लुका 19
19
येसु सोनो स्यार्मा उथैज्याउ जखायस
1हुकिं येसु यरिहो सहर तलाँ उहिंज्याक। 2होक जखायस उर्मिलेउ तुबु अर्मि ले। नो स्यार्मा उथैन्याराइ यार्ङैताउ ले, हुकिं नो धनि ले। 3नोइ येसु कमदिउ ओलेउ हैलेद राँउ अस्पैज्याउ ले, तर नो पुदक्या ओजासोइ अर्मिराइ याहुल्मुलवइ ओगर्दा, नोइ माराँदुकेउ। 4होकारन नो येसुलाइ राँन्याको लागि अर्मिराइ याहुल्मुल भन्दा बरिबरि जोनाद तुबु नेभारा हैयादाज्याउ सिंगुरत गुम्के। नेलाइकिंलेक येसु नोतलाँ ज जास्द हिन्या जैसिज्याउ ले। 5जब येसु नो थाउँक कलेसरैके, हुकिं यादि बालसिद नोलाइ हैदोकेउ, “ए जखायस, हर्पत लास्द रैं, आछिम् ङा ना नझिम्क बासिउ ज परि।”
6नो होपन्याँ लास्द राके। हुकिं नो भ्या खुसि जास्द येसुलाइ उझिम्क स्वागत दोकेउ। 7आउ राँन्या स्यो अर्मिर अइलेद गनगनैकेर, “आउ अर्मिते पापिवइ उझिम्कचि बासिनाके।”
8तर छ्याक जखायसवइ च्याँद प्रभुलाइ हैदोकेउ, “गुरु ज्यु, थैको, ङा तकाप्ला ङासम्पति गरिबरलाइ ङायो, सोनो जोरास ङा अन्याय दाद उथैद रैदङानै। होरलाइ ङा चारगुना भ्या यान्या ङाले।”
9येसुइ हैलेके, “आछिम् आउ झिम्लाउ अर्मिरलाइ परमेस्वरवइ बचैद यानौ। नेलाइलेक आउ जखायस ब अब्राहामवइ ओसन्तानज। 10नेलाइलेक परमेस्वरवइ उस्परिंङाउ ङा अर्मिइ ओजा आउ मादमिल जकै मदिउ परमेस्वरङि तादा जासो अर्मिरलाइ खिम्न्या सोनो बचैन्या ङाराउ#मत्ति १८:११।”
तेउ सुन सिक्कावइ ओआन्
मत्ति २५:१४-३०
11येसु यरुसलेम नजिक ओलेउवइ परमेस्वरवइ ओराज्य हर्पत रा हैलेद अर्मिराइ सम्झिज्याउर लेर। होकारन येसुइ ओस्पाँ थैज्याउ अर्मिरलाइ येसुइ तुबु आन् जाद यायोकेउ। 12“तुबु खान्दान्लाउ अर्मि भ्या तादालाउ देसल हिंद ओदेसलाउ अर्गे जास्द ओल्द रान्या बिचार दोकेउ। 13होकारन नोइ दस जना ओबाँदारलाइ खुल्द नोर स्योरलाइ तुबु-तुबु सुन सिक्का याद हैयादोकेउ, ‘ङा ओल्द ङामाराउवा आतिं ङाको लागि ब्यापार दाज्याच्यो।’ 14तर ओदेसलाउ अर्मिराइ चाहिं नोलाइ अप्सोर। होइ नो उहिंउ छिंङि नोइ ओदेसलाउ अर्मिराइ ‘आउ अर्मि गेको लागि अर्गे ताजास्क’ हैलेद खबर अस्परिंकेर।
