Mateus 10
10
Deih Ma Liyemaru Apostol
(Markus 3.13-19; Lukas 6.12-16)
1Hesus e fadöngü fängäniil marahara deih ma liyemaru lei tabwer, eda haneil ppou bwa labwe harewarewawau yarüdü tammaü ma faringörüngörüül yalemat, nga la hasüyani matamatari hamatahi. 2Iyer na iitael marahara deih ma liyemaru apostol: matamow nga Simon (ra lada fadöngüngeri bwa Petrus) ma mwana bwidir Andres; James ma mwana bwidir Yohanes, ra rauri Zebedee; 3Felipe ma Bartolome; Tomas ma Mateo, we lei ikkeri tax; James we rauri Alfeus, ma Tadeus; 4Simon we e hataiteiye farüyar, ma Yudas Iscariot we e fangaraho Hesus bwa labwe riiye.
Yael Marahara Deih Ma Liyemaru Fitehi
(Markus 6.7-13; Lukas 9.1-6)
5Hesus e hatalilawau maraha deih ma liyemaru mwaare nga e haüül titirohar: “Hau tawai raho uwawori farüyahara farüyael marahara e tai iil sawori Israel, hale räni dew wotawota hara yael sawori Samaria. 6Haubwe raho iyoloil siipi hara la mariraho ra iil sawori Israel. 7Haubwe raho hauda kaüül bwa, ‘Eda mori halep Farüyeri weirengi!’ 8Hau hasüya hamatahiil lei hamatahi, nga hau hafadatafariil lei made, nga hau hafaheya rühüül maka hamatahiri rühüül, nga hau harewawau yarüdü tammaü ma faringörüngörüül. Hau tei parüyerini marahar ifiri yami hedini, eda tawai wol parüyen ifiri na haubwe faülü. 9Hau tawai ikka kolt hale silver hale mane ramo räni pwahetari üffemi. 10Ifiri na haubwe raho nga hau tawai ikka paahe nga hau tawai ikka haduweni üffemi hale yami susu hale dohomi. Lei fitehi ra hataingehiri na labwe hariil marahara labwe horini ifiri yael fitehi.
11“Ifiri na haubwe bwirango räni dew wotawot hale hadohadoh, hauda bwirango hauda kupeti yalematara e masari bwa haubwe mire iyolor. Haubwe mire sahü iyolor eda tohongari na haubwe süya ma irang. 12Niyatora haubwe itirango räni dew iimw hauda dölü bwa, ‘Marüyörüya ebwe mire iyolomi.’ 13Nga sahü nga sawori iimwara la ngütahe bwa haubwe itirango, ira hauda faülü ebwe mire na yami marüyörüya bwa ebwe mire iyoloil; nga sahü nga la tamasari na haubwe mire iyoloil, ira hauda para häditafariya na yami marüyörüya ma iyoloil. 14Nga sahü nga palüül iimw hale wotawot la tamasari na haubwe bwirango iyoloil hale la tamasari hadutering ramami, haubwe süya ma burukara nga hau üsüharaho masalori hubwemi. 15Ibwe hau dewahami bwa lanera ebwe wol haühühüri haddiye nga Dios ebwe mala fahoil sawori Sodom ma Gomorra ma imowael sawori wotawotara.
Hairama Ra Erau Bwitoho
(Markus 13.9-13; Lukas 21.12-17)
16“Hau hadutering! I hatalihemiwou hauda weya sahü siipi nipatael wolf. Haubwe hawengari rabuto ra e lepahau nga hau marüyörüya hauda weya hiyoope. 17Haubwe halihihami bwa e mar wol palüül mwaare ra labwe dubuli hami lada hädihamiraho ifiri haddiye nga la wautuhami ma räni iimweri uwolongolong. 18Ngaangu sapiri me larau hädihemiwou ifiri haddiye imowael tamoru ma king bwa haubwe haüül Titiro Maho bwa ebwe saworaparaho titiror iyoloil marahara e tai iil sawori Israel. 19Hau tawai fangiyengi hale meta na haubwe dölü hale ebwe feita yami tapa, ifiri na labwe hädihemiwou ifiri haddiye; bwa niyatora nga e wol re ebwe hauhemi na haubwe tapa. 20Ramara haubwe tapa nga e tai ramami, bwa ebwe bwitoho ma ifiri Ngöni Papami eda faaülühami bwa haubwe tapa.
21“Mwaare larau fangaraho bwidil bwa labwe riiya, nga tamatama nga larau fangaraho wonoul bwa labwe riil, nga rauul nga larau dongahiril tamael ma dirael lada fangaraho bwa labwe riil. 22Ngaangu sapiri me uruteri yalemat larau dongahirihemi. Nga dari na yalematara e hasingisingi eda tohongari haühühür ra ebwe rru. 23Nga sahü nga la riihemi ma räni dew wotawot hauda mwaroraho räni dew wotawot. Ibwe hau dewahami bwa e tawai bwängi yami fitehi ma räni uruteri wotawotari Israel imowari na Rauri Yalemat ebwe par wehitafaari.
