Luk 23
23
YISỌS ADAA K'IPE K'ISO ADAA UKARA PAIDED
Matio 27:1-2; 11:14; Maak 15:1-5; Yọọn 18:28-38
1Ndien mme nkenye owom mme Yuu emene, adaa Yisọs akaa k'iso Paided Adaa-ibuod ukara mmọn Rum.
2Mmọ ọtọọŋọ ododi Yisọs uyo k'iso Paided ete, «Nnyin ikud owom eken nte asaaŋade esin mfina k'obio eken, ete mmọn owom ikinọ sọ akwaa ọbọọŋ Rum unen ise, amaana ọsunsu ke eme k'idem eme ide Ọbọọŋ Andinyaaŋa.»
3Ede Paided ebib Yisọs ete, «Ede apanikọọ ke ofo ede Ọbọọŋ mme Yuu?» Ndien Yisọs ọbọọrọ Paided ete, «Ee, Ami nde, ntoro atiŋde sọ.»
4Ndien Paided ete mme oku-uwa, ma otu owom ete, «Nkwe idọọk mpọ ke ette eken berikeen.»
5Ede mmọ eneehede ọsọọŋọ eyire ete, «Enye esin ntime ke mfifien obio eken, onyuŋ epeebi mpọ ke mfifien idak ukara Yudia, ọtọọŋọ upeebi mpọ nkoro esee ke idak ukara Kadidi tutu ke mmi nken.»
YISỌS ADAA K'ISO ỌBỌỌŊ ERỌD
Luk 23:6-12
6Ndien Paided ekekop ntoro, ebib mmọ, «Enye esi ipehe ukara Kadidi?» 7Ndien enye eke ọdiọŋọ ke Yisọs esine k'obio ukara ọbọọŋ Erọd, enye ọnọ eme ọsọk ọbọọŋ Erọd. Ndien idaha ikọrọ, ọbọọŋ Erọd ekedu sọ ke obio Yedusedem.
8Ndien ọbọọŋ Erọd ekekuud Yisọs, okop inemesid ekese, sia enye ekeyeyeem ikud Yisọs ke ata anyan ini mbaak enye anaam mme utibe-mpọ enye ekene sọ okud. 9Ndien ọbọọŋ Erọd ebib Yisọs uwak-uwak mbiime, ede Yisọs ikibọọrọke eme ikọọ berikeen. 10Ndien mme oku-uwa ma mme epeebi-mbed Muses esọŋọ adaa odoodi Yisọs ikọọ nte mmọ ekekeme. 11Ndien ọbọọŋ Erọd ma mmọn upeme ise edọọŋi Yisọs ndọk. Ọbọọŋ Erọd ọnọ uyo ete mmọ esin Yisọs ọfọŋ mbọọŋ yak anante enye ede ọbọọŋ. Eke onyono imaikibei, enye ete mmọn upeme ise yak mmọ amaana ada eme ọsọk Adaa ukara Paided. 12K'utọ ntak nkoro, ọbọọŋ Erọd ma Paided amaana ediana nte adaa. Mbemiso okudodo, mmọ mbumbaa ikisidehe ama.
PAIDED OPUHE YISỌS MA BARABAS
Matio 27:15-26; Maak 15:6-15; Yọọn 18:38; 19:16
13Ndien mmọ upeme ọbọọŋ Erọd ekeben Yisọs edi iso Paided, enye okood mme oku-uwa ma mme mbọọŋ Yuu ke mme obio ukara k'idaak ise ma mmọnidiken. 14Ndien ete mmọ, «Mf'ikiben ette eken isọk min, nte owom eken asaaŋade etiibi mmọn owom yak mmọ ọsọọŋi ibuod ma ukara Rum. Ndien se, ke mme duọọŋọ eme ma k'iso mfo, ede nkwe ndudue nse kebaŋa se mfo odoride eme odo. 15Erọd inyuŋ ikwe sọ ndudue nse, amaana ete mf'imaana ibeen eme isọk min, ke apanikọọ Yisọs inyeneke ndudue eken ododde mpa. 16Ede Nka ndọhọ mmọn ekọŋ ni eyuubi eme, inye nsaana eme nyak nọ mfo.»
