लुका 20
20
येसुइ ओअधिकार बारेल अस्गेंसिउ
मत्ति २१:२३-२७; मर्कुस ११:२७-३३
1तला परमेस्वरवइ उझिम्ल येसुइ अर्मिरलाइ सिछ्या याज्याउ ले, सोनो नोरलाइ अप्चाउ खबर प्रचार दाज्याउ ले। यहुदि मुख्ये पुजारिर, मोसाइ ओनियम अस्पैन्यार सोनो अगुवार मिलिद येसुइ ओलेउक राद 2येसुलाइ अस्गेंकेर, “गेलाइ हैदासिको, कदिउ अधिकारवइ ना आउ एन्र नादाज्या? नालाइ आउ अधिकार सुइ उयिनिउ?”
3येसुइ नोरलाइ जबाफ यायोकेउ, “ङाब जेलाइ तुबु अस्पाँ ङास्गेंच्यो, ङालाइ होइ ओजबाफ याँच्यो। 4युहन्नावइ बप्तिस्मा यान्या अधिकार परमेस्वरङि अस्दैसिउ ले, सिंनि अर्मिराङि अस्दैसिउ ले?”
5नोर या-याज हैलेकेर, “परमेस्वरङि हैदाउलेक, ‘जे नेलाइ युहन्नालाइ बिस्वास जेमादाउ?’ हैलेद नोइ हैदासिउ ते। 6अर्मिराङि हैदाउलेक, स्यो अर्मिराइ गेलाइ लुँइ होर्द सैसिर, नेलाइलेक युहन्ना परमेस्वरङि अस्पाँन्या हैलेद नोराइ बिस्वास दाज्यार।” 7आउकारन नोराइ जबाफ योकेर, “गे गेमासैं, काँकिं राउ।”
8हुकिं येसुइ नोरलाइ हैयादोकेउ, “हुकिंलेक ङाब जेलाइ हैङामादाच्यो, ङा कदिउ अधिकारवइ आउ एन्र ङादाज्या लेद।”
सज्याल कमैन्या अर्मिराइ याआन्
मत्ति २१:३३-४६; मर्कुस १२:१-१२
9हैजैद येसुइ अर्मिरलाइ आउ आन् हैयादोकेउ, “तुबु अर्मिवइ ओयाँबाँत अङ्गुर लैकेउ। हैजैद सज्याल कमैन्या अर्मिरलाइ याद लेमाले समयको लागि परदेस हिंके#यसैया ५:२। 10अंगुर उमिउ छिंङि नोइ तुबु ओबाँदालाइ ओबाँदो च्योनान्या नो सज्याल कमैन्या अर्मिराइ यालेउक अस्परिंकेउ। तर सज्याल कमैन्या अर्मिराइ नोलाइ थैतैद रितो अस्परिंकेर। 11होकारन नोइ फिरि छुतो ओबाँदालाइ अस्परिंकेउ, तर नोलाइ ब नोराइ थतैद बिज्यात जैद रितो अस्परिंकेर। 12नोइ तेस्रो ओबाँदालाइ ब नोराइ यालेउक अस्परिंकेउ। तर नोराइ नोलाइ ब सिउवा माउवा जैद थतैद अंगुर बारिलिं अस्पुलैकेर। 13हैजैद अंगुरबारिवइ ओर्गेइ उयुउँ-उयुउँल हैलेके, ‘अब ङा कै ङालेते? ङा प्यारो ङाजालाइ ङास्परिं। ङाजालाइ ते आदर दोरत्या।’ 14तर याँबाँइ ओर्गेइ ओजा ओराज्याउ राँद अइलेद सल्ला दोकेर, ‘आउते हकवाला चि। आलाइ गेसैते, हैजैद नोइ ओसम्पति गिमि जास्।’ 15हुकिं नोराइ नोलाइ याँबाँकिं होकैक लाँद सैकेर।
“अब अंगुर बारिवइ ओर्गेइ नो सज्या कमैन्या अर्मिरलाइ कै याजौ ते क्या?” 16“नो ओल्ज राद नो सज्याल कमैन्या अर्मिरलाइ सैन्या ले। सोनो नो याँबाँ गुँरलाइ यान्या ले।” अर्मिराइ आउ थैद हैलेकेर, “अमदिउ खर्क ताजास्क”
