Jean 6
6
1Kèchida olo i, nè Jésus jiki tè, chi da di ouara ka li Galilée, Tibériade di. 2Ba doko ouili o nèno pat’a, oui̱ne ouo̱ joko da miracle o n’a déè jou o oui‐zèlè o hi. 3Jésus danga di jou kara mè. K’a ma jou a mè, n’a doungounou do disciple da k‐a o. 4Pâque hèdè sa, fête ko juif o. 5A ba li a dingo̱ne; a joko ba doko ouili o nè tèno dida k‐a nè hi, n’a to oui̱ne hè Philippe, è gui: Alè hè mapa nè do, sè ko ouino‐o yongo nè gui̱ndi? 6A to oui̱ne d‐è hè i̱ngi ko sel’a, oui̱ne a i̱ngi tana mo ko‐a n’a tè dè hi sa. 7Philippe pikifiè h’a, è gui: O̱nemo o hè mapa oui olo denier pèlè litou, n’è tè oui ndo ouino‐o ou‐è, kè ouili pome, pome, pa nè guèdè go. 8Ma disciple da k‐a pome, André, ya Simon Pierre, to oui̱ne h’a, è gui: 9Ma bi̱me nè bi̱‐ouili sènèmo̱ pome, mapa orge èl’a mo̱ro dè bi̱‐zolo litou; mais o tè dè tan hègo gui, k’è oui ne ndo ba doko ouino‐o ou‐è gui̱ndi? 10Nè Jésus to oui̱ne, è gui: To ho ouo̱ doungounou o dido̱. Olo yara hi, jo sènè ouinè. Ouo̱ doungounou o koliè guèdè nè pèlè boua mo̱ro. 11Jésus ba mapa, ha merci hè Nzapa. Kèchida n’a kèkosanga ho ouino‐o nè doungounou hi. A kèkosanga bi̱‐zolo bo hè pome mo go, hèmo ndo ouo̱ koa nè o higo. 12Ko ouo̱ yongo zanga ouo̱‐o ha, n’a to oui̱ne ho disciple da k‐a o, è gui: Ènè kara koli mboul’a o nè mono hi, d’a tè nanga. 13Kèchida ko ouo̱ yongo o sa, ndo ouo̱ kara koli mapa orge o mo̱ro hi, dounou guèssè boua pome nè joua litou. 14Ko ouino‐o joko miracle nè Jésus déè hi, ndo ouo̱ to oui̱ne o, è gui: Nè bara oui̱ne, ouaïlè hè nè prophète nè tè tèno di sènè nou nè no mo ouo̱.
15Nè Jésus i̱ngi tana ndo ouo̱ koa nè b’a o, hé é a nè ouane hi, n’a danga di jou kara mè da, èn’a‐pome‐iè.
16Kè mbolo dè, ndo disciple da k‐a o zili di ka li mè. 17Ouo̱ a ko mbonggo o oui̱ne kou li, hè nèno di Capernaüm di. Kè zè déè sa, kè Jésus tè pa ouo̱‐o nè. 18Kè di̱ngguè yabou dè mo; li kilingo̱ne ouinè. 19Ko ouo̱ nèno o nè mbonggo, stade boua litou nè joua mo̱ro kèo̱nè boua tara, ndo ouo̱ joko Jésus o, k’è nèno ngo li; a hèdè nè ka mbonggo nè. Kili gbè ouo̱‐o. 20Jésus to oui̱ne ho ouo̱‐o, è gui: Enè ya dè kili o nè; no‐m’! 21Ouo̱ koa b’a o di ko mbonggo di. Kè didi mbonggo ma ka nou zane, ndo ouo̱ néno o di sènè hi.
