Markus 15
15
Hesus Imowari Pilato
(Mateus 27.1-2, 11-14; Lukas 23.1-5; Yohanes 18.28-38)
1Nimatariyeri söhü nga marahara tarapari paderei ma marahara tamoni farüye ma lei tanahori Farau lada ra welifängääni ma urutael sawori council bwa labwe dölü fängääni mena labwe faülü. Lada höhöya Hesus lada hadaraho iyolori Pilato. 2Pilato eda hadiya Hesus bwa, “Heer mena yael lei Yudea king?”
Hesus eda parüyeri na ramar eda dölü bwa, “Heer re ho dölü mena.”
3Marahara tamorul paderei lada hataleyasiri Hesus ifiri pipiyeri faülümire. 4Pilato eda bwara hadiya bwa, “E tawol ramamu na hobwe dölü? Habaühüni-mo hataleyasi ha la dölü hataingehimu!”
5Nga dari na Hesus e tawola na e dölü, e lüdü dewa Pilato.
Hesus Hataingehir Maade
(Mateus 27.15-26; Lukas 23.13-25; Yohanes 18.39—19.16)
6Uruteri lani Paskua nga Pilato e haye hatiwawau demarü lei karabuse ra yalemat la tiwereya. 7Ifiri mena nga e mire demarü mwaare ra iitar Barabas räni karabuse bwa e faiini yalemat ifiri dewo habuhobuho. 8Ttouul yalematahara lada raho lada tingalowa Pilato bwa ebwe hatalawau demarü lei karabuse eda weya-mo e faduri haye faülü. 9Pilato eda hadiyael bwa, “Hau masari na ibwe hatalawau iyolomi yael lei Yudea King?” 10Pilato e hüra bwa marahara tamorul paderei la hadaraho Hesus iyolor bwanasahü na la raroitiye.
11Marahara tamorul paderei lada faülüül ttouul yalemat hara bwa labwe tingalowa Pilato bwa ebwe hatalawau Barabas. 12Pilato eda bwara hadiyael marahara la ttowu bwa, “Meta na hau masari bwa ibwe faülüngeri yalemataye hau dölü bwa iiye yael lei Yudea King?”
13Lada kabwat nga la dölü bwa, “Siforungeri kurus!”
14Pilato eda hadiyael bwa, “Tammaü meta ra e faülü?”
Nga lada kabwat nga la hakalofa ramael lada dölü bwa, “Siforungeri kurus!”
15Nga Pilato e masari söhü bwa ebwe hamahowa tipael ttouul yalemat hara eda hatiwawau Barabas. Eda itewau ramar bwa saradau labwe wautu Hesus nga la hädi lada raho siforungeri kurus.
Saradau la halofalofa Hesus
(Mateus 27.27-31; Yohanes 19.2-3)
16Marahara saradau lada hädi Hesus lada hädirango räni iimweri kafernor lada fadöngü fängäniil urutael saradau. 17Lada haüffoüfa ngari Hesus üff losasa lada file maler kangisir lada itetahe uwawori simwar. 18La ssimangari nga la haüye bwa, “Ebwe kamese fadamu, heer yael lei Yudea King!” 19Nga la akka ilaye lada wautu ngara simwar, nga la sanihutufa lada hadobuhuyetiwo imowar nga la haparüye. 20E bwängi dewa yael halofalofa lada bwaidi üffara e losasa lada haüffoüf ngari we e üffar. Lada hafatarawau bwa larau raho siforungeri kurus.
Hesus e Siforuyehi Ifiri Kurus
(Mateus 27.32-44; Lukas 23.26-43; Yohanes 19.17-27)
21Ifiri mena la fatare raho nga la welifängääni ma demarü mwaare iitar Simon, ra e fatare rango räni wotawot, lada tingingeri bwa ebwe yafala yaari Hesus kurus. (Simon sawori Sirene nga iiye tamari Alexander ma Rufus.) 22Lada hadaraho Hesus burukara iitar Kolkoda, nifaari mere ra, “Räniyeri Siri Faduhu.” 23Lada haneya bino ra la toraringeri yalöngü ra iitar mir, nga Hesus e tamasari urumi. 24Lada hädi Hesus lada siforungeri kurus lada hädi üffar lada hamatara uworuul ifiri yael peipeiri dice bwa labwe hamatara patari üff nipatael. 25Mere tiwou klok nimariyeri ifiri mena Hesus e siforuyehi ifiri kurus. 26Nga mena hannahahiri hataleyasir ra e farüüyehi ra e dölü bwa, “Yael lei Yudea king.” 27Nga eda para liyemaru lei pilaf na la siforungeriil kurus, demarü e mire layera hurumalari Hesus nga demarü e mire layera hurusehin. [28Mere e faülüyehi bwa tödü-mo e dölü Farüförü Liya bwa, “E mire reni hahoyahoyael lei tammaü.”]
