Markus 6
6
Sawori Nasaret la Tai Masariye Hesus
(Mateus 13.53-58; Lukas 4.16-30)
1Hesus eda süya ma burukara eda wehitafaari räni yaar wotawot, nga marahara lei tabwer nga la pülüyaraho. 2Nga eda bwito lani Sabbat nga Hesus eda bwirango faülü yaar kaü räni iimweri uwolongolong. La pipiya yalemat la mire burukara nga marahara la hadutering yaar kaü la ppari lüdüyehiri dewa lada dölü bwa, “Iya me e hädi lepahaur ma irang? E bwitoho ma iya talama tipar? E feita eda süya bwa ebwe faülü kamarari yarüdü? 3Nga e tai iiye morowe daiksang we rauri Maria, nga bwidiri James ma Hosei ma Yudas ma Simon? Nga tai maraha werimweyangar la mire uworus?” Bwana mena lada dongahiri.
4Hesus eda haüül bwa, “Uruteri farüye la haparüye profeta, hara mena ebwe mire wori farüyar ma uworuul yalematar ma sawori iimwar mena la tai haparüye.”
5E tasüye bwa ebwe faülü kamarari yarüdü ma burukara. Hara fitemaru söhü lei hamatahi mena e itetahe paür uwawoil eda hasüya hamatahiil. 6E lüdüyehiri dewa mere bwa yalemata-hara tawol dewa yael hatödü.
Hesus e Hatalilawau Marahara Deih ma Liyemaru Lei Tabwer
(Mateus 10.5-15; Lukas 9.1-6)
Hesus eda süya eda raho räni wotawot hara e halep eda kaüül yalemat. 7Hesus eda fadöngü fängäniil marahara deih ma liyemaru lei tabwer eda hatalilawau nga la haliyemaru dewo fatare. Nga e haneil ppou bwa labwe harewawau yarüdü tammaü. 8Hesus e haüül bwa, “E tawol faülümire na haubwe hädi, hara dohomi mena haubwe hädi—e tawol faraawa, hale paahe, hale mwanne ra haubwe hädi räni pwahetari üffemi. 9Haubwe yaya susu nga dari na hau tawai ikke haduweni üfferi podümi.” 10Nga eda para haüül bwa, “Burukara haura irang nga la hädihemi, hauda mire raniimwara eda tohongari na hau rou süya ma räni wotawota ra. 11Nga sahü nga hau raho räni dewo wotawot nga sawori wotawotara la tai hedihemi hale la tai hadutering ramami, hauda üsüharaho masalori hubwemi hauda süya. Mere ebwe hannahahiri mena tammaüri faülüül.”
12Lada buwou lada kaüül yalemat bwa labwe wehitengini tammaüül. 13Nga la harewarewawau pipiyeri yarüdü tammaü nga la hoho yalöngüri olive lada taofingeriil lei hamatahi lada hasüyani hamatahiil.
Maderi Yohanes ra Lei Hatütü
(Mateus 14.1-12; Lukas 9.7-9)
14King Herodes e mori longolongo titiini Hesus bwa eda mori fatare titiin. Nga palüül yalemat la dölü bwa, “Yohanes ra Lei Hatütü eda mori fadatafaari! Ira sapir me eda wola ppour bwa ebwe faülü kamarari yarüdü har.”
15Nga para palüül la dölü bwa, “Iiye Elias.”
Nga para palüül la dölü bwa, “Iiye profeta e weila marahawe profetari moduwe.”
16Ifiri mena Herodes e longolongo mere eda dölü bwa, “Iiye Yohanes ra Lei Hatütü! Ngaangu i dopiy uyer nga eda mori para fadatafaari!” 17Iiye Herodes-mo e haküröü bwa labwe dubuli Yohanes lada höhöya nga la itenango räni karabuse. Herod e faülü mere bwanasahü-mo e liiri Herodias, we liiri mwaarewe bwidir Felipe. 18Yohanes e haye haüye Herodes bwa, “E tabu mena hobwe liiri liiri bwidimu!”
