Markus 5
5
Hesus e Harewawau Yarüdü Tammaü ma Retiperi Demarü Mwaare
(Mateus 8.28-34; Lukas 8.26-39)
1Hesus ma marahara lei tabwer lada raho layera delaye ma ifiri sarüra Kalilea ma räni farüyara Gerasa. 2Ifiri mena Hesus e taütiwo ma usuri uwa nga demarü mwaare ra e buwou ma wori peiye e raho iyolor. Mwaarer ra e mire yarüdü tammaü retipar, 3nga e iimweri peiye nga e tawol re e süye bwa ebwe höhöya chain nga e tayaho. 4E mori pipiye yael hohongara chain hubwar ma paür nga fada mena la faülüngeri mena nga e mmotu nga e hamahara siforu hara la hohongari hubwar. E ppou dewa ra e tawol yalemat e süye bwa ebwe hamasü. 5Nibwongi ma nilari nga mwana e fatare fatare wori peiye ma uwawo duh nga e kabwat nga e ekka fadu eda tafa demarüye podür.
6E süyeri mire nitaawa nga e käkäne Hesus eda heingeri eda hadobuhuyetiwo imowari Hesus, 7nga e hakalofa ramar eda dölü bwa, “Hesus, Rauri Dios ra e taitei dewa! Meta ho laweya ma iyoloi? I hori iiteri Dios, ida tingaloho bwa ho tawai hairamayai!” 8(E dölü mere bwanasahü Hesus e dölü bwa, “Yarüdü tammaü, itiwou ma retiperi yalemataye!”)
9Hesus eda haüye bwa, “Meta itomu?”
Mwana eda parüyeri mena ramar eda dölü bwa, “Iitei ra Pipiyeri Saradau, bwa hai pipiya!” 10Mwana e paado yaar tingalowa Hesus bwa e tawai harewayelawau ma uwawori farüyara.
11Nga e wol dewo towuri peihi ra la kkup harael uwawori ngaseri duhura nihalepael. 12Nga yarüdü tammaü hara la tingalowa dewa Hesus nga la dölü bwa, “Rihitihamami bwa haibwe bwirango retiperi peihi harar.” 13Hesus eda ngütahe lada rewawau ma retiperi mwana lada bwirango retiperi iyahara peihi. Towuri peihi hara ma urutael ra—ledari mara liyangaladi—lada heitiwo lada ruturango räni sarüra lada mwabu.
14Marahara lei hafaniri peihi hara ifiri mena la käkäne mena e faülüyehi lada hatangiletiwo lada tabongariil yalemat räni wotawot ma marahara la mire räni maatael. Yalemat lada ppari buwou bwa labwe habaühü mena e faülüyehi, 15nga mena lada raho ifiri Hesus lada käkäne mwaarewe ulori yarüdü tammaü bwa e maato nga e üffoüf nga e hüra tipar, nga eda moutoho yael matahü. 16Yalematahawe la käkäne mena e faülüyehi lada haüül mena e faülü mwaarewe e ulori yarüdü tammaü ma mena e faülüyehi iyoloil peihi hawe.
17Lada tingalowa Hesus bwa ebwe süye eda rihiti mena farüyael.
18Ifiri mena Hesus eda taütahe usuri uwa nga mwaarewe e ulori yarüdü tammaü eda tingalowa dewa Hesus eda haüya bwa, “Ngütahe bwa ibwe pülüho!”
19Nga Hesus e tai ngütaheya mena e dölü, bwa e fäli haüye bwa, “Raho iyoloil sawori iimwomu hoda haüül uruteri marahara Tamoru e mori faülüngeriho ma rapari yaar fahoho.”
20Mwana eda fatare eda bwirango räni wotawotara iitar Deih Wotawot eda hasaworaparaho titiini marahara Hesus e mori faülüngeri. Urutael marahara la hadutering la lüdüyanaho dewa.
