Jenadik 19
19
Jènhad sènꞌòy Sòdom
1Hòj nòm kerek umtèrbuk ma Abraham naꞌtèk, bil is eh hòj nambelayèg wènar melaykat nak wèlòy ma kote Sòdom. Bil nak Lòt, kuman Abraham nak, nagèl-gel èn rèngkak gerbang kote. Bil nanéh ma wènar nak, rik nak nated dak nawèk untok namsambud ma wènar nak. Lòt natud èn sòy wènar nak 2dak nachal, “Yãng, jok lah tekoh ma dékh yék. Kaꞌan boléh suj jukh kaꞌan nak bok boléh selòg èn dékh yék. Bok yèhyah tik chup jakal kaꞌan wòg dak sèrjèkh nèbchib kaꞌan nak.”
Tapik wènar nak wèsaꞌod, “Halok lah, yar yamselòg èn anuh hék, èn pantil kote doh.”
3Tapik Lòt tik nasered geb, dak sèj-sòj eh wèhoh wèmòj samak rik nak ma kelòj dékh eh. Dak anak Lòt natabéh jamuwan rayak rik méj bok sèmlèp. Dak natabéh keꞌjèk ruti rik pènghèng, dak umnak umga-géy.
4Tapik èn tik tok umsèglòg, kenèmbek bèhbeh nòm kenèmbek kote Sòdom nak, nòm rik umlèwtòw sampéy ma rik umtèꞌtak, umlãj dak umkepong èn dékh nak. 5Umnak umkòw ma Lòt: “Ma lok wènar sènꞌòy rik dèm-dep èn dékh hãh layèg doh? Éd wènar nak wèmhuwòl, supaye kandék boléh kimselòg samak wènar nak!” #Pem 19:22-24.
6Lòt nahuwòl nòm dékh eh, dak nachèrtekh rèngkak. 7Rik nak nachal ma sènꞌòy Sòdom nak, “Kéy-kéy yék, yék iseꞌëd geb, agok lah teꞌèl hal rik jèdhad gerèk nak! 8Keyòkh lah, yék mok nar kuwòt bèꞌbok yéh rik tik bèhléh. Perak lah yék imꞌog wènar nak ma nyob, bok nyob boléh teꞌèl ilok hék rik nyob chèn ma wènar nak. Tapik agok lah teꞌèl ilok-ilok ma wènar bèhbeh nak. Sebab wènar nak tamu yék, bok yék seteréd imjagak ma wènar nak.”
9Tapik sènꞌòy Sòdom nak umchal ma Lòt, “Bèrlah hãh lah! Hãk nak sènꞌòy nòm jerok, bok hãk nak tok barhak hamꞌèr-or ma kandék ilok rik haros kimteꞌèl! Nak, kandék akal kiteꞌèl lebéh laꞌes wèl ma hãk nòm wènar nak!” Dak anak umnak umtulag ma Lòt umchèn murèntuk ma rèngkak. 10Tapik wènar tamu nak wèpog rèngkak dak wèjéng ma Lòt namòj ma kelòj dékh, dak wèchèrtekh rèngkak. 11Dak anak wènar melaykat nak wèꞌuy ma kenèmbek sènꞌòy èn béng nak umbebèybëy, rik umlèwtòw bok rik umtèꞌtak, sampéy umnak tok dapad mutèrbuk ma rèngkak nak.#2 Raj 6:18.
Nar melaykat nak wèꞌor ma Lòt namhuwòl nòm kote Sòdom
12Wènar melaykat nak wèchal ma Lòt, “Chok wèl kewarge hãh rik gèl-gel èn kote doh? Kalòw hãk mok kuwòt bèhbeh hãh, kuwòt bèꞌbok hãh, mènsaw hãh atòw sakèy hãh rik gèhnih èn anuh, éd lah umnak muhuwòl nòm kote doh. 13Sebab yar akal yatèrhõy ma kote doh. TUHAN hòj nakeyòkh jajéh tenanas rik laꞌes tentang dose sènꞌòy rik umgèl-gel èn anuh, bok Rik Nak hòj natèrꞌèn ma yar yamtèrhõy ma kote Sòdom doh.”
14Dak Lòt nawèk bok natèrbuk ma wènar bèhbeh rik hòj wèpèrhod wèmbabéy ma kuwòt bèꞌbok Lòt nak. Dak Lòt nachal, “Lulòw lah, huwòl nòm kote doh! TUHAN hòj namtèrhõy eh!” Tapik wènar nak wèbèdlod Lòt had naperèꞌlik hék.
