लुका 16
16
बाथो नाइक्यावइ ओआन्
1येसुइ ओचेलारलाइ हैयादोकेउ, “तुबु धनि अर्मिवइ ओएन् दान्याराइ तुबु यानाइक्या ले। नो नाइक्यावइ नधन-सम्पत्ति ओदैरिज्या हैलेन्या अस्पाँ अर्मिराइ नो धनि अर्मिलाइ हैदोकेर। 2हैजैद ओमालिकवइ नो नाइक्यालाइ खुल्द हैदोकेउ, ‘ङा नबारेल आउ नाति ङाथैज्या? ङाधन-सम्पति कैजैद ननै स्यो ङालाइ अस्तैंद याँको। अबकिं हुदि ना ङाधन-सम्पति राँन्या एन् दाउ नमास्दै।’
3“हुकिं नो नाइक्यावइ उयुउँ-उयुउँल हैलेके, ‘अब ङा कै ङालेते, ङामालिकवइ ङालाइ बाँदाङि अस्पुलैन्या जास्के। खेतिपाति दाद ज्याउलेक दान्या ङागति माले, ङिद ङाज्यो हैङालेक ङासिलिसिज्या। 4अब ङा अमदिउ एन् ङादो। मालिकवइ ङालाइ एन्ङि अस्पुलैङाउ दिब आर्कज ङारिजार जैद ङानैकिंलेक नोराइ ङालाइ छिंङि राँन्या लेर।’
5“हुकिं नोइ ओमालिकवइ उरिन् लाँसिउ भरिरलाइ तुबुङि तुबुङि याखुल्केउ। हुकिं बरिदिङाउ रान्या अर्मिलाइ अस्गेंकेउ, ‘ना ङामालिकलाइ फुन्या नरिन् ख्वा वा लिज्या?’
6“नोइ हैदोकेउ, ‘सों हजार लितर जैतुनवइ ओमास् लिज्या।’
“नाइक्याइ हैदोकेउ, ‘नतम्सुक रैद सों भागल तभाग घतैद अप्सरको।’
7“हुकिं नोइ छुतोलाइ अस्गेंकेउ, ‘ना नरिन् ख्वाकना लिज्या?’
“होइ हैदोकेउ, ‘सोंसय पचास कुन्तल ताम् लिज्या।’ नाइक्यावइ होलाइ हैदोकेउ, ‘नतम्सुक रैद सोंसय कुन्तल तभाग घतैद अप्सर्को।’
8“अब नोइ ओमालिकवइ नो अधर्मि नाइक्याइ ओसराउनि दोकेउ नेलाइलेक नोइ बाथो जास्द एन् दासिउ ले। नैजैद परमेस्वरत बिस्वास मादान्या अर्मिर नोराइ यारिजारास बाथो ब्यबाहार दाज्यार, तर परमेस्वरत बिस्वास दान्या अर्मिर आर मदिउ बाथो माजास्र।”
9होकारन ङा जेलाइ हैङादाच्योज्या,जे मादमिलाउ जेधन-सम्पतिवइ गुँरलाइ अप्चाउ एन्को लागि याद जिरिजार याजैच्यो। हुकिं जेधन ओखेम्क परमेस्वरवइ जेलाइ खर्क माखेम्न्या स्वर्गताउ झिम्ल स्वागत दान्या ले।
10“जो आलुजा अस्पाँत इमान्दारि जास्। नो घ्यो अस्पाँत ब इमान्दारि जास्। हुकिं जो आलुजा अस्पाँत बैइमानि जास्, हो घ्यो अस्पाँत ब बैइमानि जास्। 11आउकारन जे मादमिलाउ धन-सम्पत्तिल इमान्दारि जेमाजास्किंलेक, परमेस्वरवइ जेलाइ कैजैद स्वरगताउ धनवइ ओजिम्मा यान्या? 12यदि जे छुतोराइ याधनत इमान्दारि जेमाजास्किंलेक, सुइ जेलाइ जे जेधन-सम्पत्तिइ ओर्गे जैचेउ?
