लुका 10
10
येसुइ सत्तरि जना चेलारलाइ अस्परिंसिउ
1हैजैद प्रभुइ गुँ सत्तरि#10:1 सत्तरि: खो-खो सँस्करनल बहत्तर जना ब अप्सरसिउ लिज्या। जनारलाइ याछानिकेउ, सोनो ओल् हिंन्या ओजैसिज्याउ स्यो सहर सोनो नाखाँयाल ओल्भन्दा बरिदि नोरलाइ जोर्-जोर् जैद यास्परिंकेउ। 2येसुइ नोरलाइ हैयादोकेउ, “मिउँ अन्ते भ्या लिज्या, तर एन् दान्यार जाँमा लिज्यार। आउकारन एन् दान्या अर्मिर भ्या अस्परिंद यासिको हैलेद अन्वइ ओर्गेलाइ प्राथना दाच्यो#मत्ति ९:३७-३८। 3अब जे हिंद राँच्यो, पाथारलाइ पर्राइ याखार्ल अस्परिंसिउ मालाक जेलाइ ङा अर्मिराइ याखार्ल ङास्परिंच्योज्या#मत्ति १०:१६। 4जे रुप्या, झोलि, पोवला जेस निउ तालाँच्यो। घ्वात अर्मिरास सोलो-सोलो अस्पाँद ताअल्मलिच्यो। 5जे जो झिम्ल पसिन्या जेजैसि पसिन्या भन्दा बरिदि अइलेद आसिस यायाच्यो, ‘आउ झिम्ल सान्ति ओजास्क।’ 6हो झिम्लाउ अर्मिराइ सान्तिलाइ यामन् ओलागिज्याकिंलेक, नोराइ आसिस अस्दैन्या लेर, तर यामन् ओमालागिकिंलेक, नो आसिस जेलेउदि ज ओल्द रान्या ले। 7झिम्-झिम्ल तापसिच्यो, तर जेलाइ जो झिम्लाउ अर्मिराइ अप्चाउ जैच्योर हो झिम्ल ज लेच्यो सोनो नोराइ यायाच्योउ ज्याउ ज्याच्यो नेलाइलेक एन् दान्यावइ ओज्याला अस्दौ#१कोरिन्थि ९:१४; १तिमोथि ५:१८। 8नैजैद ज जे तुबा सहरल जिहिंक, होलाउ लिज्याउ अर्मिराइ जेलाइ स्वागत दाद, जिबरिक जाद यासिउ ज्याउ ज्याच्यो। 9होलाउ रोगिरलाइ यासगराँच्यो, सोनो नोरलाइ हैयादाच्यो, ‘परमेस्वरवइ ओराज्य जेनजिक कलेसरै ले।’ 10तर जे तुबा सहरल जिहिंक, होलाउ अर्मिराइ जेलाइ स्वागत मादाच्योकेर लेक, हुलिं पुलुस्द हो सहरलाउ अर्मिर यास्दुसिन्या घ्वात हिंच्यो, हैजैद हैयादाच्यो#प्रेरित १३:५१, 11‘जे गेस्पाँ जेमाथौवइ जेतर्त परमेस्वरवइ ओक्रोद ओस्तैंक गे आउ अस्पाँ गेमासैं हैलेद जेसहरलाउ धुलो ब गेपैतलातिं तकतकैद गेयाच्योज्या, तर जे आउ अस्पाँ सैंच्यो, परमेस्वरवइ ओराज्य नजिकज राद ले#मत्ति १०:७-१४; मर्कुस ६:८-११।’ 12ङा जेलाइ हैङादाच्योज्या, परमेस्वरवइ दान्या न्यायलाउ दिनल हो सहरलाउ अर्मिराइ यादुख सदोम सहरलाउ अर्मिराइ यादुख भन्दा ब घ्यो जास्न्या ले#उत्पत्ति १९:२४-२८; मत्ति ११:१४; १०:१५#मत्ति १०:७-१५; मर्कुस ६:८-११; लुका ९:३-५।