17Ede mmeyene ubiọŋ isaana owom mpakọbi keen k'otu mme Yuu nọ mfo nsọ nte ido nnyin edede k'idaha usọrọ ibi mme Yuu.#23:17 Ufaŋ ikọọ enyem isineke ke ataa ikọŋ-ŋwed nken Luk ekewedde k'ubọk ise. Usuk ipa ŋwed Krik ete, Idaha ibi mme Yuu ekesede usọrọ iken adaa ukara Rum ekese osiooŋode mmọn mpraŋ k'ufọk mpraŋ
18Ede otu owom eken ọdọŋ uyo inyikeen, ete, «Wod Yisọs eken ede yak Barabas!» 19Barabas ekede owod owom emi ekesọŋde ibuod ma ukara mmọn Rum, ndien ekebiere ipe mpa ọnọ eme.
20Ede Paided enyem nte asaanade Yisọs ayak, onyuŋ anwana nte amaanade epeei mmọ.
21Ede otu owom ọsuk akaaiso amia mpubio ete, «Ikọŋ eme ke eto-mpa, ikọŋ eme ke eto-mpa.#23:21 Usuŋ keen mmọn Rum ekese ekamade ewod mmọn inọ ma mmọn ebierede ipe-mpa enọ ekesede ikọŋ mmọ ke eto-mpa»
22Ndien Paided epeei mmọ ọyọhọ ikata, ete mmọ, «Ntak edesọ mf'ibede ewod owom eken, nsutọọ idọk mpọ ke enye anaam? Ami nkwe ntak epewode eme. Ede nkambe mmọn ekọŋ ni eyuubi eme enyuŋ esaana eme ayak.»
23Ede mmọ akaka iso eyiire ke ọpọsọŋ uyo, yak Paided asaana Yisọs ayak ọnọ mmọ iwod eme ke eto-mpa. Uyo mmọ ma eke mme nkwa oku ama ọsọọŋọada yak ewod Yisọs. 24Ndien Paided enyiime ma mmọ onyuŋ ọnọ uyoo yak ewod Yisọs.
25Ndien enye osio Barabas k'ufọk mpraŋ emi eke bierede ipe mpa nte owod owom enọ nte mmọ ekeyemde. Ede akabade asaana Yisọs ayak ọnọ mmọn ekọŋ ese yak ewod nte otu owom ekeyemde.
MMỌN EKỌŊ EKỌŊ YISỌS K'ETO MPA
Matio 27:32-44; Maak 15:21-32; Yọọn 19:17-24
26Ndien mmọn ekọŋ eda Yisọs adaha. Nte mmọ esuk akaade k'usuŋ, mmọ okud owom ekekerede, Saimọn, emi eside Saidiin nte eside inwaŋ emidikaa obio Yedusedem. Mmọ ọmum eme, enyuŋ ayak eto-mpa nken Yisọs eke obiomde enọ eme enye obiom ekene eme ke edem.
27Ndien akwaa otutu owom, ma ibaani emi eke tuaaŋade enyuŋ efuhọ abaaŋa Yisọs enyuŋ ekaiso ekene eme k'edem sia ekaa iwod eme.
28Ede Yisọs ekanade enyin ete mme ibaani idoo, «Ntitọọŋ ibaani obio Yedusedem, ikitua sọ inọ min, ede ikwaa ituaa ibaaŋa idem mfo ma ntitọọŋ mfo ekene se emitibede ma mfo.» 29Ipaŋ utọŋ, mme usen ọsukedi, emi mmọn owom emibeede, «Ọfọfọn ọnọ ibaani iken edede Adaa emi iyoomoke eyen apa ma ibaani iken eke ananam imanke eyen apa, ma enyeem edede eke ananam inọhọ eyen eba.