Rauri Jairus ma Faifina e Hatangowa Üfferi Hesus
(Mateus 9.18-26; Lukas 8.40-56)
21Hesus eda para wehitafaari layera delaye ma ifiri sarüra nga pipiyael yalemat lada bwito talanga. 22Nga demarü tamoni iimweri uwolongolong ra iitar Jairus eda bwitoho, nga ifiri mena eda käkäne Hesus eda püngütiwo ifiri hubweri Hesus 23eda tingalowa dewa nga e dölü bwa, “Mena rai riweisi faifire tahoutöt ra e rapa dewa hamatahir. I tingaloho bwa hobwe bwito itetahe paumu uwawor bwa ebwe mahoraho bwa ebwe fad!”
24Hesus eda pülüye mwana lada raho nga la pipiya dewa yalematara la tabweyaraho Hesus, nga la ngütüngüt tahuniye.
25E mire uworuul demarü faifire ra eda mori deih ma luwou madirap yaar iram dewa ifiri yaar fatare sahü ssar. 26Faifirer eda mori peitaraho uruteri yaar mwanne ifiri pipiyael tahota, nga e tai mahoraho ma ifiri hamatahir bwa e fäli rapangari söhü hamatahir. 27Eda longolongo titiini Hesus eda hatiyetiyarango uworuul yalematahara ma imwiliri Hesus bwa ebwe hatangowa mena üffar. 28Bwa e dölü ma faringörüngön bwa, “Yaari mena ibwe hatangowa sahü mena üffar nga ibwe mahoraho.”
29Ifiri mena sahü nga e ddü yaar fatare ssar nga e meyafi ma retipar bwa e mori maho ma ifiri-mo hamatahir. 30Nga ifiri mena sahü nga Hesus e meyafi ppow ra e buwou ma retipar eda wehitafaari eda hadiyael yalematahara bwa, “Itöü e hatangowa üffei?”
31Marahara lei tabwer lada parüyeri na ramar nga la dölü bwa, “Ho käkäne ngütüngütüri yalemataha la talangaho, e feita hoda haddiye hale itöü e hatangoho?”
32Nga Hesus iiye e taraefatare sahü nga e kupeti yalematara e hatangowa. 33Nga faifina e hüra mena e faülüyehi eda fatarewau nga e la moureri matahü eda hadobuhuyetiwo eda hahüraringeri uruteri mena e faülüyehi. 34Hesus eda haüye bwa, “Rai, yaamu hatödü e faülüho hoda mahoraho. Hoda raho nimarüyörüya, nga ebwe tawolaraho hamatahimu.”
35Nga Hesus e süyeri uwolongolong nga demarü lei haküröü e bwito ma matariimweri Jairus eda haüye bwa, “Mo raumu faifire eda mori püngüraho. E tawol nifaari me ho para hamasümösüya Tanaho.”
36Hesus e tai hadutering ramahara la dölü. Eda haüye Jairus bwa, “Ho tawai matahü, ebwe paado yaamu hatödü.” 37E tai ngütaheya bwa e tawai weri söhü yalemat labwe pülüye. Hara marahara la pülüye ra Petrus ma James ma bwidir Yohanes. 38Ifiri mena la raho matariimweri Jairus nga e käkäne bwa yalemat la mwarifatare nga e longolong ramari itengi ma yalofalof. 39Hesus e itirango räni iimwe eda haüül yalemat bwa, “Meta nifaari yami mwarifatare? Meta hau tangiti? Riweisir ra e tai made bwa e madülü!”
40Yalematahara la ppari mariyehiri. Hesus eda harewayelawau ihitam eda hädi tamar ma dini riweisira ma marahara dörümörü lei tabwer lada bwirango räni rarosihi ra riweisira e woro irang. 41Hesus eda hamasü pauri riweisira eda haüye bwa, “Talitha Koum,” nifaari mere ra, “Happala faifire, i hauho bwa hobwe simwatahe!”
42Ifiri mena sahü nga riweisira eda simwatahe eda fatare fatare. (Happala faifirer deih ma luwou madirapar.) Ifiri mena e faülüyehi mere nga urutael yalemat nga la lüdü dewa. 43Nga Hesus eda hatabotabo ngariil bwa la tawai haüül para palüül yalemat mere e faülüyehi, nga e haüül bwa, “Hau haneya riweisira bwa ebwe mwangaü.”
