Mateus 9
9
Hesus E Hasüya Hamatahir Demarü Lei e Tasüya bwa ebwe Mahütü Podür
(Markus 2.1-12; Lukas 5.17-26)
1Hesus eda taütahe usuri uwa eda räni yaar wotawot ra e mire ifiri ngaseri sarüra ma layera delaye. 2Palüül yalemat lada häditoho demarü mwaare iyolor ra e tasüya bwa ebwe mahütü podür ra e woro räni hiyar. Ifiri na Hesus eda käkäne ppouri yael hatödü eda haüya mwana e tasüya bwa ebwe mahütü podür bwa, “Rai, happouwa tipomu! Eda mori tara tammaümu.”
3Palüül tanahori Farau lada dölü ma faringörüngörüül bwa, “Yalematayer ra e tironühüye Dios!”
4Hesus e hüra na yael mangimengi eda haüül bwa, “Meta e faülü hauda mangini mangimengi hara e tammaü? 5Iyefa ra e fäli süya, ra ibwe dölü bwa, ‘Eda mori tara tammaümu’, hale ira ibwe dölü bwa, ‘Düütahe hoda fatare’? 6Ibwe hanangarihemi bwa Rauri Yalemat e wol ppour uwori farüyeri yalemat bwa ebwe tatar tammaü.” Eda haüye mwana e mangüs bwa, “Düütahe, hoda hädi hiyomu, hoda raho matariimwomu!”
7Mwana eda düütahe eda raho matariimwar. 8Yalemat la käkäne na e faülüyehi lada ppari matahü nga la hapingepinga Dios, bwa e hariil yalemat tarapari ppou.
Hesus E Fadöngü Mateo
(Markus 2.13-17; Lukas 5.27-32)
9Hesus eda süya ma burukara eda paparaho nga eda käkäne demarü lei ikkeri tax ra iitar Mateo ra e maato räni yaar ofisi. Hesus eda haüya bwa, “Bwitoho pülüyei.”
Mateo eda düütahe eda pülüye.
10E pipiya lei ikkeri tax ma yalemat hara la mire ifiri tammaü ra la pülüya Hesus ma marahara lei tabwer mwangaü uwawori tebwar ma niimweri Mateo. 11Palüül Farisi lada käkäne na e faülüyehi lada hadiyael marahara lei tabweri Hesus bwa, “Meta e faülü yami tanaho eda pülül marahar mwangaü?”
12Hesus e longolong na la dölü eda haüül bwa, “E tawol nifaari tahota iyoloil yalemat hara la tai hamatahi. Har marahara la hamatahi na e wol nifaari tahota iyoloil. 13Hau raho hauda habaühü hale meta nifaari na Farüförü Liya e dölü bwa, ‘Tipamau na i masariya, e tai maru hara la hori ffahi.’ I tei bwitoho bwa ibwe fadöngüül lei tipangahi, bwa i bwitoho fadöngüül lei tammaü.”
Haddiye Hataingehiri Hasih
(Markus 2.18-22; Lukas 5.33-39)
14Marahara lei tabweri Yohanes ra Lei Hatütü la raho iyolori Hesus lada hadiya bwa, “Meta e faülü ra hamami ma marahara Farisi hai haye hasiha hamami, nga iyahara lei tabwemu la tai haye hasihael?”
15Hesus eda haüül bwa, “Hau mangiya nga marahara la raho ifiri sänneri liili ebwe tammaü faringörüngörüül, ifiri na e süyeri mire iyoloil mwana e liili? E tawau ra süya-mo! Nga dari na e wol lanera erau bwitoho ra larau hädi mwana e liili ma iyoloil, ifiri mena nga larau hasihael.
16“E tawol yalemat re e haye ekka üff taifou eda türüngü ngeri üff a bwede, bwa erau lofetoho üffara e taifou eda hatarapararaho feingehiri üffara e bwede. 17Nga eda par tawol yalemat e hae itenango bino taifou räni hini maru ra räniyeri bino ra e bwede, bwa erau feingehi nga eda delewau ira bino ma iran nga e feingehi ira hini maru. Ira la haye faaülü ra la akka bino ra e taifou lada itenango räni hini marura ra e taifou, bwa e tawai tawadi ira bino nga mena räniyar nga e tawai tawadi.”
Faifina Rauri Tamoni Moumou Ma Faifina E Hatangowa Üfferi Hesus
(Markus 5.21-43; Lukas 8.40-56)
18Ifiri na Hesus e dölü mere, nga e wol demarü tamoni moumou eda raho iyolor eda hadobuhuyetiwo imowar nga e dölü bwa, “Rai riweisi faifire ra masu yaar püngüraho sahü; bwitoho bwa hobwe itetahe paumu uwawor bwa ebwe fadatafaari.”
