Markus 9
9
1Hesus eda tabowaraho ramar eda dölü bwa, “Ibwe hau dewahami bwa e wol ma uworumi ma ihar ra la tawai made eda tohongari na labwe käkäne farüyeri Dios ra ebwe bwitoho nga e pülüyatoho ppou.”
Hesus e Werihehihoraho
(Mateus 17.1-13; Lukas 9.28-36)
2Worobwongi werimwilir Hesus eda hädi Petrus, ma James, ma Yohanes, lada bwitahe wori dewa tahiyeta duh, har iila sahü. La süyeri hakabaühü nga Hesus eda moudurahoraho hapaühür, 3marahara üffar eda fidifidi pweser; e pwes dewa e tawol yalemat re ebwe süye bwa ebwe hawengari pweser. 4Nga marahara dörümörü lei tabwer lada käkäne Elias ma Moses la uwolongolongo fängääni ma Hesus. 5Petrus eda titiro eda haüye Hesus bwa, “Tanaho, e maho dewa me di mire ihar! Haibwe haddüye dörüwe tento, dewo yaamu, dewo yaari Moses, nga dewo yaari Elias.” 6Iiye ma marahara palüül e yalaraho dewa yael matahü e tahüra meta ebwe dölü.
7Nga manirengi eda bwito boruborüül, nga e wol raam ra e buwou ma retiperi manirengi ra e dölü bwa, “Iyer me Rai ra i wahawahahiri; hau hadutering ramar!” 8Lada taraefatare nga e tawol yalemat; bwa hara demarü Hesus mena e mire iyoloil.
9Ifiri mena lada wehitiwo ma uwawo duhu, Hesus eda hatabotabo ngariil bwa, “Hau tawai hahüraringeriil yalemat marahawe hau hakane, eda tohongari mena Rauri Yalemat ebwe simwatahe ma ifiri made.”
10La tabweya mena e hatabotabo ngariil, nga dari na iile sahü lada haddiye fängääni nipatael hale, “Meta nifaari mena ‘simwatahe ma ifiri made?’ ” 11Lada hadiya Hesus bwa, “Meta sapir lei tanahori Farau la dölü bwa Elias ebwe uhori bwitoho?”
12E parüyeri mena ramael nga e dölü bwa, “Hatödü bwa Elias ra ebwe uhotoho bwa ebwe hawerewereni uruteri faülümire. Nga meta sapiri we Farüförü Liya e dölü bwa Rauri Yalematara ebwe irama nga yalemat labwe wehitengi? 13Nga ngaangu ibwe hauhemi bwa Elias ra eda mori bwitoho, nga yalemat la faülüngeri marahara la masariye eda raho iyolor eda weya sahü-mo e dölü Farüförü Liya hataingehiri Elias.”
Hesus E Harewawau Yarüdü Tammaü Ma Retiperi Demarü Riweisi Mwaare
(Mateus 17.14-21; Lukas 9.37-43a)
14Ifiri mena lada wehitafaari iyoloil marahara palüül lei tabweri Hesus, nga la käkäneiil ttouul yalemat bwa la talangael nga palüül tanahori Farau ra la hatihouul. 15Nga ifiri mena yalemat la käkäne Hesus, la lüdü dewa lada taali lada raho kkeleyahiri. 16Hesus eda hadiyael marahara lei tabwer bwa, “Meta me hau hatihou fängääni hataingehir?”
17Demarü mwaare re e mire uworuul yalemat hara eda parüyeri ramari Hesus eda dölü bwa, “Tanaho, i heditoho me rai mwaare iyolomu bwa e wol yarüdü tammaü retipar e tasüye bwa ebwe titiro. 18Fada mena yarüdü tammaü ebwe tiworango retipar eda hädi eda peitingar taaro eda bulobulowau ma räni yaar titiro nga e hatata ngiir eda hasifesifa podür. I tingaloil maraha lei tabwemu bwa labwe harewawau yarüdü tammaü ma retipar, nga e tasüya ngariil.”
19Hesus eda haüül bwa, “E tawol dewa yami hatödü! Ebwe weya meta miriyarairi yai i mire iyolomi? Ebwe weya meta miriyarairi yai hasingisingi iyolomi? Häditoho riweisira iyoloi!” 20Lada hadaraho riweisira iyolori Hesus.
Ifiri mena yarüdü tammaüra e käkäne Hesus, eda üsühü tawadiye riweisira eda püngütiwo itaaro eda taforo fatare nga e bulobulowau ma räni yaar titiro. 21Hesus eda hadiya mwana tamar bwa, “Eda mori weya meta miriyarairi yaar haiter?”
