Jenadik 20
20
Abraham nasèꞌlok ma Rajak Abimelèkh
1Bil nak Abraham ròb kewarge eh umjog nòm tèk milik Mamré nak dak umlos wèl ma pantil gurun Negèb. Umnak umgel èn néy tempad èn gagid Kadès ròb Sur. Nòm kerek nak, umjog wèl ma kote Gerar, dak umgel agat èn tèk sènꞌòy nak. 2Dak Abraham nasèꞌlok ma sènꞌòy èn anak bok nachal léh eh Sarah nak pek eh. Sebab nak Rajak Abimelèkh nòm kote Gerar nak naꞌor ma kuli eh muꞌéd Sarah nak ma rik nak untok namjadik léh eh.#Jen 12:13; 26:7. 3Tapik bil néy layèg Allah napèrnéh rik Eh ma rajak nak èn nèꞌpòk eh, dak nachal, “Hamkebes hãh géj! Sebab hòj hakod babok nak, dak rik nak hòj mok tòw eh.”
4-5Tapik Rajak Abimelèkh tik tok nasèglòg ma Sarah, dak rik nak nachal, “Tuhan, yék doh tok ibesalah! Abraham irik chèl-chal babok nak pek eh, dak babok nak pon nachal Abraham nak kelok eh. Jadik yék hòj iteꞌèl hal nak nòm hup yéh rik kènmën bok tok besalah. Mok ke Hãk hamkèrbes ma yék ròb kaum yéh, yab kandék tok kibesalah?”
6Dak èn nèꞌpòk eh nak Allah nachal ma rik nak, “Hek, Yék ilèkh hãk hateꞌèl kenèmbek nak nòm hup rik kènmën bok tok besalah. Sebab nak lah naꞌtèk Yék tok ipèꞌrak ma hãk hampèk-pek ma babok nak, bok tok ipèꞌrak hamteꞌèl dose èn mad Yék. 7Tapik puꞌdoh, tèrlos lah babok nak ma tòw eh. Tòw eh nak néy nabi, bok rik nak akal napèꞌtak untok hãk supaye hãk tok hakèsbes. Tapik belekh lah: kalòw hãk tok haterèꞌmak ma tòw eh, hãk ròb kenèmbek kaum hãk pastik nyomkebes!”
8Is jakal yèhyah eh nak, Rajak Abimelèkh nakòw ma kenèmbek pegaway eh. Bil naꞌoglèkh ma umnak ilok rik hòj nabelakuk nak, umnak umtukh geb. 9Dak Rajak Abimelèkh nakòw ma Abraham dak natèdchod ma rik nak, “Nahey bok hateꞌèl hal rik laꞌes doh ma kandék? Yab yék tok itèlꞌèl salah ilok-ilok ma hãk, hãk doh haꞌuy ma yék ròb kenèmbek kerajaꞌan yéh kibesalah untok dose rik rayak! Tok patod lah hãk hamteꞌèl gerèk nak ma yék. 10Nahey ihãk hateꞌèl gerèk doh?”
11Abraham nasaꞌod, “Yék isabok tok mèk-mok èn anuh sènꞌòy rik behormad ma Allah, bok pastik mok sènꞌòy rik umchèn mucheleg ma yék sebab umchèn mukod léh inak. 12Tapik yab rik nak léh yék, che kènmën eh rik nak mémang pek yéh keꞌjèk — sebab apak yah néy, had amèk yah pimòy. 13Dak bil Allah naꞌor ma yék imperak nòm dékh apak yéh bok imwèk ma negerik mòy, yék ichal ma rik nak, ‘Kalòw kemën hasayèkh bok hasetiye ma yék, pèrnéh lah gerèk doh: ma lok-lok ar awèk, chal lah ma sènꞌòy mòy yék doh kelok hãh.’”
14Kerek nak Rajak Abimelèkh natèrmak Sarah ma Abraham, dak naꞌog keꞌjèk kuli bèhbeh ròb bèꞌbok, bok kambikh biri ròb lembu. 15Dak rajak nak nachal ma Abraham, “Néh lah ma kenèmbek tèk yéh doh, bok pili lah èn lok rik hachèn hamgel nak.” 16Dak rik nak nachal wèl ma Sarah, “Néh lah, puꞌdoh yék iꞌog ma kelok gèw-gòw hãh doh seribuk duid pèrak, bok gerèk doh lah ipèrnéh tèꞌlalah ma kenèmbek sènꞌòy hãk nak kemën-kemën tok besalah.”
17-18Dak sebab rajak nak hòj nakod Sarah léh Abraham nak hatòp, TUHAN hòj natèrjik ma Rajak Abimelèkh, bok hòj naꞌuy ma kenèmbek bèꞌbok èn istane eh nak hòj ummanang. Jadik Abraham napèꞌtak ma Allah, dak Allah natèrhakh ma Abimelèkh, léh eh, ròb mèn kuli bèꞌbok eh, sampéy mèn bèꞌbok nak dapad umkènwòt wèl.