15“तर नो अर्मि अर्गे जास्दज ओल्के। ओराउ पन्याज रुप्या ओवायोउ ओबाँदाराइ ब्यापार दाद ख्वा वा नाफा जैयार लेद अस्गेंन्या याखुल्केउ। 16बरिदिङाउ बाँदा राद हैदोकेउ, ‘मालिक, नयाँङाउ सिक्कावइ अजैब गुँ दस सिक्का ङाकमैनै।’ 17मालिकवइ नोलाइ हैदोकेउ, ‘स्याबास! अप्चाउ बाँदा, ना आलुजा अस्पाँत बिस्वासयोग्य नजास्के, नालाइ दस गोता सहरल अधिकार दान्या जैन्या ङाले।’ 18दोस्रोलाउ बाँदा राद हैदोकेउ, ‘मालिक, नयाँङाउ सिक्कावइ गुँ अर्ङाबलै सिक्का ङाकमैनै।’ 19नोइ नोलाइ हैदोकेउ, ‘नाब अर्ङाबलै सहरल अधिकार दान्या जास्न्या नले।’ 20-21तर गुँ बाँदा राद अइदोकेउ, ‘मालिक, ना अखत्यारिउ अर्मि नलिज्या। ना नमाकमौ धनतिं नरैज्या, हुकिं ना मारुपिसिउ बालितिं नसिप्ज्या। ना नै नजौवइ ङा नास भ्या ङाछेके। आउकारन राँको, ना ङालाइ नयाँङाउ सुन सिक्कालाइ तालाल पुद ङानैनै। हो आक लिज्या।’ 22नोइ नोलाइ हैदोकेउ, ‘ए दुस्त बाँदा, आउ नस्पाँङि ज ङा नालाइ दन्द ङायिंनि। ङा कथोर युउँलाउ सोनो जो ङामाजा हो ङारैज्याउ, सोनो जो ङामारुपि हो क्यालद ङारैज्याउ ते नसैंज्याउ। 23हुकिंलेक ना नेलाइ ङारुप्या ब्याजल नमालैज्याउ स? नैजैन्याकिं ङा ओल्द ङाराक नोइ ओब्यास ङास्दैक्या।’ 24हुकिं नोइ नोकाउ च्याँलेउरलाइ हैयादोकेउ, ‘नोइ ओलेउकिं नो सिक्का रैद दस गोता सिक्का दानौलाइ याच्यो।’ 25तर नोराइ मालिकलाइ हैदोकेर, ‘मालिक, नोइ ते दस गोता सिक्कार ओल्स ज नैद नौ सा।’ 26मालिकवइ नोरलाइ हैयादोकेउ, ‘ङा जेलाइ हैङादाच्योज्या, जोस लिज्या होलाइ जन भ्या यासिन्या ले, तर जोरास माले होरास लेउ जामा ब नोराङि अपनुइसिन्या ले। 27तर अर्गेवइ नोकाउ लिज्याउ अर्मिरलाइ अइयादोकेउ, ङा नोरात अधिकार ङादोउ यामन् मालागिन्या हो ङासुतर्रलाइ आक यारैच्यो, हैजैद नोरलाइ ङाबरिकज यासैच्यो।’”
येसु अर्गे जास्द येरुसलेम्ल हिउँ
मत्ति २१:१-११; मर्कुस ११:१-११; युहन्ना १२:१२-१९
28येसुइ आउ आन् हैओलेउ छिंङि येसु ओचेलाराइ याबरि-याबरि यरुसलेम्दि हिंके। 29जब येसु बेथफागे सोनो बेथानिया नाखाँ छ्योउकाउ जैतुन दाँदाँत कलेस्के। 30हुकिं येसुइ ओचेलाराङि जोर्निलाइ अइदाद यानिस्परिंकेउ, “होपताउ नाखाँल हिंचिं। जिं जोर्नि होक सुराइ मार्बुँसिउ गधाइ ओजा अस्दैन्या जिंले। होलाइ पलाद आक रैचिं। 31तुबाराइ ‘नेलाइ आलाइ जिंपलाज्या?’ हैलेद जिंलाइ यास्गेंचिकिं, ‘प्रभुलाइ आउ चाहिले’ हैयादाचिं।”
32नुनिजोर् ज नो नाखाँल हिंकिंनि सोनो येसुइ नुनिलाइ जो मदिउ हैदासिउ ले हदिउज अस्दैनाकिनि। 33नुनिइ गधावइ ओजालाइ पलान्या इंजैसिज्याक, गधावइ ओर्गेराइ नुनिलाइ यास्गेंकेर, “जिं आउ गधाइ ओजालाइ नेलाइ जिंपलाज्या?”
