Markus 12
12
Fiyangori Lei Fitehiri Räni Maatari Bino
(Mateus 21.33-46; Lukas 20.9-19)
1Hesus eda titiro ngariil nga e horini palüül fiyango, “E wol demarü mwaare, e fato bino räni maatar eda rutuw tahuniya, nga e kkeri räniyeri wonguwonguri bino irang, nga e haddüyatahe iimweri lei matarahiri na maatar. Eda hariil palüül yalemat mena maatar, iiye eda süya eda raho wori para dewo farüye. 2Nga eda yatori hini uwari bino, nga mwana eda haküröuye yaar lei haküröü, bwa ebwe raho iyoloil marahara la rent mena maatar eda hädi grape hara hataingehir. 3Marahara la mire räni mena maatar lada dubuli mwana lei haküröü lada wautu hapwaliye lada hawehitafariye nga e tawol na e hädi. 4Mwaare we maatar mena eda para fangaraho para demarü lei yaar haküröü; marahara la mire räni mena maatar lada wautu simwar nga la hamamari. 5Mwana maatara mena eda para fangaraho para demarü lei yaar haküröü, nga marahara la mire räni mena maatar lada hädi lada riiye madeya; nga eda para wola palüül ra mwana e fangaelaraho nga la wautuul nga palüül la riile lada made. 6Hara mwana raur ra e wahawahahiri dewa na eda miretiwo. Ifiri mere nga eda haküröüye mwana raur bwa ebwe raho räni mena maatar nga e dölü bwa, ‘I hüra bwa labwe haparüye mwaare rai.’ 7Nga dari na marahara la mire räni mena maatar la dölü fängääni bwa, ‘Mwaarer rauri mwaarewe maatar mere. Hau bwitoho bwa dibwe riiye dida hädi hapitehir bwa yas!’ 8Lada dubuli mwana raurou lada riiye lada hädi ra podür lada peitawau maürühüri maatara.”
9Hesus eda hadiyael bwa, “Meta na mwana maatar mena ebwe faülü? Erau bwitoho eda riile marahara la mire räni mena maatar, eda para harile palüül yalemat bwa labwe mire räni mena maatar. 10Hami hau tösü habaühü-mo mena e farüüyehi räni Farüförü ra e Liya ra e dölü bwa,
‘Fadura lei haddüri iimwe la peitaraho bwa e tawol nifaar
ebwe nnahawau bwa e tarapar dewa nifaar.
11Tamoru re e faülü bwa ebwe haitina;
e hamatahütöhü dewa mahori yas habaühü!’ ”
12Marahara tamorul lei Yudea lada kkup yarari na labwe dubuli Hesus, bwa la hüra bwa fiyangoor ra e tapa tammaüül. Nga dari na la matahüül ttouul yalemat, lada rihiti lada süye.
Haddiye Hataingehiri Parüyeni Tax
(Mateus 22.15-22; Lukas 20.20-26)
13La hatalilaraho palüül Farisi ma marahara uweri Herodes bwa labwe raho iyolori Hesus bwa labwe hadiya palüül faülümire bwa labwe tafisiye. 14La raho iyolor lada dölü bwa, “Tanaho, hai hüraho bwa ho tapa hatödü titiro, nga ho tai fangiyengi hale meta yael yalemat mangimengi. Ho tai hamahowa faülüül yalemat, bwa ho fäli hori kaü titiro hatödü ra Dios e masariye bwa ebwe faülüyehi iyoloil yalemat. Hauhamami-mo hale e maho sahü na dibwe parüyeri tax eda raho iyolori Emperor ari Roma? Dibwe parüyeri hale naweri?”
15Nga Hesus e hüra na tirobwatael eda parüyeri mena ramael eda dölü bwa, “Meta sapir hauda pangi haubwe tafisiyei? Hau hadatoho döpöü mwanne ra silver bwa ibwe habaühü.”
16Lada hariye döpöü mwanne eda hadiyael bwa, “Yaüngeri itöü nga iiteri itöü maraha?”
Lada dölü bwa, “Emperor ari Roma.”
17Hesus eda dölü bwa, “Ira hau hariye Emperor hapitehiri Emperor, nga hau hariye Dios hau hariye Dios.”
La lüdüyehiri dewa Hesus.
