Jenadik 17
17
Allah nateꞌèl perènhod Eh samak Abraham
1Bil Abram umor eh 99 tawon, TUHAN napèrnéh rik Eh ma Abram dak nachal, “Yék lah Allah Rik Paléng Bekuwase. Hoh lah lèjgéj ma nènchèn Yék bok gos lah tok besalah èn mad Yék. 2Dak Yék akal iteꞌèl perènhod Yéh samak hãk bok iꞌog ma hãk waris rik ibuk.” 3Abram hès natud ma tèk. Dak Allah nachal wèl, 4-5“Udoh lah perènhod rik Yék iteꞌèl samak hãk: Yék ipèrhod ma hãk akal hajadik yak dòt bej ma jajéh kaum. Bok sebab nak kenëh hãk nak kedak lah Abram wèl. Mulak is doh, kenëh hãk Abraham (rik bemaksod ‘yak dòt bej ma jajéh kaum’).#Rm 4:17. 6Yék akal iꞌog ma hãk waris rik ibuk geb, sampéy umnak umjadik jajéh kaum. Bok nòm waris hãh nak mok akal rik umjadik rajak.
7Yék akal ikèrwad perènhod Yéh samak hãk, bok isèrjèkh perènhod inak ma kenèmbek waris hãh sampéy bilok-bilok. Udoh lah perènhod Yék rik jalꞌéng: Yék lah Allah hãk bok Allah waris hãk sampéy bilok-bilok.#Luk 1:55. 8Puꞌdoh hãk hagel èn tèk Kanaꞌan doh gerèk sènꞌòy nòm jèꞌrok. Tapik Yék akal iꞌog kenèmbek tèk doh ma hãk bok ma waris hãk. Tèk doh akal najadik milik waris hãk sampéy bilok-bilok, bok Yék lah Allah umnak.”#Tèn 7:5.
9Allah nachal wèl ma Abraham, “Bok hãk wèl haros hakuwòp ma perènhod Yék doh, hãk ròb kenèmbek waris hãh. 10Hãk ròb kenèmbek bèhbeh nòm waris hãh haros nyob sunat; unak lah tande nyob kuwòp ma perènhod idoh.#Tèn 7:8; Rm 4:11. 11-12Hãk ròb kenèmbek waris hãh haros lah nyob sunat ma kenèmbek kuwòt bèhbeh nyob bil umor um nalòy lapan arik. Sunat lah ma kenèmbek bèhbeh èn kewarge hãh. Bok sunat keꞌjèk ma bèhbeh gèhnih rik umgèl-gel samak hãk, rik kedak nòm waris rik hãh. Sunat ma mèn kuli bèhbeh hãh rik hòj umgel samak hãk nòm tik èꞌjok um. Sunat ma mèn kuli rik hãk hòj habelik nòm kaum mòy. Sunat nak akal najadik tande perènhod Yék samak hãk. 13Kenèmbek bèhbeh haros umsunat. Dak sunat nak akal najadik tande èn esik rik nyob bok napèrnéh nyob hòj nyob kuwòp ma perènhod jalꞌéng rik Yék iteꞌèl samak nyob. 14Kalòw mok bèhbeh èn nyob rik tok umbesunat, umnak tok umkèmwòp ma perènhod inak, bok Yék ikiron ma umnak nòm kaum penili Yék.”
Allah napèrhod namꞌog kuwòt babeh ma Abraham ròb Sarah
15Nòm kerek nak Allah nachal ma Abraham, “Hãk agok hakòw wèl ma léh hãh nak Saray; puꞌdoh kenëh rik eh nak Sarah.#17:15 Sarah Kenëh Saray ròb Sarah nak maksod wèh samak: èn kuy sènꞌòy Ibrani nar-nar nak bemaksod “puteri.” Tapik puꞌdoh Allah naꞌog kenëh pay nak sebab Rik Nak napèrhod Sarah akal najadik “puteri” rik lebéh rayak: yak dòt bej ma jajéh kaum, bok waris eh akal umjadik rajak. 16Yék akal iteꞌèl méj ma rik nak bok iꞌog ma rik nak namyos néy kuwòt babeh untok hãk. Hek, Yék akal iteꞌèl méj ma Sarah, bok rik nak akal najadik yak dòt bej ma jajéh kaum. Nòm waris rik nak akal mok rik umjadik rajak bok umperintah ma jajéh kaum.”
