Mateus 13
13
Haweweri Lei Fato
(Markus 4.1-9; Lukas 8.4-8)
1Lanera sahü nga Hesus eda para süya ma niimwara eda bwitiwo ifiri ngaseri sarü eda maatotiwo bwa ebwe kaüül yalemat. 2La yalaraho yalemat hara la talanga eda taütahe eda maato usuri uwa nga urutael yalemat la ddü woripiya. 3Hesus eda hoho hawewe ifiri yaar kaüül matamatari faülümire:
“Demarü mwaare e bwitahe bwa ebwe fato bihini grain. 4Ifiri na eda hasefini marahara yaar fatoh, nga palüül ma uwoni bihiri hara la püngütiwo niyar, märü yeyeri lada bwitoho lada hangini. 5Nga palüül la püngütiwo uwoni yarang ra e marifi masalor. E tai miriyarai lada tahasetahe bwa e tai tto masalor. 6Nga eda tahase yaaro lada kalaraho ifiri bwesiri yaaro lada made bwa e tai tto walahayel. 7Palüül faduri fatoh hara ra la püngütiwo wani kangisir lada döngütahe kangisir eda fitifitil. 8Nga palüül la püngütiwo uwawori masalo maho lada uwa: palüül ra döbühüya uwaar nga palüül ra woroih uwaar nga palüül ra deriih uwaar.”
9Hesus eda habwangi na ramar eda dölü bwa, “Hau hadutering ifiri na ebwe wol taringemi!”
Nifaari Titiror
(Markus 4.10-12; Lukas 8.9-10)
10Marahara lei tabwer lada raho iyolor lada hadiya bwa, “Meta e faülü hoda hoho hawewe ifiri yaamu titiro ngariil yalemat?”
11Hesus eda haüül bwa, “Hami ra Dios eda mori faülühemi bwa haubwe hüra titiini Farüyeri weirengi ra e tühümiyehi titin, nga iil ra e tai hariil. 12Yalemat hara e wol faülümire iyoloil ra ebwe para pipiya marahara labwe para hädini, nga yalemat hara e tawol faülümire iyoloil ra mena töt ra e mire iyoloil ra labwe para häditengiil. 13Sapiri na ida hoho hawewe ifiri yai titirongariil bwanasahü na la habaühü nga la takäkäne, la hadutering nga la talongolongo nga la tahüra nifaar. 14Mo ramari profeta Isaias ra la mire dewa irang:
‘Yalemat hara ra labwe haduteringa mahowa nga la tahüra nifaar;
la habaühü mahowa nga e tasüya bwa labwe käkäne,
15bwanasahü na e pöür yael mangimengi;
nga la happüngüni taringael
nga la hamadülüni matael.
Mo labwe tai faülüüni marahar nga labwe käkäne,
nga taringayel nga ebwe longolongo,
nga yael mangimengi ebwe faülüül bwa labwe hüra nifaar
lada par wehitoho iyoloi, nga ngaangu irau tapangiil.’
16“Nga iyaha hami ra hau hafaiyemau! Matami e käkäne nga taringemi e longolongo. 17Ibwe hau dewahami bwa e pipiya profeta ma lei tipangahi ra la masari dewa na labwe käkäne na hau käkäne nga e tasüya, nga la masari na labwe longolongo na hau longolongo nga la talongolongo.
