Mateus 14
14
Maderi Yohanes ra Lei Hatütü
(Markus 6.14-29; Lukas 9.7-9)
1Niyatora nga Herodes we Tamoni Kalilea eda longolongo titiini Hesus 2eda haüül marahara lei yaar haküröü bwa, “Hatödü dewa bwa Yohanes ra Lei Hatütü nga e fadatafaari eda wol ppour bwa ebwe faülüüni kamarari yarüdü har.”
3Imowari mena nga Herodes e itewau ramar bwa labwe dubuli Yohanes lada itenango räni karabuse. Herodes e faaülü merer bwanasahü Herodias we liiri mwana bwidir Felipe. 4Yohanes ra Lei Hatütü e faduri hakaüya sahu Herodes bwa, “E tammaü na ho hädi Herodias bwa lumu.” 5Herodes e masari na ebwe riiya Yohanes nga dari na e matahüül lei Yudea, bwanasahü na lei Yudea la dölü bwa Yohanes profeta.
6Lanera lani fadari Herodes nga faifina rauri Herodias eda bwalühü imowael marahara la towu eda maho dewa faringörüngöni Herodes 7eda haüya faifina bwa, “I hatofiya dewa ramai bwa e tawai weri söhü faülümire na hobwe tingalo nga ibwe hariho!”
8Bwanasahü ramara neirar e hauya faifina eda haüya Herodes bwa, “Meihira sahu nga hobwe hädi faduhuri Yohanes ra Lei Hatütü hoda itenango räni tapiye hoda hariyei.”
9E tammaü dewa faringörüngöni King nga bwanasahü-mo yaar hatofiya ramar we e tapa imowael marahawe la towu eda itewau ramar bwa labwe faülü na e dölü faifina. 10Lada raho lada dopiy uyeri Yohanes ma räni karabuse 11lada hädi ra faduhur lada itenango räni tapiye lada hariya riweisi faifina. Riweisi faifina eda hädi eda hariye neirar. 12Marahara lei tabweri Yohanes lada raho lada hädi ra podür lada ribwa lada raho lada ra tabongari Hesus na e faülüyehi.
Hesus E Haneil Harael Rimangaladi Mwaare
(Markus 6.30-44; Lukas 9.10-17; Yohanes 6.1-14)
13Ifiri na Hesus eda longolongo na la faülüngeri Yohanes eda pülüya uwa eda raho eda har demanaho burukara e moutehiraho. Yalemat lada longolongo bwa e raho ihira lada ppari süya ma räni yael wotawot lada fatare uwawori farüya lada kupataraho. 14Hesus eda taütiwo ma usuri uwa eda käkäneiil marahara la towu eda fahoil eda hasüya hamatahiil marahara la hamatahi.
15Eda nifahafi nga marahara lei tabwer lada raho iyolor lada haüya bwa, “Eda mori bwongi nga e tawol iimw ihar. Haüül yalemat bwa labwe süya lada bwitiwo räni wotawot bwa labwe parüyeri harael.”
16Hesus eda haüül bwa, “E tawol nifaari na labwe süya. Hami haubwe haneil harael bwa labwe mwangaü!”
17Lada haüya bwa, “Hara rimau faraawa ma liyemaru iih me hai hedi.”
18Hesus eda dölü bwa, “Hau häditoho iyoloi.” 19Eda haüül yalemat bwa labwe maatotiwo uwawori fatiri eda hädi faraawa hara ma rimau ma marahara liyemaru iih eda taraetahe wenengi eda haparüya Dios. Eda tipini faraawa hara eda hariil marahara lei tabwer. Iyahara lei tabwer lada iretingeriil yalemat. 20Urutael yalemat la ppari mwangaü lada parahi. Iyahara lei tabwer lada lühüni iyahara ruttehir lada yautoringeri deih ma luwouwa haraisi eda ulo. 21Hapaüpöüri rimangaladi mwaare na la mwangaü nga la tai hahoyael iyahara faifire ma riweisi.
Hesus E Fatare Uwawori Yauu Tteti
(Markus 6.45-52; Yohanes 6.15-21)
22Hesus eda haüül marahara lei tabwer bwa labwe tahe ra uwa lada uhoraho ifiri ngaseri sarüra ma layera delaye bwa iiy ebwe hasüyael marahara la towu ihira. 23Werimwiliri na eda hasüyael yalemat eda bwitahe wawo duhu bwa ebwe sipesipe. Nga ifiri na eda nifahafitoho nga Hesus e hara demarüraho uwawori duhura 24nga iyawe uwa ra eda mori taawa räni puweri sarüra nga e taporuporu ifiri rawo bwa e palada yangi.
