Genèse 23
23
1Pè Sara n’è mono nè touni nè pè pèlè pome nè boua‐litou‐nè‐joua‐mbéa‐pome‐kè‐pakana. Kè nè pè Sara nomo hi. 2N’a fi mono sarli̱ Kirjath‐Arba, nè nè Hébron, sènè nou Canaan hi; nè Abraham tè guènè doungounou olo fio Sara dè oui̱ne héli‐fi’a. 3Nè Abraham kilingo̱ne yolo ka fio ko n’è hi, to oui̱ne hègo ho bi̱‐oui‐ouili kè Heth o, ègui̱: 4Mi nè guène, ho‐m’ o̱ bo̱’nè‐o ou‐è; n’ènè bi̱ tana jito‐fio ho‐m’, ho‐m’ gounou nè fio ko‐m’ ti‐m’ h‐è dida. 5Ndo bi̱‐oui‐ouili kè Heth o pikifiè hè Abraham, ègui̱: 6Mè zili da oui̱ne ke’lè, ouane ko‐m! Mè nè prince kè Nzapa pome‐iè bo̱’lè h‐è; mè gounou fio ko‐mè sènè ka jito‐fio kè’lè o hèmo no mè koa higo; nè ma’lè pome dè dolo jito‐fio éli mè oui̱ne gounou nè fio ko‐mè go. 7Nè Abraham kilingo̱ne, aba jougoulou nou ti o ouili o sènè nou hi, ti o bi̱‐oui‐ouili kè Heth o. 8N’a to oui̱ne ho‐ouo̱‐o hègo, ègui̱: O̱nemo ènè koa mi gounou fio bali‐m’ h‐è dida, n’ènè zili oui̱ne ko‐m’, n’ènè aka Éphron, bi̱‐oui‐ouili kè Tsochar ho‐m’, 9h’a é ko̱ Macpéla, da k‐a hi ho‐m’, nè o̱ nè ka nou fo da k‐a hi, oui̱ne bi̱ ho‐m’ hè nè ngui̱nzè, sè kè déè nè dè oloyara bo‐m’ oui̱ne gounou nè fio bè tè bo‐m’ bo̱’nè‐o ou‐è. 10Kè Éphron doungounou nè bo̱ o bi̱‐oui‐ouili kè Heth o hi. Nè Éphron, nè nè Héthien hi, pikifiè hè Abraham, nè bali o bi̱‐oui‐ouili kè Héth o hi, do ba doko ino‐o nè liè nè ouara nou‐ki̱ne da k‐a di hi, ègui̱: 11Hodo, ouane ko‐m’, mè zili oui̱ne ko‐m! Mi ha fo hi ho mè, dè ko̱ nè sènè hi. Mi iè nè oli ho mè nè bali o bi̱‐oui‐ouili ko ouili ko‐m’ o: mè gounou fio ko‐mè sènè. 12Nè Abraham aba jougoulou nou ti o ouili o sènè nou hi. 13N’a to oui̱ne hè Éphron, nè bali o ouili sènè nou hi hègo, ègui̱: Mè zili oui̱ne ko‐m’ no‐m’ tè aka no mè hi! Mi ha ngui̱nzè fo hi: no mè kodaka ho‐m’; ho‐m’ gounou nè fio ko‐m’. 14Nè Éphron pikifè hè Abraham, ègui̱: 15Ouane ko‐m’, mè zili oui̱ne ko‐m’! Ma nou pome nè nè pèlè sicle ngui̱nzè o nara hi, sè nè gui̱ hè bo̱ mi do mè gui̱ndi? Mè gounou fio ko‐mè sènè. 16Nè Abraham koda oui̱ne d‐è da Éphron hi; nè Abraham oui ngui̱nzè hè Éphron hèmo n’a toa nè higo, nè bali o bi̱‐oui‐ouili kè Héth o, nè pèlè sicle ngui̱nzè o nara, nè nè ngui̱nzè ndo ouo̱ hè nè mo ko toa magasin o hi. 17Kè fo kè Éphron sènè Macpéla hi, tana nè li ma dè Mamré, kè fo nè ko̱ sènè hi, do ba doko ti o sènè fo hi, do ba doko ino‐o li‐bal’a nè jiki yongo nou ma hi, 18kè mo no‐o nè oli déè kè Abraham, nè bali o bi̱‐oui‐ouili kè Hèth o, do ba doko ino‐o nè nou ki̱ne hi. 19Kè olo mo hi, nè Abraham gounou ko n’è, Sara, ko ko̱ bo̱ fo Macpéla, nè tana nè li ma dè Mamré, nè nè Hébron, sènè nou Canaan hi. 20Kè fo dè ko̱ déè kè Abraham nè jito‐fio bo‐a nè bali o bi̱‐oui‐ouili kè Héth o.