24“E tawol riweisiri sukuru ra ebwe lepahau ma imowari tanahora e kaüye, nga e tawol lei haküröü ra ebwe taitei ma imowari yaar tamoru. 25Ebwe maho faringörüngörüül riweisiri sukuru ifiri na ebwe bwitahe eda weya tanahora e kaüye, nga e maho faringörüngöni lei haküröü ifiri na ebwe raho eda weya yaar tamoru. Nga sahü nga la fadöngüngeri tamoni iimw bwa Beelsebul, ira nga ebwe par tammaü dewa iitara labwe fadöngüngeriil iyahara sawori iimwar.
Itöü Ra Haubwe Matahü
(Lukas 12.2-7)
26“Hau tawai matahüül yalemat. Uruteri marahara e mwaro meihira ra erau nnahawau, nga uruteri titiro hamwaromwaro nga yalemat larau hüra. 27Marahawe i hauhemi niloso ra haubwe tapa niweledahi, nga titiro hawe hami hau longolongo ra haubwe dölüngaraho ma wori ungeri iimw. 28Hau tawai matahüül marahara e süya bwa labwe riiya podümi nga e tasüya bwa labwe riiya ra ngörümi. Haubwe matahü Dios ra e süya bwa ebwe peitatiwo podümi ma ngörümi farüyeriyefi. 29E süya bwa haubwe hädi döpöü sensi hauda parüyeri liyemaru happari maru; nga e tawol demarü ma uwoni happari maru har ra ebwe püngütiwo uwawori masalo ifiri na Papami ebwe tai dölü bwa ebwe püngütiwo. 30Ma marahara riyeni simwemi nga e mori hahoyayahi. 31Hau tawai matahü; e tarapar nifami hami ma imowari towuri happari maru.
Ho Hatödüye hale ho tei Hatödüye Kristo
(Lukas 12.8-9)
32“Nga sahü nga demarü yalemat e hannaha ni matael yalemat bwa iiye lei tabwei, ira nga ira sahü söüri na ibwe faülüngeri yalematara imowari Papai ra e mire weirengi. 33Nga sahü nga e wol demarü yalematara e hannaha ni matael yalemat bwa e tai iiye lei tabwei, ira nga ira sahü söüri na ibwe faülüngeri yalematara imowari Papai ra e mire weirengi.
E Tai Marüyörüya Bwa Uwadeitap
(Lukas 12.51-53; 14.26-27)
34“Hau tawai mangiya bwa i bwitoho bwa ibwe häditoho marüyörüya weidarop. Naweri, i tei bwitoho bwa ibwe kato marüyörüya bwa i bwitoho bwa ibwe katoho uwadeitap. 35I bwitoho bwa ibwe faaülü bwa mwaare labwe haranaro fängääni ma tamael, nga faifire la haranaro fängääni ma dirael ma dini liil. 36Yalematara e ranarohami ra sawori iimwemi.
37“Yalematara e hamamaüya tamar hale diin eda hataiteiya ma imowai ra e tai hapaüpöüri na ebwe iiye lei tabwei; nga yalematara e hamamaüya raur mwaare hale raur faifire eda hataiteiya ma imowai ra e tai hapaüpöüri na ebwe iiye lei tabwei. 38Yalematara e tai yafala yaar kurus eda tabweya mwili e tai hapaüpöüri na ebwe iiye lei tabwei. 39Yalematara e kupeti fadar ra ebwe taminaho na fadar, nga yalematara e fangaraho fadar nihataingehi ra ebwe welitafariya na fadar.
Honingüsü
(Markus 9.41)
40“Yalematara e ngütahe bwa ebwe hädihemi ra e ngütahe bwa ebwe hädiyei, nga yalematara e ngütahe bwa ebwe hädiyei ra e ngütahe bwa ebwe hädi yalematara e hataliyeitoho. 41Yalematara e ngütahe bwa ebwe hädi demarü lei ikkeri ramari Dios bwanasahü na iiye lei ikkeri ramari Dios ra ebwe wol honingüsür. Yalematara e ngütahe bwa ebwe hädi demarü lei tipangahi bwanasahü na iiye lei tipangahi ra ebwe wol honingüsür. 42Ibwe hau dewahami bwa yalematara ebwe hariya demarü maraha lei tabwei ra e halofalof dewa, töt sarü halifou bwanasahü na iiye lei tabwei, ra ebwe hädi honingüsür.”