25Taboribwongi nga Hesus eda fatare uwawori yauu tteti eda pawau iyoloil marahara lei tabwer. 26Lada käkäne bwa e fatare uwawori yauu tteti lada pari yaringorul ifiri yael matahü. La ppari kabwataraho ifiri yael matahü nga la dölü bwa, “Yarüdü!”
27Ifiri mena sahü nga Hesus eda titiro ngariil eda haüül bwa, “Hau happouwa tipemi! Hau tawai matahü bwa ngaangu merer!”
28Petrus eda dölü bwa, “Tamoru, nga sahü nga hatödü bwa heer mena hoda faülüyei bwa ibwe fatare uwawori yauu tteti ida pawau iyolomu.”
29Hesus eda haüya bwa, “Bwitoho!” Petrus eda taütiwo eda fatare uwawori yauu tteti eda paraho iyolori Hesus. 30Nga ifiri na eda meyafi paladari yangira nga eda moutoho yaar matahü eda tuburango nga e kabwataraho bwa, “Tamoru, haruyei!”
31Ifiri mena sahü nga Hesus eda yangatiwo eda hamasü Petrus nga e haüya bwa, “E happar dewa yaamu hatödü! Meta sapir hoda fangiyengi?”
32Lada taütahe usuri uwa nga eda madetiwo paladari yangiwe. 33Marahara lei tabwer ra la mire usuri uwa lada ppari haparüya nga la dölü bwa, “Hatödü dewa bwa heer Rauri Dios!”
Hesus E Hasüya Hamatahiil Yalemat ma Gennesaret
(Markus 6.53-56)
34Lada raho ifiri ngaseri sarüra ma layera delaye lada bwirango Gennesaret 35nga yalemat lada käkäne Hesus nga la hüra re iiy. Lada tabowaraho uwawori farüya bwa Hesus e bwitoho lada hädilaraho lei hamatahi iyolor. 36Lada tingalowa bwa marahara la hamatahi labwe hatangowa pasari na üffar. E ppari süyaraho hamatahiil marahara la hatangowa pasari na üffar.
ទើបបានជ្រើសរើសហើយ៖
Mateus 14: SOV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.
Mateus 14
14
Maderi Yohanes ra Lei Hatütü
(Markus 6.14-29; Lukas 9.7-9)
1Niyatora nga Herodes we Tamoni Kalilea eda longolongo titiini Hesus 2eda haüül marahara lei yaar haküröü bwa, “Hatödü dewa bwa Yohanes ra Lei Hatütü nga e fadatafaari eda wol ppour bwa ebwe faülüüni kamarari yarüdü har.”
3Imowari mena nga Herodes e itewau ramar bwa labwe dubuli Yohanes lada itenango räni karabuse. Herodes e faaülü merer bwanasahü Herodias we liiri mwana bwidir Felipe. 4Yohanes ra Lei Hatütü e faduri hakaüya sahu Herodes bwa, “E tammaü na ho hädi Herodias bwa lumu.” 5Herodes e masari na ebwe riiya Yohanes nga dari na e matahüül lei Yudea, bwanasahü na lei Yudea la dölü bwa Yohanes profeta.
6Lanera lani fadari Herodes nga faifina rauri Herodias eda bwalühü imowael marahara la towu eda maho dewa faringörüngöni Herodes 7eda haüya faifina bwa, “I hatofiya dewa ramai bwa e tawai weri söhü faülümire na hobwe tingalo nga ibwe hariho!”
8Bwanasahü ramara neirar e hauya faifina eda haüya Herodes bwa, “Meihira sahu nga hobwe hädi faduhuri Yohanes ra Lei Hatütü hoda itenango räni tapiye hoda hariyei.”
9E tammaü dewa faringörüngöni King nga bwanasahü-mo yaar hatofiya ramar we e tapa imowael marahawe la towu eda itewau ramar bwa labwe faülü na e dölü faifina. 10Lada raho lada dopiy uyeri Yohanes ma räni karabuse 11lada hädi ra faduhur lada itenango räni tapiye lada hariya riweisi faifina. Riweisi faifina eda hädi eda hariye neirar. 12Marahara lei tabweri Yohanes lada raho lada hädi ra podür lada ribwa lada raho lada ra tabongari Hesus na e faülüyehi.
