Jean 5
5
1Kèchida olo i, ko juif o dè fête, nè Jésus danga di Jérusalem mè.
2Nè sarli̱ Jérusalem hi, ka nou toa badoua, to̱me hè sènè hi. Yini to̱me b‐è nè nou hébreu nè Béthesda; ti-dèl’a mo̱ro. 3O oui‐zèlè o, do houlou‐li‐ouili o, do oui‐koum o, do oui‐paralytique o, ko ouo̱ o̱nou o ti‐dèlè hi, guènè kèlè fo‐mo li. 4Oui̱ne ma ouichi pome, pome, nè ange pome zili di do̱ k‐a nè oui̱ne fo li. Doungounè o̱nemo oui‐zèlè bèi nè joko fo‐mo li i̱nggati, pidi lou do̱ k‐a hi, nè zèlè bo‐a sa, zèlè ènè, ènè, nè oli. 5Ma oui‐zèlè hè sene hi. Zèlè pa a pè boua tara nè joua pakana. 6Jésus joko k’a o̱nou, i̱ngi tana nè zèlè pa n’a pè ouinè hi, n’a ak’a, è gui: Mè koa zèlè ko‐mè sa ndi? 7Nè oui‐zèlè pikifiè h’a, è gui: Seigneur, ma ouili, k’è ili‐m, pi do̱ li nè li fo nè tè hi, bènè. Doungounè li fo tè, ko‐m’ mono kilingo̱ne, kè ma pidi lou do̱ li ti‐m’. 8Jésus to oui̱ne h’a, è gui: Mè kilingo̱ne, mè ba yara ko‐mè, mè nèno. 9Didi kè zèlè ko‐a sa; a ba yara da k‐a, a nèno. 10K’è nè po‐ouichi sabbat. Juif o to oui̱ne hè ouaïlè, nè zèlè da k‐a sa hi, è gui:
Sossoè nè po‐ouichi sabbat; nè oui̱ne gui ho mè ba nè yara ko‐mè gui̱ndi? 11N’a pikifiè ho ouo̱‐o, è gui: Nè ouaïlè nè déè zèlè ko‐m’ sa hi, hè toa oui̱ne ho‐m’, è gui: Mè ba yara ko‐mè, mè nèno ouo̱. 12Ndo ouo̱ ak’a o, è gui: Ouaïlè nè toa ho mè, è gui: Mè ba yara ko‐mè, mè nèno ouo̱, nè ndo ndi? 13Ouaïle nè zèlè da k‐a sa hi, i̱ngi ti oui hi go; oui̱ne Jésus yoa bo̱ o doko o nè doungounou olo yara hi. 14Kèchida nè Jésus pa a ko temple, to oui̱ne h’a, é gui: Joko, zèlè ko‐mè sa; mè ya dè mbé namo bo nè, da mbé mo né nanga gana è tè pa mè da. 15Ouaïle nèno, toda k‐a ho juif o, è gui: Nè Jésus hè déè zèlè da k‐è sa ouo̱. 16Nèda oui̱ne d‐è hi, ndo juif o ndaka pata Jésus, nèdaka n’a déè mo n‐o o ou‐è nè po‐ouichi sabbat hi. 17Jésus pikifiè ho ouo̱‐o, è gui: Sème ko‐m’ déè iyaaa kè bou nè sossoè; mi dè bo hè pome mo go. 18Nèda oui̱ne d‐è, ko juif o fa liouara guènè gbé a gana i̱nggati; bè nèdaka n’a déè mo nè po‐ouichi sabbat hi ènè‐iè go, mais nèdaka nè Jésus to oui̱ne, è gui: Nzapa nè Seme k‐è, kè gui, è hè Nzapa go.
