Yohanès 14
14
Yèsus lah nòng rik kènmën
1Yèsus nachal ma mèn hèhoh Eh, “Agok lah nyob èd-id èn kelòj hup nyob. Pechaye lah ma Allah, bok pechaye ma Yék keꞌjèk. 2Èn dékh Apak Yék mok jajéh tempad nèlgel. Kalòw tok kènmën hal nak, pastik Yék iꞌoglèkh ma nyob. Dak puꞌdoh Yék imwèk nèng-nèng imtabéh tempad untok nyob. 3Nòm kerek Yék hòj iwèk bok itabéh tempad untok nyob, Yék akal ilos wèl dak iꞌéd nyob samak Yék, supaye nyob nyomgel samak Yék èn tempad Yék igel nak. 4Nyob hòj nyob lèkh nòng ma tempad Yék iwèk nak.”
5Dak Tòmas nachal ma Rik Nak, “Tuhan, kandék tok kilèng-lèkh ma lok Hãk hamwèk. Jadik, gerèk lok bok kandék boléh kimlèkh nòng eh nak?”
6Yèsus nasaꞌod, “Yék lah nòng eh nak. Yék lah irik perèhnéh ilok rik kènmën. Bok Yék lah irik èg-og nèsgos rik jalꞌéng. Tok mèk-mok néy sènꞌòy pon namlãj ma Apak kalòw tok mèk-mok nòm Yék. 7Sebab nyob hòj nyob kenal ma Yék, bok akal nyob kenal ma Apak Yék keꞌjèk. Puꞌdoh nyob hòj nyob kenal bok nyob néh ma Rik Nak.”
8Dak Pilipus nachal ma Yèsus, “Tuhan, pèrnéh lah Apak nak ma kandék, bok namsey ma hup kandék.”
9Tapik Yèsus natèdchod ma rik nak, “Yék hòj lamad samak nyob kenèmbek, Pilipus, bok rèk lok hãk tèk-tik tok hakèlnal ma Yék? Chok rik nèh-néh ma Yék, nanak hòj nanéh ma Apak keꞌjèk. Bok nahey hasemany Yék impèrnéh Apak ma nyob? 10Yék mok èn Apak, bok Apak mok èn Yék. Che patod eh hapechaye ma hal nak! Ilok rik ichal ma nyob nak kedak nòm rik Yéh hék, tapik nòm Apak rik mok èn Yék. Rik Nak lah irik tèlꞌèl kenèmbek kèrjak Eh nak. 11Pechaye lah ma Yék bil ichal Yék mok èn Apak, bok Apak mok èn Yék. Nyob hòj nyob néh ma tènꞌèl kuwase rik Yék iteꞌèl nak. Jadik kalòw nyob tok nyob pechaye ma nèlchal Yék, pechaye lah sebab tènꞌèl inak. 12Kemën Yék ichal ma nyob doh: chok rik pechaye ma Yék akal umteꞌèl gerèk ilok rik Yék iteꞌèl. Dak agat wèl Yék akal iwèk ma Apak, bok hèhoh Yék akal umteꞌèl tènꞌèl rik lebéh rayak wèl! 13Ilok-ilok rik nyob semany èn kelòj kenëh Yék akal Yék iteꞌèl, supaye Yék impèrnéh kuwase ròb renayak Apak. 14Hek, semany lah ma Yék ilok-ilok pon èn kelòj kenëh Yék, dak Yék akal iteꞌèl.”
Yèsus napèrhod Allah akal namꞌog Ruway Kudus ma mèn hèhoh Eh
15“Kalòw nyob sayèkh ma Yék, nyob akal nyob hoh ma nèrꞌor Yék. 16Dak Yék akal isemany ma Apak supaye namꞌog ma nyob Ruway Kudus, Rik Betulong ma nyob bok akal mok samak nyob sampéy bilok-bilok. 17Ruway Kudus lah irik perèhnéh ilok rik kènmën. Sènꞌòy èn duniak doh tok dapad muterime ma Rik Nak, sebab umnak tok umnèh-néh bok tok umkèlnal ma Rik Nak. Tapik nyob hòj nyob kenal Rik Nak, sebab puꞌdoh Nanak hòj mok samak nyob, bok akal nagel èn kelòj hup nyob.
