Jenadik 18
18
Allah napèrhod wèl namꞌog kuwòt ma Abraham ròb Sarah
1Bil néy arik TUHAN napèrnéh rik Eh ma Abraham wèl, tilok ma jehuk rèꞌyak anok Mamré nak. Bil mase nak is eh bëd geb, dak Abraham nagèl-gel èn rèngkak kémah eh. 2Abraham nawòg kuy eh, dak tok-tok nanéh mok tigak sènꞌòy umta-ted èn anak. Abraham pon hès nated dak nadabal untok namsambud ma umnak. Rik nak natud #Ibr 13:2. 3dak nachal, “Yãng, jok lah tekoh wèdéh ma doh; agok lah hawul nòm yék. 4Jok lah tarak èn kèd jehuk doh, bok yék imꞌor kuli yéh mukod òng bok musuj ma jukh nyob. 5Nyob hòj nyob hormad ma yék bok hòj nyob gagoh ma yék. Jadik perak lah imjamuk ma nyob amès eh, supaye nyob mok baryog untok nyomsèrjèkh nèbchib nyob nak.”
Dak umnak umsaꞌod, “Nak, méj lah. Teꞌèl lah gerèk rik hachal nak.”
6Jadik Abraham hès namòj ma kémah eh dak nachal ma Sarah, “Hès hamchuwoh tigak kòk#18:6 tigak kòk Èn kuy sènꞌòy Ibrani nak tok pastik maròp enukor nak. Tapik lènbéh eh ibuk, mungkin nalòy 20 kiloh. Abraham nachèn namteꞌèl jamuwan rik rayak untok namhormad ma mèn tamu eh rik penting nak. rayak nòm tepong èk rik paléng méj, bok teꞌèl lah ruti!” 7Nòm kerek nak, rik nak nadabal ma mèn lembu eh dak napili néy kuwòt lembu rik tingꞌũs bok belèsꞌos, dak naꞌog ma kuli eh. Dak kuli nak hès natabéh eh. 8Dak anak Abraham nakod susu lèdkĩd,#18:8 susu lèdkĩd nak nèygéy rik umteꞌèl nòm susu. Umpegoh nadidih bok umguléy, dak pas nak umperak namsejuk sampéy nalekĩd. susu biyase, ròb séj lembu nak, dak najamuk ma mèn tamu eh. Asòh umga-géy nak, Abraham nated tilok ma umnak èn kèd jehuk nak.
9Dak anak umnak umtanyak, “Ma lok che léh hãh Sarah?”
Abraham nasaꞌod, “Mok tuy, èn kelòj kémah.”
10Néy sènꞌòy nòm umnak nachal, “Tik néy tawon ma sòy jakal, yék akal ilos wèl ma doh, bok mase nak léh hãk Sarah hòj mok kuwòt babeh eh.”
Dak bil nak Sarah mok èn kerek umnak, nakèꞌdëk èn rèngkak kémah eh bok nakèngyòkh ma chenarak umnak. 11Abraham ròb Sarah hòj wèh tèꞌtak jèꞌjak geb, bok Sarah tok boléh namkayod sebab umor eh hòj lebéh. 12Sebab nak Sarah nalèg-lug èn hup eh dak nabèdlod, “Yék doh hòj jajak bok tok baryog yéh gerèk doh, ma lok mok yék imgahmak enadés gerèk nak? Bok tòw yéh pon hòj tatak geb!”#1 Ptr 3:6.
13Dak TUHAN natanyak ma Abraham, “Nahey Sarah nalèg-lug bok nabèdlod rik nak tok dapad namyos kuwòt eh sebab hòj jajak eh nak? 14#Luk 1:37. Mok ke ilok-ilok rik Yék tok dapad imteꞌèl? Bok gerèk hòj ichal naꞌtèk, tik néy tawon ma sòy doh jakal Yék akal ilos wèl ma doh, bok bil mase nak Sarah hòj mok néy kuwòt babeh eh!”
15Dak Sarah natukh, dak rik nak nasèꞌlok bok nachal, “Yék tok ibelèg-lug.”
Tapik TUHAN nachal, “Hãk atèk mémang halug.”