19Hesus eda düütahe eda tabweyaraho mwana, nga marahara lei tabwer nga la pülüyaraho.
20Demarü faifire ra eda mori deih ma luwouwa madirap yaar fatare ssar eda patoho ma imwiliri Hesus eda hatangowa na meseri na üffar. 21Faifina eda mangiya ma faringörüngön bwa, “Yaari na ibwe hatangowa sahü na üffar nga ibwe mahoraho.”
22Hesus eda taraetafaari eda käkäne faifina eda haüya bwa, “Rai, happouwa tipomu! Yaamu hatödü e faülüho hoda mahoraho.” Ifiri mena sahü nga faifina eda mahoraho.
23Hesus eda itirango niimweri mwana tamoni moumou, eda käkäneiil marahara lei tomitomi ma lei yalofalof ma lei tengi. 24Hesus eda haüül bwa, “Hau itiwou ma urutemi! Happalafaifirer ra e tai made bwa e madülü.” Marahara la towu ihira lada pari ramadelaye nga la mariyehiri. 25Werimwiliri na urutael yalemat lada pari itiwou, Hesus eda bwirango räni rarosihiri riweisira eda hamasü paür, riweisira eda simwatahe. 26Eda saworaparaho uwawori farüyara titiini na e faülüyehi.
Hesus E Faülüül Liyemaru Lei Taburi Matael bwa Labwe Käkäne Faülümire
27Hesus eda süya ma burukara eda paparaho, nga liyemaru mwaare ra e tabu matael lada tabweya mwiir lada kabwat nga la dölü bwa, “Rauri Dabid, fahohamami.”
28Ifiri na Hesus eda itirango niimw, nga marahara liyemaru lei taburi matael lada bwirango iyolor, eda hadiyael bwa, “Hau hatödüya bwa e süya bwa ibwe faülühemi bwa haubwe käkäne faülümire?”
Marahara liyemaru lada haüya bwa, “Latu, hai hatödüya bwa e süya.”
29Hesus eda hatangow matael nga e dölü bwa, “Ebwe faülüyehi eda weya na hau hatödüya!” 30Ifiri mena sahü nga lada käkäne faülümire. Hesus eda hau dewael ma la liyemaru bwa, “E tawol dewa demarü yalemat re haubwe haüya na e faülüyehi!”
31Nga ifiri na marahara liyemaru lada süya, lada raho lada tapa na Hesus e faaülü eda saworaparaho titiini na e faülüyehi uwawori farüyara.
Hesus E Faaülü Mwana E Tasüye Bwa Ebwe Titiro bwa Ebwe süye bwa Ebwe Titiro
32Werimwiliri na lada süya marahara liyemaru ra e tabu matael, nga palüül yalemat lada hadaraho ifiri Hesus demarü mwaare ra e tasüya bwa ebwe titiro, bwa e wol yarüdü tammaü faringörüngön. 33Nga ifiri na Hesus eda harewawau yarüdü tammaüra ma faringörüngöni mwana eda süye bwa mwana ebwe titiro. La ppari ludu urutael yalemat; lada ppari dölü bwa, “E teiti wola-mo na dibwe käkäne bwa e faülüyehi ma uwawori Israel ra ebwe weya mere!”
34Nga iyahara Farisi lada dölü bwa, “Tamoni yarüdü tammaü na e haneya Hesus ppou bwa ebwe harewarewawau yarüdü tammaü.”
Hesus E Fahoil Yalemat
35Hesus eda raho mweyali wuruteri wotawot ma hadohadoh nga e kaüül yalemat ma räni iimweri uwolongolong nga e tapa Titiro Maho nihataingehiri Farüyeri Dios, nga e hasüya matamatari hamatahiil marahara la hamatahi. 36Ifiri na eda käkäneiil marahara la towu eda moutoho yaar fahoil, bwanasahü na la fangiyengi nga la tahüra na labwe faülü lada weni siipi hara e tawol re e habaühüül. 37Hesus eda haüül marahara lei tabwer bwa, “E yalaraho dewa uwari fatoh nga la tahou iyahara lei fitehi bwa labwe hatoiyerini iyahara uwaar. 38Nga e haitina hauda tingalowa Yalematara e Tamoruye na labwe hiri uwari siriheti, bwa ebwe hataliwou lei fitehi bwa labwe hatoiyerini uwari siriheti.”