19Jésus pikifiè ho ouo̱‐o, è gui:
Nè bara oui̱ne, nè bara oui̱ne, mi to h’ènè‐o, Bi̱‐ouili dè mo b‐è nè tè nè, a dè nè mo bèi n’a joko da Sème ko‐a hi; mo bèi nè Sème dè hi, no mo nè Bi̱‐ouili dè. 20Oui̱ne Sème koa Bi̱‐ouili; a oussou mo n’a dè hi, h’a nè oli. A tè oussou di̱ngguè gossala gana è h’a, sè k’ènè koukou oui̱ne o. 21Oui̱ne hèmo nè Sème tounou fio, a ha passa higo, Bi̱‐ouili ha passa hè ouili n’a koa hi, hè pome mo go. 22Sème to mbangga ouili go; a iè mbangga nè oli ko èli Bi̱‐ouili, sè ko ouili o é Bi̱‐ouili sènè, hèmo ndo ouo̱ é Seme sènè higo. 23Ouili bèi nè é Bi̱‐ouili sènè nè hi, n’è tè é Sème nè toumb’a hi sènè bo go. 24Nè bara oui̱ne, nè bara oui̱ne, mi to h’ènè‐o, ouili bèi nè zili oui̱ne ko‐m’, nè i̱ngi oui nè toumbou‐m’ hi nè ko sèl’è, k’è tè passa doumè; mbangga ko‐a bènè, k’a raka fio, a passa. 25Nè bara oui̱ne, nè bara oui̱ne, mi to h’ènè‐o, ouichi hè tèno, ouichi hi téèno sa, ndo fio o tè zili nè guèlè Bi̱‐ouili kè Nzapa; o ino‐o nè tè zili hi, ko ouo̱ passa o. 26Hèmo nè Sème mono nè touni nè tè higo, a ha ngaïli hè Bi̱‐ouili, k’è monotouni bo hègo. 27A ha ngaïli to mbangga h’a, oui̱ne a nè Bi̱‐ouili kè ouili. 28Ènè ya koukou oui̱ne o sènè oui̱ne d‐è nè; oui̱ne ma ouichi pome hè tèno, ndo fio o nè oli ko ko̱ mé tè zili guèl’a hi, ko ouo̱ bara zane o nè oli. 29O ino‐o nè déè mo diouinè hi, ko ouo̱ tè tounou o guènè monotouni; ndo ino‐o nè déè mo hè dine hi, ko ouo̱ tè tounou o guènè zili mbangga.
30Mi dè mo bo‐m’ nè to‐m’ nè: mi zili oui̱ne sè no‐m’ to mbangga. Mbangga ko‐m’ nè bara oui̱ne, oui̱ne bè mi fa nè dè mo ko‐m’ go, mi fa nè dè mo kè oui nè toumbou‐m’ hi. 31O̱nemo mi to nè oui̱ne bo‐m’ nè to‐m’, k’è bènè bara oui̱ne go. 32Ma oui to oui̱ne olo nou‐m’ hè aï; mi i̱ngi oui̱ne ko‐m’ n’a to hi, nè bara oui̱ne. 33Ènè toumbou o dida Jean mè; a to oui̱ne olo nou oui̱ne d‐è nè bara oui̱ne. 34Bè nè ouili hè to oui̱ne olo nou‐m’ go; mi to oui̱ne d‐è h’ènè‐o, nèdaka sè k’ènè passa o. 35Jean nè lampe nè bèlè, k’è yèkè hi. Ènè koa dèssa o sènè yèk’a guèdè‐iè. 36Ma mo to oui̱ne olo nou‐m’ hè aï di̱ngguè goudou Jean; oui̱ne gossala nè Sème ha ho‐m’ oui̱ne dè hi, gossala no‐m’ dè hi, no mo nè tè to oui̱ne olo nou‐m’ hi, è gui: Nè Sème hè toumbou‐m’ ouo̱. 37Sème di bo nè toumbou‐m’ hi, no mo nè tè to oui̱ne olo nou‐m’ hi. 38Ènè tè zili guèl’a, k’ènè joko nè li a o nè; oui̱ne ko‐a tè o̱ ko sèlè ’nè‐o nè, oui̱ne ènè tè i̱ngi ti oui n’a toumbou o hi nè. 39Ènè fa oui̱ne ko Mbèti kè Nzapa, oui̱ne ènè bangba o oui̱ne pa touni kosang’a doumè: n’a h’a to oui̱ne olo nou‐m’. 40Enè ko tèno o dida mi nè guènè passa nè! 41Mi pa gloire ko‐m’ nèda ouili nè. 42Mi i̱ngi amour kè Nzapa tè o̱ ko sèlè ’nè‐o nè. 43Mi tèno nè yini Sème; ènè ko mi o go. O̱nemo ma tèno nè yini b‐è, n’ènè ko’a o. 44Enè i̱ngi ko sèlè ’nè‐o hègo gui̱ndi, ènè nè pa gloire o nèda o ma o; n’ènè fa gloire o hè Nzapa pome‐iè nè hi gui̱ndi? 45Enè ya bangba o gui, no‐m’ ho‐m’ tè to douli lo‐o hè Sème ouo̱ nè. Oui‐to‐douli ’nè‐o nè Moïse, ouaïle n’ènè bangba oui̱ne passa nè liouara ko‐a o hi. 46O̱nemo ènè i̱ngi Moïse nè ko sèlè ’nè‐o, k’ènè i̱ngi‐m’ nè ko sèlè ’nè‐o bo, nèdaka n’a déè nè mbeti oui̱ne ko‐m’ hi. 47O̱nemo ènè i̱ngi mbèti kè Moïse ko sèlè ’nè‐o nè, n’ènè i̱ngi oui̱ne ko‐m’ ko sèlè ’nè‐o hègo gui̱ndi?
