लुका 18
18
राँदि सोनो न्यायाधिसनि इंआन्
1हुकिं येसुइ ओचेलारलाइ यार्ग्वा मासिद जैलदिब प्राथना गदोरक हैलेद सबुजैन्याको लागि नोरलाइ आउ आन् जाद यायोकेउ, 2“तुबु सहरल परमेस्वरस माछेन्या सोनो अर्मिरलाइ ब वास्ता मादान्या तुबु न्यायाधिस ले। 3हो सहरल ज तुबु राँदि ब ले। नो घरिघरि हो न्यायाधिसवइ ओलेउक हिंद हैदोउ, ‘ङाबिरोधिस गिंखार्ल न्याय दादयासिको।’
4“नोइ जामा सम ते राँदिवइ ओस्पाँज थैद मायोकेउ। तर छिंङि नोइ उयुउँ-उयुउँल हैलेके, ‘ङा परमेस्वरस ब ङामाछे सोनो अर्मिरलाइ ब वास्ता ङामादो। 5तर आउ राँदिवइ ङालाइ हैरान ओजैङाउ कारन ङा नोलाइ न्याय यान्या जास्ते, म्हा किंते नोइ ओगोरे राद ङालाइ वाक्क जैङाउ’।”
6हैजैद प्रभुवइ ओचेलारलाइ हैयादोकेउ, “थैच्यो, नो अधर्मि न्यायाधिसवइ हैओलेउ अस्पाँङि स्युसिच्यो। 7नैजैद ज परमेस्वरवइ चुनिसिउ उर्मिराइ लाक न रिइल यापुकारिकिं परमेस्वरवइ उर्मिरलाइ सहायता मादोउते रो? परमेस्वरवइ सहायता दान्या दिलो मादोउ। 8ङा जेलाइ हैङादाच्योज्या, परमेस्वरवइ हर्पत ज उर्मिरलाइ सहायता यादोउ। तर परमेस्वरवइ उस्परिंङाउ ङा अर्मिइ ओजा ओल्द ङाराक, ङा मादमिल बिस्वास ङास्दैते रो?”
फरिसि हैयादाज्याउ यहुदि सोनो स्यार्मा उथैन्यानिइ इंआन्
9येसुइ ओस्पाँ थैन्याराङि खो अर्मिराइ यावाज परमेस्वरवइ उयुउँ मदिउ ङालिज्या हैलेद बिस्वास दान्या हुकिं गुँरलाइ अप्सोन्या अर्मिरलाइ येसुइ आउ आन् ब हैयादोकेउ, 10“जोर् अर्मिनि परमेस्वरवइ उझिम्ल प्राथना दान्या हिंकिनि। नुनि मघ्ये तुबु फरिसि हैयादाज्याउ यहुदि ले सोनो तुबु स्यार्मा उथैज्याउ अर्मि#18:10 स्यार्मा उथैज्याउ अर्मि: यहुदिराइ स्यार्मा उथैन्यारलाइ याप्सोर नेलाइलेक नोर यहुदिर ते यहुदिरज तर यहुदिरात सासन दाज्याउ बिदेसि सरकारको लागि एन् दोर। ले। 11फरिसि हैयादाज्याउ यहुदिवइ च्याँद ओल्ज अइलेद प्राथना दोकेउ, ‘हे परमेस्वर, ङा नालाइ धन्यवाद ङायिनिज्या, नेलाइलेक ङा गुँ अर्मिर मदिउ लोभि ब ङामाले, माप्चाउ ब ङामासम्झि सोनो अन्यायलाउ एन् ङामादो हुकिं ब्यभिचार ब ङामादो हुकिं आउ स्यार्मा उथैन्या अर्मि मदिउ ब ङामाले। 12बरु ङा साताबार त नेफे उपबास ङालिज्या। ङाकमौ स्यो थोकवइ ओदसांस ङायिंनिज्या।’ 