ទើបបានជ្រើសរើសហើយ៖
Mateus 9: SOV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.
Mateus 9
9
Hesus E Hasüya Hamatahir Demarü Lei e Tasüya bwa ebwe Mahütü Podür
(Markus 2.1-12; Lukas 5.17-26)
1Hesus eda taütahe usuri uwa eda räni yaar wotawot ra e mire ifiri ngaseri sarüra ma layera delaye. 2Palüül yalemat lada häditoho demarü mwaare iyolor ra e tasüya bwa ebwe mahütü podür ra e woro räni hiyar. Ifiri na Hesus eda käkäne ppouri yael hatödü eda haüya mwana e tasüya bwa ebwe mahütü podür bwa, “Rai, happouwa tipomu! Eda mori tara tammaümu.”
3Palüül tanahori Farau lada dölü ma faringörüngörüül bwa, “Yalematayer ra e tironühüye Dios!”
4Hesus e hüra na yael mangimengi eda haüül bwa, “Meta e faülü hauda mangini mangimengi hara e tammaü? 5Iyefa ra e fäli süya, ra ibwe dölü bwa, ‘Eda mori tara tammaümu’, hale ira ibwe dölü bwa, ‘Düütahe hoda fatare’? 6Ibwe hanangarihemi bwa Rauri Yalemat e wol ppour uwori farüyeri yalemat bwa ebwe tatar tammaü.” Eda haüye mwana e mangüs bwa, “Düütahe, hoda hädi hiyomu, hoda raho matariimwomu!”
7Mwana eda düütahe eda raho matariimwar. 8Yalemat la käkäne na e faülüyehi lada ppari matahü nga la hapingepinga Dios, bwa e hariil yalemat tarapari ppou.
Hesus E Fadöngü Mateo
(Markus 2.13-17; Lukas 5.27-32)
9Hesus eda süya ma burukara eda paparaho nga eda käkäne demarü lei ikkeri tax ra iitar Mateo ra e maato räni yaar ofisi. Hesus eda haüya bwa, “Bwitoho pülüyei.”
Mateo eda düütahe eda pülüye.
10E pipiya lei ikkeri tax ma yalemat hara la mire ifiri tammaü ra la pülüya Hesus ma marahara lei tabwer mwangaü uwawori tebwar ma niimweri Mateo. 11Palüül Farisi lada käkäne na e faülüyehi lada hadiyael marahara lei tabweri Hesus bwa, “Meta e faülü yami tanaho eda pülül marahar mwangaü?”
12Hesus e longolong na la dölü eda haüül bwa, “E tawol nifaari tahota iyoloil yalemat hara la tai hamatahi. Har marahara la hamatahi na e wol nifaari tahota iyoloil. 13Hau raho hauda habaühü hale meta nifaari na Farüförü Liya e dölü bwa, ‘Tipamau na i masariya, e tai maru hara la hori ffahi.’ I tei bwitoho bwa ibwe fadöngüül lei tipangahi, bwa i bwitoho fadöngüül lei tammaü.”
Haddiye Hataingehiri Hasih
(Markus 2.18-22; Lukas 5.33-39)
14Marahara lei tabweri Yohanes ra Lei Hatütü la raho iyolori Hesus lada hadiya bwa, “Meta e faülü ra hamami ma marahara Farisi hai haye hasiha hamami, nga iyahara lei tabwemu la tai haye hasihael?”
15Hesus eda haüül bwa, “Hau mangiya nga marahara la raho ifiri sänneri liili ebwe tammaü faringörüngörüül, ifiri na e süyeri mire iyoloil mwana e liili? E tawau ra süya-mo! Nga dari na e wol lanera erau bwitoho ra larau hädi mwana e liili ma iyoloil, ifiri mena nga larau hasihael.
16“E tawol yalemat re e haye ekka üff taifou eda türüngü ngeri üff a bwede, bwa erau lofetoho üffara e taifou eda hatarapararaho feingehiri üffara e bwede. 17Nga eda par tawol yalemat e hae itenango bino taifou räni hini maru ra räniyeri bino ra e bwede, bwa erau feingehi nga eda delewau ira bino ma iran nga e feingehi ira hini maru. Ira la haye faaülü ra la akka bino ra e taifou lada itenango räni hini marura ra e taifou, bwa e tawai tawadi ira bino nga mena räniyar nga e tawai tawadi.”
Faifina Rauri Tamoni Moumou Ma Faifina E Hatangowa Üfferi Hesus
(Markus 5.21-43; Lukas 8.40-56)
18Ifiri na Hesus e dölü mere, nga e wol demarü tamoni moumou eda raho iyolor eda hadobuhuyetiwo imowar nga e dölü bwa, “Rai riweisi faifire ra masu yaar püngüraho sahü; bwitoho bwa hobwe itetahe paumu uwawor bwa ebwe fadatafaari.”