13“खोराजिन सोनो बेथसेदा सहरलाउ अर्मिर, धिक्कार जेलाइ! जेलेउल दासिउ अचम्बलाउ एन् तुरोस सोनो सिदोनल दासिउकिंलेक नोराइ बरिदि ज घुम्चो कुसिद धुलिल चुँद यापापङि ओल्केरा#यसैया २३:१-१८; इजकिएल २६:१—२८:२६; योएल ३:४-८; आमोस १:९-१०; जकरिया ९:२-४; मत्ति ११:२०-२४। 14होकारन परमेस्वरवइ न्याय ओदोक तुरोस सोनो सिदोन सहरलाउ अर्मिराइ यादुख भन्दा जिदुख घ्यो जास्न्या ले। 15ए कफर्नहुम सहरलाउ अर्मिर, जे स्वर्गत घ्यो अर्मिर गेजास्ते हैलेद बिचार जेदाज्या? जे ते नरकल अर्बिसिन्या जेले#यसैया १४:१३-१५।”
16येसुइ ओचेलारलाइ हैयादोकेउ, “जोइ जेस्पाँ थौ, होइ ङा ङास्पाँ ब थौ। जोइ जेलाइ मास्विकारिचेउ, होइ ङालाइ ब मास्विकारिङाउ, सोनो जोइ ङालाइ मास्विकारिङाउ, होइ ङालाइ अस्परिंज्याउ परमेस्वरलाइ ब मास्विकारिउ#मत्ति १०:४०; मर्कुस ९:३७; लुका ९:४८; युहन्ना १३:२०।”
सत्तरि जना चेलार ओल्द राकेर
17नो सत्तरि जना अर्मिर आनन्दस ओल्द राद येसुलाइ अइदोकेर, “प्रभु ज्यु, नर्मित भुत्र ब ग्याधपैदुके।”
18हुकिं येसुइ नोरलाइ हैयादोकेउ, “सैतानलाइ बिजुलि ओचम्किउ मदिउ नम्तिं ओतेरैज्याउ ङा ङाराँके। 19थैच्यो, ङा जेलाइ घुल्र सोनो बिच्छिर मदिउ दुस्त आत्माराइ यासक्तिलाइ झ्याँन्या सोनो नोरलाइ सिन्या अधिकार ङायाच्यो। नोराइ जेलाइ कैजैदुन्या मालेर#भजनसंग्रह ९१:१३। 20तर दुस्त आत्मार जे जेअधिकारल यालेउ अस्पाँल भन्दा ब स्वर्गत जिर्मि अप्सरसिउ लिज्या हैलेद रैंच्यो।”
येसुइ परमेस्वर बाबुलाइ धन्यबाद यासिउ
मत्ति ११:२५-२७; १३:१६-१७
21होबेलाक ज येसु पबित्र आत्मावइ भरिपुर्न जास्द आन्नद जास्के, हैजैद अइलेके, “ए परमेस्वर बाबु, स्वर्ग सोनो मादमिलाउ परमप्रभु, ङा नालाइ धन्यबाद ङायिंनिज्या, नेलाइलेक ना बुद्धिमान सोनो सम्जदार् अर्मिराङि आउ अस्पाँ गुप्त नैद आलुजा लुजा मदिउरलाइ अस्तैंद नायोके। बाबु, नालाइ अमदिउ ज अप्चाउ लागिके।”
22हैजैद नोकाउ लिज्याउ अर्मिरलाइ येसुइ हैयादोकेउ, “ङाबाबुइ स्यो थोक ङालाइ सुम्पिनैङाउ। जा सु हैलेद बाबु बाहेक सुराइ ब मासैंर। बाबु सु ओजासो हैलेद जाइ बाहेक, सोनो जाइ ओवाससरेसो बाहेक गुँ सुराइ ब बाबुलाइ मासरेसर।” 23हुकिं ओचेलाराइ यालेउदि फर्किद येसुइ नोरलाइ गोप्यल हैयादोकेउ, “आउ स्यो अस्पाँर राँउ अस्दैन्या जे आसिस अस्दैसिउ अर्मिर। 24नेलाइलेक ङा जेलाइ हैङादाच्योज्या, परमेस्वरङि अस्पाँन्या भ्या अर्मिर सोनो अर्गेराइ जे जेराँउ आउ अस्पाँर राँन्या सोनो थैन्या घ्यो इच्छ्या दासिउ लेर तर नोराइ राउँ सोनो थौ मास्दैकेर।”
दसाजकाउ छिमिकि
25तला मोसावइ ओनियम अस्पैन्या तुबु राद येसुलाइ बिचारिन्याको लागि नोइ अइलेद अस्गेंकेउ, “गुरु ज्यु, सदा लेन्याँ जुनि अस्दैन्याको लागि ङा नाति दाउपरि?”