17हैजैद येसुइ अर्मिराइ यालेउदि राँद हैलेके, “अमदिउते खर्क जासो माजास् हैजेलेज्याकिं, झिम् जैन्या अर्मिराइ काम मालागि हैलेद अर्बिसिउ लुँ ज झिम्ताउ स्योर भन्दा काम लागिन्या लुँ जास्के हैलेद परमेस्वरवइ ओबचनवइ कैलेउ ओस्पैंज्याउ हैलेन्या अस्पाँ ङालाइ हैदाँङाच्यो।#भजनसंग्रह ११८:२२
18नो लुँत तेन्यार स्यो तुक्रा-तुक्रा जास्न्या लेर, जोइ ओतर्त नो तेन्याले होलाइ मुनुम जैन्या ले।”
रोमि अर्गे कैसरलाइ स्यार्मा फुन्या बारेल अस्गेंसिउ
मत्ति २२:१५-२२; मर्कुस १२:१३-१७
19हुकिं मोसावइ ओनियम अस्पैन्यार सोनो यहुदि मुख्ये पुजारिराइ आउ आन् गेलाइ ज हैदाद अस्पाँसिउ हैलेद सैंद नोराइ होबेलाक ज येसुलाइ कोलोउ अस्पैंकेर। तर नोर गुँ अर्मिरास छेकेर। 20होकारन नोराइ येसुलाइ कोलोन्या मौका राँरिकेर। सोनो नोराइ तुबुनेस अर्मिरलाइ जे परमेस्वरवइ उयुउँ अनुसार लेरिज्याउ अर्मिर मदिउ जैसिद नोइ ओस्बलेकिं कोलोच्यो हैलेद येसुलाइ तमो यास्परिंकेर, नेलाइलेक नोराइ येसुइ गल्ति ओदोउ अस्पाँत कोलोद रोमि सरकारवइ उकुइत याउ अस्पैंज्याउ लेर। 21नोराइ येसुलाइ अइदोकेर, “गुरु ज्यु, गे गेसैंज्या, ना थिक नस्पाँज्या सोनो थिक नास्पैज्या, सोनो सुराइ यादुल नमादो, तर सत्यतास परमेस्वरवइ ओघ्वा अस्तैंद नायाज्या। 22होकारन गेलाइ हैदासिको, रोमि अर्गेलाइ स्यार्मा फुन्या थिक लिज्या सिं माले?”
23तर नोराइ माप्चाउ याबिचार बुजैद येसुइ नोरलाइ हैयादोकेउ, 24“ङालाइ तुबु सिक्का याँङाच्यो। आत सुइ ओछाप सोनो सुइ उर्मि खुपिसिउ लिज्या?”
नोराइ हैलेकेर, “रोमि अर्गेवइ।”
25येसुइ नोरलाइ हैयादोकेउ, “आउकारन जो रोमि अर्गे कैसरवइ उमि हो रोमि अर्गे कैसरलाइ याच्यो, सोनो जो परमेस्वरवइ उमि हो परमेस्वरलाइ याच्यो।”
26नोराइ अर्मिराइ याबरिक येसुइ ओस्पाँउ अस्पाँत माफसैदुकेर। सोनो येसुइ ओजबाफ थैद नोराइ अचम्ब मानिद छपक् लेकेर।
सदुकि हैयादाज्याउ यहुदिराइ सिउङि जिंदो जास्न्या बारेल अस्गेंसिउ
मत्ति २२:२३-३३; मर्कुस १२:१८-२७
27हुकिं सिउङि सुझ फिरि जिंदो माजास्र हैलेन्या याबिचार लेउ सदुकि हैयादाज्याउ यहुदिर मध्ये खोर येसुइ ओलेउक राकेर। नोराइ येसुलाइ हैदोकेर#प्रेरित २३:८, 28“गुरु ज्यु, मोसाइ गे यहुदिरलाइ ओयासिउ व्यबस्था अनुसार दाज्युइ ओजार माजास्दज सिकेलेक, दाज्युइ ओजा जैद यान्याको लागि ओपार्जाइ उरुम्जास बेहा दाउपरि#व्यबस्था २५:५। 29फ्याँदोंक सात भाइ लेर। जेथावइ ज्या रैद निसन्तान ज सिके। 30हैजैद माइलाइ उरुम्जालाइ रैकेउ, होब निसन्तान ज सिके। 31हैजैद ओपार्जा साइंलाइ उरुम्जास बेहा दोकेउ, तर नो ब निसन्तान ज सिके। हैजैदज सात भाइराइ ज नो मिमास बेहा दोकेर, तर नो स्यो दाज्यु भाइराइ याजार माजास्द सिकेर। 32छिंङि नो मिमा ब सिके। 33आउकारन सिउङि जिंदो जास्न्याक नो मिमा होरमध्येङि सुइ ओज्या जास्? नेलाइलेक नो सात भाइराइ ज नो मिमास बेहा दासिउ ले।”
