लुका 12
12
येसुवइ चेलारलाइ फरिसि हैयादाज्याउ यहुदि मदिउर ताजास्च्यो हैदासिउ
मत्ति १०:२६-२७
1होबेलाक हजारौंलाउ अर्मिर यास्दुसिउ कारनवइ तुबुइ-तुबुलाइ सिसिकेर। हुकिं येसुइ बरिदि ओचेलारलाइ हैयादोकेउ, “जे फरिसि हैयादाज्याउ यहुदिराइ याखमिरङि हुस्यार लेच्यो। नो खमिर नोराइ कप्त याबानि चि#मत्ति १६:६; मर्कुस ८:१५। 2नेलाइलेक अर्मिराइ मुँद नैसिउ अस्पाँर नाति-नाति लिज्या, हो स्यो पुलुस सोनो नोराइ मुँसिउ अस्पाँर नाति लिज्या, हो स्यो परमेस्वरवइ अस्तैंन्या ले#मत्ति ४:२२; लुका ८:१७। 3आउकारन जे मिंमाराउँल जिरिजारास वाज जेस्पाँउ अस्पाँ स्योराइ थैन्या जैद मिराँउल प्रचार दासिन्या ले। झिम् भितर्ल खास्-खास् खुस्-खुस् लेद अस्पाँसिउ अस्पाँर झिम्वइ उदुरितिं थास्।”
परमेस्वरस छेउ परि
मत्ति १०:२८-३१
4येसुइ अर्मिरलाइ हैयादोकेउ, “ङारिजार, ङा जेलाइ हैङादाच्योज्या, जेकलाँलाइ वाज सैदुन्या तर जेआत्मालाइ मासैदुन्या अर्मिरास ताछेच्यो। 5तर सुस छेउ परि हैलेद ङा जेलाइ हैङादाच्यो, कलाँलाइ सैद आत्मालाइ नरकल दन्द यादुन्या सक्तिलेउ परमेस्वरस ज छेउ परि। ङा हैङालेउ दसाज, परमेस्वरस ज छेउ परि।
6“निसरुप्यात अर्ङाबलै भिंङगुरार माबिकिर रो? होमध्ये तुबुलाइ ब परमेस्वरवइ माम्योउ लेन्याकिंलेक। 7जे जिमिते जन परमेस्वरवइ जेर्ङैताउ तुबु-तुबु जेचेम् सुदा खिद नौ। आउकारन ताछेच्यो! भ्या भिंङगुरार भन्दा जे भ्या मुल्यवानर जिलिज्या।
8“ङा जेलाइ हैङादाच्योज्या, जोइ ङालाइ अर्मिराइ याबरिक स्विकारिङाउ, होलाइ ङा परमेस्वरवइ उस्परिंङाउ अर्मिइ ओजाइ ब परमेस्वरवइ ओस्पाँ हैदान्याराइ याबरिक स्विकारिन्या ङाले। 9तर जोइ ङालाइ अर्मिराइ याबरिक मास्विकारिङाउ, होलाइ ङाब परमेस्वरवइ ओस्पाँ हैदान्याराइ याबरिक स्विकारिन्या ङामाले।
10“परमेस्वरवइ उस्परिंङाउ ङा अर्मिइ ओजाइ ङाबिरोध्ल जो अस्पाँ, होलाइ छेमा जास्न्याले, तर पबित्र आत्माइ ओविरुदल दासिउ पाप खर्कज छेमा जास्न्या माले#मत्ति १२:३२; मर्कुस ३:२९।
11“जब नोराइ जेलाइ यहुदिर अस्दुसिन्या झिम्याक, सासकर सोनो अधिकारिराइ याबरिक रैच्योर, हुकिं जे कैजैद नोरलाइ नाति जबाफ यान्या, अथवा नाति हैदान्या हैलेद चिन्ता तादाच्यो, 12नेलाइलेक होबेलाक जे नाति हैदाउपरि हो अस्पाँर पबित्र आत्माइ जेलाइ अस्पैन्या ले#मत्ति १०:१९-२०; मर्कुस १३:११; लुका २१:१४-१५ ।”
