Markus 11
11
Bwirangori Hesus Yerusalem
(Mateus 21.1-11; Lukas 19.28-40; Yohanes 12.12-19)
1Ifiri mena lada halepangari Yerusalem idelaye wotawotara Betfage ma Betania nga lada raho uwori duhuri Olibet. Hesus e hatalilaraho liyemaru lei tabwer bwa labwe uhorango 2nga e haüül bwa: “Hau bwirango räni wotawotara e mire sahü imowami. Ifiri mena haubwe bwirango nga haubwe weli demarü rauri donkey ra e yawo ra e tösü wola yalemat e tahe. Hau da bwaidi höhör hauda häditoho ihar. 3Nga sahü nga e wol yalemat e hadiyahami hale haubwe feita, hauda dölü bwa Tamoru ebwe hori eda hawehitafariye.”
4Lada raho lada weli demarü donkey räni yaar ra e höhöyahi ifiri hatamari dewo iimwe. Nga ifiri mena la bwaidi mena höhör, 5nga palüül yalematara la fatare ihira lada hadiyael bwa, “Meta hau faülü, ra hauda bwaidi höhöri donkey ra?”
6Lada parüyeri ramael eda weya sahü-mo Hesus e tabongariil, nga yalemat hara lada rihitil lada süye. 7Lada hadaraho donkey ra iyolori Hesus, lada hädini üffenühüri üffael lada peitatahe uwawori marura, Hesus eda taütahe uwawor. 8Pipiyael yalemat la falahiri üffenühüri üffael räni yaar, nga palüül la dopi laari siriheti lada falahiratiwo räni yaar. 9Yalematahara la itiri imowa ma marahara la itiri imwili lada kabwat nga la dölü bwa, “Yatahe ebwe raho ifiri Dios! Dios ebwe hafaiyemauye yalematara ebwe bwitoho nga e hädi iiteri Dios! 10Dios ebwe hafaiyemauye bwitohori farüyeri King Dabid ra tamas! Yatahe ebwe raho ifiri Dios!”
11Hesus e raho eda bwirango Yerusalem eda itirango räni Templo eda taraefatare eda habaühüni uruteri faülümire. Nga bwanasahü bwa eda mori raho yaaro, lada süye iiye ma marahara deih ma liyemaru lei tabwer lada raho Betania.
Hesus e Hafaiyebwiteliye Sirihetira Fig
(Mateus 21.18-19)
12Waraduri mena ifiri na la wehitafaari ma Betania nga Hesus e mori ddung. 13Eda käkäne ma nitaawa dahaye sirihetira fig nga e souraho ifiri saür, eda paraho ebwe habaühü hale ebwe e weli uwaar ma usur. Nga ifiri mena eda raho idelaye sirihetira nga eda weli bwa e tawol uwaar bwa hara saüra sahü, bwa e tai yatori me ebwe uwa siriheti ha fig. 14Hesus eda haüye sirihetira fig bwa, “E tawol re ebwe para hangi uwari fig ma usuri sirihetir!”
Nga marahara lei tabwer la longolongo mena e dölü.
Hesus E raho Räni Templo
(Mateus 21.12-17; Lukas 19.45-48; Yohanes 2.13-22)
15Nga ifiri mena lada bwirango Yerusalem, Hesus eda bwirango räni Templo nga eda hapurotahe yaar harewaelawau urutael sawori siobai ma marahara la parüyeri faülümire ma räni Templo. E hasaparaho yael lei haduweni mwanne tebwar ma räniyeri maatoil marahara la hori parüyeri hiyoope, 16nga e hatabu dewa bwa e tawol yalemat ebwe ekkarango hapitehi räni hosawosari Templo. 17Iiye eda kaüül yalemat bwa, “E farüüyehi räni Farüförü Liya bwa Dios e dölü bwa, ‘Yai Templo ra labwe fadöngü bwa yael urutael sawori farüyei yalemat iimweri sipesip.’ Nga hami hauda mori faülü bwa räniyeri lei pilaf!”
18Marahara tamorul paderei ma lei tanahori Farau lada longolongo mere lada hapurotahe yael kupeti yarari faiiniri Hesus. Nga la matahü bwanasahü na pipiyael yalemat la lüdüyehiri dewa yaar kaü.
19Nga eda nifahafito Hesus ma marahara lei tabwer lada süye lada rihiti Yerusalem.
Kaü ma Ifiri Sirihetira Fig
(Mateus 21.20-22)
20Nimatariyeni waradur ifiri mena la fafatare lada käkäne sirihetira fig, nga e mori bwatabwat ma ifiri mena diyobor eda bwitiwo ifiri walahar. 21Petrus eda mangitafariya-mo e faülüyehi eda haüye Hesus bwa, “Habauha-mo, tanaho, siriheti we fig we ho hafaiyebwiteliye ra e mori made!”
