Mateus 15
15
Yael Marahawe Sapitohoil Kaü
(Markus 7.1-13)
1Palüül Farisi ma tanahori Farau ra la bwitahe ma Yerusalem lada raho iyolori Hesus lada hadiya bwa, 2“Meta e faülü marahara lei tabwemu lada tei tabweya kaü we yael marahawe sapitohos? Maraha lei tabwemu ra la tai wasa paüül imowari na labwe mwangaü!”
3Hesus eda haüül bwa, “E feita hauda tai tabweya Ramari Dios hauda tabweya ra yami hami kaü? 4Dios e dölü bwa, ‘Haparüya tamamu ma diromu’, nga ‘Yalematara e hapahapa tamar hale diin ra labwe riiy.’ 5Nga hami hau hori kaü bwa nga sahü nga e wol na e süya bwa yalemat ebwe tapangingeri tamar hale diin, nga eda dölü bwa, ‘Merer ra fahi eda raho ifiri Dios’, 6ira nga e tai nifa na ebwe haparüya tamar. Me hau faaülü ra hau peitaraho ramari Dios bwa ebwe süya bwa haubwe tabweya yami hami yaüyaü. 7Hami lei tirobwat! E weli na ramari Isaias ifiri-mo e tapa hami:
8Dios e dölü bwa, Marahara ra la haparüyei ifiri ramael sahü,
nga tipael ra e taawa tangi dewayai.
9E tawol nifaari na labwe sipesipe ngariyei,
bwa la hori kaü yael yalemat farau eda weya me yai Farau!”
Mena e Faaülü Yalemat Bwa Ebwe Tammaü
(Markus 7.14-23)
10Hesus eda fadöngüül pipiyael yalematahara eda haüül bwa, “Haubwe hadutering hauda nifaari me ibwe hauhemi! 11E tai mwangaüra yalemat e hangi na e faaülü bwa ebwe tai faheya, bwa ramara e buwou ma faringörüngön na e faaülü bwa ebwe tai faheya.”
12Marahara lei tabwer lada raho iyolor lada haüya bwa, “Ho hüra bwa e tammaü faringörüngörüül marahara Farisi ifiri ramawe ho tapa?”
13Hesus eda haüül bwa, “Uruteri fatohohara Papai ra e mire weirengi e tai fatohini ra ebwe uduyehitahe. 14Hau rihitiil, bwa e tabu matael nga iil yael lei taburi matael mataffa. Yalematara e tabu matar ebwe hafatare yalematara e tabu matar eda iil ma la liyemaru nga labwe mourango räni kkeri.”
15Petrus na eda dölü bwa, “Hauhamami nifaari titina.”
16Hesus eda haüül bwa, “Meta e tai talam tipemi ma imowael? 17Hau tahüra na nifaar? Yalemat ebwe hangi mwangaü eda bwirango räni diyar eda par buwou ma faringörüngön. 18Nga dari na ramara yalemat e tapani ra e tapaniwou marahara e mire faringörüngön eda ira na e faaülü yalemat bwa ebwe tammaü. 19E buwou ma faringörüngön mangimengi tammaü hara e faaülü bwa ebwe faiini nga e pila liiri yalemat nga e faülü para palüül tammaü nga e pilaf nga e kosowa nga e hatawadiye titiroil yalemat. 20Iyahar na e faaülü yalemat bwa ebwe tammaü. Nga sahü nga haubwe wasa paumi imowari na haubwe mwangaü ra e tai faaülü yalemat bwa ebwe tammaü.”
Yaari Demarü Faifire Hatödü
(Markus 7.24-30)
21Hesus eda süya meihira eda raho uwawori farüyara idelaye Tairus ma Sidon. 22E wola demarü faifini Kanaan ra e mire ihira ra eda raho iyolor eda dölü bwa, “Tamoru, Rauri Dabid, fahoyai! Rai happalafaifire ra e mire yarüdü tammaü faringörüngön eda tawerewere dewa.”
23Hesus e tai parüyeri na ramari faifina. Iyahara lei tabwer lada raho iyolor lada tingalowa nga la dölü bwa, “Haüya bwa ebwe süya bwa e fadöfadö tabwehis.”
24Hesus eda haüül bwa, “Dios hataliyeitiwo iyoloil siipi hara la mwariraho ma räni hairangari Israel.”
25Ifiri mena nga faifina eda raho ifiri Hesus eda hadobuhuyetiwo imowar nga e dölü bwa, “Tamoru, tapangiyei!”
26Hesus eda haüya bwa, “E tai maho na dibwe hädi harael riweisi peiti ngara piris.”
27Faifina eda haüya bwa, “Tamoru, e weli na ho dölü, nga dari na pirisi nga e hangi pediri häni yalematara e uduweri ra e püngütiwo ma uwawori tebwar.”
28Hesus eda parüyeri na ramar eda dölü bwa, “Faifire, e ppou dewa yaamu hatödü! Ebwe faülüyehi na ho tingalo.” Ifiri mena sahü nga eda mahoraho na raur.