मुर्ख धनि अर्मिवइ ओआन्
13हुल्मुलङि तुबु अर्मिवइ येसुलाइ हैदोकेउ, “गुरु ज्यु, गिंबाबुइ गिंको लागि बनैद ओयासिउ धन-सम्पत्ति नपार्जालाइ बाद योको हैलेद ङादाज्युलाइ हैदाद याँको।”
14तर येसुवइ नोलाइ हैयादोकेउ, “ङारिजा, सुइ ङालाइ जेन्याय दान्या सोनो जेसम्पत्ति बादयान्या ओजैङाउँ?” 15येसुइ होकाउ लिज्याउ स्योरलाइ हैयादोकेउ, “हुस्यार लेच्यो! धन-सम्पत्तिइ ओलोप तादाच्यो, नेलाइलेक धनसम्पत्ति जति भ्या लेदिब होइ अर्मिलाइ दसाकाउ जिबन मायोउ।”
16येसुवइ नोरलाइ तुबु आन् जाद यायोकेउ, “तुबु धनि अर्मिवइ ओयाँबाँल भ्या उब्जनि जास्के। 17होकारन नोइ उयुउँ-उयुउँल बिचार दोकेउ, ‘ङास आउ स्यो अन् जान्या पो माले, अब ङा कै ङालेते?’ 18हुकिं नोइ हैलेके, ‘अब ङा अइजौ ङास्परिं, ङाधरार भोद झन् घ्यो-घ्यो जौ ङास्परिं, हैजैद स्यो ङाबालिनालि सोनो ङामाल सामानर होल जान्या ङाले। 19हैजैद ङा ङालाइज हैङादो, ना नभाग्य अप्चाउ लिज्या! नास बर्सौ-बर्स सम थोइंन्या अन् सोनो सरसामन लिज्या। अब अप्चाद ज्याद-ओद रैंनि’! 20तर परमेस्वरवइ नोलाइ हैदोकेउ, ‘ए मुर्ख आछिम् रिइलज ना सिन्या नले, हुकिं नाको लागि धन-सम्पत्ति अस्दुद ननै, नो सुइउमि जास्न्या?’”
21हुकिं येसुइ आन् अस्प्याद नोलाइ हैदोकेउ, “ओल्को लागि वाज धन-सम्पत्ति अस्दुन्या, तर परमेस्वरवइ ओनजरल धनि माजास्न्या अर्मिवइ ओअवस्था अमदिउ ज जास्न्या ले।”
चिन्ता मादान्या
मत्ति ६:२५-३४
22येसुइ ओचेलारलाइ हैयादोकेउ, “आउकारन ङा जेलाइ हैङादाच्योज्या, गेप्रानको लागि नाति गेज्याते सोनो गेकलाँको लागि नाति गिकुसिते हैलेद चिन्ता तादाच्यो। 23नेलाइलेक जिबन भोजन भन्दा सोनो कलाँ क्वाभन्दा घ्यो जास्। 24काङ्गारलाइ याराँच्यो! नोराइ नत दुर वास्ज्यार, नत बालि सिम्ज्यार। हुकिं नोरास अन् अस्दुन्या धरा ब माले। हुदिब परमेस्वरवइ नोरलाइ यासज्यास्ज्या। जे बाजार भन्दा ब भ्या बदि मुल्यवान जिलिज्या! 25जे मध्ये सुइ चि क्याद चिन्ता दाद ओआयुत जामा समय सम ब थप्दुन्या? 26आउकारन जे आलेउ एन् ब जेमादादुज्याकिंलेक, गुँ अस्पाँवइ उचिन्ता किकाम जेदाज्या? 