22Ino‐o nè mono ouara koulou li di, joko o kè mbonggo hè nou li hi pome‐iè, Jésus lé ko a do disciple da k‐è o go, ouo̱ nèno ènè‐ouo̱‐o‐iè. 23Kè ho toutouli, kè ma mbonggo o ma nè ouara Tibériade, hèdè olo yara ndo ouo̱ yongo nè mapa o, nè Seigneur ha nè merci hè Nzapa hi. 24O ba doko ouili o joko kè Jésus do disciple da k‐è o bènè; ouo̱ a ko mbonggo n‐o o hi nè to ouo̱‐o, guènè nèno di Capernaüm mè oui̱ne fa Jésus. 25Ko ouo̱ p’a o nè ouara koulou di, ndo ouo̱ to oui̱ne h’a o, è gui: Rabbi, mè ma sènèmo̱ gui̱ssè gui̱ndi? 26Nè Jésus pikifiè ho ouo̱‐o, è gui: Nè bara oui̱ne, nè bara oui̱ne, mi to h’ènè‐o, bènèmo ènè fa‐m’ o nèda miracle n’ènè joko o hi go, ènè fa‐m’ o nèdaka n’ènè yongo mapa zanga ’nè‐o ha hi. 27Enè ya dègossala o oui̱ne kè mo‐yongo nè nanga hi nè; ènè dègossala o nèda mo bèi nè ha passa hè ouili doumè, nè Bi̱‐ouili kè ouili tè ha h’ènè‐o hi; oui̱ne nè Nzapa Sème hè toa bara oui̱ne olo nou a. 28Ndo ouo̱ to oui̱ne h’a o, è gui: Alè tè dè nè gui, k’alè dè nè gossala kè Nzapa gui̱ndi? 29Jésus pikifiè ho ouo̱‐o, è gui: Gossala kè Nzapa, nè i̱ngi oui n’a toumbou hi nè ko sele ’nè‐o. 30Ouo̱ to oui̱ne h’a o, è gui: Nè miracle gui ho mè tè dè, h’alè joko, k’alè i̱ngi no mè nè ko sèlè ’lè gui̱ndi? Mè dè nè gui? 31O sèmè k’alè o yongo manne do̱ko jo mè, hèmo nè Mbèti kè Nzapa toa nè higo, è gui: A ha mapa li‐zane mè ho ouo̱‐o nè mo‐yongo ouo̱. 32Jésus to oui̱ne ho ouo̱‐o, è gui: Nè bara oui̱ne, nè bara oui̱ne, mi to h’ènè‐o, bè nè Moïse hè ha mapa li‐zane mè h’ènè‐o go; nè Seme hè ha mapa, nè bara oui̱ne mapa li‐zane mè, h’ènè‐o. 33Oui̱ne mapa kè Nzapa, nè oui nè zili nè li‐zane mè, k’è passa oui‐nou o doumè hi. 34Ouo̱ to oui̱ne h’a o, è gui: Seigneur, mè ha mapa hi h’alè doumè. 35Jésus pikifiè ho ouo̱‐o, è gui: Mi nè mapa touni. Ouili bèi nè tèno dida mi nè hi, nè ouo̱ tè gbé a go; dè i nè i̱ngi‐m’ nè ko sèl’è hi, nè hèlè tè gbé a go. 36Mi to h’ènè‐o, ènè joko‐m’; ènè i̱ngi‐m’ nè ko sèlè ’nè‐o go. 37Ouili nè oli nè Sème ha ho‐m’ hi, tè tèno dida mi nè. Ouili bèi nè tè tèno dida mi nè hi, no‐m’ tè pi a jo go. 38Oui̱ne mi tèno li‐zane mè nè, oui̱ne dè hèmo no‐m’ koa higo go; mais mi tèno nè, oui̱ne dè hèmo nè oui nè toumbu‐m’ hi koa higo. 39Oui̱ne dè mo hèmo nè oui nè toumbou‐m’ hi koa higo no mo, nè ma ouino‐o nè oli n’a ha ho‐m’ hi, yo pome go; ko‐m’ tè tounou ndo ouo̱‐o nè sènè koli ouichi mè hi. 40Mo nè Sème koa dè hi no mo, nè ouili bèi nè joko Bi̱‐ouili, i̱ng’a nè ko sèl’è hi, n’a monotouni doumè; ko‐m’ toun’a sènè ndouti koli ouichi mè.
