Markus 7
7
Yael Marahawe Sapitohoil Kaü
(Mateus 15.1-9)
1Palüül Farisi ma tanahori Farau la bwitoho ma Yerusalem lada talanga Hesus. 2La käkäneiil palüül marahara lei tabweri Hesus bwa la mwangaü nga e tai faheya paüül, nifaari mere ra la tai hafaheya paüül eda tabweya mena marahara Farisi la dölü bwa hataingehiri mena ebwe faülü.
( 3Bwa marahara Farisi ma urutael lei Yudea la tabweya moumouri sapitohoil, we e dölü bwa e tawau süya bwa labwe mwangaü ifiri mena la tai hafaheya paüül eda tabweya moumou. 4Nga eda para tabu mena labwe mwangaü marahara e bwitoho ma räni makit ra la tösü hafaheya räni sörü. Nga e pipiya para palüül moumouri sapitohoil ra la faülüüni, e wol moumouri hafaheyari pöül, ma pwatu, ma tapiye siforu, ma räniyeri woro.)
5Marahara Farisi ma lei tanahori Farau lada hadiya Hesus bwa, “Meta marahara lei tabwemu la tai tabweya moumou hawe e bwitoho ma ifil sapitohos lada mwangaü nga e tai faheya paüül?”
6Hesus eda parüyeri mena ramael eda dölü bwa, “E weli dewa-mo e dölü profeta Isaias hataingehimi bwa hau tirobwat. E farüye bwa,
Dios e dölü bwa,
Yalemata-hara la haparüyei ifiri ramael sahü
nga tipael ra e taawa tangi dewayai.
7E tawol nifaari na labwe sipesipe ngariyei,
bwa la hori kaü yael yalemat farau eda weya me yai Farau!
8“Hau da mori iteri delaye yaari Dios farau hauda faülü ra yaari yalemat kaü.”
9Hesus eda tabowaraho mena ramar eda dölü bwa, “Hau da mona lepahau dewa bwa haubwe peitaraho yaari Dios farau bwa haubwe faülü iyahara yami hami kaü. 10Yaari Moses farau e dölü bwa, ‘Haparüye tamamu ma diromu.’ Nga para dewo ra, ‘Yalematara e hapahapa tamar hale diin ra labwe riiy.’ 11Nga dari na hami hau kaüül yalemat bwa nga sahü nga e wol mena yalemat ebwe hori bwa tapatapari tamar hale diin nga eda dölü söhü bwa ‘Mere Korban’ (nifaari ramaer ra, eda mori hatiyangari Dios), 12ira nga eda mori maho sahü mena la tawai tapangi tamael ma dirael. 13Mere yami moumou ma ifil sapitohomi e hatawola nifaari ramari Dios. Nga eda para pipiya marahara faülüyemi ra e weya mere.”
Marahara e Faülü Yalemat eda Tai Faheya
(Mateus 15.10-20)
14Hesus eda para fadöngüül pipiyael yalematahara eda haüül bwa, “Urutemi dewa, hau hadutering hauda nifaari me ibwe hauhemi. 15E tawol mena ebwe bwirango maürühüri podümi ra ebwe faülühemi bwa haubwe tammaü. Bwa hara mena e mire faringörüngöni yalemat eda buwou mena e hatammaüye. [16Hau hadutering ifiri na ebwe wol taringemi!]”#7.16 Titiror e taimire räni palüül pepari Bibilia yael lei Greek farüförü.
17Ifiri mena eda rihitil yalematahara eda bwirango räni iimwe, nga marahara lei tabwer lada hadiya meta nifaari morowe ramar. 18Hesus eda haüül bwa, “Hami-mo nga e tai rap faiya lepahaumi ma imowael marahara palüül. Hau tahüra nifaari mena? E tawol faülümire ra haubwe itenango podümi ra ebwe hatammaühemi, 19bwanasahü marahara e tai bwirango räni waruhurumi bwa e bwirango räni buhomi eda para buwou söhü ma ifiri podümi.” (Nifaari me e dölü Hesus ra uruteri mwangaü e maho ifiri mena dibwe hangi.)
