Yohanès 15
15
Yèsus lah tèngtèng anggor rik kènmën
1Yèsus nachal wèl bok naꞌog chòntoh doh: “Yék lah tèngtèng anggor rik kènmën, bok Apak Yék lah rik besèylay. 2Gerèk sènꞌòy rik besèylay nak nachòkh ma lènwòy rik tok bekèꞌbek, Apak keꞌjèk napèrmòy nòm Yék kenèmbek sènꞌòy rik tok umtèlꞌèl nènchèn Eh. Bok lènwòy rik bekèꞌbek, Rik Nak pon nageyèg um supaye mubekèꞌbek lebad wèl. 3Nyob doh hòj méj, gerèk lènwòy rik nageyèg nak, sebab gah rik Yék hòj itènglèkh ma nyob hòj naꞌuy ma nyob méj. 4Gos lah èn Yék, bok Yék pon mok èn nyob. Tok mèk-mok lah lènwòy nak dapad namkèꞌbek dèꞌrik eh; haros lah mok samak tèngtèng. Gerèk nak keꞌjèk, nyob tok dapad nyombekèꞌbek dèꞌrik; had kalòw nyob tetab nyob gos èn Yék.
5Yék lah tèngtèng anggor bok nyob lah lènwòy eh. Kalòw nyob selaluk nyob gos èn Yék, bok Yék pon mok èn nyob, nyob akal nyob bekèꞌbek ibuk. Tapik kalòw nyob tok gès-gos èn Yék, nyob tok dapad nyomteꞌèl ilok-ilok pon. 6Chok rik tok gès-gos èn Yék, umnak samak gerèk lènwòy naꞌtèk, rik sènꞌòy nabes bok nakaruk. Kenèmbek lènwòy gerèk nak akal sènꞌòy nachatuk, dak nabes ma kelòj os bok nachur. 7Kalòw nyob nyomgos selaluk èn Yék, bok tenènglèkh Yék nyob dol èn kelòj hup nyob, nyob boléh nyomsemany ilok-ilok rik nyob chèn, bok Tuhan akal nateꞌèl untok nyob. 8Bil nyob bekèꞌbek ibuk, nyob nak kemën-kemën hèhoh Yék, bok nyob pèrnéh kuwase ròb renayak Apak Yék. 9Yék isayèkh ma nyob gerèk Apak nasayèkh ma Yék. Gos lah selaluk gerèk sènꞌòy rik Yék isayèkh. 10Yék ihoh ma nèrꞌor Apak Yék, dak Rik Nak selaluk nasayèkh ma Yék. Dak kalòw nyob nyomhoh ma nèrꞌor Yék, Yék pon akal selaluk isayèkh ma nyob.
11Yék ichal kenèmbek doh ma nyob nak supaye nyob kemën-kemën nyomꞌadés èn kelòj hup nyob, samak gerèk Yék iꞌadés. 12Udoh lah nèrꞌor Yék: sayèkh lah ma kaban rik nyob, gerèk Yék hòj isayèkh ma nyob. #Yoh 13:34; 15:17; 1 Yoh 3:23; 2 Yoh 1:5. 13Kalòw mok sènꞌòy rik kèsbes untok namtèrgos ma kéy-kéy eh, tok mèk-mok senayèkh rik lebéh rayak nòm senayèkh néy sènꞌòy rik gerèk nak. 14Dak nyob lah kéy-kéy Yék kalòw nyob nyomteꞌèl ilok rik Yék iꞌor ma nyob. 15Yék tok ikèw-kòw wèl ma nyob nak kuli Yéh, sebab kuli nak tok umlèng-lèkh ilok rik tuwan umnak nateꞌèl. Tapik Yék hòj iꞌoglèkh ma nyob kenèmbek rik hòj ikeyòkh nòm Apak Yéh, bok puꞌdoh Yék ikòw ma nyob kéy-kéy Yéh. 16Kedak nyob rik bepili ma Yék, tapik Yék lah rik bepili ma nyob bok iꞌor ma nyob supaye nyomwèk bok nyombekèꞌbek ibuk kebek rik tènhan sampéy bilok-bilok. Sebab nak lah Apak akal naꞌog ma nyob ilok-ilok pon rik nyob semany èn kelòj kenëh Yék. 17Jadik udoh lah nèrꞌor Yék ma nyob: sayèkh lah ma kaban rik nyob!”