41Juif o folo oui̱ne da oui̱ne d‐è n’a, è gui: È nè mapa nè zili nè li‐zane mè ouo̱ hi. 42Ouo̱ to oui̱ne o, è gui: Bènè Jésus bi̱‐ouili kè Joseph, nd’alè i̱ngi sème ko‐a dè na ko‐a go ndi? Nè gui h’a gui: È zili nè li‐zane mè ouo̱ gui̱ndi? 43Jésus pikifiè ho ouo̱‐o, è gui: Ènè ya folo oui̱ne do ma o nè. 44Ouili pome tè tèno dida mi nè go, bè nè Sème nè toumbou‐m’ hi hè mbo a tèno nè; ko‐m’ tè toun’a sènè ndouti koli ouichi mè. 45Mbèti kè prophete o toa nè, è gui: Nè Nzapa hè tè oussou oui̱ne ho ouo̱‐o nè oli. Hèmonggo, ouili bèi nè zili oui̱ne kè Sème, i̱ngi mboulou ko‐a hi, n’è tèno dida mi nè. 46Bè gui ma ouili joko Sème ouo̱ go, bè nè o̱ nè oui nè tèno nèda Nzapa mè hi nè. N’a h’a joko Sème. 47Nè bara oui̱ne, nè bara oui̱ne, mi to oui̱ne h’ènè‐o, i bèi nè i̱ngi‐m’ nè ko sèl’è hi, k’è tè monotouni doumè. 48Mi nè mapa touni. 49O sème k’ènè‐o yongo manne do̱ko jo mè; ndo ouo̱ fio o. 50È bèè nè mapa nè zili nè li‐zane mè, sè kè ouili bèi nè tè yong’a hi, n’è tè fi go. 51Mi nè mapa touni, nè tèno nè li‐zane mè hi. O̱nemo ouili yongo mapa hi, n’è tè monotouni doumè. Mapa no‐m’ tè ha ho ouili o hi, nè mourou to‐m’ no‐m’ tè ha nèda touni ko oui‐nou o.
52Ko juif o zili oui̱ne d‐è o hi, ndo ouo̱ téli oui̱ne do ma o, è gui: Liouara n’a tè ha nè mourou té a, h’o yongo nè hi, hègo gui̱ndi? 53Nè Jésus to oui̱ne ho ouo̱‐o, è gui: Nè bara oui̱ne, nè bara oui̱ne, mi to h’ènè‐o, o̱nemo ènè yongo mourou tè Bi̱‐ouili kè ouili, ènè no̱ to̱ tè a o nè, kè touni b’ènè nè tè ’nè‐o bènè. 54Ouili bèi nè yongo mourou to‐m’, no̱ to̱ to‐m’ hi, k’è tè monotouni doumè. Mi toun’a sènè ndouti koli ouichi mè. 55Oui̱ne mourou to‐m’ nè mo‐yongo nè bara oui̱ne; to̱ to‐m’ nè mo no̱ nè bara oui̱ne. 56Ouili bèi nè yongo mourou to‐m’, no̱ to̱ to‐m’ hi, n’è o̱ do‐m’, ko‐m’ o̱ do a. 57Hèmo nè Sème nè monotouni hi toumbou‐m’, ko‐m’ monotouni oui̱ne ko‐a higo, i bèi nè yongo‐m’ hi, k’è tè monotouni oui̱ne ko‐m’, hè pome mo hi go. 58Mapa nè zili li‐zane mè no mo. Bè hè i bèi ndo sème k’ènè‐o yongo manne nè fi hi go go: ouili bèi nè yongo mapa h‐è hi, k’è tè monotouni doumè. 59Jésus to oui̱ne d‐è nè ko synagogue, nè po‐ouichi n’a o̱ nè sarli̱ Capernaüm guènè oussou oui̱ne hi.