Mwana eda parüyeri eda dölü bwa, “Ifiri-mo e happar eda bwito meihira. 22Eda mori pipiya yaari mena yarüdü tammaü pangi bwa ebwe riiye eda peitarango uwoni yefi hale räni sörü. Hobwe fahohamami hoda tapangihamami, hale ebwe süya ngariho!”
23Hesus eda haüye bwa, “Üngö, nga sahü nga heer e süya ngariho. Uruteri faülümire nga e süye bwa ebwe faülüyehi hataingehiri yalematara e wol yaar hatödü.”
24Mwana tamari riweisira eda hakalofa ramar nga e dölü bwa, “Ngaangu e wol yai hatödü, nga dari na e tahou. Tapangiyei bwa ebwe ppou yai hatödü!”
25Hesus e habaühü nga ttouul yalemat lada hilimwatoho iyoloil eda hammatahü yarüdü tammaüra nga e dölü bwa, “Heer yarüdü tammaü ra ho tai titiro nga e püngü taringomu, i harewahowau ma retiperi riweisi ra nga ho tawai para wehitafaari rango retipar!”
26Yarüdü tammaü ura eda kabwat nga e peiti tawadiye riweisi ra eda itiwou ma retipar. Riweisi ra eda weya hapaühüül lei made, urutael yalemat lada ppari dölü bwa, “E mori made!” 27Nga Hesus eda hamasü pauri riweisi ra eda hasimwataheya eda bwita ddü.
28Ifiri mena eda itirango räni iimwe eda iila sahü, nga marahara lei tabwer lada hadiya bwa, “Meta sapir eda tasüya ngarihamami bwa haibwe harewawau yarüdü tammaü we?”
29Hesus eda parüyeri ramael eda dölü bwa, “Hara dewa sahü sipesipe mena e süye bwa ebwe harewawau mena e weya mere.”
Hesus Eda Para Tapa Titiini Mader
(Mateus 17.22-23; Lukas 9.43b-45)
30Hesus ma marahara lei tabwer lada süya ma burukara nga lada itirahori Kalilea. Hesus e tei masari na yalemat labwe hüra mena e mire irang, 31bwa iiye e kaüül marahara lei tabwer bwa: “Rauri Yalematara labwe hädi lada hariil yalemat hara labwe riiye. Nga dörübwongi werimwilir nga iiye ra ebwe fadatafaari.”
32Nga dari na iile la tahüra nifaari mena e kaüül, nga la matahü na labwe hadiya.
Itöü mena e Taitei Dewa?
(Mateus 18.1-5; Lukas 9.46-48)
33Lada raho Kapernaum, nga ifiri mena lada bwirango räni iimwe nga Hesus eda hadiyael marahara lei tabwer bwa, “Meta-mo hau hatihou fängääni hataingehir ma räni yaar?”
34Nga la tai parüyeri mena ramar bwanasahü la hangingi fängääni hale itöü ma uworuul mena e matamat. 35Hesus eda maatotiwo eda fadöngü fängäniil marahara deih ma liyemaru lei tabwer eda haüül bwa, “Yalematara e masari bwa ebwe matamowa hataingehiri mena ebwe iiye mena ebwe haühüh dewa ma uworuul urutael yalemat. Nga iiye mena yael lei haküröü ma urutael.” 36Eda hädi demarü riweisi eda haddüye imowar eda lopengi nga e haüül bwa, 37“Yalematara ebwe hori iitei eda hädi demarü riweisi har ebwe hädiyei; nga yalematara ebwe hädiyei, e tai ngaangu söhü mena e hädiyei bwa eda bwara hädi yalematara e hataliyeitoho.”
Yalematara e tai Ranarohis ra Iiye Uwas
(Lukas 9.49-50)
38Yohanes eda haüye bwa, “Tanaho, hai käkäne demarü mwaare ra e hori itomu eda harewarewawau yarüdü tammaü, haida haddüye bwanasahü na iiye tai uwas.”
39Hesus eda haüül bwa, “Hau tawai pahuye, bwa e tawol yalematara e hori iitei eda faülü kamarari yarüdü ra ebwe süye bwa ebwe tapa tammaüyei werimwilir. 40Bwa yalematara e tai ranarohis iiye uwas. 41Ibwe hau dewahami bwa yalematara e harihemi dewo pöüleri sörü bwa urumemi bwa hami uwei ebwe hädi dewa honi ngüsür.