30K'idaha ŋwed Idem-Mbubod ebede, «Mmọn owom ekaibe mme opupo, wure difuk nnyin.
Ndien mmọ ekaidọhọ sọ mme mbood, buuk nnyin. 31Ntiŋ ntee, sia epede mmọ nam nte ma ami naade nte isisi eto, iduehe usuŋ berikeen, mpọ umim imihi itibe inọ mfo mmọnido ikwaa ibiede opupo eto.»
32Ndien mmọ onyuŋ eda mmọn owom ibaa ewen, esaaŋa ama Yisọs akaa iwod. Ibon iken mbumbaa ekeeŋe inọ.
33K'idaha mmọ esibide ọtọ odo ekekerede mpọọpọrọ#23:33 K'usem mmọn Krik, mmọ ekekood mi nken Mpọọpọrọ: Mmọn Rum ekese ekọŋ mmọn inọ ke mmi nken, mmọ ọkọŋ Yisọs ke eto-mpa, ma mmọn owom odo ibaa ekeyiibde inọ. Owom k'otu mme anam idiọk-mpọ keen k'ubọk namisa, enyeken k'ubọk ufieen Yisọs.
34Ndien Yisọs ete, «Ntaa mi, dahado nọ mmọ, sia mmọ idiọŋọke se mmọ anaamde.»#23:34 Yisọs ete, «Ntaa mi, daahado nọ mmọ, sia mmọ idiọŋọke se mmọ anaamde. Ikọọ iken isineke ke ipa ŋwed Krik Ndien mmọn ekọŋ esin ukaŋ k'otu idem mmọ mbaak anwam mmọ edeeme mfọrọ-idem ise.
35Ede mmọn owom adaa ke nsise. Ndien mme adaa-usuŋ mme Yuu onyuŋ amuua eme ete, «Enye anyaaŋa mmọn owom, epere enye ede Andinyaaŋa, enyem Idem-Mbubod emekde, yak enye anyaaŋa idem ise!»
36Ndien mmọn ekọŋ ọdọọŋi Yisọs ndọk. Onyuŋ esaaŋa epere eme, onyuŋ ọnọ eme idoodidod aka-ukọd#23:36 Akaani ukọd. 37Mmọ ete Yisọs, «Epere ofo eneeŋede ede Ọbọọŋ mme Yuu, nyaaŋa idemfo sio ke mpa.»
38Ndien mmọ onyuŋ ewed ubọk ŋwed edian ke etiŋ ibuod ise k'usem mmọn Krik, Datin ma Ibru, ete «ENYEM EDE ỌBỌỌŊ MME YUU»#23:38 Ikọọ iken, Enyem ede ọbọọŋ mme Yuu isineke ke mfifien ipa ŋwed Krik ede esine ke usuk
39Ndien keen k'otu mmọn inọ iken emi eke kọŋọde ke eto-mpa ma Yisọs ọtọọŋọ ọnọ eme usọọŋ enyin. Ete eme k'ido emiem, «Nkọọ ofo ede Andinyaaŋa? Epere ofo ede, nyaaŋa idemfo, mbaak anyaaŋa sọ nnyin!»
40Ede owom inọ enyeken atuaa ọnọ eme, ọbọọrọ eme ete, «Neso anam etiŋ mme utọ ikọọ iken? Anaante ofo ọnọ Idem-Mbubod upono, sia mmọ ebieere ipe mpa ọnọ sọ fin? 41Ke apanikọọ, nnyin ibọọ ufen iken ke ntak idiọk mpọ nnyin namde, ede owom eken inyeneke se enye eduede k'usuŋ berikeen.
42«Enye akanade ete, Yisọs, Ọbọọŋ Yisọs, Idaha ofo utọọŋọ ukara fo nte Ọbọọŋ, tei-min nyuŋ nyene mbọm baaŋa min ke obio-ubọọŋ fo.»
43Yisọs ọbọọrọ eme ete, «Ke apanikọọ ke ntiŋ nọ fin, mfin nken, ofo akaa idu ma mi ke edem-onyuŋ.»