17Dak Abraham natud, tapik rik nak nabelèg-lug èn hup eh bok nabebèdlod, “Yék doh hòj tatak; umor idoh hòj 100 tawon! Ma lok mok imdapad kuwòt? Bok léh yéh Sarah pon hòj jajak bok umor eh 90 tawon. Ma lok mok rik nak namyos kuwòt eh?” 18Dak anak Abraham nasemany ma Allah, “Teꞌèl lah méj ma kuwòt yéh Ismaꞌèl, bok perak lah rik nak namjadik waris rik hòj hapèrhod nak.”
19Tapik Allah nachal, “Hõy! Léh hãh Sarah akal nayos néy kuwòt babeh untok hãk, bok hãk akal hatèrjal kenëh eh nak Isak. Nòm rik nak lah akal itèrmok perènhod inak, bok perènhod rik iteꞌèl samak rik nak ròb waris eh nak akal najadik jalꞌéng sampéy bilok-bilok. 20Tapik Yék akal isaꞌod ma sènmany hãk bok iteꞌèl méj ma Ismaꞌèl keꞌjèk. Yék akal iꞌog ma rik nak ibuk kuwòt eh, bok waris eh akal umchëy ibuk. Rik nak akal mok nar belas kuwòt bèhbeh eh bok umjadik tuwak suku kaum um, dak Yék akal iꞌuy ma waris Ismaꞌèl nak mujadik kaum rik rayak. 21Tapik Yék akal itèrmok perènhod inak had ma Isak, ma kuwòt hãk rik Sarah akal nayos nak. Tik néy tawon ma sòy, Sarah akal nayos kuwòt hãh nak.” 22Nòm kerek Allah hòj sòj nachal ma Abraham, dak Allah naperak ma rik nak.
23-27Bil arik nak keꞌjèk Abraham nasunat ma kuwòt eh Ismaꞌèl, dak nasunat keꞌjèk ma kenèmbek bèhbeh rik umgèl-gel samak rik nak: kenèmbek kuli bèhbeh rik hòj umgel samak rik nak nòm tik èꞌjok um, bok mèn kuli gèhnih rik hòj nabelik nòm kaum mòy. Dak Abraham naꞌor sènꞌòy musunat ma rik eh nak keꞌjèk. Bil nak umor eh 99 tawon, dak kuwòt eh Ismaꞌèl nak umor eh 13 tawon. Jadik gerèk nak lah Abraham sejèkh nahoh ma nèrꞌor Allah, dak kenèmbek bèhbeh èn kewarge eh nak umsunat.
ទើបបានជ្រើសរើសហើយ៖
Jenadik 17: KKT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Jenadik 17
17
Allah nateꞌèl perènhod Eh samak Abraham
1Bil Abram umor eh 99 tawon, TUHAN napèrnéh rik Eh ma Abram dak nachal, “Yék lah Allah Rik Paléng Bekuwase. Hoh lah lèjgéj ma nènchèn Yék bok gos lah tok besalah èn mad Yék. 2Dak Yék akal iteꞌèl perènhod Yéh samak hãk bok iꞌog ma hãk waris rik ibuk.” 3Abram hès natud ma tèk. Dak Allah nachal wèl, 4-5“Udoh lah perènhod rik Yék iteꞌèl samak hãk: Yék ipèrhod ma hãk akal hajadik yak dòt bej ma jajéh kaum. Bok sebab nak kenëh hãk nak kedak lah Abram wèl. Mulak is doh, kenëh hãk Abraham (rik bemaksod ‘yak dòt bej ma jajéh kaum’).#Rm 4:17. 6Yék akal iꞌog ma hãk waris rik ibuk geb, sampéy umnak umjadik jajéh kaum. Bok nòm waris hãh nak mok akal rik umjadik rajak.
7Yék akal ikèrwad perènhod Yéh samak hãk, bok isèrjèkh perènhod inak ma kenèmbek waris hãh sampéy bilok-bilok. Udoh lah perènhod Yék rik jalꞌéng: Yék lah Allah hãk bok Allah waris hãk sampéy bilok-bilok.#Luk 1:55. 8Puꞌdoh hãk hagel èn tèk Kanaꞌan doh gerèk sènꞌòy nòm jèꞌrok. Tapik Yék akal iꞌog kenèmbek tèk doh ma hãk bok ma waris hãk. Tèk doh akal najadik milik waris hãk sampéy bilok-bilok, bok Yék lah Allah umnak.”#Tèn 7:5.