Haddiye Hataingehiri Simwatahe ma Ifiri Made
(Mateus 22.23-33; Lukas 20.27-40)
18Palüül Sadiusi ra la dölü bwa tawau süya bwa yalemat labwe fadatafaari ma ifiri made, la bwitoho iyolori Hesus lada dölü bwa, 19“Tanaho, Moses e farüye farau hataingehis ra e dölü bwa: ‘Nga sahü nga demarü mwaare e made nga e rihitatiwo liir nga e tawol rauul, ira nga mwana bwidir ebwe liiri faifina bwa ebwe wol rauul, nga riweisihara ra labwe rauri mwana e made.’ 20E wol fidimoru lei bwidibwidi; mwana mowanödü eda liili nga e made nga e tawola-mo wonour. 21Mwana haliyemaru eda liiri faifina eda para made nga e tawol rauul. Para mena sahü na e faülüyehi ifiri mwana hadörümörü, 22mena sahü mena e faülüyehi ma urutael dewo bwidibwidi. Iile ma la fidimoru nga la liiri söhü faifina nga e tawola-mo rauul. Haühühür dewa nga eda made faifina. 23Ke meihira, ifiri mena lei made labwe simwatahe ma ifiri made lanera lani fadatafaari, nga itöü ma uworuul mwaare hara na ebwe liiri faifina? Iile ma fidimörü nga la mori liiri faifina.”
24Hesus eda parüyeri mena ramael eda dölü, “Haü taweli dewa! Haü hüra meta sapir? Bwanasahü mena haü tahüra mena e mire räni Farüförü Liya, nga haü tahüra ppouri Dios. 25Ifiri mena lei made labwe simwatahe ma ifiri made, nga larau weya anghelari weirengi nga la tai liili. 26Nga meihira, dibwe tapa mena simwataheil lei made: haü tösü habaühü-mo morowe e farüüyehi räni pepari Moses we e dölü titiini siriheti ra e iimwahawa? E farüüyehi bwa Dios e haüye Moses bwa, ‘Ngaangu yaari Abraham Dios ma yaari Isak Dios ma yaari Yakob Dios.’ 27Iiye yael lei fad Dios, tai yael lei made. Haü taweli dewa!”
Farau ra e Taitei Dewa
(Mateus 22.34-40; Lukas 10.25-28)
28Demarü tanahori Farau e hadutering yael hangingi fängääni. E habaühü nga e maho dewa ramari Hesus ifiri yaar parüyeri ramael marahara Sadiusi, eda raho iyolor eda hadiya bwa, “Faraü meta na e tarapar dewa nifaar ma uwoni uruteri faraü?”
29Hesus eda parüyeri mena ramar eda dölü bwa, “Faraü ra e tarapar dewa nifaar ra mere: ‘Hobwe hadutering, Israel! Tamoru yas Dios dai demarü Dios. 30Hobwe hamamaüye Tamorü yaamu Dios ifiri urute tipomu, ma fadamu ma urutar, ma uruteri yaamu mangimengi ma uruteri ppoumu.’ 31Haluwouweri farau ra e taitei dewa ra: ‘Hobwe hamamaüül palüül yalemat eda weya yaamu hamamaüya podumu.’ E tawol para palüül faraü ra ebwe para taitei ma imowari maraha luwou.”
32Nga mwana lei tanahori Faraü eda haüye Hesus bwa, “E maho dewa, Tanaho! E hatödü na ho dölü bwa dai demarü Tamoru na Dios, e tawol para demarü dios ma idelaye. 33Nga hapaüpöüri me hobwe hamamaüye Dios ifiri urute tipomu, ma uruteri yaamu mangimengi ma uruteri ppoumu, nga hataingehiri na hobwe hamamaüül palüül yalemat eda weya yaamu hamamaüya podumu. E tarapar nifaari ra hobwe tabweya maraha luwou faraü ma ifiri ra hobwe hora fahiri Dios määrü hale para palüül sahü faülümire uwori altar.”
34Hesus e käkäne bwa e talama dewa tipar eda haüye mwana bwa, “Ho tai taw ma ifiri Farüyeri Dios.”
Werimwiliri mere nga e tai wol demarü re ebwe ppou tipar bwa ebwe par hadiya dew titiro.
Haddiye Hataingehiri Mesias
(Mateus 22.41-46; Lukas 20.41-44)
35Ifiri mena Hesus e kaü ma räni Templo, nga e hadiyael bwa, “E feita eda süya bwa lei tanahori Faraü la dölü bwa Mesias e sapitoho ma ifiri Dabid? 36Ngörü Liya e hatalama tiperi Dabid bwa ebwe dölü bwa:
‘Tamoru e haüya yai Tamoru bwa:
Hobwe maato ifiri hurumalai
eda tohongari mena ibwe hädiil lei ranaromu ida iteriletiwo fari hubwomu.’