YISỌS APA K'ETO-MPA
Matio 27:45-56; Maak 15:33-41; Yọọn 19:25-30
44Ndien eke eperede mpapaŋa uweme oyo ibaa, ekum ọfuk mfifien isọŋ tutu esim ọyọhọ nkanika ita uweme oyo. 45Sia unwana utin ama okum, ọfọŋ enyin-usuŋ itie efe-uwa mme Yuu asiaaha k'ufọd ibaa. 46Ndien Yisọs eteerede mpubio, ete, «Ntaa mi meyak sibidid mi nsin fin k'ubọk!» Eketiŋ ntoro amaa, enye ọfuuhi apature inye apa.
47Ndien akwaa adaa iso ekọŋ mmọn Rum eken eke ọnọde ndausuŋ yak mmọ ọkọŋ Yisọs k'eto, okud mfifien se eketibede. Enye ọnọ Idem-Mbubod ekọm abaaŋa Yisọs ete, «Ami mmenum ke ataa apanikọọ, ke Ette eken inyeneke ndudue.» 48Ndien akwaa otutu owom ekedide nsise nken onyuŋ okudde mfifien se eketibede, mmọ emieeŋ ubọk ke nkoti esid mmọ, amana ọyuurọ onyuŋe ke mfuhọ. 49Ndien mfifien mmọnido eke diọŋọde Yisọs ma mfifien ibaani idọ ekekenede eme tọọŋọ ke idak ukara Kadidi, edidak nsan-nsan ese mme mpọ nken eketibede.
YISỌS ỌBUUHỌ K'UDI YOSEF
Matio 27:57-61; Maak 15:42-47; Yọọn 19:38-42
50K'idaha owom eken ekekerede Yosef ekedude kendo. Enye ekede owom keen k'otu mme adaa-usuŋ mmọn esop mme Yuu. Enye ekede etiti owom onyuŋ ọfọn uwem ekese. 51Enye ikikeeneke isin ubọk inyuŋ inyiimeke inọ mme adaa-usuŋ mme Yuu k'idiọk edinam mmọ ke abaaŋade Yisọs. Yosef ekeside Adimatia, obio keen k'idak ukara Yudia. Enye ama ọwuri uyiime eyem Idem-Mbubod ọnọ Andinyaaŋa editọọŋọ obio-ubọọŋ ise. 52Ndien enye edi ekebeeŋe Adaa-ibuod ukara, Paided yak enye ọnọ eme opo Yisọs eme ida ikibuuk. Ndien Paided enyiime. 53Ndien Yosef ma mmọn ideeni idiken ọkọbọde opo Yisọs k'eto-mpa. Enye ada nsem nsem ọfọŋ awaŋ eme, onyuŋ ebeen opo eken ekenum ke ofufa udi iken enye eke ọtuŋde k'itiad emi ekenaanam mmọ ibuuke owom berikeen apa. 54Emi ekede idiọk ini k'usen mbeeŋeidem, emisierede usen ibed mme Yuu.#23:54 Usen Ntutum mme Yuu ede usen emisierede usen ibed mmọ. Okudodo ọtọọŋọ ke nsuuk oyo ọyọhọ usen inaaŋ k'udua, edede Tọsidee tutu esibi nsuuk oyo ọyọhọ usen ition edede Fraidee. Ke mbed mme Yuu owom isibenke ben opo owom k'usen ikoro
55Ndien ibaani ido ekeside idak ukara Kadidi asaaŋa ama Yisọs, ekene Yosef ke edem, onyuŋ okud udi, ma nte enye ekenumde opo Yisọs k'udi ikoro. 56Ndien mmọ ọyuurọ onyuŋ ufọk mmọ ke Yedusedem. Mmọ ekenam ataa enemutebe adan mbaak efiọŋọ opo Yisọs. Ndien mmọ ọduọk udu k'usen ibed mme Yuu nte ibed mme Yuu ekedede epono Idem-Mbubod.