34येसुइ नोरलाइ हैयादोकेउ, “आउ मादमिलाउ अर्मिराइ या-या बेहा दाज्यार। 35तर सिउङि जिंदो जास्द स्वर्ग हिंन्या योग्य जासो अर्मिराइ स्वर्गत या-या बेहा मादोर। 36नेलाइलेक, नोर सिउङि बाँचिद लेर हुकिं नोर फिरि खर्क मासिर। होकारन नोर परमेस्वरवइ ओस्पाँ हैदान्या मदिउर ज दाद लेर। हुकिं परमेस्वरवइ ओसन्तानर दाद लेर। 37हुकिं अर्मिर सिउङि जिंदो जास्न्या लेर हैलेन्या अस्पाँ मोसाइ ब अप्चाउ जैद अस्तैं नौ। चाँज्याउ पथर्कावइ ओबारेल नोइ प्रभु परमेस्वरलाइ ‘अब्राहाम, इसहाक सोनो याकुबराइ यापरमेस्वर’ हैलेद अप्सर्द नौ#प्रस्थान ३:१-६। 38सिउ अर्मिराइ ते परमेस्वरलाइ मापुजिर, तर जिंदो अर्मिराइ परमेस्वरलाइ पुजिर, नेलाइलेक नोर स्यो ओल्को लागि जिंदो लिज्यार।”
39हुकिं मोसावइ ओनियम अस्पैन्यारमध्ये खो-खोराइ हैलेकेर, “गुरु ज्यु, ना थिक ज हैनलेके।” 40हैजैद नोकाउ लेउ सुराइ ब येसुलाइ फिरि निउ अस्गेंन्या आँत मादादुकेर।
ख्रिस्त सुइ ओजा?
मत्ति २२:४१-४६; २३:१-७; मर्कुस १२:३५-४०
41तर येसुइ नोरलाइ यास्गेंकेउ, “नोराइ ख्रिस्तलाइ अर्गे दाउदवइ ओजा चि हैलेद कैजैद हैलेदुर? 42-43नेलाइलेक अर्गे दाउदवइ ओप्सरो भजनत ओल्ज अइलेद अप्सर्द नौ,
“परमप्रभु परमेस्वरवइ ङा ङाप्रभु ख्रिस्तलाइ,
नालाइ अप्सोन्यारलाइ
ङा नखुँ पाइतला धुँल ङामाजाउवा ना ओर्फताउ ङाकुइत चुँनि#भजनसंग्रह ११०:१।
44अइजैद दाउदवइ ख्रिस्तलाइ ‘प्रभु’ हैओदाज्याकिंलेक, फिरि कैजैद नो दाउदवइ ओजा जास?”
मोसाइ ओनियम अस्पैन्याराङि तादा लेच्यो
मत्ति २३:१-३६; मर्कुस १२:३८-४०
45स्यो अर्मिराइ याथैज्याक येसुइ ओचेलारलाइ हैयादोकेउ, 46“सोलो क्वा कुसिद आदि-हुदि अस्बान्या, सोनो बजारल धो यादासिकिं हैलेन्यार सोनो यहुदिर अस्दुसिन्या झिम्याल प्रमुख पो सोनो भोज भत्यारयाल आदरलाउ पो खिम्ज्याउ मोसाइ ओनियम अस्पैन्यारास हुस्यार लेच्यो। 47नोराइ राँदिराइ याझिम् ब्यबाहार अस्बलेद यायाज्यार, अस्तैंन्याको लागि वाझ पाखात सोलो प्राथना दाज्यार। नदिउराइ ज भ्या दन्द अस्दैन्या लेर।”
ទើបបានជ្រើសរើសហើយ៖
लुका 20: MAIK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 (Active), Mother Tongue Translators Society and Wycliffe Bible Translators, Inc. All rights reserved.
