लुका 11
11
येसुइ प्राथना दान्या अस्पैसिउ
मत्ति ६:९-१३; ७:७-११
1तला येसु तुबु थाउँक प्राथना दाज्याउ ले। येसुइ प्राथना ओदोउ छिंङि चेलारमध्ये तुबुइ येसुलाइ हैदोकेउ, “प्रभु, युहन्नावइ ओचेलारलाइ ओवास्पौ मालाक गेलाइ ब प्राथना दान्या अस्पैसिको।”
2येसुइ नोरलाइ हैयादोकेउ, “जे प्राथना जेदाक अइजैद दाच्यो, ‘हे स्वरगताउ लिज्याउ बाबु,
नर्मि पबित्र लिज्या हैलेद स्योराइ ओसैंरक,
सोनो नराज्य ओराक।
3गेलाइ दिन् दिनलाउ चाहिन्या ज्याउ यासिको।
4गेलाइ गेपापर छेमा दादयासिको,
नेलाइलेक गेब गेबिरोध्ल अपराध दान्यारलाइ छेमा दाद ग्यानै।
गेलाइ माप्चाउ परिछ्याल परिउ तायासिको।’”
5फिरि येसुइ नोरलाइ हैयादोकेउ, “उदाहरनको लागि, जे मध्ये तुबाराइ तुबु जिरिजा लिज्या। नोइ तपरारिल उरिजाइ ओलेउक हिंद हैदोउते, ‘ङारिजा, ङालाइ सोम्बलै भरेस सापत याँङाको। 6नेलाइलेक तुबु ङारिजा ङालाइ कैमादाद यात्राङि ङालेउक राद ले। नोलाइ ज्यान्या यान्या ङास निउ माले।’ 7हुकिं हो उरिजावइ भितर्लिं जबाफ याद हैदोकेउ, ‘ङालाइ ताजिजैङाको! याम् ब रुप्द ङानै, सोनो ङाजारास तैंत एम्द गेले। आर्क ङा सोद नालाइ निउ ङामायिंनि।’ 8आउ अस्पाँर ओस्पाँउ छिंङि येसुइ नोरलाइ हैयादोकेउ, ङा जेलाइ हैङादाच्यो, रिजालाउ नातावइ हो सोद नोलाइ निउ मायोउते, तर नोइ ङिउका-ङिउ ओदौवइ सोद होइ नोलाइ लाजमर्न ताजास्क हैलेद चाहिउ होवाकाना यान्या ले।
9“होकारन ङा जेलाइ हैङादाच्योज्या, ङिच्योद, जेलाइ यासिन्या ले। खिम्च्योद, जे अस्दैन्या जेले। याम्त द्वाकद्वाक जैच्योद, जेको लागि याम् फैसिन्या ले। 10नेलाइलेक जोइ ङिउ होलाइ यासिन्या ले, जोइ खिमो होइ अस्दैन्या ले, जोइ याम् द्वाकद्वाक जौ होको लागि याम् फैसिन्या ले। 11जे मध्ये कदिउ बाबुइचि क्याद, ओजाइ ङ्हा उङिक घुल् यौते? 12अथबा बाजुरि उङिक नोलाइ बिच्छि यौते? अँह सुराइ ब मायोर। 13जे खराब जिबिचार लेउर जास्द ब जेजारलाइ अप्चाउ थोकर याउ जेसैंज्याकिंलेक, स्वर्गताउ जेबाबुलाइ पबित्र आत्मा जिङिकिंलेक दसाज जेलाइ खा अप्चाउ पबित्र आत्मा यान्या ले।”
येसु सोनो बालजिबुल
मत्ति १२:२२-२९,४३-४५; मर्कुस ३:२०-२७
14तला येसुइ तुबु लाता अर्मिङि भुत आत्मा धपैज्याउ ले। नो भुत आत्मा लाता अर्मिङि उपुलोसो छिंङि नो लाता अस्पाँके। आउ अस्पाँ राँद स्यो अर्मिर छक् परिकेर। 15तर नोरमध्ये खो-खोराइ हैलेकेर, “भुतराइ यार्गे बालजिबुल#11:15 बालजिबुल सैतानवइ गुँ उर्मि बालजिबुलवइ ओसक्तिवइ नोइ भुत्र यास्पुलैज्या#मत्ति ९:३४; १०:२५; मर्कुस ३:२२।”