18Yék tok ipèꞌrak ma nyob dèꞌrik gerèk kuwòt règ-rég. Yék akal ilos wèl ma nyob. 19Tok lamad wèl, sènꞌòy èn duniak doh tok umnèh-néh ma Yék wèl. Tapik nyob akal tik nyob néh ma Yék. Dak sebab Yék akal ilos igos wèl, bok nyob pon akal nyob gos. 20Bil arik nak nyob akal nyob lèkh Yék mok èn Apak, dak nyob mok èn Yék, dak Yék pon mok èn nyob.
21Chok rik beterime bok umhoh ma nèrꞌor Yék, umnak lah rik besayèkh ma Yék. Apak Yék akal nasayèkh ma sènꞌòy rik besayèkh ma Yék, dak Yék keꞌjèk akal isayèkh ma umnak bok ipèrnéh Rik Yéh ma umnak.”
22Dak mok néy sènꞌòy hèhoh Yèsus rik bekenëh Yudas (kedak Yudas Iskariot) natanyak, “Tuhan, nahey Hãk hampèrnéh Rik Hãh nak ma kandék hék, tapik tok haperèhnéh ma kenèmbek sènꞌòy èn duniak doh?”
23Yèsus nasaꞌod, “Chok rik besayèkh ma Yék pastik umhoh ma tenènglèkh Yék. Apak Yék akal nasayèkh ma umnak, dak Yék ròb Apak Yéh akal yalãj ma sènꞌòy nak bok yagel samak sènꞌòy nak. 24Tapik sènꞌòy rik tok besayèkh ma Yék tok umhèh-hoh ma tenènglèkh Yék. Tenènglèkh rik nyob keyòkh doh kedak nòm Yék, tapik nòm Apak rik terèn-èn ma Yék.
25Yék hòj iꞌoglèkh kenèmbek doh ma nyob mase Yék tik mok samak nyob. 26Tapik akal Apak natèrꞌèn ma nyob Ruway Kudus. Ruway Kudus nak nalãj nòm kuwase rik Yék, bok Nanak iRik Betulong ma nyob akal. Dak Rik Nak lah akal nabetènglèkh ma nyob kenèmbek hal. Nanak keꞌjèk rik akal naberèngleng ma nyob tentang kenèmbek hal rik Yék hòj itènglèkh ma nyob.
27Yék akal iperak ma nyob, tapik iꞌog ma nyob hup rik tèngnang nòm Rik Yéh. Dak ilok rik Yék iꞌog nak tok samak gerèk ilok rik duniak doh naꞌog ma sènꞌòy. Jadik agok lah nyob èd-id èn kelòj hup nyob, bok agok tukh! 28Nyob hòj nyob keyòkh ilok rik ichal atèk: Yék akal iwèk, tapik Yék akal ilos wèl ma nyob. Kalòw nyob kemën-kemën nyomsayèkh ma Yék, patod eh nak nyob adés sebab Yék iwèk ma Apak Yéh, sebab Nanak lebéh rayak nòm Yék. 29Puꞌdoh Yék hòj iꞌoglèkh kenèmbek doh ma nyob èn tèk-tik tok nabelakuk, supaye bil nabelakuk akal nyob pechaye ma Yék. 30Yék tok ibecharak lamad wèl ma nyob, sebab Iblis rik beperintah èn duniak doh hòj namlèj-lãj. Che kènmën eh, rik nak tok mèk-mok hak eh untok namkuwase ma Yék, 31tapik Yék akal iteꞌèl ilok rik Apak hòj naꞌor ma Yék, supaye sènꞌòy èn duniak doh mulèkh Yék isayèkh ma Apak.
Puꞌdoh jok lah! Èk èwèk nòm doh.”