27झ्याँलाउ लिलि वास्र कैजैद घ्योज्यार याराँच्यो, नोराइ एन् ब मादोर, सोनो धाका ब माखल्र। हुदिब ङा जेलाइ हैङादाच्यो, अर्गे सोलोमनस खतिउ धन-सम्पत्ति लेदिब नो लिलि वास ह्वाकाउ अप्चाउ क्वा माकुसिके#१राजाहरु १०:४-७; २इतिहास ९:३-६ । 28आछिम् जास्न्या सोनो परातिज मिल हिप्न्या बाँलाउ छिलाइ ते परमेस्वरवइ अइजैद सजैज्याकिंलेक, ए अल्प बिस्वासिर, परमेस्वरवइ जेलाइ जन ख्वा भ्या सजैन्या ले। 29होकारन नाति गेज्याते सोनो नाति गेओते हैलेद जे खिम्न्यात तालागिच्यो, सोनो चिन्ता ब तादाच्यो। 30नेलाइलेक परमेस्वरलाइ मासरेस्न्या अर्मिराइ यायुउँलचि अमदिउ पिर चिन्ता जास्। स्वर्गताउ जेबाबुइ जेलाइ आउ अस्पाँइ उमिखाँचो लिज्या हैलेद सैंज्या। 31तर बरिदि जे परमेस्वरवइ ओराज्यलाइ खिम्च्यो, हैजैद जेलाइ आउ स्यो अस्पाँर यान्याले।
स्वर्गत धन्-सम्पत्ति अस्दुच्यो
मत्ति ६:१९-२१
32“होकारन ङाछिंत लागिन्यार, जे आलुजा बगाल मदिउर जेलेदिब ताछेच्यो! नेलाइलेक जेलाइ राज्य यान्या जेबाबु खुसि लिज्या। 33होकारन जेस लेउ धन-सम्पत्ति वेएद गरिबरलाइ या-याच्यो। अमदिउ ज जेदाकिंलेक जे खर्क माप्चिस्न्या, झोला जैन्या जेले हुकिं खर्क माखेम्न्या धन स्वर्गत अस्दुन्या जेले। होत चोरराइ ब माकुर सोनो गुनराइ ब माज्योर। 34नेलाइलेक जाँक जेनधन जास, होकज जेयुउँ ब जास्।”
जागा लेच्यो
35“जैलेदिब ङाएन् दान्याको लागि तयार जास्द लेच्यो सोनो जेबत्ति खाँद नैच्यो#मत्ति २५:१-१३। 36जे नो बाँदार मदिउ जास्च्यो, जोराइ यामालिक बेहाताउ भोज बत्यारङि ओल्द राद याम् दोवाक-दोवाक ओजौ पन्याँज नोराइ याम् फैदयोर । 37यामालिक ओल्द ओराक, माएम्द नोलाइ कलेंन्या नो बाँदाराइ आसिस अस्दैन्या लेर। ङा जेलाइ दसाज हैङादाच्यो, हो यामालिक ओल्ज तयार जास्द नो बाँदारलाइ अप्चाद सप्चुँद ज्याउ-ओ यान्या ले। 38यदि यामालिक तपरारिल अथबा हो भन्दा अजैब दिलो ओराक ब नो बाँदारलाइ माएम्सिउर ओवास्दैरैकिंलेक, नोइ भ्या इनाम यान्या ले।
39“तर आउ सैंच्यो, कि चोर आउ बेलाक रा हैलेद झिम्वइ ओर्गेवइ सैंसिउ किंते हो चोरलाइ झिम् पाद पसिउ मायोरिउ। 40होकारन जेब तयार लेच्यो, नेलाइकिंलेक जे जेमासम्झिउ बेलाक परमेस्वरवइ उस्परिंङाउ ङा अर्मिइ ओजा फिरि रान्या ङाले।”
हैदासिउ थैन्या सेबक
मत्ति २४:४२-५१
41हैजैद पत्रुसवइ हैलेके, “हे प्रभु, आउ आन् गेको लागि वाज हैनदासिउ सिं गुँ अर्मिराको लागि ब?”
