LUKA 9
9
Yezu atomi baposolu bande djomi na babale
(Mt. 10:1-9; 11-14; Mk. 6:7-13)
1Mokia Yezu abekiki bayekoli bande djomi na babale, mpoya loangana obo bwande, mpo abapeiki nguya mpe bokonzi mpoya lobwaka molimo mobe munso uto bato mpe lobikisa bato balo nabololi. 2Mokia atomiki bantoma bakende obiyoma ndenge nandenge mpe basakolela bato makambo ma bomoi ma bokonzi bwa Libanza mpe koba babikia bato ba balo nabololi. 3Akoliki nabango botomba ekei yawi bito mpoya mobembo mwau. Lobo mwete mwa lodjata bito, to sakosi, to bieka bito. Lobo mosolo to bilamba bisu bito. 4Ntango ekpeli we omboka, mpe moto munso abwambi mpo odjala ondako, djala ondako ena tu bo mopaya tee ntango eka bima we omboka ena. 5Bo bato bamboka yoko baboyei lobwamba, Ntango eka bima bino, bonyikinya mputulu ya mboka ena na makolo mau. Yango akakebisa bato bamboka ena te Libanza akabopa etumbu 'te baibongola mitema bito. 6Bayekoli baumwaniki mpe badjatiki, omamboka manso losakola nsango elau mpe lobikia bato biyoma binso.
Mokonzi Elode amitungei mpoya Yezu
(Mt. 14:1-2; Mk. 6:14-16)
7Ntango Elode mokonzi wa etuka ya Galilaya, aokiki makambo manso mabeki Yezu akakeli, abulunganiki mpenza. Mpo bato babeki bakakoli makambo mamaike mpoya Yezu basu ontei ya bango babeki bakakoli 'te alo Yowane mobatisi ongoi antewa na bomoi. 8Bato basu bakoliki, Yezu alo nzeni eliya, obimi koba omombi. Mpe basu bakoliki: alo nzeni mosu owa wa kala mpe angoi koba na bomoi! 9Kasi Elode akoliki omotema mwande bo: ekoki naloba Yowane bito mpo na tomiki bimbolombolo banga 'te ba motema moto. Bona djai okaoki nga makambo malokamwa bo? Mokia mwa yango elode adjingiki Azwana na Yezu.
Yezu adjeisi bato nkoto itano
(Mt. 14:13-21; Mk. 6:33-44; Yn. 6:1-15)
10Mokia, bantoma djomi na babale batomiki Yezu baongoiki mobembo mwa bango. Baebisiki Yezu makambo manso makeliki bango. Mokia Yezu akeiki nabango omboka yoko ebeki bango betesaida, epai ebeki bango mpenza. 11Kasi ntango yebiki bato eyoma ebeki Yezu na bayekoli bande bakei, bango mpe bakeiki omoi. Ntango ekomiki bango, Yezu abambiki nansai mpe aba teyiki nantina ya bokonzi bwa Libanza mpe abikeiki bato bana babeki baka beli. 12Ntango emasiki moyi lokitela, bayekoli djomi na babale bapusaniki pio na Yezu mpe bapeiki likanisi 'te molaki nabobondeli kolo na bato 'te bakende mpo 'te bakoka lokende omamboka mpe mala ma djongadjonga mpe lozwa mwa bikei mpoya lodja mpe loasa bioma bia lotuka mpambanya tolowa obobe. 13Kasi Yezu abakoleliki: Bino mpenza bobapa bieka bialodja! Baongeki ndenge ndei tokoki lokela tolobobele na mampa matano ma mati-mati mpe na nsu ibale yanti nti ya lolamba. Te nya, bolau tokende lomba bieka bialodja mpoya ebele ya bato ba banso! 14Bakoliki bo, mpo bampele babeki nsoki nkoto itano. Bango mpenza ontei ya ebele ya bato bona Yezu akoleliki bayekoli bande: 'te badjadja moto munso maboke, maboke liboke nzawi nsoki bato ntuku itano. 15Nabona, baposolu bakeliki ndenge ekoliki Yezu mpe bato banso badjaliki omaboko. 16Yezu aboi mampa matano na nsu ibale atomboli miyo olikolo apeiki Libanza matondi mpe abukiki mampa na nabitei omokia abeki tu akapei bitei o bayekoli mpe bakaboli bato. 17Bato banso babeki bakadjei be ndenge edjikiki yo omokia bayekoli banginyiki bieka bi bilemi mpe batondisiki bikolo djomi na bibale.