29Marahara la fataretoho burukara la hasimwesimwaraho lada tapa delaye Hesus nga la dölü bwa, “Ho dölü bwa hobwe hamaharatiwo Templo hoda haddütafariya retiperi dörülari! 30Taütiwo ma ifiri kurus, hoda haruwe demarüho!”
31Marahara tamorul paderei ma lei tanahori Farau nga e hafeiye na yael halofalofa Hesus nga la dölü bwa, “E süye bwa ebwe haruul palüül yalemat, nga e tasüye bwa ebwe haruwe demarüye! 32Dibwe habaühü mere Mesias yael sawori Israel king taütiwo ma ifiri kurus bwa dibwe hatödüye!”
Ma marahawe liyemaru we la siforuyehi ifiri kurus nga la tironühüye Hesus.
Maderi Hesus
(Mateus 27.45-56; Lukas 23.44-49; Yohanes 19.28-30)
33Ifiri rösöüsöü touyet nga eda losopödüraho uruteri farüye ifiri dörüwe sikang. 34Ifiri dörüwe klok rahori yaaro nga Hesus eda hakalofa ramar nga e dölü bwa, “Eloi, Eloi, lema sabacthani?” nifaari mere ra, “Yai Dios, yai Dios, meta hoda peitiyei raho?”
35Palüül ma uworuul yalemat hara la ddü ihira na lada dölü bwa, “Hau hadutering bwa e fadöngü Elias!” 36Demarü ma uworuul eda heitahe nga e ekka falewa eda hädi eda sili räni bino ra e happar parüyen eda toungara tabori ilaye eda touwatahe ifiri yaari Hesus titiro nga e dölü bwa, “Hau weti bwa dibwe habaühü hale Elias ebwe bwitoho eda hatautiwowa ma ifiri kurus!”
37Hesus eda kabwat eda itiwou yara ngad.
38Nga kateng ara e mire reni Templo eda feingehi ifiri mena tabor ma wenengi eda itiwou ma ifiri meser eda liyefao ma irang. 39Nga tamoni saradau ra e ddü taraengara kurus, ifiri mena e käkäne faülüri maderi Hesus eda dölü bwa, “Mwaarer hatödüri rauri Dios!”
40Nga e wol palüül faifire ra la ddü nitaaw la habaühü Hesus. E mire uworuul Maria Magdalena ma Maria dini James ra e riweisi ma Hosei, ma Salome. 41Marahar ra la faduri pülüye nga la tapangi fatareya Hesus ifiri-mo e mire Kalilea. Nga lada bwara pipiya ma uworuul faifire hara, marahawe la pülüye toho ma Yerusalem.
Ribweribweri Hesus
(Mateus 27.57-61; Lukas 23.50-56; Yohanes 19.38-42)
42-43Erau nifahafitoho nga Hosei sawori Arimatea eda bwitoho. Mwaarer demarü sawori Council yalemat la haparüye, nga iiye e mireri weti bwitohori farüyeri Dios. Nga lanera lani hawerewere (delari imowari Sabbat), nga Hosei e ppou tipar eda raho iyolori Pilato eda tingalo podüri Hesus. 44Pilato e lüdü ifiri mena e longolongo bwa Hesus e mori made. Eda fadöngü mwana tamoni saradau eda hadiya hale eda mori miriyarai yara made Hesus. 45Werimwiliri mena tamoni saradau e tabongari mena nga Pilato eda ngütaheya bwa Hosei ebwe ra hädi podüri Hesus. 46Hosei e parüyeri patari üffe bwesebwes, eda itetiwo podüri Hesus eda tühütühüye räni üffara, eda itenango räni dewo ribwe ra la keringarango ma retiperi polou. Eda hädi dewo tarapari födü eda hatapörüngeri matari ribwe ra. 47Nga Maria Magdalena ma Maria dini Hosei la habaühü burukara la itenango podüri Hesus irang.
ទើបបានជ្រើសរើសហើយ៖
Markus 15: SOV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.