ទើបបានជ្រើសរើសហើយ៖
Markus 5: SOV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.
Markus 5
5
Hesus e Harewawau Yarüdü Tammaü ma Retiperi Demarü Mwaare
(Mateus 8.28-34; Lukas 8.26-39)
1Hesus ma marahara lei tabwer lada raho layera delaye ma ifiri sarüra Kalilea ma räni farüyara Gerasa. 2Ifiri mena Hesus e taütiwo ma usuri uwa nga demarü mwaare ra e buwou ma wori peiye e raho iyolor. Mwaarer ra e mire yarüdü tammaü retipar, 3nga e iimweri peiye nga e tawol re e süye bwa ebwe höhöya chain nga e tayaho. 4E mori pipiye yael hohongara chain hubwar ma paür nga fada mena la faülüngeri mena nga e mmotu nga e hamahara siforu hara la hohongari hubwar. E ppou dewa ra e tawol yalemat e süye bwa ebwe hamasü. 5Nibwongi ma nilari nga mwana e fatare fatare wori peiye ma uwawo duh nga e kabwat nga e ekka fadu eda tafa demarüye podür.
6E süyeri mire nitaawa nga e käkäne Hesus eda heingeri eda hadobuhuyetiwo imowari Hesus, 7nga e hakalofa ramar eda dölü bwa, “Hesus, Rauri Dios ra e taitei dewa! Meta ho laweya ma iyoloi? I hori iiteri Dios, ida tingaloho bwa ho tawai hairamayai!” 8(E dölü mere bwanasahü Hesus e dölü bwa, “Yarüdü tammaü, itiwou ma retiperi yalemataye!”)
9Hesus eda haüye bwa, “Meta itomu?”
Mwana eda parüyeri mena ramar eda dölü bwa, “Iitei ra Pipiyeri Saradau, bwa hai pipiya!” 10Mwana e paado yaar tingalowa Hesus bwa e tawai harewayelawau ma uwawori farüyara.
11Nga e wol dewo towuri peihi ra la kkup harael uwawori ngaseri duhura nihalepael. 12Nga yarüdü tammaü hara la tingalowa dewa Hesus nga la dölü bwa, “Rihitihamami bwa haibwe bwirango retiperi peihi harar.” 13Hesus eda ngütahe lada rewawau ma retiperi mwana lada bwirango retiperi iyahara peihi. Towuri peihi hara ma urutael ra—ledari mara liyangaladi—lada heitiwo lada ruturango räni sarüra lada mwabu.
14Marahara lei hafaniri peihi hara ifiri mena la käkäne mena e faülüyehi lada hatangiletiwo lada tabongariil yalemat räni wotawot ma marahara la mire räni maatael. Yalemat lada ppari buwou bwa labwe habaühü mena e faülüyehi, 15nga mena lada raho ifiri Hesus lada käkäne mwaarewe ulori yarüdü tammaü bwa e maato nga e üffoüf nga e hüra tipar, nga eda moutoho yael matahü. 16Yalematahawe la käkäne mena e faülüyehi lada haüül mena e faülü mwaarewe e ulori yarüdü tammaü ma mena e faülüyehi iyoloil peihi hawe.
17Lada tingalowa Hesus bwa ebwe süye eda rihiti mena farüyael.
18Ifiri mena Hesus eda taütahe usuri uwa nga mwaarewe e ulori yarüdü tammaü eda tingalowa dewa Hesus eda haüya bwa, “Ngütahe bwa ibwe pülüho!”
19Nga Hesus e tai ngütaheya mena e dölü, bwa e fäli haüye bwa, “Raho iyoloil sawori iimwomu hoda haüül uruteri marahara Tamoru e mori faülüngeriho ma rapari yaar fahoho.”
20Mwana eda fatare eda bwirango räni wotawotara iitar Deih Wotawot eda hasaworaparaho titiini marahara Hesus e mori faülüngeri. Urutael marahara la hadutering la lüdüyanaho dewa.
