Jenadik 21
21
TUHAN naꞌog kuwòt ma Abraham ròb Sarah
1Nòm kerek nak, TUHAN nateꞌèl méj ma Sarah bok nateꞌèl gerèk hòj napèrhod. 2Dak Sarah nakayod bok nayos néy kuwòt babeh untok Abraham, tehad ma mase rik Allah hòj napèrhod ma Abraham nak. Bil mase nak, Abraham hòj tatak geb. #Ibr 11:11. 3Abraham natèrjal kenëh kuwòt wèh nak Isak.#21:3 Isak nak maksod eh “nalèg-lug.” 4Dak bil Isak umor eh nalòy lapan arik, Abraham nasunat eh, ngam ma nèrꞌor Allah.#Jen 17:12; Tèn 7:8. 5Abraham nak umor eh 100 tawon bil Sarah nayos ma Isak. 6Sarah nachal, “Allah hòj naꞌuy ma yék ilèg-lug nòm enadés. Bok kenèmbek sènꞌòy rik umkèngyòkh ma gah doh akal umhoh umꞌadés bok umlèg-lug samak yék! 7Nèng-nèng tòp pastik tok mèk-mok chok-chok pon namchal ma Abraham yék doh akal iyos bok itèrbòt ma kuwòt eh. Tapik puꞌdoh, yék hòj iyos kuwòt eh, yab rik nak hòj tatak geb.”
Allah najagak ma Hagar ròb Ismaꞌèl èn pantil gurun
8Isak pon hòj nahin rayak. Bil umor eh hòj maròp tawon, nalòy lah mase eh rik nak naperak nòm bòt amèk eh. Jadik Abraham nateꞌèl jamuwan rayak untok namsambud kuwòt eh nak.#21:8 Èn budaye sènꞌòy Ibrani nak, umnak umsambud bok umꞌadés bil kuwòt umnak hòj rayak bok tok umbèn-bòt nòm bòt amèk um. Unak tande sayẽd nak hòj rayak, bok amèk eh nak hòj bébas bok boléh namkod wèl kuwòt pay.
9Bil nak Sarah nanéh ma Ismaꞌèl nachetẽk ma kuwòt eh Isak. (Ismaꞌèl nak kuwòt Abraham ròb Hagar, kuli babok nòm Mesir nak). 10Dak Sarah naꞌor ma Abraham, “Kiron lah kuli babok nak ròb kuwòt eh! Yék ijèk kuwòt kuli nak namdapad ilok-ilok nòm harte hãk. Kenèmbek nak namjadik milik kuwòt yék Isak.”#Gal 4:29,30. 11Bil nakeyòkh ma nèlchal Sarah nak, Abraham nasuwéh geb hup eh. Yab gerèk lok pon, Ismaꞌèl nak kuwòt eh keꞌjèk. 12Tapik Allah nachal ma Abraham, “Agok lah suwéh tentang kuwòt hãh ròb kuli hãh nak. Hoh lah hék ma nènchèn Sarah. Hãk akal hadapad waris rik Yék ipèrhod nak nòm Isak, kedak nòm Ismaꞌèl.#Rm 9:7; Ibr 11:18. 13Tapik sebab kuwòt Hagar nak kuwòt rik hãh keꞌjèk, Yék akal iꞌog ma rik nak jajéh waris eh keꞌjèk, bok akal najadik yak dòt bej ma kaum rik rayak.”
14Jadik is jakal eh nak, Abraham nawòg èn yèhyah tik chup, nakod nèygéy dak nasèd òng ma jokh sèmpok kambikh, dak naꞌog ma Hagar. Abraham natèrbek kenèmbek eh nak èn pog Hagar, bok naꞌor ma rik nak namwèk samak kuwòt eh. Jadik nawèk lah Hagar bok nalègyòg èn pantil gurun tilok ma Beꞌèr-Séba. 15-16Hòj maròp lènmad wèlègyòg èn pantil gurun nak, dak òng rik naꞌèn hatòp hòj sòj. Dak Hagar nabèdlod èn kelòj hup eh, “Yék tok boléh imnéh kuwòt yéh doh namkebes èn mad yéh!” Jadik Hagar naperak kuwòt eh èn tèk bèrher, dak rik nak nawèk gèk jerok nòm nak, kirak-kirak seratos miter. Dak anak nagel bok nayèm-yam kerèꞌhik.