13“तुबु बाँदावइ जोर् मालिकनिइ इंसेवा मादादुउ, नेलाइलेक नोइ तुबुलाइ हेलादाद होकाउलाइ माया दोउ, अथबा नो तुबुइ हैओदोउ भैंद होकाउलाइ वास्ता मादोउ। हैजैदज जे तफेतज परमेस्वर सोनो धन जोर्निइ इंएन् जेमादादु#मत्ति ६:२४।”
येसु फरिसि हैयादाज्याउ यहुदिरास अस्पाँसिउ
मत्ति ५:३१-३२; मर्कुस १०:११-१२
14जब फरिसि हैयादाज्याउ यहुदिराइ आउ स्यो अस्पाँर थैकेर, नोराइ येसुइ ओस्पाँलाइ ख्याल-ख्यालत उदैकेर, नेलाइलेक नोराको लागि रुप्याज घ्यो ले। 15हुकिं येसुवइ नोरलाइ हैयादोकेउ, “जे अर्मिराइ याबरिक धर्मि जासो जेस्पैंज्या, तर परमेस्वरवइ जियुउँलाउ अस्पाँ सैंज्या। अर्मिराइ घ्यो सम्झिसिउ अस्पाँर ते परमेस्वरवइ उबरिक निउ म्हा।
16“बप्तिस्मा याज्याउ युहन्नावइ ओसमय सम मोसावइ ओव्यबस्था सोनो परमेस्वरङि अस्पाँन्याराइ यासिछ्या चलिद राउ ले। हो बेलाकिं आदि परमेस्वरवइ ओराज्यलाउ अप्चाउ खबर प्रचार दासिउ लिज्या, सोनो स्योराइ नो राज्यभितर्ल पसिउ अस्पैंज्यार#मत्ति ११:१२-१३। 17बरु स्वर्ग सोनो मादमि ङोइद हिंते तर परमेस्वरवइ ओव्यबस्थालाउ तुबु आलुजा अस्पाँ ब ङोइन्या माले#मत्ति ५:१८।
18“जोइ ओज्यालाइ रास्द गुँ बेहा दोउ, नोइ ब्यभिचार दोउ, सोनो ओरेवइ रास्सिउ मिमालाइ बेहा दान्या अर्मिवइ ब व्यबिचार दोउ#मत्ति ५:३२; १कोरिन्थि ७:१०-११।”
धनि अर्मि सोनो गरिब लाजरस
19येसुइ फिरि हैलेके, “तुबु धनि अर्मि ले, नो जैलेदिब मोङगो-मोङगोलाउ क्वार कुसिद दिना-दिन मोज-मज्जा दाज्याउ ले। 20नोइ ओयाम् बरिक अर्मिराइ लाजरस उर्मिलेउ तुबु गरिब अर्मिलाइ रैद बनैकेर। नोइ ओकलाँ बरि घाइ पलेउ ले। 21नो धनि अर्मिवइ ज्याउ ओज्योक योल्द भिंसिउ ज्याउ ज्याद-ओद लाजरसवइ उफु सवाँन्या बिचार दोउ। कार होक राद ओघाइ लेप्द योर। 22तला नो गरिब लाजरस सिके। परमेस्वरवइ ओस्पाँ हैदान्याराइ नोलाइ लाँद अब्राहामवइ ओछ्योक जाकेर हुकिं नो धनि अर्मि ब सिके सोनो नोलाइ अर्मिराइ गादिकेर। 23सिउ अर्मिर लेन्या थाउँल भ्या दुख अस्दैज्याउ ले। होबेलाक नोइ तादाखैकिं ओराँक लाजरसलाइ अब्राहामवइ ओखोकाक चुँद उलिज्याउ राँकेउ। 24हुकिं नोइ कलिद हैलेके, ‘हे बाबु अब्राहाम, ङालाइ दया दाद लाजरसलाइ अस्परिंद याँको, सोनो नोइ उकुइतिं तथप्का रि दिब ङासे त अस्तेप्द ओयाँउक, नेलाइकिं ङा आउ मिल ङाछत्पतिरिज्या।’ 