ទើបបានជ្រើសរើសហើយ៖
Yohanès 14: KKT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Yohanès 14
14
Yèsus lah nòng rik kènmën
1Yèsus nachal ma mèn hèhoh Eh, “Agok lah nyob èd-id èn kelòj hup nyob. Pechaye lah ma Allah, bok pechaye ma Yék keꞌjèk. 2Èn dékh Apak Yék mok jajéh tempad nèlgel. Kalòw tok kènmën hal nak, pastik Yék iꞌoglèkh ma nyob. Dak puꞌdoh Yék imwèk nèng-nèng imtabéh tempad untok nyob. 3Nòm kerek Yék hòj iwèk bok itabéh tempad untok nyob, Yék akal ilos wèl dak iꞌéd nyob samak Yék, supaye nyob nyomgel samak Yék èn tempad Yék igel nak. 4Nyob hòj nyob lèkh nòng ma tempad Yék iwèk nak.”
5Dak Tòmas nachal ma Rik Nak, “Tuhan, kandék tok kilèng-lèkh ma lok Hãk hamwèk. Jadik, gerèk lok bok kandék boléh kimlèkh nòng eh nak?”
6Yèsus nasaꞌod, “Yék lah nòng eh nak. Yék lah irik perèhnéh ilok rik kènmën. Bok Yék lah irik èg-og nèsgos rik jalꞌéng. Tok mèk-mok néy sènꞌòy pon namlãj ma Apak kalòw tok mèk-mok nòm Yék. 7Sebab nyob hòj nyob kenal ma Yék, bok akal nyob kenal ma Apak Yék keꞌjèk. Puꞌdoh nyob hòj nyob kenal bok nyob néh ma Rik Nak.”
8Dak Pilipus nachal ma Yèsus, “Tuhan, pèrnéh lah Apak nak ma kandék, bok namsey ma hup kandék.”
9Tapik Yèsus natèdchod ma rik nak, “Yék hòj lamad samak nyob kenèmbek, Pilipus, bok rèk lok hãk tèk-tik tok hakèlnal ma Yék? Chok rik nèh-néh ma Yék, nanak hòj nanéh ma Apak keꞌjèk. Bok nahey hasemany Yék impèrnéh Apak ma nyob? 10Yék mok èn Apak, bok Apak mok èn Yék. Che patod eh hapechaye ma hal nak! Ilok rik ichal ma nyob nak kedak nòm rik Yéh hék, tapik nòm Apak rik mok èn Yék. Rik Nak lah irik tèlꞌèl kenèmbek kèrjak Eh nak. 11Pechaye lah ma Yék bil ichal Yék mok èn Apak, bok Apak mok èn Yék. Nyob hòj nyob néh ma tènꞌèl kuwase rik Yék iteꞌèl nak. Jadik kalòw nyob tok nyob pechaye ma nèlchal Yék, pechaye lah sebab tènꞌèl inak. 12Kemën Yék ichal ma nyob doh: chok rik pechaye ma Yék akal umteꞌèl gerèk ilok rik Yék iteꞌèl. Dak agat wèl Yék akal iwèk ma Apak, bok hèhoh Yék akal umteꞌèl tènꞌèl rik lebéh rayak wèl! 13Ilok-ilok rik nyob semany èn kelòj kenëh Yék akal Yék iteꞌèl, supaye Yék impèrnéh kuwase ròb renayak Apak. 14Hek, semany lah ma Yék ilok-ilok pon èn kelòj kenëh Yék, dak Yék akal iteꞌèl.”
Yèsus napèrhod Allah akal namꞌog Ruway Kudus ma mèn hèhoh Eh
15“Kalòw nyob sayèkh ma Yék, nyob akal nyob hoh ma nèrꞌor Yék. 16Dak Yék akal isemany ma Apak supaye namꞌog ma nyob Ruway Kudus, Rik Betulong ma nyob bok akal mok samak nyob sampéy bilok-bilok. 17Ruway Kudus lah irik perèhnéh ilok rik kènmën. Sènꞌòy èn duniak doh tok dapad muterime ma Rik Nak, sebab umnak tok umnèh-néh bok tok umkèlnal ma Rik Nak. Tapik nyob hòj nyob kenal Rik Nak, sebab puꞌdoh Nanak hòj mok samak nyob, bok akal nagel èn kelòj hup nyob.