17Tapik Allah nakeyòkh ma kuy nèmyam Ismaꞌèl,#21:17 Ismaꞌèl kenëh Ismaꞌèl nak maksod eh “nakeyòkh.” bok nòm langid Melaykat Allah nakòw ma Hagar bok nachal, “Hagar, ilok bok hayam? Agok lah tukh! Allah hòj nakeyòkh ma kuy nèmyam kuwòt hãk èn tuy. 18Wèk lah ma kuwòt hãh, dak tèrwòg eh bok chèrmun lah ma rik nak. Yék akal ijadik ma waris eh néy kaum rik rayak.”
19Dak anak Allah naꞌuy ma mad Hagar natèrbuk mok néy perigi èn anak, tok jèꞌrok nòm rik nak. Jadik rik nak naꞌèn jokh eh nak dak nakod òng, bok naꞌog ma kuwòt eh namꞌòng. 20Dak Allah mok samak Ismaꞌèl, dak rik nak nahin rayak èn pantil gurun nak dak najadik sènꞌòy rik lèng-lèkh pèny-pìch bok kuwad sèꞌyèk. 21Dak rik nak nagel èn pantil gurun Paran nak, dak èn anak amèk eh nasèrlòg ma rik nak néy babok nòm Mesir.
Abraham ròb Abimelèkh wèteꞌèl perènhod
22Bil mase nak Rajak Abimelèkh nalãj samak ketuwe tentere eh, rik bekenëh Pikol. Dak rajak nak nachal ma Abraham, “Allah mok samak hãk èn kenèmbek hal rik hateꞌèl nak. #Jen 26:26. 23Sebab nak, pèrhod bok pantakh lah ma yék èn anuh, èn mad Allah, hãk akal tok habesèꞌlok ma yék, mèn kuwòt yék, atòw waris yék. Hãk nak sènꞌòy jèꞌrok hagel èn tèk kandék, dak yék lèjgéj iteꞌèl méj ma hãk. Jadik teꞌèl lah gerèk nak keꞌjèk ma yék bok ma negerik yéh rik hagel doh.”
24Abraham nachal, “Nak, yék ipèrhod.”
25Tapik nòm kerek nak, mèn kuli rajak nak umkod néy perigi Abraham bok umchal perigi nak najadik milik umnak. Dak Abraham naꞌabad ma Abimelèkh, 26tapik Rajak Abimelèkh nachal, “Yék tok ilèng-lèkh chok rik kèd-kod perigi hãh nak. Hãk tok hachèl-chal ma yék pon, had pay is doh bok ikeyòkh tentang hal nak.” 27Dak anak Abraham nawèk bok naꞌèn maròp-maròp kambikh biri ròb lembu eh, dak naꞌog ma Abimelèkh, bok wènar nak wèbeperahod kaban rik wèh supaye wèbema-méj wèl.
28Dak pas nak Abraham napèrmòy wèl nòm chok bènleh eh tujoh kuwòt kambikh biri bok. 29Rajak Abimelèkh natanyak ma rik nak, “Nahey hãk hapèrmòy tujoh ikor doh gerèk nak?”
30Abraham nasaꞌod, “Yék ichèn hãk hamterime tujoh kuwòt kambikh doh gerèk tande hãk hòj hasetujuk perigi doh milik yék, sebab yék lah irik chènglòkh perigi doh.” 31Unak lah sebab eh umdéh kenëh tempad nak Beꞌèr-Séba (rik bemaksod “Perigi Perènhod”), sebab èn anak lah wènar nak wèbepantakh bok wèteꞌèl perènhod wèh.
32Nòm kerek hòj wèteꞌèl perènhod nak èn Beꞌèr-Séba, Rajak Abimelèkh ròb Pikol, ketuwe tentere eh nak, wèmak ma negerik rik wèh, tèk sènꞌòy Pilistin. 33Dak Abraham natap néy jehuk sungkut èn Beꞌèr-Séba nak gerèk tande berènleng. Dak èn tempad nak rik nak nabesindol ma TUHAN, Allah rik Jalꞌéng. 34Nòm kerek nak Abraham nagel lamad èn tèk sènꞌòy Pilistin nak.