Hesus e Hanifariye Nifaari Haweweri Lei Fato
(Markus 4.13-20; Lukas 8.11-15)
18“Hau hadutering bwa haubwe hüra nifaari-mo yalematawe e fato räni maatar. 19Marahara la longolongo titiini Farüyeri Dios nga la tahüra nifaar ra la weni bihini fatoh hara e püngütiwo niyar eda bwitoho diabolo eda hurutengila-mo la fatohi faringörüngörüül. 20Fatoh hara e püngütiwo wani yarang ra e tapael marahara matamowari yael longolongo Titiro Maho nga la kkele dewa irang. 21Nga dari na e tai faduye titin ma faringörüngörüül eda tai miriyarai yael tabweya. Nga eda wol hamatahütöhü hale hairam hataingehiri Titiro Maho nga ifiri menasahu nga la peitaraho titirowe la mire irang. 22Nga fatoh hara e püngütiwo wani kangisir ra e tapael marahara la hadutering ramari Dios nga dari na e masümösü tipael ifiri titini fadayer ma masani na labwe taitei eda riiye raho ramawe la longolongo eda tasüya bwa ebwe wol uwaar. 23Nga fatoh hara e tahasetahe ma uwawori masalo maho ra e tapael marahara la longolongo ramari Dios nga la hüra nifaar ra la weya fatoh hara e pipiya uwaar, palüül ra döbühüya uwaar nga palüül ra woroih uwaar nga palüül ra doriih uwaar.”
Haweweri Fatiri Tammaü
24Hesus eda haüül par dew hawewe: “Farüyeri weirengi ra e weya merer. Demarü mwaare ekka fatoha maho eda fatohingeri na maatar. 25Dobwongi ra urutael yalemat la pari madülü, lei ranani mwana eda raho eda fato fatiri tammaü nipatari marahara yaar fatoh eda süya. 26Ifiri na eda tahase marahara yaar fatoh nga eda yati nga eda nnah bwa e wol fatiri tammaü uwon. 27Marahara lei yaar haküröü lada raho iyolor lada haüye bwa, ‘Latu, fatoh maho marahawe ho fatohini räni me maatamu eda bwitoho ma iya iyaha fatiri tammaü?’ 28Mwana eda haüül bwa, ‘Mena nga lei ranaroi e fatohini.’ Lada hadiya bwa, ‘Ho masari bwa haibwe udunitahe iyahara fatiri?’ 29Mwana eda dölü bwa, ‘Naweri, bwa haute udu fängäniyatahe ma iyahara wheat. 30Hau rihiti bwa labwe woduri fahor eda tohongari na dibwe hiridi uwaar. Ifiri mena nga i dawa haüül marahara lei fitehi bwa labwe uhori udunitahe iyahara fatiri tammaü lada pirohu fängänini lada haimahawarini, lada hädini iyahara wheat lada iterinirango räni soko.’ ”
Haweweri Faduri Parane
(Markus 4.30-32; Lukas 13.18-19)
31Hesus eda par haüül par dew hawewe: “Farüyeri weirengi ra e weya merer. Demarü mwaare e hädi defadu faduri mustard eda fatohi räni na maatar. 32Faduri mustardra na e happar dewa ma uwoni faduri fatoh nga ifiri na eda fahoratahe eda tarapar dewa ma uwoni uruteri fatoh. Eda raho bwa tarapari siriheti nga märü yeyeri lada faülü haffatael uwawori marahara laar.”
Haweweri Habobori Faraawa
(Lukas 13.20-21)
33Hesus eda par haüül para dew hawewe: “Farüyeri weirengi ra e weya merer. Demarü faifire e ekka habobori faraawa eda hädi töt eda toraringeri dewo paheri merikengkoeda boraho.”
Yaari Hesus Hohori Hawewe
(Markus 4.33-34)
34Hesus e hoho hawewe eda haüül yalemat uruteri titiro har; e tawol dew faülümire ra ebwe haüül nga eda tai hoho hawewe. 35E faülü mere bwa ebwe hatödü-mo profeta e dölü bwa,
“Ibwe hoho hawewe ifiri yai titirongariil;
Ibwe hahüraringeriil titiro hara e tawol re e hüra ifiri-mo hapurotaheri farüyeri yalemat eda tohotoho meihira.”
Hesus e Tapa Nifaari Fatiri Tammaü we e hori Hawewe
36Hesus eda rihitil marahara la towu ihira eda bwirango niimw, marahara lei tabwer lada raho iyolor lada haüya bwa, “Hauhamami nifaari fatiri tammaü we e mire räni maata we ho hori hawewe.”