Hesus E Haneil Harael Rimangaladi Mwaare
(Markus 6.30-44; Lukas 9.10-17; Yohanes 6.1-14)
13Ifiri na Hesus eda longolongo na la faülüngeri Yohanes eda pülüya uwa eda raho eda har demanaho burukara e moutehiraho. Yalemat lada longolongo bwa e raho ihira lada ppari süya ma räni yael wotawot lada fatare uwawori farüya lada kupataraho. 14Hesus eda taütiwo ma usuri uwa eda käkäneiil marahara la towu eda fahoil eda hasüya hamatahiil marahara la hamatahi.
15Eda nifahafi nga marahara lei tabwer lada raho iyolor lada haüya bwa, “Eda mori bwongi nga e tawol iimw ihar. Haüül yalemat bwa labwe süya lada bwitiwo räni wotawot bwa labwe parüyeri harael.”
16Hesus eda haüül bwa, “E tawol nifaari na labwe süya. Hami haubwe haneil harael bwa labwe mwangaü!”
17Lada haüya bwa, “Hara rimau faraawa ma liyemaru iih me hai hedi.”
18Hesus eda dölü bwa, “Hau häditoho iyoloi.” 19Eda haüül yalemat bwa labwe maatotiwo uwawori fatiri eda hädi faraawa hara ma rimau ma marahara liyemaru iih eda taraetahe wenengi eda haparüya Dios. Eda tipini faraawa hara eda hariil marahara lei tabwer. Iyahara lei tabwer lada iretingeriil yalemat. 20Urutael yalemat la ppari mwangaü lada parahi. Iyahara lei tabwer lada lühüni iyahara ruttehir lada yautoringeri deih ma luwouwa haraisi eda ulo. 21Hapaüpöüri rimangaladi mwaare na la mwangaü nga la tai hahoyael iyahara faifire ma riweisi.
Hesus E Fatare Uwawori Yauu Tteti
(Markus 6.45-52; Yohanes 6.15-21)
22Hesus eda haüül marahara lei tabwer bwa labwe tahe ra uwa lada uhoraho ifiri ngaseri sarüra ma layera delaye bwa iiy ebwe hasüyael marahara la towu ihira. 23Werimwiliri na eda hasüyael yalemat eda bwitahe wawo duhu bwa ebwe sipesipe. Nga ifiri na eda nifahafitoho nga Hesus e hara demarüraho uwawori duhura 24nga iyawe uwa ra eda mori taawa räni puweri sarüra nga e taporuporu ifiri rawo bwa e palada yangi.
25Taboribwongi nga Hesus eda fatare uwawori yauu tteti eda pawau iyoloil marahara lei tabwer. 26Lada käkäne bwa e fatare uwawori yauu tteti lada pari yaringorul ifiri yael matahü. La ppari kabwataraho ifiri yael matahü nga la dölü bwa, “Yarüdü!”
27Ifiri mena sahü nga Hesus eda titiro ngariil eda haüül bwa, “Hau happouwa tipemi! Hau tawai matahü bwa ngaangu merer!”
28Petrus eda dölü bwa, “Tamoru, nga sahü nga hatödü bwa heer mena hoda faülüyei bwa ibwe fatare uwawori yauu tteti ida pawau iyolomu.”
29Hesus eda haüya bwa, “Bwitoho!” Petrus eda taütiwo eda fatare uwawori yauu tteti eda paraho iyolori Hesus. 30Nga ifiri na eda meyafi paladari yangira nga eda moutoho yaar matahü eda tuburango nga e kabwataraho bwa, “Tamoru, haruyei!”
31Ifiri mena sahü nga Hesus eda yangatiwo eda hamasü Petrus nga e haüya bwa, “E happar dewa yaamu hatödü! Meta sapir hoda fangiyengi?”
32Lada taütahe usuri uwa nga eda madetiwo paladari yangiwe. 33Marahara lei tabwer ra la mire usuri uwa lada ppari haparüya nga la dölü bwa, “Hatödü dewa bwa heer Rauri Dios!”
Hesus E Hasüya Hamatahiil Yalemat ma Gennesaret
(Markus 6.53-56)
34Lada raho ifiri ngaseri sarüra ma layera delaye lada bwirango Gennesaret 35nga yalemat lada käkäne Hesus nga la hüra re iiy. Lada tabowaraho uwawori farüya bwa Hesus e bwitoho lada hädilaraho lei hamatahi iyolor. 36Lada tingalowa bwa marahara la hamatahi labwe hatangowa pasari na üffar. E ppari süyaraho hamatahiil marahara la hatangowa pasari na üffar.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.