15Is jakal eh nak, bil hòj namyèh-yah, wènar melaykat nak wèsered ma Lòt hès namwèk, dak wèchal, “Lulòw lah! Éd léh hãh ròb wèh kuwòt bèꞌbok hãh nak, bok wèk nyob lah nòm kote doh, supaye nyob tok nyob kèsbes bil TUHAN natèrhõy ma kote doh.” 16Tapik Lòt tik nabetagéy bok tik tok nawèk-wèk. Yab gerèk nak, TUHAN tik nakalõn ma Lòt ròb kewarge eh. Jadik wèh melaykat nak wèkuwòp ma tikh Lòt, léh eh, ròb wèh kuwòt eh nak, dak wèꞌéd ma umnak kenèmbek ma béng kote. #2 Ptr 2:7. 17Bil umnak èn béng kote nak, néy melaykat nak nachal, “Da-dok lah, tèrgos ma rik nyob! Agok los wãr ma yek, bok agok tèrgëb èn luwag. Da-dok lah ma pok-pok supaye nyob tok nyob kèsbes!”
18Tapik Lòt naseꞌëd, “Yãng, tulong lah agok or ma kandék gerèk nak! 19Hãk mémang méj geb hup hãh ma yék, dak hakalõn bok hatèrgos ma yék. Tapik yék tok boléh imda-dok ma pok jèꞌrok nak! Pastik terènhõy nòm Allah nak akal nalãj èn tèk-tik tok ilèy-lòy ma nak, bok yék ikebes. 20Tapik néh lah, mok néy kampong èn sòy tuy, tok jèꞌrok nòm doh. Kampong nak had ajok hék, tok payah lah hamtèrhõy eh, kan? Tulong or lah kandék kimda-dok ma kampong ajok nak, bok èn anak lah kandék dapad kimgos.”
21Melaykat nak nachal, “Nak lah, yék akal iteꞌèl ilok rik hasemany nak, bok tok iterèyhõy ma kampong ajok nak. 22Tapik da-dok lah lulòw! Sebab yék tok boléh imteꞌèl ilok-ilok èn tèk-tik nyob tok nyob lèy-lòy ma nak.”
(Dak sebab Lòt nadéh kampong nak ajok, nòm kerek nak sènꞌòy umdéh kenëh kampong nak Soꞌar, rik bemaksod “ajok.”)
TUHAN natèrhõy ma kote Sòdom ròb Gomora
23Bil Lòt nalòy ma kampong Soꞌar nak, mad is hòj najuray. 24Tok-tok TUHAN natëh os ròb batuk belèny-lany ma kote Sòdom ròb kote Gomora.#Mat 10:15; 11:23,24; Luk 10:12; 17:29; 2 Ptr 2:6; Yud 1:7. 25Dak gerèk nak lah TUHAN natèrhõy ma nar kote nak. Dak natèrhõy ma kenèmbek sènꞌòy rik umgèl-gel èn Luwag Yordan nak, bok ma kenèmbek lènlut keꞌjèk. 26Bok natèrhõy keꞌjèk ma léh Lòt, sebab rik nak nalos nawãr ma yek naꞌtèk, dak nasanglik najadik tunggol garam.#Luk 17:32.
27Dak yèhyah tik chup, Abraham nawòg dak hès nawèk ma tempad rik nabecharak ma TUHAN naꞌnéy is tòp. 28Rik nak nanèh-néh ma belah Sòdom ròb Gomora bok ma kenèmbek luwag ma tèk rèh. Dak Abraham nanéh ma yay rik chèlꞌũl rayak geb nòm tèk nak, gerèk yay nòm nèjguj rik lèny-lany.
29Jadik gerèk nak lah bil TUHAN natèrhõy ma kote-kote èn luwag nak, Rik Nak tik nabelekh ma Abraham, bok natèrgos ma kuman eh Lòt nòm henukom Eh nak.
Kuwòt bèꞌbok Lòt wèdapad kuwòt nòm apak wèh
30Nòm kerek nak Lòt natukh namgel èn kampong Soꞌar nak, jadik rik nak nawèk ma pok-pok samak wèh kuwòt bèꞌbok eh, dak umnak umgel èn guwok. 31Néy arik nak, kuwòt babok Lòt rik mulak long nak nachal ma pek eh, “Yah, apak ah hòj tatak. Dak ar tik achèn ambabéy, gerèk sènꞌòy rik umgèhnih èn kenèmbek bumi doh! Tapik èn tèk doh hòj tok mèk-mok bèhbeh wèl; bok ma chok che ar ambabéy? 32Jok lah, ar amtèrꞌòng ma apak namluwény, bok ar amselòg samak rik nak supaye ar amdapad waris nòm rik nak.”