37Hesus eda haüül bwa, “Mwaare we e fato fatoha maho ra, Rauri Yalemat; 38ira maat ra weidarop; fatoh hara e maho ra yalematahara la tabweya Dios; iyahara fatiri tammaü ra yalematahara lei tabweri diabolo; 39ira lei ranarora e fatohini fatiri tammaü ra diabolo. Yatori hiridini uwari fatoh ra ileileiri farüyeri yalemat nga iyahara lei hini uwari fatoh ra anghel. 40Ebwe weya sahu faülüri fatiri hara la pirohu fängänini lada haimahawarini ra ira na ebwe faülüyehi ifiri ileileiri farüyeri yalemat: 41Rauri Yalemat erau hatalilawau yaar anghel bwa labwe hatoiyeri fängäniil marahara la faülüül yalemat bwa labwe püngütiwo ifiri tammaü ma wori farüyar, ma marahara lei hatawadiri farau, 42lada peitilarango wani purori yefi lada tangi nga la hatata ngiil. 43Ifiri mena nga iyahara lei tabweya Dios ra larau weya tireri yaaro ma uwawori Farüyeri Dios. Hau hadutering ifiri na ebwe wol taringemi!
Haweweri Hapitehi Wahawah ra e mwaro
44“Farüyeri weirengi ra e weya merer. Demarü mwaare e weli dew hapitehi wahawah ma räni dew maat. E maho dewa faringörüngön eda par ribwatafariya eda raho eda hori parüyeri uruteri hapitehir eda wehitafaari eda parüyeri maatara.
Haweweri Sahairi Daalu
45“Farüyeri weirengi ra eda para weya merer. Demarü mwaare e kkup sahairi daalu hara e maho 46nga ifiri na eda weli defadu ra e yarüdüwaye mahor eda hori parüyeri uruteri hapitehir eda tangahiye sahairi daalura.
Haweweri Uharai
47“Farüyeri weirengi ra eda para weya merer. Palüül mwaare la peitatiwo yael uharai räni sarü lada horani deih matamatari iih. 48Ifiri na eda ulo na yael uharai lada yafidarango wori piye lada maatotiwo lada wolifatangini marahara horael: lada hädini iih hara e maho lada itenirango räni haraisi nga iih hara e tammaü ra la hädi lada peitiniraho. 49E weya faülüri mena na ebwe faülüyehi ifiri ileileri farüyeri yalemat: anghel labwe buwou lada hädiil lei tammaü ma uworuul lei maho 50lada peitilarango uwoni purori yefi bwa burukara na labwe tangi nga la hatata ngiil ma irang.”
Kaü ra e Bede ma Kaü ra e Taifou
51Hesus eda hadiyael bwa, “Hau hüra nifaari marahar?”
Lada dölü bwa, “Üngö.”
52Eda para haüül bwa, “Nifaari merer ra urutael lei tanahori Farüförü Liya ra lada tabweya moumouri Farüyeri Weirengi ra la weya yalematara e iteriniwou hapitehi taifou ma hapitehi bede ma räni räniyeri hapitehir.”
La Tai Ngütaheya Hesus Ma Nasaret
(Markus 6.1-6; Lukas 4.16-30)
53Ifiri na eda bwängi yaari Hesus haüül hawewehara eda süya ma burukara 54eda wehitafaari räni ra hatödüri yaar wotawot eda kaüül yalemat ma räni iimweri uwolongolong nga marahara la hadutering ramar la ppari lüdü lada hadiya bwa, “Iya me mwaarer e hädi ma irang talamatip yer ma yaar faülüri kamarari yarüdür? 55Nga e tai iiye rauri mwaarewe senap? Nga e tai iiy rauri Maria nga iiy bwidir James ma Hosei ma Simon ma Yudas? 56Nga e tai urutael mweyangar nga la mire ihar? Iya me e hädi ma irang uruteri merer?” 57Nga lada usuw.
Hesus eda haüül bwa, “Profeta ra la haparüya ma räni fad ma wotawot. Har wori farüyar ma yalematar na la tai haparüya.” 58Bwanasahü na e tawol yael hatödü eda tai pipiya kamarari yarüdü na e faaülü ma burukara.
ទើបបានជ្រើសរើសហើយ៖
Mateus 13: SOV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.