34नुनिइ हैदोकिनि, “प्रभुलाइ आउ चाहिले।” 35नुनिइ नोलाइ येसुइ ओलेउक रैकिनि, हैजैद याक्वार गधावइ ओतर्त झाद येसुलाइ होइ ओतर्त सर्बुँकेर। 36येसु उहिंज्याक अर्मिराइ येसुलाइ आदर दाद याक्वार घ्वात थाँद योकेर। #२राजाहरु ९:१३
37येसु जैतुन दाँदाँलाउ अप्जिसिम्ल ओकलेसरैक येसुइ ओदोउ अचम्बलाउ एन्र सम्झिद स्यो अर्मिर खुसि जास्द, 38“परमप्रभुइ उर्मित रान्या अर्गे आसिस अस्दैसिउ। स्वर्गत सान्ति ओजास्क सोनो परमेस्वरवइ ओमहिमा ओजास्क” हैलेद कलिइ-कलिइ परमेस्वरवइ ओप्रसंसा दोकेर#भजनसंग्रह ११८:२६।
39अर्मिराइ याहुल्मुलङि खो-खो फरिसि हैयादाज्याउ यहुदिराइ येसुलाइ हैदोकेर, “हे गुरु, नचेलारलाइ अइजैद ताकलिच्यो हैयादोको।”
40येसुइ नोरलाइ हैयादोकेउ, “ङा आरलाइ ताकलिच्यो हैङामादो, आर यामाकलिकिंलेक ते लुँर ज कलिन्यालेर।”
यरुसलेमको लागि येसु घर्के
41येसु यरुसलेम सहरवइ ओछेउक ओकलेस्क नो सहरलाइ राँद अइलेद अस्पाँद घर्के, 42“ए यरुसलेमलाउ अर्मिर जेब सान्ति अस्दैन्याको लागि नाति दाउपरि हैलेद सैंसिउकि अप्चाउ जास्क्या, तर जे नोलाइ जेमासरेस्दुके! 43नेलाइलेक नात अमदिउ दिनर रान्यालेर, नसुतर्राइ जाँखाँङि नालाइ गिरिद थतैन्या लेर सोनो नालाइ उँद नैन्यालेर। 44नोराइ यरुसलेम सहर सोनो होलाउ लिज्याउ अर्मिरलाइ समिन्या लेर। नोराइ सहरलाइ भोन्या लेर। नेलाइलेक परमेस्वरवइ नालाइ बचैन्या राउ समयलाइ नमास्रेस्दुके।”
येसु परमेस्वरवइ उझिम्ल
मत्ति २१:१२-१७; मर्कुस ११:१५-१९; युहन्ना २:१३-१६
45हैजैद येसु परमेस्वरवइ उझिम्क हिंके हुकिं होक चेंन्या सोनो वेएन्या अर्मिरलाइ येसुइ अइदाद यास्पुलुइकेउ, 46“परमेस्वरवइ ओबचनल, ‘ङा ङाझिम् प्राथना दान्या झिम् जास्न्या ले’, हैलेद अप्सर्सिउ लिज्या तर जे ते आलाइ दाँकाराइ याथाउँ मदिउ जैद जेनै#यर्मिया ७:११; यसैया ५६:७।”
47येसुइ दिन्-दिन् परमेस्वरवइ उझिम्ल सिछ्या यायोउ। तर यहुदि मुख्ये पुजारिर, मोसाइ ओनियम अस्पैन्यार सोनो जनताराइ याअगुवा अर्मिराइ येसुलाइ सौ अस्पैंर#लुका २१:३७। 48नोराइ येसुलाइ सैंन्या निउ उपाय मास्दैकेर, नेलाइलेक स्यो अर्मिराइ येसुइ ओस्पाँ थैन्या अचम्ब यामन् लागि।
ទើបបានជ្រើសរើសហើយ៖
लुका 19: MAIK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 (Active), Mother Tongue Translators Society and Wycliffe Bible Translators, Inc. All rights reserved.