Rauri Jairus ma Faifina e Hatangowa Üfferi Hesus
(Mateus 9.18-26; Lukas 8.40-56)
21Hesus eda para wehitafaari layera delaye ma ifiri sarüra nga pipiyael yalemat lada bwito talanga. 22Nga demarü tamoni iimweri uwolongolong ra iitar Jairus eda bwitoho, nga ifiri mena eda käkäne Hesus eda püngütiwo ifiri hubweri Hesus 23eda tingalowa dewa nga e dölü bwa, “Mena rai riweisi faifire tahoutöt ra e rapa dewa hamatahir. I tingaloho bwa hobwe bwito itetahe paumu uwawor bwa ebwe mahoraho bwa ebwe fad!”
24Hesus eda pülüye mwana lada raho nga la pipiya dewa yalematara la tabweyaraho Hesus, nga la ngütüngüt tahuniye.
25E mire uworuul demarü faifire ra eda mori deih ma luwou madirap yaar iram dewa ifiri yaar fatare sahü ssar. 26Faifirer eda mori peitaraho uruteri yaar mwanne ifiri pipiyael tahota, nga e tai mahoraho ma ifiri hamatahir bwa e fäli rapangari söhü hamatahir. 27Eda longolongo titiini Hesus eda hatiyetiyarango uworuul yalematahara ma imwiliri Hesus bwa ebwe hatangowa mena üffar. 28Bwa e dölü ma faringörüngön bwa, “Yaari mena ibwe hatangowa sahü mena üffar nga ibwe mahoraho.”
29Ifiri mena sahü nga e ddü yaar fatare ssar nga e meyafi ma retipar bwa e mori maho ma ifiri-mo hamatahir. 30Nga ifiri mena sahü nga Hesus e meyafi ppow ra e buwou ma retipar eda wehitafaari eda hadiyael yalematahara bwa, “Itöü e hatangowa üffei?”
31Marahara lei tabwer lada parüyeri na ramar nga la dölü bwa, “Ho käkäne ngütüngütüri yalemataha la talangaho, e feita hoda haddiye hale itöü e hatangoho?”
32Nga Hesus iiye e taraefatare sahü nga e kupeti yalematara e hatangowa. 33Nga faifina e hüra mena e faülüyehi eda fatarewau nga e la moureri matahü eda hadobuhuyetiwo eda hahüraringeri uruteri mena e faülüyehi. 34Hesus eda haüye bwa, “Rai, yaamu hatödü e faülüho hoda mahoraho. Hoda raho nimarüyörüya, nga ebwe tawolaraho hamatahimu.”
35Nga Hesus e süyeri uwolongolong nga demarü lei haküröü e bwito ma matariimweri Jairus eda haüye bwa, “Mo raumu faifire eda mori püngüraho. E tawol nifaari me ho para hamasümösüya Tanaho.”
36Hesus e tai hadutering ramahara la dölü. Eda haüye Jairus bwa, “Ho tawai matahü, ebwe paado yaamu hatödü.” 37E tai ngütaheya bwa e tawai weri söhü yalemat labwe pülüye. Hara marahara la pülüye ra Petrus ma James ma bwidir Yohanes. 38Ifiri mena la raho matariimweri Jairus nga e käkäne bwa yalemat la mwarifatare nga e longolong ramari itengi ma yalofalof. 39Hesus e itirango räni iimwe eda haüül yalemat bwa, “Meta nifaari yami mwarifatare? Meta hau tangiti? Riweisir ra e tai made bwa e madülü!”
40Yalematahara la ppari mariyehiri. Hesus eda harewayelawau ihitam eda hädi tamar ma dini riweisira ma marahara dörümörü lei tabwer lada bwirango räni rarosihi ra riweisira e woro irang. 41Hesus eda hamasü pauri riweisira eda haüye bwa, “Talitha Koum,” nifaari mere ra, “Happala faifire, i hauho bwa hobwe simwatahe!”
42Ifiri mena sahü nga riweisira eda simwatahe eda fatare fatare. (Happala faifirer deih ma luwou madirapar.) Ifiri mena e faülüyehi mere nga urutael yalemat nga la lüdü dewa. 43Nga Hesus eda hatabotabo ngariil bwa la tawai haüül para palüül yalemat mere e faülüyehi, nga e haüül bwa, “Hau haneya riweisira bwa ebwe mwangaü.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.