लुका 15
15
ङोउ लुवइ ओआन्
मत्ति १८:१२-१४
1तला स्यार्मा उथैज्याउर सोनो गुँ पापिर भ्या येसुइ उसिछ्या थैन्या राकेर। 2तर फरिसि हैयादाज्याउ यहुदिर सोनो मोसाइ ओनियम अस्पैन्यार अइजैद गन्गनैकेर, “आउ अर्मिवइ ते पापिरास सँगत दाज्या, सोनो नोरासज ज्याज्या ओज्या#लुका ५:२९-३०।” 3होकारन येसुइ नोरलाइ आउ आन् हैयादोकेउ,
4“जे मध्ये कदिउ अर्मिचि क्या, जोइ तसय गोता उलुर मध्ये तुबु ओतेक उनान्सयरलाइ चरन् पोलज बनैद तेउ उलु ओमास्दउवा नोलाइ माखिमो रो? 5नोइ तेउ उलु ओस्दैकिंलेक नो खुसि जास्द नोलाइ उर्पुत छेंद रउ। 6जब नो झिम्क कलेस्रै हुकिं उरिजार सोनो उछिमिकिरलाइ खुल्द हैयादोउ, ‘ङा भ्या खुसि ङालिज्या नेलाइलेक तेउ ङालु अस्दैद ङानै। होकारन जेब ङास रैंच्यो।’ 7ङा जेलाइ हैङादाच्योज्या, अइजैद यापापङि ओल्द राउ मापरिन्या उनान्सय धार्मिक जन्राको लागि भन्दा यापापङि ओल्द रान्या तुबु पापिको लागि स्वर्गत भ्या आनन्द जास्न्याले।
तेउ सिक्कावइ ओआन्
8“फिरि येसुइ गुँ तुबु स्यालोको जाकेउ, तुबु मिंमास दस गोता चाँदि सिक्कार ले। हो दस गोता चाँदि सिक्कारमध्ये तुबु तेकेलेक बत्ति खाँद हो मिमाइ नो सिक्का ओमास्दौवा झिम् सिद अप्चाद माखिमो रो? 9जब हो मिमावइ नो सिक्का अस्दौ हुकिं उरिजार सोनो उछिमिकिरलाइ खुल्द हैयादोउ, ‘ङा भ्या खुसि ङालिज्या नेलाइलेक तेउ ङासिक्का अस्दैद ङानै। होकारन जेब ङास रैंच्यो।’ 10ङा जेलाइ हैङादाच्योज्या, अइजैद यापापङि ओल्द राउ मापरिन्या उनान्सय धार्मिक जन्राको लागि भन्दा यापापङि ओल्द रान्या तुबु पापिको लागि स्वर्गत अज आनन्द जास्न्या ले।”
ङोउ जाइ ओआन्
11येसुइ नोरलाइ अजैब गुँ स्यालोक जाद यायोकेउ, “तुबु अर्मिवइ जोर् ओजानि लेनि। 12तला कान्छा ओजाइ ओबाबुलाइ हैदोकेउ, ‘बाबु, ङा ङाभन्दाल परिन्या सम्पत्ति ङालाइ भाद याँको।’ हैजैद इंबाबुइ जोर् अदाउज्युनिलाइ ओसम्पति भाद यानियोकेउ। 13तला नेला छिंङि कान्छा ओजाइ ओभन्दाल परिउ ओसम्पति वेएद लेउमालेउ रुप्या दाद तादा देसदि हिंके। नो देसल नोइ मोज-मज्जाल स्यो ओधन ओदैकेउ। 14ओल्स लिज्याउ स्यो उरुप्या खर्च दाद ओस्प्यानौ बेलाकज नो देसल घ्यो अनिकाल परिके, हैजैद नोइ ज्याउ-ओ मास्दैकेउ। 15हैजैद नो हिंद, उलिज्याउ देसलाउ तुबु अर्मिइ ओलेउक नोइ एन् ङिकेउ। नो अर्मिवइ उर राँन्या एन् त लैकेउ। 16नोलाइ सुराइ ब निउ ज्याउ यामायोउवइ नोइ उराइ याचारो ज्याद दिब उफु सवाउँ अस्पैंकेउ। 17होबेलाक नोइ ओचेत खुलिके हुकिं नोइ हैलेके, ‘बाबुइ ओबाँदाराइ याफु वाउँवा ज्याद ब सएल्ज्यार, तर ङा चित आक ङाकरेउराइ ङासिनाले। 18अब ङा हर्पत हिंद ङाबाबुलाइ हैङादो, बाबु, ङा परमेस्वर सोनो ना नबिरोध्ल पाप दाद ङानै। 19अबते ङा ना नजा जास्न्या योग्यालाउ ङामाले, ङालाइ नएन् दान्या नबाँदाराङि तुबुसरह सम्झिद नैङाको’।”