Petelo akoli 'te Yezu alo klisto
(Mt. 16:13-21; Mt. 8:27-31)
18Moko mokolo Yezu atikiki ebele ya bato mpoya losambela yo mpenza, unko bayekoli bande babaka nande elongo, abatuniki: bato bakamanyi 'te nga nalo nzai? 19Bayekoli bayanoliki: Bato basu bakakoli 'te olo Yowane mobatisi; yo aongoi na bomoi kasi basu bakakoli 'te alo Nzeni Eliya; yo abimi koba omombi mpe basu bakamanyi 'te olo moko wa banzeni bawa bakala asekwei. 20Yezu abatuniki: Bona bino bokamanyi 'te nga nalo nzai? Okoli 'te nalo nzai? Petelo amoyanoliki: We obei klisto wa libanza. 21Yezu abapaleli 'te batika nalokolela moko moto. 22Elo nantina 'te nga: Mwana wa moto ayengeli na looka bololi be, bakonzi ba bayuda banganga Libanza bampaka mpe bateyi ba mibeko; baka moboya mpe baka mboma mpe nakaongwa na bomoi omokolo mwa miato.
Mbela mpoya lokoma moyekoli
(Mt. 16:24; Mk. 8:34-9:1)
23Bona akoliki nabango banso: Te wawi ontei ya bino adjingi ambenga boengeli loboya bampowa ya bino mpenza mpe boengeli lotomba Ekulusu#9:23 Ekulusu Ndimbola boengeli bobenga mitindo mianga ntango inso namika botombi olowa ya bino mpenza omokia mwa yango bokoki mpe lombenga. 24Mpo moto munso yo odjingi obikia bomoyi bwande omombi mu nde aizwa bomoyi bwa seko bito; bo moto atiki bomoyi bwande mpo aba moyekoli wanga nde azwi bomoyi bwa seko. 25Omokia mwa munso elo nantina bito 'te moto azwi bomengo bunso omokili mu, kasi adjangi lobo bomoyi bwa seko? 26Bo moto ayoki booni mpo yanga to mpoya maloba manga, mwana wa moto nde amoki mpe booni mpo yande omokolo mukaya yo na nkembo yande, ya Ango mpe ya banzelu basantu. 27Ya mbwele na bokoli, bato basu balowa, nde baiwa bito, obo'te baene bokonzi bwa Libanza.
Bayekoli baato ba Yezu baeni nkembo yande
(Mt. 17:1-8; Mk. 9:2-8)
28Pene na mikolo mwambi omokia mwa Yezu lokolo makambo mana, Yezu aboiki Petelo, Yowane na Yakobo, mpe abai nabango ongomba mpoya losambela Libanza. 29Ntango ebeki Yezu akasambeli, bobwande mpe bilamba biande bibongwaniki, bakomiki mpembe nabokali bo nkaka. 30-31Babimiki mpe babeki bakasololi na Yezu babeki banzeni Moze na Eliya bango mpe babimiki na bilamba bia mpembe longenge mpe basololiki na Yezu nantina ya lowa lande li likayei ndenge ndei alo pene ya lokokisama lokokana na mokano mwa Libanza o engumba ya Yelusaleme. 32Petelo nabebi baoki mpongibe eteloi bango baeni nkembo Yezu na bato babale batemi pene-pene nande. 33Ntango Moze na Eliya bamasiki lotika Yezu, petelo akoli 'te: Moteyi wa tolo nabolau bona topika biema biato: Yoko yau, yoko ya moze, mpe wawi mpoya Eliya Petelo aiyeba ikakoliyo bito. 34Eya bakayo akakoli bona limpata, liyei lika badjiba ebadjibi limpata bayoki nsomo. 35Bona baokiki Djongo dja Libanza louti olimpata, lokoli: Yo alo mwana wanga owa ponanga: Bomoka. 36Esili djongo nalokolo, bayekoli baeni bobele Yezu abeki wana elongo nabango. Baikoleleke moto bito makambo maokiki bango mpe maeniki bango ti ntango esu.
