Yohanès 16
16
Kèrjak Ruway Kudus
1Yèsus nachal wèl, “Kenèmbek hal doh Yék ichal ma nyob supaye tok nyob jèk-jèk bok tok nyob pechaye wèl ma Yék. 2Sebab nyob hèhoh Yék, akal umkiron nyob nòm dékh senindol umnak. Dak akal nalãj mase sènꞌòy umkèrbes ma nyob, bok umnak rik kerèsbes ma nyob akal umbèdlod ilok umteꞌèl nak kemën èn mad Allah. 3Umnak akal umteꞌèl gerèk nak sebab tik tok umkèlnal ma Apak bok ma Yék. 4Kenèmbek hal doh Yék hòj iꞌoglèkh ma nyob puꞌdoh. Jadik bil mase nak nalãj bok hal nak nabelakuk ma nyob, belekh lah ilok rik hòj iꞌoglèkh ma nyob.
Hal doh Yék tok iꞌèg-oglèkh ma nyob nòm mulak, sebab bil nak Yék tik mok samak nyob. 5Tapik puꞌdoh Yék immak ma Apak rik terèn-èn ma Yék. Dak tok mèk-mok néy sènꞌòy pon èn nyob rik namtanyak ma lok Yék imwèk. 6Tapik bil Yék ichal hal nak ma nyob, dak hup nyob had nyob sèhdéh hék. 7Tapik Yék kemën ichal ma nyob, lebéh méj lah untok nyob kalòw Yék iwèk nòm nyob. Kalòw Yék tok iwèk-wèk, Ruway Kudus, Rik Betulong nak, tok nalèj-lãj ma nyob. Tapik kalòw Yék iwèk, Yék akal itèrꞌèn Nanak ma nyob. 8Dak bil Nanak nalãj, Ruway Kudus akal napèrnéh ma sènꞌòy èn duniak doh benèdlod umnak sèk: tentang dose, tentang ilok rik kènmën èn mad Allah, bok tentang henukom Allah ma sèj-sòj jakal. 9Benèdlod umnak tentang dose nak sèk sebab umjèk tok umpechaye ma Yék. 10Tentang ilok rik kènmën èn mad Allah, benèdlod umnak pon sèk. Bok bil Yék iwèk ma Apak dak nyob tok nyob bèk-buk ma Yék wèl, bil nak hòj tèꞌlalah Yék lah irik kènmën èn mad Allah. 11Dak ilok umbèdlod tentang henukom Allah nak sèk keꞌjèk, sebab Allah hòj nachal Iblis rik bekuwase èn duniak doh besalah, dak Allah pastik akal nahukom ma kenèmbek sènꞌòy rik hèh-hoh ma Iblis nak.
12Tèk-tik jajéh hal Yék ichèn imchal ma nyob, tapik hal nak had ènjoh geb bok nyob tik tok dapad nyompedug puꞌdoh. 13Tapik Ruway rik perèhnéh ilok rik kènmën nak akal nalãj. Dak bil nak Rik Nak akal nabetènglèkh ma nyob supaye nyomlèkh kenèmbek ilok rik kènmën nak. Nanak tok nabecharak nòm rik Eh, tapik Nanak had naterèylòy ilok rik nakeyòkh nòm Allah Apak. Dak Nanak akal naꞌoglèkh ma nyob ilok rik akal nabelakuk ma sòy bilok. 14Ruway Kudus akal natèrlòy ma nyob ilok rik Nanak nakeyòkh nòm Yék, bok gerèk nak akal napèrnéh ma sènꞌòy kuwase ròb renayak Yék. 15Kenèmbek milik Apak nak milik Yék keꞌjèk. Unak lah sebab eh Yék ichal Ruway akal natèrlòy ma nyob ilok rik Nanak nakeyòkh nòm Yék.”
Yèsus nachèl-chal tentang kènbes ròb nègwòg Eh
16Dak Yèsus nachal, “Tok lamad wèl, nyob akal tok nyob nèh-néh ma Yék wèl. Tapik tok lamad nòm kerek nak, nyob akal nyob néh ma Yék wèl.”
