Markus 10
10
Yaari Hesus Kaü Hataingehiri Bwaibweiri Liili
(Mateus 19.1-12; Lukas 16.18)
1Hesus eda süya ma burukara eda raho räni farüyeri Yudea, eda itiraho layera delaye ma ifiri sarüra Jordan. Ttouul yalemat lada para bwitoho iyolor eda para kaüül eda weya-mo e haye faülü.
2Palüül Farisi lada bwitoho iyolor lada pangi bwa labwe tafisiye lada hadiya bwa, “E maho sahü ifiri yas Farau na mwaare ebwe peitaraho liir?”
3Hesus eda parüyeri mena eda dölü bwa, “Meta farauwe yaari Moses e harihemi?”
4Lada parüyeri mena nga la dölü bwa, “Moses e faülü bwa ebwe süye bwa demarü mwaare ebwe farüüye hafatitini bwaibweiri liili eda hasüya mena liir faifire.”
5Hesus eda haüül bwa, “Moses e farüüye faraur bwanasahü na hau püngü e tasüye bwa haubwe kaü. 6Nga dari na ifiri-mo hapurotaher, ifiri morowe e faülüyehi uruteri faülümire, nga ‘Dios e faülü mwaare ma faifire’, eda weya-mo e dölü Farüförü Liya. 7‘Iyer na sapir nga demarü mwaare ebwe rihiti tamar ma diin eda pülüye liir 8nga maraha liyemaru larau sufängääni bwa demarü söhü.’ Ke iil ra la tai liyemaru bwa hara demarü. 9E tawol yalemat ebwe hasüya fatangiye mena Dios eda mori hasufängäniye.”
10Nga mena lada wehitafaari räni iimwe nga marahara lei tabwer lada hadiya Hesus hataingehiri titiror. 11Eda haüül bwa, “Mwana e peitaraho liir eda liiri para demarü faifire, ra e püngütiwo ifiri sau tammaü tahürari faülümire. 12Nga e hafaiye mena ma demarü faifire ebwe peitaraho liir eda liiri para demarü mwaare ra e püngütiwo ifiri ssau tammaüri tahürari faülümire.”
Hesus e Haliyaril Riweisi
(Mateus 19.13-15; Lukas 18.15-17)
13Palüül yalemat la hädilatoho palüül riweisi iyolori Hesus lada haüye bwa ebwe itetahe paür uwawoil, nga marahara lei tabwer lada yasingeriil. 14Ifiri mena Hesus e käkäne mere eda hadonga eda haüül marahara lei tabwer bwa, “Hau rihitil riweisi bwa labwe bwitoho iyoloi. Hau tawai pahul, bwa Farüyeri Dios hataingehiil marahara la weil maraha. 15Ibwe hau dewahami bwa yalematara e tai hedi Farüyeri Dios eda weya faülüri riweisi ra e tawai ra bwirango-mo uwawor.” 16Eda hädiil riweisi hara eda itetahe paür uwawoil eda haliyaril.
Demarü Lei Taitei
(Mateus 19.16-30; Lukas 18.18-30)
17Ifiri mena Hesus eda fatare bwa erau süye, nga hatsaitsitsito demarü mwaare eda hadobuhuyetiho imowar eda hadiya bwa, “Tanaho ra ho maho, meta na ibwe faülü ida hädi tawol hauhuri fad?”
18Hesus eda hadiya bwa, “Meta sapir hoda fadöngüngeriyei bwa i maho? E tawol yalematara e maho, hara demarü Dios. 19Ho hüra-mo e dölü farau: ‘Ho tawai faiini; ho tawai pila liiri yalemat; ho tawai pilaf; ho tawai kosowa titiini yalemat; ho tawai tirobwat; hobwe haparüye tamamu ma diromu.’ ”
20Mwana eda dölü bwa, “Tanaho, ifiri-mo i riweisi eda bwito meihira nga i tabweya uruteri farau hara.”
