Markus 16
16
Fadatafariri Hesus ma Ifiri Made
(Mateus 28.1-8; Lukas 24.1-12; Yohanes 20.1-10)
1Werimwiliri Sabbat, nga Maria Magdalena ma Maria we dini James, ma Salome la raho parüyeri taof ra labwe ra taofingeri podüri Hesus. 2Nimatariyeni lani sänne ifiri tahaseri yaaro nga la raho wori peiye. 3-4Ifiri mena la süyeri paparaho nga lada haddiye fängääni hale, “Itöü ebwe hatapörü delaye faduwe e mire matari hatamari peiya hataingehis?” (E tarapari födü.) Nga lada taraeraho lada käkäne bwa faduwe ra eda mori mahütü delaye. 5Lada itirango räni ribwara lada käkäne demarü happala mwaare e maato layera hurumala nga e üffoüf üffa pwes, lada matahü.
6Nga happala mwana eda haüül bwa, “Hau tawai matahü. I hüra bwa hau kupeti Hesus eri Nasaret we la siforungeri kurus. Eda mori simwatahe ma ifiri made; e taimire iha. Bwito haubwe habaühü burukawe e woro podür irang. 7Hau fatare hauda ra tabongariil marahara lei tabwer nga hau tabongari Petrus bwa, ‘Hesus ra ebwe uhoraho Kalilea ma imowami, nga haubwe ra käkäne ma ihirar ebwe weya sahü-mo e hauhemi.’ ”
8Faifire hara lada heiwou ma räni ribwa nga la hatangil bwa la mwari nga la lemoureri matahü. E tawol yalemat na la titiro ngari bwa e tarapar dewa yael matahü.
Dewo Habwangibwengiri Titiro Maho Yaari Markus
Hesus e Hirengari Maria Magdalena
(Mateus 28.9-10; Yohanes 20.11-18)
[9Werimwiliri simwataheri Hesus ma ifiri made nimatariyeni lani sänne nga matamowari yalematara e hirengari ra Maria Magdalena. Faifirer mo Hesus e harewawau fidimoru yarüdü tammaü ma retipar. 10Faifirer eda raho eda hahüraringeriil marahara lei tabweri Hesus bwa iile we la hasaüborü; 11nga ifiri mena la longolongo bwa Hesus e mori fadatafaari nga iiye e mori käkäne, la tai ra hatödüya-mo.
Hesus e Hirengariil Liyemaru Lei Tabwer
(Lukas 24.13-35)
12Werimwiliri mere nga Hesus eda hirengariil liyemaru lei tabwer ifiri yael fatare ma . Yaar hirengariil maraha liyemaru e mouduraho faülür. 13Lada wehitafaari lada fiyango ngariil marahara palüül nga la tai hatödül.
Hesus e Hirengariil Marahara Deih ma Demarü
(Mateus 28.16-20; Lukas 24.36-49; Yohanes 20.19-23; Acts 1.6-8)
14Werimwilir dewa nga Hesus eda hirengariil marahara deih ma demarü lei tabwer ifiri yael mwangaü. Eda yasingeriil bwa e tawol yael hatödü nga eda bwara püüngü tipael lada tai hatödül marahawe la käkäne bwa eda mori fadatafaari ma ifiri made. 15Hesus eda haüül bwa, “Haubwe raho uwawori uruteri farüyeri yalemat hauda hori kaü Titiro Maho iyoloil urutael yalemat. 16Yalematahara ebwe wola yael hatödü lada hatütü ra labwe rru. Nga yalematahara e tawol yael hatödü ra labwe hafaiyebwiteli. 17Marahara e wol yael hatödü ra ebwe wola ppoul labwe faülü kamarari yarüdü: la bwe hora iitei lada harewarewawau yarüdü tammaü; labwe titiro la hori palüül raam ra la tai faduri hae hori; 18weya me labwe dubuli rabuto hale la ürü dupe nga e tawai hamatahil; iile ra labwe itetahe paüül uwawoil lei hamatahi nga larau mahoraho.”
Bwitaheri Hesus Weirengi
(Lukas 24.50-53; Acts 1.9-11)
19Werimwiliri mena e uwolongolongo ngariil nga Hesus eda bwita weirengi eda maato ifiri hurumalari Dios. 20Nga marahara lei tabwer lada raho wori uruteri farüye lada kaüül, nga Tamoru e tapangil nga e hori kamarari yarüdü eda happou bwa hatödü marahara yael kaü.]
Para Dewo Habwangibwengiri Yaari Markus Titiro Maho
[9 Yahara faifire lada raho iyolori Petrus ma marahara weribwidir lada haüül uruteri ramahara yalemat la haüül. 10 Werimwiliri mere nga Hesus eda hatalilaraho marahara lei tabwer bwa labwe hasaworaparaho raam liya ra nifaari haruru tawol haühür.]
ទើបបានជ្រើសរើសហើយ៖
Markus 16: SOV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.