Sènꞌòy èn duniak umcheꞌẽs ma hèhoh Yèsus
18“Kalòw sènꞌòy èn duniak doh umcheꞌẽs ma nyob, belekh lah umnak hòj umcheꞌẽs nèng-nèng ma Yék. 19Kalòw lah nyob tik samak gerèk sènꞌòy èn duniak doh, pastik lah sènꞌòy duniak doh umsayèkh ma nyob gerèk nyob nak nòm pitak rik umnak. Tapik Yék hòj ipili ma nyob nòm duniak, bok nyob tok samak wèl ma sènꞌòy gèhnih èn duniak doh. Unak lah sebab eh umcheꞌẽs ma nyob. 20Belekh lah ilok rik hòj Yék ichal ma nyob: ‘Tok mèk-mok kuli rik lebéh rayak nòm tuwan eh.’ Kalòw umnak umhoh ma tenènglèkh Yék, umnak akal umhoh keꞌjèk ma tenènglèkh nyob. Dak kalòw umnak hòj umkeseh ma Yék, bok akal umkeseh ma nyob keꞌjèk. #Mat 10:24; Luk 6:40; Yoh 13:16. 21Umnak akal umkeseh ma nyob sebab nyob hèhoh Yék, bok umnak tok umkèlnal ma Nanak rik terèn-èn Yék. 22Kalòw lah Yék tok ilèj-lãj bok tok ichèl-chal ma umnak, umnak tok umbesalah untok dose umnak. Tapik Yék hòj iꞌoglèkh ma umnak, bok puꞌdoh umnak tok mèk-mok alasan wèl untok dose umnak. 23Chok rik chèsꞌẽs ma Yék, umnak umcheꞌẽs keꞌjèk ma Apak Yék. 24Yék hòj iteꞌèl jajéh tènꞌèl kuwase èn umnak. Tok mèk-mok sènꞌòy mòy rik pernah namteꞌèl tènꞌèl kuwase gerèk nak. Kalòw Yék tok itèlꞌèl hal nak, umnak tok umbesalah untok dose umnak. Tapik yab umnak hòj umnéh kenèmbek rik Yék iteꞌèl nak, umnak tik umcheꞌẽs ma Yék bok ma Apak Yék keꞌjèk. 25#En 35:19; 69:5. Hal doh haros lah nabelakuk, tehad gerèk ilok rik natulis èn kelòj Hukom Tuhan umnak: ‘Umnak umcheꞌẽs ma Yék tok mèk-mok alasan um.’
26Yék akal itèrꞌèn ma nyob Ruway Kudus nòm Apak Yéh. Ruway Kudus nak rik betulong ma nyob bok napèrnéh ilok rik kènmën. Bil Rik Nak nalãj, akal naꞌèg-oglèkh tentang Yék. 27Dak nyob keꞌjèk haros nyob oglèkh ma sènꞌòy ilok rik hòj nyob néh bok nyob keyòkh tentang Yék, sebab nyob doh hòj mok samak Yék nòm mulak ikòw ma nyob hatòp.”
ទើបបានជ្រើសរើសហើយ៖
Yohanès 15: KKT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Yohanès 15
15
Yèsus lah tèngtèng anggor rik kènmën
1Yèsus nachal wèl bok naꞌog chòntoh doh: “Yék lah tèngtèng anggor rik kènmën, bok Apak Yék lah rik besèylay. 2Gerèk sènꞌòy rik besèylay nak nachòkh ma lènwòy rik tok bekèꞌbek, Apak keꞌjèk napèrmòy nòm Yék kenèmbek sènꞌòy rik tok umtèlꞌèl nènchèn Eh. Bok lènwòy rik bekèꞌbek, Rik Nak pon nageyèg um supaye mubekèꞌbek lebad wèl. 3Nyob doh hòj méj, gerèk lènwòy rik nageyèg nak, sebab gah rik Yék hòj itènglèkh ma nyob hòj naꞌuy ma nyob méj. 4Gos lah èn Yék, bok Yék pon mok èn nyob. Tok mèk-mok lah lènwòy nak dapad namkèꞌbek dèꞌrik eh; haros lah mok samak tèngtèng. Gerèk nak keꞌjèk, nyob tok dapad nyombekèꞌbek dèꞌrik; had kalòw nyob tetab nyob gos èn Yék.
5Yék lah tèngtèng anggor bok nyob lah lènwòy eh. Kalòw nyob selaluk nyob gos èn Yék, bok Yék pon mok èn nyob, nyob akal nyob bekèꞌbek ibuk. Tapik kalòw nyob tok gès-gos èn Yék, nyob tok dapad nyomteꞌèl ilok-ilok pon. 6Chok rik tok gès-gos èn Yék, umnak samak gerèk lènwòy naꞌtèk, rik sènꞌòy nabes bok nakaruk. Kenèmbek lènwòy gerèk nak akal sènꞌòy nachatuk, dak nabes ma kelòj os bok nachur. 7Kalòw nyob nyomgos selaluk èn Yék, bok tenènglèkh Yék nyob dol èn kelòj hup nyob, nyob boléh nyomsemany ilok-ilok rik nyob chèn, bok Tuhan akal nateꞌèl untok nyob. 8Bil nyob bekèꞌbek ibuk, nyob nak kemën-kemën hèhoh Yék, bok nyob pèrnéh kuwase ròb renayak Apak Yék. 9Yék isayèkh ma nyob gerèk Apak nasayèkh ma Yék. Gos lah selaluk gerèk sènꞌòy rik Yék isayèkh. 10Yék ihoh ma nèrꞌor Apak Yék, dak Rik Nak selaluk nasayèkh ma Yék. Dak kalòw nyob nyomhoh ma nèrꞌor Yék, Yék pon akal selaluk isayèkh ma nyob.
