Mateus 8
8
Hesus E Hasüya Hamatahiri Demarü Mwaare
(Markus 1.40-45; Lukas 5.12-16)
1Ifiri na Hesus eda patiwo ma uwawori duhu, nga e pipiya yalematara la tabweyatiwo. 2Nga e wol demarü mwaare ra e hamatahi rühür eda ra iyolor eda hadobuhuyetiwo imowar eda haüya bwa, “Latu, nga sahü nga ho masari, nga e süya bwa hobwe hasüya me hamatahi.”
3Hesus eda yangatiwo eda hamasü eda haüya bwa, “I masari dewa. Hobwe faheya!” Ifiri mena sahü nga eda mahoraho-mo rühür. 4Hesus eda haüya bwa, “Hadutering! E tawol demarü yalemat re hobwe haüya na e faülüyehi. Hawere hoda raho iyolori paderei, nga ho hadaraho yaamu ffahi eda weya-mo Moses e dölü, bwa ebwe nnaha ngariil urutael yalemat bwa hoda mori maho ifiri hamatahimu.”
Hesus E Hasüya Hamatahiri Yaari Tamoni Saradau Lei Haküröü
(Lukas 7.1-10)
5Ifiri na Hesus eda bwirango Kapernaum, nga demarü tamoni saradauri Roma eda raho iyolor eda tingalowa bwa ebwe tapangi. E dölü bwa, 6“Latu, lei yai haküröü ra e mire matariimw nga e madülü söhü, e tatoho mahütü ifiri baususu.”
7Hesus eda dölü bwa, “Ibwe raho bwa ibwe hasüya hamatahir.”
8Mwana tamoni saradau eda dölü bwa, “Latu, naweri. E tai hapaüpöüri me hobwe bwito hoda bwirango niimwei. Hobwe dölü söhü ramamu nga ebwe mahoraho na lei yai haküröü. 9Bwa ngaangu-mo nga i mire ifari ppouri demarü tamoru; nga eda para wol palüül saradau ra ngaangu i tamorul. Ibwe haüya iyer bwa ‘Raho!’ nga eda raho; ida haüya ra demarü bwa ‘Bwitoho!’ nga eda bwitoho; ida haüya ra lei yai haküröü bwa ‘Faaülü mere!’ nga eda faaülü.”
10E lüdü dewa Hesus ifiri na e longolong titiror eda haüül marahara la tabweya mwilir bwa, “Ibwe hau dewahami, e tösü wola-mo demarü yalematara ibwe weli ma retiperi Israel ra ebwe haiter yaar hatödü. 11Ibwe hau dewahami bwa la pipiya re labwe bwitiwo ma hotiwo nga la bwitahe ma irotow lada maato ifiri Abraham ma Isak ma Yakob ifiri sänne ra e faülüyehi ma uwawori Farüyeri Weirengi. 12Nga marahawe hataingehiri na labwe mire uwawori Farüyeri weirengi ra larau peitilawau fari losopödü, burukara na labwe tangi nga la hatata ngiil ma irang.” 13Hesus eda haüya tamoni saradaura bwa, “Raho matariimwomu, bwana yaamu hatödü ra ebwe faülüyehi.”
Ifiri mena sahü nga mwana lei haküröü eda mahoraho ifiri hamatahi.
E Pipiya Yalematara Hesus E Hasüyani Hamatahiil
(Markus 1.29-34; Lukas 4.38-41)
14Hesus e bwirango niimweri Petrus eda käkäne neirari liiri Petrus bwa e woro bwa e bwesi dewa rühür. 15Hesus eda hatangowa na humusur nga eda süyaraho na hamatahir eda simwatahe eda fitehi harael.
16Ifiri na eda nifahafitoho, e pipiya yalemat hara e wol yarüdü tammaü faringörüngörüül ra la hädilaraho iyolori Hesus. Hesus e tapa sahü depat rama nga la rewawau yarüdü tammaü ma faringörüngörüül palüül nga e hasüya hamatahiil iyahara la hamatahi. 17E faaülü merer bwa ebwe nnah bwa tödü-mo Profeta Isaias e dölü bwa, “Iiye e hädi halofalofas nga e hasüya hamatahis.”
Marahara Labwe Lei Tabweri Hesus
(Lukas 9.57-62)
18Ifiri na Hesus eda hüra bwa yalemat la ppari talanga eda haüül marahara lei tabwer bwa labwe raho uwawori ngaseri sarüra ma layera delaye. 19Demarü tanahori Farau eda ra iyolor eda haüya bwa, “Tanaho, ibwe tabweho raho uruteri na hobwe ra irang.”
20Hesus eda haüya bwa, “E wol iimweri fox nga e wol haffatari märü yeyeri, nga Rauri Yalematara e tawol burukara ebwe worotiwo irang bwa ebwe hasüya ngüsür.”
21Demarü lei tabwer eda haüya bwa, “Latu, ibwe uhori wehitafaari bwa ibwe ribwa tamai.”