ទើបបានជ្រើសរើសហើយ៖
Mateus 10: SOV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.
Mateus 10
10
Deih Ma Liyemaru Apostol
(Markus 3.13-19; Lukas 6.12-16)
1Hesus e fadöngü fängäniil marahara deih ma liyemaru lei tabwer, eda haneil ppou bwa labwe harewarewawau yarüdü tammaü ma faringörüngörüül yalemat, nga la hasüyani matamatari hamatahi. 2Iyer na iitael marahara deih ma liyemaru apostol: matamow nga Simon (ra lada fadöngüngeri bwa Petrus) ma mwana bwidir Andres; James ma mwana bwidir Yohanes, ra rauri Zebedee; 3Felipe ma Bartolome; Tomas ma Mateo, we lei ikkeri tax; James we rauri Alfeus, ma Tadeus; 4Simon we e hataiteiye farüyar, ma Yudas Iscariot we e fangaraho Hesus bwa labwe riiye.
Yael Marahara Deih Ma Liyemaru Fitehi
(Markus 6.7-13; Lukas 9.1-6)
5Hesus e hatalilawau maraha deih ma liyemaru mwaare nga e haüül titirohar: “Hau tawai raho uwawori farüyahara farüyael marahara e tai iil sawori Israel, hale räni dew wotawota hara yael sawori Samaria. 6Haubwe raho iyoloil siipi hara la mariraho ra iil sawori Israel. 7Haubwe raho hauda kaüül bwa, ‘Eda mori halep Farüyeri weirengi!’ 8Hau hasüya hamatahiil lei hamatahi, nga hau hafadatafariil lei made, nga hau hafaheya rühüül maka hamatahiri rühüül, nga hau harewawau yarüdü tammaü ma faringörüngörüül. Hau tei parüyerini marahar ifiri yami hedini, eda tawai wol parüyen ifiri na haubwe faülü. 9Hau tawai ikka kolt hale silver hale mane ramo räni pwahetari üffemi. 10Ifiri na haubwe raho nga hau tawai ikka paahe nga hau tawai ikka haduweni üffemi hale yami susu hale dohomi. Lei fitehi ra hataingehiri na labwe hariil marahara labwe horini ifiri yael fitehi.
11“Ifiri na haubwe bwirango räni dew wotawot hale hadohadoh, hauda bwirango hauda kupeti yalematara e masari bwa haubwe mire iyolor. Haubwe mire sahü iyolor eda tohongari na haubwe süya ma irang. 12Niyatora haubwe itirango räni dew iimw hauda dölü bwa, ‘Marüyörüya ebwe mire iyolomi.’ 13Nga sahü nga sawori iimwara la ngütahe bwa haubwe itirango, ira hauda faülü ebwe mire na yami marüyörüya bwa ebwe mire iyoloil; nga sahü nga la tamasari na haubwe mire iyoloil, ira hauda para häditafariya na yami marüyörüya ma iyoloil. 14Nga sahü nga palüül iimw hale wotawot la tamasari na haubwe bwirango iyoloil hale la tamasari hadutering ramami, haubwe süya ma burukara nga hau üsüharaho masalori hubwemi. 15Ibwe hau dewahami bwa lanera ebwe wol haühühüri haddiye nga Dios ebwe mala fahoil sawori Sodom ma Gomorra ma imowael sawori wotawotara.
Hairama Ra Erau Bwitoho
(Markus 13.9-13; Lukas 21.12-17)
16“Hau hadutering! I hatalihemiwou hauda weya sahü siipi nipatael wolf. Haubwe hawengari rabuto ra e lepahau nga hau marüyörüya hauda weya hiyoope. 17Haubwe halihihami bwa e mar wol palüül mwaare ra labwe dubuli hami lada hädihamiraho ifiri haddiye nga la wautuhami ma räni iimweri uwolongolong. 18Ngaangu sapiri me larau hädihemiwou ifiri haddiye imowael tamoru ma king bwa haubwe haüül Titiro Maho bwa ebwe saworaparaho titiror iyoloil marahara e tai iil sawori Israel. 19Hau tawai fangiyengi hale meta na haubwe dölü hale ebwe feita yami tapa, ifiri na labwe hädihemiwou ifiri haddiye; bwa niyatora nga e wol re ebwe hauhemi na haubwe tapa. 20Ramara haubwe tapa nga e tai ramami, bwa ebwe bwitoho ma ifiri Ngöni Papami eda faaülühami bwa haubwe tapa.