25तर अब्राहामवइ हैदोकेउ, ‘ङाजा, सम्झिको, ना मादमिल स्यो सुखलाउ चिज अस्दैसिउ नले, तर लाजरसवइ चाहिं दुखै-दुख अस्दैसिउ ले। आर्क चाहिं लाजरसवइ आक सुख सान्ति अस्दैद नौ हैजैद नाचाहिं नोल दुख नस्दैरिज्या। 26फिरि आकिं होप नलेउक राउ अस्पैन्यार गमाहिंदुरक सोनो नुकिं आक गेलेउक आफ रान्यार ब गमारादुरक हैलेद गेखार्ल तुबु घ्यो खाल्ता लिज्या।’ 27धनि अर्मिवइ अब्राहामलाइ हैदोकेउ, ‘बाबु, नालाइ ङा बिन्ति ङादिनिज्या, ना लाजरसलाइ ङाबाबुइ उझिम्क अस्परिंद याँको। 28नो हिंद अर्ङाबलै ङादाज्यु-भाइरलाइ आक जासो छेछेङमसिउ दुखलाउ अस्पाँर हैओवादोउक सोनो नोर आक राउ तापरिक।’ 29तर अब्राहामवइ हैदोकेउ, ‘नोरास मोसा सोनो परमेस्वरङि अस्पाँन्याराइ यापुस्तकर लिज्यार। नोराइ नो ओथैरक।’ 30तर नोइ हैदोकेउ, ‘म्हा, बाबु अब्राहाम, सिउराङि तुबार नोराइ यालेउक याहिंकिंलेकते नोर यापापङि ओल्न्या लेर।’ 31अब्राहामवइ नोलाइ हैदोकेउ, ‘मोसा सोनो परमेस्वरङि अस्पाँन्याराइ यास्पाँ माथैन्याराइ सिउअर्मि जिंदो जास्द नोराइ यालेउक याहिं दिब मापतेर’।”
ទើបបានជ្រើសរើសហើយ៖
लुका 16: MAIK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 (Active), Mother Tongue Translators Society and Wycliffe Bible Translators, Inc. All rights reserved.
लुका 16
16
बाथो नाइक्यावइ ओआन्
1येसुइ ओचेलारलाइ हैयादोकेउ, “तुबु धनि अर्मिवइ ओएन् दान्याराइ तुबु यानाइक्या ले। नो नाइक्यावइ नधन-सम्पत्ति ओदैरिज्या हैलेन्या अस्पाँ अर्मिराइ नो धनि अर्मिलाइ हैदोकेर। 2हैजैद ओमालिकवइ नो नाइक्यालाइ खुल्द हैदोकेउ, ‘ङा नबारेल आउ नाति ङाथैज्या? ङाधन-सम्पति कैजैद ननै स्यो ङालाइ अस्तैंद याँको। अबकिं हुदि ना ङाधन-सम्पति राँन्या एन् दाउ नमास्दै।’
3“हुकिं नो नाइक्यावइ उयुउँ-उयुउँल हैलेके, ‘अब ङा कै ङालेते, ङामालिकवइ ङालाइ बाँदाङि अस्पुलैन्या जास्के। खेतिपाति दाद ज्याउलेक दान्या ङागति माले, ङिद ङाज्यो हैङालेक ङासिलिसिज्या। 4अब ङा अमदिउ एन् ङादो। मालिकवइ ङालाइ एन्ङि अस्पुलैङाउ दिब आर्कज ङारिजार जैद ङानैकिंलेक नोराइ ङालाइ छिंङि राँन्या लेर।’
5“हुकिं नोइ ओमालिकवइ उरिन् लाँसिउ भरिरलाइ तुबुङि तुबुङि याखुल्केउ। हुकिं बरिदिङाउ रान्या अर्मिलाइ अस्गेंकेउ, ‘ना ङामालिकलाइ फुन्या नरिन् ख्वा वा लिज्या?’
6“नोइ हैदोकेउ, ‘सों हजार लितर जैतुनवइ ओमास् लिज्या।’
“नाइक्याइ हैदोकेउ, ‘नतम्सुक रैद सों भागल तभाग घतैद अप्सरको।’
7“हुकिं नोइ छुतोलाइ अस्गेंकेउ, ‘ना नरिन् ख्वाकना लिज्या?’