21Hesus eda habaühü dewa mwana nga e rap dewa yaar hamamaüye eda haüye bwa, “Har dewa sahü faülümire mena hobwe faülü. Hobwe raho hoda hori parüyeri uruteri hapitehimu hoda hädi ra mwanne hoda hariil lei halofalof, nga hobwe hädi uruteri taiteiri weirengi. Ke hoda bwitoho hoda tabweyai.” 22Ifiri mena mwana e longolongo mere nga eda halofalof dewa hapaühürü uwawor eda süye nga e tammaü dewa faringörüngön bwa mwana e taitei dewa.
23Hesus eda taraefatare uworuul marahara lei tabwer eda haüül bwa, “E hamatahi dewa na lei taitei labwe bwirango uwawori Farüyeri Dios!”
24Marahara lei tabwer la lüdü dewa ifiri ramahar, nga Hesus eda para tabowaraho ramar eda dölü bwa, “Wonei, e hamatahi dewa mena yalemat ebwe bwirango uwawori Farüyeri Dios! 25Nga eda para hamatahi dewa ifiri demarü lei taitei na ebwe bwirango uwawori Farüyeri Dios ma ifiri demarü camel ebwe bwirango räni matari nilo.”
26Ifiri mere nga marahara lei tabwer lada para mwari dewa lada haddiye fängääni hale, “Nga eda itöü ra ebwe süye bwa ebwe rru?”
27Hesus eda habaühü dewael eda dölü bwa, “Mere e tawau süya bwa ebwe faülüyehi ma ifil yalemat, nga dari na Dios e süye bwa ebwe faülü. Dios e süye bwa ebwe faülü uruteri faülümire.”
28Petrus eda titiro eda dölü bwa, “Habaühü, hamami haida mori rihitini uruteri faülümire haida tabweho.”
29Hesus eda haüül bwa, “Ibwe hau dewahami bwa yalematahara la rihiti iimwael hale bwidil hale mweyangael hale dirael hale tamael hale rauul hale maatael bwa ngaangu sapir ma Titiro Maho 30ra labwe hädi para ma imowari marahara ifiri me lahireiya. Iile ra labwe hädi para buhuya iimwe ma weribwidil ma werimweyangael ma wodirael ma wonoul ma maatael sufängääni ma hairam; nga ifiri niyatora ebwe bwitoho nga iile ra labwe hädi tawol haühühüri fad. 31Nga dari na la pipiya marahara la matamowa meihira ra labwe haühüh, nga iyahara la haühüh meihira ra labwe matamowa.”
Hadörüweri Yaari Hesus Tapa Titiini Mader
(Mateus 20.17-19; Lukas 18.31-34)
32Ifiri mena Hesus ma marahara lei tabwer lada bwitahe Yerusalem nga Hesus e itiri imowa, nga marahara lei tabwer e weya me la tarulu söhü, nga iyahara yalemat hara la tabweya mwilil la matahü. Hesus eda para hädiil marahara deih ma liyemaru lei tabwer eda para haüül marahara ebwe faülüyehi hataingehir. 33E haüül bwa, “Hau hadutering, dibwe bwitahe Yerusalem, nga mena Rauri Yalemat erau bwirango räni paüül marahara tamoni paderei ma lei tanahori Farau. Iile ra labwe hataleyasir bwa labwe riiya nga labwe hädi lada itanango räni paüül marahara e tai sawori Israel, 34marahar labwe hori halofalofa nga labwe sani hutufa nga la wautu lada riiye; nga dari na dörülari werimwilir nga iiye ra ebwe para fadatafaari.”
Yaari James ma Yohanes Tingalo
(Mateus 20.20-28)
35James ma Yohanes ra wonouri Sebedi la raho iyolori Hesus lada haüye bwa, “Tanaho, e wol mena hai masari bwa hobwe faülü hataingehimami.”
36Hesus eda hadiyael hale, “Meta mena hau masari bwa ibwe faülü?”
