Mateus 11
11
Lei Ikkeri Ramari Yohanes ra Lei Hatütü
(Lukas 7.18-35)
1Ifiri na eda bwängi yaari Hesus haüül marahara deih ma liyemaru lei tabwer titiro har, eda süya ma burukara eda raho bwa ebwe kaüül nga e hatipangahil yalemat, ma räni wotawota hara la mire nihalepari burukawe la süye ma irang.
2Ifiri na Yohanes ra Lei Hatütü eda longolongo ma räni karabuse marahara Kristo e faülüüni, eda hatalilaraho palüül marahara lei tabwer iyolor. 3Lada hadiya Hesus bwa, “Hauhamami hale heer yalematara Yohanes e dölü bwa ebwe bwitoho, hale e wol demarü ra haibwe weti?”
4Hesus eda haüül bwa, “Hau wehitafaari hauda haüya Yohanes marahara hau longolongo nga hau käkäne: 5marahawe e tabu matael nga lada mori käkäne faülümire, marahawe e mangüs hubwael nga lada mori fatare, marahawe e hamatahi rühül nga lada mori faheya, marahawe la taringeppüngü nga lada mori longolongo tiro, nga marahawe la made nga lada fadatafaari, nga Titiro Maho ra e tapayahiraho iyoloil lei halofalof. 6La hafaiyemau marahara la tai wehitengiyei!”
7Ifiri na marahara lei tabweri Yohanes lada süya, nga Hesus eda haüül marahara la towu ihira titini Yohanes. E haüül bwa, “Ifiri-mo hau bwitahe iyolori Yohanes niworu, meta-mo hau mangiya bwa haubwe käkäne? Saüri fatiri ra yangi e fireti fatareye? 8Meta-mo hau bwitahe bwa haubwe habaühü? Mwana e maho üffar? Yalemat hara e maho üffael ra la mire niimweri tamoru! 9Hau haüyei hale meta-mo hau bwitahe bwa haubwe habaühü? Profeta? Üngö, e haitina, nga dari na yalematawe hau käkäne ra e taitei ma imowari profeta. 10Yohanes-mo Farüförü Liya e dölü bwa: ‘Dios e dölü bwa, ibwe uhori fangatiwo lei ikke namai ma imowamu bwa ebwe mareti yaramu.’ 11Ibwe hau dewahami bwa Yohanes ra Lei Hatütü na e taitei dewa ma uworuul yalemat hara la fadatoho uwawori farüyeri yalemat. Nga dari na e taitei yalematara e hapirifa ma uwawori Farüyeri weirengi ma imowari Yohanes. 12Niyatowe Yohanes e hapurotahe yaar kaü eda bwito meihira, nga yalemata la kupeti bwa labwe hatawadiye Farüyeri weirengi, nga lei tammaü la kupeti bwa labwe huruw. 13Farau hawe yaari Moses ma uruteri marahawe profeta la tapani eda tohotoho niyatori Yohanes nga la tapa titini Farüyeri Dios. 14Nga sahü nga hau hatödüye ramahawe la tapani, ira nga e hafitehi bwa Yohanes na Elias we la faduri tapa titini bwitohor. 15Hau hadutering ifiri na ebwe wol taringemi!
16“Meta me ibwe hori bwa ibwe hawengariil sawori lahireiya? La weila sahü palüül riweisi ra la kakamo räni yaar. Iyahara palüül lada dölüngeriil iyahara palüül bwa, 17‘Hai singini nga hai tomitomi nga hami hau tei bwalühü! Hai yalofalof nga hau tei tangi!’ 18Ifiri-mo Yohanes e bwitoho eda hasiha nga e tai uru bino, nga urutael yalemat la dölü bwa e wol yarüdü tammaü retipar. 19Nga ifiri na Rauri Yalemat eda bwitoho eda mwangaü nga e uru bino, nga uruteri yalemat lada dölü bwa, ‘Hau habaühü mwana! Iiy lei mwangaü söhü ma lei uni bino, nga e bidiril lei ikkeri tax ma lei tammaü.’ Talama tiperi Dios e hannaha bwa hatödü marahara e faülüyehi.”