33Dak bil layèg nak wènar nak wètèrꞌòng òng anggor ma apak wèh, dak kuwòt eh rik mulak long nak naselòg samak apak eh. Tapik apak eh had naluwény geb, sampéy tok nabènglekh ilok rik nabelakuk nak.
34Dak is jakal eh nak, kuwòt rik mulak long nak nachal ma pek babok eh nak, “Layèg tèk yék hòj iselòg samak apak! Dak layèg kal ar atabeh atèrꞌòng wèl namluwény, bok hãk wèl haselòg samak rik nak. Dak gerèk nak lah akal ar adapad waris nòm rik nak.” 35Jadik layèg nak wènar nak wètèrꞌòng wèl ma apak wèh sampéy naluwény, dak kuwòt eh rik las alëj nak naselòg samak apak eh. Dak Lòt had naluwény geb, bok tok nabènglekh ilok rik nabelakuk. 36Dak nòm kerek nak, wèh kuwòt bèꞌbok Lòt nak wèkayod nòm apak rik wèh. 37Kuwòt babok eh rik mulak long nak nayos kuwòt babeh eh, dak natèrjal kenëh eh Moab.#19:37 Moab Kenëh nak chëh eh gerèk nèlchal Ibrani rik bemaksod “nòm apak.” Kuwòt nak najadik yak dòt bej ma kaum rik puꞌdoh umdéh sènꞌòy Moab. 38Dak kuwòt las alëj eh nak nayos néy kuwòt babeh eh keꞌjèk, dak natèrjal kenëh eh Bèn-Ami.#19:38 Bèn-Ami. Kenëh nak maksod eh “kuwòt nòm sakèy yéh.” Kuwòt nak najadik yak dòt bej ma kaum rik puꞌdoh umdéh sènꞌòy Amon.
ទើបបានជ្រើសរើសហើយ៖
Jenadik 19: KKT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Jenadik 19
19
Jènhad sènꞌòy Sòdom
1Hòj nòm kerek umtèrbuk ma Abraham naꞌtèk, bil is eh hòj nambelayèg wènar melaykat nak wèlòy ma kote Sòdom. Bil nak Lòt, kuman Abraham nak, nagèl-gel èn rèngkak gerbang kote. Bil nanéh ma wènar nak, rik nak nated dak nawèk untok namsambud ma wènar nak. Lòt natud èn sòy wènar nak 2dak nachal, “Yãng, jok lah tekoh ma dékh yék. Kaꞌan boléh suj jukh kaꞌan nak bok boléh selòg èn dékh yék. Bok yèhyah tik chup jakal kaꞌan wòg dak sèrjèkh nèbchib kaꞌan nak.”
Tapik wènar nak wèsaꞌod, “Halok lah, yar yamselòg èn anuh hék, èn pantil kote doh.”
3Tapik Lòt tik nasered geb, dak sèj-sòj eh wèhoh wèmòj samak rik nak ma kelòj dékh eh. Dak anak Lòt natabéh jamuwan rayak rik méj bok sèmlèp. Dak natabéh keꞌjèk ruti rik pènghèng, dak umnak umga-géy.
4Tapik èn tik tok umsèglòg, kenèmbek bèhbeh nòm kenèmbek kote Sòdom nak, nòm rik umlèwtòw sampéy ma rik umtèꞌtak, umlãj dak umkepong èn dékh nak. 5Umnak umkòw ma Lòt: “Ma lok wènar sènꞌòy rik dèm-dep èn dékh hãh layèg doh? Éd wènar nak wèmhuwòl, supaye kandék boléh kimselòg samak wènar nak!” #Pem 19:22-24.
6Lòt nahuwòl nòm dékh eh, dak nachèrtekh rèngkak. 7Rik nak nachal ma sènꞌòy Sòdom nak, “Kéy-kéy yék, yék iseꞌëd geb, agok lah teꞌèl hal rik jèdhad gerèk nak! 8Keyòkh lah, yék mok nar kuwòt bèꞌbok yéh rik tik bèhléh. Perak lah yék imꞌog wènar nak ma nyob, bok nyob boléh teꞌèl ilok hék rik nyob chèn ma wènar nak. Tapik agok lah teꞌèl ilok-ilok ma wènar bèhbeh nak. Sebab wènar nak tamu yék, bok yék seteréd imjagak ma wènar nak.”