18Yék tok ipèꞌrak ma nyob dèꞌrik gerèk kuwòt règ-rég. Yék akal ilos wèl ma nyob. 19Tok lamad wèl, sènꞌòy èn duniak doh tok umnèh-néh ma Yék wèl. Tapik nyob akal tik nyob néh ma Yék. Dak sebab Yék akal ilos igos wèl, bok nyob pon akal nyob gos. 20Bil arik nak nyob akal nyob lèkh Yék mok èn Apak, dak nyob mok èn Yék, dak Yék pon mok èn nyob.
21Chok rik beterime bok umhoh ma nèrꞌor Yék, umnak lah rik besayèkh ma Yék. Apak Yék akal nasayèkh ma sènꞌòy rik besayèkh ma Yék, dak Yék keꞌjèk akal isayèkh ma umnak bok ipèrnéh Rik Yéh ma umnak.”
22Dak mok néy sènꞌòy hèhoh Yèsus rik bekenëh Yudas (kedak Yudas Iskariot) natanyak, “Tuhan, nahey Hãk hampèrnéh Rik Hãh nak ma kandék hék, tapik tok haperèhnéh ma kenèmbek sènꞌòy èn duniak doh?”
23Yèsus nasaꞌod, “Chok rik besayèkh ma Yék pastik umhoh ma tenènglèkh Yék. Apak Yék akal nasayèkh ma umnak, dak Yék ròb Apak Yéh akal yalãj ma sènꞌòy nak bok yagel samak sènꞌòy nak. 24Tapik sènꞌòy rik tok besayèkh ma Yék tok umhèh-hoh ma tenènglèkh Yék. Tenènglèkh rik nyob keyòkh doh kedak nòm Yék, tapik nòm Apak rik terèn-èn ma Yék.
25Yék hòj iꞌoglèkh kenèmbek doh ma nyob mase Yék tik mok samak nyob. 26Tapik akal Apak natèrꞌèn ma nyob Ruway Kudus. Ruway Kudus nak nalãj nòm kuwase rik Yék, bok Nanak iRik Betulong ma nyob akal. Dak Rik Nak lah akal nabetènglèkh ma nyob kenèmbek hal. Nanak keꞌjèk rik akal naberèngleng ma nyob tentang kenèmbek hal rik Yék hòj itènglèkh ma nyob.
27Yék akal iperak ma nyob, tapik iꞌog ma nyob hup rik tèngnang nòm Rik Yéh. Dak ilok rik Yék iꞌog nak tok samak gerèk ilok rik duniak doh naꞌog ma sènꞌòy. Jadik agok lah nyob èd-id èn kelòj hup nyob, bok agok tukh! 28Nyob hòj nyob keyòkh ilok rik ichal atèk: Yék akal iwèk, tapik Yék akal ilos wèl ma nyob. Kalòw nyob kemën-kemën nyomsayèkh ma Yék, patod eh nak nyob adés sebab Yék iwèk ma Apak Yéh, sebab Nanak lebéh rayak nòm Yék. 29Puꞌdoh Yék hòj iꞌoglèkh kenèmbek doh ma nyob èn tèk-tik tok nabelakuk, supaye bil nabelakuk akal nyob pechaye ma Yék. 30Yék tok ibecharak lamad wèl ma nyob, sebab Iblis rik beperintah èn duniak doh hòj namlèj-lãj. Che kènmën eh, rik nak tok mèk-mok hak eh untok namkuwase ma Yék, 31tapik Yék akal iteꞌèl ilok rik Apak hòj naꞌor ma Yék, supaye sènꞌòy èn duniak doh mulèkh Yék isayèkh ma Apak.
Puꞌdoh jok lah! Èk èwèk nòm doh.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.