17Maròp-maròp hèhoh Yèsus umcha-chal kaban rik um, “Ilok maksod Rik Nak nachal tok lamad wèl èk tok ènèh-néh ma Rik Nak, tapik tok lamad nòm kerek nak èk ènéh ma Rik Nak wèl? Bok ilok maksod eh nachal Rik Nak nammak ma Apak? 18Ilok maksod eh nachal ‘tok lamad wèl’ nak? Èk tok èlèng-lèkh ilok rik nachal nak!”
19Yèsus nalèkh umnak umchèn mutanyak ma Rik Nak, sebab nak Rik Nak nachal, “Naꞌtèk Yék hòj ichal, ‘Tok lamad wèl nyob akal tok nyob nèh-néh ma Yék wèl. Tapik tok lamad nòm kerek nak, nyob akal nyob néh ma Yék wèl.’ Unak ke rik nyob becha-chal kaban rik nyob nak? 20Kemën Yék ichal ma nyob: nyob akal nyob yam bok nyob hõg, tapik sènꞌòy èn duniak doh akal umꞌadés. Nyob akal nyob ngòm geb, tapik pas nak akal nyob beꞌadés wèl! 21Bèdlod lah chòntoh doh: bil babok tèꞌlok namyès-yos kuwòt eh, nanak nagahmak pejèd sebab mase nèsyos eh nak hòj nalòy. Tapik bil hòj nayos nak, nanak nawel ma pènjèd eh bok naꞌadés geb sebab hòj nayos kuwòt eh. 22Gerèk nak keꞌjèk ma nyob: puꞌdoh nyob akal nyob ngòm. Tapik Yék akal itèrbuk wèl ma nyob, dak bil nak nyob pon akal nyob wel ma nèmngòm nyob bok nyob adés geb. Bok tok mèk-mok chok-chok pon namkod enadés nak nòm nyob!
23Bil arik nak, nyob akal tok payah nyob semany ilok-ilok ma Yék wèl. Yék kemën ichal ma nyob: nyob boléh semany ma Apak ilok-ilok èn kelòj kenëh Yék, bok Apak akal naꞌog ma nyob. 24Sampéy puꞌdoh nyob tèk-tik tok nyob sènymany ma Apak gerèk nak. Tapik semany lah, bok akal nyob terime, supaye nyob kemën-kemën nyomꞌadés.”
Yèsus nakèrlah ma kuwase jènhad èn duniak doh
25“Yék hòj ichèl-chal kenèmbek hal nak bok igunak chenal ròb chòntoh. Tapik akal nalòy mase eh Yék tok ichèl-chal wèl nòm chenal ròb chòntoh, bok Yék ichal tèꞌlalah ma nyob tentang Apak Yéh. 26Bil nak akal Yék tok payah wèl isemany ma Apak untok nyob. Nyob boléh nyomsemany rik nyob ma Apak èn kelòj kenëh Yék, 27sebab Apak irik besayèkh ma nyob. Rik Nak nasayèkh ma nyob sebab nyob sayèkh ma Yék bok nyob pechaye Yék ilãj nòm Allah. 28Mémang Yék ilãj nòm Apak ma duniak doh. Tapik tok lamad wèl Yék akal iperak ma duniak doh bok immak ma Apak.”
29Dak mèn hèhoh Eh umchal ma Yèsus, “Bok puꞌdoh Hãk hachal tèꞌlalah ma kandék tok habegunak chenal ròb chòntoh. 30Puꞌdoh kandék kilèkh Hãk halèkh kenèmbek hal. Èn tèk-tik tok kibetanyak Hãh, hòj hasaꞌod ma tenanyak kandék. Sebab nak kandék kipechaye Hãk halãj nòm Allah.”
31Yèsus nasaꞌod ma umnak, “Puꞌdoh nyob chal nyob pechaye. 32Tapik keyòkh lah méj-méj: mase eh akal nalòy, bok hòj nalòy pon imase eh, dak nyob kenèmbek akal nyob da-dok chéy-baruy ma dékh rik nyob pimòy-pimòy, dak nyob perak ma Yék dèꞌrik Yéh. Tapik Yék tok bedèꞌrik Yéh, sebab Apak mok samak Yék. 33Kenèmbek hal doh Yék ichal ma nyob supaye èn Yék nyombema-méj. Sènꞌòy èn duniak doh pastik akal umkeseh ma nyob. Tapik lamid lah hup nyob nak, sebab Yék hòj ikèrlah ma kuwase jènhad èn duniak doh!”