लुका 19
19
येसु सोनो स्यार्मा उथैज्याउ जखायस
1हुकिं येसु यरिहो सहर तलाँ उहिंज्याक। 2होक जखायस उर्मिलेउ तुबु अर्मि ले। नो स्यार्मा उथैन्याराइ यार्ङैताउ ले, हुकिं नो धनि ले। 3नोइ येसु कमदिउ ओलेउ हैलेद राँउ अस्पैज्याउ ले, तर नो पुदक्या ओजासोइ अर्मिराइ याहुल्मुलवइ ओगर्दा, नोइ माराँदुकेउ। 4होकारन नो येसुलाइ राँन्याको लागि अर्मिराइ याहुल्मुल भन्दा बरिबरि जोनाद तुबु नेभारा हैयादाज्याउ सिंगुरत गुम्के। नेलाइकिंलेक येसु नोतलाँ ज जास्द हिन्या जैसिज्याउ ले। 5जब येसु नो थाउँक कलेसरैके, हुकिं यादि बालसिद नोलाइ हैदोकेउ, “ए जखायस, हर्पत लास्द रैं, आछिम् ङा ना नझिम्क बासिउ ज परि।”
6नो होपन्याँ लास्द राके। हुकिं नो भ्या खुसि जास्द येसुलाइ उझिम्क स्वागत दोकेउ। 7आउ राँन्या स्यो अर्मिर अइलेद गनगनैकेर, “आउ अर्मिते पापिवइ उझिम्कचि बासिनाके।”
8तर छ्याक जखायसवइ च्याँद प्रभुलाइ हैदोकेउ, “गुरु ज्यु, थैको, ङा तकाप्ला ङासम्पति गरिबरलाइ ङायो, सोनो जोरास ङा अन्याय दाद उथैद रैदङानै। होरलाइ ङा चारगुना भ्या यान्या ङाले।”
9येसुइ हैलेके, “आछिम् आउ झिम्लाउ अर्मिरलाइ परमेस्वरवइ बचैद यानौ। नेलाइलेक आउ जखायस ब अब्राहामवइ ओसन्तानज। 10नेलाइलेक परमेस्वरवइ उस्परिंङाउ ङा अर्मिइ ओजा आउ मादमिल जकै मदिउ परमेस्वरङि तादा जासो अर्मिरलाइ खिम्न्या सोनो बचैन्या ङाराउ#मत्ति १८:११।”
तेउ सुन सिक्कावइ ओआन्
मत्ति २५:१४-३०
11येसु यरुसलेम नजिक ओलेउवइ परमेस्वरवइ ओराज्य हर्पत रा हैलेद अर्मिराइ सम्झिज्याउर लेर। होकारन येसुइ ओस्पाँ थैज्याउ अर्मिरलाइ येसुइ तुबु आन् जाद यायोकेउ। 12“तुबु खान्दान्लाउ अर्मि भ्या तादालाउ देसल हिंद ओदेसलाउ अर्गे जास्द ओल्द रान्या बिचार दोकेउ। 13होकारन नोइ दस जना ओबाँदारलाइ खुल्द नोर स्योरलाइ तुबु-तुबु सुन सिक्का याद हैयादोकेउ, ‘ङा ओल्द ङामाराउवा आतिं ङाको लागि ब्यापार दाज्याच्यो।’ 14तर ओदेसलाउ अर्मिराइ चाहिं नोलाइ अप्सोर। होइ नो उहिंउ छिंङि नोइ ओदेसलाउ अर्मिराइ ‘आउ अर्मि गेको लागि अर्गे ताजास्क’ हैलेद खबर अस्परिंकेर।