ទើបបានជ្រើសរើសហើយ៖
Jean 5: GBANU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Published by the British and Foreign Bible Society 1932-1939
Jean 5
5
1Kèchida olo i, ko juif o dè fête, nè Jésus danga di Jérusalem mè.
2Nè sarli̱ Jérusalem hi, ka nou toa badoua, to̱me hè sènè hi. Yini to̱me b‐è nè nou hébreu nè Béthesda; ti-dèl’a mo̱ro. 3O oui‐zèlè o, do houlou‐li‐ouili o, do oui‐koum o, do oui‐paralytique o, ko ouo̱ o̱nou o ti‐dèlè hi, guènè kèlè fo‐mo li. 4Oui̱ne ma ouichi pome, pome, nè ange pome zili di do̱ k‐a nè oui̱ne fo li. Doungounè o̱nemo oui‐zèlè bèi nè joko fo‐mo li i̱nggati, pidi lou do̱ k‐a hi, nè zèlè bo‐a sa, zèlè ènè, ènè, nè oli. 5Ma oui‐zèlè hè sene hi. Zèlè pa a pè boua tara nè joua pakana. 6Jésus joko k’a o̱nou, i̱ngi tana nè zèlè pa n’a pè ouinè hi, n’a ak’a, è gui: Mè koa zèlè ko‐mè sa ndi? 7Nè oui‐zèlè pikifiè h’a, è gui: Seigneur, ma ouili, k’è ili‐m, pi do̱ li nè li fo nè tè hi, bènè. Doungounè li fo tè, ko‐m’ mono kilingo̱ne, kè ma pidi lou do̱ li ti‐m’. 8Jésus to oui̱ne h’a, è gui: Mè kilingo̱ne, mè ba yara ko‐mè, mè nèno. 9Didi kè zèlè ko‐a sa; a ba yara da k‐a, a nèno. 10K’è nè po‐ouichi sabbat. Juif o to oui̱ne hè ouaïlè, nè zèlè da k‐a sa hi, è gui:
Sossoè nè po‐ouichi sabbat; nè oui̱ne gui ho mè ba nè yara ko‐mè gui̱ndi? 11N’a pikifiè ho ouo̱‐o, è gui: Nè ouaïlè nè déè zèlè ko‐m’ sa hi, hè toa oui̱ne ho‐m’, è gui: Mè ba yara ko‐mè, mè nèno ouo̱. 12Ndo ouo̱ ak’a o, è gui: Ouaïlè nè toa ho mè, è gui: Mè ba yara ko‐mè, mè nèno ouo̱, nè ndo ndi? 13Ouaïle nè zèlè da k‐a sa hi, i̱ngi ti oui hi go; oui̱ne Jésus yoa bo̱ o doko o nè doungounou olo yara hi. 14Kèchida nè Jésus pa a ko temple, to oui̱ne h’a, é gui: Joko, zèlè ko‐mè sa; mè ya dè mbé namo bo nè, da mbé mo né nanga gana è tè pa mè da. 15Ouaïle nèno, toda k‐a ho juif o, è gui: Nè Jésus hè déè zèlè da k‐è sa ouo̱. 16Nèda oui̱ne d‐è hi, ndo juif o ndaka pata Jésus, nèdaka n’a déè mo n‐o o ou‐è nè po‐ouichi sabbat hi. 17Jésus pikifiè ho ouo̱‐o, è gui: Sème ko‐m’ déè iyaaa kè bou nè sossoè; mi dè bo hè pome mo go. 18Nèda oui̱ne d‐è, ko juif o fa liouara guènè gbé a gana i̱nggati; bè nèdaka n’a déè mo nè po‐ouichi sabbat hi ènè‐iè go, mais nèdaka nè Jésus to oui̱ne, è gui: Nzapa nè Seme k‐è, kè gui, è hè Nzapa go.