37Lada haüya bwa, “Faülühamami bwa haibwe pülüho maato räni räniye taiteimu ma uwawori farüyomu; demarü ebwe maato hurumalamu nga demarü ebwe maato hurusehirimu.”
38Hesus eda haüül bwa, “Hau tahüra meneiya na hau tingalo. Ebwe süya ngarihemi bwa haubwe uru ma räni pöüleri iram ra hapaüpöüri mena ibwe urumi? Ebwe süya ngarihemi bwa haubwe hatütü ifiri hatütü ra ibwe hatütü irang?”
39Lada parüyeri mena ramar nga la dölü bwa, “E süya ngarihamami.”
Hesus eda parüyeri ramael eda dölü bwa, “E weli bwa haubwe uru ma räni pöül ra ibwe uru werihin nga haubwe hatütü ifiri hatütü ra ibwe hatütü irang. 40Nga dari na ngaangu e tawol ppoui na ibwe dölü hale itöü ebwe maato ifiri hurumalai hale hurusehiri. Hara Dios mena ebwe tiwereil marahara la bwe mire räni räniyahara.”
41Ifiri mena iyahara deih lei tabwer lada longolongo mere nga lada ppari dongo uwawori James ma Yohanes. 42Hesus eda fadöngü fängäniil eda haüül bwa, “Hami hau hüra bwa marahara la dölü bwa iile tamoni farüye ra e wol ppoul uwawoil yael sawo, nga iyahara la taitei ma imowael iila-mo nga e tarapar dewa ppoul. 43Nga e tai mere mena ebwe faülü ma uworumi. Nga sahü nga demarühami e masari bwa ebwe matamat, hapaüpöüri na ebwe yami lei fitehi ma urutemi; 44nga sahü nga e wol demarü ma uworumi ra e masari bwa ebwe matamowa, e hapaüpöüri na ebwe iiye yami lei haküröü ma urutemi. 45Bwa Rauri Yalematara e tai bwitoho bwa ebwe yalemat labwe faülü yaar fitehi, bwa e fäli bwitoho bwa ebwe lei haküröü eda fangaraho fadar bwa ebwe pipiya yalemat na ebwe haruul.”
Hesus e Hamahowa Bartimeus ra e Tabu Matar
(Mateus 20.29-34; Lukas 18.35-43)
46Lada raho Jeriko, nga ifiri mena Hesus ma marahara lei tabwer ma ttouul yalemat hara lada süye, nga demarü lei halofalof nga e tabu matar iitar Bartimeus ra rauri Timaeus e maato ifiri ngaseri yaar. 47Nga ifiri mena eda longolongo bwa iiye Hesus eri Nasaret nga eda kabwat nga e dölü bwa, “Hesus! Rauri Dabid! Hobwe fahoyai!”
48Pipiyael yalematahara lada yasingeri nga la haüye bwa ebwe dauraho. Nga mwana eda bwara hakalofa dewa ramar nga e dölü bwa, “Rauri Dabid! Hobwe fahoyai!”
49Hesus eda ddü eda dölü bwa, “Hau fadöngatoho!”
Lada fadöngatoho mwana e tabu matar nga la haüye bwa, “Ebwe maho faringörüngörümu! Hoda düütahe bwa e fadöngüho.”
50Eda ruttahe nga e bwaida tiwo mena üffenühüri üffar eda raho iyolori Hesus.
51Hesus eda hadiya bwa, “Meta ho masari bwa ibwe faülüngeriho?”
Mwana e tabu matar eda dölü bwa, “Tanaho, i masari bwa ibwe para käkäne.”
52Hesus eda haüye bwa, “Hobwe fatare; yaamu hatödü e faülüho hoda mahoraho.”
Ifiri mena sahü nga mwana eda süye bwa ebwe käkäne faülümire. Eda tabweya Hesus ifiri yaar fatareraho räni yaar.
ទើបបានជ្រើសរើសហើយ៖
Markus 10: SOV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.