15“तर नो अर्मि अर्गे जास्दज ओल्के। ओराउ पन्याज रुप्या ओवायोउ ओबाँदाराइ ब्यापार दाद ख्वा वा नाफा जैयार लेद अस्गेंन्या याखुल्केउ। 16बरिदिङाउ बाँदा राद हैदोकेउ, ‘मालिक, नयाँङाउ सिक्कावइ अजैब गुँ दस सिक्का ङाकमैनै।’ 17मालिकवइ नोलाइ हैदोकेउ, ‘स्याबास! अप्चाउ बाँदा, ना आलुजा अस्पाँत बिस्वासयोग्य नजास्के, नालाइ दस गोता सहरल अधिकार दान्या जैन्या ङाले।’ 18दोस्रोलाउ बाँदा राद हैदोकेउ, ‘मालिक, नयाँङाउ सिक्कावइ गुँ अर्ङाबलै सिक्का ङाकमैनै।’ 19नोइ नोलाइ हैदोकेउ, ‘नाब अर्ङाबलै सहरल अधिकार दान्या जास्न्या नले।’ 20-21तर गुँ बाँदा राद अइदोकेउ, ‘मालिक, ना अखत्यारिउ अर्मि नलिज्या। ना नमाकमौ धनतिं नरैज्या, हुकिं ना मारुपिसिउ बालितिं नसिप्ज्या। ना नै नजौवइ ङा नास भ्या ङाछेके। आउकारन राँको, ना ङालाइ नयाँङाउ सुन सिक्कालाइ तालाल पुद ङानैनै। हो आक लिज्या।’ 22नोइ नोलाइ हैदोकेउ, ‘ए दुस्त बाँदा, आउ नस्पाँङि ज ङा नालाइ दन्द ङायिंनि। ङा कथोर युउँलाउ सोनो जो ङामाजा हो ङारैज्याउ, सोनो जो ङामारुपि हो क्यालद ङारैज्याउ ते नसैंज्याउ। 23हुकिंलेक ना नेलाइ ङारुप्या ब्याजल नमालैज्याउ स? नैजैन्याकिं ङा ओल्द ङाराक नोइ ओब्यास ङास्दैक्या।’ 24हुकिं नोइ नोकाउ च्याँलेउरलाइ हैयादोकेउ, ‘नोइ ओलेउकिं नो सिक्का रैद दस गोता सिक्का दानौलाइ याच्यो।’ 25तर नोराइ मालिकलाइ हैदोकेर, ‘मालिक, नोइ ते दस गोता सिक्कार ओल्स ज नैद नौ सा।’ 26मालिकवइ नोरलाइ हैयादोकेउ, ‘ङा जेलाइ हैङादाच्योज्या, जोस लिज्या होलाइ जन भ्या यासिन्या ले, तर जोरास माले होरास लेउ जामा ब नोराङि अपनुइसिन्या ले। 27तर अर्गेवइ नोकाउ लिज्याउ अर्मिरलाइ अइयादोकेउ, ङा नोरात अधिकार ङादोउ यामन् मालागिन्या हो ङासुतर्रलाइ आक यारैच्यो, हैजैद नोरलाइ ङाबरिकज यासैच्यो।’”
येसु अर्गे जास्द येरुसलेम्ल हिउँ
मत्ति २१:१-११; मर्कुस ११:१-११; युहन्ना १२:१२-१९
28येसुइ आउ आन् हैओलेउ छिंङि येसु ओचेलाराइ याबरि-याबरि यरुसलेम्दि हिंके। 29जब येसु बेथफागे सोनो बेथानिया नाखाँ छ्योउकाउ जैतुन दाँदाँत कलेस्के। 30हुकिं येसुइ ओचेलाराङि जोर्निलाइ अइदाद यानिस्परिंकेउ, “होपताउ नाखाँल हिंचिं। जिं जोर्नि होक सुराइ मार्बुँसिउ गधाइ ओजा अस्दैन्या जिंले। होलाइ पलाद आक रैचिं। 31तुबाराइ ‘नेलाइ आलाइ जिंपलाज्या?’ हैलेद जिंलाइ यास्गेंचिकिं, ‘प्रभुलाइ आउ चाहिले’ हैयादाचिं।”
32नुनिजोर् ज नो नाखाँल हिंकिंनि सोनो येसुइ नुनिलाइ जो मदिउ हैदासिउ ले हदिउज अस्दैनाकिनि। 33नुनिइ गधावइ ओजालाइ पलान्या इंजैसिज्याक, गधावइ ओर्गेराइ नुनिलाइ यास्गेंकेर, “जिं आउ गधाइ ओजालाइ नेलाइ जिंपलाज्या?”