22Hesus eda haüya bwa, “Tabweyai, rihiti bwa lei made labwe ribwa lei made.”
Hesus e Hamarüyörüya Marümörü
(Markus 4.35-41; Lukas 8.22-25)
23Hesus eda taütahe usuri uwa lada wödü ma marahara lei tabwer. 24Fadewa sahü nga eda palad yangi eda mweri me larau doh, nga Hesus e madül. 25Marahara lei tabwer lada fangürü lada haüya bwa, “Tamoru haruhis bwa di rou made.”
26Hesus eda haüül bwa, “Meta na hau matahü? E happar dewa yami hatödü!” Eda simwatahe eda yasiraho wawori yangi ma rawo, nga eda marüyörüya.
27La lüdü dewa lada dölü bwa, “Yalemat meta me e haiter? Yangi ma rawo nga la hadutering ramar!”
Hesus E Harewayelawau Yarüdü Tammaü Ma Retiperi Liyemaru Mwaare
(Markus 5.1-20; Lukas 8.26-39)
28Ifiri na Hesus eda raho uwawori farüyara Gadara, ra e mire uwawori layera delaye, eda weliil liyemaru mwaare ra la buwou ma räni ribwael lei made. E wol yarüdü tammaü faringörüngörüül mwaare hara, nga la tawaribolong eda tawol demarü yalemat re e hae taühü yarara. 29Fadewa sahü nga la dölüraho lada dölü bwa, “Heer Rauri Dios meta me ho masari faülüngeri hamami Ho bwitoho bwa hobwe hahalihamami me e teiti niyator?”
30E tai taawa ma ifiri na la mire irang nga e wol dew towuri peihi ra la mamwangaü. 31Yarüdü tammaü hara lada tingalowa Hesus lada dölü bwa, “Nga sahü nga horau harewahamami raho hoda hatalihamamirango retiperi peihi harar.”
32Hesus eda haüül bwa, “Hau raho.” Lada süya lada rütürango retiperi peihi hara. Uruteri peihi hara lada hilimetiwo ma uwawori tapatiwo lada ruturango räni sarü lada mabu.
33Marahara lei hafaniri peihi hara lada heitiwo räni wotawot lada tapa uruteri na e faülüyehi ma para titiroil mwaare hawe la ulori yarüdü tammaü. 34Urutael sawori wotawotara lada bwitahe iyolori Hesus; nga ifiri na lada käkäne lada tingalowa bwa ebwe süya ma uwawori na farüyael.
ទើបបានជ្រើសរើសហើយ៖
Mateus 8: SOV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.
Mateus 8
8
Hesus E Hasüya Hamatahiri Demarü Mwaare
(Markus 1.40-45; Lukas 5.12-16)
1Ifiri na Hesus eda patiwo ma uwawori duhu, nga e pipiya yalematara la tabweyatiwo. 2Nga e wol demarü mwaare ra e hamatahi rühür eda ra iyolor eda hadobuhuyetiwo imowar eda haüya bwa, “Latu, nga sahü nga ho masari, nga e süya bwa hobwe hasüya me hamatahi.”
3Hesus eda yangatiwo eda hamasü eda haüya bwa, “I masari dewa. Hobwe faheya!” Ifiri mena sahü nga eda mahoraho-mo rühür. 4Hesus eda haüya bwa, “Hadutering! E tawol demarü yalemat re hobwe haüya na e faülüyehi. Hawere hoda raho iyolori paderei, nga ho hadaraho yaamu ffahi eda weya-mo Moses e dölü, bwa ebwe nnaha ngariil urutael yalemat bwa hoda mori maho ifiri hamatahimu.”
Hesus E Hasüya Hamatahiri Yaari Tamoni Saradau Lei Haküröü
(Lukas 7.1-10)
5Ifiri na Hesus eda bwirango Kapernaum, nga demarü tamoni saradauri Roma eda raho iyolor eda tingalowa bwa ebwe tapangi. E dölü bwa, 6“Latu, lei yai haküröü ra e mire matariimw nga e madülü söhü, e tatoho mahütü ifiri baususu.”
7Hesus eda dölü bwa, “Ibwe raho bwa ibwe hasüya hamatahir.”
8Mwana tamoni saradau eda dölü bwa, “Latu, naweri. E tai hapaüpöüri me hobwe bwito hoda bwirango niimwei. Hobwe dölü söhü ramamu nga ebwe mahoraho na lei yai haküröü. 9Bwa ngaangu-mo nga i mire ifari ppouri demarü tamoru; nga eda para wol palüül saradau ra ngaangu i tamorul. Ibwe haüya iyer bwa ‘Raho!’ nga eda raho; ida haüya ra demarü bwa ‘Bwitoho!’ nga eda bwitoho; ida haüya ra lei yai haküröü bwa ‘Faaülü mere!’ nga eda faaülü.”