42प्रभुइ हैलेके, “नो बिस्वासयोग्य सोनो बुद्धिमानि बाँदा कदिउ क्या? हो आउज जोलाइ झिम्लाउ मालिकवइ गुँ ओबाँदारलाइ राँन्या झिम्मा योउ सोनो नोइ नोरलाइ थिक समयल ज्याउ-ओ यायोउ। 43नो झिम्वइ ओर्गे ओल्द ओराक नो बाँदावइ हैजैदज एन् ओदाज्याउ ओस्दैरैकिलेक नोलाइ इनाम योउ। 44दसाज ङा जेलाइ हैङादाच्योज्या, नोइ नोलाइ स्यो ओसम्पतित अधिकार यान्या ले। 45तर हो बाँदावइ उयुउँल ‘ङामालिक रान्या दिलो दोउते’ हैलेद गुँ बाँदा बाँदानिरलाइ ज्याद-ओद मुँद याथतैकेउ लेक। 46नोइ ओमासउँ छ्याम् सोनो ओमासम्झिउ दिनल नोइ ओमालिक रान्याले, हैजैद नोलाइ घ्यो दन्द यान्याले सोनो होइ उदुख परमेस्वरवइ हैओवादोउ माथैन्याराइ यामि मदिउ जास्न्या ले।
47“ओमालिकवइ उइच्छ्या सैंदब ओल्दाउ परिन्या एन् मादाद ओमालिकवइ उइच्छ्या अनुसार मादान्या बाँदावइ चाहिं भ्या पत्का ज्यान्या ले। 48तर मालिकवइ उइच्छ्या मासैंद सजाय अस्दैन्या योग्यलाउ एन् दान्यावइ जामा सजाय अस्दैन्या ले। जोलाइ भ्या यासिउ लिज्या, होइ ओलेउकिं भ्या ङिसिन्या ले, सोनो स्यो जोलाइ भ्या सुम्पिसिउ लिज्या, नोइ ओलेउकिं जन भ्या रैसिन्या ले।”
सान्ति म्हा भान्या
मत्ति १०:३४-३६
49येसुइ हैलेके, “ङा मादमिल मि लैन्या ङाराउ। नो ते बुरु बरिखैकिं ज सल्किउकिं जास्क्या! 50ङा तुबु दुखलाउ बप्तिस्मा रौपरिन्या लिज्या। सोनो हो बप्तिस्मा ङामारौवा सम ङालाइ सान्ति जास्न्या माले#मर्कुस १०:३८! 51जे ङा मादमिल अर्मिरलाइ मिलैन्या ङाराउ हैलेद जेसम्झिज्या? म्हा! ङाते अर्मिराइ याखार्ल भान्या ङाराउ। 52नेलाइलेक अबकिं तुबु अर्ङाबलै पर्यालिल या-या छुतैसिन्या लेर, सोंमराइ याबिरोध्ल जोर्, सोनो जोर्निइ इंबिरोध्ल सोम् जास्न्यालेर। 53बाबुइ उबिरोधल जा, सोनो जाइ उबिरोधल बाबु, मिमा जावइ उबिरोधल आमा सोनो आमाइ उबिरोधल मिमा जा, बुहारिवइ उबिरोधल दुरुँ, सोनो दुरुँवइ उबिरोध्ल बुहारिर जास्न्या लेर#मिका ७:६।”
समयवइ ओलछेन्
मत्ति ६:२-३
54येसुइ अर्मिरलाइ हैयादोकेउ, “जे पस्चिम्दि बादल उहिंज्याउ राँद होपन्या हैजेलेज्या, ‘नम् अर्वान्या ओजासो,’ हैजैद हदिउज जास्ज्या। 55जब नम्मुर दछिनदि मुर् हैजैद जे हैजेलेज्या, गर्मि जास्न्या ले, सोनो हमदिउज जास्ज्या। 56ए कप्तिर! जे नम् सोनो मादमिलाउ लछेनर हैजेलेदुज्या, तर बर्तमान समयवइ ओअर्थ लैन्या नेलाइ जेमासैं?
नसुतर्रास मिलिन्या
मत्ति ५:२५-२६
57“जे आर्क जेको लागि नाति नदोक अप्चाउ जास् हैलेन्या अस्पाँ नेलाइ जेमाबुजै? 58जेलाइ मुद्धा जाद याज्याउस न्यायाधिस ओलेउक जिहिंक, घ्वात ज होस मिलिच्यो। म्हाकिंते नोइ जेलाइ न्यायधिसवइ ओलेउक तुल्द लान्या ले, सोनो न्यायधिसवइ जेलाइ सिपाहिराइ याकुइत जिम्मा लैन्या ले, सोनो सिपाहिराइ जेलाइ झ्यालखानाल जान्यालेर। 59ङा जेलाइ हैङादाच्योज्या, जे तुबुरुप्या-तुबुरुप्या जेमाफुउवा हुलिं पुलुसो अस्दैन्या जेमाले।”
ទើបបានជ្រើសរើសហើយ៖
लुका 12: MAIK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 (Active), Mother Tongue Translators Society and Wycliffe Bible Translators, Inc. All rights reserved.