Hapana raho ifi tammaü
(Mateus 18.6-9; Lukas 17.1-2)
42“Nga sahü nga e wol yalemat re e faülü demarü yalemataha la halofalof bwa ebwe tawolaraho yaar hatödü iyoloi, iiye e fäli maho bwa ebwe höhöyahi üyar ifiri tarapari fadu lada hatubwarango räni matawa. 43Ke nga sahü nga humusumu hale pasapasari hubwomu na e faülü bwa ebwe tawolaraho yaamu hatödü, hoda dopiyaraho! E fäli maho ra hobwe bwirango räni tawol haühühüri fad nga e hara depau humusumu ma ifiri ra ebwe luyepau humusumu hoda bwirango uwawori farüyeriyefi ra e tawol haühühüri puror.#9.43 Palüül pepari Greek e wol verse 44 irang: Bwa iiro hara e hosael e tawol mader, nga yafi ra e hakalael ra e tawol haühühüri puror. 45Nga sahü nga hubwomu e sapiye eda tawol yaamu hatödü hoda dopiye! E fäli maho ra hobwe bwirango räni tawol haühühüri fad nga hara dehubw hubwomu ma ifiri ra ebwe luyehub hubwomu hoda püngürango uwawori farüyeriyefi.#9.45 Palüül pepari Greek e wol verse 44 irang: Bwa iiro hara e hosael e tawol mader, nga yafi ra e hakalael ra e tawol haühühüri puror. 47Nga sahü nga yaamu tatalof e sapiye eda tawol yaamu hatödü hoda wetihawau! Bwa e fäli maho ra hobwe bwirango räni farüyeri Dios nga e hara delaye yaamu tatalof ma ifiri ra ebwe mire ma luyelaye hoda püngürango uwawori farüyeriyefi. 48Bwa ‘iiro hara e hosael e tawol mader, nga yafi ra e hakalael ra e tawol haühühüri puror.’
49“Urutael yalematara labwe uruyehi ifiri yefi, eda weya mena ffahi ra e uruyehi ifiri sol.
50“E maho dewa me sol; nga dari na ebwe tawol tatiri sol, ebwe feita hoda para hatatiye tafariya?
“Ebwe wol sol nipatami, nifaari mere: ebwe wol marüyörüye nipatami.”
ទើបបានជ្រើសរើសហើយ៖
Markus 9: SOV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.
Markus 9
9
1Hesus eda tabowaraho ramar eda dölü bwa, “Ibwe hau dewahami bwa e wol ma uworumi ma ihar ra la tawai made eda tohongari na labwe käkäne farüyeri Dios ra ebwe bwitoho nga e pülüyatoho ppou.”
Hesus e Werihehihoraho
(Mateus 17.1-13; Lukas 9.28-36)
2Worobwongi werimwilir Hesus eda hädi Petrus, ma James, ma Yohanes, lada bwitahe wori dewa tahiyeta duh, har iila sahü. La süyeri hakabaühü nga Hesus eda moudurahoraho hapaühür, 3marahara üffar eda fidifidi pweser; e pwes dewa e tawol yalemat re ebwe süye bwa ebwe hawengari pweser. 4Nga marahara dörümörü lei tabwer lada käkäne Elias ma Moses la uwolongolongo fängääni ma Hesus. 5Petrus eda titiro eda haüye Hesus bwa, “Tanaho, e maho dewa me di mire ihar! Haibwe haddüye dörüwe tento, dewo yaamu, dewo yaari Moses, nga dewo yaari Elias.” 6Iiye ma marahara palüül e yalaraho dewa yael matahü e tahüra meta ebwe dölü.
7Nga manirengi eda bwito boruborüül, nga e wol raam ra e buwou ma retiperi manirengi ra e dölü bwa, “Iyer me Rai ra i wahawahahiri; hau hadutering ramar!” 8Lada taraefatare nga e tawol yalemat; bwa hara demarü Hesus mena e mire iyoloil.
9Ifiri mena lada wehitiwo ma uwawo duhu, Hesus eda hatabotabo ngariil bwa, “Hau tawai hahüraringeriil yalemat marahawe hau hakane, eda tohongari mena Rauri Yalemat ebwe simwatahe ma ifiri made.”
10La tabweya mena e hatabotabo ngariil, nga dari na iile sahü lada haddiye fängääni nipatael hale, “Meta nifaari mena ‘simwatahe ma ifiri made?’ ” 11Lada hadiya Hesus bwa, “Meta sapir lei tanahori Farau la dölü bwa Elias ebwe uhori bwitoho?”