37“Dabid iiye sahü e fadöngüngeri bwa ‘Tamoru’; ke ebwe feita Mesias eda sapitoho ma ifiri Dabid?”
Hesus e Hatabotabo Ngariil bwa labwe Hakalihil ifil Lei Tanahori Faraü
(Mateus 23.1-36; Lukas 20.45-47)
Ttouul yalemat la hadutering ramari Hesus nga e maho dewa faringörüngörüül. 38Ifiri mena e kaüül nga e haüül bwa, “Haubwe hakalihihemi ma ifil lei tanahori Farau, ra la masariye mena labwe fatare fatare räni makit, nga la üffar üffahara e kamese bwa yalemat labwe kkeleyahiriil nga la haparüül, 39nga la tiwereni räniyeri maato taitei räni iimweri uwolongolong räniya-hara e maho ma ifiri sänne. 40La hosowael faifire hara e mori made liile, lada pilani iimwael nga la sipesipe miriyarai dewa bwa la hannahael. Hahalihelira labwe taraengari ra e hamatahütöhü dewa!”
Yaari Faifina e Made Liira Ffahi
(Lukas 21.1-4)
41Hesus e maato idelaye räniyeri ffahi ma räni Templo, eda habaühüül yalemat yael peipeirango yael ffahiri mwanne. La pipiya lei taitei ra la peipeirango tarapari mwanne; 42eda bwitoho demarü faifire halofalof e mori made liir, eda itenango liyepöü happari mwannera ramo. 43Eda fadöngü fängäniil marahara lei tabwer eda haüül bwa, “Ibwe haü dewahami bwa faifire halofalofaer e tarapar dewa yara ffahi ma imowael urutael marahara palüül. 44Bwa marahara palüül la itenango marahara rühürahori taiteiil; nga iiye, mena halofalofar, nga e itenango uruteri mena e wol iyolor; e itenango uruteri mena ebwe hori ifiri fadar.”
ទើបបានជ្រើសរើសហើយ៖
Markus 12: SOV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.
Markus 12
12
Fiyangori Lei Fitehiri Räni Maatari Bino
(Mateus 21.33-46; Lukas 20.9-19)
1Hesus eda titiro ngariil nga e horini palüül fiyango, “E wol demarü mwaare, e fato bino räni maatar eda rutuw tahuniya, nga e kkeri räniyeri wonguwonguri bino irang, nga e haddüyatahe iimweri lei matarahiri na maatar. Eda hariil palüül yalemat mena maatar, iiye eda süya eda raho wori para dewo farüye. 2Nga eda yatori hini uwari bino, nga mwana eda haküröuye yaar lei haküröü, bwa ebwe raho iyoloil marahara la rent mena maatar eda hädi grape hara hataingehir. 3Marahara la mire räni mena maatar lada dubuli mwana lei haküröü lada wautu hapwaliye lada hawehitafariye nga e tawol na e hädi. 4Mwaare we maatar mena eda para fangaraho para demarü lei yaar haküröü; marahara la mire räni mena maatar lada wautu simwar nga la hamamari. 5Mwana maatara mena eda para fangaraho para demarü lei yaar haküröü, nga marahara la mire räni mena maatar lada hädi lada riiye madeya; nga eda para wola palüül ra mwana e fangaelaraho nga la wautuul nga palüül la riile lada made. 6Hara mwana raur ra e wahawahahiri dewa na eda miretiwo. Ifiri mere nga eda haküröüye mwana raur bwa ebwe raho räni mena maatar nga e dölü bwa, ‘I hüra bwa labwe haparüye mwaare rai.’ 7Nga dari na marahara la mire räni mena maatar la dölü fängääni bwa, ‘Mwaarer rauri mwaarewe maatar mere. Hau bwitoho bwa dibwe riiye dida hädi hapitehir bwa yas!’ 8Lada dubuli mwana raurou lada riiye lada hädi ra podür lada peitawau maürühüri maatara.”