ទើបបានជ្រើសរើសហើយ៖
Jenadik 21: KKT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Jenadik 21
21
TUHAN naꞌog kuwòt ma Abraham ròb Sarah
1Nòm kerek nak, TUHAN nateꞌèl méj ma Sarah bok nateꞌèl gerèk hòj napèrhod. 2Dak Sarah nakayod bok nayos néy kuwòt babeh untok Abraham, tehad ma mase rik Allah hòj napèrhod ma Abraham nak. Bil mase nak, Abraham hòj tatak geb. #Ibr 11:11. 3Abraham natèrjal kenëh kuwòt wèh nak Isak.#21:3 Isak nak maksod eh “nalèg-lug.” 4Dak bil Isak umor eh nalòy lapan arik, Abraham nasunat eh, ngam ma nèrꞌor Allah.#Jen 17:12; Tèn 7:8. 5Abraham nak umor eh 100 tawon bil Sarah nayos ma Isak. 6Sarah nachal, “Allah hòj naꞌuy ma yék ilèg-lug nòm enadés. Bok kenèmbek sènꞌòy rik umkèngyòkh ma gah doh akal umhoh umꞌadés bok umlèg-lug samak yék! 7Nèng-nèng tòp pastik tok mèk-mok chok-chok pon namchal ma Abraham yék doh akal iyos bok itèrbòt ma kuwòt eh. Tapik puꞌdoh, yék hòj iyos kuwòt eh, yab rik nak hòj tatak geb.”
Allah najagak ma Hagar ròb Ismaꞌèl èn pantil gurun
8Isak pon hòj nahin rayak. Bil umor eh hòj maròp tawon, nalòy lah mase eh rik nak naperak nòm bòt amèk eh. Jadik Abraham nateꞌèl jamuwan rayak untok namsambud kuwòt eh nak.#21:8 Èn budaye sènꞌòy Ibrani nak, umnak umsambud bok umꞌadés bil kuwòt umnak hòj rayak bok tok umbèn-bòt nòm bòt amèk um. Unak tande sayẽd nak hòj rayak, bok amèk eh nak hòj bébas bok boléh namkod wèl kuwòt pay.
9Bil nak Sarah nanéh ma Ismaꞌèl nachetẽk ma kuwòt eh Isak. (Ismaꞌèl nak kuwòt Abraham ròb Hagar, kuli babok nòm Mesir nak). 10Dak Sarah naꞌor ma Abraham, “Kiron lah kuli babok nak ròb kuwòt eh! Yék ijèk kuwòt kuli nak namdapad ilok-ilok nòm harte hãk. Kenèmbek nak namjadik milik kuwòt yék Isak.”#Gal 4:29,30. 11Bil nakeyòkh ma nèlchal Sarah nak, Abraham nasuwéh geb hup eh. Yab gerèk lok pon, Ismaꞌèl nak kuwòt eh keꞌjèk. 12Tapik Allah nachal ma Abraham, “Agok lah suwéh tentang kuwòt hãh ròb kuli hãh nak. Hoh lah hék ma nènchèn Sarah. Hãk akal hadapad waris rik Yék ipèrhod nak nòm Isak, kedak nòm Ismaꞌèl.#Rm 9:7; Ibr 11:18. 13Tapik sebab kuwòt Hagar nak kuwòt rik hãh keꞌjèk, Yék akal iꞌog ma rik nak jajéh waris eh keꞌjèk, bok akal najadik yak dòt bej ma kaum rik rayak.”
14Jadik is jakal eh nak, Abraham nawòg èn yèhyah tik chup, nakod nèygéy dak nasèd òng ma jokh sèmpok kambikh, dak naꞌog ma Hagar. Abraham natèrbek kenèmbek eh nak èn pog Hagar, bok naꞌor ma rik nak namwèk samak kuwòt eh. Jadik nawèk lah Hagar bok nalègyòg èn pantil gurun tilok ma Beꞌèr-Séba. 15-16Hòj maròp lènmad wèlègyòg èn pantil gurun nak, dak òng rik naꞌèn hatòp hòj sòj. Dak Hagar nabèdlod èn kelòj hup eh, “Yék tok boléh imnéh kuwòt yéh doh namkebes èn mad yéh!” Jadik Hagar naperak kuwòt eh èn tèk bèrher, dak rik nak nawèk gèk jerok nòm nak, kirak-kirak seratos miter. Dak anak nagel bok nayèm-yam kerèꞌhik.