13तर स्यार्मा उथैज्याउ अर्मिचाहिं तादाखै च्याँद स्वर्गदि राँन्या आँत मादादुद ओछाति दुम्कै-दुम्कै गर्द प्राथना दोकेउ, ‘हे परमेस्वर, ङा पापिलाइ दया दाँङाको’।” 14हैजैद येसुइ नोरलाइ हैयादोकेउ, “ङा जेलाइ हैङादाच्योज्या, आउ स्यार्मा उथैज्याउ अर्मिचाहिं नो फरिसि हैयादाज्याउ यहुदि भन्दा धर्मि थहरिद उझिम्दि हिंके। नेलाइलेक जो अर्मिवइ ओल्लाइ घ्यो सम्झिउ, होलाइ परमेस्वरवइ आलुजा जैन्या ले, तर जोवइ ओल्लाइ आलुजा सम्झिउ, होलाइ परमेस्वरवइ घ्यो जैन्या ले।”
येसुइ आलुजा लुजारलाइ आसिस यायोकेउ
मत्ति १९:१३-१५; मर्कुस १०:१३-१६
15येसुइ उकुइ जाद आसिस गायोउक हैलेद अर्मिराइ आलुजा लुजारलाइ येसुइ ओलेउक यारैकेर। तर चेलाराइ आउ राँद नोरलाइ याहप्कैकेर। 16तर येसुइ नोरलाइ ओलेउक खुल्द हैयादोकेउ, “आलुजा लुजारलाइ ङालेउक राउ यायाच्यो, नोरलाइ ताउँच्यो। नेलाइलेक परमेस्वरवइ ओराज्य अमदिउराइ यामि ज। 17दसाज ङा जेलाइ हैङादाच्योज्या, जोइ तुबु आलुजा लुजाइ माला परमेस्वरवइ ओराज्यलाइ मास्विकारिउ, हो खर्क ब भितर्ल पसिउ अस्दैन्या माले।”
धनि सासक
मत्ति १९:१६-२९; मर्कुस १०:१७-३०
18हैजैद तुबु सासकवइ येसुलाइ अस्गेंकेउ, “हे अप्चाउ गुरु, सदा लेन्या जुनि अस्दैन्याको लागि ङा नाति दाउपरि?”
19येसुइ नोलाइ हैदोकेउ, “परमेस्वर बाहेक गुँ सु अप्चाउ माले। होकारन ना ङालाइ अप्चाउ हैनदाँङाउ अर्थ नाति? 20ना परमेस्वरवइ मोसालाइ यासिउ आग्यार ते नसैंज्या, ‘ब्यभिचार तादोको, हत्या तादोको, ताकुको, ग्वार्द साछि तायोको, नबाबु सोनो नामानिलाइ आदर यानिदोको’#प्रस्थान २०:१२-१६; व्यबस्था ५:१६-२०।”
21नोइ हैदोकेउ, “आउ स्यो आग्यार ते ङा आलुजा ङालेउकिं ज मानिद ङानै।”
22आउ थैद येसुइ नोलाइ हैदोकेउ, “ना अजैब तुबु एन् दान्या बाँकि लिज्या। नास जो जति चिजर लिज्यार, होर स्यो वेएद गरिबरलाइ भाद यायोको, हुकिं ना स्वर्गताउ धन अस्दैन्या नले हैजैद राद ङाछिंत लागिनि।” 23हुकिं आउ अस्पाँ थैद नो भ्या निरास जास्के, नेलाइलेक नो भ्या धनि ले।
24येसुइ नो निरास ओजास्लेउ राँद हैलेके, “धन-सम्पत्ति लेउरलाइ परमेस्वरवइ ओराज्यल पसिन्या गाह्रो लिज्या। 25दसाज हैलेन्याकिंलेक धनि अर्मिरलाइ परमेस्वरवइ ओराज्यल पसिन्या भन्दा ते उँतलाइ अर्गप्वइ ओर्नालिं छिरिन्या सजिलो जास्।”
26हैजैद आउ अस्पाँ थैन्या अर्मिराइ या-या हैलेकेर, “हुकिंलेक सु बाँचिदु स?”