“होइ हैदोकेउ, ‘सोंसय पचास कुन्तल ताम् लिज्या।’ नाइक्यावइ होलाइ हैदोकेउ, ‘नतम्सुक रैद सोंसय कुन्तल तभाग घतैद अप्सर्को।’
8“अब नोइ ओमालिकवइ नो अधर्मि नाइक्याइ ओसराउनि दोकेउ नेलाइलेक नोइ बाथो जास्द एन् दासिउ ले। नैजैद परमेस्वरत बिस्वास मादान्या अर्मिर नोराइ यारिजारास बाथो ब्यबाहार दाज्यार, तर परमेस्वरत बिस्वास दान्या अर्मिर आर मदिउ बाथो माजास्र।”
9होकारन ङा जेलाइ हैङादाच्योज्या,जे मादमिलाउ जेधन-सम्पतिवइ गुँरलाइ अप्चाउ एन्को लागि याद जिरिजार याजैच्यो। हुकिं जेधन ओखेम्क परमेस्वरवइ जेलाइ खर्क माखेम्न्या स्वर्गताउ झिम्ल स्वागत दान्या ले।
10“जो आलुजा अस्पाँत इमान्दारि जास्। नो घ्यो अस्पाँत ब इमान्दारि जास्। हुकिं जो आलुजा अस्पाँत बैइमानि जास्, हो घ्यो अस्पाँत ब बैइमानि जास्। 11आउकारन जे मादमिलाउ धन-सम्पत्तिल इमान्दारि जेमाजास्किंलेक, परमेस्वरवइ जेलाइ कैजैद स्वरगताउ धनवइ ओजिम्मा यान्या? 12यदि जे छुतोराइ याधनत इमान्दारि जेमाजास्किंलेक, सुइ जेलाइ जे जेधन-सम्पत्तिइ ओर्गे जैचेउ?
13“तुबु बाँदावइ जोर् मालिकनिइ इंसेवा मादादुउ, नेलाइलेक नोइ तुबुलाइ हेलादाद होकाउलाइ माया दोउ, अथबा नो तुबुइ हैओदोउ भैंद होकाउलाइ वास्ता मादोउ। हैजैदज जे तफेतज परमेस्वर सोनो धन जोर्निइ इंएन् जेमादादु#मत्ति ६:२४।”
येसु फरिसि हैयादाज्याउ यहुदिरास अस्पाँसिउ
मत्ति ५:३१-३२; मर्कुस १०:११-१२
14जब फरिसि हैयादाज्याउ यहुदिराइ आउ स्यो अस्पाँर थैकेर, नोराइ येसुइ ओस्पाँलाइ ख्याल-ख्यालत उदैकेर, नेलाइलेक नोराको लागि रुप्याज घ्यो ले। 15हुकिं येसुवइ नोरलाइ हैयादोकेउ, “जे अर्मिराइ याबरिक धर्मि जासो जेस्पैंज्या, तर परमेस्वरवइ जियुउँलाउ अस्पाँ सैंज्या। अर्मिराइ घ्यो सम्झिसिउ अस्पाँर ते परमेस्वरवइ उबरिक निउ म्हा।
16“बप्तिस्मा याज्याउ युहन्नावइ ओसमय सम मोसावइ ओव्यबस्था सोनो परमेस्वरङि अस्पाँन्याराइ यासिछ्या चलिद राउ ले। हो बेलाकिं आदि परमेस्वरवइ ओराज्यलाउ अप्चाउ खबर प्रचार दासिउ लिज्या, सोनो स्योराइ नो राज्यभितर्ल पसिउ अस्पैंज्यार#मत्ति ११:१२-१३। 17बरु स्वर्ग सोनो मादमि ङोइद हिंते तर परमेस्वरवइ ओव्यबस्थालाउ तुबु आलुजा अस्पाँ ब ङोइन्या माले#मत्ति ५:१८।
18“जोइ ओज्यालाइ रास्द गुँ बेहा दोउ, नोइ ब्यभिचार दोउ, सोनो ओरेवइ रास्सिउ मिमालाइ बेहा दान्या अर्मिवइ ब व्यबिचार दोउ#मत्ति ५:३२; १कोरिन्थि ७:१०-११।”