19Herodias e dongo dewa uwawori Yohanes e masari dewa bwa ebwe riiye madeye, nga dari na Herod na e hatasüya. 20Herod e matahü Yohanes, bwa e hüra bwa Yohanes yalemat hatödü nga e liya, ke eda hakalehiye. Ifiri mena Herod ebwe hadutering yaari Yohanes uwolongolong nga e hae mwariyehiri; nga dari na e masari hadutering ramar.
21Delari nga Herodias e weli dewa bwängir, bwa la faülü sänneri lani fadari Herod, lada fadöngüül marahara tamoni kaferment ma tamoni saradau ma marahara tamorul sawori Kalilea. 22Faifina rauri Herodias eda bwirango bwalüh eda maho dewa faringörüngöni Herod ma marahara la bwito pülüye sänne. King Herod eda haüye riweisi faifina bwa, “Haüyei meta mena ho masariye? E tawai weri söhü mena ho masariye nga ibwe hariho.” 23Nga eda bwara haffata dewa mena ramar eda haüye riweisira bwa, “I tapa dewa hatödü bwa ibwe haridewaho uruteri mena hobwe tingalo, ira-mo me ebwe detabo me farüyei.”
24Riweisi faifina eda süye eda raho eda hadiya mena diin hale, “Meta me ibwe tingalo hataingehir?”
Mena diin eda haüye bwa, “Simweri Yohanes ra Lei Hatütü.”
25Riweisi faifina eda hamatangari wehitafaari rango iyolori King eda haüye bwa, “I masari bwa hobwe hariyei mena faduhuri Yohanes ra Lei Hatütü räni tapiye meihira sahü.”
26E tammaü dewa tiperi King, nga dari na e tasüye bwa e tawai hariye mena yaar tingalo bwa e mori hawola dewa ramar imowael urutael yalemat hara la mire ifiri sänne. 27Ifiri mena sahü nga King eda haküröüye demarü lei matarahi bwa ebwe häditoho faduhuri Yohanes. Mwana lei matarahi eda raho räni karabuse eda dopiy uyeri Yohanes 28eda itenango räni tapiye eda hariye riweisi faifina, riweisira eda hariye neirar. 29Ifiri mena marahara lei tabweri Yohanes lada longolongo titiini mere lada bwitoho lada hädi podür lada raho ribwa.
Hesus e Haneil Harael Rimangaladi Yalemat
(Mateus 14.13-21; Lukas 9.10-17; Yohanes 6.1-14)
30Marahara lei apostol la wehitafaari ifiri Hesus lada tabongari uruteri marahara lada mori faülüüni ma marahara lada mori kaüül yalemat. 31La pipiya dewa yalematara la bwitoho nga iyahara la süye eda tasüye, bwa Hesus ma marahara lei tabwer labwe mwangaü. Eda haüül bwa, “Hau bwitoho bwa dibwe raho idoburodu ra ebwe hara hisa sahü bwa ebwe süye bwa haubwe hadodohami hauda yasemei.” 32Lada tahetahe uwa lada raho burukara e tawol yalemat irang.
33La pipiya dewa yalematara la käkäne süyael nga la hürael; lada süye ma räni uruteri wotawot lada taali uwawori farüye lada uhoraho imowari Hesus ma marahara lei tabwer. 34Ifiri mena Hesus e taütiwo ma usuri uwa eda käkäneiil pipiyael yalemat nga eda moutoho yaar fahoil bwa la weya siipi hara e tawol lei hafanil. Eda hapurotahe yaar kaüül matamatari faülümire. 35Nga e mori raho dewa yaaro marahara lei tabwer lada bwito iyolor lada e dölü bwa, “E mori raho dewa yaaro nga e tawol dewa iimwe ihar. 36Haüül yalemata-hara bwa labwe süya lada raho räni seres ma wotawot hara e halepatoho bwa labwe parüyeri harael.”