20“हुकिं नो सोद ओबाबुइ ओलेउदि हिंके। नो भ्या तादात ओराज्याकज ओबाबुइ नोलाइ राँकेउ। हैजैद ओबाबुइ उयुउँल माया लागिके, हैजैद नो जोनाद ओजालाइ लाप्द म्वाँइ दोकेउ। 21ओजाइ नोलाइ हैदोकेउ, ‘बाबु, ङा परमेस्वर सोनो ना नबिरोध्ल पाप दाद ङानै। ङा फिरि ना नजा जास्न्या योग्यलाउ ङामाले।’ 22तर ओबाबुइ बाँदालाइ खुल्द हैदोकेउ, ‘झ्वातै हिंद स्योरभन्दा अप्चाउ क्वा रैद आलाइ क्वास्च्यो। आइ उकुइत कुइंजिं, सोनो उखुँत पोवला सजास्च्यो। 23हैजैद स्योर भन्दा सोउ खसि सैच्यो। हुकिं ङाजा ओल्द ओराउवइ गे ज्याद-ओद रमाइलो गेदाते। 24नेलाइलेक आउ ङाजा उसिउ क्या हैलेद सम्झिसिउ ङाले, तर बाँचिद राद ले, ङोउ ले, तर आर्क ओल्द गेलेउक राद ले।’ हुकिं नोर अस्दुसिद ज्याद-ओद खुसि जास्द रमाइलो दान्यात लागिकेर।
25“होबेलाक नोइ जेथा ओजा चाहिं याँबाँल ले, सोनो नो झिम्वइ ओनजिक ओकलेसरैक बाजा गाजा तप्द यापस्याज्याउ अर्गा नोइ थैकेउ। 26नोइ बाँदाराङि तुबुलाइ खुल्द, ‘आउ नातिको लागि?’ हैलेद अस्गेंकेउ। 27नोइ हैदोकेउ, ‘नपार्जा ओल्द रादले, हैजैद नबाबुइ ङाद ओनौ सोउ खसि सैकेउ। नेलाइलेक नबाबुइ नपार्जालाइ सकुसल सोनो गराउँज ओल्द राउ अस्दैकेउ।’ 28आउ थैद ओदाज्यु भ्या उयुउँ चोके, सोनो झिम्ल पसिउ माभैंके, हैजैद ओबाबु लाँदि पुलुस्द नोलाइ अस्ग्वारकेउ। 29तर नोइ ओबाबुलाइ हैदोकेउ, ‘थैको, ङा आनै बर्स सम नबाँदार मदिउ जास्द एन् ङादारिज्या, हुकिं ना हैनदाङाउ स्यो अस्पाँर ङाथैज्या। हैजैद ब ङा ङारिजारास रमाइलो दान्याको लागि ना ङालाइ तुबु पाथा ब खर्क नमायाँङाके? 30तर ना नसम्पत्ति बेस्यारास ओदैन्या आउ नजा ओराक चित ना ङाद ननौ सोउ पसु नोको लागि नसैके।’ 31ओबाबुइ नोलाइ हैदोकेउ, ‘ङाजा, नाते सदा ङास नलिज्या, हुकिं लेउमालेउ ङासम्पति ना नमि ज। 32तर गे आछिम् आनन्द मनैन्या सोनो रैंन्या उचित ले, नेलाइलेक आउ नपार्जा सिउ ले, फिरि जिंदो गेस्दैके। ङोउ ले, अब गेस्दैनै’।”
ទើបបានជ្រើសរើសហើយ៖
लुका 15: MAIK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 (Active), Mother Tongue Translators Society and Wycliffe Bible Translators, Inc. All rights reserved.