20Eda para dölü bwa, “Mena e buwou ma faringörüngörümi na ebwe faülühemi bwa haubwe tammaü. 21Bwa mangimengi tammaü ra e mire faringörüngörümi mena e faülühemi hauda faülüüni marahara e tai maho ra hau röü pilaf nga haü faiini, 22haü röü faülü tiro tammaü tahürari faülümire nga erau masani hapitehiri farüyeri yalemat ma para palüül titiro tammaü; haü röü kosowa nga haü faülü titiro hamama nga haü halaelae fängääni nga haü tironühüye nga e tahiyat tipemi nga haü faülüül lei bwuse. 23Uruteri tammaü har e buwou ma faringörüngörümi eda faülühemi bwa haubwe tammaü.”
Yaari Demarü Faifire Hatödü
(Mateus 15.21-28)
24Nga Hesus eda süye eda raho uwawori farüyara e halepa Tairus. Eda bwirango räni dewo iimwe nga e tai masari bwa yalemat labwe hüra bwa e mire ihira, nga dari na e tasüye bwa ebwe hamwaro. 25Nga demarü faifire ra e wol raür faifire ra e mire yarüdü tammaü retipar eda longolongo bwa Hesus e mire eda bwito iyolor eda hadobuhuyetiwo ifiri hubwar. 26Faifina iiye tai faifini Israel e fad ma räni Fenisia farüyeri Siria. Faifina eda tingalowa Hesus bwa ebwe harewawaü yarüdü tammaüra ma retiperi faifina raür. 27Nga Hesus eda haüye bwa, “Matamowa nga dibwe haneil riweisi. E tai maho na dibwe hädi harael riweisi dida peiti ngara piris.”
28Faifina eda dölü bwa, “Latu, pirisi-mo nga la mire fari tebwar lada hangi pediri harael riweisi!”
29Ifiri mena nga Hesus eda haüye faifina bwa, “Bwanasahü mena ho dölü, fatare hoda raho matariimwomu, bwa yarüdü tammaü ra e mori itiwou ma retiperi-mo raumu!”
30Eda raho matariimwar eda weli-mo raur e wor räni hiyar, nga yarüdü tammaüwe e tai mire retipar.
Hesus e Hamahowa Demarü Yalemat rae Taringeppüngü nga e tai Titiro
31Hesus eda süye eda rihiti wotawotahara e mire nihalepari Tairus eda taühü Sidon eda raho räni sarüra Kalilea, eda raho räni farüyeri Deih Wotawot. 32Palüül yalemat lada bwitoho nga la hadatoho demarü mwaare ra e taringeppüngü nga e tai titiro, lada tingalowa Hesus bwa ebwe itetahe paür uwawor. 33Hesus eda hädi mwana eda hatawaraho ma ifil yalematahara eda hädi hattür eda itenango räni taringeri mwana, nga e sanihutufa raho eda hatangowa yararihani mwana. 34Hesus eda taraetahe weirengi eda ngüdü eda haüye mwana bwa “Effata,” nifaari mere ra “Duhehi raho!”
35Fadewa sahü nga mwana eda süye bwa ebwe hadutering, nga eda mahüt yararihana nga eda titiro. 36Hesus eda hatabotabo ngariil yalemat bwa la tawai tapa titiini mere e faülüyehi; nga dari ra yalemat lada raho lada hasaworaparaho titiin. 37Urutael marahara la longolongo titiin lada ppari lüdüyehiri dewa lada dölü bwa, “Uruteri marahara e faülüüni nga e dari maho dewa! E faülüül lei taringeppüngü bwa labwe longolongo, nga iyahara la tai tittiro bwa labwe tittiro!”
ទើបបានជ្រើសរើសហើយ៖
Markus 7: SOV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.