लुका 12
12
येसुवइ चेलारलाइ फरिसि हैयादाज्याउ यहुदि मदिउर ताजास्च्यो हैदासिउ
मत्ति १०:२६-२७
1होबेलाक हजारौंलाउ अर्मिर यास्दुसिउ कारनवइ तुबुइ-तुबुलाइ सिसिकेर। हुकिं येसुइ बरिदि ओचेलारलाइ हैयादोकेउ, “जे फरिसि हैयादाज्याउ यहुदिराइ याखमिरङि हुस्यार लेच्यो। नो खमिर नोराइ कप्त याबानि चि#मत्ति १६:६; मर्कुस ८:१५। 2नेलाइलेक अर्मिराइ मुँद नैसिउ अस्पाँर नाति-नाति लिज्या, हो स्यो पुलुस सोनो नोराइ मुँसिउ अस्पाँर नाति लिज्या, हो स्यो परमेस्वरवइ अस्तैंन्या ले#मत्ति ४:२२; लुका ८:१७। 3आउकारन जे मिंमाराउँल जिरिजारास वाज जेस्पाँउ अस्पाँ स्योराइ थैन्या जैद मिराँउल प्रचार दासिन्या ले। झिम् भितर्ल खास्-खास् खुस्-खुस् लेद अस्पाँसिउ अस्पाँर झिम्वइ उदुरितिं थास्।”
परमेस्वरस छेउ परि
मत्ति १०:२८-३१
4येसुइ अर्मिरलाइ हैयादोकेउ, “ङारिजार, ङा जेलाइ हैङादाच्योज्या, जेकलाँलाइ वाज सैदुन्या तर जेआत्मालाइ मासैदुन्या अर्मिरास ताछेच्यो। 5तर सुस छेउ परि हैलेद ङा जेलाइ हैङादाच्यो, कलाँलाइ सैद आत्मालाइ नरकल दन्द यादुन्या सक्तिलेउ परमेस्वरस ज छेउ परि। ङा हैङालेउ दसाज, परमेस्वरस ज छेउ परि।
6“निसरुप्यात अर्ङाबलै भिंङगुरार माबिकिर रो? होमध्ये तुबुलाइ ब परमेस्वरवइ माम्योउ लेन्याकिंलेक। 7जे जिमिते जन परमेस्वरवइ जेर्ङैताउ तुबु-तुबु जेचेम् सुदा खिद नौ। आउकारन ताछेच्यो! भ्या भिंङगुरार भन्दा जे भ्या मुल्यवानर जिलिज्या।
8“ङा जेलाइ हैङादाच्योज्या, जोइ ङालाइ अर्मिराइ याबरिक स्विकारिङाउ, होलाइ ङा परमेस्वरवइ उस्परिंङाउ अर्मिइ ओजाइ ब परमेस्वरवइ ओस्पाँ हैदान्याराइ याबरिक स्विकारिन्या ङाले। 9तर जोइ ङालाइ अर्मिराइ याबरिक मास्विकारिङाउ, होलाइ ङाब परमेस्वरवइ ओस्पाँ हैदान्याराइ याबरिक स्विकारिन्या ङामाले।
10“परमेस्वरवइ उस्परिंङाउ ङा अर्मिइ ओजाइ ङाबिरोध्ल जो अस्पाँ, होलाइ छेमा जास्न्याले, तर पबित्र आत्माइ ओविरुदल दासिउ पाप खर्कज छेमा जास्न्या माले#मत्ति १२:३२; मर्कुस ३:२९।
11“जब नोराइ जेलाइ यहुदिर अस्दुसिन्या झिम्याक, सासकर सोनो अधिकारिराइ याबरिक रैच्योर, हुकिं जे कैजैद नोरलाइ नाति जबाफ यान्या, अथवा नाति हैदान्या हैलेद चिन्ता तादाच्यो, 12नेलाइलेक होबेलाक जे नाति हैदाउपरि हो अस्पाँर पबित्र आत्माइ जेलाइ अस्पैन्या ले#मत्ति १०:१९-२०; मर्कुस १३:११; लुका २१:१४-१५ ।”