60Ko ma disciple da k‐a o hè zili oui̱ne d‐è, ndo ouo̱ to oui̱ne o, è gui: Oui̱ne d‐è hè ngangga ouinè, ndo hè tè zili o ndi? 61Jésus ingi nè tè, ndo disciple da k‐a o folo nè oui̱ne nèda oui̱ne d‐è hi, n’a to oui̱ne ho ouo̱‐o, è gui: Ènè ko yanga ’nè‐o nèda oui̱ne d‐è o ndi? 62O̱nemo ènè joko Bi̱‐ouili kè ouili o, n’è danga nè, k’è chi nè di olo yara, n’è o̱ sènè mè i̱nggati hi? 63Nè esprit hè ha touni; mourou dè mo nè. Oui̱ne d‐è no‐m’ to h’ènè‐o ou‐è, nè esprit dè touni. 64O ma ouili hè bo̱ ’nè‐o ou‐è, ouo̱ i̱ngi ko sèlè ouo̱‐o nè. Oui̱ne Jésus i̱ngi tana oui nè tè i̱ngi ko sèlè lo‐o go hi, nè kouyanga mo mè, dè oui nè tè h’a ho ouo̱‐o hi. 65A to mbéa ho ouo̱‐o, è gui: Nèda mo hi, no mo no‐m’ to nè h’ènè‐o, è gui: O̱nemo Nzapa hè ko nè, nè ma ouili tè tèno dida mi nè go ouo̱ hi.
66Kèchida olo oui̱ne d‐è, ndo ma disciple da k‐a o you to lo‐o tè a dida; ouo̱ nèno o do a da nè. 67Jésus to oui̱ne ho ouo̱‐o, boua pome nè joua litou hi, è gui: N’ènè‐o ou‐è, ènè koa chi o bo nè ndi? 68Nè Simon Pierre pikifiè h’a, è gui: Seigneur, alè nèno dida ndo ndi? Oui̱ne ko‐mè nè oui̱ne monotouni doumè. 69Alè i̱ngi ko sèlè ’lè, alè i̱ngi tana mè nè Christ nè bara oui̱ne; mè nè Saint kè Nzapa. 70Jésus pikifiè ho ouo̱‐o, è gui: Bè no‐m’ ho‐m’ kara ’nè‐o boua pome nè joua litou go ndi? Ma ’nè‐o pome nè oui‐doa! 71A to nè oui̱ne kè Judas Iscariot, bi̱‐ouili kè Simon; oui̱ne n’a h’a tè ha Jésus ho ouo̱‐o. Ma ouo̱‐o boua pome nè joua litou hi, n’a.
ទើបបានជ្រើសរើសហើយ៖
Jean 6: GBANU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Published by the British and Foreign Bible Society 1932-1939
Jean 6
6
1Kèchida olo i, nè Jésus jiki tè, chi da di ouara ka li Galilée, Tibériade di. 2Ba doko ouili o nèno pat’a, oui̱ne ouo̱ joko da miracle o n’a déè jou o oui‐zèlè o hi. 3Jésus danga di jou kara mè. K’a ma jou a mè, n’a doungounou do disciple da k‐a o. 4Pâque hèdè sa, fête ko juif o. 5A ba li a dingo̱ne; a joko ba doko ouili o nè tèno dida k‐a nè hi, n’a to oui̱ne hè Philippe, è gui: Alè hè mapa nè do, sè ko ouino‐o yongo nè gui̱ndi? 6A to oui̱ne d‐è hè i̱ngi ko sel’a, oui̱ne a i̱ngi tana mo ko‐a n’a tè dè hi sa. 7Philippe pikifiè h’a, è gui: O̱nemo o hè mapa oui olo denier pèlè litou, n’è tè oui ndo ouino‐o ou‐è, kè ouili pome, pome, pa nè guèdè go. 8Ma disciple da k‐a pome, André, ya Simon Pierre, to oui̱ne h’a, è gui: 9Ma bi̱me nè bi̱‐ouili sènèmo̱ pome, mapa orge èl’a mo̱ro dè bi̱‐zolo litou; mais o tè dè tan hègo gui, k’è oui ne ndo ba doko ouino‐o ou‐è gui̱ndi? 10Nè Jésus to oui̱ne, è gui: To ho ouo̱ doungounou o dido̱. Olo yara hi, jo sènè ouinè. Ouo̱ doungounou o koliè guèdè nè pèlè boua mo̱ro. 11Jésus ba mapa, ha merci hè Nzapa. Kèchida n’a kèkosanga ho ouino‐o nè doungounou hi. A kèkosanga bi̱‐zolo bo hè pome mo go, hèmo ndo ouo̱ koa nè o higo. 12Ko ouo̱ yongo zanga ouo̱‐o ha, n’a to oui̱ne ho disciple da k‐a o, è gui: Ènè kara koli mboul’a o nè mono hi, d’a tè nanga. 13Kèchida ko ouo̱ yongo o sa, ndo ouo̱ kara koli mapa orge o mo̱ro hi, dounou guèssè boua pome nè joua litou. 14Ko ouino‐o joko miracle nè Jésus déè hi, ndo ouo̱ to oui̱ne o, è gui: Nè bara oui̱ne, ouaïlè hè nè prophète nè tè tèno di sènè nou nè no mo ouo̱.