ទើបបានជ្រើសរើសហើយ៖
Yohanès 16: KKT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Yohanès 16
16
Kèrjak Ruway Kudus
1Yèsus nachal wèl, “Kenèmbek hal doh Yék ichal ma nyob supaye tok nyob jèk-jèk bok tok nyob pechaye wèl ma Yék. 2Sebab nyob hèhoh Yék, akal umkiron nyob nòm dékh senindol umnak. Dak akal nalãj mase sènꞌòy umkèrbes ma nyob, bok umnak rik kerèsbes ma nyob akal umbèdlod ilok umteꞌèl nak kemën èn mad Allah. 3Umnak akal umteꞌèl gerèk nak sebab tik tok umkèlnal ma Apak bok ma Yék. 4Kenèmbek hal doh Yék hòj iꞌoglèkh ma nyob puꞌdoh. Jadik bil mase nak nalãj bok hal nak nabelakuk ma nyob, belekh lah ilok rik hòj iꞌoglèkh ma nyob.
Hal doh Yék tok iꞌèg-oglèkh ma nyob nòm mulak, sebab bil nak Yék tik mok samak nyob. 5Tapik puꞌdoh Yék immak ma Apak rik terèn-èn ma Yék. Dak tok mèk-mok néy sènꞌòy pon èn nyob rik namtanyak ma lok Yék imwèk. 6Tapik bil Yék ichal hal nak ma nyob, dak hup nyob had nyob sèhdéh hék. 7Tapik Yék kemën ichal ma nyob, lebéh méj lah untok nyob kalòw Yék iwèk nòm nyob. Kalòw Yék tok iwèk-wèk, Ruway Kudus, Rik Betulong nak, tok nalèj-lãj ma nyob. Tapik kalòw Yék iwèk, Yék akal itèrꞌèn Nanak ma nyob. 8Dak bil Nanak nalãj, Ruway Kudus akal napèrnéh ma sènꞌòy èn duniak doh benèdlod umnak sèk: tentang dose, tentang ilok rik kènmën èn mad Allah, bok tentang henukom Allah ma sèj-sòj jakal. 9Benèdlod umnak tentang dose nak sèk sebab umjèk tok umpechaye ma Yék. 10Tentang ilok rik kènmën èn mad Allah, benèdlod umnak pon sèk. Bok bil Yék iwèk ma Apak dak nyob tok nyob bèk-buk ma Yék wèl, bil nak hòj tèꞌlalah Yék lah irik kènmën èn mad Allah. 11Dak ilok umbèdlod tentang henukom Allah nak sèk keꞌjèk, sebab Allah hòj nachal Iblis rik bekuwase èn duniak doh besalah, dak Allah pastik akal nahukom ma kenèmbek sènꞌòy rik hèh-hoh ma Iblis nak.
12Tèk-tik jajéh hal Yék ichèn imchal ma nyob, tapik hal nak had ènjoh geb bok nyob tik tok dapad nyompedug puꞌdoh. 13Tapik Ruway rik perèhnéh ilok rik kènmën nak akal nalãj. Dak bil nak Rik Nak akal nabetènglèkh ma nyob supaye nyomlèkh kenèmbek ilok rik kènmën nak. Nanak tok nabecharak nòm rik Eh, tapik Nanak had naterèylòy ilok rik nakeyòkh nòm Allah Apak. Dak Nanak akal naꞌoglèkh ma nyob ilok rik akal nabelakuk ma sòy bilok. 14Ruway Kudus akal natèrlòy ma nyob ilok rik Nanak nakeyòkh nòm Yék, bok gerèk nak akal napèrnéh ma sènꞌòy kuwase ròb renayak Yék. 15Kenèmbek milik Apak nak milik Yék keꞌjèk. Unak lah sebab eh Yék ichal Ruway akal natèrlòy ma nyob ilok rik Nanak nakeyòkh nòm Yék.”
Yèsus nachèl-chal tentang kènbes ròb nègwòg Eh
16Dak Yèsus nachal, “Tok lamad wèl, nyob akal tok nyob nèh-néh ma Yék wèl. Tapik tok lamad nòm kerek nak, nyob akal nyob néh ma Yék wèl.”