ទើបបានជ្រើសរើសហើយ៖
Jenadik 20: KKT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Jenadik 20
20
Abraham nasèꞌlok ma Rajak Abimelèkh
1Bil nak Abraham ròb kewarge eh umjog nòm tèk milik Mamré nak dak umlos wèl ma pantil gurun Negèb. Umnak umgel èn néy tempad èn gagid Kadès ròb Sur. Nòm kerek nak, umjog wèl ma kote Gerar, dak umgel agat èn tèk sènꞌòy nak. 2Dak Abraham nasèꞌlok ma sènꞌòy èn anak bok nachal léh eh Sarah nak pek eh. Sebab nak Rajak Abimelèkh nòm kote Gerar nak naꞌor ma kuli eh muꞌéd Sarah nak ma rik nak untok namjadik léh eh.#Jen 12:13; 26:7. 3Tapik bil néy layèg Allah napèrnéh rik Eh ma rajak nak èn nèꞌpòk eh, dak nachal, “Hamkebes hãh géj! Sebab hòj hakod babok nak, dak rik nak hòj mok tòw eh.”
4-5Tapik Rajak Abimelèkh tik tok nasèglòg ma Sarah, dak rik nak nachal, “Tuhan, yék doh tok ibesalah! Abraham irik chèl-chal babok nak pek eh, dak babok nak pon nachal Abraham nak kelok eh. Jadik yék hòj iteꞌèl hal nak nòm hup yéh rik kènmën bok tok besalah. Mok ke Hãk hamkèrbes ma yék ròb kaum yéh, yab kandék tok kibesalah?”
6Dak èn nèꞌpòk eh nak Allah nachal ma rik nak, “Hek, Yék ilèkh hãk hateꞌèl kenèmbek nak nòm hup rik kènmën bok tok besalah. Sebab nak lah naꞌtèk Yék tok ipèꞌrak ma hãk hampèk-pek ma babok nak, bok tok ipèꞌrak hamteꞌèl dose èn mad Yék. 7Tapik puꞌdoh, tèrlos lah babok nak ma tòw eh. Tòw eh nak néy nabi, bok rik nak akal napèꞌtak untok hãk supaye hãk tok hakèsbes. Tapik belekh lah: kalòw hãk tok haterèꞌmak ma tòw eh, hãk ròb kenèmbek kaum hãk pastik nyomkebes!”
8Is jakal yèhyah eh nak, Rajak Abimelèkh nakòw ma kenèmbek pegaway eh. Bil naꞌoglèkh ma umnak ilok rik hòj nabelakuk nak, umnak umtukh geb. 9Dak Rajak Abimelèkh nakòw ma Abraham dak natèdchod ma rik nak, “Nahey bok hateꞌèl hal rik laꞌes doh ma kandék? Yab yék tok itèlꞌèl salah ilok-ilok ma hãk, hãk doh haꞌuy ma yék ròb kenèmbek kerajaꞌan yéh kibesalah untok dose rik rayak! Tok patod lah hãk hamteꞌèl gerèk nak ma yék. 10Nahey ihãk hateꞌèl gerèk doh?”
11Abraham nasaꞌod, “Yék isabok tok mèk-mok èn anuh sènꞌòy rik behormad ma Allah, bok pastik mok sènꞌòy rik umchèn mucheleg ma yék sebab umchèn mukod léh inak. 12Tapik yab rik nak léh yék, che kènmën eh rik nak mémang pek yéh keꞌjèk — sebab apak yah néy, had amèk yah pimòy. 13Dak bil Allah naꞌor ma yék imperak nòm dékh apak yéh bok imwèk ma negerik mòy, yék ichal ma rik nak, ‘Kalòw kemën hasayèkh bok hasetiye ma yék, pèrnéh lah gerèk doh: ma lok-lok ar awèk, chal lah ma sènꞌòy mòy yék doh kelok hãh.’”
14Kerek nak Rajak Abimelèkh natèrmak Sarah ma Abraham, dak naꞌog keꞌjèk kuli bèhbeh ròb bèꞌbok, bok kambikh biri ròb lembu. 15Dak rajak nak nachal ma Abraham, “Néh lah ma kenèmbek tèk yéh doh, bok pili lah èn lok rik hachèn hamgel nak.” 16Dak rik nak nachal wèl ma Sarah, “Néh lah, puꞌdoh yék iꞌog ma kelok gèw-gòw hãh doh seribuk duid pèrak, bok gerèk doh lah ipèrnéh tèꞌlalah ma kenèmbek sènꞌòy hãk nak kemën-kemën tok besalah.”
17-18Dak sebab rajak nak hòj nakod Sarah léh Abraham nak hatòp, TUHAN hòj natèrjik ma Rajak Abimelèkh, bok hòj naꞌuy ma kenèmbek bèꞌbok èn istane eh nak hòj ummanang. Jadik Abraham napèꞌtak ma Allah, dak Allah natèrhakh ma Abimelèkh, léh eh, ròb mèn kuli bèꞌbok eh, sampéy mèn bèꞌbok nak dapad umkènwòt wèl.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.