34नुनिइ हैदोकिनि, “प्रभुलाइ आउ चाहिले।” 35नुनिइ नोलाइ येसुइ ओलेउक रैकिनि, हैजैद याक्वार गधावइ ओतर्त झाद येसुलाइ होइ ओतर्त सर्बुँकेर। 36येसु उहिंज्याक अर्मिराइ येसुलाइ आदर दाद याक्वार घ्वात थाँद योकेर। #२राजाहरु ९:१३
37येसु जैतुन दाँदाँलाउ अप्जिसिम्ल ओकलेसरैक येसुइ ओदोउ अचम्बलाउ एन्र सम्झिद स्यो अर्मिर खुसि जास्द, 38“परमप्रभुइ उर्मित रान्या अर्गे आसिस अस्दैसिउ। स्वर्गत सान्ति ओजास्क सोनो परमेस्वरवइ ओमहिमा ओजास्क” हैलेद कलिइ-कलिइ परमेस्वरवइ ओप्रसंसा दोकेर#भजनसंग्रह ११८:२६।
39अर्मिराइ याहुल्मुलङि खो-खो फरिसि हैयादाज्याउ यहुदिराइ येसुलाइ हैदोकेर, “हे गुरु, नचेलारलाइ अइजैद ताकलिच्यो हैयादोको।”
40येसुइ नोरलाइ हैयादोकेउ, “ङा आरलाइ ताकलिच्यो हैङामादो, आर यामाकलिकिंलेक ते लुँर ज कलिन्यालेर।”
यरुसलेमको लागि येसु घर्के
41येसु यरुसलेम सहरवइ ओछेउक ओकलेस्क नो सहरलाइ राँद अइलेद अस्पाँद घर्के, 42“ए यरुसलेमलाउ अर्मिर जेब सान्ति अस्दैन्याको लागि नाति दाउपरि हैलेद सैंसिउकि अप्चाउ जास्क्या, तर जे नोलाइ जेमासरेस्दुके! 43नेलाइलेक नात अमदिउ दिनर रान्यालेर, नसुतर्राइ जाँखाँङि नालाइ गिरिद थतैन्या लेर सोनो नालाइ उँद नैन्यालेर। 44नोराइ यरुसलेम सहर सोनो होलाउ लिज्याउ अर्मिरलाइ समिन्या लेर। नोराइ सहरलाइ भोन्या लेर। नेलाइलेक परमेस्वरवइ नालाइ बचैन्या राउ समयलाइ नमास्रेस्दुके।”
येसु परमेस्वरवइ उझिम्ल
मत्ति २१:१२-१७; मर्कुस ११:१५-१९; युहन्ना २:१३-१६
45हैजैद येसु परमेस्वरवइ उझिम्क हिंके हुकिं होक चेंन्या सोनो वेएन्या अर्मिरलाइ येसुइ अइदाद यास्पुलुइकेउ, 46“परमेस्वरवइ ओबचनल, ‘ङा ङाझिम् प्राथना दान्या झिम् जास्न्या ले’, हैलेद अप्सर्सिउ लिज्या तर जे ते आलाइ दाँकाराइ याथाउँ मदिउ जैद जेनै#यर्मिया ७:११; यसैया ५६:७।”
47येसुइ दिन्-दिन् परमेस्वरवइ उझिम्ल सिछ्या यायोउ। तर यहुदि मुख्ये पुजारिर, मोसाइ ओनियम अस्पैन्यार सोनो जनताराइ याअगुवा अर्मिराइ येसुलाइ सौ अस्पैंर#लुका २१:३७। 48नोराइ येसुलाइ सैंन्या निउ उपाय मास्दैकेर, नेलाइलेक स्यो अर्मिराइ येसुइ ओस्पाँ थैन्या अचम्ब यामन् लागि।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 (Active), Mother Tongue Translators Society and Wycliffe Bible Translators, Inc. All rights reserved.