9Tapik sènꞌòy Sòdom nak umchal ma Lòt, “Bèrlah hãh lah! Hãk nak sènꞌòy nòm jerok, bok hãk nak tok barhak hamꞌèr-or ma kandék ilok rik haros kimteꞌèl! Nak, kandék akal kiteꞌèl lebéh laꞌes wèl ma hãk nòm wènar nak!” Dak anak umnak umtulag ma Lòt umchèn murèntuk ma rèngkak. 10Tapik wènar tamu nak wèpog rèngkak dak wèjéng ma Lòt namòj ma kelòj dékh, dak wèchèrtekh rèngkak. 11Dak anak wènar melaykat nak wèꞌuy ma kenèmbek sènꞌòy èn béng nak umbebèybëy, rik umlèwtòw bok rik umtèꞌtak, sampéy umnak tok dapad mutèrbuk ma rèngkak nak.#2 Raj 6:18.
Nar melaykat nak wèꞌor ma Lòt namhuwòl nòm kote Sòdom
12Wènar melaykat nak wèchal ma Lòt, “Chok wèl kewarge hãh rik gèl-gel èn kote doh? Kalòw hãk mok kuwòt bèhbeh hãh, kuwòt bèꞌbok hãh, mènsaw hãh atòw sakèy hãh rik gèhnih èn anuh, éd lah umnak muhuwòl nòm kote doh. 13Sebab yar akal yatèrhõy ma kote doh. TUHAN hòj nakeyòkh jajéh tenanas rik laꞌes tentang dose sènꞌòy rik umgèl-gel èn anuh, bok Rik Nak hòj natèrꞌèn ma yar yamtèrhõy ma kote Sòdom doh.”
14Dak Lòt nawèk bok natèrbuk ma wènar bèhbeh rik hòj wèpèrhod wèmbabéy ma kuwòt bèꞌbok Lòt nak. Dak Lòt nachal, “Lulòw lah, huwòl nòm kote doh! TUHAN hòj namtèrhõy eh!” Tapik wènar nak wèbèdlod Lòt had naperèꞌlik hék.
15Is jakal eh nak, bil hòj namyèh-yah, wènar melaykat nak wèsered ma Lòt hès namwèk, dak wèchal, “Lulòw lah! Éd léh hãh ròb wèh kuwòt bèꞌbok hãh nak, bok wèk nyob lah nòm kote doh, supaye nyob tok nyob kèsbes bil TUHAN natèrhõy ma kote doh.” 16Tapik Lòt tik nabetagéy bok tik tok nawèk-wèk. Yab gerèk nak, TUHAN tik nakalõn ma Lòt ròb kewarge eh. Jadik wèh melaykat nak wèkuwòp ma tikh Lòt, léh eh, ròb wèh kuwòt eh nak, dak wèꞌéd ma umnak kenèmbek ma béng kote. #2 Ptr 2:7. 17Bil umnak èn béng kote nak, néy melaykat nak nachal, “Da-dok lah, tèrgos ma rik nyob! Agok los wãr ma yek, bok agok tèrgëb èn luwag. Da-dok lah ma pok-pok supaye nyob tok nyob kèsbes!”
18Tapik Lòt naseꞌëd, “Yãng, tulong lah agok or ma kandék gerèk nak! 19Hãk mémang méj geb hup hãh ma yék, dak hakalõn bok hatèrgos ma yék. Tapik yék tok boléh imda-dok ma pok jèꞌrok nak! Pastik terènhõy nòm Allah nak akal nalãj èn tèk-tik tok ilèy-lòy ma nak, bok yék ikebes. 20Tapik néh lah, mok néy kampong èn sòy tuy, tok jèꞌrok nòm doh. Kampong nak had ajok hék, tok payah lah hamtèrhõy eh, kan? Tulong or lah kandék kimda-dok ma kampong ajok nak, bok èn anak lah kandék dapad kimgos.”
21Melaykat nak nachal, “Nak lah, yék akal iteꞌèl ilok rik hasemany nak, bok tok iterèyhõy ma kampong ajok nak. 22Tapik da-dok lah lulòw! Sebab yék tok boléh imteꞌèl ilok-ilok èn tèk-tik nyob tok nyob lèy-lòy ma nak.”