E Pipiye Yalemat Na Hesus E Hasüya Hamatahiil
29Hesus eda süya ma ihira eda taweyaraho sarüra Kalilea eda patahe uwawori toutahe eda maatotiwo. 30E pipiya yalematara la raho iyolor lada hädilaraho marahara e tasüya bwa labwe mahüt ma marahara e tabu matael ma marahara e tawol hubwael hale paüül ma marahara e tasüya bwa labwe titiro ma para palüül yalematara la hamatahi, lada iteriletiwo ifiri hubweri Hesus; eda hasüya hamatahiil. 31La ppari lüdü dewa yalemat ifiri na la käkäne bwa yalematahawe la tasüya bwa labwe titiro nga lada titiro, nga yalematahawe la mangüs hubwael nga lada mahoraho, nga yalematahawe e tasüya bwa labwe mahüt nga lada fatare, nga yalematahawe e tabu matael nga lada käkäne faülümire. Nga yalemat lada yataheya yaari Israel Dios.
Hesus e Haneil Harael Faangaladi Mwaare
(Markus 8.1-10)
32Hesus eda fadöngülaraho marahara lei tabwer eda haüül bwa, “I fahoil marahar bwa eda mori dörülari yael pülüyei, nga meihira nga e tawol na labwe mwangaü. I tamasari na ibwe hasüyael nga la tai mwangaü bwa la mara malosoraho imowari na labwe hora iimwael.”
33Marahara lei tabwer lada hadiya bwa, “Iya me dibwe häditoho ma irang hohotiri mwangaüra ebwe süya bwa dibwe hariil ttouul marahar me di mire niworu?”
34Hesus eda haüül bwa, “Fitefadu faraawa na hau hädi?”
Lada haüya bwa, “Fidifödü faraawa ma fitemaru happari iih.”
35Hesus eda haüül marahara la towu ihira bwa labwe maatotiwo uwawori masalo.
36Ifiri mena nga eda hädi faraawa hara ma fidifödü ma iih hara eda haparüya Dios eda tipini eda hariil marahara lei tabwer, marahara lei tabwer lada iretingeriil yalematahara. 37La pari mwangaü ma urutael lada parahi, nga e wol ruttehir ra la lühü fängäniye eda uulo fuduw haraisi. 38Wolael mwaare hara la mwangaü ra faangaladi nga la tai hahoyael faifire ma riweisi.
39Hesus eda hasüyael yalemat hara eda taütahe usuri uwa eda raho uwawori farüya ra Makadan.
ទើបបានជ្រើសរើសហើយ៖
Mateus 15: SOV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.
Mateus 15
15
Yael Marahawe Sapitohoil Kaü
(Markus 7.1-13)
1Palüül Farisi ma tanahori Farau ra la bwitahe ma Yerusalem lada raho iyolori Hesus lada hadiya bwa, 2“Meta e faülü marahara lei tabwemu lada tei tabweya kaü we yael marahawe sapitohos? Maraha lei tabwemu ra la tai wasa paüül imowari na labwe mwangaü!”
3Hesus eda haüül bwa, “E feita hauda tai tabweya Ramari Dios hauda tabweya ra yami hami kaü? 4Dios e dölü bwa, ‘Haparüya tamamu ma diromu’, nga ‘Yalematara e hapahapa tamar hale diin ra labwe riiy.’ 5Nga hami hau hori kaü bwa nga sahü nga e wol na e süya bwa yalemat ebwe tapangingeri tamar hale diin, nga eda dölü bwa, ‘Merer ra fahi eda raho ifiri Dios’, 6ira nga e tai nifa na ebwe haparüya tamar. Me hau faaülü ra hau peitaraho ramari Dios bwa ebwe süya bwa haubwe tabweya yami hami yaüyaü. 7Hami lei tirobwat! E weli na ramari Isaias ifiri-mo e tapa hami:
8Dios e dölü bwa, Marahara ra la haparüyei ifiri ramael sahü,
nga tipael ra e taawa tangi dewayai.
9E tawol nifaari na labwe sipesipe ngariyei,
bwa la hori kaü yael yalemat farau eda weya me yai Farau!”
Mena e Faaülü Yalemat Bwa Ebwe Tammaü
(Markus 7.14-23)
10Hesus eda fadöngüül pipiyael yalematahara eda haüül bwa, “Haubwe hadutering hauda nifaari me ibwe hauhemi! 11E tai mwangaüra yalemat e hangi na e faaülü bwa ebwe tai faheya, bwa ramara e buwou ma faringörüngön na e faaülü bwa ebwe tai faheya.”
12Marahara lei tabwer lada raho iyolor lada haüya bwa, “Ho hüra bwa e tammaü faringörüngörüül marahara Farisi ifiri ramawe ho tapa?”
13Hesus eda haüül bwa, “Uruteri fatohohara Papai ra e mire weirengi e tai fatohini ra ebwe uduyehitahe. 14Hau rihitiil, bwa e tabu matael nga iil yael lei taburi matael mataffa. Yalematara e tabu matar ebwe hafatare yalematara e tabu matar eda iil ma la liyemaru nga labwe mourango räni kkeri.”