मुर्ख धनि अर्मिवइ ओआन्
13हुल्मुलङि तुबु अर्मिवइ येसुलाइ हैदोकेउ, “गुरु ज्यु, गिंबाबुइ गिंको लागि बनैद ओयासिउ धन-सम्पत्ति नपार्जालाइ बाद योको हैलेद ङादाज्युलाइ हैदाद याँको।”
14तर येसुवइ नोलाइ हैयादोकेउ, “ङारिजा, सुइ ङालाइ जेन्याय दान्या सोनो जेसम्पत्ति बादयान्या ओजैङाउँ?” 15येसुइ होकाउ लिज्याउ स्योरलाइ हैयादोकेउ, “हुस्यार लेच्यो! धन-सम्पत्तिइ ओलोप तादाच्यो, नेलाइलेक धनसम्पत्ति जति भ्या लेदिब होइ अर्मिलाइ दसाकाउ जिबन मायोउ।”
16येसुवइ नोरलाइ तुबु आन् जाद यायोकेउ, “तुबु धनि अर्मिवइ ओयाँबाँल भ्या उब्जनि जास्के। 17होकारन नोइ उयुउँ-उयुउँल बिचार दोकेउ, ‘ङास आउ स्यो अन् जान्या पो माले, अब ङा कै ङालेते?’ 18हुकिं नोइ हैलेके, ‘अब ङा अइजौ ङास्परिं, ङाधरार भोद झन् घ्यो-घ्यो जौ ङास्परिं, हैजैद स्यो ङाबालिनालि सोनो ङामाल सामानर होल जान्या ङाले। 19हैजैद ङा ङालाइज हैङादो, ना नभाग्य अप्चाउ लिज्या! नास बर्सौ-बर्स सम थोइंन्या अन् सोनो सरसामन लिज्या। अब अप्चाद ज्याद-ओद रैंनि’! 20तर परमेस्वरवइ नोलाइ हैदोकेउ, ‘ए मुर्ख आछिम् रिइलज ना सिन्या नले, हुकिं नाको लागि धन-सम्पत्ति अस्दुद ननै, नो सुइउमि जास्न्या?’”
21हुकिं येसुइ आन् अस्प्याद नोलाइ हैदोकेउ, “ओल्को लागि वाज धन-सम्पत्ति अस्दुन्या, तर परमेस्वरवइ ओनजरल धनि माजास्न्या अर्मिवइ ओअवस्था अमदिउ ज जास्न्या ले।”
चिन्ता मादान्या
मत्ति ६:२५-३४
22येसुइ ओचेलारलाइ हैयादोकेउ, “आउकारन ङा जेलाइ हैङादाच्योज्या, गेप्रानको लागि नाति गेज्याते सोनो गेकलाँको लागि नाति गिकुसिते हैलेद चिन्ता तादाच्यो। 23नेलाइलेक जिबन भोजन भन्दा सोनो कलाँ क्वाभन्दा घ्यो जास्। 24काङ्गारलाइ याराँच्यो! नोराइ नत दुर वास्ज्यार, नत बालि सिम्ज्यार। हुकिं नोरास अन् अस्दुन्या धरा ब माले। हुदिब परमेस्वरवइ नोरलाइ यासज्यास्ज्या। जे बाजार भन्दा ब भ्या बदि मुल्यवान जिलिज्या! 25जे मध्ये सुइ चि क्याद चिन्ता दाद ओआयुत जामा समय सम ब थप्दुन्या? 26आउकारन जे आलेउ एन् ब जेमादादुज्याकिंलेक, गुँ अस्पाँवइ उचिन्ता किकाम जेदाज्या? 