26येसुइ नोलाइ हैदोकेउ, “मोसाइ ओव्यबस्थाल नाति अप्सरसिउ लिज्या? होत ना नाति नबुजै नै?”
27 #
लेवि १९:१८; व्यबस्था ६:५ मोसावइ ओनियम अस्पैन्यावइ हैदोकेउ, “ना नप्रभु परमेस्वरलाइ स्यो नजिबनवइ, स्यो नसक्तिवइ वाज माजास्द नयुउँलिंज माया दोको, सोनो नछिमिकिरलाइ ना मदिउज सम्झिद माया यादोको।”
28येसुवइ नोलाइ हैदोकेउ, “ना थिक अस्पाँ ज हैनलेके। नदिउज दोको, ना सदा बाँचिन्या नले#मत्ति २२:३५-४०; मर्कुस १२:२८-३४ #लेवि १८:५।”
29तर नोइ ओल्लाइ धर्मि अस्तैंन्या युउँ दाद येसुलाइ हैदोकेउ, “हुकिंलेक,ङा ङाछिमिकि चाहिं सु स?”
30येसुइ नोलाइ तुबु स्यालोक जाद हैदोकेउ, “तला तुबु अर्मि यरुसलेमङि यरिहो#10:30 यरिहो: यरिहो सहर यरुसलेम्किं लगभग तलाकाउ घ्वा ले यरिहो सहर अप्जिसिम जास्द हिन्या ले। सहरदि, उहिंज्याक। घ्वात नोलाइ दाँकाराइ कोलोद नाङ्गोपत्या जैद, थतैद अदमर्याउ जैद बनैकेर। 31तदेस्क तुबु यहुदि पुजारि नो घ्वा तफ्याँ जास्दज उहिंज्याक। नोइ नो घाइत्या अर्मिलाइ राँद होकै-होकै तर्किद हिंके। 32हैजैदज तुबु लेवि ब नोतलाँ ज राके। नोइ ब नो घाइत्या अर्मिलाइ राँद होकैकिंज, तर्किद हिंके। 33तर तुबु सामरि ब नोतलाँ ज उहिंज्याक, नो घाइत्या अर्मि लेउ थाउँक राके। नोइ हो अर्मिलाइ राँद उयुउँ नाके#२इतिहास २८:१५ । 34हुकिं नो नोइ ओलेउक हिंद, ओघाइरात मास् सोनो अंगुरवइ ओरस थिद तालाइ पुदयोकेउ। हैजैद नोलाइ ओगधातर्त सर्बुँद, तुबु बासिन्या पोक लाँद तरिपुरु नोइ ओस्यार्सुसार दोकेउ। 35होइ ओपराति छकल्या हिंन्या बेलाक नो सामरिवइ बासिन्या पोकाउ मालिकलाइ जोर्बलै चाँदि सिक्का#10:35सिक्का:चाँदिवइ जोर् सिक्का नेलालाउ ज्याला बराबर मानिसि। याद हैदोकेउ, ‘आलाइ अप्चाउ जैद राँको। आउको लागि गुँ भ्या खर्च ओलागिकिं ङा ओल्द ङाराक नालाइ लागिउ गुँ रुप्या ङायिनिते।’”
36हैजैद येसुइ मोसाइ ओनियम अस्पैन्यालाइ अस्गेंकेउ, “नबिचारल आउ सोम् अर्मिराङि दाँकाराइ याकुइत परिन्या अर्मिवइ उछिमिकि कदिउ क्या?”