Yezu abikei mwana oyo abeki na molimo mobe
(Mt. 17:14-18; Mk. 9:4-27)
37Mokolo mwa mokia, baumwani ongomba, bato baike bayei lokazwana na Yezu. 38Mpe keka, moto moko ontei ya bango amasi longanga: moteyi, nabobondeli okeka mwana wanga wa lele na miyo ma ngolu, mpo alo bobele mwana wawi wanga. 39Molimo mobe mwawi muku mobundisa na longanga lambalakaka molimo mobe bo mumopeli na mbala yawi mwana akanganga nabokali, elimo ekemonyikinya nabokali mpe mwana akabimia pulu omunoko, elimo ekemunyokolo be, mpe akamotika nabololi be. 40Nabondeli bayekoli bau'te baebenginya kasi baikoka bito! 41Ntango Yezu aokiki yango, akoliki na bato ba mokolo muna 'te: Boiba mpenza boko kelela Libanza motema bito mpe bolo bato ba masumu! Nalo nabino Masa kala kasi ata bona boiba boko kelela motema bito! Bona Yezu akoliki na moto ona yaka na mwana wau wa. 42Mwana abaka akabelemi zabolo amobwaki onse mpe amonyikinyi nabokali Yezu angangeli molimo mobe abikei mwana mpe amoongei omaboko ma ango wande. 43Bato banso bakamoi be, na nguya enene ya Libanza. Ekamoiki bato banso nama makelakayo.
Yezu akoli koba liwa djande
(Mt. 17:22-23; Mk. 9:30-32)
44Yezu akoli na bayekoli bande: Bobea matoyi na maloba ma mpe bomanya nama ma kolinga: Nga, mwana wa moto,naka kabema omaboko ma bato babe. 45Kasi bayekoli bande baiyebaka ntina ya mokano muna bito; mpo ndimbola yayango ebombamiki obo bwa bango. Yango ena, baisosoloko bito. Kasi babeki mpe lokabangi lomotuna ntina ya maloba mande ebeki ndei.
Nzai alo moto munene o bokonzi bwa likolo
(Mt. 18:1-5; Mk. 9:33-37)
46Bakomi baka welani'te ontei ya bango elekina bonene nzai. 47Kasi Yezu ayebi mamanyi mabango. Yango ena apeliki mwana moti wa lele oloboko lande mpe akeliki 'te ateme pio nande. 48Yezu akoliki na bayekoli bande: Moto oamboli mwana moti yo mpoya nkombo yanga anzamboli nga mpenza mpe moto anzamboli amboli mpe moto ontomi mpambanya, moto oleki moti ontei ya bino aleki bonene. 49Yowane akoli: moteyi, teniki moto mosu aka bimie milimo mibe o nkombo yau tasiki to mopalela mpambanya akobobenga bito. 50Kasi Yezu amokoleli: botika nalo mopalela moto yo na mei akaboboya bito abodjingi.
