LUKA 12
12
Yezu akebisiki mpe alendisiki bayekoli bande
(Mt. 10:19-20; 28-33)
1Na ntango ena boike bwa bato ba ndenge nandenge banganiki 'te bato babeki baka nyati makolo ma baboko na basu. Yezu amasiki losolola bona bayekoli bande. Akoliki 'te, bomi batela na muno mwa mampa mwa bafaliseo, ye elo bipo bia bango. 2Manso ma mabombama nde maeneni, manso ma makelama na bokutu nde mayebani. 3Nabona manso makakolo bino nadjombi makaokana na moyi mpe manso makakolo bino olitoyi dja moto oeyoma ya bokutu, baka masakola omitondo mia ndako. 4Na bokoli bebi banga: Botika nalobanga bato baka boma nzoto, mpe omokia nde baikela ekeyoko bito. 5Naka bosangeli nzai okoki bino nalobanga: Bo banga okoki na loboma bato mpe mokia akoki na lobabwaka olufelo. Ya mbwele Naka bosangeli: Bo mobanga 6Manya likambo dji. Bakateke manyoli matano na misolo mibale mia mitimiti. Kasi nyoli yawi-yawi ya eti elo na motuya mpoya Libanza. Aebi makambo mabango manso mpe aka basalisi. 7Asila na lotanga swei ya bino botika nalobanga: bino boleki manyoli na motuya, nsoki malomaike. 8Yezu akoliki na bayekoli bande, moto okadjambola omiyo ma bato, nga mwana wa moto naka moamboli obo bwa Libanza; mpe obo bwa baanzelu 'te moto yo alo moyekoli wanga. 9Kasi moto okadjangana omiyo ma bato, nde bamwangani omiyo ma banzelu ba Libanza. 10Bo moto moko akoli makambo ma mabe mpo yanga, mwana wa moto, Libanza aka limbisa mpo yango mpo yanga. Kasi te moto moko Atuki elimo santu, Libanza ndai balimbisa bito. 11Ntango ekabokanga bato mpe baka bofunda obiyoma bia makita to obo bwa bayangeli ba etuka to bakonzi. Lomitungia bito mpo nandenge ekoki we na lomi batela to engeliwe lokolo. 12Mpo elimo santu ndabolakeli tango ena ndei engeli bino lokolo.
Yezu apaleli bato te batika loba nalokoso
13Moko moto ontei ya bato akoli na Yezu: moteyi kolo na eboto yanga tokabola libula lalotikela ango wabiyo. 14Yezu ayanoliki 'te: mwebi moto wawi bito ankomeiki Zuzi mpo; ya losidja matata ma malo na bato mpoya bieka. 15Bona akoliki nabango banso te: bokeba mpe bomibale nalokoso la ndenge inso, mpambanya bomoi bwau yabwele bokelami nabikei biba nau bito, ata obaka na bozwi boi. 16Bona abakoli Eyele mu: moto wa nkita abaka na mala ma moboteli mbuma ya djike. 17Amituni: nakela ndei? Naiba na eyoma ya lobomba mbuma mei bito. 18Keka ekakelanga, nakakela bo: «nakabuka bibombelo bianga, na katonga bibombelo bileki bonene omoi naka bomba mbuma yanga ya masangu nabikei bisu. 19Bona nakakolo ontei ya motema: motema olo na kita enene ekoki na mbula djike. Pema, mele mpe sepela. 20Nzokande Libanza akoliki na moto mei:» olo djoba na butu bwa lelu nde owei. Oengeli lotika bikei binso bi bibombi we. Moto mosu akaba na biango, kasi we okaba na biango bito! 21Nde ekelami bobele bona na moto akasa lozwa nkita yande mpenza, kasi adjangi nkita omiyo ma Libanza.
(Mt. 6:25-34)
22Mokia Yezu akoli na bayekoli bande, nabona na bokoli: Mpoya loleme obomoi. Lomitungia bito mpoya bieka bika mpo loleme na bomoi. Lomitungia bito mpoya bilamba biengeli we lolata. 23Bomoi bwau bulonantina be loleka boleki bieka bika djei we nzoto yau elo na motuya loleka bilamba biyau. 24Keka manyoli: ikolona bito, ikobuka mbuma bito mpe iba na ndako bito, ebombelo bito, djokande Libanza akaidjeisi. Bino boleki manyoli na motuya mbala boi 25Oengeli lomitungia bito mpo 'te oki bito lobakia ntongo obomoi bwau nalo mitungei mpoya yango. 26Nabona nsoki boiba namakoki bito ya lokela likambo dja liti, boengeli lomitungia bito mpoya likambo lisu obomoi. 27Keka ndenge ekakoli fulele: ekokela mala bito to bakakela bilamba bito. Kasi antako bona, naka bokoleli 'te ata mokonzi Salomo na bomengo bwande bunso abaka na bilamba bia bilau bito bo bafulele. 28Te Libanza akalatidji nkinga omala nde ikabwakemi omweya lobi ntembe bito ndabolatisi nabolau keka naino, bino bato ba boyambi boti. 29Lomanya ntango inso bito 'te okadja ndei mpe okamele ndei. Lotungisa bito mpoya makambo ma. 30Bapagano, bamokili mu, bakamitungei nabikei bina binso ongo wa bino aebi nabolau boengeli na biango. 31Boasa naino bokonzi bwa Libanza bona bikei bina binso nde ba babokitinzeli. 32Bino etonga eti ya mpata botika nalobanga ongo wa bino adjingi abopa bokonzi bwande. 33Boteke bikei biabino mpo bopa babola mosolo. Bokela mabenga makobeba bito,boasa nalozwa nkita ya seko olola.Omoi bayibi bakoingela bito. Mpe mbombo ndeidja bito. 34Eyoma elonkita ya bino mitema mia bino mikaba mpe wana.