12E parüyeri mena ramael nga e dölü bwa, “Hatödü bwa Elias ra ebwe uhotoho bwa ebwe hawerewereni uruteri faülümire. Nga meta sapiri we Farüförü Liya e dölü bwa Rauri Yalematara ebwe irama nga yalemat labwe wehitengi? 13Nga ngaangu ibwe hauhemi bwa Elias ra eda mori bwitoho, nga yalemat la faülüngeri marahara la masariye eda raho iyolor eda weya sahü-mo e dölü Farüförü Liya hataingehiri Elias.”
Hesus E Harewawau Yarüdü Tammaü Ma Retiperi Demarü Riweisi Mwaare
(Mateus 17.14-21; Lukas 9.37-43a)
14Ifiri mena lada wehitafaari iyoloil marahara palüül lei tabweri Hesus, nga la käkäneiil ttouul yalemat bwa la talangael nga palüül tanahori Farau ra la hatihouul. 15Nga ifiri mena yalemat la käkäne Hesus, la lüdü dewa lada taali lada raho kkeleyahiri. 16Hesus eda hadiyael marahara lei tabwer bwa, “Meta me hau hatihou fängääni hataingehir?”
17Demarü mwaare re e mire uworuul yalemat hara eda parüyeri ramari Hesus eda dölü bwa, “Tanaho, i heditoho me rai mwaare iyolomu bwa e wol yarüdü tammaü retipar e tasüye bwa ebwe titiro. 18Fada mena yarüdü tammaü ebwe tiworango retipar eda hädi eda peitingar taaro eda bulobulowau ma räni yaar titiro nga e hatata ngiir eda hasifesifa podür. I tingaloil maraha lei tabwemu bwa labwe harewawau yarüdü tammaü ma retipar, nga e tasüya ngariil.”
19Hesus eda haüül bwa, “E tawol dewa yami hatödü! Ebwe weya meta miriyarairi yai i mire iyolomi? Ebwe weya meta miriyarairi yai hasingisingi iyolomi? Häditoho riweisira iyoloi!” 20Lada hadaraho riweisira iyolori Hesus.
Ifiri mena yarüdü tammaüra e käkäne Hesus, eda üsühü tawadiye riweisira eda püngütiwo itaaro eda taforo fatare nga e bulobulowau ma räni yaar titiro. 21Hesus eda hadiya mwana tamar bwa, “Eda mori weya meta miriyarairi yaar haiter?”
Mwana eda parüyeri eda dölü bwa, “Ifiri-mo e happar eda bwito meihira. 22Eda mori pipiya yaari mena yarüdü tammaü pangi bwa ebwe riiye eda peitarango uwoni yefi hale räni sörü. Hobwe fahohamami hoda tapangihamami, hale ebwe süya ngariho!”
23Hesus eda haüye bwa, “Üngö, nga sahü nga heer e süya ngariho. Uruteri faülümire nga e süye bwa ebwe faülüyehi hataingehiri yalematara e wol yaar hatödü.”
24Mwana tamari riweisira eda hakalofa ramar nga e dölü bwa, “Ngaangu e wol yai hatödü, nga dari na e tahou. Tapangiyei bwa ebwe ppou yai hatödü!”
25Hesus e habaühü nga ttouul yalemat lada hilimwatoho iyoloil eda hammatahü yarüdü tammaüra nga e dölü bwa, “Heer yarüdü tammaü ra ho tai titiro nga e püngü taringomu, i harewahowau ma retiperi riweisi ra nga ho tawai para wehitafaari rango retipar!”
26Yarüdü tammaü ura eda kabwat nga e peiti tawadiye riweisi ra eda itiwou ma retipar. Riweisi ra eda weya hapaühüül lei made, urutael yalemat lada ppari dölü bwa, “E mori made!” 27Nga Hesus eda hamasü pauri riweisi ra eda hasimwataheya eda bwita ddü.
28Ifiri mena eda itirango räni iimwe eda iila sahü, nga marahara lei tabwer lada hadiya bwa, “Meta sapir eda tasüya ngarihamami bwa haibwe harewawau yarüdü tammaü we?”
29Hesus eda parüyeri ramael eda dölü bwa, “Hara dewa sahü sipesipe mena e süye bwa ebwe harewawau mena e weya mere.”
Hesus Eda Para Tapa Titiini Mader
(Mateus 17.22-23; Lukas 9.43b-45)
30Hesus ma marahara lei tabwer lada süya ma burukara nga lada itirahori Kalilea. Hesus e tei masari na yalemat labwe hüra mena e mire irang, 31bwa iiye e kaüül marahara lei tabwer bwa: “Rauri Yalematara labwe hädi lada hariil yalemat hara labwe riiye. Nga dörübwongi werimwilir nga iiye ra ebwe fadatafaari.”