YEZU AKAKEI O YELUSALEME
Baboyei Yezu o Samaliya
51Ekomi ntango 'te akende olikolo ekomi pene-pene Yezu amanyi na motema mwawi 'te akende Yelusaleme. 52Atomi bantoma obo bwande bango bakei bayingeli omboka yoko ya Samaliya mpoya bolengeli boyei bwande. 53Kasi ntango bato bamboka Samaliya bayebiki'te Yezu akakei o engumba Yelusaleme mpoya losambela Libanza, bakoliki na Yezu aleme omoyi elongo nabango. 54Ntango eyokiki bayekoli Yakobo na Yowane bakoli na Yezu: Nkolo, odjingi tobeka mweya mwa likolo mobatumba? 55Kasi Yezu amibongoli omboka bango mpe abapaleli akoli: boiyeba bito molimo muka bokambi. 56Nabona mwana wa moto aiya mpo yalobungia milimo mia bato bito, kasi aye nde mpo yalobikea, mpe bakei omboka esu.
Elo bololi mpoya lobenga Yezu
(Mt. 8:18-22)
57Ebeki bango bakakei moko moto akolinayo: nde nabobengi bipai binso bika kende we. 58Yezu omonginzeli: «Gambala ikidjala omabulu mpe nyoli ya likolo ilo na djumbu kasi mwana wa moto aiba na eyoma ya lobeya moto bito. 59Omokia akoli na moto mosu, umbenga amoongidjeli: Nkolo undembia nakende naka kunda tata.» 60Kasi Yezu amokoleli: tika bato bawei bakunda bibembe bia bawei babango kasi we kende kasangela bato'te bokonzi bwa Libanza boyei 61Mosu amokoli: Mokonzi nde na obengi kasi undembia nakende nakapa biboto mbianga mbote yalo kabwana. 62Yezu amokoli: moto abeyei maboko omosala mpe akeki omokia aibongo na bokonzi bwa Libanza bito.
ទើបបានជ្រើសរើសហើយ៖
LUKA 9: NDW
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Ndobo Bible by Beyond Translation is licensed under Creative Commons Attribution-ShareAlike 4.0 License.
LUKA 9
9
Yezu atomi baposolu bande djomi na babale
(Mt. 10:1-9; 11-14; Mk. 6:7-13)
1Mokia Yezu abekiki bayekoli bande djomi na babale, mpoya loangana obo bwande, mpo abapeiki nguya mpe bokonzi mpoya lobwaka molimo mobe munso uto bato mpe lobikisa bato balo nabololi. 2Mokia atomiki bantoma bakende obiyoma ndenge nandenge mpe basakolela bato makambo ma bomoi ma bokonzi bwa Libanza mpe koba babikia bato ba balo nabololi. 3Akoliki nabango botomba ekei yawi bito mpoya mobembo mwau. Lobo mwete mwa lodjata bito, to sakosi, to bieka bito. Lobo mosolo to bilamba bisu bito. 4Ntango ekpeli we omboka, mpe moto munso abwambi mpo odjala ondako, djala ondako ena tu bo mopaya tee ntango eka bima we omboka ena. 5Bo bato bamboka yoko baboyei lobwamba, Ntango eka bima bino, bonyikinya mputulu ya mboka ena na makolo mau. Yango akakebisa bato bamboka ena te Libanza akabopa etumbu 'te baibongola mitema bito. 6Bayekoli baumwaniki mpe badjatiki, omamboka manso losakola nsango elau mpe lobikia bato biyoma binso.
Mokonzi Elode amitungei mpoya Yezu
(Mt. 14:1-2; Mk. 6:14-16)
7Ntango Elode mokonzi wa etuka ya Galilaya, aokiki makambo manso mabeki Yezu akakeli, abulunganiki mpenza. Mpo bato babeki bakakoli makambo mamaike mpoya Yezu basu ontei ya bango babeki bakakoli 'te alo Yowane mobatisi ongoi antewa na bomoi. 8Bato basu bakoliki, Yezu alo nzeni eliya, obimi koba omombi. Mpe basu bakoliki: alo nzeni mosu owa wa kala mpe angoi koba na bomoi! 9Kasi Elode akoliki omotema mwande bo: ekoki naloba Yowane bito mpo na tomiki bimbolombolo banga 'te ba motema moto. Bona djai okaoki nga makambo malokamwa bo? Mokia mwa yango elode adjingiki Azwana na Yezu.