Abraham naseꞌëd ma TUHAN agok namtèrhõy ma kote Sòdom
16Kerek nak tigak sènꞌòy naꞌtèk umted dak umtekèd umwèk wèl. Abraham pon nahoh bok nadeh samak umnak. Dak umnak umwèk ma tempad rik balikh, bok umnéh ma kote Sòdom ma luwag rèh. 17-19Dak anak TUHAN nabebèdlod èn hup Eh, “Nòm Abraham nak akal iteꞌèl kaum rik rayak bok bekuwase, bok nòm rik nak lah Yék akal iteꞌèl méj ma kenèmbek kaum èn bumi. Yék hòj ipili ma rik nak supaye rik nak namtènglèkh ma kuwòt ròb waris eh untok muhoh ma nòng nènchèn Yék. Umnak haros umteꞌèl ilok rik kènmën bok beꞌadil, bok Yék akal iteꞌèl kenèmbek ilok rik hòj ipèrhod ma Abraham. Jadik tok méj lah Yék imkèrdëk nòm Abraham ilok rik imteꞌèl nak.”
20Jadik TUHAN pon naꞌoglèkh ma Abraham, “Yék hòj ikeyòkh jajéh tenanas rik laꞌes tentang sènꞌòy rik umgèl-gel èn kote Sòdom ròb kote Gomora nak, sebab dose umnak rayak geb. 21Sebab nak Yék akal itaw ma nak bok imnéh kalòw kenèmbek tenanas laꞌes rik hòj ikeyòkh nak kemën ke hõy.”
22Dak anak nar melaykat rik hèh-hoh samak TUHAN nak wèperak dak wèchib wèmwèk ma kote Sòdom, tapik TUHAN tik natèd-ted èn anak samak Abraham. 23Abraham nawèk tilok ma TUHAN bok natanyak, “Kemën ke Hãk hachèn hamtèrhõy ma sènꞌòy rik kènmën keꞌjèk, samak ma sènꞌòy rik jèdhad? 24Dak rèk lok kalòw mok 50 sènꞌòy rik méj èn kote nak? Bok tik hachèn ke hamtèrhõy ma kenèmbek kote nak, bok tok hapèꞌrak sebab mok 50 sènꞌòy rik méj nak? 25Pastik lah Hãk tok hakerèsbes ma sènꞌòy rik méj bok samak sènꞌòy rik jèdhad! Bok pastik tok boléh hamhukom ma sènꞌòy rik méj nak samak gerèk sènꞌòy rik jèdhad. Hãk lah rik behakim ma kenèmbek sènꞌòy èn bumi, bok pastik hateꞌèl ilok rik adil!”
26TUHAN nasaꞌod, “Kalòw lah Yék itèrbuk 50 sènꞌòy rik kènmën èn kote Sòdom, Yék akal tok iterèyhõy ma kenèmbek kote nak sebab umnak.”
27Abraham nachal wèl, “Maꞌap lah che yék sebab ilamid icharak gerèk doh ma Hãk, Tuhan. Yék doh had sènꞌòy hék, bok tok behakak imchal ilok-ilok pon ma Hãk. 28Tapik, gerèk lok kalòw had mok 45 sènꞌòy rik méj, kedak 50? Mok ke Hãk tik hamtèrhõy ma kenèmbek kote nak, had sebab rik umbelimak sènꞌòy nak hõy?”
TUHAN nasaꞌod, “Kalòw Yék itèrbuk 45 sènꞌòy rik kènmën èn anak, Yék akal tok iterèyhõy ma kote nak.”
29Dak Abraham natanyak wèl, “Gerèk lok kalòw had mok 40 sènꞌòy?”
TUHAN nasaꞌod, “Kalòw mok 40 sènꞌòy rik kènmën nak, Yék akal tok iterèyhõy ma kote nak.”
30Abraham nachal wèl, “Agok lah õl, Tuhan, kalòw yék ichal wèl. Gerèk lok kalòw had mok 30 sènꞌòy hék?”
Dak TUHAN nachal, “Kalòw Yék itèrbuk 30 sènꞌòy kènmën èn anak, Yék akal tok iterèyhõy ma kote nak.”
31Abraham nachal, “Maꞌap lah che yék sebab ilamid imcharak wèl ma Hãk, Tuhan! Rèk lok kalòw had mok 20 sènꞌòy èn anak?”
TUHAN nasaꞌod, “Kalòw mok 20 sènꞌòy rik kènmën nak, Yék akal tok iterèyhõy ma kote nak.”
32Sèj-sòj eh Abraham nachal, “Agok lah õl, Tuhan! Tik néy wèl imchal. Gerèk lok kalòw had hatèrbuk 10 sènꞌòy hék?”
TUHAN nachal, “Kalòw mok 10 sènꞌòy pon, Yék akal tok iterèyhõy ma kote nak.”
33Hòj sòj nabecharak ma Abraham, TUHAN naperak. Dak Abraham pon namak ma kémah eh.