32Nga dari na iile la tahüra nifaari mena e kaüül, nga la matahü na labwe hadiya.
Itöü mena e Taitei Dewa?
(Mateus 18.1-5; Lukas 9.46-48)
33Lada raho Kapernaum, nga ifiri mena lada bwirango räni iimwe nga Hesus eda hadiyael marahara lei tabwer bwa, “Meta-mo hau hatihou fängääni hataingehir ma räni yaar?”
34Nga la tai parüyeri mena ramar bwanasahü la hangingi fängääni hale itöü ma uworuul mena e matamat. 35Hesus eda maatotiwo eda fadöngü fängäniil marahara deih ma liyemaru lei tabwer eda haüül bwa, “Yalematara e masari bwa ebwe matamowa hataingehiri mena ebwe iiye mena ebwe haühüh dewa ma uworuul urutael yalemat. Nga iiye mena yael lei haküröü ma urutael.” 36Eda hädi demarü riweisi eda haddüye imowar eda lopengi nga e haüül bwa, 37“Yalematara ebwe hori iitei eda hädi demarü riweisi har ebwe hädiyei; nga yalematara ebwe hädiyei, e tai ngaangu söhü mena e hädiyei bwa eda bwara hädi yalematara e hataliyeitoho.”
Yalematara e tai Ranarohis ra Iiye Uwas
(Lukas 9.49-50)
38Yohanes eda haüye bwa, “Tanaho, hai käkäne demarü mwaare ra e hori itomu eda harewarewawau yarüdü tammaü, haida haddüye bwanasahü na iiye tai uwas.”
39Hesus eda haüül bwa, “Hau tawai pahuye, bwa e tawol yalematara e hori iitei eda faülü kamarari yarüdü ra ebwe süye bwa ebwe tapa tammaüyei werimwilir. 40Bwa yalematara e tai ranarohis iiye uwas. 41Ibwe hau dewahami bwa yalematara e harihemi dewo pöüleri sörü bwa urumemi bwa hami uwei ebwe hädi dewa honi ngüsür.
Hapana raho ifi tammaü
(Mateus 18.6-9; Lukas 17.1-2)
42“Nga sahü nga e wol yalemat re e faülü demarü yalemataha la halofalof bwa ebwe tawolaraho yaar hatödü iyoloi, iiye e fäli maho bwa ebwe höhöyahi üyar ifiri tarapari fadu lada hatubwarango räni matawa. 43Ke nga sahü nga humusumu hale pasapasari hubwomu na e faülü bwa ebwe tawolaraho yaamu hatödü, hoda dopiyaraho! E fäli maho ra hobwe bwirango räni tawol haühühüri fad nga e hara depau humusumu ma ifiri ra ebwe luyepau humusumu hoda bwirango uwawori farüyeriyefi ra e tawol haühühüri puror.#9.43 Palüül pepari Greek e wol verse 44 irang: Bwa iiro hara e hosael e tawol mader, nga yafi ra e hakalael ra e tawol haühühüri puror. 45Nga sahü nga hubwomu e sapiye eda tawol yaamu hatödü hoda dopiye! E fäli maho ra hobwe bwirango räni tawol haühühüri fad nga hara dehubw hubwomu ma ifiri ra ebwe luyehub hubwomu hoda püngürango uwawori farüyeriyefi.#9.45 Palüül pepari Greek e wol verse 44 irang: Bwa iiro hara e hosael e tawol mader, nga yafi ra e hakalael ra e tawol haühühüri puror. 47Nga sahü nga yaamu tatalof e sapiye eda tawol yaamu hatödü hoda wetihawau! Bwa e fäli maho ra hobwe bwirango räni farüyeri Dios nga e hara delaye yaamu tatalof ma ifiri ra ebwe mire ma luyelaye hoda püngürango uwawori farüyeriyefi. 48Bwa ‘iiro hara e hosael e tawol mader, nga yafi ra e hakalael ra e tawol haühühüri puror.’
49“Urutael yalematara labwe uruyehi ifiri yefi, eda weya mena ffahi ra e uruyehi ifiri sol.
50“E maho dewa me sol; nga dari na ebwe tawol tatiri sol, ebwe feita hoda para hatatiye tafariya?
“Ebwe wol sol nipatami, nifaari mere: ebwe wol marüyörüye nipatami.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.