16गुँ अर्मिराइ येसुलाइ माप्चाउ बिचारवइ परिछ्या दान्याको लागि हैदोकेर, “आउ एन् परमेस्वरवइ ओसक्तिवइ दासिउकिंलेक स्वर्गतिं तुबु चिनो अस्तैंद यासिको#मत्ति १२:३८; १६:१; मर्कुस ८:११।”
17तर नोराइ यायुउँलाउ अस्पाँ सैंद येसुइ नोरलाइ हैयादोकेउ, “जो राज्यल फुत जास्, हो मि। जो झिम्ल फुत जास्, हो मि। 18हैजैदज सैतानवइ ब ओल्स ज फातो ओजास्किंलेक, नोइ ओराज्य कैजैद तौउँ? ङा आउ हैङादाच्यो नेलाइलेक जे हैजेलेज्या, ङा बालजिबुलवइ ओसक्तिवइ भुत्र ङा धपैज्या। 19ङा बालजिबुलवइ ओसक्तिवइ भुत्र ङास्पुलुइज्याकिंलेक,जे जेचेलाराइ चाहिं सुइ ओसक्तिइ नोरलाइ यास्पुलैज्यार? नोराइ यादोउ एन्राइ ज जे थिक जेमाले हैलेन्या अस्तौं। 20तर परमेस्वरवइ ओसक्तिवइ ङा भुत्र ङास्पुलैज्याकिंलेक, परमेस्वरवइ ओराज्य जेलेउक राद ले।
21“सैतान मदिउ ओर्सालेउ अर्मिवइ स्यो हतियार बिरिसिद उझिम्वइ ओरछ्या ओदाज्याकिंलेक, नोइ ओसर सामानर सुरछित जास्र। 22तर होभन्दा ओर्सालेउ अर्मि राद नोलाइ अर्खप्द ओहारैकिंलेक, ओल् भर्परिद ओलेउ नोइ ओहतियारर स्यो अप्नुइद लाँद योउ, सोनो नोइ ओसर सामानर लुतिद उरिजारास भाउ।
23“यदि जो अर्मि ङापक्छेल माले, हो ङा ङाबिरोध्ल जास्, जो अर्मि ङास एन् मादोउ, हो ङा ङाबिरोध्ल जास्#मर्कुस ९:४०।
भुतआत्मा ओल्द रा
मत्ति १२:४३-४५
24“हुकिं येसुइ गुँ स्यालोक अइजैद हैलेके, जब असुद्ध आत्मा अर्मिङि पुलुस्द हिं, हो ओबानो थाउँयाल लेन्या थाउँ खिम्नाउ, सोनो काँक निउ थाउँ ओमास्दैकिं, नोइ हैले, ‘ङा पुलुस्द ङाराउ ङा ङाझिम्ल ओल्द ङाहिं।’ 25जब नो ओल्द रा नोइ नो झिम् सिद नैसिउ राँउ। 26आउ राँद नोइ ओल्भन्दा ब खराब गुँ सातगोता भुत आत्मार खुल्द यारौ नोर स्यो नो झिम्ल पसिद लेर। हुकिं नो झिम्वइ ओहालत बरिदिङाउ भन्दा माप्चाउ जास्न्या ले।”
येसुइ दसाजकाउ आनन्दवइ ओबारेल अस्पैसिउ
27येसुइ आउ ओस्पाँज्याकज हुल्मुलङि तुबु मिमाइ कलिद हैलेके, “नालाइ जर्मैन्या सोनो नुइ सुनुइन्या भ्या आसिस अस्दैसिउ मिमा।”
28तर येसुइ हैलेके, “बरु जोराइ परमेस्वरवइ ओबचन थैद पालन दोर, होरलाइ परमेस्वरवइ नो भन्दा ब भ्या आसिस यायोउ।”
योनाइ उचिनो
मत्ति १२:३८-४२
29भ्या अर्मिर यास्दुसिनाक येसुइ हैलेके, “आरकाउ अर्मिर दुस्त लिज्यार। नेलाइलेक आराइ चिनो खिमज्यार, तर परमेस्वरवइ ओस्पाँ हैदान्या योनावइ अचम्बलाउ ओचिनो भन्दा आराइ गुँ अचम्बलाउ चिनो अस्दैन्या मालेर#मत्ति १६:४; मर्कुस १:१२। 30योना निनबेलाउ अर्मिराको लागि चिनो जासो ले, हो मालाकज परमेस्वरवइ उस्परिंङाउ ङा अर्मिइ ओजा ब आउ पुस्ताको लागि चिनो जास्न्या ङाले#योना ३:४। 