Mateus 13
13
Haweweri Lei Fato
(Markus 4.1-9; Lukas 8.4-8)
1Lanera sahü nga Hesus eda para süya ma niimwara eda bwitiwo ifiri ngaseri sarü eda maatotiwo bwa ebwe kaüül yalemat. 2La yalaraho yalemat hara la talanga eda taütahe eda maato usuri uwa nga urutael yalemat la ddü woripiya. 3Hesus eda hoho hawewe ifiri yaar kaüül matamatari faülümire:
“Demarü mwaare e bwitahe bwa ebwe fato bihini grain. 4Ifiri na eda hasefini marahara yaar fatoh, nga palüül ma uwoni bihiri hara la püngütiwo niyar, märü yeyeri lada bwitoho lada hangini. 5Nga palüül la püngütiwo uwoni yarang ra e marifi masalor. E tai miriyarai lada tahasetahe bwa e tai tto masalor. 6Nga eda tahase yaaro lada kalaraho ifiri bwesiri yaaro lada made bwa e tai tto walahayel. 7Palüül faduri fatoh hara ra la püngütiwo wani kangisir lada döngütahe kangisir eda fitifitil. 8Nga palüül la püngütiwo uwawori masalo maho lada uwa: palüül ra döbühüya uwaar nga palüül ra woroih uwaar nga palüül ra deriih uwaar.”
9Hesus eda habwangi na ramar eda dölü bwa, “Hau hadutering ifiri na ebwe wol taringemi!”
Nifaari Titiror
(Markus 4.10-12; Lukas 8.9-10)
10Marahara lei tabwer lada raho iyolor lada hadiya bwa, “Meta e faülü hoda hoho hawewe ifiri yaamu titiro ngariil yalemat?”
11Hesus eda haüül bwa, “Hami ra Dios eda mori faülühemi bwa haubwe hüra titiini Farüyeri weirengi ra e tühümiyehi titin, nga iil ra e tai hariil. 12Yalemat hara e wol faülümire iyoloil ra ebwe para pipiya marahara labwe para hädini, nga yalemat hara e tawol faülümire iyoloil ra mena töt ra e mire iyoloil ra labwe para häditengiil. 13Sapiri na ida hoho hawewe ifiri yai titirongariil bwanasahü na la habaühü nga la takäkäne, la hadutering nga la talongolongo nga la tahüra nifaar. 14Mo ramari profeta Isaias ra la mire dewa irang:
‘Yalemat hara ra labwe haduteringa mahowa nga la tahüra nifaar;
la habaühü mahowa nga e tasüya bwa labwe käkäne,
15bwanasahü na e pöür yael mangimengi;
nga la happüngüni taringael
nga la hamadülüni matael.
Mo labwe tai faülüüni marahar nga labwe käkäne,
nga taringayel nga ebwe longolongo,
nga yael mangimengi ebwe faülüül bwa labwe hüra nifaar
lada par wehitoho iyoloi, nga ngaangu irau tapangiil.’
16“Nga iyaha hami ra hau hafaiyemau! Matami e käkäne nga taringemi e longolongo. 17Ibwe hau dewahami bwa e pipiya profeta ma lei tipangahi ra la masari dewa na labwe käkäne na hau käkäne nga e tasüya, nga la masari na labwe longolongo na hau longolongo nga la talongolongo.