15Nè Jésus i̱ngi tana ndo ouo̱ koa nè b’a o, hé é a nè ouane hi, n’a danga di jou kara mè da, èn’a‐pome‐iè.
16Kè mbolo dè, ndo disciple da k‐a o zili di ka li mè. 17Ouo̱ a ko mbonggo o oui̱ne kou li, hè nèno di Capernaüm di. Kè zè déè sa, kè Jésus tè pa ouo̱‐o nè. 18Kè di̱ngguè yabou dè mo; li kilingo̱ne ouinè. 19Ko ouo̱ nèno o nè mbonggo, stade boua litou nè joua mo̱ro kèo̱nè boua tara, ndo ouo̱ joko Jésus o, k’è nèno ngo li; a hèdè nè ka mbonggo nè. Kili gbè ouo̱‐o. 20Jésus to oui̱ne ho ouo̱‐o, è gui: Enè ya dè kili o nè; no‐m’! 21Ouo̱ koa b’a o di ko mbonggo di. Kè didi mbonggo ma ka nou zane, ndo ouo̱ néno o di sènè hi.
22Ino‐o nè mono ouara koulou li di, joko o kè mbonggo hè nou li hi pome‐iè, Jésus lé ko a do disciple da k‐è o go, ouo̱ nèno ènè‐ouo̱‐o‐iè. 23Kè ho toutouli, kè ma mbonggo o ma nè ouara Tibériade, hèdè olo yara ndo ouo̱ yongo nè mapa o, nè Seigneur ha nè merci hè Nzapa hi. 24O ba doko ouili o joko kè Jésus do disciple da k‐è o bènè; ouo̱ a ko mbonggo n‐o o hi nè to ouo̱‐o, guènè nèno di Capernaüm mè oui̱ne fa Jésus. 25Ko ouo̱ p’a o nè ouara koulou di, ndo ouo̱ to oui̱ne h’a o, è gui: Rabbi, mè ma sènèmo̱ gui̱ssè gui̱ndi? 26Nè Jésus pikifiè ho ouo̱‐o, è gui: Nè bara oui̱ne, nè bara oui̱ne, mi to h’ènè‐o, bènèmo ènè fa‐m’ o nèda miracle n’ènè joko o hi go, ènè fa‐m’ o nèdaka n’ènè yongo mapa zanga ’nè‐o ha hi. 27Enè ya dègossala o oui̱ne kè mo‐yongo nè nanga hi nè; ènè dègossala o nèda mo bèi nè ha passa hè ouili doumè, nè Bi̱‐ouili kè ouili tè ha h’ènè‐o hi; oui̱ne nè Nzapa Sème hè toa bara oui̱ne olo nou a. 28Ndo ouo̱ to oui̱ne h’a o, è gui: Alè tè dè nè gui, k’alè dè nè gossala kè Nzapa gui̱ndi? 29Jésus pikifiè ho ouo̱‐o, è gui: Gossala kè Nzapa, nè i̱ngi oui n’a toumbou hi nè ko sele ’nè‐o. 30Ouo̱ to oui̱ne h’a o, è gui: Nè miracle gui ho mè tè dè, h’alè joko, k’alè i̱ngi no mè nè ko sèlè ’lè gui̱ndi? Mè dè nè gui? 31O sèmè k’alè o yongo manne do̱ko jo mè, hèmo nè Mbèti kè Nzapa toa nè higo, è gui: A ha mapa li‐zane mè ho ouo̱‐o nè mo‐yongo ouo̱. 