31फ्याँज दछिन देसलाउ रानि सोलोमन अर्गेइ उसिछ्या थैन्याको लागि तादाङि राउ ले। अब सोलोमन भन्दा ब घ्यो तुबु आक लिज्या तर जे होइ ओस्पाँ जेमाथै। होकारन न्यायलाउ दिनल नोइ आउ पुस्तालाउ अर्मिरलाइ दोस लैन्या सोन्या ले#१राजाहरु १०:१-१०; २इतिहास ९:१-१२। 32न्यायलाउ दिनल निनबेलाउ अर्मिराइ आउ पुस्तालाउ अर्मिरलाइ दोसि थहरैन्यालेर। नेलाइलेक नोराइ योनाइ ओदोउ ओप्रचारत यापापङि ओलोर लेर, राँच्यो आक तुबु लिज्या, जो योनाभन्दा ब महान लिज्या#योना ३:५।
जिबनलाउ बत्ति
मत्ति ५:१५; मत्ति ६:२२-२३
33“सुराइ ब बत्ति खाँद मारैंन्या पोत अथवा अप्जाइ खुप्द मानैर, तर भितर्ल पसिन्या स्योरलाइ मिंराउँ गजास्क हैलेद झ्यों पोत जार#मत्ति ५:१५; मर्कुस ४:२१; लुका ८:१६। 34ना नकलाँताउ बत्ति नमिं ज। ना नमिं थिक उलिज्याकिं ना स्यो नकलाँ मिंराउँ जास्, तर नो खराब उलिज्याकिंते नकलाँ ब मिं माराउँ जास्। 35आउकारन हुस्यार लेच्यो, जेस लेउ जिबनलाउ बत्ति तासिक। 36यदि जे स्यो जेकलाँ मिंराउँवइ पुर्न उलिज्याकिंलेक, तकेब मिंमाराउँ ओमालेकिंलेक, बत्तिइ ओप्रकास मालाक नो स्योदि मिंराउँ जास्न्या ले।”
येसुइ फरिसि हैयादाज्याउ यहुदिर सोनो मोसाइ ओनियम अस्पैन्यारलाइ दोस यालैकेउ।
मत्ति २३:१-३६; मर्कुस १२:३८-४०
37येसु ओस्पाँउ छिंङि फरिसि हैयादाज्याउ तुबु यहुदिवइ येसुलाइ उझिम्क काँ ज्यान्या खुल्केउ। हैजैद येसु नोइ उझिम्क काँ ज्यान्या हिंके। 38हुकिं येसुइ यहुदिराइ याचलन अनुसार काँ ज्यान्या भन्दा बरिदि उकुइ ओमाहुरो राँद नो फरिसि हैयादाज्याउ यहुदि अर्मि छक् परिके।
39तर प्रभु येसुइ नोलाइ हैदोकेउ, “जे फरिसि हैयादाच्योज्याउ यहुदिराइ थाति सोनो खोरे जिप्सिल्क बाइरताउ वा जिप्सिलज्या, तर जे जेयुउँ भितर्ल चाहिं लोभ सोनो माप्चाउ एन् पलेंउ लिज्या। 40ए मुर्खर, जे जेमासैं? बाइरताउ कलाँ जैज्याउ परमेस्वरवइ ज कलाँ जिंलाउ युउँ ब जैसिउ म्हा रो? 41तर जेस जो चिज लिज्या हो गरिबरलाइ या-याच्यो, हैजैद जेको लागि स्यो अस्पाँ चोखो जास्न्या ले।
42“तर जे फरिसि हैयादाच्योज्याउ यहुदि अर्मिरलाइ घ्यो दुखवइ कलेंनैच्योउ! नेलाइकिंलेक जे पुदिना, आरुद सोनो स्यो जदिबुतिवइ ओदसंस जेयाज्या, तर गुँ अर्मिरलाइ अप्चाउ जैन्या सोनो परमेस्वरवइ ओमाया मदिउ घ्यो अस्पाँरलाइ चाहिं वास्ता जेमादा। गुँ एन्स अप्चाउ दान्या सोनो माया दान्या अस्पाँ ब दाच्यो#लेवि २७:३०।