27झ्याँलाउ लिलि वास्र कैजैद घ्योज्यार याराँच्यो, नोराइ एन् ब मादोर, सोनो धाका ब माखल्र। हुदिब ङा जेलाइ हैङादाच्यो, अर्गे सोलोमनस खतिउ धन-सम्पत्ति लेदिब नो लिलि वास ह्वाकाउ अप्चाउ क्वा माकुसिके#१राजाहरु १०:४-७; २इतिहास ९:३-६ । 28आछिम् जास्न्या सोनो परातिज मिल हिप्न्या बाँलाउ छिलाइ ते परमेस्वरवइ अइजैद सजैज्याकिंलेक, ए अल्प बिस्वासिर, परमेस्वरवइ जेलाइ जन ख्वा भ्या सजैन्या ले। 29होकारन नाति गेज्याते सोनो नाति गेओते हैलेद जे खिम्न्यात तालागिच्यो, सोनो चिन्ता ब तादाच्यो। 30नेलाइलेक परमेस्वरलाइ मासरेस्न्या अर्मिराइ यायुउँलचि अमदिउ पिर चिन्ता जास्। स्वर्गताउ जेबाबुइ जेलाइ आउ अस्पाँइ उमिखाँचो लिज्या हैलेद सैंज्या। 31तर बरिदि जे परमेस्वरवइ ओराज्यलाइ खिम्च्यो, हैजैद जेलाइ आउ स्यो अस्पाँर यान्याले।
स्वर्गत धन्-सम्पत्ति अस्दुच्यो
मत्ति ६:१९-२१
32“होकारन ङाछिंत लागिन्यार, जे आलुजा बगाल मदिउर जेलेदिब ताछेच्यो! नेलाइलेक जेलाइ राज्य यान्या जेबाबु खुसि लिज्या। 33होकारन जेस लेउ धन-सम्पत्ति वेएद गरिबरलाइ या-याच्यो। अमदिउ ज जेदाकिंलेक जे खर्क माप्चिस्न्या, झोला जैन्या जेले हुकिं खर्क माखेम्न्या धन स्वर्गत अस्दुन्या जेले। होत चोरराइ ब माकुर सोनो गुनराइ ब माज्योर। 34नेलाइलेक जाँक जेनधन जास, होकज जेयुउँ ब जास्।”
जागा लेच्यो
35“जैलेदिब ङाएन् दान्याको लागि तयार जास्द लेच्यो सोनो जेबत्ति खाँद नैच्यो#मत्ति २५:१-१३। 36जे नो बाँदार मदिउ जास्च्यो, जोराइ यामालिक बेहाताउ भोज बत्यारङि ओल्द राद याम् दोवाक-दोवाक ओजौ पन्याँज नोराइ याम् फैदयोर । 37यामालिक ओल्द ओराक, माएम्द नोलाइ कलेंन्या नो बाँदाराइ आसिस अस्दैन्या लेर। ङा जेलाइ दसाज हैङादाच्यो, हो यामालिक ओल्ज तयार जास्द नो बाँदारलाइ अप्चाद सप्चुँद ज्याउ-ओ यान्या ले। 38यदि यामालिक तपरारिल अथबा हो भन्दा अजैब दिलो ओराक ब नो बाँदारलाइ माएम्सिउर ओवास्दैरैकिंलेक, नोइ भ्या इनाम यान्या ले।
39“तर आउ सैंच्यो, कि चोर आउ बेलाक रा हैलेद झिम्वइ ओर्गेवइ सैंसिउ किंते हो चोरलाइ झिम् पाद पसिउ मायोरिउ। 40होकारन जेब तयार लेच्यो, नेलाइकिंलेक जे जेमासम्झिउ बेलाक परमेस्वरवइ उस्परिंङाउ ङा अर्मिइ ओजा फिरि रान्या ङाले।”
हैदासिउ थैन्या सेबक
मत्ति २४:४२-५१
41हैजैद पत्रुसवइ हैलेके, “हे प्रभु, आउ आन् गेको लागि वाज हैनदासिउ सिं गुँ अर्मिराको लागि ब?”