10E lüdü dewa Hesus ifiri na e longolong titiror eda haüül marahara la tabweya mwilir bwa, “Ibwe hau dewahami, e tösü wola-mo demarü yalematara ibwe weli ma retiperi Israel ra ebwe haiter yaar hatödü. 11Ibwe hau dewahami bwa la pipiya re labwe bwitiwo ma hotiwo nga la bwitahe ma irotow lada maato ifiri Abraham ma Isak ma Yakob ifiri sänne ra e faülüyehi ma uwawori Farüyeri Weirengi. 12Nga marahawe hataingehiri na labwe mire uwawori Farüyeri weirengi ra larau peitilawau fari losopödü, burukara na labwe tangi nga la hatata ngiil ma irang.” 13Hesus eda haüya tamoni saradaura bwa, “Raho matariimwomu, bwana yaamu hatödü ra ebwe faülüyehi.”
Ifiri mena sahü nga mwana lei haküröü eda mahoraho ifiri hamatahi.
E Pipiya Yalematara Hesus E Hasüyani Hamatahiil
(Markus 1.29-34; Lukas 4.38-41)
14Hesus e bwirango niimweri Petrus eda käkäne neirari liiri Petrus bwa e woro bwa e bwesi dewa rühür. 15Hesus eda hatangowa na humusur nga eda süyaraho na hamatahir eda simwatahe eda fitehi harael.
16Ifiri na eda nifahafitoho, e pipiya yalemat hara e wol yarüdü tammaü faringörüngörüül ra la hädilaraho iyolori Hesus. Hesus e tapa sahü depat rama nga la rewawau yarüdü tammaü ma faringörüngörüül palüül nga e hasüya hamatahiil iyahara la hamatahi. 17E faaülü merer bwa ebwe nnah bwa tödü-mo Profeta Isaias e dölü bwa, “Iiye e hädi halofalofas nga e hasüya hamatahis.”
Marahara Labwe Lei Tabweri Hesus
(Lukas 9.57-62)
18Ifiri na Hesus eda hüra bwa yalemat la ppari talanga eda haüül marahara lei tabwer bwa labwe raho uwawori ngaseri sarüra ma layera delaye. 19Demarü tanahori Farau eda ra iyolor eda haüya bwa, “Tanaho, ibwe tabweho raho uruteri na hobwe ra irang.”
20Hesus eda haüya bwa, “E wol iimweri fox nga e wol haffatari märü yeyeri, nga Rauri Yalematara e tawol burukara ebwe worotiwo irang bwa ebwe hasüya ngüsür.”
21Demarü lei tabwer eda haüya bwa, “Latu, ibwe uhori wehitafaari bwa ibwe ribwa tamai.”
22Hesus eda haüya bwa, “Tabweyai, rihiti bwa lei made labwe ribwa lei made.”
Hesus e Hamarüyörüya Marümörü
(Markus 4.35-41; Lukas 8.22-25)
23Hesus eda taütahe usuri uwa lada wödü ma marahara lei tabwer. 24Fadewa sahü nga eda palad yangi eda mweri me larau doh, nga Hesus e madül. 25Marahara lei tabwer lada fangürü lada haüya bwa, “Tamoru haruhis bwa di rou made.”
26Hesus eda haüül bwa, “Meta na hau matahü? E happar dewa yami hatödü!” Eda simwatahe eda yasiraho wawori yangi ma rawo, nga eda marüyörüya.
27La lüdü dewa lada dölü bwa, “Yalemat meta me e haiter? Yangi ma rawo nga la hadutering ramar!”
Hesus E Harewayelawau Yarüdü Tammaü Ma Retiperi Liyemaru Mwaare
(Markus 5.1-20; Lukas 8.26-39)
28Ifiri na Hesus eda raho uwawori farüyara Gadara, ra e mire uwawori layera delaye, eda weliil liyemaru mwaare ra la buwou ma räni ribwael lei made. E wol yarüdü tammaü faringörüngörüül mwaare hara, nga la tawaribolong eda tawol demarü yalemat re e hae taühü yarara. 29Fadewa sahü nga la dölüraho lada dölü bwa, “Heer Rauri Dios meta me ho masari faülüngeri hamami Ho bwitoho bwa hobwe hahalihamami me e teiti niyator?”
30E tai taawa ma ifiri na la mire irang nga e wol dew towuri peihi ra la mamwangaü. 31Yarüdü tammaü hara lada tingalowa Hesus lada dölü bwa, “Nga sahü nga horau harewahamami raho hoda hatalihamamirango retiperi peihi harar.”
32Hesus eda haüül bwa, “Hau raho.” Lada süya lada rütürango retiperi peihi hara. Uruteri peihi hara lada hilimetiwo ma uwawori tapatiwo lada ruturango räni sarü lada mabu.
33Marahara lei hafaniri peihi hara lada heitiwo räni wotawot lada tapa uruteri na e faülüyehi ma para titiroil mwaare hawe la ulori yarüdü tammaü. 34Urutael sawori wotawotara lada bwitahe iyolori Hesus; nga ifiri na lada käkäne lada tingalowa bwa ebwe süya ma uwawori na farüyael.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.