17Tapik Allah nakeyòkh ma kuy nèmyam Ismaꞌèl,#21:17 Ismaꞌèl kenëh Ismaꞌèl nak maksod eh “nakeyòkh.” bok nòm langid Melaykat Allah nakòw ma Hagar bok nachal, “Hagar, ilok bok hayam? Agok lah tukh! Allah hòj nakeyòkh ma kuy nèmyam kuwòt hãk èn tuy. 18Wèk lah ma kuwòt hãh, dak tèrwòg eh bok chèrmun lah ma rik nak. Yék akal ijadik ma waris eh néy kaum rik rayak.”
19Dak anak Allah naꞌuy ma mad Hagar natèrbuk mok néy perigi èn anak, tok jèꞌrok nòm rik nak. Jadik rik nak naꞌèn jokh eh nak dak nakod òng, bok naꞌog ma kuwòt eh namꞌòng. 20Dak Allah mok samak Ismaꞌèl, dak rik nak nahin rayak èn pantil gurun nak dak najadik sènꞌòy rik lèng-lèkh pèny-pìch bok kuwad sèꞌyèk. 21Dak rik nak nagel èn pantil gurun Paran nak, dak èn anak amèk eh nasèrlòg ma rik nak néy babok nòm Mesir.
Abraham ròb Abimelèkh wèteꞌèl perènhod
22Bil mase nak Rajak Abimelèkh nalãj samak ketuwe tentere eh, rik bekenëh Pikol. Dak rajak nak nachal ma Abraham, “Allah mok samak hãk èn kenèmbek hal rik hateꞌèl nak. #Jen 26:26. 23Sebab nak, pèrhod bok pantakh lah ma yék èn anuh, èn mad Allah, hãk akal tok habesèꞌlok ma yék, mèn kuwòt yék, atòw waris yék. Hãk nak sènꞌòy jèꞌrok hagel èn tèk kandék, dak yék lèjgéj iteꞌèl méj ma hãk. Jadik teꞌèl lah gerèk nak keꞌjèk ma yék bok ma negerik yéh rik hagel doh.”
24Abraham nachal, “Nak, yék ipèrhod.”
25Tapik nòm kerek nak, mèn kuli rajak nak umkod néy perigi Abraham bok umchal perigi nak najadik milik umnak. Dak Abraham naꞌabad ma Abimelèkh, 26tapik Rajak Abimelèkh nachal, “Yék tok ilèng-lèkh chok rik kèd-kod perigi hãh nak. Hãk tok hachèl-chal ma yék pon, had pay is doh bok ikeyòkh tentang hal nak.” 27Dak anak Abraham nawèk bok naꞌèn maròp-maròp kambikh biri ròb lembu eh, dak naꞌog ma Abimelèkh, bok wènar nak wèbeperahod kaban rik wèh supaye wèbema-méj wèl.
28Dak pas nak Abraham napèrmòy wèl nòm chok bènleh eh tujoh kuwòt kambikh biri bok. 29Rajak Abimelèkh natanyak ma rik nak, “Nahey hãk hapèrmòy tujoh ikor doh gerèk nak?”
30Abraham nasaꞌod, “Yék ichèn hãk hamterime tujoh kuwòt kambikh doh gerèk tande hãk hòj hasetujuk perigi doh milik yék, sebab yék lah irik chènglòkh perigi doh.” 31Unak lah sebab eh umdéh kenëh tempad nak Beꞌèr-Séba (rik bemaksod “Perigi Perènhod”), sebab èn anak lah wènar nak wèbepantakh bok wèteꞌèl perènhod wèh.
32Nòm kerek hòj wèteꞌèl perènhod nak èn Beꞌèr-Séba, Rajak Abimelèkh ròb Pikol, ketuwe tentere eh nak, wèmak ma negerik rik wèh, tèk sènꞌòy Pilistin. 33Dak Abraham natap néy jehuk sungkut èn Beꞌèr-Séba nak gerèk tande berènleng. Dak èn tempad nak rik nak nabesindol ma TUHAN, Allah rik Jalꞌéng. 34Nòm kerek nak Abraham nagel lamad èn tèk sènꞌòy Pilistin nak.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.