Markus 15
15
Hesus Imowari Pilato
(Mateus 27.1-2, 11-14; Lukas 23.1-5; Yohanes 18.28-38)
1Nimatariyeri söhü nga marahara tarapari paderei ma marahara tamoni farüye ma lei tanahori Farau lada ra welifängääni ma urutael sawori council bwa labwe dölü fängääni mena labwe faülü. Lada höhöya Hesus lada hadaraho iyolori Pilato. 2Pilato eda hadiya Hesus bwa, “Heer mena yael lei Yudea king?”
Hesus eda parüyeri na ramar eda dölü bwa, “Heer re ho dölü mena.”
3Marahara tamorul paderei lada hataleyasiri Hesus ifiri pipiyeri faülümire. 4Pilato eda bwara hadiya bwa, “E tawol ramamu na hobwe dölü? Habaühüni-mo hataleyasi ha la dölü hataingehimu!”
5Nga dari na Hesus e tawola na e dölü, e lüdü dewa Pilato.
Hesus Hataingehir Maade
(Mateus 27.15-26; Lukas 23.13-25; Yohanes 18.39—19.16)
6Uruteri lani Paskua nga Pilato e haye hatiwawau demarü lei karabuse ra yalemat la tiwereya. 7Ifiri mena nga e mire demarü mwaare ra iitar Barabas räni karabuse bwa e faiini yalemat ifiri dewo habuhobuho. 8Ttouul yalematahara lada raho lada tingalowa Pilato bwa ebwe hatalawau demarü lei karabuse eda weya-mo e faduri haye faülü. 9Pilato eda hadiyael bwa, “Hau masari na ibwe hatalawau iyolomi yael lei Yudea King?” 10Pilato e hüra bwa marahara tamorul paderei la hadaraho Hesus iyolor bwanasahü na la raroitiye.
11Marahara tamorul paderei lada faülüül ttouul yalemat hara bwa labwe tingalowa Pilato bwa ebwe hatalawau Barabas. 12Pilato eda bwara hadiyael marahara la ttowu bwa, “Meta na hau masari bwa ibwe faülüngeri yalemataye hau dölü bwa iiye yael lei Yudea King?”
13Lada kabwat nga la dölü bwa, “Siforungeri kurus!”
14Pilato eda hadiyael bwa, “Tammaü meta ra e faülü?”
Nga lada kabwat nga la hakalofa ramael lada dölü bwa, “Siforungeri kurus!”
15Nga Pilato e masari söhü bwa ebwe hamahowa tipael ttouul yalemat hara eda hatiwawau Barabas. Eda itewau ramar bwa saradau labwe wautu Hesus nga la hädi lada raho siforungeri kurus.
Saradau la halofalofa Hesus
(Mateus 27.27-31; Yohanes 19.2-3)
16Marahara saradau lada hädi Hesus lada hädirango räni iimweri kafernor lada fadöngü fängäniil urutael saradau. 17Lada haüffoüfa ngari Hesus üff losasa lada file maler kangisir lada itetahe uwawori simwar. 18La ssimangari nga la haüye bwa, “Ebwe kamese fadamu, heer yael lei Yudea King!” 19Nga la akka ilaye lada wautu ngara simwar, nga la sanihutufa lada hadobuhuyetiwo imowar nga la haparüye. 20E bwängi dewa yael halofalofa lada bwaidi üffara e losasa lada haüffoüf ngari we e üffar. Lada hafatarawau bwa larau raho siforungeri kurus.
Hesus e Siforuyehi Ifiri Kurus
(Mateus 27.32-44; Lukas 23.26-43; Yohanes 19.17-27)
21Ifiri mena la fatare raho nga la welifängääni ma demarü mwaare iitar Simon, ra e fatare rango räni wotawot, lada tingingeri bwa ebwe yafala yaari Hesus kurus. (Simon sawori Sirene nga iiye tamari Alexander ma Rufus.) 22Lada hadaraho Hesus burukara iitar Kolkoda, nifaari mere ra, “Räniyeri Siri Faduhu.” 23Lada haneya bino ra la toraringeri yalöngü ra iitar mir, nga Hesus e tamasari urumi. 24Lada hädi Hesus lada siforungeri kurus lada hädi üffar lada hamatara uworuul ifiri yael peipeiri dice bwa labwe hamatara patari üff nipatael. 25Mere tiwou klok nimariyeri ifiri mena Hesus e siforuyehi ifiri kurus. 26Nga mena hannahahiri hataleyasir ra e farüüyehi ra e dölü bwa, “Yael lei Yudea king.” 27Nga eda para liyemaru lei pilaf na la siforungeriil kurus, demarü e mire layera hurumalari Hesus nga demarü e mire layera hurusehin. [28Mere e faülüyehi bwa tödü-mo e dölü Farüförü Liya bwa, “E mire reni hahoyahoyael lei tammaü.”]