ទើបបានជ្រើសរើសហើយ៖
Genèse 23: GBANU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Published by the British and Foreign Bible Society 1932-1939
Genèse 23
23
1Pè Sara n’è mono nè touni nè pè pèlè pome nè boua‐litou‐nè‐joua‐mbéa‐pome‐kè‐pakana. Kè nè pè Sara nomo hi. 2N’a fi mono sarli̱ Kirjath‐Arba, nè nè Hébron, sènè nou Canaan hi; nè Abraham tè guènè doungounou olo fio Sara dè oui̱ne héli‐fi’a. 3Nè Abraham kilingo̱ne yolo ka fio ko n’è hi, to oui̱ne hègo ho bi̱‐oui‐ouili kè Heth o, ègui̱: 4Mi nè guène, ho‐m’ o̱ bo̱’nè‐o ou‐è; n’ènè bi̱ tana jito‐fio ho‐m’, ho‐m’ gounou nè fio ko‐m’ ti‐m’ h‐è dida. 5Ndo bi̱‐oui‐ouili kè Heth o pikifiè hè Abraham, ègui̱: 6Mè zili da oui̱ne ke’lè, ouane ko‐m! Mè nè prince kè Nzapa pome‐iè bo̱’lè h‐è; mè gounou fio ko‐mè sènè ka jito‐fio kè’lè o hèmo no mè koa higo; nè ma’lè pome dè dolo jito‐fio éli mè oui̱ne gounou nè fio ko‐mè go. 7Nè Abraham kilingo̱ne, aba jougoulou nou ti o ouili o sènè nou hi, ti o bi̱‐oui‐ouili kè Heth o. 8N’a to oui̱ne ho‐ouo̱‐o hègo, ègui̱: O̱nemo ènè koa mi gounou fio bali‐m’ h‐è dida, n’ènè zili oui̱ne ko‐m’, n’ènè aka Éphron, bi̱‐oui‐ouili kè Tsochar ho‐m’, 9h’a é ko̱ Macpéla, da k‐a hi ho‐m’, nè o̱ nè ka nou fo da k‐a hi, oui̱ne bi̱ ho‐m’ hè nè ngui̱nzè, sè kè déè nè dè oloyara bo‐m’ oui̱ne gounou nè fio bè tè bo‐m’ bo̱’nè‐o ou‐è. 10Kè Éphron doungounou nè bo̱ o bi̱‐oui‐ouili kè Heth o hi. Nè Éphron, nè nè Héthien hi, pikifiè hè Abraham, nè bali o bi̱‐oui‐ouili kè Héth o hi, do ba doko ino‐o nè liè nè ouara nou‐ki̱ne da k‐a di hi, ègui̱: 11Hodo, ouane ko‐m’, mè zili oui̱ne ko‐m! Mi ha fo hi ho mè, dè ko̱ nè sènè hi. Mi iè nè oli ho mè nè bali o bi̱‐oui‐ouili ko ouili ko‐m’ o: mè gounou fio ko‐mè sènè. 12Nè Abraham aba jougoulou nou ti o ouili o sènè nou hi. 13N’a to oui̱ne hè Éphron, nè bali o ouili sènè nou hi hègo, ègui̱: Mè zili oui̱ne ko‐m’ no‐m’ tè aka no mè hi! Mi ha ngui̱nzè fo hi: no mè kodaka ho‐m’; ho‐m’ gounou nè fio ko‐m’. 14Nè Éphron pikifè hè Abraham, ègui̱: 15Ouane ko‐m’, mè zili oui̱ne ko‐m’! Ma nou pome nè nè pèlè sicle ngui̱nzè o nara hi, sè nè gui̱ hè bo̱ mi do mè gui̱ndi? Mè gounou fio ko‐mè sènè. 16Nè Abraham koda oui̱ne d‐è da Éphron hi; nè Abraham oui ngui̱nzè hè Éphron hèmo n’a toa nè higo, nè bali o bi̱‐oui‐ouili kè Héth o, nè pèlè sicle ngui̱nzè o nara, nè nè ngui̱nzè ndo ouo̱ hè nè mo ko toa magasin o hi. 17Kè fo kè Éphron sènè Macpéla hi, tana nè li ma dè Mamré, kè fo nè ko̱ sènè hi, do ba doko ti o sènè fo hi, do ba doko ino‐o li‐bal’a nè jiki yongo nou ma hi, 18kè mo no‐o nè oli déè kè Abraham, nè bali o bi̱‐oui‐ouili kè Hèth o, do ba doko ino‐o nè nou ki̱ne hi. 19Kè olo mo hi, nè Abraham gounou ko n’è, Sara, ko ko̱ bo̱ fo Macpéla, nè tana nè li ma dè Mamré, nè nè Hébron, sènè nou Canaan hi. 20Kè fo dè ko̱ déè kè Abraham nè jito‐fio bo‐a nè bali o bi̱‐oui‐ouili kè Héth o.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Published by the British and Foreign Bible Society 1932-1939