या भैंज्यार।”
भुत लागिउ अर्मि गराउँ
मत्ति ८:२८-३४; मर्कुस ५:१-२०
26येसु सोनो ओचेलार गालिल अर्बि होपताउ गेरासेनसलाउ इलाकाल कलेस्केर। 27हैजैद येसु दोङ्गातिं पाखाक लास्के येसुइ सहरलाउ तुबु अर्मिलाइ अस्दैकेउ, होलाइ भुत लागिउ ले। नो अर्मिवइ क्वा ओमाकुसिउ लेमाले दिन जासो ले, सोनो झिम्क मालेद नो सागरयाल ले। 28नोइ येसुलाइ राँद, चोइसि कलिद येसुइ ओलेउक घोम्लेद घ्यो अर्गास हैदोकेउ, “हे महान परमेस्वरवइ ओजा येसु, ना ङास नाति एन्? बिन्ति ङादिंनिज्या, ङालाइ दुख तायाँङाको।” 29नेलाइलेक येसुवइ भुत आत्मालाइ नो अर्मिङि पुलुस्द हिंनि हैदासिउ ले। नो अर्मिलाइ जैलेदिब भुत आत्मावइ कोलोसिउ ले। नो अर्मिलाइ साँगलवइ उखुँ-कुइ सुर्द नैदब हो भुतवइ ओसक्तिइ साँगल फ्याद भुतवइ नोलाइ सु मालेन्या थाउँयाल लोउ।
30येसुइ नो भुतलाइ अस्गेंकेउ, “नर्मि नाति?” नो भुतवइ हैलेके, “ङार्मि, फौज” नेलाइलेक भ्या भुत्र नो अर्मिइ ओलेउल पसिउ लेर।
31नो भुतराइ अतल कुन्दल तास्परिंसिको हैलेद येसुस बिन्ति दोकेर।
32होबेलाक नजिककाउ दाँदात तुबु घ्यो उ बोगाल बलाज्याउर लेर। भुतराइ नो उ बोगाल्ल हिउँ यासिको हैलेद येसुलाइ बिन्ति दोकेर। येसुइ नो भुतरलाइ हैयादोकेउ, “हिंच्यो।” 33हैजैद हो भुत्र नो अर्मिङि पुलुस्द उराइ यालेउल पसिकेर। होपन्याज नो उ बोगाल हाँतफ्या समुद्रदि हुलुलु हिंकेर स्यो उर रिल धुबिद सिकेर।
34अब अमदिउ जासो राँद उ छाज्याउर भागिकेर, हैजैद नोर हिंद सहर सोनो नाखाँ भरि आउ अस्पाँ हैयादोकेर। 35हैजैद लेमाले अर्मिर कैओजासो हैलेद राँन्या येसुइ ओलेउक राकेर। नो भुत लागिउ अर्मि गराँद क्वा कुसिद येसुइ ओलेउक चुँद ओलेउ राँकेर। आउ राँद नोर छक् परिद छेकेर। 36हुकिं नो भुत लागिउ अर्मि ओगराँज्याउ राँन्या अर्मिराइ होकाउ राँन्या राउ अर्मिरलाइ नो कैजैद गराँके हैलेन्या अस्पाँ यास्थैकेर। 37हैजैद गेरासेनस आस्पासयालाउ स्यो नाखाँलाउ अर्मिराइ येसुलाइ गेनाखाँङि हिंनि हैलेद बिन्ति दोकेर। नेलाइलेक नोर भ्या छेउर लेर। होकारन येसु दोङ्गाल चुँद ओल्के। 38होबेलाक भुत अस्पुलैसिउ अर्मिइ अइलेद येसुस बिन्ति दोकेउ, “ङाब नास हिउ ङास्दैक।”
39तर येसुइ नोलाइ अइलेद अस्परिंकेउ, “ना नझिम्दि ओल्नि, सोनो परमेस्वरवइ नाको लागि ख्वा घ्यो एन् दोकेउ, आउ अस्पाँ गुँरलाइ ब हैयादोको।” हैजैद नो स्यो सहरभरिल हिंद येसुइ ओल्को लागि खा घ्यो एन् दासिउ ले, हैलेद प्रचार दोकेउ।
याइरसवइ मिमा ओजा सोनो तुबु ओजोरो राज्याउ मिमा
मत्ति ९:१८-२६; मर्कुस ५:२१-४३