15Petrus na eda dölü bwa, “Hauhamami nifaari titina.”
16Hesus eda haüül bwa, “Meta e tai talam tipemi ma imowael? 17Hau tahüra na nifaar? Yalemat ebwe hangi mwangaü eda bwirango räni diyar eda par buwou ma faringörüngön. 18Nga dari na ramara yalemat e tapani ra e tapaniwou marahara e mire faringörüngön eda ira na e faaülü yalemat bwa ebwe tammaü. 19E buwou ma faringörüngön mangimengi tammaü hara e faaülü bwa ebwe faiini nga e pila liiri yalemat nga e faülü para palüül tammaü nga e pilaf nga e kosowa nga e hatawadiye titiroil yalemat. 20Iyahar na e faaülü yalemat bwa ebwe tammaü. Nga sahü nga haubwe wasa paumi imowari na haubwe mwangaü ra e tai faaülü yalemat bwa ebwe tammaü.”
Yaari Demarü Faifire Hatödü
(Markus 7.24-30)
21Hesus eda süya meihira eda raho uwawori farüyara idelaye Tairus ma Sidon. 22E wola demarü faifini Kanaan ra e mire ihira ra eda raho iyolor eda dölü bwa, “Tamoru, Rauri Dabid, fahoyai! Rai happalafaifire ra e mire yarüdü tammaü faringörüngön eda tawerewere dewa.”
23Hesus e tai parüyeri na ramari faifina. Iyahara lei tabwer lada raho iyolor lada tingalowa nga la dölü bwa, “Haüya bwa ebwe süya bwa e fadöfadö tabwehis.”
24Hesus eda haüül bwa, “Dios hataliyeitiwo iyoloil siipi hara la mwariraho ma räni hairangari Israel.”
25Ifiri mena nga faifina eda raho ifiri Hesus eda hadobuhuyetiwo imowar nga e dölü bwa, “Tamoru, tapangiyei!”
26Hesus eda haüya bwa, “E tai maho na dibwe hädi harael riweisi peiti ngara piris.”
27Faifina eda haüya bwa, “Tamoru, e weli na ho dölü, nga dari na pirisi nga e hangi pediri häni yalematara e uduweri ra e püngütiwo ma uwawori tebwar.”
28Hesus eda parüyeri na ramar eda dölü bwa, “Faifire, e ppou dewa yaamu hatödü! Ebwe faülüyehi na ho tingalo.” Ifiri mena sahü nga eda mahoraho na raur.
E Pipiye Yalemat Na Hesus E Hasüya Hamatahiil
29Hesus eda süya ma ihira eda taweyaraho sarüra Kalilea eda patahe uwawori toutahe eda maatotiwo. 30E pipiya yalematara la raho iyolor lada hädilaraho marahara e tasüya bwa labwe mahüt ma marahara e tabu matael ma marahara e tawol hubwael hale paüül ma marahara e tasüya bwa labwe titiro ma para palüül yalematara la hamatahi, lada iteriletiwo ifiri hubweri Hesus; eda hasüya hamatahiil. 31La ppari lüdü dewa yalemat ifiri na la käkäne bwa yalematahawe la tasüya bwa labwe titiro nga lada titiro, nga yalematahawe la mangüs hubwael nga lada mahoraho, nga yalematahawe e tasüya bwa labwe mahüt nga lada fatare, nga yalematahawe e tabu matael nga lada käkäne faülümire. Nga yalemat lada yataheya yaari Israel Dios.
Hesus e Haneil Harael Faangaladi Mwaare
(Markus 8.1-10)
32Hesus eda fadöngülaraho marahara lei tabwer eda haüül bwa, “I fahoil marahar bwa eda mori dörülari yael pülüyei, nga meihira nga e tawol na labwe mwangaü. I tamasari na ibwe hasüyael nga la tai mwangaü bwa la mara malosoraho imowari na labwe hora iimwael.”
33Marahara lei tabwer lada hadiya bwa, “Iya me dibwe häditoho ma irang hohotiri mwangaüra ebwe süya bwa dibwe hariil ttouul marahar me di mire niworu?”
34Hesus eda haüül bwa, “Fitefadu faraawa na hau hädi?”
Lada haüya bwa, “Fidifödü faraawa ma fitemaru happari iih.”
35Hesus eda haüül marahara la towu ihira bwa labwe maatotiwo uwawori masalo.
36Ifiri mena nga eda hädi faraawa hara ma fidifödü ma iih hara eda haparüya Dios eda tipini eda hariil marahara lei tabwer, marahara lei tabwer lada iretingeriil yalematahara. 37La pari mwangaü ma urutael lada parahi, nga e wol ruttehir ra la lühü fängäniye eda uulo fuduw haraisi. 38Wolael mwaare hara la mwangaü ra faangaladi nga la tai hahoyael faifire ma riweisi.
39Hesus eda hasüyael yalemat hara eda taütahe usuri uwa eda raho uwawori farüya ra Makadan.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.