21“Mwaare larau fangaraho bwidil bwa labwe riiya, nga tamatama nga larau fangaraho wonoul bwa labwe riil, nga rauul nga larau dongahiril tamael ma dirael lada fangaraho bwa labwe riil. 22Ngaangu sapiri me uruteri yalemat larau dongahirihemi. Nga dari na yalematara e hasingisingi eda tohongari haühühür ra ebwe rru. 23Nga sahü nga la riihemi ma räni dew wotawot hauda mwaroraho räni dew wotawot. Ibwe hau dewahami bwa e tawai bwängi yami fitehi ma räni uruteri wotawotari Israel imowari na Rauri Yalemat ebwe par wehitafaari.
24“E tawol riweisiri sukuru ra ebwe lepahau ma imowari tanahora e kaüye, nga e tawol lei haküröü ra ebwe taitei ma imowari yaar tamoru. 25Ebwe maho faringörüngörüül riweisiri sukuru ifiri na ebwe bwitahe eda weya tanahora e kaüye, nga e maho faringörüngöni lei haküröü ifiri na ebwe raho eda weya yaar tamoru. Nga sahü nga la fadöngüngeri tamoni iimw bwa Beelsebul, ira nga ebwe par tammaü dewa iitara labwe fadöngüngeriil iyahara sawori iimwar.
Itöü Ra Haubwe Matahü
(Lukas 12.2-7)
26“Hau tawai matahüül yalemat. Uruteri marahara e mwaro meihira ra erau nnahawau, nga uruteri titiro hamwaromwaro nga yalemat larau hüra. 27Marahawe i hauhemi niloso ra haubwe tapa niweledahi, nga titiro hawe hami hau longolongo ra haubwe dölüngaraho ma wori ungeri iimw. 28Hau tawai matahüül marahara e süya bwa labwe riiya podümi nga e tasüya bwa labwe riiya ra ngörümi. Haubwe matahü Dios ra e süya bwa ebwe peitatiwo podümi ma ngörümi farüyeriyefi. 29E süya bwa haubwe hädi döpöü sensi hauda parüyeri liyemaru happari maru; nga e tawol demarü ma uwoni happari maru har ra ebwe püngütiwo uwawori masalo ifiri na Papami ebwe tai dölü bwa ebwe püngütiwo. 30Ma marahara riyeni simwemi nga e mori hahoyayahi. 31Hau tawai matahü; e tarapar nifami hami ma imowari towuri happari maru.
Ho Hatödüye hale ho tei Hatödüye Kristo
(Lukas 12.8-9)
32“Nga sahü nga demarü yalemat e hannaha ni matael yalemat bwa iiye lei tabwei, ira nga ira sahü söüri na ibwe faülüngeri yalematara imowari Papai ra e mire weirengi. 33Nga sahü nga e wol demarü yalematara e hannaha ni matael yalemat bwa e tai iiye lei tabwei, ira nga ira sahü söüri na ibwe faülüngeri yalematara imowari Papai ra e mire weirengi.
E Tai Marüyörüya Bwa Uwadeitap
(Lukas 12.51-53; 14.26-27)
34“Hau tawai mangiya bwa i bwitoho bwa ibwe häditoho marüyörüya weidarop. Naweri, i tei bwitoho bwa ibwe kato marüyörüya bwa i bwitoho bwa ibwe katoho uwadeitap. 35I bwitoho bwa ibwe faaülü bwa mwaare labwe haranaro fängääni ma tamael, nga faifire la haranaro fängääni ma dirael ma dini liil. 36Yalematara e ranarohami ra sawori iimwemi.
37“Yalematara e hamamaüya tamar hale diin eda hataiteiya ma imowai ra e tai hapaüpöüri na ebwe iiye lei tabwei; nga yalematara e hamamaüya raur mwaare hale raur faifire eda hataiteiya ma imowai ra e tai hapaüpöüri na ebwe iiye lei tabwei. 38Yalematara e tai yafala yaar kurus eda tabweya mwili e tai hapaüpöüri na ebwe iiye lei tabwei. 39Yalematara e kupeti fadar ra ebwe taminaho na fadar, nga yalematara e fangaraho fadar nihataingehi ra ebwe welitafariya na fadar.
Honingüsü
(Markus 9.41)
40“Yalematara e ngütahe bwa ebwe hädihemi ra e ngütahe bwa ebwe hädiyei, nga yalematara e ngütahe bwa ebwe hädiyei ra e ngütahe bwa ebwe hädi yalematara e hataliyeitoho. 41Yalematara e ngütahe bwa ebwe hädi demarü lei ikkeri ramari Dios bwanasahü na iiye lei ikkeri ramari Dios ra ebwe wol honingüsür. Yalematara e ngütahe bwa ebwe hädi demarü lei tipangahi bwanasahü na iiye lei tipangahi ra ebwe wol honingüsür. 42Ibwe hau dewahami bwa yalematara ebwe hariya demarü maraha lei tabwei ra e halofalof dewa, töt sarü halifou bwanasahü na iiye lei tabwei, ra ebwe hädi honingüsür.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.