27येसुइ हैलेके, “अर्मिराइ मादादुन्या एन् परमेस्वरवइ दादु।”
28हुकिं पत्रुसवइ हैलेके, “थैच्यो, गेते झिम् ब्यबार रास्द नछिंत लागिद गेले।”
29हुकिं येसुइ नोरलाइ हैयादोकेउ, “दसाज ङा जेलाइ हैङादाच्योज्या, जे परमेस्वरवइ ओराज्यको लागि जिझिम्, जेज्या-जेजार,जेबाबु-ज्यामा, जेदाज्यु-भाइरलाइ ज्यारासकिंलेक, 30जे जेरासो भन्दा ब भ्या अस्दैन्या जेले छिंङिकाउ रान्या समयल खर्क मासिन्या जुनि अस्दैन्या जेले।”
येसुइ फिरि ओल् सिन्या बारेल हैलेके
मत्ति २०:१७-१९; मर्कुस १०:३२-३४
31हैजैद येसुइ बाह्र जना चेलारलाइ ताँखैक खुल्द हैयादोकेउ, “थैच्यो, गे यादि यरुसलेम्दि गिहिंज्या। हैजैद परमेस्वरवइ उस्परिंङाउ ङा अर्मिइ ओजाइ ओबारेल परमेस्वरङि अस्पाँन्याराइ याप्सरो मदिउज स्यो अस्पाँ पुरा जास्न्या ले। 32नेलाइलेक नो गुँ जातिराइ याकुइत परिन्या ले, सोनो होराइ नोलाइ गिल्दैन्या लेर, नोलाइ लाजमर्न जैन्यालेर, सोनो अस्तिल्न्या लेर। 33नोराइ नोलाइ कोर्रा लैन्यालेर सोनो सैन्यालेर, तर सोंलात फिरि नो सिउङि जिंदो जास्न्या ले।”
34तर येसुइ हैओलेउ अस्पाँ चेलाराइ निउ माबुजैकेर। आउ अस्पाँवइ हैलेउ ओस्पैंज्याउ अस्पाँ नोराङि मुसिउ ले।
येसुइ उमिं मारौं भिखारिलाइ सगराँकेउ
मत्ति २०:२९-३४; मर्कुस १०:४६-५२
35तला येसु सोनो ओचेलार यरिहो सहरल याकलेस्नालेक उमिं मारैंज्याउ तुबु अर्मि हो घ्वा छ्योउक चुँद भिख ङिज्याउ ले। 36भ्या अर्मिर ओछ्योउयाक याहिंज्याउ चाल् थैद नो उमिं मारैंज्याउ अर्मिवइ यास्गेंकेउ, “आक कैओजासो।”
37अर्मिराइ नोलाइ हैदोकेर, “नासरत नाखाँलाउ येसु आतफ्याँ हिंज्या।”
38आउ थैद नो उमिं मारैंज्याउ अर्मिवइ घ्यो अर्गास कलिके, “हे येसु, अर्गे दाउदवइ ओजा, ङालाइ दया दाँङाको!”
39बरिबरि अस्बानान्याराइ नोलाइ छपक् लेनि हैलेद हप्कैकेर, तर नो झन चोइसि अइलेद कलिके, “हे अर्गे दाउदवइ ओजा येसु, ङालाइ दया दाँङाको!”
40हैजैद नो अर्मि उकलिउ थैद येसु च्याँके, हुकिं अर्मिरलाइ हैयादोकेउ, “नोलाइ आक रैच्यो।” हुकिं अर्मिराइ नोलाइ येसुइ ओलेउक यारौ छिंङि येसुइ नोलाइ 41अस्गेंकेउ, “ना नाति नस्पैंज्या? ङा नाको लागि नाति दाउपरि?”
नोइ हैदोकेउ, “प्रभु ङा फिरि ङामि ओरैंक।”
42येसुइ नोलाइ हैदोकेउ, “ना नमिं ओरैंक। ना नबिस्वासवइ ज नमिं रैंद ले।”
43होपन्याज नोइ उमि रैंके, हैजैद परमेस्वरवइ ओप्रसंसा दाइ-दाइ नो येसुइ उछिंत लागिके। आउ राँन्या स्यो अर्मिराइ परमेस्वरवइ ओप्रसंसा दोकेर।
ទើបបានជ្រើសរើសហើយ៖
लुका 18: MAIK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 (Active), Mother Tongue Translators Society and Wycliffe Bible Translators, Inc. All rights reserved.