Yezu adjeisi bato nkoto itano
(Mt. 14:13-21; Mk. 6:33-44; Yn. 6:1-15)
10Mokia, bantoma djomi na babale batomiki Yezu baongoiki mobembo mwa bango. Baebisiki Yezu makambo manso makeliki bango. Mokia Yezu akeiki nabango omboka yoko ebeki bango betesaida, epai ebeki bango mpenza. 11Kasi ntango yebiki bato eyoma ebeki Yezu na bayekoli bande bakei, bango mpe bakeiki omoi. Ntango ekomiki bango, Yezu abambiki nansai mpe aba teyiki nantina ya bokonzi bwa Libanza mpe abikeiki bato bana babeki baka beli. 12Ntango emasiki moyi lokitela, bayekoli djomi na babale bapusaniki pio na Yezu mpe bapeiki likanisi 'te molaki nabobondeli kolo na bato 'te bakende mpo 'te bakoka lokende omamboka mpe mala ma djongadjonga mpe lozwa mwa bikei mpoya lodja mpe loasa bioma bia lotuka mpambanya tolowa obobe. 13Kasi Yezu abakoleliki: Bino mpenza bobapa bieka bialodja! Baongeki ndenge ndei tokoki lokela tolobobele na mampa matano ma mati-mati mpe na nsu ibale yanti nti ya lolamba. Te nya, bolau tokende lomba bieka bialodja mpoya ebele ya bato ba banso! 14Bakoliki bo, mpo bampele babeki nsoki nkoto itano. Bango mpenza ontei ya ebele ya bato bona Yezu akoleliki bayekoli bande: 'te badjadja moto munso maboke, maboke liboke nzawi nsoki bato ntuku itano. 15Nabona, baposolu bakeliki ndenge ekoliki Yezu mpe bato banso badjaliki omaboko. 16Yezu aboi mampa matano na nsu ibale atomboli miyo olikolo apeiki Libanza matondi mpe abukiki mampa na nabitei omokia abeki tu akapei bitei o bayekoli mpe bakaboli bato. 17Bato banso babeki bakadjei be ndenge edjikiki yo omokia bayekoli banginyiki bieka bi bilemi mpe batondisiki bikolo djomi na bibale.
Petelo akoli 'te Yezu alo klisto
(Mt. 16:13-21; Mt. 8:27-31)
18Moko mokolo Yezu atikiki ebele ya bato mpoya losambela yo mpenza, unko bayekoli bande babaka nande elongo, abatuniki: bato bakamanyi 'te nga nalo nzai? 19Bayekoli bayanoliki: Bato basu bakakoli 'te olo Yowane mobatisi; yo aongoi na bomoi kasi basu bakakoli 'te alo Nzeni Eliya; yo abimi koba omombi mpe basu bakamanyi 'te olo moko wa banzeni bawa bakala asekwei. 20Yezu abatuniki: Bona bino bokamanyi 'te nga nalo nzai? Okoli 'te nalo nzai? Petelo amoyanoliki: We obei klisto wa libanza. 21Yezu abapaleli 'te batika nalokolela moko moto. 22Elo nantina 'te nga: Mwana wa moto ayengeli na looka bololi be, bakonzi ba bayuda banganga Libanza bampaka mpe bateyi ba mibeko; baka moboya mpe baka mboma mpe nakaongwa na bomoi omokolo mwa miato.