43“जे फरिसि हैयादाच्योज्याउ यहुदि अर्मिरलाइ घ्यो दुखवइ कलेंनैच्योउ! नेलाइकिं जे अस्दुसिन्या झिम्याल घ्यो अर्मिर चुँन्या पोयाल चुँउ जेस्पैंज्या। हुकिं बजारयाल जिंहिंक स्यो अर्मिराइ धो यायासिंकिं हैजेलेज्या। 44जेलाइ घ्यो दुखवइ कलेंनैच्यो! नेलाइकिं जे ते मासरेस्सिदुन्या मुइ मदिउरज जिलिज्या। हमदिउ मारैंन्या मुइ तर्त अर्मिर मासैंद अस्बाद असुद्ध जास्ज्यार।”
45मोसावइ ओनियम अस्पैन्या तुबुइ येसुलाइ हैदोकेउ, “गुरु ज्यु, नाते फेर्ङि अस्पाँद गेलाइ बिज्यात नजैसिज्या।”
46येसुइ हैदोकेउ, “जे मोसावइ ओनियम अस्पैन्यारलाइ ब घ्यो दुखवइ कलेंच्योज्या! नेलाइकिं मागुर्सिदुन्या गुर् अर्मिरलाइ ज्यासुगुर्ज्या, तर जे चाहिं गुँ अर्मिरलाइ गुर्र गुर्न्या वइन्या ते होक ओलेक, भ्यामादि तुबु जेकुइसेवइ ब नोलाइ जेमाछु। 47-48जे जिपुर्खाराइ परमेस्वरङि अस्पाँन्याराइ हैयालेउ अस्पाँ माथैकेर। बरु नोराइ परमेस्वरङि अस्पाँन्यारलाइ यासैकेर। अब जे नो परमेस्वरङि अस्पाँन्यारलाइ समान दान्या अप्चाउ यासागर्र जैद ज्यायाज्या तर नोराइ हैयादाच्योउ अस्पाँर जेमादा। अइजैद ज जे जिपुर्खाराइ यादोउ एन्रलाइ ज्यास्विइकारिज्या हैलेद जेस्तैंज्या अथबा नोराइ परमेस्वरङि अस्पाँन्यारलाइ यासैकेर सोनो जे नो परमेस्वरङि अस्पाँन्याराको लागि सागर्र जैद नोराइ यादोउ एन्लाइ जेदाज्या। आउको लागि परमेस्वरवइ कदा धन्द यान्या ले। 49होकारन स्यो अस्पाँ सैंन्या परमेस्वरवइ बरिदिज हैलेज्या, ‘ङा नोराइ यालेउक परमेस्वरङि अस्पाँन्या सोनो मुख्ये चेलार अस्परिंन्या ङाले। होरमध्ये खोरलाइ नोराइ दुखयाद सैन्यालेर।’ 50होकारन मादमि सुरुकिं आरक सम सैसिउ स्यो परमेस्वरङि अस्पाँन्याराइ याझिवइ ओदोस आउ पुस्तास रैसिन्या ले। 51ङा जेलाइ हैङादाच्योज्या, हाबिल उसिउ बेलाकिं रैद, थान सोनो परमेस्वरवइ उझिम्वइ ओखार्ल सैसिउ परमेस्वरङि अस्पाँन्या जकरिया समकाउ झिवइ ओदोस आउ पुस्ताइ ओतर्त परिन्या ले#उत्पत्ति ४:८; २इतिहास २४:२०-२१।
52“जे मोसाइ ओनियम अस्पैन्यारलाइ घ्यो दुखवइ कलेंनैच्योउ! नेलाइकिं जेस परमेस्वरलाइ सरेसन्या तालकुचि ते लिज्या। तर जे परमेस्वरलाइ जेमासरेसके हुकिं जे गुँरलाइ ब सरेसो ज्यामायाके।”
53जब येसु नुकिं पुलुस्के, हुकिं मोसावइ ओनियम अस्पैन्यार सोनो फरिसि हैयादाज्याउ यहुदिराइ येसुइ ओविरोध दाद भ्या बिसयल येसुलाइ अस्गेंकेर। 54हुकिं येसुइ ओस्पाँत गल्ति गेस्दैकिं येसुलाइ गेकोलोते हैलेन्या दाउल लेकेर।
ទើបបានជ្រើសរើសហើយ៖
लुका 11: MAIK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 (Active), Mother Tongue Translators Society and Wycliffe Bible Translators, Inc. All rights reserved.