37नोइ हैलेके, “नोलाइ दया दाज्याउ अर्मि ज नोइ उछिमिकिं।”
येसुवइ नोलाइ हैदोकेउ, “हिंनि, नाब नमदिउ ज दोको।”
मार्था सोनो मरियमनिइ इंझिम्क येसु हिउँ
38येसु सोनो ओचेलार याहिंज्याक तुबु नाखाँल कलेस्केर। हो नाखाँल मार्था उर्मिलेउ तुबु मिमावइ येसु सोनो येसुइ ओचेलारलाइ उझिम्क लाँद स्वागत यादोकेउ#युहन्ना ११:१ । 39मरियम उर्मिलेउ तुबु ओनामजा ले। मरियम येसुइ उखुँतेक चुँद येसुइ ओबचन थौ। 40तर मार्था पाहुनारलाइ सेवा सत्कार दान्या भ्या एन्त मायाँज्याउ ले। नोइ येसुइ ओलेउक राद हैलेके, “प्रभु ज्यु, ङानाम्जाइ सेवा सत्कारलाउ एन्ल ङालाइ ङाप्तराँ जैनैङाउ, ना वास्ता नमादो? राद ङालाइ एन् दान्या ओवैङाउक नोलाइ हैदादयाँको।”
41तर येसुइ नोलाइ हैदोकेउ, “मार्था, मार्था, ना भ्या अस्पाँवइ उपिर चिन्ता नदाज्या। 42तर चाहिन्या अस्पाँ तुबु वा लिज्या, हो अप्चाउ अस्पाँ मरियमवइ रुजिदनौ, आउ अप्चाउ अस्पाँ मरियमङि अप्नुइसिन्या माले।”
ទើបបានជ្រើសរើសហើយ៖
लुका 10: MAIK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 (Active), Mother Tongue Translators Society and Wycliffe Bible Translators, Inc. All rights reserved.
लुका 10
10
येसुइ सत्तरि जना चेलारलाइ अस्परिंसिउ
1हैजैद प्रभुइ गुँ सत्तरि#10:1 सत्तरि: खो-खो सँस्करनल बहत्तर जना ब अप्सरसिउ लिज्या। जनारलाइ याछानिकेउ, सोनो ओल् हिंन्या ओजैसिज्याउ स्यो सहर सोनो नाखाँयाल ओल्भन्दा बरिदि नोरलाइ जोर्-जोर् जैद यास्परिंकेउ। 2येसुइ नोरलाइ हैयादोकेउ, “मिउँ अन्ते भ्या लिज्या, तर एन् दान्यार जाँमा लिज्यार। आउकारन एन् दान्या अर्मिर भ्या अस्परिंद यासिको हैलेद अन्वइ ओर्गेलाइ प्राथना दाच्यो#मत्ति ९:३७-३८। 3अब जे हिंद राँच्यो, पाथारलाइ पर्राइ याखार्ल अस्परिंसिउ मालाक जेलाइ ङा अर्मिराइ याखार्ल ङास्परिंच्योज्या#मत्ति १०:१६। 4जे रुप्या, झोलि, पोवला जेस निउ तालाँच्यो। घ्वात अर्मिरास सोलो-सोलो अस्पाँद ताअल्मलिच्यो। 5जे जो झिम्ल पसिन्या जेजैसि पसिन्या भन्दा बरिदि अइलेद आसिस यायाच्यो, ‘आउ झिम्ल सान्ति ओजास्क।’ 6हो झिम्लाउ अर्मिराइ सान्तिलाइ यामन् ओलागिज्याकिंलेक, नोराइ आसिस अस्दैन्या लेर, तर यामन् ओमालागिकिंलेक, नो आसिस जेलेउदि ज ओल्द रान्या ले। 