(Dak sebab Lòt nadéh kampong nak ajok, nòm kerek nak sènꞌòy umdéh kenëh kampong nak Soꞌar, rik bemaksod “ajok.”)
TUHAN natèrhõy ma kote Sòdom ròb Gomora
23Bil Lòt nalòy ma kampong Soꞌar nak, mad is hòj najuray. 24Tok-tok TUHAN natëh os ròb batuk belèny-lany ma kote Sòdom ròb kote Gomora.#Mat 10:15; 11:23,24; Luk 10:12; 17:29; 2 Ptr 2:6; Yud 1:7. 25Dak gerèk nak lah TUHAN natèrhõy ma nar kote nak. Dak natèrhõy ma kenèmbek sènꞌòy rik umgèl-gel èn Luwag Yordan nak, bok ma kenèmbek lènlut keꞌjèk. 26Bok natèrhõy keꞌjèk ma léh Lòt, sebab rik nak nalos nawãr ma yek naꞌtèk, dak nasanglik najadik tunggol garam.#Luk 17:32.
27Dak yèhyah tik chup, Abraham nawòg dak hès nawèk ma tempad rik nabecharak ma TUHAN naꞌnéy is tòp. 28Rik nak nanèh-néh ma belah Sòdom ròb Gomora bok ma kenèmbek luwag ma tèk rèh. Dak Abraham nanéh ma yay rik chèlꞌũl rayak geb nòm tèk nak, gerèk yay nòm nèjguj rik lèny-lany.
29Jadik gerèk nak lah bil TUHAN natèrhõy ma kote-kote èn luwag nak, Rik Nak tik nabelekh ma Abraham, bok natèrgos ma kuman eh Lòt nòm henukom Eh nak.
Kuwòt bèꞌbok Lòt wèdapad kuwòt nòm apak wèh
30Nòm kerek nak Lòt natukh namgel èn kampong Soꞌar nak, jadik rik nak nawèk ma pok-pok samak wèh kuwòt bèꞌbok eh, dak umnak umgel èn guwok. 31Néy arik nak, kuwòt babok Lòt rik mulak long nak nachal ma pek eh, “Yah, apak ah hòj tatak. Dak ar tik achèn ambabéy, gerèk sènꞌòy rik umgèhnih èn kenèmbek bumi doh! Tapik èn tèk doh hòj tok mèk-mok bèhbeh wèl; bok ma chok che ar ambabéy? 32Jok lah, ar amtèrꞌòng ma apak namluwény, bok ar amselòg samak rik nak supaye ar amdapad waris nòm rik nak.”
33Dak bil layèg nak wènar nak wètèrꞌòng òng anggor ma apak wèh, dak kuwòt eh rik mulak long nak naselòg samak apak eh. Tapik apak eh had naluwény geb, sampéy tok nabènglekh ilok rik nabelakuk nak.
34Dak is jakal eh nak, kuwòt rik mulak long nak nachal ma pek babok eh nak, “Layèg tèk yék hòj iselòg samak apak! Dak layèg kal ar atabeh atèrꞌòng wèl namluwény, bok hãk wèl haselòg samak rik nak. Dak gerèk nak lah akal ar adapad waris nòm rik nak.” 35Jadik layèg nak wènar nak wètèrꞌòng wèl ma apak wèh sampéy naluwény, dak kuwòt eh rik las alëj nak naselòg samak apak eh. Dak Lòt had naluwény geb, bok tok nabènglekh ilok rik nabelakuk. 36Dak nòm kerek nak, wèh kuwòt bèꞌbok Lòt nak wèkayod nòm apak rik wèh. 37Kuwòt babok eh rik mulak long nak nayos kuwòt babeh eh, dak natèrjal kenëh eh Moab.#19:37 Moab Kenëh nak chëh eh gerèk nèlchal Ibrani rik bemaksod “nòm apak.” Kuwòt nak najadik yak dòt bej ma kaum rik puꞌdoh umdéh sènꞌòy Moab. 38Dak kuwòt las alëj eh nak nayos néy kuwòt babeh eh keꞌjèk, dak natèrjal kenëh eh Bèn-Ami.#19:38 Bèn-Ami. Kenëh nak maksod eh “kuwòt nòm sakèy yéh.” Kuwòt nak najadik yak dòt bej ma kaum rik puꞌdoh umdéh sènꞌòy Amon.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.