Wotawota Hara E Tawol Yael Hatödü
(Lukas 10.13-15)
20Sawori wotawota hara e pipiya kamarari yarüdü ra Hesus e faaülü ma irang nga la tai wehitengini tammaü hara la mire irang. Hesus eda yasiraho uwawoil nga e dölü bwa, 21“E weya meta hamatahütöhüra heer Korazin hobwe taraengari! Nga e weya meta hamatahütöhüra heer Betsaida hobwe taraengari! E weya me kamarari yarüdüha e faülüyehi ihar ebwe faülüyehi ma Tairus ma Sidon, nga ifiri morowe sahü nga sawori wotawotahara lada mori üfföüf üfferi hasauborü nga la hamolamola tahe farang uwawoil bwa ebwe hannaha bwa lada mori wehitengini tammaüül. 22Ibwe hau dewahami bwa lanera lani haühühüri haddiye nga Dios ebwe mala fahoil sawori Tairus ma Sidon ma imowami! 23Nga heer Kapernaum! Ho hatahiyeta tipomu bwa hobwe bwitahe maato wori yaulari? Heer ra hobwe peitiyehi tiwo wori farüyeriyefi! E weya me kamarari yarüdüha e faülüyehi ma ihar ebwe faülüyehi ma Sodom, ira nga Sodom ra ebwe süyeri mire sahü eda tohoto meihira! 24Ibwe hau dewahami bwa lani Haühühüri Haddiye nga Dios ebwe mala fahoil sawori Sodom ma imowami!”
Bwitoho Hadodoho Iyoloi
(Lukas 10.21-22)
25Niyatora nga Hesus eda dölü bwa, “Papa, Tamoni weirengi ma weidarop! I haparüho bwanasahü na ho hanangariil yalemata sahü na ho hamwaro ma iyoloil lei lepahau ma tanaho. 26Üngö, Papa, iyera-mo ho masari bwa ebwe faülüyehi.
27“Papai e hariyei uruteri faülümire. E tawol demarü yalemat re e hüra re iiye na Raurou bwa har Papar na e hüra re iiye; nga e tawol yalemat re e hüra re iiye ra Tamatam bwa Raurou na e hüra, ma par yalemat hara Raurou e tiwereil bwa ebwe hanangariil.
28“Hau bwitoho iyoloi marahara hami ra hau hatapelihilihi ifaari hadiyemi bwa ibwe faaülü hami bwa haubwe hadodohami. 29Hau yafala na yai haruwatahi, nga hau kaü ma iyoloi, bwa ngaangu ra i tipamau nga e tahitaro tipei; bwa ebwe süye bwa haubwe hadodohami. 30E tai hamatahi haruwatahi ra ibwe harihemi, nga e ppare pirohura ra ibwe itetahe uwawomi.”
ទើបបានជ្រើសរើសហើយ៖
Mateus 11: SOV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.
Mateus 11
11
Lei Ikkeri Ramari Yohanes ra Lei Hatütü
(Lukas 7.18-35)
1Ifiri na eda bwängi yaari Hesus haüül marahara deih ma liyemaru lei tabwer titiro har, eda süya ma burukara eda raho bwa ebwe kaüül nga e hatipangahil yalemat, ma räni wotawota hara la mire nihalepari burukawe la süye ma irang.
2Ifiri na Yohanes ra Lei Hatütü eda longolongo ma räni karabuse marahara Kristo e faülüüni, eda hatalilaraho palüül marahara lei tabwer iyolor. 3Lada hadiya Hesus bwa, “Hauhamami hale heer yalematara Yohanes e dölü bwa ebwe bwitoho, hale e wol demarü ra haibwe weti?”
4Hesus eda haüül bwa, “Hau wehitafaari hauda haüya Yohanes marahara hau longolongo nga hau käkäne: 5marahawe e tabu matael nga lada mori käkäne faülümire, marahawe e mangüs hubwael nga lada mori fatare, marahawe e hamatahi rühül nga lada mori faheya, marahawe la taringeppüngü nga lada mori longolongo tiro, nga marahawe la made nga lada fadatafaari, nga Titiro Maho ra e tapayahiraho iyoloil lei halofalof. 6La hafaiyemau marahara la tai wehitengiyei!”