Hesus e Hanifariye Nifaari Haweweri Lei Fato
(Markus 4.13-20; Lukas 8.11-15)
18“Hau hadutering bwa haubwe hüra nifaari-mo yalematawe e fato räni maatar. 19Marahara la longolongo titiini Farüyeri Dios nga la tahüra nifaar ra la weni bihini fatoh hara e püngütiwo niyar eda bwitoho diabolo eda hurutengila-mo la fatohi faringörüngörüül. 20Fatoh hara e püngütiwo wani yarang ra e tapael marahara matamowari yael longolongo Titiro Maho nga la kkele dewa irang. 21Nga dari na e tai faduye titin ma faringörüngörüül eda tai miriyarai yael tabweya. Nga eda wol hamatahütöhü hale hairam hataingehiri Titiro Maho nga ifiri menasahu nga la peitaraho titirowe la mire irang. 22Nga fatoh hara e püngütiwo wani kangisir ra e tapael marahara la hadutering ramari Dios nga dari na e masümösü tipael ifiri titini fadayer ma masani na labwe taitei eda riiye raho ramawe la longolongo eda tasüya bwa ebwe wol uwaar. 23Nga fatoh hara e tahasetahe ma uwawori masalo maho ra e tapael marahara la longolongo ramari Dios nga la hüra nifaar ra la weya fatoh hara e pipiya uwaar, palüül ra döbühüya uwaar nga palüül ra woroih uwaar nga palüül ra doriih uwaar.”
Haweweri Fatiri Tammaü
24Hesus eda haüül par dew hawewe: “Farüyeri weirengi ra e weya merer. Demarü mwaare ekka fatoha maho eda fatohingeri na maatar. 25Dobwongi ra urutael yalemat la pari madülü, lei ranani mwana eda raho eda fato fatiri tammaü nipatari marahara yaar fatoh eda süya. 26Ifiri na eda tahase marahara yaar fatoh nga eda yati nga eda nnah bwa e wol fatiri tammaü uwon. 27Marahara lei yaar haküröü lada raho iyolor lada haüye bwa, ‘Latu, fatoh maho marahawe ho fatohini räni me maatamu eda bwitoho ma iya iyaha fatiri tammaü?’ 28Mwana eda haüül bwa, ‘Mena nga lei ranaroi e fatohini.’ Lada hadiya bwa, ‘Ho masari bwa haibwe udunitahe iyahara fatiri?’ 29Mwana eda dölü bwa, ‘Naweri, bwa haute udu fängäniyatahe ma iyahara wheat. 30Hau rihiti bwa labwe woduri fahor eda tohongari na dibwe hiridi uwaar. Ifiri mena nga i dawa haüül marahara lei fitehi bwa labwe uhori udunitahe iyahara fatiri tammaü lada pirohu fängänini lada haimahawarini, lada hädini iyahara wheat lada iterinirango räni soko.’ ”
Haweweri Faduri Parane
(Markus 4.30-32; Lukas 13.18-19)
31Hesus eda par haüül par dew hawewe: “Farüyeri weirengi ra e weya merer. Demarü mwaare e hädi defadu faduri mustard eda fatohi räni na maatar. 32Faduri mustardra na e happar dewa ma uwoni faduri fatoh nga ifiri na eda fahoratahe eda tarapar dewa ma uwoni uruteri fatoh. Eda raho bwa tarapari siriheti nga märü yeyeri lada faülü haffatael uwawori marahara laar.”
Haweweri Habobori Faraawa
(Lukas 13.20-21)
33Hesus eda par haüül para dew hawewe: “Farüyeri weirengi ra e weya merer. Demarü faifire e ekka habobori faraawa eda hädi töt eda toraringeri dewo paheri merikengkoeda boraho.”
Yaari Hesus Hohori Hawewe
(Markus 4.33-34)
34Hesus e hoho hawewe eda haüül yalemat uruteri titiro har; e tawol dew faülümire ra ebwe haüül nga eda tai hoho hawewe. 35E faülü mere bwa ebwe hatödü-mo profeta e dölü bwa,
“Ibwe hoho hawewe ifiri yai titirongariil;
Ibwe hahüraringeriil titiro hara e tawol re e hüra ifiri-mo hapurotaheri farüyeri yalemat eda tohotoho meihira.”
Hesus e Tapa Nifaari Fatiri Tammaü we e hori Hawewe
36Hesus eda rihitil marahara la towu ihira eda bwirango niimw, marahara lei tabwer lada raho iyolor lada haüya bwa, “Hauhamami nifaari fatiri tammaü we e mire räni maata we ho hori hawewe.”