32Jésus to oui̱ne ho ouo̱‐o, è gui: Nè bara oui̱ne, nè bara oui̱ne, mi to h’ènè‐o, bè nè Moïse hè ha mapa li‐zane mè h’ènè‐o go; nè Seme hè ha mapa, nè bara oui̱ne mapa li‐zane mè, h’ènè‐o. 33Oui̱ne mapa kè Nzapa, nè oui nè zili nè li‐zane mè, k’è passa oui‐nou o doumè hi. 34Ouo̱ to oui̱ne h’a o, è gui: Seigneur, mè ha mapa hi h’alè doumè. 35Jésus pikifiè ho ouo̱‐o, è gui: Mi nè mapa touni. Ouili bèi nè tèno dida mi nè hi, nè ouo̱ tè gbé a go; dè i nè i̱ngi‐m’ nè ko sèl’è hi, nè hèlè tè gbé a go. 36Mi to h’ènè‐o, ènè joko‐m’; ènè i̱ngi‐m’ nè ko sèlè ’nè‐o go. 37Ouili nè oli nè Sème ha ho‐m’ hi, tè tèno dida mi nè. Ouili bèi nè tè tèno dida mi nè hi, no‐m’ tè pi a jo go. 38Oui̱ne mi tèno li‐zane mè nè, oui̱ne dè hèmo no‐m’ koa higo go; mais mi tèno nè, oui̱ne dè hèmo nè oui nè toumbu‐m’ hi koa higo. 39Oui̱ne dè mo hèmo nè oui nè toumbou‐m’ hi koa higo no mo, nè ma ouino‐o nè oli n’a ha ho‐m’ hi, yo pome go; ko‐m’ tè tounou ndo ouo̱‐o nè sènè koli ouichi mè hi. 40Mo nè Sème koa dè hi no mo, nè ouili bèi nè joko Bi̱‐ouili, i̱ng’a nè ko sèl’è hi, n’a monotouni doumè; ko‐m’ toun’a sènè ndouti koli ouichi mè.
41Juif o folo oui̱ne da oui̱ne d‐è n’a, è gui: È nè mapa nè zili nè li‐zane mè ouo̱ hi. 42Ouo̱ to oui̱ne o, è gui: Bènè Jésus bi̱‐ouili kè Joseph, nd’alè i̱ngi sème ko‐a dè na ko‐a go ndi? Nè gui h’a gui: È zili nè li‐zane mè ouo̱ gui̱ndi? 43Jésus pikifiè ho ouo̱‐o, è gui: Ènè ya folo oui̱ne do ma o nè. 44Ouili pome tè tèno dida mi nè go, bè nè Sème nè toumbou‐m’ hi hè mbo a tèno nè; ko‐m’ tè toun’a sènè ndouti koli ouichi mè. 45Mbèti kè prophete o toa nè, è gui: Nè Nzapa hè tè oussou oui̱ne ho ouo̱‐o nè oli. Hèmonggo, ouili bèi nè zili oui̱ne kè Sème, i̱ngi mboulou ko‐a hi, n’è tèno dida mi nè. 46Bè gui ma ouili joko Sème ouo̱ go, bè nè o̱ nè oui nè tèno nèda Nzapa mè hi nè. N’a h’a joko Sème. 47Nè bara oui̱ne, nè bara oui̱ne, mi to oui̱ne h’ènè‐o, i bèi nè i̱ngi‐m’ nè ko sèl’è hi, k’è tè monotouni doumè. 48Mi nè mapa touni. 49O sème k’ènè‐o yongo manne do̱ko jo mè; ndo ouo̱ fio o. 50È bèè nè mapa nè zili nè li‐zane mè, sè kè ouili bèi nè tè yong’a hi, n’è tè fi go. 51Mi nè mapa touni, nè tèno nè li‐zane mè hi. O̱nemo ouili yongo mapa hi, n’è tè monotouni doumè. Mapa no‐m’ tè ha ho ouili o hi, nè mourou to‐m’ no‐m’ tè ha nèda touni ko oui‐nou o.