7झिम्-झिम्ल तापसिच्यो, तर जेलाइ जो झिम्लाउ अर्मिराइ अप्चाउ जैच्योर हो झिम्ल ज लेच्यो सोनो नोराइ यायाच्योउ ज्याउ ज्याच्यो नेलाइलेक एन् दान्यावइ ओज्याला अस्दौ#१कोरिन्थि ९:१४; १तिमोथि ५:१८। 8नैजैद ज जे तुबा सहरल जिहिंक, होलाउ लिज्याउ अर्मिराइ जेलाइ स्वागत दाद, जिबरिक जाद यासिउ ज्याउ ज्याच्यो। 9होलाउ रोगिरलाइ यासगराँच्यो, सोनो नोरलाइ हैयादाच्यो, ‘परमेस्वरवइ ओराज्य जेनजिक कलेसरै ले।’ 10तर जे तुबा सहरल जिहिंक, होलाउ अर्मिराइ जेलाइ स्वागत मादाच्योकेर लेक, हुलिं पुलुस्द हो सहरलाउ अर्मिर यास्दुसिन्या घ्वात हिंच्यो, हैजैद हैयादाच्यो#प्रेरित १३:५१, 11‘जे गेस्पाँ जेमाथौवइ जेतर्त परमेस्वरवइ ओक्रोद ओस्तैंक गे आउ अस्पाँ गेमासैं हैलेद जेसहरलाउ धुलो ब गेपैतलातिं तकतकैद गेयाच्योज्या, तर जे आउ अस्पाँ सैंच्यो, परमेस्वरवइ ओराज्य नजिकज राद ले#मत्ति १०:७-१४; मर्कुस ६:८-११।’ 12ङा जेलाइ हैङादाच्योज्या, परमेस्वरवइ दान्या न्यायलाउ दिनल हो सहरलाउ अर्मिराइ यादुख सदोम सहरलाउ अर्मिराइ यादुख भन्दा ब घ्यो जास्न्या ले#उत्पत्ति १९:२४-२८; मत्ति ११:१४; १०:१५#मत्ति १०:७-१५; मर्कुस ६:८-११; लुका ९:३-५।
13“खोराजिन सोनो बेथसेदा सहरलाउ अर्मिर, धिक्कार जेलाइ! जेलेउल दासिउ अचम्बलाउ एन् तुरोस सोनो सिदोनल दासिउकिंलेक नोराइ बरिदि ज घुम्चो कुसिद धुलिल चुँद यापापङि ओल्केरा#यसैया २३:१-१८; इजकिएल २६:१—२८:२६; योएल ३:४-८; आमोस १:९-१०; जकरिया ९:२-४; मत्ति ११:२०-२४। 14होकारन परमेस्वरवइ न्याय ओदोक तुरोस सोनो सिदोन सहरलाउ अर्मिराइ यादुख भन्दा जिदुख घ्यो जास्न्या ले। 15ए कफर्नहुम सहरलाउ अर्मिर, जे स्वर्गत घ्यो अर्मिर गेजास्ते हैलेद बिचार जेदाज्या? जे ते नरकल अर्बिसिन्या जेले#यसैया १४:१३-१५।”
16येसुइ ओचेलारलाइ हैयादोकेउ, “जोइ जेस्पाँ थौ, होइ ङा ङास्पाँ ब थौ। जोइ जेलाइ मास्विकारिचेउ, होइ ङालाइ ब मास्विकारिङाउ, सोनो जोइ ङालाइ मास्विकारिङाउ, होइ ङालाइ अस्परिंज्याउ परमेस्वरलाइ ब मास्विकारिउ#मत्ति १०:४०; मर्कुस ९:३७; लुका ९:४८; युहन्ना १३:२०।”
सत्तरि जना चेलार ओल्द राकेर
17नो सत्तरि जना अर्मिर आनन्दस ओल्द राद येसुलाइ अइदोकेर, “प्रभु ज्यु, नर्मित भुत्र ब ग्याधपैदुके।”