22Hesus eda haüül bwa, “Haubwe hatödüye Dios. 23Ibwe hau dewahami bwa yalematara ebwe haüye duhuur bwa ebwe hamahütü eda peiti demarüyawau retteti, nga e tai taharühürüh ma faringörüngön, bwa e hatödüye bwa mena e dölü, ebwe faülüyehi, ra hatödü bwa ebwe faülüyehi. 24Mere sapiri mena ida hauhemi, bwa mena haubwe sipesipe hauda tingalo faülümire, haubwe hatödüye bwa hau mori hedi, nga hami ra haubwe hädi mena yami tingalo. 25Nga ifiri mena haubwe düütahe hauda sipesip, hauda peitaraho tammaüül yalemat hara la hatawadiye tipemi, bwa Tamami ra e mire weirengi ebwe peitaraho tammaümi.” 26[Nga sahü nga hau tai peitaraho tammaüül palüül, Tamami ra e mire weirengi e tawai peitaraho tammaümi.]
Haddiye Hataingehiri Ppouri Hesus
(Mateus 21.23-27; Lukas 20.1-8)
27Lada para wehiraho Yerusalem. Ifiri mena Hesus e fafatare räni Templo, nga marahara tamoni paderei ma lei tanahori Farau ma marahara tamoni farüye, lada bwitoho iyolor 28lada hadiya bwa, “Meta ppoumu hoda faülüüni marahar? Itöü e hariho ppou bwa hobwe faülüüni marahar?”
29Hesus e parüyeri ramael eda dölü bwa, “Ibwe hadiyahami dewo raam; nga sahü nga e süye bwa haubwe parüyeri, ira nga ida hauhemi meta ppoui ida faülüüni marahar. 30Hauyei-mo, hale e bwito ma iya ppouri Yohanes eda hatütüül yalemat: Dios hale yalemat?”
31Lada hangingi fängääni lada dölü bwa, “Meta dibwe dölü? Nga sahü nga di parüyeri dida dölü bwa, ‘E bwitoho ma ifiri Dios’, nga iiye erau dölü bwa, ‘Nga meta sapir hauda tai hatödüya Yohanes?’ 32Nga sahü nga dida dölü bwa, ‘E bwitoho ma ifiri yalemat...’ ” (La matahüül yalemat, bwanasahü na urutael yalemat la hatödüye bwa Yohanes demarü profeta.) 33Lada parüyeri na ramari Hesus lada dölü bwa, “Hai tahüra.”
Hesus eda haüül bwa, “Ira ngaangu-mo nga i tawai hauhemi hale e bwitoho ma iya ppoui ida faülüüni marahar.”
ទើបបានជ្រើសរើសហើយ៖
Markus 11: SOV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.
Markus 11
11
Bwirangori Hesus Yerusalem
(Mateus 21.1-11; Lukas 19.28-40; Yohanes 12.12-19)
1Ifiri mena lada halepangari Yerusalem idelaye wotawotara Betfage ma Betania nga lada raho uwori duhuri Olibet. Hesus e hatalilaraho liyemaru lei tabwer bwa labwe uhorango 2nga e haüül bwa: “Hau bwirango räni wotawotara e mire sahü imowami. Ifiri mena haubwe bwirango nga haubwe weli demarü rauri donkey ra e yawo ra e tösü wola yalemat e tahe. Hau da bwaidi höhör hauda häditoho ihar. 3Nga sahü nga e wol yalemat e hadiyahami hale haubwe feita, hauda dölü bwa Tamoru ebwe hori eda hawehitafariye.”
4Lada raho lada weli demarü donkey räni yaar ra e höhöyahi ifiri hatamari dewo iimwe. Nga ifiri mena la bwaidi mena höhör, 5nga palüül yalematara la fatare ihira lada hadiyael bwa, “Meta hau faülü, ra hauda bwaidi höhöri donkey ra?”
6Lada parüyeri ramael eda weya sahü-mo Hesus e tabongariil, nga yalemat hara lada rihitil lada süye. 7Lada hadaraho donkey ra iyolori Hesus, lada hädini üffenühüri üffael lada peitatahe uwawori marura, Hesus eda taütahe uwawor. 8Pipiyael yalemat la falahiri üffenühüri üffael räni yaar, nga palüül la dopi laari siriheti lada falahiratiwo räni yaar. 9Yalematahara la itiri imowa ma marahara la itiri imwili lada kabwat nga la dölü bwa, “Yatahe ebwe raho ifiri Dios! Dios ebwe hafaiyemauye yalematara ebwe bwitoho nga e hädi iiteri Dios! 10Dios ebwe hafaiyemauye bwitohori farüyeri King Dabid ra tamas! Yatahe ebwe raho ifiri Dios!”
11Hesus e raho eda bwirango Yerusalem eda itirango räni Templo eda taraefatare eda habaühüni uruteri faülümire. Nga bwanasahü bwa eda mori raho yaaro, lada süye iiye ma marahara deih ma liyemaru lei tabwer lada raho Betania.