लुका 15
15
ङोउ लुवइ ओआन्
मत्ति १८:१२-१४
1तला स्यार्मा उथैज्याउर सोनो गुँ पापिर भ्या येसुइ उसिछ्या थैन्या राकेर। 2तर फरिसि हैयादाज्याउ यहुदिर सोनो मोसाइ ओनियम अस्पैन्यार अइजैद गन्गनैकेर, “आउ अर्मिवइ ते पापिरास सँगत दाज्या, सोनो नोरासज ज्याज्या ओज्या#लुका ५:२९-३०।” 3होकारन येसुइ नोरलाइ आउ आन् हैयादोकेउ,
4“जे मध्ये कदिउ अर्मिचि क्या, जोइ तसय गोता उलुर मध्ये तुबु ओतेक उनान्सयरलाइ चरन् पोलज बनैद तेउ उलु ओमास्दउवा नोलाइ माखिमो रो? 5नोइ तेउ उलु ओस्दैकिंलेक नो खुसि जास्द नोलाइ उर्पुत छेंद रउ। 6जब नो झिम्क कलेस्रै हुकिं उरिजार सोनो उछिमिकिरलाइ खुल्द हैयादोउ, ‘ङा भ्या खुसि ङालिज्या नेलाइलेक तेउ ङालु अस्दैद ङानै। होकारन जेब ङास रैंच्यो।’ 7ङा जेलाइ हैङादाच्योज्या, अइजैद यापापङि ओल्द राउ मापरिन्या उनान्सय धार्मिक जन्राको लागि भन्दा यापापङि ओल्द रान्या तुबु पापिको लागि स्वर्गत भ्या आनन्द जास्न्याले।
तेउ सिक्कावइ ओआन्
8“फिरि येसुइ गुँ तुबु स्यालोको जाकेउ, तुबु मिंमास दस गोता चाँदि सिक्कार ले। हो दस गोता चाँदि सिक्कारमध्ये तुबु तेकेलेक बत्ति खाँद हो मिमाइ नो सिक्का ओमास्दौवा झिम् सिद अप्चाद माखिमो रो? 9जब हो मिमावइ नो सिक्का अस्दौ हुकिं उरिजार सोनो उछिमिकिरलाइ खुल्द हैयादोउ, ‘ङा भ्या खुसि ङालिज्या नेलाइलेक तेउ ङासिक्का अस्दैद ङानै। होकारन जेब ङास रैंच्यो।’ 10ङा जेलाइ हैङादाच्योज्या, अइजैद यापापङि ओल्द राउ मापरिन्या उनान्सय धार्मिक जन्राको लागि भन्दा यापापङि ओल्द रान्या तुबु पापिको लागि स्वर्गत अज आनन्द जास्न्या ले।”
ङोउ जाइ ओआन्
11येसुइ नोरलाइ अजैब गुँ स्यालोक जाद यायोकेउ, “तुबु अर्मिवइ जोर् ओजानि लेनि। 12तला कान्छा ओजाइ ओबाबुलाइ हैदोकेउ, ‘बाबु, ङा ङाभन्दाल परिन्या सम्पत्ति ङालाइ भाद याँको।’ हैजैद इंबाबुइ जोर् अदाउज्युनिलाइ ओसम्पति भाद यानियोकेउ। 13तला नेला छिंङि कान्छा ओजाइ ओभन्दाल परिउ ओसम्पति वेएद लेउमालेउ रुप्या दाद तादा देसदि हिंके। नो देसल नोइ मोज-मज्जाल स्यो ओधन ओदैकेउ। 14ओल्स लिज्याउ स्यो उरुप्या खर्च दाद ओस्प्यानौ बेलाकज नो देसल घ्यो अनिकाल परिके, हैजैद नोइ ज्याउ-ओ मास्दैकेउ। 15हैजैद नो हिंद, उलिज्याउ देसलाउ तुबु अर्मिइ ओलेउक नोइ एन् ङिकेउ। नो अर्मिवइ उर राँन्या एन् त लैकेउ। 16नोलाइ सुराइ ब निउ ज्याउ यामायोउवइ नोइ उराइ याचारो ज्याद दिब उफु सवाउँ अस्पैंकेउ। 17होबेलाक नोइ ओचेत खुलिके हुकिं नोइ हैलेके, ‘बाबुइ ओबाँदाराइ याफु वाउँवा ज्याद ब सएल्ज्यार, तर ङा चित आक ङाकरेउराइ ङासिनाले। 18अब ङा हर्पत हिंद ङाबाबुलाइ हैङादो, बाबु, ङा परमेस्वर सोनो ना नबिरोध्ल पाप दाद ङानै। 19अबते ङा ना नजा जास्न्या योग्यालाउ ङामाले, ङालाइ नएन् दान्या नबाँदाराङि तुबुसरह सम्झिद नैङाको’।”