लुका 11
11
येसुइ प्राथना दान्या अस्पैसिउ
मत्ति ६:९-१३; ७:७-११
1तला येसु तुबु थाउँक प्राथना दाज्याउ ले। येसुइ प्राथना ओदोउ छिंङि चेलारमध्ये तुबुइ येसुलाइ हैदोकेउ, “प्रभु, युहन्नावइ ओचेलारलाइ ओवास्पौ मालाक गेलाइ ब प्राथना दान्या अस्पैसिको।”
2येसुइ नोरलाइ हैयादोकेउ, “जे प्राथना जेदाक अइजैद दाच्यो, ‘हे स्वरगताउ लिज्याउ बाबु,
नर्मि पबित्र लिज्या हैलेद स्योराइ ओसैंरक,
सोनो नराज्य ओराक।
3गेलाइ दिन् दिनलाउ चाहिन्या ज्याउ यासिको।
4गेलाइ गेपापर छेमा दादयासिको,
नेलाइलेक गेब गेबिरोध्ल अपराध दान्यारलाइ छेमा दाद ग्यानै।
गेलाइ माप्चाउ परिछ्याल परिउ तायासिको।’”
5फिरि येसुइ नोरलाइ हैयादोकेउ, “उदाहरनको लागि, जे मध्ये तुबाराइ तुबु जिरिजा लिज्या। नोइ तपरारिल उरिजाइ ओलेउक हिंद हैदोउते, ‘ङारिजा, ङालाइ सोम्बलै भरेस सापत याँङाको। 6नेलाइलेक तुबु ङारिजा ङालाइ कैमादाद यात्राङि ङालेउक राद ले। नोलाइ ज्यान्या यान्या ङास निउ माले।’ 7हुकिं हो उरिजावइ भितर्लिं जबाफ याद हैदोकेउ, ‘ङालाइ ताजिजैङाको! याम् ब रुप्द ङानै, सोनो ङाजारास तैंत एम्द गेले। आर्क ङा सोद नालाइ निउ ङामायिंनि।’ 8आउ अस्पाँर ओस्पाँउ छिंङि येसुइ नोरलाइ हैयादोकेउ, ङा जेलाइ हैङादाच्यो, रिजालाउ नातावइ हो सोद नोलाइ निउ मायोउते, तर नोइ ङिउका-ङिउ ओदौवइ सोद होइ नोलाइ लाजमर्न ताजास्क हैलेद चाहिउ होवाकाना यान्या ले।
9“होकारन ङा जेलाइ हैङादाच्योज्या, ङिच्योद, जेलाइ यासिन्या ले। खिम्च्योद, जे अस्दैन्या जेले। याम्त द्वाकद्वाक जैच्योद, जेको लागि याम् फैसिन्या ले। 10नेलाइलेक जोइ ङिउ होलाइ यासिन्या ले, जोइ खिमो होइ अस्दैन्या ले, जोइ याम् द्वाकद्वाक जौ होको लागि याम् फैसिन्या ले। 11जे मध्ये कदिउ बाबुइचि क्याद, ओजाइ ङ्हा उङिक घुल् यौते? 12अथबा बाजुरि उङिक नोलाइ बिच्छि यौते? अँह सुराइ ब मायोर। 13जे खराब जिबिचार लेउर जास्द ब जेजारलाइ अप्चाउ थोकर याउ जेसैंज्याकिंलेक, स्वर्गताउ जेबाबुलाइ पबित्र आत्मा जिङिकिंलेक दसाज जेलाइ खा अप्चाउ पबित्र आत्मा यान्या ले।”
येसु सोनो बालजिबुल
मत्ति १२:२२-२९,४३-४५; मर्कुस ३:२०-२७
14तला येसुइ तुबु लाता अर्मिङि भुत आत्मा धपैज्याउ ले। नो भुत आत्मा लाता अर्मिङि उपुलोसो छिंङि नो लाता अस्पाँके। आउ अस्पाँ राँद स्यो अर्मिर छक् परिकेर। 15तर नोरमध्ये खो-खोराइ हैलेकेर, “भुतराइ यार्गे बालजिबुल#11:15 बालजिबुल सैतानवइ गुँ उर्मि बालजिबुलवइ ओसक्तिवइ नोइ भुत्र यास्पुलैज्या#मत्ति ९:३४; १०:२५; मर्कुस ३:२२।”