Hesus e Hafaiyebwiteliye Sirihetira Fig
(Mateus 21.18-19)
12Waraduri mena ifiri na la wehitafaari ma Betania nga Hesus e mori ddung. 13Eda käkäne ma nitaawa dahaye sirihetira fig nga e souraho ifiri saür, eda paraho ebwe habaühü hale ebwe e weli uwaar ma usur. Nga ifiri mena eda raho idelaye sirihetira nga eda weli bwa e tawol uwaar bwa hara saüra sahü, bwa e tai yatori me ebwe uwa siriheti ha fig. 14Hesus eda haüye sirihetira fig bwa, “E tawol re ebwe para hangi uwari fig ma usuri sirihetir!”
Nga marahara lei tabwer la longolongo mena e dölü.
Hesus E raho Räni Templo
(Mateus 21.12-17; Lukas 19.45-48; Yohanes 2.13-22)
15Nga ifiri mena lada bwirango Yerusalem, Hesus eda bwirango räni Templo nga eda hapurotahe yaar harewaelawau urutael sawori siobai ma marahara la parüyeri faülümire ma räni Templo. E hasaparaho yael lei haduweni mwanne tebwar ma räniyeri maatoil marahara la hori parüyeri hiyoope, 16nga e hatabu dewa bwa e tawol yalemat ebwe ekkarango hapitehi räni hosawosari Templo. 17Iiye eda kaüül yalemat bwa, “E farüüyehi räni Farüförü Liya bwa Dios e dölü bwa, ‘Yai Templo ra labwe fadöngü bwa yael urutael sawori farüyei yalemat iimweri sipesip.’ Nga hami hauda mori faülü bwa räniyeri lei pilaf!”
18Marahara tamorul paderei ma lei tanahori Farau lada longolongo mere lada hapurotahe yael kupeti yarari faiiniri Hesus. Nga la matahü bwanasahü na pipiyael yalemat la lüdüyehiri dewa yaar kaü.
19Nga eda nifahafito Hesus ma marahara lei tabwer lada süye lada rihiti Yerusalem.
Kaü ma Ifiri Sirihetira Fig
(Mateus 21.20-22)
20Nimatariyeni waradur ifiri mena la fafatare lada käkäne sirihetira fig, nga e mori bwatabwat ma ifiri mena diyobor eda bwitiwo ifiri walahar. 21Petrus eda mangitafariya-mo e faülüyehi eda haüye Hesus bwa, “Habauha-mo, tanaho, siriheti we fig we ho hafaiyebwiteliye ra e mori made!”
22Hesus eda haüül bwa, “Haubwe hatödüye Dios. 23Ibwe hau dewahami bwa yalematara ebwe haüye duhuur bwa ebwe hamahütü eda peiti demarüyawau retteti, nga e tai taharühürüh ma faringörüngön, bwa e hatödüye bwa mena e dölü, ebwe faülüyehi, ra hatödü bwa ebwe faülüyehi. 24Mere sapiri mena ida hauhemi, bwa mena haubwe sipesipe hauda tingalo faülümire, haubwe hatödüye bwa hau mori hedi, nga hami ra haubwe hädi mena yami tingalo. 25Nga ifiri mena haubwe düütahe hauda sipesip, hauda peitaraho tammaüül yalemat hara la hatawadiye tipemi, bwa Tamami ra e mire weirengi ebwe peitaraho tammaümi.” 26[Nga sahü nga hau tai peitaraho tammaüül palüül, Tamami ra e mire weirengi e tawai peitaraho tammaümi.]
Haddiye Hataingehiri Ppouri Hesus
(Mateus 21.23-27; Lukas 20.1-8)
27Lada para wehiraho Yerusalem. Ifiri mena Hesus e fafatare räni Templo, nga marahara tamoni paderei ma lei tanahori Farau ma marahara tamoni farüye, lada bwitoho iyolor 28lada hadiya bwa, “Meta ppoumu hoda faülüüni marahar? Itöü e hariho ppou bwa hobwe faülüüni marahar?”
29Hesus e parüyeri ramael eda dölü bwa, “Ibwe hadiyahami dewo raam; nga sahü nga e süye bwa haubwe parüyeri, ira nga ida hauhemi meta ppoui ida faülüüni marahar. 30Hauyei-mo, hale e bwito ma iya ppouri Yohanes eda hatütüül yalemat: Dios hale yalemat?”
31Lada hangingi fängääni lada dölü bwa, “Meta dibwe dölü? Nga sahü nga di parüyeri dida dölü bwa, ‘E bwitoho ma ifiri Dios’, nga iiye erau dölü bwa, ‘Nga meta sapir hauda tai hatödüya Yohanes?’ 32Nga sahü nga dida dölü bwa, ‘E bwitoho ma ifiri yalemat...’ ” (La matahüül yalemat, bwanasahü na urutael yalemat la hatödüye bwa Yohanes demarü profeta.) 33Lada parüyeri na ramari Hesus lada dölü bwa, “Hai tahüra.”
Hesus eda haüül bwa, “Ira ngaangu-mo nga i tawai hauhemi hale e bwitoho ma iya ppoui ida faülüüni marahar.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.