18हुकिं येसुइ नोरलाइ हैयादोकेउ, “सैतानलाइ बिजुलि ओचम्किउ मदिउ नम्तिं ओतेरैज्याउ ङा ङाराँके। 19थैच्यो, ङा जेलाइ घुल्र सोनो बिच्छिर मदिउ दुस्त आत्माराइ यासक्तिलाइ झ्याँन्या सोनो नोरलाइ सिन्या अधिकार ङायाच्यो। नोराइ जेलाइ कैजैदुन्या मालेर#भजनसंग्रह ९१:१३। 20तर दुस्त आत्मार जे जेअधिकारल यालेउ अस्पाँल भन्दा ब स्वर्गत जिर्मि अप्सरसिउ लिज्या हैलेद रैंच्यो।”
येसुइ परमेस्वर बाबुलाइ धन्यबाद यासिउ
मत्ति ११:२५-२७; १३:१६-१७
21होबेलाक ज येसु पबित्र आत्मावइ भरिपुर्न जास्द आन्नद जास्के, हैजैद अइलेके, “ए परमेस्वर बाबु, स्वर्ग सोनो मादमिलाउ परमप्रभु, ङा नालाइ धन्यबाद ङायिंनिज्या, नेलाइलेक ना बुद्धिमान सोनो सम्जदार् अर्मिराङि आउ अस्पाँ गुप्त नैद आलुजा लुजा मदिउरलाइ अस्तैंद नायोके। बाबु, नालाइ अमदिउ ज अप्चाउ लागिके।”
22हैजैद नोकाउ लिज्याउ अर्मिरलाइ येसुइ हैयादोकेउ, “ङाबाबुइ स्यो थोक ङालाइ सुम्पिनैङाउ। जा सु हैलेद बाबु बाहेक सुराइ ब मासैंर। बाबु सु ओजासो हैलेद जाइ बाहेक, सोनो जाइ ओवाससरेसो बाहेक गुँ सुराइ ब बाबुलाइ मासरेसर।” 23हुकिं ओचेलाराइ यालेउदि फर्किद येसुइ नोरलाइ गोप्यल हैयादोकेउ, “आउ स्यो अस्पाँर राँउ अस्दैन्या जे आसिस अस्दैसिउ अर्मिर। 24नेलाइलेक ङा जेलाइ हैङादाच्योज्या, परमेस्वरङि अस्पाँन्या भ्या अर्मिर सोनो अर्गेराइ जे जेराँउ आउ अस्पाँर राँन्या सोनो थैन्या घ्यो इच्छ्या दासिउ लेर तर नोराइ राउँ सोनो थौ मास्दैकेर।”
दसाजकाउ छिमिकि
25तला मोसावइ ओनियम अस्पैन्या तुबु राद येसुलाइ बिचारिन्याको लागि नोइ अइलेद अस्गेंकेउ, “गुरु ज्यु, सदा लेन्याँ जुनि अस्दैन्याको लागि ङा नाति दाउपरि?”
26येसुइ नोलाइ हैदोकेउ, “मोसाइ ओव्यबस्थाल नाति अप्सरसिउ लिज्या? होत ना नाति नबुजै नै?”
27 #
लेवि १९:१८; व्यबस्था ६:५ मोसावइ ओनियम अस्पैन्यावइ हैदोकेउ, “ना नप्रभु परमेस्वरलाइ स्यो नजिबनवइ, स्यो नसक्तिवइ वाज माजास्द नयुउँलिंज माया दोको, सोनो नछिमिकिरलाइ ना मदिउज सम्झिद माया यादोको।”
28येसुवइ नोलाइ हैदोकेउ, “ना थिक अस्पाँ ज हैनलेके। नदिउज दोको, ना सदा बाँचिन्या नले#मत्ति २२:३५-४०; मर्कुस १२:२८-३४ #लेवि १८:५।”
29तर नोइ ओल्लाइ धर्मि अस्तैंन्या युउँ दाद येसुलाइ हैदोकेउ, “हुकिंलेक,ङा ङाछिमिकि चाहिं सु स?”