Mbela mpoya lokoma moyekoli
(Mt. 16:24; Mk. 8:34-9:1)
23Bona akoliki nabango banso: Te wawi ontei ya bino adjingi ambenga boengeli loboya bampowa ya bino mpenza mpe boengeli lotomba Ekulusu#9:23 Ekulusu Ndimbola boengeli bobenga mitindo mianga ntango inso namika botombi olowa ya bino mpenza omokia mwa yango bokoki mpe lombenga. 24Mpo moto munso yo odjingi obikia bomoyi bwande omombi mu nde aizwa bomoyi bwa seko bito; bo moto atiki bomoyi bwande mpo aba moyekoli wanga nde azwi bomoyi bwa seko. 25Omokia mwa munso elo nantina bito 'te moto azwi bomengo bunso omokili mu, kasi adjangi lobo bomoyi bwa seko? 26Bo moto ayoki booni mpo yanga to mpoya maloba manga, mwana wa moto nde amoki mpe booni mpo yande omokolo mukaya yo na nkembo yande, ya Ango mpe ya banzelu basantu. 27Ya mbwele na bokoli, bato basu balowa, nde baiwa bito, obo'te baene bokonzi bwa Libanza.
Bayekoli baato ba Yezu baeni nkembo yande
(Mt. 17:1-8; Mk. 9:2-8)
28Pene na mikolo mwambi omokia mwa Yezu lokolo makambo mana, Yezu aboiki Petelo, Yowane na Yakobo, mpe abai nabango ongomba mpoya losambela Libanza. 29Ntango ebeki Yezu akasambeli, bobwande mpe bilamba biande bibongwaniki, bakomiki mpembe nabokali bo nkaka. 30-31Babimiki mpe babeki bakasololi na Yezu babeki banzeni Moze na Eliya bango mpe babimiki na bilamba bia mpembe longenge mpe basololiki na Yezu nantina ya lowa lande li likayei ndenge ndei alo pene ya lokokisama lokokana na mokano mwa Libanza o engumba ya Yelusaleme. 32Petelo nabebi baoki mpongibe eteloi bango baeni nkembo Yezu na bato babale batemi pene-pene nande. 33Ntango Moze na Eliya bamasiki lotika Yezu, petelo akoli 'te: Moteyi wa tolo nabolau bona topika biema biato: Yoko yau, yoko ya moze, mpe wawi mpoya Eliya Petelo aiyeba ikakoliyo bito. 34Eya bakayo akakoli bona limpata, liyei lika badjiba ebadjibi limpata bayoki nsomo. 35Bona baokiki Djongo dja Libanza louti olimpata, lokoli: Yo alo mwana wanga owa ponanga: Bomoka. 36Esili djongo nalokolo, bayekoli baeni bobele Yezu abeki wana elongo nabango. Baikoleleke moto bito makambo maokiki bango mpe maeniki bango ti ntango esu.
Yezu abikei mwana oyo abeki na molimo mobe
(Mt. 17:14-18; Mk. 9:4-27)
37Mokolo mwa mokia, baumwani ongomba, bato baike bayei lokazwana na Yezu. 38Mpe keka, moto moko ontei ya bango amasi longanga: moteyi, nabobondeli okeka mwana wanga wa lele na miyo ma ngolu, mpo alo bobele mwana wawi wanga. 39Molimo mobe mwawi muku mobundisa na longanga lambalakaka molimo mobe bo mumopeli na mbala yawi mwana akanganga nabokali, elimo ekemonyikinya nabokali mpe mwana akabimia pulu omunoko, elimo ekemunyokolo be, mpe akamotika nabololi be. 40Nabondeli bayekoli bau'te baebenginya kasi baikoka bito! 41Ntango Yezu aokiki yango, akoliki na bato ba mokolo muna 'te: Boiba mpenza boko kelela Libanza motema bito mpe bolo bato ba masumu! Nalo nabino Masa kala kasi ata bona boiba boko kelela motema bito! Bona Yezu akoliki na moto ona yaka na mwana wau wa. 42Mwana abaka akabelemi zabolo amobwaki onse mpe amonyikinyi nabokali Yezu angangeli molimo mobe abikei mwana mpe amoongei omaboko ma ango wande. 43Bato banso bakamoi be, na nguya enene ya Libanza. Ekamoiki bato banso nama makelakayo.