लुका 20
20
येसुइ ओअधिकार बारेल अस्गेंसिउ
मत्ति २१:२३-२७; मर्कुस ११:२७-३३
1तला परमेस्वरवइ उझिम्ल येसुइ अर्मिरलाइ सिछ्या याज्याउ ले, सोनो नोरलाइ अप्चाउ खबर प्रचार दाज्याउ ले। यहुदि मुख्ये पुजारिर, मोसाइ ओनियम अस्पैन्यार सोनो अगुवार मिलिद येसुइ ओलेउक राद 2येसुलाइ अस्गेंकेर, “गेलाइ हैदासिको, कदिउ अधिकारवइ ना आउ एन्र नादाज्या? नालाइ आउ अधिकार सुइ उयिनिउ?”
3येसुइ नोरलाइ जबाफ यायोकेउ, “ङाब जेलाइ तुबु अस्पाँ ङास्गेंच्यो, ङालाइ होइ ओजबाफ याँच्यो। 4युहन्नावइ बप्तिस्मा यान्या अधिकार परमेस्वरङि अस्दैसिउ ले, सिंनि अर्मिराङि अस्दैसिउ ले?”
5नोर या-याज हैलेकेर, “परमेस्वरङि हैदाउलेक, ‘जे नेलाइ युहन्नालाइ बिस्वास जेमादाउ?’ हैलेद नोइ हैदासिउ ते। 6अर्मिराङि हैदाउलेक, स्यो अर्मिराइ गेलाइ लुँइ होर्द सैसिर, नेलाइलेक युहन्ना परमेस्वरङि अस्पाँन्या हैलेद नोराइ बिस्वास दाज्यार।” 7आउकारन नोराइ जबाफ योकेर, “गे गेमासैं, काँकिं राउ।”
8हुकिं येसुइ नोरलाइ हैयादोकेउ, “हुकिंलेक ङाब जेलाइ हैङामादाच्यो, ङा कदिउ अधिकारवइ आउ एन्र ङादाज्या लेद।”
सज्याल कमैन्या अर्मिराइ याआन्
मत्ति २१:३३-४६; मर्कुस १२:१-१२
9हैजैद येसुइ अर्मिरलाइ आउ आन् हैयादोकेउ, “तुबु अर्मिवइ ओयाँबाँत अङ्गुर लैकेउ। हैजैद सज्याल कमैन्या अर्मिरलाइ याद लेमाले समयको लागि परदेस हिंके#यसैया ५:२। 10अंगुर उमिउ छिंङि नोइ तुबु ओबाँदालाइ ओबाँदो च्योनान्या नो सज्याल कमैन्या अर्मिराइ यालेउक अस्परिंकेउ। तर सज्याल कमैन्या अर्मिराइ नोलाइ थैतैद रितो अस्परिंकेर। 11होकारन नोइ फिरि छुतो ओबाँदालाइ अस्परिंकेउ, तर नोलाइ ब नोराइ थतैद बिज्यात जैद रितो अस्परिंकेर। 12नोइ तेस्रो ओबाँदालाइ ब नोराइ यालेउक अस्परिंकेउ। तर नोराइ नोलाइ ब सिउवा माउवा जैद थतैद अंगुर बारिलिं अस्पुलैकेर। 13हैजैद अंगुरबारिवइ ओर्गेइ उयुउँ-उयुउँल हैलेके, ‘अब ङा कै ङालेते? ङा प्यारो ङाजालाइ ङास्परिं। ङाजालाइ ते आदर दोरत्या।’ 14तर याँबाँइ ओर्गेइ ओजा ओराज्याउ राँद अइलेद सल्ला दोकेर, ‘आउते हकवाला चि। आलाइ गेसैते, हैजैद नोइ ओसम्पति गिमि जास्।’ 15हुकिं नोराइ नोलाइ याँबाँकिं होकैक लाँद सैकेर।
“अब अंगुर बारिवइ ओर्गेइ नो सज्या कमैन्या अर्मिरलाइ कै याजौ ते क्या?” 16“नो ओल्ज राद नो सज्याल कमैन्या अर्मिरलाइ सैन्या ले। सोनो नो याँबाँ गुँरलाइ यान्या ले।” अर्मिराइ आउ थैद हैलेकेर, “अमदिउ खर्क ताजास्क”