Markus 16
16
Fadatafariri Hesus ma Ifiri Made
(Mateus 28.1-8; Lukas 24.1-12; Yohanes 20.1-10)
1Werimwiliri Sabbat, nga Maria Magdalena ma Maria we dini James, ma Salome la raho parüyeri taof ra labwe ra taofingeri podüri Hesus. 2Nimatariyeni lani sänne ifiri tahaseri yaaro nga la raho wori peiye. 3-4Ifiri mena la süyeri paparaho nga lada haddiye fängääni hale, “Itöü ebwe hatapörü delaye faduwe e mire matari hatamari peiya hataingehis?” (E tarapari födü.) Nga lada taraeraho lada käkäne bwa faduwe ra eda mori mahütü delaye. 5Lada itirango räni ribwara lada käkäne demarü happala mwaare e maato layera hurumala nga e üffoüf üffa pwes, lada matahü.
6Nga happala mwana eda haüül bwa, “Hau tawai matahü. I hüra bwa hau kupeti Hesus eri Nasaret we la siforungeri kurus. Eda mori simwatahe ma ifiri made; e taimire iha. Bwito haubwe habaühü burukawe e woro podür irang. 7Hau fatare hauda ra tabongariil marahara lei tabwer nga hau tabongari Petrus bwa, ‘Hesus ra ebwe uhoraho Kalilea ma imowami, nga haubwe ra käkäne ma ihirar ebwe weya sahü-mo e hauhemi.’ ”
8Faifire hara lada heiwou ma räni ribwa nga la hatangil bwa la mwari nga la lemoureri matahü. E tawol yalemat na la titiro ngari bwa e tarapar dewa yael matahü.
Dewo Habwangibwengiri Titiro Maho Yaari Markus
Hesus e Hirengari Maria Magdalena
(Mateus 28.9-10; Yohanes 20.11-18)
[9Werimwiliri simwataheri Hesus ma ifiri made nimatariyeni lani sänne nga matamowari yalematara e hirengari ra Maria Magdalena. Faifirer mo Hesus e harewawau fidimoru yarüdü tammaü ma retipar. 10Faifirer eda raho eda hahüraringeriil marahara lei tabweri Hesus bwa iile we la hasaüborü; 11nga ifiri mena la longolongo bwa Hesus e mori fadatafaari nga iiye e mori käkäne, la tai ra hatödüya-mo.
Hesus e Hirengariil Liyemaru Lei Tabwer
(Lukas 24.13-35)
12Werimwiliri mere nga Hesus eda hirengariil liyemaru lei tabwer ifiri yael fatare ma . Yaar hirengariil maraha liyemaru e mouduraho faülür. 13Lada wehitafaari lada fiyango ngariil marahara palüül nga la tai hatödül.
Hesus e Hirengariil Marahara Deih ma Demarü
(Mateus 28.16-20; Lukas 24.36-49; Yohanes 20.19-23; Acts 1.6-8)
14Werimwilir dewa nga Hesus eda hirengariil marahara deih ma demarü lei tabwer ifiri yael mwangaü. Eda yasingeriil bwa e tawol yael hatödü nga eda bwara püüngü tipael lada tai hatödül marahawe la käkäne bwa eda mori fadatafaari ma ifiri made. 15Hesus eda haüül bwa, “Haubwe raho uwawori uruteri farüyeri yalemat hauda hori kaü Titiro Maho iyoloil urutael yalemat. 16Yalematahara ebwe wola yael hatödü lada hatütü ra labwe rru. Nga yalematahara e tawol yael hatödü ra labwe hafaiyebwiteli. 17Marahara e wol yael hatödü ra ebwe wola ppoul labwe faülü kamarari yarüdü: la bwe hora iitei lada harewarewawau yarüdü tammaü; labwe titiro la hori palüül raam ra la tai faduri hae hori; 18weya me labwe dubuli rabuto hale la ürü dupe nga e tawai hamatahil; iile ra labwe itetahe paüül uwawoil lei hamatahi nga larau mahoraho.”
Bwitaheri Hesus Weirengi
(Lukas 24.50-53; Acts 1.9-11)
19Werimwiliri mena e uwolongolongo ngariil nga Hesus eda bwita weirengi eda maato ifiri hurumalari Dios. 20Nga marahara lei tabwer lada raho wori uruteri farüye lada kaüül, nga Tamoru e tapangil nga e hori kamarari yarüdü eda happou bwa hatödü marahara yael kaü.]
Para Dewo Habwangibwengiri Yaari Markus Titiro Maho
[9 Yahara faifire lada raho iyolori Petrus ma marahara weribwidir lada haüül uruteri ramahara yalemat la haüül. 10 Werimwiliri mere nga Hesus eda hatalilaraho marahara lei tabwer bwa labwe hasaworaparaho raam liya ra nifaari haruru tawol haühür.]
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.