52Ko juif o zili oui̱ne d‐è o hi, ndo ouo̱ téli oui̱ne do ma o, è gui: Liouara n’a tè ha nè mourou té a, h’o yongo nè hi, hègo gui̱ndi? 53Nè Jésus to oui̱ne ho ouo̱‐o, è gui: Nè bara oui̱ne, nè bara oui̱ne, mi to h’ènè‐o, o̱nemo ènè yongo mourou tè Bi̱‐ouili kè ouili, ènè no̱ to̱ tè a o nè, kè touni b’ènè nè tè ’nè‐o bènè. 54Ouili bèi nè yongo mourou to‐m’, no̱ to̱ to‐m’ hi, k’è tè monotouni doumè. Mi toun’a sènè ndouti koli ouichi mè. 55Oui̱ne mourou to‐m’ nè mo‐yongo nè bara oui̱ne; to̱ to‐m’ nè mo no̱ nè bara oui̱ne. 56Ouili bèi nè yongo mourou to‐m’, no̱ to̱ to‐m’ hi, n’è o̱ do‐m’, ko‐m’ o̱ do a. 57Hèmo nè Sème nè monotouni hi toumbou‐m’, ko‐m’ monotouni oui̱ne ko‐a higo, i bèi nè yongo‐m’ hi, k’è tè monotouni oui̱ne ko‐m’, hè pome mo hi go. 58Mapa nè zili li‐zane mè no mo. Bè hè i bèi ndo sème k’ènè‐o yongo manne nè fi hi go go: ouili bèi nè yongo mapa h‐è hi, k’è tè monotouni doumè. 59Jésus to oui̱ne d‐è nè ko synagogue, nè po‐ouichi n’a o̱ nè sarli̱ Capernaüm guènè oussou oui̱ne hi.
60Ko ma disciple da k‐a o hè zili oui̱ne d‐è, ndo ouo̱ to oui̱ne o, è gui: Oui̱ne d‐è hè ngangga ouinè, ndo hè tè zili o ndi? 61Jésus ingi nè tè, ndo disciple da k‐a o folo nè oui̱ne nèda oui̱ne d‐è hi, n’a to oui̱ne ho ouo̱‐o, è gui: Ènè ko yanga ’nè‐o nèda oui̱ne d‐è o ndi? 62O̱nemo ènè joko Bi̱‐ouili kè ouili o, n’è danga nè, k’è chi nè di olo yara, n’è o̱ sènè mè i̱nggati hi? 63Nè esprit hè ha touni; mourou dè mo nè. Oui̱ne d‐è no‐m’ to h’ènè‐o ou‐è, nè esprit dè touni. 64O ma ouili hè bo̱ ’nè‐o ou‐è, ouo̱ i̱ngi ko sèlè ouo̱‐o nè. Oui̱ne Jésus i̱ngi tana oui nè tè i̱ngi ko sèlè lo‐o go hi, nè kouyanga mo mè, dè oui nè tè h’a ho ouo̱‐o hi. 65A to mbéa ho ouo̱‐o, è gui: Nèda mo hi, no mo no‐m’ to nè h’ènè‐o, è gui: O̱nemo Nzapa hè ko nè, nè ma ouili tè tèno dida mi nè go ouo̱ hi.
66Kèchida olo oui̱ne d‐è, ndo ma disciple da k‐a o you to lo‐o tè a dida; ouo̱ nèno o do a da nè. 67Jésus to oui̱ne ho ouo̱‐o, boua pome nè joua litou hi, è gui: N’ènè‐o ou‐è, ènè koa chi o bo nè ndi? 68Nè Simon Pierre pikifiè h’a, è gui: Seigneur, alè nèno dida ndo ndi? Oui̱ne ko‐mè nè oui̱ne monotouni doumè. 69Alè i̱ngi ko sèlè ’lè, alè i̱ngi tana mè nè Christ nè bara oui̱ne; mè nè Saint kè Nzapa. 70Jésus pikifiè ho ouo̱‐o, è gui: Bè no‐m’ ho‐m’ kara ’nè‐o boua pome nè joua litou go ndi? Ma ’nè‐o pome nè oui‐doa! 71A to nè oui̱ne kè Judas Iscariot, bi̱‐ouili kè Simon; oui̱ne n’a h’a tè ha Jésus ho ouo̱‐o. Ma ouo̱‐o boua pome nè joua litou hi, n’a.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Published by the British and Foreign Bible Society 1932-1939