ទើបបានជ្រើសរើសហើយ៖
Luk 23: NKZ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nkari Bible by Beyond Translation is licensed under Creative Commons Attribution-ShareAlike 4.0 License.
Luk 23
23
YISỌS ADAA K'IPE K'ISO ADAA UKARA PAIDED
Matio 27:1-2; 11:14; Maak 15:1-5; Yọọn 18:28-38
1Ndien mme nkenye owom mme Yuu emene, adaa Yisọs akaa k'iso Paided Adaa-ibuod ukara mmọn Rum.
2Mmọ ọtọọŋọ ododi Yisọs uyo k'iso Paided ete, «Nnyin ikud owom eken nte asaaŋade esin mfina k'obio eken, ete mmọn owom ikinọ sọ akwaa ọbọọŋ Rum unen ise, amaana ọsunsu ke eme k'idem eme ide Ọbọọŋ Andinyaaŋa.»
3Ede Paided ebib Yisọs ete, «Ede apanikọọ ke ofo ede Ọbọọŋ mme Yuu?» Ndien Yisọs ọbọọrọ Paided ete, «Ee, Ami nde, ntoro atiŋde sọ.»
4Ndien Paided ete mme oku-uwa, ma otu owom ete, «Nkwe idọọk mpọ ke ette eken berikeen.»
5Ede mmọ eneehede ọsọọŋọ eyire ete, «Enye esin ntime ke mfifien obio eken, onyuŋ epeebi mpọ ke mfifien idak ukara Yudia, ọtọọŋọ upeebi mpọ nkoro esee ke idak ukara Kadidi tutu ke mmi nken.»
YISỌS ADAA K'ISO ỌBỌỌŊ ERỌD
Luk 23:6-12
6Ndien Paided ekekop ntoro, ebib mmọ, «Enye esi ipehe ukara Kadidi?» 7Ndien enye eke ọdiọŋọ ke Yisọs esine k'obio ukara ọbọọŋ Erọd, enye ọnọ eme ọsọk ọbọọŋ Erọd. Ndien idaha ikọrọ, ọbọọŋ Erọd ekedu sọ ke obio Yedusedem.
8Ndien ọbọọŋ Erọd ekekuud Yisọs, okop inemesid ekese, sia enye ekeyeyeem ikud Yisọs ke ata anyan ini mbaak enye anaam mme utibe-mpọ enye ekene sọ okud. 9Ndien ọbọọŋ Erọd ebib Yisọs uwak-uwak mbiime, ede Yisọs ikibọọrọke eme ikọọ berikeen. 10Ndien mme oku-uwa ma mme epeebi-mbed Muses esọŋọ adaa odoodi Yisọs ikọọ nte mmọ ekekeme. 11Ndien ọbọọŋ Erọd ma mmọn upeme ise edọọŋi Yisọs ndọk. Ọbọọŋ Erọd ọnọ uyo ete mmọ esin Yisọs ọfọŋ mbọọŋ yak anante enye ede ọbọọŋ. Eke onyono imaikibei, enye ete mmọn upeme ise yak mmọ amaana ada eme ọsọk Adaa ukara Paided. 12K'utọ ntak nkoro, ọbọọŋ Erọd ma Paided amaana ediana nte adaa. Mbemiso okudodo, mmọ mbumbaa ikisidehe ama.
PAIDED OPUHE YISỌS MA BARABAS
Matio 27:15-26; Maak 15:6-15; Yọọn 18:38; 19:16
13Ndien mmọ upeme ọbọọŋ Erọd ekeben Yisọs edi iso Paided, enye okood mme oku-uwa ma mme mbọọŋ Yuu ke mme obio ukara k'idaak ise ma mmọnidiken. 14Ndien ete mmọ, «Mf'ikiben ette eken isọk min, nte owom eken asaaŋade etiibi mmọn owom yak mmọ ọsọọŋi ibuod ma ukara Rum. Ndien se, ke mme duọọŋọ eme ma k'iso mfo, ede nkwe ndudue nse kebaŋa se mfo odoride eme odo. 15Erọd inyuŋ ikwe sọ ndudue nse, amaana ete mf'imaana ibeen eme isọk min, ke apanikọọ Yisọs inyeneke ndudue eken ododde mpa. 16Ede Nka ndọhọ mmọn ekọŋ ni eyuubi eme, inye nsaana eme nyak nọ mfo.»