Yezu akoli koba liwa djande
(Mt. 17:22-23; Mk. 9:30-32)
44Yezu akoli na bayekoli bande: Bobea matoyi na maloba ma mpe bomanya nama ma kolinga: Nga, mwana wa moto,naka kabema omaboko ma bato babe. 45Kasi bayekoli bande baiyebaka ntina ya mokano muna bito; mpo ndimbola yayango ebombamiki obo bwa bango. Yango ena, baisosoloko bito. Kasi babeki mpe lokabangi lomotuna ntina ya maloba mande ebeki ndei.
Nzai alo moto munene o bokonzi bwa likolo
(Mt. 18:1-5; Mk. 9:33-37)
46Bakomi baka welani'te ontei ya bango elekina bonene nzai. 47Kasi Yezu ayebi mamanyi mabango. Yango ena apeliki mwana moti wa lele oloboko lande mpe akeliki 'te ateme pio nande. 48Yezu akoliki na bayekoli bande: Moto oamboli mwana moti yo mpoya nkombo yanga anzamboli nga mpenza mpe moto anzamboli amboli mpe moto ontomi mpambanya, moto oleki moti ontei ya bino aleki bonene. 49Yowane akoli: moteyi, teniki moto mosu aka bimie milimo mibe o nkombo yau tasiki to mopalela mpambanya akobobenga bito. 50Kasi Yezu amokoleli: botika nalo mopalela moto yo na mei akaboboya bito abodjingi.
YEZU AKAKEI O YELUSALEME
Baboyei Yezu o Samaliya
51Ekomi ntango 'te akende olikolo ekomi pene-pene Yezu amanyi na motema mwawi 'te akende Yelusaleme. 52Atomi bantoma obo bwande bango bakei bayingeli omboka yoko ya Samaliya mpoya bolengeli boyei bwande. 53Kasi ntango bato bamboka Samaliya bayebiki'te Yezu akakei o engumba Yelusaleme mpoya losambela Libanza, bakoliki na Yezu aleme omoyi elongo nabango. 54Ntango eyokiki bayekoli Yakobo na Yowane bakoli na Yezu: Nkolo, odjingi tobeka mweya mwa likolo mobatumba? 55Kasi Yezu amibongoli omboka bango mpe abapaleli akoli: boiyeba bito molimo muka bokambi. 56Nabona mwana wa moto aiya mpo yalobungia milimo mia bato bito, kasi aye nde mpo yalobikea, mpe bakei omboka esu.
Elo bololi mpoya lobenga Yezu
(Mt. 8:18-22)
57Ebeki bango bakakei moko moto akolinayo: nde nabobengi bipai binso bika kende we. 58Yezu omonginzeli: «Gambala ikidjala omabulu mpe nyoli ya likolo ilo na djumbu kasi mwana wa moto aiba na eyoma ya lobeya moto bito. 59Omokia akoli na moto mosu, umbenga amoongidjeli: Nkolo undembia nakende naka kunda tata.» 60Kasi Yezu amokoleli: tika bato bawei bakunda bibembe bia bawei babango kasi we kende kasangela bato'te bokonzi bwa Libanza boyei 61Mosu amokoli: Mokonzi nde na obengi kasi undembia nakende nakapa biboto mbianga mbote yalo kabwana. 62Yezu amokoli: moto abeyei maboko omosala mpe akeki omokia aibongo na bokonzi bwa Libanza bito.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Ndobo Bible by Beyond Translation is licensed under Creative Commons Attribution-ShareAlike 4.0 License.