17Maròp-maròp hèhoh Yèsus umcha-chal kaban rik um, “Ilok maksod Rik Nak nachal tok lamad wèl èk tok ènèh-néh ma Rik Nak, tapik tok lamad nòm kerek nak èk ènéh ma Rik Nak wèl? Bok ilok maksod eh nachal Rik Nak nammak ma Apak? 18Ilok maksod eh nachal ‘tok lamad wèl’ nak? Èk tok èlèng-lèkh ilok rik nachal nak!”
19Yèsus nalèkh umnak umchèn mutanyak ma Rik Nak, sebab nak Rik Nak nachal, “Naꞌtèk Yék hòj ichal, ‘Tok lamad wèl nyob akal tok nyob nèh-néh ma Yék wèl. Tapik tok lamad nòm kerek nak, nyob akal nyob néh ma Yék wèl.’ Unak ke rik nyob becha-chal kaban rik nyob nak? 20Kemën Yék ichal ma nyob: nyob akal nyob yam bok nyob hõg, tapik sènꞌòy èn duniak doh akal umꞌadés. Nyob akal nyob ngòm geb, tapik pas nak akal nyob beꞌadés wèl! 21Bèdlod lah chòntoh doh: bil babok tèꞌlok namyès-yos kuwòt eh, nanak nagahmak pejèd sebab mase nèsyos eh nak hòj nalòy. Tapik bil hòj nayos nak, nanak nawel ma pènjèd eh bok naꞌadés geb sebab hòj nayos kuwòt eh. 22Gerèk nak keꞌjèk ma nyob: puꞌdoh nyob akal nyob ngòm. Tapik Yék akal itèrbuk wèl ma nyob, dak bil nak nyob pon akal nyob wel ma nèmngòm nyob bok nyob adés geb. Bok tok mèk-mok chok-chok pon namkod enadés nak nòm nyob!
23Bil arik nak, nyob akal tok payah nyob semany ilok-ilok ma Yék wèl. Yék kemën ichal ma nyob: nyob boléh semany ma Apak ilok-ilok èn kelòj kenëh Yék, bok Apak akal naꞌog ma nyob. 24Sampéy puꞌdoh nyob tèk-tik tok nyob sènymany ma Apak gerèk nak. Tapik semany lah, bok akal nyob terime, supaye nyob kemën-kemën nyomꞌadés.”
Yèsus nakèrlah ma kuwase jènhad èn duniak doh
25“Yék hòj ichèl-chal kenèmbek hal nak bok igunak chenal ròb chòntoh. Tapik akal nalòy mase eh Yék tok ichèl-chal wèl nòm chenal ròb chòntoh, bok Yék ichal tèꞌlalah ma nyob tentang Apak Yéh. 26Bil nak akal Yék tok payah wèl isemany ma Apak untok nyob. Nyob boléh nyomsemany rik nyob ma Apak èn kelòj kenëh Yék, 27sebab Apak irik besayèkh ma nyob. Rik Nak nasayèkh ma nyob sebab nyob sayèkh ma Yék bok nyob pechaye Yék ilãj nòm Allah. 28Mémang Yék ilãj nòm Apak ma duniak doh. Tapik tok lamad wèl Yék akal iperak ma duniak doh bok immak ma Apak.”
29Dak mèn hèhoh Eh umchal ma Yèsus, “Bok puꞌdoh Hãk hachal tèꞌlalah ma kandék tok habegunak chenal ròb chòntoh. 30Puꞌdoh kandék kilèkh Hãk halèkh kenèmbek hal. Èn tèk-tik tok kibetanyak Hãh, hòj hasaꞌod ma tenanyak kandék. Sebab nak kandék kipechaye Hãk halãj nòm Allah.”
31Yèsus nasaꞌod ma umnak, “Puꞌdoh nyob chal nyob pechaye. 32Tapik keyòkh lah méj-méj: mase eh akal nalòy, bok hòj nalòy pon imase eh, dak nyob kenèmbek akal nyob da-dok chéy-baruy ma dékh rik nyob pimòy-pimòy, dak nyob perak ma Yék dèꞌrik Yéh. Tapik Yék tok bedèꞌrik Yéh, sebab Apak mok samak Yék. 33Kenèmbek hal doh Yék ichal ma nyob supaye èn Yék nyombema-méj. Sènꞌòy èn duniak doh pastik akal umkeseh ma nyob. Tapik lamid lah hup nyob nak, sebab Yék hòj ikèrlah ma kuwase jènhad èn duniak doh!”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.