37Hesus eda parüyeri ramael eda dölü bwa, “Hami haubwe haneil harael.”
Lada haüye bwa, “Ho laweri bwa haibwe raho haida peitaraho luyebühüya faduri silver haida parüyeri faraawa haida haneil?”
38Hesus eda hadiyael bwa, “Fitefadu faraawa mena hau hädi? Hau ramo habaühü.”
Lada raho lada wehitafaari lada haüye bwa, “Rimefadu faraawa ma liyemaru iih.”
39Hesus eda haüül lei tabwer bwa labwe hamatarael yalemat lada haüül bwa labwe maatotiwo uwawori fatiri. 40Yalematahara lada ppari maatotiwo, palüül la hadobuhuye yalemat ma palüül la harimeih yalemat. 41Hesus eda hädi mena rimau faraawa ma liyemaru iihe eda taraetahe weireng eda haparüye Dios. Eda hädi ra faraawa eda tipini eda hariil marahara lei tabwer bwa labwe haneil yalemat. Eda bwara tipini iihe hara uworuul urutael yalematahara. 42Urutael yalemat la ppari mwangaü lada parahi. 43Marahara lei tabwer lada lühü fängäniye deih ma luwou haraisiri ruttehiri faraawa ma iihe. 44Wolael mwaare hara la mwangaü ifiri mwangaü har ra la rimangaladi.
Hesus e Fatare Uwori Yauu Tteti
(Mateus 14.22-33; Yohanes 6.15-21)
45Ifiri mena sahü nga Hesus eda haüül marahara lei tabwer bwa labwe taütahe usuri uwa lada raho räni wotawotara Betsaida ma layera delaye ifiri sarüra, iiye eda habwongil iyahara yalemat. 46Werimwiliri mena nga iiye eda ra bwitahe wawori duhu eda sipesipe. 47Nifahafitoho nga uwa e mire rösöüsöüri sarüra nga Hesus e mire demarüraho uwawori farüye. 48E käkäne bwa marahara lei tabwer la hatabwangibwengi ifiri yael fatür bwa la fatürangari yangi, eda nipatari dörüwe klok ma worou klok nimariyeri, nga eda fatarewau iyoloil uwawori yauu tteti nga e dölü bwa ebwe fatare tangil. 49Lada käkäne yaar fatare uwawori yauu tteti lada dölü söhü me iiye yarüdü lada matahü dewa lada kabwataraho. 50Eyari dewa ngörül ifiri mena la käkäne.
Ifiri mena sahü nga Hesus eda titirongariil nga e dölü bwa, “Happouwa tipemi bwa ngaangu mere. Hau tawai matahü.” 51Eda taütahe usuri uwa nga eda madetiwo paladari yangiwe. Marahara lei tabwer la lüdüyehiri dewa, 52bwa la tösü hüra nifaari morowe e haneil rimangaladi yalemat, bwa la süyeri mwari.
Hesus E Hasüya Hamatahiil Yalemat ma Gennesaret
(Mateus 14.34-36)
53Hesus ma marahara lei tabwer lada raho layera delaye ifiri sarüra lada ra yalerango Gennesaret. 54Nga ifiri mena lada taütiwo ma usuri uwa, nga yalemat lada käkäne Hesus nga la hüra bwa iiye, 55nga lada taali uwawori farüyahara e mire nihalep lada hädiil lei hamatahi räni hiyael lada hädilaraho burukara la longolongo bwa Hesus e mire irang. 56Uruteri farüye ma wotawot ma seres ra Hesus e raho irang nga la hädilaraho lei hamatahi lada ttou räni makit lada tingalowa bwa ebwe hariil bwa labwe hatangowa üffar. Nga urutael marahara la hatangowa la ppari mahoraho.
ទើបបានជ្រើសរើសហើយ៖
Markus 6: SOV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.