19Jésus pikifiè ho ouo̱‐o, è gui:
Nè bara oui̱ne, nè bara oui̱ne, mi to h’ènè‐o, Bi̱‐ouili dè mo b‐è nè tè nè, a dè nè mo bèi n’a joko da Sème ko‐a hi; mo bèi nè Sème dè hi, no mo nè Bi̱‐ouili dè. 20Oui̱ne Sème koa Bi̱‐ouili; a oussou mo n’a dè hi, h’a nè oli. A tè oussou di̱ngguè gossala gana è h’a, sè k’ènè koukou oui̱ne o. 21Oui̱ne hèmo nè Sème tounou fio, a ha passa higo, Bi̱‐ouili ha passa hè ouili n’a koa hi, hè pome mo go. 22Sème to mbangga ouili go; a iè mbangga nè oli ko èli Bi̱‐ouili, sè ko ouili o é Bi̱‐ouili sènè, hèmo ndo ouo̱ é Seme sènè higo. 23Ouili bèi nè é Bi̱‐ouili sènè nè hi, n’è tè é Sème nè toumb’a hi sènè bo go. 24Nè bara oui̱ne, nè bara oui̱ne, mi to h’ènè‐o, ouili bèi nè zili oui̱ne ko‐m’, nè i̱ngi oui nè toumbou‐m’ hi nè ko sèl’è, k’è tè passa doumè; mbangga ko‐a bènè, k’a raka fio, a passa. 25Nè bara oui̱ne, nè bara oui̱ne, mi to h’ènè‐o, ouichi hè tèno, ouichi hi téèno sa, ndo fio o tè zili nè guèlè Bi̱‐ouili kè Nzapa; o ino‐o nè tè zili hi, ko ouo̱ passa o. 26Hèmo nè Sème mono nè touni nè tè higo, a ha ngaïli hè Bi̱‐ouili, k’è monotouni bo hègo. 27A ha ngaïli to mbangga h’a, oui̱ne a nè Bi̱‐ouili kè ouili. 28Ènè ya koukou oui̱ne o sènè oui̱ne d‐è nè; oui̱ne ma ouichi pome hè tèno, ndo fio o nè oli ko ko̱ mé tè zili guèl’a hi, ko ouo̱ bara zane o nè oli. 29O ino‐o nè déè mo diouinè hi, ko ouo̱ tè tounou o guènè monotouni; ndo ino‐o nè déè mo hè dine hi, ko ouo̱ tè tounou o guènè zili mbangga.
30Mi dè mo bo‐m’ nè to‐m’ nè: mi zili oui̱ne sè no‐m’ to mbangga. Mbangga ko‐m’ nè bara oui̱ne, oui̱ne bè mi fa nè dè mo ko‐m’ go, mi fa nè dè mo kè oui nè toumbou‐m’ hi. 31O̱nemo mi to nè oui̱ne bo‐m’ nè to‐m’, k’è bènè bara oui̱ne go. 32Ma oui to oui̱ne olo nou‐m’ hè aï; mi i̱ngi oui̱ne ko‐m’ n’a to hi, nè bara oui̱ne. 33Ènè toumbou o dida Jean mè; a to oui̱ne olo nou oui̱ne d‐è nè bara oui̱ne. 34Bè nè ouili hè to oui̱ne olo nou‐m’ go; mi to oui̱ne d‐è h’ènè‐o, nèdaka sè k’ènè passa o. 35Jean nè lampe nè bèlè, k’è yèkè hi. Ènè koa dèssa o sènè yèk’a guèdè‐iè. 36Ma mo to oui̱ne olo nou‐m’ hè aï di̱ngguè goudou Jean; oui̱ne gossala nè Sème ha ho‐m’ oui̱ne dè hi, gossala no‐m’ dè hi, no mo nè tè to oui̱ne olo nou‐m’ hi, è gui: Nè Sème hè toumbou‐m’ ouo̱. 37Sème di bo nè toumbou‐m’ hi, no mo nè tè to oui̱ne olo nou‐m’ hi. 38Ènè tè zili guèl’a, k’ènè joko nè li a o nè; oui̱ne ko‐a tè o̱ ko sèlè ’nè‐o nè, oui̱ne ènè tè i̱ngi ti oui n’a toumbou o hi nè. 39Ènè fa oui̱ne ko Mbèti kè Nzapa, oui̱ne ènè bangba o oui̱ne pa touni kosang’a doumè: n’a h’a to oui̱ne olo nou‐m’. 40Enè ko tèno o dida mi nè guènè passa nè! 41Mi pa gloire ko‐m’ nèda ouili nè. 42Mi i̱ngi amour kè Nzapa tè o̱ ko sèlè ’nè‐o nè. 43Mi tèno nè yini Sème; ènè ko mi o go. O̱nemo ma tèno nè yini b‐è, n’ènè ko’a o. 44Enè i̱ngi ko sèlè ’nè‐o hègo gui̱ndi, ènè nè pa gloire o nèda o ma o; n’ènè fa gloire o hè Nzapa pome‐iè nè hi gui̱ndi? 45Enè ya bangba o gui, no‐m’ ho‐m’ tè to douli lo‐o hè Sème ouo̱ nè. Oui‐to‐douli ’nè‐o nè Moïse, ouaïle n’ènè bangba oui̱ne passa nè liouara ko‐a o hi. 46O̱nemo ènè i̱ngi Moïse nè ko sèlè ’nè‐o, k’ènè i̱ngi‐m’ nè ko sèlè ’nè‐o bo, nèdaka n’a déè nè mbeti oui̱ne ko‐m’ hi. 47O̱nemo ènè i̱ngi mbèti kè Moïse ko sèlè ’nè‐o nè, n’ènè i̱ngi oui̱ne ko‐m’ ko sèlè ’nè‐o hègo gui̱ndi?
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Published by the British and Foreign Bible Society 1932-1939