ទើបបានជ្រើសរើសហើយ៖
Jenadik 18: KKT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Jenadik 18
18
Allah napèrhod wèl namꞌog kuwòt ma Abraham ròb Sarah
1Bil néy arik TUHAN napèrnéh rik Eh ma Abraham wèl, tilok ma jehuk rèꞌyak anok Mamré nak. Bil mase nak is eh bëd geb, dak Abraham nagèl-gel èn rèngkak kémah eh. 2Abraham nawòg kuy eh, dak tok-tok nanéh mok tigak sènꞌòy umta-ted èn anak. Abraham pon hès nated dak nadabal untok namsambud ma umnak. Rik nak natud #Ibr 13:2. 3dak nachal, “Yãng, jok lah tekoh wèdéh ma doh; agok lah hawul nòm yék. 4Jok lah tarak èn kèd jehuk doh, bok yék imꞌor kuli yéh mukod òng bok musuj ma jukh nyob. 5Nyob hòj nyob hormad ma yék bok hòj nyob gagoh ma yék. Jadik perak lah imjamuk ma nyob amès eh, supaye nyob mok baryog untok nyomsèrjèkh nèbchib nyob nak.”
Dak umnak umsaꞌod, “Nak, méj lah. Teꞌèl lah gerèk rik hachal nak.”
6Jadik Abraham hès namòj ma kémah eh dak nachal ma Sarah, “Hès hamchuwoh tigak kòk#18:6 tigak kòk Èn kuy sènꞌòy Ibrani nak tok pastik maròp enukor nak. Tapik lènbéh eh ibuk, mungkin nalòy 20 kiloh. Abraham nachèn namteꞌèl jamuwan rik rayak untok namhormad ma mèn tamu eh rik penting nak. rayak nòm tepong èk rik paléng méj, bok teꞌèl lah ruti!” 7Nòm kerek nak, rik nak nadabal ma mèn lembu eh dak napili néy kuwòt lembu rik tingꞌũs bok belèsꞌos, dak naꞌog ma kuli eh. Dak kuli nak hès natabéh eh. 8Dak anak Abraham nakod susu lèdkĩd,#18:8 susu lèdkĩd nak nèygéy rik umteꞌèl nòm susu. Umpegoh nadidih bok umguléy, dak pas nak umperak namsejuk sampéy nalekĩd. susu biyase, ròb séj lembu nak, dak najamuk ma mèn tamu eh. Asòh umga-géy nak, Abraham nated tilok ma umnak èn kèd jehuk nak.
9Dak anak umnak umtanyak, “Ma lok che léh hãh Sarah?”
Abraham nasaꞌod, “Mok tuy, èn kelòj kémah.”
10Néy sènꞌòy nòm umnak nachal, “Tik néy tawon ma sòy jakal, yék akal ilos wèl ma doh, bok mase nak léh hãk Sarah hòj mok kuwòt babeh eh.”
Dak bil nak Sarah mok èn kerek umnak, nakèꞌdëk èn rèngkak kémah eh bok nakèngyòkh ma chenarak umnak. 11Abraham ròb Sarah hòj wèh tèꞌtak jèꞌjak geb, bok Sarah tok boléh namkayod sebab umor eh hòj lebéh. 12Sebab nak Sarah nalèg-lug èn hup eh dak nabèdlod, “Yék doh hòj jajak bok tok baryog yéh gerèk doh, ma lok mok yék imgahmak enadés gerèk nak? Bok tòw yéh pon hòj tatak geb!”#1 Ptr 3:6.
13Dak TUHAN natanyak ma Abraham, “Nahey Sarah nalèg-lug bok nabèdlod rik nak tok dapad namyos kuwòt eh sebab hòj jajak eh nak? 14#Luk 1:37. Mok ke ilok-ilok rik Yék tok dapad imteꞌèl? Bok gerèk hòj ichal naꞌtèk, tik néy tawon ma sòy doh jakal Yék akal ilos wèl ma doh, bok bil mase nak Sarah hòj mok néy kuwòt babeh eh!”
15Dak Sarah natukh, dak rik nak nasèꞌlok bok nachal, “Yék tok ibelèg-lug.”
Tapik TUHAN nachal, “Hãk atèk mémang halug.”