17हैजैद येसुइ अर्मिराइ यालेउदि राँद हैलेके, “अमदिउते खर्क जासो माजास् हैजेलेज्याकिं, झिम् जैन्या अर्मिराइ काम मालागि हैलेद अर्बिसिउ लुँ ज झिम्ताउ स्योर भन्दा काम लागिन्या लुँ जास्के हैलेद परमेस्वरवइ ओबचनवइ कैलेउ ओस्पैंज्याउ हैलेन्या अस्पाँ ङालाइ हैदाँङाच्यो।#भजनसंग्रह ११८:२२
18नो लुँत तेन्यार स्यो तुक्रा-तुक्रा जास्न्या लेर, जोइ ओतर्त नो तेन्याले होलाइ मुनुम जैन्या ले।”
रोमि अर्गे कैसरलाइ स्यार्मा फुन्या बारेल अस्गेंसिउ
मत्ति २२:१५-२२; मर्कुस १२:१३-१७
19हुकिं मोसावइ ओनियम अस्पैन्यार सोनो यहुदि मुख्ये पुजारिराइ आउ आन् गेलाइ ज हैदाद अस्पाँसिउ हैलेद सैंद नोराइ होबेलाक ज येसुलाइ कोलोउ अस्पैंकेर। तर नोर गुँ अर्मिरास छेकेर। 20होकारन नोराइ येसुलाइ कोलोन्या मौका राँरिकेर। सोनो नोराइ तुबुनेस अर्मिरलाइ जे परमेस्वरवइ उयुउँ अनुसार लेरिज्याउ अर्मिर मदिउ जैसिद नोइ ओस्बलेकिं कोलोच्यो हैलेद येसुलाइ तमो यास्परिंकेर, नेलाइलेक नोराइ येसुइ गल्ति ओदोउ अस्पाँत कोलोद रोमि सरकारवइ उकुइत याउ अस्पैंज्याउ लेर। 21नोराइ येसुलाइ अइदोकेर, “गुरु ज्यु, गे गेसैंज्या, ना थिक नस्पाँज्या सोनो थिक नास्पैज्या, सोनो सुराइ यादुल नमादो, तर सत्यतास परमेस्वरवइ ओघ्वा अस्तैंद नायाज्या। 22होकारन गेलाइ हैदासिको, रोमि अर्गेलाइ स्यार्मा फुन्या थिक लिज्या सिं माले?”
23तर नोराइ माप्चाउ याबिचार बुजैद येसुइ नोरलाइ हैयादोकेउ, 24“ङालाइ तुबु सिक्का याँङाच्यो। आत सुइ ओछाप सोनो सुइ उर्मि खुपिसिउ लिज्या?”
नोराइ हैलेकेर, “रोमि अर्गेवइ।”
25येसुइ नोरलाइ हैयादोकेउ, “आउकारन जो रोमि अर्गे कैसरवइ उमि हो रोमि अर्गे कैसरलाइ याच्यो, सोनो जो परमेस्वरवइ उमि हो परमेस्वरलाइ याच्यो।”
26नोराइ अर्मिराइ याबरिक येसुइ ओस्पाँउ अस्पाँत माफसैदुकेर। सोनो येसुइ ओजबाफ थैद नोराइ अचम्ब मानिद छपक् लेकेर।
सदुकि हैयादाज्याउ यहुदिराइ सिउङि जिंदो जास्न्या बारेल अस्गेंसिउ
मत्ति २२:२३-३३; मर्कुस १२:१८-२७
27हुकिं सिउङि सुझ फिरि जिंदो माजास्र हैलेन्या याबिचार लेउ सदुकि हैयादाज्याउ यहुदिर मध्ये खोर येसुइ ओलेउक राकेर। नोराइ येसुलाइ हैदोकेर#प्रेरित २३:८, 28“गुरु ज्यु, मोसाइ गे यहुदिरलाइ ओयासिउ व्यबस्था अनुसार दाज्युइ ओजार माजास्दज सिकेलेक, दाज्युइ ओजा जैद यान्याको लागि ओपार्जाइ उरुम्जास बेहा दाउपरि#व्यबस्था २५:५। 29फ्याँदोंक सात भाइ लेर। जेथावइ ज्या रैद निसन्तान ज सिके। 30हैजैद माइलाइ उरुम्जालाइ रैकेउ, होब निसन्तान ज सिके। 31हैजैद ओपार्जा साइंलाइ उरुम्जास बेहा दोकेउ, तर नो ब निसन्तान ज सिके। हैजैदज सात भाइराइ ज नो मिमास बेहा दोकेर, तर नो स्यो दाज्यु भाइराइ याजार माजास्द सिकेर। 32छिंङि नो मिमा ब सिके। 33आउकारन सिउङि जिंदो जास्न्याक नो मिमा होरमध्येङि सुइ ओज्या जास्? नेलाइलेक नो सात भाइराइ ज नो मिमास बेहा दासिउ ले।”