16गुँ अर्मिराइ येसुलाइ माप्चाउ बिचारवइ परिछ्या दान्याको लागि हैदोकेर, “आउ एन् परमेस्वरवइ ओसक्तिवइ दासिउकिंलेक स्वर्गतिं तुबु चिनो अस्तैंद यासिको#मत्ति १२:३८; १६:१; मर्कुस ८:११।”
17तर नोराइ यायुउँलाउ अस्पाँ सैंद येसुइ नोरलाइ हैयादोकेउ, “जो राज्यल फुत जास्, हो मि। जो झिम्ल फुत जास्, हो मि। 18हैजैदज सैतानवइ ब ओल्स ज फातो ओजास्किंलेक, नोइ ओराज्य कैजैद तौउँ? ङा आउ हैङादाच्यो नेलाइलेक जे हैजेलेज्या, ङा बालजिबुलवइ ओसक्तिवइ भुत्र ङा धपैज्या। 19ङा बालजिबुलवइ ओसक्तिवइ भुत्र ङास्पुलुइज्याकिंलेक,जे जेचेलाराइ चाहिं सुइ ओसक्तिइ नोरलाइ यास्पुलैज्यार? नोराइ यादोउ एन्राइ ज जे थिक जेमाले हैलेन्या अस्तौं। 20तर परमेस्वरवइ ओसक्तिवइ ङा भुत्र ङास्पुलैज्याकिंलेक, परमेस्वरवइ ओराज्य जेलेउक राद ले।
21“सैतान मदिउ ओर्सालेउ अर्मिवइ स्यो हतियार बिरिसिद उझिम्वइ ओरछ्या ओदाज्याकिंलेक, नोइ ओसर सामानर सुरछित जास्र। 22तर होभन्दा ओर्सालेउ अर्मि राद नोलाइ अर्खप्द ओहारैकिंलेक, ओल् भर्परिद ओलेउ नोइ ओहतियारर स्यो अप्नुइद लाँद योउ, सोनो नोइ ओसर सामानर लुतिद उरिजारास भाउ।
23“यदि जो अर्मि ङापक्छेल माले, हो ङा ङाबिरोध्ल जास्, जो अर्मि ङास एन् मादोउ, हो ङा ङाबिरोध्ल जास्#मर्कुस ९:४०।
भुतआत्मा ओल्द रा
मत्ति १२:४३-४५
24“हुकिं येसुइ गुँ स्यालोक अइजैद हैलेके, जब असुद्ध आत्मा अर्मिङि पुलुस्द हिं, हो ओबानो थाउँयाल लेन्या थाउँ खिम्नाउ, सोनो काँक निउ थाउँ ओमास्दैकिं, नोइ हैले, ‘ङा पुलुस्द ङाराउ ङा ङाझिम्ल ओल्द ङाहिं।’ 25जब नो ओल्द रा नोइ नो झिम् सिद नैसिउ राँउ। 26आउ राँद नोइ ओल्भन्दा ब खराब गुँ सातगोता भुत आत्मार खुल्द यारौ नोर स्यो नो झिम्ल पसिद लेर। हुकिं नो झिम्वइ ओहालत बरिदिङाउ भन्दा माप्चाउ जास्न्या ले।”
येसुइ दसाजकाउ आनन्दवइ ओबारेल अस्पैसिउ
27येसुइ आउ ओस्पाँज्याकज हुल्मुलङि तुबु मिमाइ कलिद हैलेके, “नालाइ जर्मैन्या सोनो नुइ सुनुइन्या भ्या आसिस अस्दैसिउ मिमा।”
28तर येसुइ हैलेके, “बरु जोराइ परमेस्वरवइ ओबचन थैद पालन दोर, होरलाइ परमेस्वरवइ नो भन्दा ब भ्या आसिस यायोउ।”
योनाइ उचिनो
मत्ति १२:३८-४२
29भ्या अर्मिर यास्दुसिनाक येसुइ हैलेके, “आरकाउ अर्मिर दुस्त लिज्यार। नेलाइलेक आराइ चिनो खिमज्यार, तर परमेस्वरवइ ओस्पाँ हैदान्या योनावइ अचम्बलाउ ओचिनो भन्दा आराइ गुँ अचम्बलाउ चिनो अस्दैन्या मालेर#मत्ति १६:४; मर्कुस १:१२। 30योना निनबेलाउ अर्मिराको लागि चिनो जासो ले, हो मालाकज परमेस्वरवइ उस्परिंङाउ ङा अर्मिइ ओजा ब आउ पुस्ताको लागि चिनो जास्न्या ङाले#योना ३:४। 