Markus 6
6
Sawori Nasaret la Tai Masariye Hesus
(Mateus 13.53-58; Lukas 4.16-30)
1Hesus eda süya ma burukara eda wehitafaari räni yaar wotawot, nga marahara lei tabwer nga la pülüyaraho. 2Nga eda bwito lani Sabbat nga Hesus eda bwirango faülü yaar kaü räni iimweri uwolongolong. La pipiya yalemat la mire burukara nga marahara la hadutering yaar kaü la ppari lüdüyehiri dewa lada dölü bwa, “Iya me e hädi lepahaur ma irang? E bwitoho ma iya talama tipar? E feita eda süya bwa ebwe faülü kamarari yarüdü? 3Nga e tai iiye morowe daiksang we rauri Maria, nga bwidiri James ma Hosei ma Yudas ma Simon? Nga tai maraha werimweyangar la mire uworus?” Bwana mena lada dongahiri.
4Hesus eda haüül bwa, “Uruteri farüye la haparüye profeta, hara mena ebwe mire wori farüyar ma uworuul yalematar ma sawori iimwar mena la tai haparüye.”
5E tasüye bwa ebwe faülü kamarari yarüdü ma burukara. Hara fitemaru söhü lei hamatahi mena e itetahe paür uwawoil eda hasüya hamatahiil. 6E lüdüyehiri dewa mere bwa yalemata-hara tawol dewa yael hatödü.
Hesus e Hatalilawau Marahara Deih ma Liyemaru Lei Tabwer
(Mateus 10.5-15; Lukas 9.1-6)
Hesus eda süya eda raho räni wotawot hara e halep eda kaüül yalemat. 7Hesus eda fadöngü fängäniil marahara deih ma liyemaru lei tabwer eda hatalilawau nga la haliyemaru dewo fatare. Nga e haneil ppou bwa labwe harewawau yarüdü tammaü. 8Hesus e haüül bwa, “E tawol faülümire na haubwe hädi, hara dohomi mena haubwe hädi—e tawol faraawa, hale paahe, hale mwanne ra haubwe hädi räni pwahetari üffemi. 9Haubwe yaya susu nga dari na hau tawai ikke haduweni üfferi podümi.” 10Nga eda para haüül bwa, “Burukara haura irang nga la hädihemi, hauda mire raniimwara eda tohongari na hau rou süya ma räni wotawota ra. 11Nga sahü nga hau raho räni dewo wotawot nga sawori wotawotara la tai hedihemi hale la tai hadutering ramami, hauda üsüharaho masalori hubwemi hauda süya. Mere ebwe hannahahiri mena tammaüri faülüül.”
12Lada buwou lada kaüül yalemat bwa labwe wehitengini tammaüül. 13Nga la harewarewawau pipiyeri yarüdü tammaü nga la hoho yalöngüri olive lada taofingeriil lei hamatahi lada hasüyani hamatahiil.
Maderi Yohanes ra Lei Hatütü
(Mateus 14.1-12; Lukas 9.7-9)
14King Herodes e mori longolongo titiini Hesus bwa eda mori fatare titiin. Nga palüül yalemat la dölü bwa, “Yohanes ra Lei Hatütü eda mori fadatafaari! Ira sapir me eda wola ppour bwa ebwe faülü kamarari yarüdü har.”
15Nga para palüül la dölü bwa, “Iiye Elias.”
Nga para palüül la dölü bwa, “Iiye profeta e weila marahawe profetari moduwe.”
16Ifiri mena Herodes e longolongo mere eda dölü bwa, “Iiye Yohanes ra Lei Hatütü! Ngaangu i dopiy uyer nga eda mori para fadatafaari!” 17Iiye Herodes-mo e haküröü bwa labwe dubuli Yohanes lada höhöya nga la itenango räni karabuse. Herod e faülü mere bwanasahü-mo e liiri Herodias, we liiri mwaarewe bwidir Felipe. 18Yohanes e haye haüye Herodes bwa, “E tabu mena hobwe liiri liiri bwidimu!”