Abraham naseꞌëd ma TUHAN agok namtèrhõy ma kote Sòdom
16Kerek nak tigak sènꞌòy naꞌtèk umted dak umtekèd umwèk wèl. Abraham pon nahoh bok nadeh samak umnak. Dak umnak umwèk ma tempad rik balikh, bok umnéh ma kote Sòdom ma luwag rèh. 17-19Dak anak TUHAN nabebèdlod èn hup Eh, “Nòm Abraham nak akal iteꞌèl kaum rik rayak bok bekuwase, bok nòm rik nak lah Yék akal iteꞌèl méj ma kenèmbek kaum èn bumi. Yék hòj ipili ma rik nak supaye rik nak namtènglèkh ma kuwòt ròb waris eh untok muhoh ma nòng nènchèn Yék. Umnak haros umteꞌèl ilok rik kènmën bok beꞌadil, bok Yék akal iteꞌèl kenèmbek ilok rik hòj ipèrhod ma Abraham. Jadik tok méj lah Yék imkèrdëk nòm Abraham ilok rik imteꞌèl nak.”
20Jadik TUHAN pon naꞌoglèkh ma Abraham, “Yék hòj ikeyòkh jajéh tenanas rik laꞌes tentang sènꞌòy rik umgèl-gel èn kote Sòdom ròb kote Gomora nak, sebab dose umnak rayak geb. 21Sebab nak Yék akal itaw ma nak bok imnéh kalòw kenèmbek tenanas laꞌes rik hòj ikeyòkh nak kemën ke hõy.”
22Dak anak nar melaykat rik hèh-hoh samak TUHAN nak wèperak dak wèchib wèmwèk ma kote Sòdom, tapik TUHAN tik natèd-ted èn anak samak Abraham. 23Abraham nawèk tilok ma TUHAN bok natanyak, “Kemën ke Hãk hachèn hamtèrhõy ma sènꞌòy rik kènmën keꞌjèk, samak ma sènꞌòy rik jèdhad? 24Dak rèk lok kalòw mok 50 sènꞌòy rik méj èn kote nak? Bok tik hachèn ke hamtèrhõy ma kenèmbek kote nak, bok tok hapèꞌrak sebab mok 50 sènꞌòy rik méj nak? 25Pastik lah Hãk tok hakerèsbes ma sènꞌòy rik méj bok samak sènꞌòy rik jèdhad! Bok pastik tok boléh hamhukom ma sènꞌòy rik méj nak samak gerèk sènꞌòy rik jèdhad. Hãk lah rik behakim ma kenèmbek sènꞌòy èn bumi, bok pastik hateꞌèl ilok rik adil!”
26TUHAN nasaꞌod, “Kalòw lah Yék itèrbuk 50 sènꞌòy rik kènmën èn kote Sòdom, Yék akal tok iterèyhõy ma kenèmbek kote nak sebab umnak.”
27Abraham nachal wèl, “Maꞌap lah che yék sebab ilamid icharak gerèk doh ma Hãk, Tuhan. Yék doh had sènꞌòy hék, bok tok behakak imchal ilok-ilok pon ma Hãk. 28Tapik, gerèk lok kalòw had mok 45 sènꞌòy rik méj, kedak 50? Mok ke Hãk tik hamtèrhõy ma kenèmbek kote nak, had sebab rik umbelimak sènꞌòy nak hõy?”
TUHAN nasaꞌod, “Kalòw Yék itèrbuk 45 sènꞌòy rik kènmën èn anak, Yék akal tok iterèyhõy ma kote nak.”
29Dak Abraham natanyak wèl, “Gerèk lok kalòw had mok 40 sènꞌòy?”
TUHAN nasaꞌod, “Kalòw mok 40 sènꞌòy rik kènmën nak, Yék akal tok iterèyhõy ma kote nak.”
30Abraham nachal wèl, “Agok lah õl, Tuhan, kalòw yék ichal wèl. Gerèk lok kalòw had mok 30 sènꞌòy hék?”
Dak TUHAN nachal, “Kalòw Yék itèrbuk 30 sènꞌòy kènmën èn anak, Yék akal tok iterèyhõy ma kote nak.”
31Abraham nachal, “Maꞌap lah che yék sebab ilamid imcharak wèl ma Hãk, Tuhan! Rèk lok kalòw had mok 20 sènꞌòy èn anak?”
TUHAN nasaꞌod, “Kalòw mok 20 sènꞌòy rik kènmën nak, Yék akal tok iterèyhõy ma kote nak.”
32Sèj-sòj eh Abraham nachal, “Agok lah õl, Tuhan! Tik néy wèl imchal. Gerèk lok kalòw had hatèrbuk 10 sènꞌòy hék?”
TUHAN nachal, “Kalòw mok 10 sènꞌòy pon, Yék akal tok iterèyhõy ma kote nak.”
33Hòj sòj nabecharak ma Abraham, TUHAN naperak. Dak Abraham pon namak ma kémah eh.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.