Markus 10
10
Yaari Hesus Kaü Hataingehiri Bwaibweiri Liili
(Mateus 19.1-12; Lukas 16.18)
1Hesus eda süya ma burukara eda raho räni farüyeri Yudea, eda itiraho layera delaye ma ifiri sarüra Jordan. Ttouul yalemat lada para bwitoho iyolor eda para kaüül eda weya-mo e haye faülü.
2Palüül Farisi lada bwitoho iyolor lada pangi bwa labwe tafisiye lada hadiya bwa, “E maho sahü ifiri yas Farau na mwaare ebwe peitaraho liir?”
3Hesus eda parüyeri mena eda dölü bwa, “Meta farauwe yaari Moses e harihemi?”
4Lada parüyeri mena nga la dölü bwa, “Moses e faülü bwa ebwe süye bwa demarü mwaare ebwe farüüye hafatitini bwaibweiri liili eda hasüya mena liir faifire.”
5Hesus eda haüül bwa, “Moses e farüüye faraur bwanasahü na hau püngü e tasüye bwa haubwe kaü. 6Nga dari na ifiri-mo hapurotaher, ifiri morowe e faülüyehi uruteri faülümire, nga ‘Dios e faülü mwaare ma faifire’, eda weya-mo e dölü Farüförü Liya. 7‘Iyer na sapir nga demarü mwaare ebwe rihiti tamar ma diin eda pülüye liir 8nga maraha liyemaru larau sufängääni bwa demarü söhü.’ Ke iil ra la tai liyemaru bwa hara demarü. 9E tawol yalemat ebwe hasüya fatangiye mena Dios eda mori hasufängäniye.”
10Nga mena lada wehitafaari räni iimwe nga marahara lei tabwer lada hadiya Hesus hataingehiri titiror. 11Eda haüül bwa, “Mwana e peitaraho liir eda liiri para demarü faifire, ra e püngütiwo ifiri sau tammaü tahürari faülümire. 12Nga e hafaiye mena ma demarü faifire ebwe peitaraho liir eda liiri para demarü mwaare ra e püngütiwo ifiri ssau tammaüri tahürari faülümire.”
Hesus e Haliyaril Riweisi
(Mateus 19.13-15; Lukas 18.15-17)
13Palüül yalemat la hädilatoho palüül riweisi iyolori Hesus lada haüye bwa ebwe itetahe paür uwawoil, nga marahara lei tabwer lada yasingeriil. 14Ifiri mena Hesus e käkäne mere eda hadonga eda haüül marahara lei tabwer bwa, “Hau rihitil riweisi bwa labwe bwitoho iyoloi. Hau tawai pahul, bwa Farüyeri Dios hataingehiil marahara la weil maraha. 15Ibwe hau dewahami bwa yalematara e tai hedi Farüyeri Dios eda weya faülüri riweisi ra e tawai ra bwirango-mo uwawor.” 16Eda hädiil riweisi hara eda itetahe paür uwawoil eda haliyaril.
Demarü Lei Taitei
(Mateus 19.16-30; Lukas 18.18-30)
17Ifiri mena Hesus eda fatare bwa erau süye, nga hatsaitsitsito demarü mwaare eda hadobuhuyetiho imowar eda hadiya bwa, “Tanaho ra ho maho, meta na ibwe faülü ida hädi tawol hauhuri fad?”
18Hesus eda hadiya bwa, “Meta sapir hoda fadöngüngeriyei bwa i maho? E tawol yalematara e maho, hara demarü Dios. 19Ho hüra-mo e dölü farau: ‘Ho tawai faiini; ho tawai pila liiri yalemat; ho tawai pilaf; ho tawai kosowa titiini yalemat; ho tawai tirobwat; hobwe haparüye tamamu ma diromu.’ ”
20Mwana eda dölü bwa, “Tanaho, ifiri-mo i riweisi eda bwito meihira nga i tabweya uruteri farau hara.”