19Herodias e dongo dewa uwawori Yohanes e masari dewa bwa ebwe riiye madeye, nga dari na Herod na e hatasüya. 20Herod e matahü Yohanes, bwa e hüra bwa Yohanes yalemat hatödü nga e liya, ke eda hakalehiye. Ifiri mena Herod ebwe hadutering yaari Yohanes uwolongolong nga e hae mwariyehiri; nga dari na e masari hadutering ramar.
21Delari nga Herodias e weli dewa bwängir, bwa la faülü sänneri lani fadari Herod, lada fadöngüül marahara tamoni kaferment ma tamoni saradau ma marahara tamorul sawori Kalilea. 22Faifina rauri Herodias eda bwirango bwalüh eda maho dewa faringörüngöni Herod ma marahara la bwito pülüye sänne. King Herod eda haüye riweisi faifina bwa, “Haüyei meta mena ho masariye? E tawai weri söhü mena ho masariye nga ibwe hariho.” 23Nga eda bwara haffata dewa mena ramar eda haüye riweisira bwa, “I tapa dewa hatödü bwa ibwe haridewaho uruteri mena hobwe tingalo, ira-mo me ebwe detabo me farüyei.”
24Riweisi faifina eda süye eda raho eda hadiya mena diin hale, “Meta me ibwe tingalo hataingehir?”
Mena diin eda haüye bwa, “Simweri Yohanes ra Lei Hatütü.”
25Riweisi faifina eda hamatangari wehitafaari rango iyolori King eda haüye bwa, “I masari bwa hobwe hariyei mena faduhuri Yohanes ra Lei Hatütü räni tapiye meihira sahü.”
26E tammaü dewa tiperi King, nga dari na e tasüye bwa e tawai hariye mena yaar tingalo bwa e mori hawola dewa ramar imowael urutael yalemat hara la mire ifiri sänne. 27Ifiri mena sahü nga King eda haküröüye demarü lei matarahi bwa ebwe häditoho faduhuri Yohanes. Mwana lei matarahi eda raho räni karabuse eda dopiy uyeri Yohanes 28eda itenango räni tapiye eda hariye riweisi faifina, riweisira eda hariye neirar. 29Ifiri mena marahara lei tabweri Yohanes lada longolongo titiini mere lada bwitoho lada hädi podür lada raho ribwa.
Hesus e Haneil Harael Rimangaladi Yalemat
(Mateus 14.13-21; Lukas 9.10-17; Yohanes 6.1-14)
30Marahara lei apostol la wehitafaari ifiri Hesus lada tabongari uruteri marahara lada mori faülüüni ma marahara lada mori kaüül yalemat. 31La pipiya dewa yalematara la bwitoho nga iyahara la süye eda tasüye, bwa Hesus ma marahara lei tabwer labwe mwangaü. Eda haüül bwa, “Hau bwitoho bwa dibwe raho idoburodu ra ebwe hara hisa sahü bwa ebwe süye bwa haubwe hadodohami hauda yasemei.” 32Lada tahetahe uwa lada raho burukara e tawol yalemat irang.
33La pipiya dewa yalematara la käkäne süyael nga la hürael; lada süye ma räni uruteri wotawot lada taali uwawori farüye lada uhoraho imowari Hesus ma marahara lei tabwer. 34Ifiri mena Hesus e taütiwo ma usuri uwa eda käkäneiil pipiyael yalemat nga eda moutoho yaar fahoil bwa la weya siipi hara e tawol lei hafanil. Eda hapurotahe yaar kaüül matamatari faülümire. 35Nga e mori raho dewa yaaro marahara lei tabwer lada bwito iyolor lada e dölü bwa, “E mori raho dewa yaaro nga e tawol dewa iimwe ihar. 36Haüül yalemata-hara bwa labwe süya lada raho räni seres ma wotawot hara e halepatoho bwa labwe parüyeri harael.”