37Hesus eda haüül bwa, “Mwaare we e fato fatoha maho ra, Rauri Yalemat; 38ira maat ra weidarop; fatoh hara e maho ra yalematahara la tabweya Dios; iyahara fatiri tammaü ra yalematahara lei tabweri diabolo; 39ira lei ranarora e fatohini fatiri tammaü ra diabolo. Yatori hiridini uwari fatoh ra ileileiri farüyeri yalemat nga iyahara lei hini uwari fatoh ra anghel. 40Ebwe weya sahu faülüri fatiri hara la pirohu fängänini lada haimahawarini ra ira na ebwe faülüyehi ifiri ileileiri farüyeri yalemat: 41Rauri Yalemat erau hatalilawau yaar anghel bwa labwe hatoiyeri fängäniil marahara la faülüül yalemat bwa labwe püngütiwo ifiri tammaü ma wori farüyar, ma marahara lei hatawadiri farau, 42lada peitilarango wani purori yefi lada tangi nga la hatata ngiil. 43Ifiri mena nga iyahara lei tabweya Dios ra larau weya tireri yaaro ma uwawori Farüyeri Dios. Hau hadutering ifiri na ebwe wol taringemi!
Haweweri Hapitehi Wahawah ra e mwaro
44“Farüyeri weirengi ra e weya merer. Demarü mwaare e weli dew hapitehi wahawah ma räni dew maat. E maho dewa faringörüngön eda par ribwatafariya eda raho eda hori parüyeri uruteri hapitehir eda wehitafaari eda parüyeri maatara.
Haweweri Sahairi Daalu
45“Farüyeri weirengi ra eda para weya merer. Demarü mwaare e kkup sahairi daalu hara e maho 46nga ifiri na eda weli defadu ra e yarüdüwaye mahor eda hori parüyeri uruteri hapitehir eda tangahiye sahairi daalura.
Haweweri Uharai
47“Farüyeri weirengi ra eda para weya merer. Palüül mwaare la peitatiwo yael uharai räni sarü lada horani deih matamatari iih. 48Ifiri na eda ulo na yael uharai lada yafidarango wori piye lada maatotiwo lada wolifatangini marahara horael: lada hädini iih hara e maho lada itenirango räni haraisi nga iih hara e tammaü ra la hädi lada peitiniraho. 49E weya faülüri mena na ebwe faülüyehi ifiri ileileri farüyeri yalemat: anghel labwe buwou lada hädiil lei tammaü ma uworuul lei maho 50lada peitilarango uwoni purori yefi bwa burukara na labwe tangi nga la hatata ngiil ma irang.”
Kaü ra e Bede ma Kaü ra e Taifou
51Hesus eda hadiyael bwa, “Hau hüra nifaari marahar?”
Lada dölü bwa, “Üngö.”
52Eda para haüül bwa, “Nifaari merer ra urutael lei tanahori Farüförü Liya ra lada tabweya moumouri Farüyeri Weirengi ra la weya yalematara e iteriniwou hapitehi taifou ma hapitehi bede ma räni räniyeri hapitehir.”
La Tai Ngütaheya Hesus Ma Nasaret
(Markus 6.1-6; Lukas 4.16-30)
53Ifiri na eda bwängi yaari Hesus haüül hawewehara eda süya ma burukara 54eda wehitafaari räni ra hatödüri yaar wotawot eda kaüül yalemat ma räni iimweri uwolongolong nga marahara la hadutering ramar la ppari lüdü lada hadiya bwa, “Iya me mwaarer e hädi ma irang talamatip yer ma yaar faülüri kamarari yarüdür? 55Nga e tai iiye rauri mwaarewe senap? Nga e tai iiy rauri Maria nga iiy bwidir James ma Hosei ma Simon ma Yudas? 56Nga e tai urutael mweyangar nga la mire ihar? Iya me e hädi ma irang uruteri merer?” 57Nga lada usuw.
Hesus eda haüül bwa, “Profeta ra la haparüya ma räni fad ma wotawot. Har wori farüyar ma yalematar na la tai haparüya.” 58Bwanasahü na e tawol yael hatödü eda tai pipiya kamarari yarüdü na e faaülü ma burukara.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.