17Ede mmeyene ubiọŋ isaana owom mpakọbi keen k'otu mme Yuu nọ mfo nsọ nte ido nnyin edede k'idaha usọrọ ibi mme Yuu.#23:17 Ufaŋ ikọọ enyem isineke ke ataa ikọŋ-ŋwed nken Luk ekewedde k'ubọk ise. Usuk ipa ŋwed Krik ete, Idaha ibi mme Yuu ekesede usọrọ iken adaa ukara Rum ekese osiooŋode mmọn mpraŋ k'ufọk mpraŋ
18Ede otu owom eken ọdọŋ uyo inyikeen, ete, «Wod Yisọs eken ede yak Barabas!» 19Barabas ekede owod owom emi ekesọŋde ibuod ma ukara mmọn Rum, ndien ekebiere ipe mpa ọnọ eme.
20Ede Paided enyem nte asaanade Yisọs ayak, onyuŋ anwana nte amaanade epeei mmọ.
21Ede otu owom ọsuk akaaiso amia mpubio ete, «Ikọŋ eme ke eto-mpa, ikọŋ eme ke eto-mpa.#23:21 Usuŋ keen mmọn Rum ekese ekamade ewod mmọn inọ ma mmọn ebierede ipe-mpa enọ ekesede ikọŋ mmọ ke eto-mpa»
22Ndien Paided epeei mmọ ọyọhọ ikata, ete mmọ, «Ntak edesọ mf'ibede ewod owom eken, nsutọọ idọk mpọ ke enye anaam? Ami nkwe ntak epewode eme. Ede nkambe mmọn ekọŋ ni eyuubi eme enyuŋ esaana eme ayak.»
23Ede mmọ akaka iso eyiire ke ọpọsọŋ uyo, yak Paided asaana Yisọs ayak ọnọ mmọ iwod eme ke eto-mpa. Uyo mmọ ma eke mme nkwa oku ama ọsọọŋọada yak ewod Yisọs. 24Ndien Paided enyiime ma mmọ onyuŋ ọnọ uyoo yak ewod Yisọs.
25Ndien enye osio Barabas k'ufọk mpraŋ emi eke bierede ipe mpa nte owod owom enọ nte mmọ ekeyemde. Ede akabade asaana Yisọs ayak ọnọ mmọn ekọŋ ese yak ewod nte otu owom ekeyemde.
MMỌN EKỌŊ EKỌŊ YISỌS K'ETO MPA
Matio 27:32-44; Maak 15:21-32; Yọọn 19:17-24
26Ndien mmọn ekọŋ eda Yisọs adaha. Nte mmọ esuk akaade k'usuŋ, mmọ okud owom ekekerede, Saimọn, emi eside Saidiin nte eside inwaŋ emidikaa obio Yedusedem. Mmọ ọmum eme, enyuŋ ayak eto-mpa nken Yisọs eke obiomde enọ eme enye obiom ekene eme ke edem.
27Ndien akwaa otutu owom, ma ibaani emi eke tuaaŋade enyuŋ efuhọ abaaŋa Yisọs enyuŋ ekaiso ekene eme k'edem sia ekaa iwod eme.
28Ede Yisọs ekanade enyin ete mme ibaani idoo, «Ntitọọŋ ibaani obio Yedusedem, ikitua sọ inọ min, ede ikwaa ituaa ibaaŋa idem mfo ma ntitọọŋ mfo ekene se emitibede ma mfo.» 29Ipaŋ utọŋ, mme usen ọsukedi, emi mmọn owom emibeede, «Ọfọfọn ọnọ ibaani iken edede Adaa emi iyoomoke eyen apa ma ibaani iken eke ananam imanke eyen apa, ma enyeem edede eke ananam inọhọ eyen eba.