7Ifiri na marahara lei tabweri Yohanes lada süya, nga Hesus eda haüül marahara la towu ihira titini Yohanes. E haüül bwa, “Ifiri-mo hau bwitahe iyolori Yohanes niworu, meta-mo hau mangiya bwa haubwe käkäne? Saüri fatiri ra yangi e fireti fatareye? 8Meta-mo hau bwitahe bwa haubwe habaühü? Mwana e maho üffar? Yalemat hara e maho üffael ra la mire niimweri tamoru! 9Hau haüyei hale meta-mo hau bwitahe bwa haubwe habaühü? Profeta? Üngö, e haitina, nga dari na yalematawe hau käkäne ra e taitei ma imowari profeta. 10Yohanes-mo Farüförü Liya e dölü bwa: ‘Dios e dölü bwa, ibwe uhori fangatiwo lei ikke namai ma imowamu bwa ebwe mareti yaramu.’ 11Ibwe hau dewahami bwa Yohanes ra Lei Hatütü na e taitei dewa ma uworuul yalemat hara la fadatoho uwawori farüyeri yalemat. Nga dari na e taitei yalematara e hapirifa ma uwawori Farüyeri weirengi ma imowari Yohanes. 12Niyatowe Yohanes e hapurotahe yaar kaü eda bwito meihira, nga yalemata la kupeti bwa labwe hatawadiye Farüyeri weirengi, nga lei tammaü la kupeti bwa labwe huruw. 13Farau hawe yaari Moses ma uruteri marahawe profeta la tapani eda tohotoho niyatori Yohanes nga la tapa titini Farüyeri Dios. 14Nga sahü nga hau hatödüye ramahawe la tapani, ira nga e hafitehi bwa Yohanes na Elias we la faduri tapa titini bwitohor. 15Hau hadutering ifiri na ebwe wol taringemi!
16“Meta me ibwe hori bwa ibwe hawengariil sawori lahireiya? La weila sahü palüül riweisi ra la kakamo räni yaar. Iyahara palüül lada dölüngeriil iyahara palüül bwa, 17‘Hai singini nga hai tomitomi nga hami hau tei bwalühü! Hai yalofalof nga hau tei tangi!’ 18Ifiri-mo Yohanes e bwitoho eda hasiha nga e tai uru bino, nga urutael yalemat la dölü bwa e wol yarüdü tammaü retipar. 19Nga ifiri na Rauri Yalemat eda bwitoho eda mwangaü nga e uru bino, nga uruteri yalemat lada dölü bwa, ‘Hau habaühü mwana! Iiy lei mwangaü söhü ma lei uni bino, nga e bidiril lei ikkeri tax ma lei tammaü.’ Talama tiperi Dios e hannaha bwa hatödü marahara e faülüyehi.”
Wotawota Hara E Tawol Yael Hatödü
(Lukas 10.13-15)
20Sawori wotawota hara e pipiya kamarari yarüdü ra Hesus e faaülü ma irang nga la tai wehitengini tammaü hara la mire irang. Hesus eda yasiraho uwawoil nga e dölü bwa, 21“E weya meta hamatahütöhüra heer Korazin hobwe taraengari! Nga e weya meta hamatahütöhüra heer Betsaida hobwe taraengari! E weya me kamarari yarüdüha e faülüyehi ihar ebwe faülüyehi ma Tairus ma Sidon, nga ifiri morowe sahü nga sawori wotawotahara lada mori üfföüf üfferi hasauborü nga la hamolamola tahe farang uwawoil bwa ebwe hannaha bwa lada mori wehitengini tammaüül. 22Ibwe hau dewahami bwa lanera lani haühühüri haddiye nga Dios ebwe mala fahoil sawori Tairus ma Sidon ma imowami! 23Nga heer Kapernaum! Ho hatahiyeta tipomu bwa hobwe bwitahe maato wori yaulari? Heer ra hobwe peitiyehi tiwo wori farüyeriyefi! E weya me kamarari yarüdüha e faülüyehi ma ihar ebwe faülüyehi ma Sodom, ira nga Sodom ra ebwe süyeri mire sahü eda tohoto meihira! 24Ibwe hau dewahami bwa lani Haühühüri Haddiye nga Dios ebwe mala fahoil sawori Sodom ma imowami!”
Bwitoho Hadodoho Iyoloi
(Lukas 10.21-22)
25Niyatora nga Hesus eda dölü bwa, “Papa, Tamoni weirengi ma weidarop! I haparüho bwanasahü na ho hanangariil yalemata sahü na ho hamwaro ma iyoloil lei lepahau ma tanaho. 26Üngö, Papa, iyera-mo ho masari bwa ebwe faülüyehi.
27“Papai e hariyei uruteri faülümire. E tawol demarü yalemat re e hüra re iiye na Raurou bwa har Papar na e hüra re iiye; nga e tawol yalemat re e hüra re iiye ra Tamatam bwa Raurou na e hüra, ma par yalemat hara Raurou e tiwereil bwa ebwe hanangariil.
28“Hau bwitoho iyoloi marahara hami ra hau hatapelihilihi ifaari hadiyemi bwa ibwe faaülü hami bwa haubwe hadodohami. 29Hau yafala na yai haruwatahi, nga hau kaü ma iyoloi, bwa ngaangu ra i tipamau nga e tahitaro tipei; bwa ebwe süye bwa haubwe hadodohami. 30E tai hamatahi haruwatahi ra ibwe harihemi, nga e ppare pirohura ra ibwe itetahe uwawomi.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.