21Hesus eda habaühü dewa mwana nga e rap dewa yaar hamamaüye eda haüye bwa, “Har dewa sahü faülümire mena hobwe faülü. Hobwe raho hoda hori parüyeri uruteri hapitehimu hoda hädi ra mwanne hoda hariil lei halofalof, nga hobwe hädi uruteri taiteiri weirengi. Ke hoda bwitoho hoda tabweyai.” 22Ifiri mena mwana e longolongo mere nga eda halofalof dewa hapaühürü uwawor eda süye nga e tammaü dewa faringörüngön bwa mwana e taitei dewa.
23Hesus eda taraefatare uworuul marahara lei tabwer eda haüül bwa, “E hamatahi dewa na lei taitei labwe bwirango uwawori Farüyeri Dios!”
24Marahara lei tabwer la lüdü dewa ifiri ramahar, nga Hesus eda para tabowaraho ramar eda dölü bwa, “Wonei, e hamatahi dewa mena yalemat ebwe bwirango uwawori Farüyeri Dios! 25Nga eda para hamatahi dewa ifiri demarü lei taitei na ebwe bwirango uwawori Farüyeri Dios ma ifiri demarü camel ebwe bwirango räni matari nilo.”
26Ifiri mere nga marahara lei tabwer lada para mwari dewa lada haddiye fängääni hale, “Nga eda itöü ra ebwe süye bwa ebwe rru?”
27Hesus eda habaühü dewael eda dölü bwa, “Mere e tawau süya bwa ebwe faülüyehi ma ifil yalemat, nga dari na Dios e süye bwa ebwe faülü. Dios e süye bwa ebwe faülü uruteri faülümire.”
28Petrus eda titiro eda dölü bwa, “Habaühü, hamami haida mori rihitini uruteri faülümire haida tabweho.”
29Hesus eda haüül bwa, “Ibwe hau dewahami bwa yalematahara la rihiti iimwael hale bwidil hale mweyangael hale dirael hale tamael hale rauul hale maatael bwa ngaangu sapir ma Titiro Maho 30ra labwe hädi para ma imowari marahara ifiri me lahireiya. Iile ra labwe hädi para buhuya iimwe ma weribwidil ma werimweyangael ma wodirael ma wonoul ma maatael sufängääni ma hairam; nga ifiri niyatora ebwe bwitoho nga iile ra labwe hädi tawol haühühüri fad. 31Nga dari na la pipiya marahara la matamowa meihira ra labwe haühüh, nga iyahara la haühüh meihira ra labwe matamowa.”
Hadörüweri Yaari Hesus Tapa Titiini Mader
(Mateus 20.17-19; Lukas 18.31-34)
32Ifiri mena Hesus ma marahara lei tabwer lada bwitahe Yerusalem nga Hesus e itiri imowa, nga marahara lei tabwer e weya me la tarulu söhü, nga iyahara yalemat hara la tabweya mwilil la matahü. Hesus eda para hädiil marahara deih ma liyemaru lei tabwer eda para haüül marahara ebwe faülüyehi hataingehir. 33E haüül bwa, “Hau hadutering, dibwe bwitahe Yerusalem, nga mena Rauri Yalemat erau bwirango räni paüül marahara tamoni paderei ma lei tanahori Farau. Iile ra labwe hataleyasir bwa labwe riiya nga labwe hädi lada itanango räni paüül marahara e tai sawori Israel, 34marahar labwe hori halofalofa nga labwe sani hutufa nga la wautu lada riiye; nga dari na dörülari werimwilir nga iiye ra ebwe para fadatafaari.”
Yaari James ma Yohanes Tingalo
(Mateus 20.20-28)
35James ma Yohanes ra wonouri Sebedi la raho iyolori Hesus lada haüye bwa, “Tanaho, e wol mena hai masari bwa hobwe faülü hataingehimami.”