Markus 7
7
Yael Marahawe Sapitohoil Kaü
(Mateus 15.1-9)
1Palüül Farisi ma tanahori Farau la bwitoho ma Yerusalem lada talanga Hesus. 2La käkäneiil palüül marahara lei tabweri Hesus bwa la mwangaü nga e tai faheya paüül, nifaari mere ra la tai hafaheya paüül eda tabweya mena marahara Farisi la dölü bwa hataingehiri mena ebwe faülü.
( 3Bwa marahara Farisi ma urutael lei Yudea la tabweya moumouri sapitohoil, we e dölü bwa e tawau süya bwa labwe mwangaü ifiri mena la tai hafaheya paüül eda tabweya moumou. 4Nga eda para tabu mena labwe mwangaü marahara e bwitoho ma räni makit ra la tösü hafaheya räni sörü. Nga e pipiya para palüül moumouri sapitohoil ra la faülüüni, e wol moumouri hafaheyari pöül, ma pwatu, ma tapiye siforu, ma räniyeri woro.)
5Marahara Farisi ma lei tanahori Farau lada hadiya Hesus bwa, “Meta marahara lei tabwemu la tai tabweya moumou hawe e bwitoho ma ifil sapitohos lada mwangaü nga e tai faheya paüül?”
6Hesus eda parüyeri mena ramael eda dölü bwa, “E weli dewa-mo e dölü profeta Isaias hataingehimi bwa hau tirobwat. E farüye bwa,
Dios e dölü bwa,
Yalemata-hara la haparüyei ifiri ramael sahü
nga tipael ra e taawa tangi dewayai.
7E tawol nifaari na labwe sipesipe ngariyei,
bwa la hori kaü yael yalemat farau eda weya me yai Farau!
8“Hau da mori iteri delaye yaari Dios farau hauda faülü ra yaari yalemat kaü.”
9Hesus eda tabowaraho mena ramar eda dölü bwa, “Hau da mona lepahau dewa bwa haubwe peitaraho yaari Dios farau bwa haubwe faülü iyahara yami hami kaü. 10Yaari Moses farau e dölü bwa, ‘Haparüye tamamu ma diromu.’ Nga para dewo ra, ‘Yalematara e hapahapa tamar hale diin ra labwe riiy.’ 11Nga dari na hami hau kaüül yalemat bwa nga sahü nga e wol mena yalemat ebwe hori bwa tapatapari tamar hale diin nga eda dölü söhü bwa ‘Mere Korban’ (nifaari ramaer ra, eda mori hatiyangari Dios), 12ira nga eda mori maho sahü mena la tawai tapangi tamael ma dirael. 13Mere yami moumou ma ifil sapitohomi e hatawola nifaari ramari Dios. Nga eda para pipiya marahara faülüyemi ra e weya mere.”
Marahara e Faülü Yalemat eda Tai Faheya
(Mateus 15.10-20)
14Hesus eda para fadöngüül pipiyael yalematahara eda haüül bwa, “Urutemi dewa, hau hadutering hauda nifaari me ibwe hauhemi. 15E tawol mena ebwe bwirango maürühüri podümi ra ebwe faülühemi bwa haubwe tammaü. Bwa hara mena e mire faringörüngöni yalemat eda buwou mena e hatammaüye. [16Hau hadutering ifiri na ebwe wol taringemi!]”#7.16 Titiror e taimire räni palüül pepari Bibilia yael lei Greek farüförü.
17Ifiri mena eda rihitil yalematahara eda bwirango räni iimwe, nga marahara lei tabwer lada hadiya meta nifaari morowe ramar. 18Hesus eda haüül bwa, “Hami-mo nga e tai rap faiya lepahaumi ma imowael marahara palüül. Hau tahüra nifaari mena? E tawol faülümire ra haubwe itenango podümi ra ebwe hatammaühemi, 19bwanasahü marahara e tai bwirango räni waruhurumi bwa e bwirango räni buhomi eda para buwou söhü ma ifiri podümi.” (Nifaari me e dölü Hesus ra uruteri mwangaü e maho ifiri mena dibwe hangi.)