20“हुकिं नो सोद ओबाबुइ ओलेउदि हिंके। नो भ्या तादात ओराज्याकज ओबाबुइ नोलाइ राँकेउ। हैजैद ओबाबुइ उयुउँल माया लागिके, हैजैद नो जोनाद ओजालाइ लाप्द म्वाँइ दोकेउ। 21ओजाइ नोलाइ हैदोकेउ, ‘बाबु, ङा परमेस्वर सोनो ना नबिरोध्ल पाप दाद ङानै। ङा फिरि ना नजा जास्न्या योग्यलाउ ङामाले।’ 22तर ओबाबुइ बाँदालाइ खुल्द हैदोकेउ, ‘झ्वातै हिंद स्योरभन्दा अप्चाउ क्वा रैद आलाइ क्वास्च्यो। आइ उकुइत कुइंजिं, सोनो उखुँत पोवला सजास्च्यो। 23हैजैद स्योर भन्दा सोउ खसि सैच्यो। हुकिं ङाजा ओल्द ओराउवइ गे ज्याद-ओद रमाइलो गेदाते। 24नेलाइलेक आउ ङाजा उसिउ क्या हैलेद सम्झिसिउ ङाले, तर बाँचिद राद ले, ङोउ ले, तर आर्क ओल्द गेलेउक राद ले।’ हुकिं नोर अस्दुसिद ज्याद-ओद खुसि जास्द रमाइलो दान्यात लागिकेर।
25“होबेलाक नोइ जेथा ओजा चाहिं याँबाँल ले, सोनो नो झिम्वइ ओनजिक ओकलेसरैक बाजा गाजा तप्द यापस्याज्याउ अर्गा नोइ थैकेउ। 26नोइ बाँदाराङि तुबुलाइ खुल्द, ‘आउ नातिको लागि?’ हैलेद अस्गेंकेउ। 27नोइ हैदोकेउ, ‘नपार्जा ओल्द रादले, हैजैद नबाबुइ ङाद ओनौ सोउ खसि सैकेउ। नेलाइलेक नबाबुइ नपार्जालाइ सकुसल सोनो गराउँज ओल्द राउ अस्दैकेउ।’ 28आउ थैद ओदाज्यु भ्या उयुउँ चोके, सोनो झिम्ल पसिउ माभैंके, हैजैद ओबाबु लाँदि पुलुस्द नोलाइ अस्ग्वारकेउ। 29तर नोइ ओबाबुलाइ हैदोकेउ, ‘थैको, ङा आनै बर्स सम नबाँदार मदिउ जास्द एन् ङादारिज्या, हुकिं ना हैनदाङाउ स्यो अस्पाँर ङाथैज्या। हैजैद ब ङा ङारिजारास रमाइलो दान्याको लागि ना ङालाइ तुबु पाथा ब खर्क नमायाँङाके? 30तर ना नसम्पत्ति बेस्यारास ओदैन्या आउ नजा ओराक चित ना ङाद ननौ सोउ पसु नोको लागि नसैके।’ 31ओबाबुइ नोलाइ हैदोकेउ, ‘ङाजा, नाते सदा ङास नलिज्या, हुकिं लेउमालेउ ङासम्पति ना नमि ज। 32तर गे आछिम् आनन्द मनैन्या सोनो रैंन्या उचित ले, नेलाइलेक आउ नपार्जा सिउ ले, फिरि जिंदो गेस्दैके। ङोउ ले, अब गेस्दैनै’।”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 (Active), Mother Tongue Translators Society and Wycliffe Bible Translators, Inc. All rights reserved.