34येसुइ नोरलाइ हैयादोकेउ, “आउ मादमिलाउ अर्मिराइ या-या बेहा दाज्यार। 35तर सिउङि जिंदो जास्द स्वर्ग हिंन्या योग्य जासो अर्मिराइ स्वर्गत या-या बेहा मादोर। 36नेलाइलेक, नोर सिउङि बाँचिद लेर हुकिं नोर फिरि खर्क मासिर। होकारन नोर परमेस्वरवइ ओस्पाँ हैदान्या मदिउर ज दाद लेर। हुकिं परमेस्वरवइ ओसन्तानर दाद लेर। 37हुकिं अर्मिर सिउङि जिंदो जास्न्या लेर हैलेन्या अस्पाँ मोसाइ ब अप्चाउ जैद अस्तैं नौ। चाँज्याउ पथर्कावइ ओबारेल नोइ प्रभु परमेस्वरलाइ ‘अब्राहाम, इसहाक सोनो याकुबराइ यापरमेस्वर’ हैलेद अप्सर्द नौ#प्रस्थान ३:१-६। 38सिउ अर्मिराइ ते परमेस्वरलाइ मापुजिर, तर जिंदो अर्मिराइ परमेस्वरलाइ पुजिर, नेलाइलेक नोर स्यो ओल्को लागि जिंदो लिज्यार।”
39हुकिं मोसावइ ओनियम अस्पैन्यारमध्ये खो-खोराइ हैलेकेर, “गुरु ज्यु, ना थिक ज हैनलेके।” 40हैजैद नोकाउ लेउ सुराइ ब येसुलाइ फिरि निउ अस्गेंन्या आँत मादादुकेर।
ख्रिस्त सुइ ओजा?
मत्ति २२:४१-४६; २३:१-७; मर्कुस १२:३५-४०
41तर येसुइ नोरलाइ यास्गेंकेउ, “नोराइ ख्रिस्तलाइ अर्गे दाउदवइ ओजा चि हैलेद कैजैद हैलेदुर? 42-43नेलाइलेक अर्गे दाउदवइ ओप्सरो भजनत ओल्ज अइलेद अप्सर्द नौ,
“परमप्रभु परमेस्वरवइ ङा ङाप्रभु ख्रिस्तलाइ,
नालाइ अप्सोन्यारलाइ
ङा नखुँ पाइतला धुँल ङामाजाउवा ना ओर्फताउ ङाकुइत चुँनि#भजनसंग्रह ११०:१।
44अइजैद दाउदवइ ख्रिस्तलाइ ‘प्रभु’ हैओदाज्याकिंलेक, फिरि कैजैद नो दाउदवइ ओजा जास?”
मोसाइ ओनियम अस्पैन्याराङि तादा लेच्यो
मत्ति २३:१-३६; मर्कुस १२:३८-४०
45स्यो अर्मिराइ याथैज्याक येसुइ ओचेलारलाइ हैयादोकेउ, 46“सोलो क्वा कुसिद आदि-हुदि अस्बान्या, सोनो बजारल धो यादासिकिं हैलेन्यार सोनो यहुदिर अस्दुसिन्या झिम्याल प्रमुख पो सोनो भोज भत्यारयाल आदरलाउ पो खिम्ज्याउ मोसाइ ओनियम अस्पैन्यारास हुस्यार लेच्यो। 47नोराइ राँदिराइ याझिम् ब्यबाहार अस्बलेद यायाज्यार, अस्तैंन्याको लागि वाझ पाखात सोलो प्राथना दाज्यार। नदिउराइ ज भ्या दन्द अस्दैन्या लेर।”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 (Active), Mother Tongue Translators Society and Wycliffe Bible Translators, Inc. All rights reserved.