20Eda para dölü bwa, “Mena e buwou ma faringörüngörümi na ebwe faülühemi bwa haubwe tammaü. 21Bwa mangimengi tammaü ra e mire faringörüngörümi mena e faülühemi hauda faülüüni marahara e tai maho ra hau röü pilaf nga haü faiini, 22haü röü faülü tiro tammaü tahürari faülümire nga erau masani hapitehiri farüyeri yalemat ma para palüül titiro tammaü; haü röü kosowa nga haü faülü titiro hamama nga haü halaelae fängääni nga haü tironühüye nga e tahiyat tipemi nga haü faülüül lei bwuse. 23Uruteri tammaü har e buwou ma faringörüngörümi eda faülühemi bwa haubwe tammaü.”
Yaari Demarü Faifire Hatödü
(Mateus 15.21-28)
24Nga Hesus eda süye eda raho uwawori farüyara e halepa Tairus. Eda bwirango räni dewo iimwe nga e tai masari bwa yalemat labwe hüra bwa e mire ihira, nga dari na e tasüye bwa ebwe hamwaro. 25Nga demarü faifire ra e wol raür faifire ra e mire yarüdü tammaü retipar eda longolongo bwa Hesus e mire eda bwito iyolor eda hadobuhuyetiwo ifiri hubwar. 26Faifina iiye tai faifini Israel e fad ma räni Fenisia farüyeri Siria. Faifina eda tingalowa Hesus bwa ebwe harewawaü yarüdü tammaüra ma retiperi faifina raür. 27Nga Hesus eda haüye bwa, “Matamowa nga dibwe haneil riweisi. E tai maho na dibwe hädi harael riweisi dida peiti ngara piris.”
28Faifina eda dölü bwa, “Latu, pirisi-mo nga la mire fari tebwar lada hangi pediri harael riweisi!”
29Ifiri mena nga Hesus eda haüye faifina bwa, “Bwanasahü mena ho dölü, fatare hoda raho matariimwomu, bwa yarüdü tammaü ra e mori itiwou ma retiperi-mo raumu!”
30Eda raho matariimwar eda weli-mo raur e wor räni hiyar, nga yarüdü tammaüwe e tai mire retipar.
Hesus e Hamahowa Demarü Yalemat rae Taringeppüngü nga e tai Titiro
31Hesus eda süye eda rihiti wotawotahara e mire nihalepari Tairus eda taühü Sidon eda raho räni sarüra Kalilea, eda raho räni farüyeri Deih Wotawot. 32Palüül yalemat lada bwitoho nga la hadatoho demarü mwaare ra e taringeppüngü nga e tai titiro, lada tingalowa Hesus bwa ebwe itetahe paür uwawor. 33Hesus eda hädi mwana eda hatawaraho ma ifil yalematahara eda hädi hattür eda itenango räni taringeri mwana, nga e sanihutufa raho eda hatangowa yararihani mwana. 34Hesus eda taraetahe weirengi eda ngüdü eda haüye mwana bwa “Effata,” nifaari mere ra “Duhehi raho!”
35Fadewa sahü nga mwana eda süye bwa ebwe hadutering, nga eda mahüt yararihana nga eda titiro. 36Hesus eda hatabotabo ngariil yalemat bwa la tawai tapa titiini mere e faülüyehi; nga dari ra yalemat lada raho lada hasaworaparaho titiin. 37Urutael marahara la longolongo titiin lada ppari lüdüyehiri dewa lada dölü bwa, “Uruteri marahara e faülüüni nga e dari maho dewa! E faülüül lei taringeppüngü bwa labwe longolongo, nga iyahara la tai tittiro bwa labwe tittiro!”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.