19Hesus eda düütahe eda tabweyaraho mwana, nga marahara lei tabwer nga la pülüyaraho.
20Demarü faifire ra eda mori deih ma luwouwa madirap yaar fatare ssar eda patoho ma imwiliri Hesus eda hatangowa na meseri na üffar. 21Faifina eda mangiya ma faringörüngön bwa, “Yaari na ibwe hatangowa sahü na üffar nga ibwe mahoraho.”
22Hesus eda taraetafaari eda käkäne faifina eda haüya bwa, “Rai, happouwa tipomu! Yaamu hatödü e faülüho hoda mahoraho.” Ifiri mena sahü nga faifina eda mahoraho.
23Hesus eda itirango niimweri mwana tamoni moumou, eda käkäneiil marahara lei tomitomi ma lei yalofalof ma lei tengi. 24Hesus eda haüül bwa, “Hau itiwou ma urutemi! Happalafaifirer ra e tai made bwa e madülü.” Marahara la towu ihira lada pari ramadelaye nga la mariyehiri. 25Werimwiliri na urutael yalemat lada pari itiwou, Hesus eda bwirango räni rarosihiri riweisira eda hamasü paür, riweisira eda simwatahe. 26Eda saworaparaho uwawori farüyara titiini na e faülüyehi.
Hesus E Faülüül Liyemaru Lei Taburi Matael bwa Labwe Käkäne Faülümire
27Hesus eda süya ma burukara eda paparaho, nga liyemaru mwaare ra e tabu matael lada tabweya mwiir lada kabwat nga la dölü bwa, “Rauri Dabid, fahohamami.”
28Ifiri na Hesus eda itirango niimw, nga marahara liyemaru lei taburi matael lada bwirango iyolor, eda hadiyael bwa, “Hau hatödüya bwa e süya bwa ibwe faülühemi bwa haubwe käkäne faülümire?”
Marahara liyemaru lada haüya bwa, “Latu, hai hatödüya bwa e süya.”
29Hesus eda hatangow matael nga e dölü bwa, “Ebwe faülüyehi eda weya na hau hatödüya!” 30Ifiri mena sahü nga lada käkäne faülümire. Hesus eda hau dewael ma la liyemaru bwa, “E tawol dewa demarü yalemat re haubwe haüya na e faülüyehi!”
31Nga ifiri na marahara liyemaru lada süya, lada raho lada tapa na Hesus e faaülü eda saworaparaho titiini na e faülüyehi uwawori farüyara.
Hesus E Faaülü Mwana E Tasüye Bwa Ebwe Titiro bwa Ebwe süye bwa Ebwe Titiro
32Werimwiliri na lada süya marahara liyemaru ra e tabu matael, nga palüül yalemat lada hadaraho ifiri Hesus demarü mwaare ra e tasüya bwa ebwe titiro, bwa e wol yarüdü tammaü faringörüngön. 33Nga ifiri na Hesus eda harewawau yarüdü tammaüra ma faringörüngöni mwana eda süye bwa mwana ebwe titiro. La ppari ludu urutael yalemat; lada ppari dölü bwa, “E teiti wola-mo na dibwe käkäne bwa e faülüyehi ma uwawori Israel ra ebwe weya mere!”
34Nga iyahara Farisi lada dölü bwa, “Tamoni yarüdü tammaü na e haneya Hesus ppou bwa ebwe harewarewawau yarüdü tammaü.”
Hesus E Fahoil Yalemat
35Hesus eda raho mweyali wuruteri wotawot ma hadohadoh nga e kaüül yalemat ma räni iimweri uwolongolong nga e tapa Titiro Maho nihataingehiri Farüyeri Dios, nga e hasüya matamatari hamatahiil marahara la hamatahi. 36Ifiri na eda käkäneiil marahara la towu eda moutoho yaar fahoil, bwanasahü na la fangiyengi nga la tahüra na labwe faülü lada weni siipi hara e tawol re e habaühüül. 37Hesus eda haüül marahara lei tabwer bwa, “E yalaraho dewa uwari fatoh nga la tahou iyahara lei fitehi bwa labwe hatoiyerini iyahara uwaar. 38Nga e haitina hauda tingalowa Yalematara e Tamoruye na labwe hiri uwari siriheti, bwa ebwe hataliwou lei fitehi bwa labwe hatoiyerini uwari siriheti.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.