9Hesus eda hadiyael bwa, “Meta na mwana maatar mena ebwe faülü? Erau bwitoho eda riile marahara la mire räni mena maatar, eda para harile palüül yalemat bwa labwe mire räni mena maatar. 10Hami hau tösü habaühü-mo mena e farüüyehi räni Farüförü ra e Liya ra e dölü bwa,
‘Fadura lei haddüri iimwe la peitaraho bwa e tawol nifaar
ebwe nnahawau bwa e tarapar dewa nifaar.
11Tamoru re e faülü bwa ebwe haitina;
e hamatahütöhü dewa mahori yas habaühü!’ ”
12Marahara tamorul lei Yudea lada kkup yarari na labwe dubuli Hesus, bwa la hüra bwa fiyangoor ra e tapa tammaüül. Nga dari na la matahüül ttouul yalemat, lada rihiti lada süye.
Haddiye Hataingehiri Parüyeni Tax
(Mateus 22.15-22; Lukas 20.20-26)
13La hatalilaraho palüül Farisi ma marahara uweri Herodes bwa labwe raho iyolori Hesus bwa labwe hadiya palüül faülümire bwa labwe tafisiye. 14La raho iyolor lada dölü bwa, “Tanaho, hai hüraho bwa ho tapa hatödü titiro, nga ho tai fangiyengi hale meta yael yalemat mangimengi. Ho tai hamahowa faülüül yalemat, bwa ho fäli hori kaü titiro hatödü ra Dios e masariye bwa ebwe faülüyehi iyoloil yalemat. Hauhamami-mo hale e maho sahü na dibwe parüyeri tax eda raho iyolori Emperor ari Roma? Dibwe parüyeri hale naweri?”
15Nga Hesus e hüra na tirobwatael eda parüyeri mena ramael eda dölü bwa, “Meta sapir hauda pangi haubwe tafisiyei? Hau hadatoho döpöü mwanne ra silver bwa ibwe habaühü.”
16Lada hariye döpöü mwanne eda hadiyael bwa, “Yaüngeri itöü nga iiteri itöü maraha?”
Lada dölü bwa, “Emperor ari Roma.”
17Hesus eda dölü bwa, “Ira hau hariye Emperor hapitehiri Emperor, nga hau hariye Dios hau hariye Dios.”
La lüdüyehiri dewa Hesus.
Haddiye Hataingehiri Simwatahe ma Ifiri Made
(Mateus 22.23-33; Lukas 20.27-40)
18Palüül Sadiusi ra la dölü bwa tawau süya bwa yalemat labwe fadatafaari ma ifiri made, la bwitoho iyolori Hesus lada dölü bwa, 19“Tanaho, Moses e farüye farau hataingehis ra e dölü bwa: ‘Nga sahü nga demarü mwaare e made nga e rihitatiwo liir nga e tawol rauul, ira nga mwana bwidir ebwe liiri faifina bwa ebwe wol rauul, nga riweisihara ra labwe rauri mwana e made.’ 20E wol fidimoru lei bwidibwidi; mwana mowanödü eda liili nga e made nga e tawola-mo wonour. 21Mwana haliyemaru eda liiri faifina eda para made nga e tawol rauul. Para mena sahü na e faülüyehi ifiri mwana hadörümörü, 22mena sahü mena e faülüyehi ma urutael dewo bwidibwidi. Iile ma la fidimoru nga la liiri söhü faifina nga e tawola-mo rauul. Haühühür dewa nga eda made faifina. 23Ke meihira, ifiri mena lei made labwe simwatahe ma ifiri made lanera lani fadatafaari, nga itöü ma uworuul mwaare hara na ebwe liiri faifina? Iile ma fidimörü nga la mori liiri faifina.”
24Hesus eda parüyeri mena ramael eda dölü, “Haü taweli dewa! Haü hüra meta sapir? Bwanasahü mena haü tahüra mena e mire räni Farüförü Liya, nga haü tahüra ppouri Dios. 25Ifiri mena lei made labwe simwatahe ma ifiri made, nga larau weya anghelari weirengi nga la tai liili. 26Nga meihira, dibwe tapa mena simwataheil lei made: haü tösü habaühü-mo morowe e farüüyehi räni pepari Moses we e dölü titiini siriheti ra e iimwahawa? E farüüyehi bwa Dios e haüye Moses bwa, ‘Ngaangu yaari Abraham Dios ma yaari Isak Dios ma yaari Yakob Dios.’ 27Iiye yael lei fad Dios, tai yael lei made. Haü taweli dewa!”