9Allah nachal wèl ma Abraham, “Bok hãk wèl haros hakuwòp ma perènhod Yék doh, hãk ròb kenèmbek waris hãh. 10Hãk ròb kenèmbek bèhbeh nòm waris hãh haros nyob sunat; unak lah tande nyob kuwòp ma perènhod idoh.#Tèn 7:8; Rm 4:11. 11-12Hãk ròb kenèmbek waris hãh haros lah nyob sunat ma kenèmbek kuwòt bèhbeh nyob bil umor um nalòy lapan arik. Sunat lah ma kenèmbek bèhbeh èn kewarge hãh. Bok sunat keꞌjèk ma bèhbeh gèhnih rik umgèl-gel samak hãk, rik kedak nòm waris rik hãh. Sunat ma mèn kuli bèhbeh hãh rik hòj umgel samak hãk nòm tik èꞌjok um. Sunat ma mèn kuli rik hãk hòj habelik nòm kaum mòy. Sunat nak akal najadik tande perènhod Yék samak hãk. 13Kenèmbek bèhbeh haros umsunat. Dak sunat nak akal najadik tande èn esik rik nyob bok napèrnéh nyob hòj nyob kuwòp ma perènhod jalꞌéng rik Yék iteꞌèl samak nyob. 14Kalòw mok bèhbeh èn nyob rik tok umbesunat, umnak tok umkèmwòp ma perènhod inak, bok Yék ikiron ma umnak nòm kaum penili Yék.”
Allah napèrhod namꞌog kuwòt babeh ma Abraham ròb Sarah
15Nòm kerek nak Allah nachal ma Abraham, “Hãk agok hakòw wèl ma léh hãh nak Saray; puꞌdoh kenëh rik eh nak Sarah.#17:15 Sarah Kenëh Saray ròb Sarah nak maksod wèh samak: èn kuy sènꞌòy Ibrani nar-nar nak bemaksod “puteri.” Tapik puꞌdoh Allah naꞌog kenëh pay nak sebab Rik Nak napèrhod Sarah akal najadik “puteri” rik lebéh rayak: yak dòt bej ma jajéh kaum, bok waris eh akal umjadik rajak. 16Yék akal iteꞌèl méj ma rik nak bok iꞌog ma rik nak namyos néy kuwòt babeh untok hãk. Hek, Yék akal iteꞌèl méj ma Sarah, bok rik nak akal najadik yak dòt bej ma jajéh kaum. Nòm waris rik nak akal mok rik umjadik rajak bok umperintah ma jajéh kaum.”
17Dak Abraham natud, tapik rik nak nabelèg-lug èn hup eh bok nabebèdlod, “Yék doh hòj tatak; umor idoh hòj 100 tawon! Ma lok mok imdapad kuwòt? Bok léh yéh Sarah pon hòj jajak bok umor eh 90 tawon. Ma lok mok rik nak namyos kuwòt eh?” 18Dak anak Abraham nasemany ma Allah, “Teꞌèl lah méj ma kuwòt yéh Ismaꞌèl, bok perak lah rik nak namjadik waris rik hòj hapèrhod nak.”
19Tapik Allah nachal, “Hõy! Léh hãh Sarah akal nayos néy kuwòt babeh untok hãk, bok hãk akal hatèrjal kenëh eh nak Isak. Nòm rik nak lah akal itèrmok perènhod inak, bok perènhod rik iteꞌèl samak rik nak ròb waris eh nak akal najadik jalꞌéng sampéy bilok-bilok. 20Tapik Yék akal isaꞌod ma sènmany hãk bok iteꞌèl méj ma Ismaꞌèl keꞌjèk. Yék akal iꞌog ma rik nak ibuk kuwòt eh, bok waris eh akal umchëy ibuk. Rik nak akal mok nar belas kuwòt bèhbeh eh bok umjadik tuwak suku kaum um, dak Yék akal iꞌuy ma waris Ismaꞌèl nak mujadik kaum rik rayak. 21Tapik Yék akal itèrmok perènhod inak had ma Isak, ma kuwòt hãk rik Sarah akal nayos nak. Tik néy tawon ma sòy, Sarah akal nayos kuwòt hãh nak.” 22Nòm kerek Allah hòj sòj nachal ma Abraham, dak Allah naperak ma rik nak.
23-27Bil arik nak keꞌjèk Abraham nasunat ma kuwòt eh Ismaꞌèl, dak nasunat keꞌjèk ma kenèmbek bèhbeh rik umgèl-gel samak rik nak: kenèmbek kuli bèhbeh rik hòj umgel samak rik nak nòm tik èꞌjok um, bok mèn kuli gèhnih rik hòj nabelik nòm kaum mòy. Dak Abraham naꞌor sènꞌòy musunat ma rik eh nak keꞌjèk. Bil nak umor eh 99 tawon, dak kuwòt eh Ismaꞌèl nak umor eh 13 tawon. Jadik gerèk nak lah Abraham sejèkh nahoh ma nèrꞌor Allah, dak kenèmbek bèhbeh èn kewarge eh nak umsunat.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.