LUKA 13
13
Mbela ya lobongola motema
1Bobele ontango ena bato basu baye baka sangela Yezu ma makwelaka bato o etuka ya Galilaya, pilato ababomiki ntango ebeki bango baka bonzeli Libanza mbeka. 2Yezu abayanoliki 'te, bomanyi 'te bato babaka nyokwami na lowa la nsomo mpo 'te babeki bato ba masumu maloleka bato basu banso ba etuka ya galilaya. 3Bito, na bokoli 'te boibongola mitema nya bino banso bito bokawa se ndenge yawi. 4Kasi bato djomi na mwambi bawei mpo linonge la Silowe libakweliki, bomanyi 'te bobe bwa bango boleki masumu ma bato basu ba engumba Yelusaleme? 5Bito, yango eiba nantina bito, na bokoli 'te boiyambola bito masumu ma bino, bino banso bakawa ndenge yawi. 6Yezu akoliki naino eyele ye, moko moto alonaka mwete mwa mosuke odjala nzande aye akasa mbuma, kasi aizwa bito. 7Bona akoliki na mosali wa nzala 'te, oka, uta mbula yato nakaya mbala na mbala lokasa mbuma omwete mwa mosuke, kasi nakozwa mbuma bito! Yango ena o mutena mpo motika lobebisa mombi mwa molau. 8Kasi moto ona aongei: Mokonzi, omutika naino mbula ye natimola naino mombi nzonga-nzonga na mwete mpe na beya bipolu. 9Ntango esu nde muboti mbuma, te nya oka mutena.
Yezu abikei muntaka omokolo mwa sabato
10Yezu abaka akateyi oeyoma ya makita maba yuda mokolo mwa sabato. 11Muntaka moko abaka wana ekoki mbula djomi na mwambi elimo yoko ya mokanga mpe amobebia mokia mwande mwa umbama aikoka nalomiembola bito. 12Yezu amweni, amobeki, akoli: Muntaka bololi bwau bosili. 13Bona Yezu apeliki muntaka ona omokiya. Mbala yawi, azwiki makoki malo teme semba, mpe amasiki losanzola Libanza te amobikisi. 14Kasi Mokonzi wa eyoma ya makita maba yuda aeniki bobe, mpo Yezu abikei moto wa bololi omokolo mwa Sabato akoli na bato: mikolo motoba tokoki nalokela mosala te bonzingi bobika boya omikolo mina, Kasi omokolo mwa Sabato bito. 15Yezu amoongidjeli: Bato ba bipo, omokolo mwa Sabato, bino banso bokotika ngombo to mpunda bito mpo ikende ikamele mayi? 16Eiba bobe bito lokangola muntaka yo nabololi bwande omokolo mwa sabato. Mpo alo mwana wa muntaka wa Abalayama, mpe Satana amobebia nabololi bu uta mbula djomi na mwambi. 17Ekoliyo bona, banguna bande banso baoki boni, kasi bato banso basepeli mpoya makambo malau, manso makeli yo.
Eyele ya mbuma ya mutarde mpe ya muno muku tutidja mampa
(Mt. 13:31-33; Mk. 4:30-32)
18Bona Yezu akoliki: Tika na bobetele lisolo mpoya bokonzi bwa Libanza bolobondei 19Bolo bo mboto ya mutarde moto moko aiboyi mpe ailoni odjala djande ikomi mwete, mpe manyoli ma likolo mayei lokakela djumbu o bitape biayango. 20Nabona Yezu akoliki, 'bokeka ndakisa esu ewulani na bokonzi bwa Libanza. 21Boulani na muno mwa mampa muboiki muntaka moko, aeyanginyi na sani yato ya muteke muno mwa mampa mututinzi muteke muna munso.
Boyingela o ekuke ya eti
22Eyabaka Yezu akakei o engumba Yelusaleme abaka akateyi obingumba mpe omamboka manso ma malekaka yo.
(Mt. 7:13-14)
23Moto moko amotuniki, «nkolo, Libanza akabikia tu motango mwa moti mwa bato?» 24Bokela bokali mpo boingela oezibeli ya eti. Na bokoli bato baike nde bameki loingela kasi nde baikoka bito.
(Mt. 25:10-12)
25Mokolo wa ndako akateme mpoya lokanga ndako bona bino bokaleme olibanda, bokamasa lobete enzibeli ya ndako mpe lokolo: Mokonzi,olodjibolela, aka boonginzela: Naiyeba epai euti bino bito. 26Bona bino bokakolo: Biyo ta djaka mpe ta meleke nau eyoma yawi, wateyaka mateya omboka ya biyo. 27Kasi yo akaongia: Naiyeba eyoma euti bino bito boumwana ombokanga bino banso, mpoya bino izangi bosembo. 28Ntango ekene bino Abalayama, Isaka,Yakobo, na banzeni banso o bokonzi bwa Libanza, bokalela mpe bokadja mino nabololi mpe nankele mpo baka bobenginya. 29Bato baka uta epai eke bima moyi epai eketuka mpe moyi, olikolo mpe ongele, mpe bakadjala omesa mia Bokonzi bwa Libanza. 30Ontango ena bato ba baiba nantina bito antewa bakaba bato ba ntina loleka. Mpe ndambo ya bato balo nantina antewa loleka nde baiba nantina bito ontango ena.
Yezu akakobi mobembo mwande o Yelusaleme
31Bobele ontango ena Bafaliseo basu bayei loka mosangela: umwana wa; mpe kenda epai esu Elode anzingi aboboma. 32Kasi Yezu abakoliki, «Elode alobo Gambala ya mayele ma mabe bokende boka sangela, nakabenginya milimo mibe mpe nakabikia bato ba maloli mpoya ntango eti ye, mokia nakasukia mosala mwanga. 33Ata'te ekelami ndenge ndei Libanza adjingi nakoba lokela mobembo mpoya mwa ntango eti. Yabwele ekoki loba bolau bito mpo Nzeni awa olibanda dja Yelusaleme».
(Mt. 23:37-39)
34Yelusaleme, Yelusaleme,we moto okoboma Banzeni mpe okobwakela bato ba botomeli bango mabanga mbala boi nazingaka na anginya bana bawu bo ekaanginya Nsoso ya muntaka bana bande onse ya mapapu, kasi oidjinga bito. 35Keka mboka yawu ndelemi mpamba, nabosangeli: nde boinzene koba bito, kino mokolo muka kolo bino: lokumu na okaya o nkombo ya Mokonzi.
ទើបបានជ្រើសរើសហើយ៖
LUKA 13: NDW
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Ndobo Bible by Beyond Translation is licensed under Creative Commons Attribution-ShareAlike 4.0 License.
