Jenadik 13
13
Abram ròb Lòt wèbeparak
1Jadik Abram naperak nòm tèk Mesir samak léh eh Saray ròb kenèmbek milik eh, dak Lòt nahoh keꞌjèk. Dak umnak umlos ma Pantil Gurun Negèb èn tèk Kanaꞌan nak. 2Abram nak kaye geb; rik nak mok ibuk chok bènleh eh, bok mok ibuk mas ròb pèrak eh keꞌjèk. 3Dak nòm Negèb naꞌtèk umnak umwèk wèl umjèg-jog èntéh-èntéh sampéy hòj umlos ma kote Bètèl. Dak umlòy ma tempad rik umgel èn kémah um nèng-nèng tòp nak, èn gagid kote Bètèl ròb kote Ay. 4Unak lah tempad rik chachod Abram nateꞌèl tempad jenamuk nèng-nèng tòp bok nasindol ma TUHAN.
5Dak Lòt, rik hèh-hoh samak Abram nak, mok keꞌjèk ibuk kémah untok kewarge ròb kuli eh, bok rik nak pon mok ibuk chok bènleh eh, kambikh biri ròb lembu. 6Chok bènleh wènar nak hòj ibuk geb, sampéy tèk nak tok tèdhad untok wèmgel samak. 7(Tabeh wèl, bil mase nak sènꞌòy Kanaꞌan ròb sènꞌòy Pèris tik umgel èn tèk nak keꞌjèk). Sebab nak mèn kuli Abram ròb kuli Lòt rik umbejagak ma chok bènleh wèh nak umtekèd umbera-rok kaban rik um.
8Jadik Abram nachal ma Lòt, “Ar doh abesakèy, agok lah èn ar doh ambera-rok. Tok méj lah kuli hãh nak ròb kuli yék umbera-rok. 9Sebab nak che nèjméj eh èk èparak. Néh lah, kenèmbek tèk doh tik sedey. Pili lah tempad rik hãk hachèn hamgel. Kalòw hãk hawèk ma yèl, yék iwèk ma tep. Kalòw hãk hawèk ma tep, yék iwèk ma yèl.”
10Lòt narèngyèkh bok nanéh ma tèk èn Luwag Òng Tibok Yordan mok ibuk òng, sampéy ma kote Sohar. Tèk nak méj geb, gerèk selay TUHAN èn Èden nak bok gerèk tèk èn Mesir. (Gerèk nak lah tèk nak, èn tèk-tik TUHAN tok naterèyhõy ma kote Sòdom ròb Gomora èn anak). #Jen 2:10. 11Jadik Lòt napili untok rik eh kenèmbek tèk èn Luwag Yordan nak, ma apah sòy is. Dak rik nak naperak ma Abram bok najog ma nak. 12Abram tik nagel èn tèk Kanaꞌan nak. Dak Lòt ròb kewarge eh umjog bok umgel tilok ma kote-kote èn Luwag Yordan nak; umdèg kémah um tilok ma kote Sòdom. 13Tapik bil nak sènꞌòy rik umgèl-gel èn kote Sòdom nak jehad geb bok bedose èn mad TUHAN.
Abram nanéh ma tèk rik TUHAN napèrhod ma rik nak
14Hòj nòm kerek Lòt naperak ma Abram, TUHAN nachal ma Abram, “Nòm tempad hated nak, reyèkh lah ma téh ma rèh, ma tuy ma doh. 15Yék akal iꞌog ma hãk bok ma waris hãh kenèmbek tèk rik hanéh doh untok namjadik milik nyob sampéy bilok-bilok. #Tèn 7:5. 16Yék akal iꞌog ma hãk waris rik ibuk geb, gerèk habog èn bumi doh, sampéy tok mèk-mok chok pon dapad namkirak ma umnak. 17Yék akal iꞌog tèk doh ma hãk. Bok puꞌdoh wèk lah, chib bok néh ma jènrok ròb lènwas eh.” 18Nòm kerek nak, Abram ròb kewarge eh umjog ma Hèbròn dak umdèg kémah um tilok ma jehuk rèꞌyak anok sènꞌòy rik bekenëh Mamré. Bok èn anak Abram nateꞌèl tempad jenamuk untok namsindol ma TUHAN.
ទើបបានជ្រើសរើសហើយ៖
Jenadik 13: KKT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.