31फ्याँज दछिन देसलाउ रानि सोलोमन अर्गेइ उसिछ्या थैन्याको लागि तादाङि राउ ले। अब सोलोमन भन्दा ब घ्यो तुबु आक लिज्या तर जे होइ ओस्पाँ जेमाथै। होकारन न्यायलाउ दिनल नोइ आउ पुस्तालाउ अर्मिरलाइ दोस लैन्या सोन्या ले#१राजाहरु १०:१-१०; २इतिहास ९:१-१२। 32न्यायलाउ दिनल निनबेलाउ अर्मिराइ आउ पुस्तालाउ अर्मिरलाइ दोसि थहरैन्यालेर। नेलाइलेक नोराइ योनाइ ओदोउ ओप्रचारत यापापङि ओलोर लेर, राँच्यो आक तुबु लिज्या, जो योनाभन्दा ब महान लिज्या#योना ३:५।
जिबनलाउ बत्ति
मत्ति ५:१५; मत्ति ६:२२-२३
33“सुराइ ब बत्ति खाँद मारैंन्या पोत अथवा अप्जाइ खुप्द मानैर, तर भितर्ल पसिन्या स्योरलाइ मिंराउँ गजास्क हैलेद झ्यों पोत जार#मत्ति ५:१५; मर्कुस ४:२१; लुका ८:१६। 34ना नकलाँताउ बत्ति नमिं ज। ना नमिं थिक उलिज्याकिं ना स्यो नकलाँ मिंराउँ जास्, तर नो खराब उलिज्याकिंते नकलाँ ब मिं माराउँ जास्। 35आउकारन हुस्यार लेच्यो, जेस लेउ जिबनलाउ बत्ति तासिक। 36यदि जे स्यो जेकलाँ मिंराउँवइ पुर्न उलिज्याकिंलेक, तकेब मिंमाराउँ ओमालेकिंलेक, बत्तिइ ओप्रकास मालाक नो स्योदि मिंराउँ जास्न्या ले।”
येसुइ फरिसि हैयादाज्याउ यहुदिर सोनो मोसाइ ओनियम अस्पैन्यारलाइ दोस यालैकेउ।
मत्ति २३:१-३६; मर्कुस १२:३८-४०
37येसु ओस्पाँउ छिंङि फरिसि हैयादाज्याउ तुबु यहुदिवइ येसुलाइ उझिम्क काँ ज्यान्या खुल्केउ। हैजैद येसु नोइ उझिम्क काँ ज्यान्या हिंके। 38हुकिं येसुइ यहुदिराइ याचलन अनुसार काँ ज्यान्या भन्दा बरिदि उकुइ ओमाहुरो राँद नो फरिसि हैयादाज्याउ यहुदि अर्मि छक् परिके।
39तर प्रभु येसुइ नोलाइ हैदोकेउ, “जे फरिसि हैयादाच्योज्याउ यहुदिराइ थाति सोनो खोरे जिप्सिल्क बाइरताउ वा जिप्सिलज्या, तर जे जेयुउँ भितर्ल चाहिं लोभ सोनो माप्चाउ एन् पलेंउ लिज्या। 40ए मुर्खर, जे जेमासैं? बाइरताउ कलाँ जैज्याउ परमेस्वरवइ ज कलाँ जिंलाउ युउँ ब जैसिउ म्हा रो? 41तर जेस जो चिज लिज्या हो गरिबरलाइ या-याच्यो, हैजैद जेको लागि स्यो अस्पाँ चोखो जास्न्या ले।
42“तर जे फरिसि हैयादाच्योज्याउ यहुदि अर्मिरलाइ घ्यो दुखवइ कलेंनैच्योउ! नेलाइकिंलेक जे पुदिना, आरुद सोनो स्यो जदिबुतिवइ ओदसंस जेयाज्या, तर गुँ अर्मिरलाइ अप्चाउ जैन्या सोनो परमेस्वरवइ ओमाया मदिउ घ्यो अस्पाँरलाइ चाहिं वास्ता जेमादा। गुँ एन्स अप्चाउ दान्या सोनो माया दान्या अस्पाँ ब दाच्यो#लेवि २७:३०।