37Hesus eda parüyeri ramael eda dölü bwa, “Hami haubwe haneil harael.”
Lada haüye bwa, “Ho laweri bwa haibwe raho haida peitaraho luyebühüya faduri silver haida parüyeri faraawa haida haneil?”
38Hesus eda hadiyael bwa, “Fitefadu faraawa mena hau hädi? Hau ramo habaühü.”
Lada raho lada wehitafaari lada haüye bwa, “Rimefadu faraawa ma liyemaru iih.”
39Hesus eda haüül lei tabwer bwa labwe hamatarael yalemat lada haüül bwa labwe maatotiwo uwawori fatiri. 40Yalematahara lada ppari maatotiwo, palüül la hadobuhuye yalemat ma palüül la harimeih yalemat. 41Hesus eda hädi mena rimau faraawa ma liyemaru iihe eda taraetahe weireng eda haparüye Dios. Eda hädi ra faraawa eda tipini eda hariil marahara lei tabwer bwa labwe haneil yalemat. Eda bwara tipini iihe hara uworuul urutael yalematahara. 42Urutael yalemat la ppari mwangaü lada parahi. 43Marahara lei tabwer lada lühü fängäniye deih ma luwou haraisiri ruttehiri faraawa ma iihe. 44Wolael mwaare hara la mwangaü ifiri mwangaü har ra la rimangaladi.
Hesus e Fatare Uwori Yauu Tteti
(Mateus 14.22-33; Yohanes 6.15-21)
45Ifiri mena sahü nga Hesus eda haüül marahara lei tabwer bwa labwe taütahe usuri uwa lada raho räni wotawotara Betsaida ma layera delaye ifiri sarüra, iiye eda habwongil iyahara yalemat. 46Werimwiliri mena nga iiye eda ra bwitahe wawori duhu eda sipesipe. 47Nifahafitoho nga uwa e mire rösöüsöüri sarüra nga Hesus e mire demarüraho uwawori farüye. 48E käkäne bwa marahara lei tabwer la hatabwangibwengi ifiri yael fatür bwa la fatürangari yangi, eda nipatari dörüwe klok ma worou klok nimariyeri, nga eda fatarewau iyoloil uwawori yauu tteti nga e dölü bwa ebwe fatare tangil. 49Lada käkäne yaar fatare uwawori yauu tteti lada dölü söhü me iiye yarüdü lada matahü dewa lada kabwataraho. 50Eyari dewa ngörül ifiri mena la käkäne.
Ifiri mena sahü nga Hesus eda titirongariil nga e dölü bwa, “Happouwa tipemi bwa ngaangu mere. Hau tawai matahü.” 51Eda taütahe usuri uwa nga eda madetiwo paladari yangiwe. Marahara lei tabwer la lüdüyehiri dewa, 52bwa la tösü hüra nifaari morowe e haneil rimangaladi yalemat, bwa la süyeri mwari.
Hesus E Hasüya Hamatahiil Yalemat ma Gennesaret
(Mateus 14.34-36)
53Hesus ma marahara lei tabwer lada raho layera delaye ifiri sarüra lada ra yalerango Gennesaret. 54Nga ifiri mena lada taütiwo ma usuri uwa, nga yalemat lada käkäne Hesus nga la hüra bwa iiye, 55nga lada taali uwawori farüyahara e mire nihalep lada hädiil lei hamatahi räni hiyael lada hädilaraho burukara la longolongo bwa Hesus e mire irang. 56Uruteri farüye ma wotawot ma seres ra Hesus e raho irang nga la hädilaraho lei hamatahi lada ttou räni makit lada tingalowa bwa ebwe hariil bwa labwe hatangowa üffar. Nga urutael marahara la hatangowa la ppari mahoraho.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.