लुका 18
18
राँदि सोनो न्यायाधिसनि इंआन्
1हुकिं येसुइ ओचेलारलाइ यार्ग्वा मासिद जैलदिब प्राथना गदोरक हैलेद सबुजैन्याको लागि नोरलाइ आउ आन् जाद यायोकेउ, 2“तुबु सहरल परमेस्वरस माछेन्या सोनो अर्मिरलाइ ब वास्ता मादान्या तुबु न्यायाधिस ले। 3हो सहरल ज तुबु राँदि ब ले। नो घरिघरि हो न्यायाधिसवइ ओलेउक हिंद हैदोउ, ‘ङाबिरोधिस गिंखार्ल न्याय दादयासिको।’
4“नोइ जामा सम ते राँदिवइ ओस्पाँज थैद मायोकेउ। तर छिंङि नोइ उयुउँ-उयुउँल हैलेके, ‘ङा परमेस्वरस ब ङामाछे सोनो अर्मिरलाइ ब वास्ता ङामादो। 5तर आउ राँदिवइ ङालाइ हैरान ओजैङाउ कारन ङा नोलाइ न्याय यान्या जास्ते, म्हा किंते नोइ ओगोरे राद ङालाइ वाक्क जैङाउ’।”
6हैजैद प्रभुवइ ओचेलारलाइ हैयादोकेउ, “थैच्यो, नो अधर्मि न्यायाधिसवइ हैओलेउ अस्पाँङि स्युसिच्यो। 7नैजैद ज परमेस्वरवइ चुनिसिउ उर्मिराइ लाक न रिइल यापुकारिकिं परमेस्वरवइ उर्मिरलाइ सहायता मादोउते रो? परमेस्वरवइ सहायता दान्या दिलो मादोउ। 8ङा जेलाइ हैङादाच्योज्या, परमेस्वरवइ हर्पत ज उर्मिरलाइ सहायता यादोउ। तर परमेस्वरवइ उस्परिंङाउ ङा अर्मिइ ओजा ओल्द ङाराक, ङा मादमिल बिस्वास ङास्दैते रो?”
फरिसि हैयादाज्याउ यहुदि सोनो स्यार्मा उथैन्यानिइ इंआन्
9येसुइ ओस्पाँ थैन्याराङि खो अर्मिराइ यावाज परमेस्वरवइ उयुउँ मदिउ ङालिज्या हैलेद बिस्वास दान्या हुकिं गुँरलाइ अप्सोन्या अर्मिरलाइ येसुइ आउ आन् ब हैयादोकेउ, 10“जोर् अर्मिनि परमेस्वरवइ उझिम्ल प्राथना दान्या हिंकिनि। नुनि मघ्ये तुबु फरिसि हैयादाज्याउ यहुदि ले सोनो तुबु स्यार्मा उथैज्याउ अर्मि#18:10 स्यार्मा उथैज्याउ अर्मि: यहुदिराइ स्यार्मा उथैन्यारलाइ याप्सोर नेलाइलेक नोर यहुदिर ते यहुदिरज तर यहुदिरात सासन दाज्याउ बिदेसि सरकारको लागि एन् दोर। ले। 11फरिसि हैयादाज्याउ यहुदिवइ च्याँद ओल्ज अइलेद प्राथना दोकेउ, ‘हे परमेस्वर, ङा नालाइ धन्यवाद ङायिनिज्या, नेलाइलेक ङा गुँ अर्मिर मदिउ लोभि ब ङामाले, माप्चाउ ब ङामासम्झि सोनो अन्यायलाउ एन् ङामादो हुकिं ब्यभिचार ब ङामादो हुकिं आउ स्यार्मा उथैन्या अर्मि मदिउ ब ङामाले। 12बरु ङा साताबार त नेफे उपबास ङालिज्या। ङाकमौ स्यो थोकवइ ओदसांस ङायिंनिज्या।’ 