29Marahara la fataretoho burukara la hasimwesimwaraho lada tapa delaye Hesus nga la dölü bwa, “Ho dölü bwa hobwe hamaharatiwo Templo hoda haddütafariya retiperi dörülari! 30Taütiwo ma ifiri kurus, hoda haruwe demarüho!”
31Marahara tamorul paderei ma lei tanahori Farau nga e hafeiye na yael halofalofa Hesus nga la dölü bwa, “E süye bwa ebwe haruul palüül yalemat, nga e tasüye bwa ebwe haruwe demarüye! 32Dibwe habaühü mere Mesias yael sawori Israel king taütiwo ma ifiri kurus bwa dibwe hatödüye!”
Ma marahawe liyemaru we la siforuyehi ifiri kurus nga la tironühüye Hesus.
Maderi Hesus
(Mateus 27.45-56; Lukas 23.44-49; Yohanes 19.28-30)
33Ifiri rösöüsöü touyet nga eda losopödüraho uruteri farüye ifiri dörüwe sikang. 34Ifiri dörüwe klok rahori yaaro nga Hesus eda hakalofa ramar nga e dölü bwa, “Eloi, Eloi, lema sabacthani?” nifaari mere ra, “Yai Dios, yai Dios, meta hoda peitiyei raho?”
35Palüül ma uworuul yalemat hara la ddü ihira na lada dölü bwa, “Hau hadutering bwa e fadöngü Elias!” 36Demarü ma uworuul eda heitahe nga e ekka falewa eda hädi eda sili räni bino ra e happar parüyen eda toungara tabori ilaye eda touwatahe ifiri yaari Hesus titiro nga e dölü bwa, “Hau weti bwa dibwe habaühü hale Elias ebwe bwitoho eda hatautiwowa ma ifiri kurus!”
37Hesus eda kabwat eda itiwou yara ngad.
38Nga kateng ara e mire reni Templo eda feingehi ifiri mena tabor ma wenengi eda itiwou ma ifiri meser eda liyefao ma irang. 39Nga tamoni saradau ra e ddü taraengara kurus, ifiri mena e käkäne faülüri maderi Hesus eda dölü bwa, “Mwaarer hatödüri rauri Dios!”
40Nga e wol palüül faifire ra la ddü nitaaw la habaühü Hesus. E mire uworuul Maria Magdalena ma Maria dini James ra e riweisi ma Hosei, ma Salome. 41Marahar ra la faduri pülüye nga la tapangi fatareya Hesus ifiri-mo e mire Kalilea. Nga lada bwara pipiya ma uworuul faifire hara, marahawe la pülüye toho ma Yerusalem.
Ribweribweri Hesus
(Mateus 27.57-61; Lukas 23.50-56; Yohanes 19.38-42)
42-43Erau nifahafitoho nga Hosei sawori Arimatea eda bwitoho. Mwaarer demarü sawori Council yalemat la haparüye, nga iiye e mireri weti bwitohori farüyeri Dios. Nga lanera lani hawerewere (delari imowari Sabbat), nga Hosei e ppou tipar eda raho iyolori Pilato eda tingalo podüri Hesus. 44Pilato e lüdü ifiri mena e longolongo bwa Hesus e mori made. Eda fadöngü mwana tamoni saradau eda hadiya hale eda mori miriyarai yara made Hesus. 45Werimwiliri mena tamoni saradau e tabongari mena nga Pilato eda ngütaheya bwa Hosei ebwe ra hädi podüri Hesus. 46Hosei e parüyeri patari üffe bwesebwes, eda itetiwo podüri Hesus eda tühütühüye räni üffara, eda itenango räni dewo ribwe ra la keringarango ma retiperi polou. Eda hädi dewo tarapari födü eda hatapörüngeri matari ribwe ra. 47Nga Maria Magdalena ma Maria dini Hosei la habaühü burukara la itenango podüri Hesus irang.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.