42प्रभुइ हैलेके, “नो बिस्वासयोग्य सोनो बुद्धिमानि बाँदा कदिउ क्या? हो आउज जोलाइ झिम्लाउ मालिकवइ गुँ ओबाँदारलाइ राँन्या झिम्मा योउ सोनो नोइ नोरलाइ थिक समयल ज्याउ-ओ यायोउ। 43नो झिम्वइ ओर्गे ओल्द ओराक नो बाँदावइ हैजैदज एन् ओदाज्याउ ओस्दैरैकिलेक नोलाइ इनाम योउ। 44दसाज ङा जेलाइ हैङादाच्योज्या, नोइ नोलाइ स्यो ओसम्पतित अधिकार यान्या ले। 45तर हो बाँदावइ उयुउँल ‘ङामालिक रान्या दिलो दोउते’ हैलेद गुँ बाँदा बाँदानिरलाइ ज्याद-ओद मुँद याथतैकेउ लेक। 46नोइ ओमासउँ छ्याम् सोनो ओमासम्झिउ दिनल नोइ ओमालिक रान्याले, हैजैद नोलाइ घ्यो दन्द यान्याले सोनो होइ उदुख परमेस्वरवइ हैओवादोउ माथैन्याराइ यामि मदिउ जास्न्या ले।
47“ओमालिकवइ उइच्छ्या सैंदब ओल्दाउ परिन्या एन् मादाद ओमालिकवइ उइच्छ्या अनुसार मादान्या बाँदावइ चाहिं भ्या पत्का ज्यान्या ले। 48तर मालिकवइ उइच्छ्या मासैंद सजाय अस्दैन्या योग्यलाउ एन् दान्यावइ जामा सजाय अस्दैन्या ले। जोलाइ भ्या यासिउ लिज्या, होइ ओलेउकिं भ्या ङिसिन्या ले, सोनो स्यो जोलाइ भ्या सुम्पिसिउ लिज्या, नोइ ओलेउकिं जन भ्या रैसिन्या ले।”
सान्ति म्हा भान्या
मत्ति १०:३४-३६
49येसुइ हैलेके, “ङा मादमिल मि लैन्या ङाराउ। नो ते बुरु बरिखैकिं ज सल्किउकिं जास्क्या! 50ङा तुबु दुखलाउ बप्तिस्मा रौपरिन्या लिज्या। सोनो हो बप्तिस्मा ङामारौवा सम ङालाइ सान्ति जास्न्या माले#मर्कुस १०:३८! 51जे ङा मादमिल अर्मिरलाइ मिलैन्या ङाराउ हैलेद जेसम्झिज्या? म्हा! ङाते अर्मिराइ याखार्ल भान्या ङाराउ। 52नेलाइलेक अबकिं तुबु अर्ङाबलै पर्यालिल या-या छुतैसिन्या लेर, सोंमराइ याबिरोध्ल जोर्, सोनो जोर्निइ इंबिरोध्ल सोम् जास्न्यालेर। 53बाबुइ उबिरोधल जा, सोनो जाइ उबिरोधल बाबु, मिमा जावइ उबिरोधल आमा सोनो आमाइ उबिरोधल मिमा जा, बुहारिवइ उबिरोधल दुरुँ, सोनो दुरुँवइ उबिरोध्ल बुहारिर जास्न्या लेर#मिका ७:६।”
समयवइ ओलछेन्
मत्ति ६:२-३
54येसुइ अर्मिरलाइ हैयादोकेउ, “जे पस्चिम्दि बादल उहिंज्याउ राँद होपन्या हैजेलेज्या, ‘नम् अर्वान्या ओजासो,’ हैजैद हदिउज जास्ज्या। 55जब नम्मुर दछिनदि मुर् हैजैद जे हैजेलेज्या, गर्मि जास्न्या ले, सोनो हमदिउज जास्ज्या। 56ए कप्तिर! जे नम् सोनो मादमिलाउ लछेनर हैजेलेदुज्या, तर बर्तमान समयवइ ओअर्थ लैन्या नेलाइ जेमासैं?
नसुतर्रास मिलिन्या
मत्ति ५:२५-२६
57“जे आर्क जेको लागि नाति नदोक अप्चाउ जास् हैलेन्या अस्पाँ नेलाइ जेमाबुजै? 58जेलाइ मुद्धा जाद याज्याउस न्यायाधिस ओलेउक जिहिंक, घ्वात ज होस मिलिच्यो। म्हाकिंते नोइ जेलाइ न्यायधिसवइ ओलेउक तुल्द लान्या ले, सोनो न्यायधिसवइ जेलाइ सिपाहिराइ याकुइत जिम्मा लैन्या ले, सोनो सिपाहिराइ जेलाइ झ्यालखानाल जान्यालेर। 59ङा जेलाइ हैङादाच्योज्या, जे तुबुरुप्या-तुबुरुप्या जेमाफुउवा हुलिं पुलुसो अस्दैन्या जेमाले।”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 (Active), Mother Tongue Translators Society and Wycliffe Bible Translators, Inc. All rights reserved.