धनि अर्मि सोनो गरिब लाजरस
19येसुइ फिरि हैलेके, “तुबु धनि अर्मि ले, नो जैलेदिब मोङगो-मोङगोलाउ क्वार कुसिद दिना-दिन मोज-मज्जा दाज्याउ ले। 20नोइ ओयाम् बरिक अर्मिराइ लाजरस उर्मिलेउ तुबु गरिब अर्मिलाइ रैद बनैकेर। नोइ ओकलाँ बरि घाइ पलेउ ले। 21नो धनि अर्मिवइ ज्याउ ओज्योक योल्द भिंसिउ ज्याउ ज्याद-ओद लाजरसवइ उफु सवाँन्या बिचार दोउ। कार होक राद ओघाइ लेप्द योर। 22तला नो गरिब लाजरस सिके। परमेस्वरवइ ओस्पाँ हैदान्याराइ नोलाइ लाँद अब्राहामवइ ओछ्योक जाकेर हुकिं नो धनि अर्मि ब सिके सोनो नोलाइ अर्मिराइ गादिकेर। 23सिउ अर्मिर लेन्या थाउँल भ्या दुख अस्दैज्याउ ले। होबेलाक नोइ तादाखैकिं ओराँक लाजरसलाइ अब्राहामवइ ओखोकाक चुँद उलिज्याउ राँकेउ। 24हुकिं नोइ कलिद हैलेके, ‘हे बाबु अब्राहाम, ङालाइ दया दाद लाजरसलाइ अस्परिंद याँको, सोनो नोइ उकुइतिं तथप्का रि दिब ङासे त अस्तेप्द ओयाँउक, नेलाइकिं ङा आउ मिल ङाछत्पतिरिज्या।’ 25तर अब्राहामवइ हैदोकेउ, ‘ङाजा, सम्झिको, ना मादमिल स्यो सुखलाउ चिज अस्दैसिउ नले, तर लाजरसवइ चाहिं दुखै-दुख अस्दैसिउ ले। आर्क चाहिं लाजरसवइ आक सुख सान्ति अस्दैद नौ हैजैद नाचाहिं नोल दुख नस्दैरिज्या। 26फिरि आकिं होप नलेउक राउ अस्पैन्यार गमाहिंदुरक सोनो नुकिं आक गेलेउक आफ रान्यार ब गमारादुरक हैलेद गेखार्ल तुबु घ्यो खाल्ता लिज्या।’ 27धनि अर्मिवइ अब्राहामलाइ हैदोकेउ, ‘बाबु, नालाइ ङा बिन्ति ङादिनिज्या, ना लाजरसलाइ ङाबाबुइ उझिम्क अस्परिंद याँको। 28नो हिंद अर्ङाबलै ङादाज्यु-भाइरलाइ आक जासो छेछेङमसिउ दुखलाउ अस्पाँर हैओवादोउक सोनो नोर आक राउ तापरिक।’ 29तर अब्राहामवइ हैदोकेउ, ‘नोरास मोसा सोनो परमेस्वरङि अस्पाँन्याराइ यापुस्तकर लिज्यार। नोराइ नो ओथैरक।’ 30तर नोइ हैदोकेउ, ‘म्हा, बाबु अब्राहाम, सिउराङि तुबार नोराइ यालेउक याहिंकिंलेकते नोर यापापङि ओल्न्या लेर।’ 31अब्राहामवइ नोलाइ हैदोकेउ, ‘मोसा सोनो परमेस्वरङि अस्पाँन्याराइ यास्पाँ माथैन्याराइ सिउअर्मि जिंदो जास्द नोराइ यालेउक याहिं दिब मापतेर’।”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 (Active), Mother Tongue Translators Society and Wycliffe Bible Translators, Inc. All rights reserved.