Farau ra e Taitei Dewa
(Mateus 22.34-40; Lukas 10.25-28)
28Demarü tanahori Farau e hadutering yael hangingi fängääni. E habaühü nga e maho dewa ramari Hesus ifiri yaar parüyeri ramael marahara Sadiusi, eda raho iyolor eda hadiya bwa, “Faraü meta na e tarapar dewa nifaar ma uwoni uruteri faraü?”
29Hesus eda parüyeri mena ramar eda dölü bwa, “Faraü ra e tarapar dewa nifaar ra mere: ‘Hobwe hadutering, Israel! Tamoru yas Dios dai demarü Dios. 30Hobwe hamamaüye Tamorü yaamu Dios ifiri urute tipomu, ma fadamu ma urutar, ma uruteri yaamu mangimengi ma uruteri ppoumu.’ 31Haluwouweri farau ra e taitei dewa ra: ‘Hobwe hamamaüül palüül yalemat eda weya yaamu hamamaüya podumu.’ E tawol para palüül faraü ra ebwe para taitei ma imowari maraha luwou.”
32Nga mwana lei tanahori Faraü eda haüye Hesus bwa, “E maho dewa, Tanaho! E hatödü na ho dölü bwa dai demarü Tamoru na Dios, e tawol para demarü dios ma idelaye. 33Nga hapaüpöüri me hobwe hamamaüye Dios ifiri urute tipomu, ma uruteri yaamu mangimengi ma uruteri ppoumu, nga hataingehiri na hobwe hamamaüül palüül yalemat eda weya yaamu hamamaüya podumu. E tarapar nifaari ra hobwe tabweya maraha luwou faraü ma ifiri ra hobwe hora fahiri Dios määrü hale para palüül sahü faülümire uwori altar.”
34Hesus e käkäne bwa e talama dewa tipar eda haüye mwana bwa, “Ho tai taw ma ifiri Farüyeri Dios.”
Werimwiliri mere nga e tai wol demarü re ebwe ppou tipar bwa ebwe par hadiya dew titiro.
Haddiye Hataingehiri Mesias
(Mateus 22.41-46; Lukas 20.41-44)
35Ifiri mena Hesus e kaü ma räni Templo, nga e hadiyael bwa, “E feita eda süya bwa lei tanahori Faraü la dölü bwa Mesias e sapitoho ma ifiri Dabid? 36Ngörü Liya e hatalama tiperi Dabid bwa ebwe dölü bwa:
‘Tamoru e haüya yai Tamoru bwa:
Hobwe maato ifiri hurumalai
eda tohongari mena ibwe hädiil lei ranaromu ida iteriletiwo fari hubwomu.’
37“Dabid iiye sahü e fadöngüngeri bwa ‘Tamoru’; ke ebwe feita Mesias eda sapitoho ma ifiri Dabid?”
Hesus e Hatabotabo Ngariil bwa labwe Hakalihil ifil Lei Tanahori Faraü
(Mateus 23.1-36; Lukas 20.45-47)
Ttouul yalemat la hadutering ramari Hesus nga e maho dewa faringörüngörüül. 38Ifiri mena e kaüül nga e haüül bwa, “Haubwe hakalihihemi ma ifil lei tanahori Farau, ra la masariye mena labwe fatare fatare räni makit, nga la üffar üffahara e kamese bwa yalemat labwe kkeleyahiriil nga la haparüül, 39nga la tiwereni räniyeri maato taitei räni iimweri uwolongolong räniya-hara e maho ma ifiri sänne. 40La hosowael faifire hara e mori made liile, lada pilani iimwael nga la sipesipe miriyarai dewa bwa la hannahael. Hahalihelira labwe taraengari ra e hamatahütöhü dewa!”
Yaari Faifina e Made Liira Ffahi
(Lukas 21.1-4)
41Hesus e maato idelaye räniyeri ffahi ma räni Templo, eda habaühüül yalemat yael peipeirango yael ffahiri mwanne. La pipiya lei taitei ra la peipeirango tarapari mwanne; 42eda bwitoho demarü faifire halofalof e mori made liir, eda itenango liyepöü happari mwannera ramo. 43Eda fadöngü fängäniil marahara lei tabwer eda haüül bwa, “Ibwe haü dewahami bwa faifire halofalofaer e tarapar dewa yara ffahi ma imowael urutael marahara palüül. 44Bwa marahara palüül la itenango marahara rühürahori taiteiil; nga iiye, mena halofalofar, nga e itenango uruteri mena e wol iyolor; e itenango uruteri mena ebwe hori ifiri fadar.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.