Bomibongia mpoya lodjila boyei bwa nkolo
(Mt. 24:45-51)
35Bokanga nkamba omobimbi mpe mwinda mwa bino molola ntango inso. 36Bokela bo bato bakadjili mokonzi wa bango akauti olimpati dja libala mpo'te bomofungolela noki ontango ekayayo mpe ekabobetelayo ndako. 37Esengo na basaleli bakazwa mokonzi baka kengeli ntango ekayayo.Ya mbwele-mbwele, na bokoli: aka kanga mokaba omombi, akaba djadja omesa mpe akabapa wawi-wawi bieka. 38Nsoki ayei ontei ya butu, nsoki na soso ya yambo, esengo nabango'te akabazwi baka kengeli. 39Likambo djina bolau: te nkolo wa ndako aebiki ngonga ekaya moibi mbele amopaleli'te atika na lobuka ndako. 40Bino mpe, bo bana bokengi mpo yanga mwana wa moto ndayei ontango ekamanya bino bito. 41Petelo amotuni: mokonzi, okoli Eyele mu, mpoya biyo'to mpoya bato banso? 42Mokonzi akoli: mosaleli molau mpe wa mayele nzai? Okakela mokonzi kapita wa bato bandako yande, mpo'te apa bato bieka na ngonga ekoki? 43Esengo na mosaleli yo, te amodji akasali bona. 44Yabwele mbwele, na bokoli: akamokela moyangeli wa bikei biande binso. 45Te mosaleli ona amikoleli omotema: Mokonzi wanga akaumela, mpe amasi na lobete basali bampele na bantaka, lodja, lomela mpe lobanga. 46Mokonzi wande akaya omokolo mukomanya yo bito, mpe ongonga ekeyebayo bito, aka Eyele omosala mpe akamokela bo basali babe. 47Te mosaleli ayebi ma madjingi mokonzi, kasi ailengele ekei bito, mpe aitosa mokonzi wande bito, baka mobete be. 48Kasi bo mosaleli aiyeba bito ma madjingi mokonzi, nzokande akoki na etumbu mpo akeli bobe, nde baimobete be bito, bakaonga bikei na moto opeiki bango mpe biike, bakaonga na boike, loleka na moto okeliki bango mokengeli wa bikei biike.
Lokabwana mpe etumbu
49Bona Yezu akoliki: Mokano mwanga mpoya loya omokili elo ya losepela moto ontei ya bato. Mpe nalo mpenza na mpowa 'te mweya mu esiliki lobanda. 50Kasi bo naengeli lokula batisimo ya bololi. Nakatungisama be tee ntango ekasila.
(Mt. 16:2-3)
51Bomanyite nayeli bato boboto? Ekei bito na bokoli: nayei loka kabola bato. 52Ya mbwele uto lelu bato batano ondako yawi bakakabwana baato epai, babale epai babale epai baato epai. 53Tata ndai yokana na mwana wande wa lele bito Nyango ndai yokana na mwana wande wa muntaka bito, bokilo ndai yokana na mwali wa mwana wande bito mpe mwali wa mwana ndai yokana na bokilo bwande bito.
(Mt. 16:2-3)
54Akoli koba na bato: Eeni bino limpata likabai epai eketuka moyi, bokakolo te mbula ekano, mpe ekakelama. 55Mpe ntango leele lukauti epai ya ngele, bokakolo 'te molunge mokangala nabokali, mpe ekakelama bona. 56Bino bato ba bipo! Okoki losakola ntango ekaba 'te okeki mokili mpe olikolo. Mpo yandei oka sosoli ntina ya makambo ma maka kelami antewa bito? 57Mpo yande bino mpenza boikoka na lotena ntina ya makambo nabolau bito 58Te moto wawi abofundi oesambiseli zuzi mpo yabofundi, bokana naino onzela yambo ya lokoma oesambiselo te nya, nda bokali omaboko ma Zuzi babosambisa nabokali, mpe abopa na basoda, babobwaki oboloko. 59Nabokoleli, ndaibima wana bito bonabo afuta nyongo ena enso.
ទើបបានជ្រើសរើសហើយ៖
LUKA 12: NDW
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Ndobo Bible by Beyond Translation is licensed under Creative Commons Attribution-ShareAlike 4.0 License.