13तर स्यार्मा उथैज्याउ अर्मिचाहिं तादाखै च्याँद स्वर्गदि राँन्या आँत मादादुद ओछाति दुम्कै-दुम्कै गर्द प्राथना दोकेउ, ‘हे परमेस्वर, ङा पापिलाइ दया दाँङाको’।” 14हैजैद येसुइ नोरलाइ हैयादोकेउ, “ङा जेलाइ हैङादाच्योज्या, आउ स्यार्मा उथैज्याउ अर्मिचाहिं नो फरिसि हैयादाज्याउ यहुदि भन्दा धर्मि थहरिद उझिम्दि हिंके। नेलाइलेक जो अर्मिवइ ओल्लाइ घ्यो सम्झिउ, होलाइ परमेस्वरवइ आलुजा जैन्या ले, तर जोवइ ओल्लाइ आलुजा सम्झिउ, होलाइ परमेस्वरवइ घ्यो जैन्या ले।”
येसुइ आलुजा लुजारलाइ आसिस यायोकेउ
मत्ति १९:१३-१५; मर्कुस १०:१३-१६
15येसुइ उकुइ जाद आसिस गायोउक हैलेद अर्मिराइ आलुजा लुजारलाइ येसुइ ओलेउक यारैकेर। तर चेलाराइ आउ राँद नोरलाइ याहप्कैकेर। 16तर येसुइ नोरलाइ ओलेउक खुल्द हैयादोकेउ, “आलुजा लुजारलाइ ङालेउक राउ यायाच्यो, नोरलाइ ताउँच्यो। नेलाइलेक परमेस्वरवइ ओराज्य अमदिउराइ यामि ज। 17दसाज ङा जेलाइ हैङादाच्योज्या, जोइ तुबु आलुजा लुजाइ माला परमेस्वरवइ ओराज्यलाइ मास्विकारिउ, हो खर्क ब भितर्ल पसिउ अस्दैन्या माले।”
धनि सासक
मत्ति १९:१६-२९; मर्कुस १०:१७-३०
18हैजैद तुबु सासकवइ येसुलाइ अस्गेंकेउ, “हे अप्चाउ गुरु, सदा लेन्या जुनि अस्दैन्याको लागि ङा नाति दाउपरि?”
19येसुइ नोलाइ हैदोकेउ, “परमेस्वर बाहेक गुँ सु अप्चाउ माले। होकारन ना ङालाइ अप्चाउ हैनदाँङाउ अर्थ नाति? 20ना परमेस्वरवइ मोसालाइ यासिउ आग्यार ते नसैंज्या, ‘ब्यभिचार तादोको, हत्या तादोको, ताकुको, ग्वार्द साछि तायोको, नबाबु सोनो नामानिलाइ आदर यानिदोको’#प्रस्थान २०:१२-१६; व्यबस्था ५:१६-२०।”
21नोइ हैदोकेउ, “आउ स्यो आग्यार ते ङा आलुजा ङालेउकिं ज मानिद ङानै।”
22आउ थैद येसुइ नोलाइ हैदोकेउ, “ना अजैब तुबु एन् दान्या बाँकि लिज्या। नास जो जति चिजर लिज्यार, होर स्यो वेएद गरिबरलाइ भाद यायोको, हुकिं ना स्वर्गताउ धन अस्दैन्या नले हैजैद राद ङाछिंत लागिनि।” 23हुकिं आउ अस्पाँ थैद नो भ्या निरास जास्के, नेलाइलेक नो भ्या धनि ले।
24येसुइ नो निरास ओजास्लेउ राँद हैलेके, “धन-सम्पत्ति लेउरलाइ परमेस्वरवइ ओराज्यल पसिन्या गाह्रो लिज्या। 25दसाज हैलेन्याकिंलेक धनि अर्मिरलाइ परमेस्वरवइ ओराज्यल पसिन्या भन्दा ते उँतलाइ अर्गप्वइ ओर्नालिं छिरिन्या सजिलो जास्।”
26हैजैद आउ अस्पाँ थैन्या अर्मिराइ या-या हैलेकेर, “हुकिंलेक सु बाँचिदु स?”