36Hesus eda hadiyael hale, “Meta mena hau masari bwa ibwe faülü?”
37Lada haüya bwa, “Faülühamami bwa haibwe pülüho maato räni räniye taiteimu ma uwawori farüyomu; demarü ebwe maato hurumalamu nga demarü ebwe maato hurusehirimu.”
38Hesus eda haüül bwa, “Hau tahüra meneiya na hau tingalo. Ebwe süya ngarihemi bwa haubwe uru ma räni pöüleri iram ra hapaüpöüri mena ibwe urumi? Ebwe süya ngarihemi bwa haubwe hatütü ifiri hatütü ra ibwe hatütü irang?”
39Lada parüyeri mena ramar nga la dölü bwa, “E süya ngarihamami.”
Hesus eda parüyeri ramael eda dölü bwa, “E weli bwa haubwe uru ma räni pöül ra ibwe uru werihin nga haubwe hatütü ifiri hatütü ra ibwe hatütü irang. 40Nga dari na ngaangu e tawol ppoui na ibwe dölü hale itöü ebwe maato ifiri hurumalai hale hurusehiri. Hara Dios mena ebwe tiwereil marahara la bwe mire räni räniyahara.”
41Ifiri mena iyahara deih lei tabwer lada longolongo mere nga lada ppari dongo uwawori James ma Yohanes. 42Hesus eda fadöngü fängäniil eda haüül bwa, “Hami hau hüra bwa marahara la dölü bwa iile tamoni farüye ra e wol ppoul uwawoil yael sawo, nga iyahara la taitei ma imowael iila-mo nga e tarapar dewa ppoul. 43Nga e tai mere mena ebwe faülü ma uworumi. Nga sahü nga demarühami e masari bwa ebwe matamat, hapaüpöüri na ebwe yami lei fitehi ma urutemi; 44nga sahü nga e wol demarü ma uworumi ra e masari bwa ebwe matamowa, e hapaüpöüri na ebwe iiye yami lei haküröü ma urutemi. 45Bwa Rauri Yalematara e tai bwitoho bwa ebwe yalemat labwe faülü yaar fitehi, bwa e fäli bwitoho bwa ebwe lei haküröü eda fangaraho fadar bwa ebwe pipiya yalemat na ebwe haruul.”
Hesus e Hamahowa Bartimeus ra e Tabu Matar
(Mateus 20.29-34; Lukas 18.35-43)
46Lada raho Jeriko, nga ifiri mena Hesus ma marahara lei tabwer ma ttouul yalemat hara lada süye, nga demarü lei halofalof nga e tabu matar iitar Bartimeus ra rauri Timaeus e maato ifiri ngaseri yaar. 47Nga ifiri mena eda longolongo bwa iiye Hesus eri Nasaret nga eda kabwat nga e dölü bwa, “Hesus! Rauri Dabid! Hobwe fahoyai!”
48Pipiyael yalematahara lada yasingeri nga la haüye bwa ebwe dauraho. Nga mwana eda bwara hakalofa dewa ramar nga e dölü bwa, “Rauri Dabid! Hobwe fahoyai!”
49Hesus eda ddü eda dölü bwa, “Hau fadöngatoho!”
Lada fadöngatoho mwana e tabu matar nga la haüye bwa, “Ebwe maho faringörüngörümu! Hoda düütahe bwa e fadöngüho.”
50Eda ruttahe nga e bwaida tiwo mena üffenühüri üffar eda raho iyolori Hesus.
51Hesus eda hadiya bwa, “Meta ho masari bwa ibwe faülüngeriho?”
Mwana e tabu matar eda dölü bwa, “Tanaho, i masari bwa ibwe para käkäne.”
52Hesus eda haüye bwa, “Hobwe fatare; yaamu hatödü e faülüho hoda mahoraho.”
Ifiri mena sahü nga mwana eda süye bwa ebwe käkäne faülümire. Eda tabweya Hesus ifiri yaar fatareraho räni yaar.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.