11Yék ichal kenèmbek doh ma nyob nak supaye nyob kemën-kemën nyomꞌadés èn kelòj hup nyob, samak gerèk Yék iꞌadés. 12Udoh lah nèrꞌor Yék: sayèkh lah ma kaban rik nyob, gerèk Yék hòj isayèkh ma nyob. #Yoh 13:34; 15:17; 1 Yoh 3:23; 2 Yoh 1:5. 13Kalòw mok sènꞌòy rik kèsbes untok namtèrgos ma kéy-kéy eh, tok mèk-mok senayèkh rik lebéh rayak nòm senayèkh néy sènꞌòy rik gerèk nak. 14Dak nyob lah kéy-kéy Yék kalòw nyob nyomteꞌèl ilok rik Yék iꞌor ma nyob. 15Yék tok ikèw-kòw wèl ma nyob nak kuli Yéh, sebab kuli nak tok umlèng-lèkh ilok rik tuwan umnak nateꞌèl. Tapik Yék hòj iꞌoglèkh ma nyob kenèmbek rik hòj ikeyòkh nòm Apak Yéh, bok puꞌdoh Yék ikòw ma nyob kéy-kéy Yéh. 16Kedak nyob rik bepili ma Yék, tapik Yék lah rik bepili ma nyob bok iꞌor ma nyob supaye nyomwèk bok nyombekèꞌbek ibuk kebek rik tènhan sampéy bilok-bilok. Sebab nak lah Apak akal naꞌog ma nyob ilok-ilok pon rik nyob semany èn kelòj kenëh Yék. 17Jadik udoh lah nèrꞌor Yék ma nyob: sayèkh lah ma kaban rik nyob!”
Sènꞌòy èn duniak umcheꞌẽs ma hèhoh Yèsus
18“Kalòw sènꞌòy èn duniak doh umcheꞌẽs ma nyob, belekh lah umnak hòj umcheꞌẽs nèng-nèng ma Yék. 19Kalòw lah nyob tik samak gerèk sènꞌòy èn duniak doh, pastik lah sènꞌòy duniak doh umsayèkh ma nyob gerèk nyob nak nòm pitak rik umnak. Tapik Yék hòj ipili ma nyob nòm duniak, bok nyob tok samak wèl ma sènꞌòy gèhnih èn duniak doh. Unak lah sebab eh umcheꞌẽs ma nyob. 20Belekh lah ilok rik hòj Yék ichal ma nyob: ‘Tok mèk-mok kuli rik lebéh rayak nòm tuwan eh.’ Kalòw umnak umhoh ma tenènglèkh Yék, umnak akal umhoh keꞌjèk ma tenènglèkh nyob. Dak kalòw umnak hòj umkeseh ma Yék, bok akal umkeseh ma nyob keꞌjèk. #Mat 10:24; Luk 6:40; Yoh 13:16. 21Umnak akal umkeseh ma nyob sebab nyob hèhoh Yék, bok umnak tok umkèlnal ma Nanak rik terèn-èn Yék. 22Kalòw lah Yék tok ilèj-lãj bok tok ichèl-chal ma umnak, umnak tok umbesalah untok dose umnak. Tapik Yék hòj iꞌoglèkh ma umnak, bok puꞌdoh umnak tok mèk-mok alasan wèl untok dose umnak. 23Chok rik chèsꞌẽs ma Yék, umnak umcheꞌẽs keꞌjèk ma Apak Yék. 24Yék hòj iteꞌèl jajéh tènꞌèl kuwase èn umnak. Tok mèk-mok sènꞌòy mòy rik pernah namteꞌèl tènꞌèl kuwase gerèk nak. Kalòw Yék tok itèlꞌèl hal nak, umnak tok umbesalah untok dose umnak. Tapik yab umnak hòj umnéh kenèmbek rik Yék iteꞌèl nak, umnak tik umcheꞌẽs ma Yék bok ma Apak Yék keꞌjèk. 25#En 35:19; 69:5. Hal doh haros lah nabelakuk, tehad gerèk ilok rik natulis èn kelòj Hukom Tuhan umnak: ‘Umnak umcheꞌẽs ma Yék tok mèk-mok alasan um.’
26Yék akal itèrꞌèn ma nyob Ruway Kudus nòm Apak Yéh. Ruway Kudus nak rik betulong ma nyob bok napèrnéh ilok rik kènmën. Bil Rik Nak nalãj, akal naꞌèg-oglèkh tentang Yék. 27Dak nyob keꞌjèk haros nyob oglèkh ma sènꞌòy ilok rik hòj nyob néh bok nyob keyòkh tentang Yék, sebab nyob doh hòj mok samak Yék nòm mulak ikòw ma nyob hatòp.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.