27येसुइ हैलेके, “अर्मिराइ मादादुन्या एन् परमेस्वरवइ दादु।”
28हुकिं पत्रुसवइ हैलेके, “थैच्यो, गेते झिम् ब्यबार रास्द नछिंत लागिद गेले।”
29हुकिं येसुइ नोरलाइ हैयादोकेउ, “दसाज ङा जेलाइ हैङादाच्योज्या, जे परमेस्वरवइ ओराज्यको लागि जिझिम्, जेज्या-जेजार,जेबाबु-ज्यामा, जेदाज्यु-भाइरलाइ ज्यारासकिंलेक, 30जे जेरासो भन्दा ब भ्या अस्दैन्या जेले छिंङिकाउ रान्या समयल खर्क मासिन्या जुनि अस्दैन्या जेले।”
येसुइ फिरि ओल् सिन्या बारेल हैलेके
मत्ति २०:१७-१९; मर्कुस १०:३२-३४
31हैजैद येसुइ बाह्र जना चेलारलाइ ताँखैक खुल्द हैयादोकेउ, “थैच्यो, गे यादि यरुसलेम्दि गिहिंज्या। हैजैद परमेस्वरवइ उस्परिंङाउ ङा अर्मिइ ओजाइ ओबारेल परमेस्वरङि अस्पाँन्याराइ याप्सरो मदिउज स्यो अस्पाँ पुरा जास्न्या ले। 32नेलाइलेक नो गुँ जातिराइ याकुइत परिन्या ले, सोनो होराइ नोलाइ गिल्दैन्या लेर, नोलाइ लाजमर्न जैन्यालेर, सोनो अस्तिल्न्या लेर। 33नोराइ नोलाइ कोर्रा लैन्यालेर सोनो सैन्यालेर, तर सोंलात फिरि नो सिउङि जिंदो जास्न्या ले।”
34तर येसुइ हैओलेउ अस्पाँ चेलाराइ निउ माबुजैकेर। आउ अस्पाँवइ हैलेउ ओस्पैंज्याउ अस्पाँ नोराङि मुसिउ ले।
येसुइ उमिं मारौं भिखारिलाइ सगराँकेउ
मत्ति २०:२९-३४; मर्कुस १०:४६-५२
35तला येसु सोनो ओचेलार यरिहो सहरल याकलेस्नालेक उमिं मारैंज्याउ तुबु अर्मि हो घ्वा छ्योउक चुँद भिख ङिज्याउ ले। 36भ्या अर्मिर ओछ्योउयाक याहिंज्याउ चाल् थैद नो उमिं मारैंज्याउ अर्मिवइ यास्गेंकेउ, “आक कैओजासो।”
37अर्मिराइ नोलाइ हैदोकेर, “नासरत नाखाँलाउ येसु आतफ्याँ हिंज्या।”
38आउ थैद नो उमिं मारैंज्याउ अर्मिवइ घ्यो अर्गास कलिके, “हे येसु, अर्गे दाउदवइ ओजा, ङालाइ दया दाँङाको!”
39बरिबरि अस्बानान्याराइ नोलाइ छपक् लेनि हैलेद हप्कैकेर, तर नो झन चोइसि अइलेद कलिके, “हे अर्गे दाउदवइ ओजा येसु, ङालाइ दया दाँङाको!”
40हैजैद नो अर्मि उकलिउ थैद येसु च्याँके, हुकिं अर्मिरलाइ हैयादोकेउ, “नोलाइ आक रैच्यो।” हुकिं अर्मिराइ नोलाइ येसुइ ओलेउक यारौ छिंङि येसुइ नोलाइ 41अस्गेंकेउ, “ना नाति नस्पैंज्या? ङा नाको लागि नाति दाउपरि?”
नोइ हैदोकेउ, “प्रभु ङा फिरि ङामि ओरैंक।”
42येसुइ नोलाइ हैदोकेउ, “ना नमिं ओरैंक। ना नबिस्वासवइ ज नमिं रैंद ले।”
43होपन्याज नोइ उमि रैंके, हैजैद परमेस्वरवइ ओप्रसंसा दाइ-दाइ नो येसुइ उछिंत लागिके। आउ राँन्या स्यो अर्मिराइ परमेस्वरवइ ओप्रसंसा दोकेर।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 (Active), Mother Tongue Translators Society and Wycliffe Bible Translators, Inc. All rights reserved.