30येसुइ नोलाइ तुबु स्यालोक जाद हैदोकेउ, “तला तुबु अर्मि यरुसलेमङि यरिहो#10:30 यरिहो: यरिहो सहर यरुसलेम्किं लगभग तलाकाउ घ्वा ले यरिहो सहर अप्जिसिम जास्द हिन्या ले। सहरदि, उहिंज्याक। घ्वात नोलाइ दाँकाराइ कोलोद नाङ्गोपत्या जैद, थतैद अदमर्याउ जैद बनैकेर। 31तदेस्क तुबु यहुदि पुजारि नो घ्वा तफ्याँ जास्दज उहिंज्याक। नोइ नो घाइत्या अर्मिलाइ राँद होकै-होकै तर्किद हिंके। 32हैजैदज तुबु लेवि ब नोतलाँ ज राके। नोइ ब नो घाइत्या अर्मिलाइ राँद होकैकिंज, तर्किद हिंके। 33तर तुबु सामरि ब नोतलाँ ज उहिंज्याक, नो घाइत्या अर्मि लेउ थाउँक राके। नोइ हो अर्मिलाइ राँद उयुउँ नाके#२इतिहास २८:१५ । 34हुकिं नो नोइ ओलेउक हिंद, ओघाइरात मास् सोनो अंगुरवइ ओरस थिद तालाइ पुदयोकेउ। हैजैद नोलाइ ओगधातर्त सर्बुँद, तुबु बासिन्या पोक लाँद तरिपुरु नोइ ओस्यार्सुसार दोकेउ। 35होइ ओपराति छकल्या हिंन्या बेलाक नो सामरिवइ बासिन्या पोकाउ मालिकलाइ जोर्बलै चाँदि सिक्का#10:35सिक्का:चाँदिवइ जोर् सिक्का नेलालाउ ज्याला बराबर मानिसि। याद हैदोकेउ, ‘आलाइ अप्चाउ जैद राँको। आउको लागि गुँ भ्या खर्च ओलागिकिं ङा ओल्द ङाराक नालाइ लागिउ गुँ रुप्या ङायिनिते।’”
36हैजैद येसुइ मोसाइ ओनियम अस्पैन्यालाइ अस्गेंकेउ, “नबिचारल आउ सोम् अर्मिराङि दाँकाराइ याकुइत परिन्या अर्मिवइ उछिमिकि कदिउ क्या?”
37नोइ हैलेके, “नोलाइ दया दाज्याउ अर्मि ज नोइ उछिमिकिं।”
येसुवइ नोलाइ हैदोकेउ, “हिंनि, नाब नमदिउ ज दोको।”
मार्था सोनो मरियमनिइ इंझिम्क येसु हिउँ
38येसु सोनो ओचेलार याहिंज्याक तुबु नाखाँल कलेस्केर। हो नाखाँल मार्था उर्मिलेउ तुबु मिमावइ येसु सोनो येसुइ ओचेलारलाइ उझिम्क लाँद स्वागत यादोकेउ#युहन्ना ११:१ । 39मरियम उर्मिलेउ तुबु ओनामजा ले। मरियम येसुइ उखुँतेक चुँद येसुइ ओबचन थौ। 40तर मार्था पाहुनारलाइ सेवा सत्कार दान्या भ्या एन्त मायाँज्याउ ले। नोइ येसुइ ओलेउक राद हैलेके, “प्रभु ज्यु, ङानाम्जाइ सेवा सत्कारलाउ एन्ल ङालाइ ङाप्तराँ जैनैङाउ, ना वास्ता नमादो? राद ङालाइ एन् दान्या ओवैङाउक नोलाइ हैदादयाँको।”
41तर येसुइ नोलाइ हैदोकेउ, “मार्था, मार्था, ना भ्या अस्पाँवइ उपिर चिन्ता नदाज्या। 42तर चाहिन्या अस्पाँ तुबु वा लिज्या, हो अप्चाउ अस्पाँ मरियमवइ रुजिदनौ, आउ अप्चाउ अस्पाँ मरियमङि अप्नुइसिन्या माले।”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 (Active), Mother Tongue Translators Society and Wycliffe Bible Translators, Inc. All rights reserved.