43“जे फरिसि हैयादाच्योज्याउ यहुदि अर्मिरलाइ घ्यो दुखवइ कलेंनैच्योउ! नेलाइकिं जे अस्दुसिन्या झिम्याल घ्यो अर्मिर चुँन्या पोयाल चुँउ जेस्पैंज्या। हुकिं बजारयाल जिंहिंक स्यो अर्मिराइ धो यायासिंकिं हैजेलेज्या। 44जेलाइ घ्यो दुखवइ कलेंनैच्यो! नेलाइकिं जे ते मासरेस्सिदुन्या मुइ मदिउरज जिलिज्या। हमदिउ मारैंन्या मुइ तर्त अर्मिर मासैंद अस्बाद असुद्ध जास्ज्यार।”
45मोसावइ ओनियम अस्पैन्या तुबुइ येसुलाइ हैदोकेउ, “गुरु ज्यु, नाते फेर्ङि अस्पाँद गेलाइ बिज्यात नजैसिज्या।”
46येसुइ हैदोकेउ, “जे मोसावइ ओनियम अस्पैन्यारलाइ ब घ्यो दुखवइ कलेंच्योज्या! नेलाइकिं मागुर्सिदुन्या गुर् अर्मिरलाइ ज्यासुगुर्ज्या, तर जे चाहिं गुँ अर्मिरलाइ गुर्र गुर्न्या वइन्या ते होक ओलेक, भ्यामादि तुबु जेकुइसेवइ ब नोलाइ जेमाछु। 47-48जे जिपुर्खाराइ परमेस्वरङि अस्पाँन्याराइ हैयालेउ अस्पाँ माथैकेर। बरु नोराइ परमेस्वरङि अस्पाँन्यारलाइ यासैकेर। अब जे नो परमेस्वरङि अस्पाँन्यारलाइ समान दान्या अप्चाउ यासागर्र जैद ज्यायाज्या तर नोराइ हैयादाच्योउ अस्पाँर जेमादा। अइजैद ज जे जिपुर्खाराइ यादोउ एन्रलाइ ज्यास्विइकारिज्या हैलेद जेस्तैंज्या अथबा नोराइ परमेस्वरङि अस्पाँन्यारलाइ यासैकेर सोनो जे नो परमेस्वरङि अस्पाँन्याराको लागि सागर्र जैद नोराइ यादोउ एन्लाइ जेदाज्या। आउको लागि परमेस्वरवइ कदा धन्द यान्या ले। 49होकारन स्यो अस्पाँ सैंन्या परमेस्वरवइ बरिदिज हैलेज्या, ‘ङा नोराइ यालेउक परमेस्वरङि अस्पाँन्या सोनो मुख्ये चेलार अस्परिंन्या ङाले। होरमध्ये खोरलाइ नोराइ दुखयाद सैन्यालेर।’ 50होकारन मादमि सुरुकिं आरक सम सैसिउ स्यो परमेस्वरङि अस्पाँन्याराइ याझिवइ ओदोस आउ पुस्तास रैसिन्या ले। 51ङा जेलाइ हैङादाच्योज्या, हाबिल उसिउ बेलाकिं रैद, थान सोनो परमेस्वरवइ उझिम्वइ ओखार्ल सैसिउ परमेस्वरङि अस्पाँन्या जकरिया समकाउ झिवइ ओदोस आउ पुस्ताइ ओतर्त परिन्या ले#उत्पत्ति ४:८; २इतिहास २४:२०-२१।
52“जे मोसाइ ओनियम अस्पैन्यारलाइ घ्यो दुखवइ कलेंनैच्योउ! नेलाइकिं जेस परमेस्वरलाइ सरेसन्या तालकुचि ते लिज्या। तर जे परमेस्वरलाइ जेमासरेसके हुकिं जे गुँरलाइ ब सरेसो ज्यामायाके।”
53जब येसु नुकिं पुलुस्के, हुकिं मोसावइ ओनियम अस्पैन्यार सोनो फरिसि हैयादाज्याउ यहुदिराइ येसुइ ओविरोध दाद भ्या बिसयल येसुलाइ अस्गेंकेर। 54हुकिं येसुइ ओस्पाँत गल्ति गेस्दैकिं येसुलाइ गेकोलोते हैलेन्या दाउल लेकेर।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 (Active), Mother Tongue Translators Society and Wycliffe Bible Translators, Inc. All rights reserved.