40हुकिं येसु ओचेलारास ओल्द राके। होक लेमाले अर्मिराइ येसुलाइ स्वागत दोकेर, नेलाइलेक नो स्यो अर्मिराइ येसुलाइ कलेंज्याउ लेर। 41होक तुबु याइरस उर्मिलेउ यहुदिर अस्दुसिन्या झिम्लाउ सासक राद येसुइ उखुँक गोम्लेद, ङाझिम्क रादयाँको हैलेद येसुस बिन्ति दोकेउ। 42नेलाइलेक नोइ तुबु वाज बाह्र बर्सकाउ मिमा ओजा ओजोरो राद सिनाउ ले। नोइ उबिन्ति थैद येसु नोस हिंन्या ओजैसिज्याक। येसु हिंन्या ओजैसिज्याउ राँद अर्मिराइ येसुलाइ चार्वरङि घिरिकेर।
43हो हुल्मुल्लज बाह्र बर्सकिंताउ झि बगिन्या बेथावइ दुख अस्दैसिउ तुबु मिमा ब ले। नोइ ओल्सलेउ सम्पत्ति अस्प्याद उपचार दाद ब सुराइ नोलाइ मास्गराँदुसिउ ले। 44नो मिमा येसुइ उछिंतलाँ राद येसुइ ओक्वा छेउत छुकेउ। हुकिं येसुइ ओक्वा उछुउ पन्याज नोइ उझि बगिन्या रुकिसिके। 45हैजैद येसुइ हैलेके, “ङालाइ सुइ छुङाकेउ?” स्योराइ गेते म्हा हैलेकेर। हैजैद पत्रुस सोनो ओल्स लिज्याउराइ हैदोकेर, “गुरु ज्यु, अर्मिराइ अमदिउ याहुल्मुवइ नालाइ कुचुनिज्यार।”
46तर येसुइ हैयादोकेउ, “म्हा, ङालाइ तुबुइ छुसिउ ज, नेलाइलेक ङाङि सक्ति पुलुस्द उहिउँ ङासैंके।” 47अब नो मिमा ओल् मामुसिदुन्या अस्पाँ सैंद ओछेउराइ कर्कर् लेइलेइ येसुइ ओलेउक राद येसुइ उखुँक फुलुप लेके। होकाउ लिज्याउ स्यो अर्मिराइ याबरिक ओल् नाति कारनवइ येसुलाइ उछुउ, सोनो उछुउ पन्याज कैजैद ओघराँउ अस्पाँ स्यो हैलेके। 48हैजैद येसुइ नो मिमालाइ हैदोकेउ, “ङाजा, ना नबिस्वासवइ नालाइ सगराँनैनिउ। अब ना सान्तिस हिंनि।”
49येसु ओस्पाँज्याक, यहुदिर अस्दुसिन्या झिम्लाउ सासक याइरसवइ उझिम्किं तुबु अर्मि राद नोलाइ हैदोकेउ, “नजा छुरिते सिके। अब गुरुलाइ दुख तायोको।”
50तर येसुइ आउ थैद याइरसलाइ हैदोकेउ, “ताछेनि, बिस्वास वाज दोको, नो नजा बाँचिन्या ले।”
51हुकिं याइरसवइ उझिम्क कलेस्द येसुइ पत्रुस, याकुब, युहन्ना सोनो लुजाइ ओबाबु-ओवामा बाहेक गुँरलाइ ओल्स भितर्ल राउ मायोकेउ। 52होक अस्दुसिलेउ स्यो अर्मिर गर्द लावौसिज्याउर लेर, येसुइ नोरलाइ हैयादोकेउ, “ताछेच्यो, नो लुजा मासिथा, नो अर्ङल्द ले।”
53येसुइ ओस्पाँ थैद होकाउ लिज्याउ स्यो अर्मिराइ येसुलाइ गिल्दैद सास्केर, नेलाइलेक नोराइ नो लुजा सिद ले हैलेद सैंसिउ ले। 54तर येसुइ नो लुजाइ उकुइ कोलोद हैदोकेउ, “लुजा, सोनि।” 55हैजैद नो लुजाइ ओआत्मा फिरि ओल्द राके, हैजैद नो होपन्याज सोके। हुकिं येसुइ नोइ ओबाबु-ओवामनिलाइ लुजालाइ नाति-नाति ज्यान्यार याचिं हैयानिदोकेउ। 56नो लुजाइ ओबाबु-ओवामानि छक् परिकिंनि, तर आउ अस्पाँर सुरलाइ ब हैतादाचिं हैलेद येसुइ आग्या यानियोकेउ।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 (Active), Mother Tongue Translators Society and Wycliffe Bible Translators, Inc. All rights reserved.