30K'idaha ŋwed Idem-Mbubod ebede, «Mmọn owom ekaibe mme opupo, wure difuk nnyin.
Ndien mmọ ekaidọhọ sọ mme mbood, buuk nnyin. 31Ntiŋ ntee, sia epede mmọ nam nte ma ami naade nte isisi eto, iduehe usuŋ berikeen, mpọ umim imihi itibe inọ mfo mmọnido ikwaa ibiede opupo eto.»
32Ndien mmọ onyuŋ eda mmọn owom ibaa ewen, esaaŋa ama Yisọs akaa iwod. Ibon iken mbumbaa ekeeŋe inọ.
33K'idaha mmọ esibide ọtọ odo ekekerede mpọọpọrọ#23:33 K'usem mmọn Krik, mmọ ekekood mi nken Mpọọpọrọ: Mmọn Rum ekese ekọŋ mmọn inọ ke mmi nken, mmọ ọkọŋ Yisọs ke eto-mpa, ma mmọn owom odo ibaa ekeyiibde inọ. Owom k'otu mme anam idiọk-mpọ keen k'ubọk namisa, enyeken k'ubọk ufieen Yisọs.
34Ndien Yisọs ete, «Ntaa mi, dahado nọ mmọ, sia mmọ idiọŋọke se mmọ anaamde.»#23:34 Yisọs ete, «Ntaa mi, daahado nọ mmọ, sia mmọ idiọŋọke se mmọ anaamde. Ikọọ iken isineke ke ipa ŋwed Krik Ndien mmọn ekọŋ esin ukaŋ k'otu idem mmọ mbaak anwam mmọ edeeme mfọrọ-idem ise.
35Ede mmọn owom adaa ke nsise. Ndien mme adaa-usuŋ mme Yuu onyuŋ amuua eme ete, «Enye anyaaŋa mmọn owom, epere enye ede Andinyaaŋa, enyem Idem-Mbubod emekde, yak enye anyaaŋa idem ise!»
36Ndien mmọn ekọŋ ọdọọŋi Yisọs ndọk. Onyuŋ esaaŋa epere eme, onyuŋ ọnọ eme idoodidod aka-ukọd#23:36 Akaani ukọd. 37Mmọ ete Yisọs, «Epere ofo eneeŋede ede Ọbọọŋ mme Yuu, nyaaŋa idemfo sio ke mpa.»
38Ndien mmọ onyuŋ ewed ubọk ŋwed edian ke etiŋ ibuod ise k'usem mmọn Krik, Datin ma Ibru, ete «ENYEM EDE ỌBỌỌŊ MME YUU»#23:38 Ikọọ iken, Enyem ede ọbọọŋ mme Yuu isineke ke mfifien ipa ŋwed Krik ede esine ke usuk
39Ndien keen k'otu mmọn inọ iken emi eke kọŋọde ke eto-mpa ma Yisọs ọtọọŋọ ọnọ eme usọọŋ enyin. Ete eme k'ido emiem, «Nkọọ ofo ede Andinyaaŋa? Epere ofo ede, nyaaŋa idemfo, mbaak anyaaŋa sọ nnyin!»
40Ede owom inọ enyeken atuaa ọnọ eme, ọbọọrọ eme ete, «Neso anam etiŋ mme utọ ikọọ iken? Anaante ofo ọnọ Idem-Mbubod upono, sia mmọ ebieere ipe mpa ọnọ sọ fin? 41Ke apanikọọ, nnyin ibọọ ufen iken ke ntak idiọk mpọ nnyin namde, ede owom eken inyeneke se enye eduede k'usuŋ berikeen.
42«Enye akanade ete, Yisọs, Ọbọọŋ Yisọs, Idaha ofo utọọŋọ ukara fo nte Ọbọọŋ, tei-min nyuŋ nyene mbọm baaŋa min ke obio-ubọọŋ fo.»
43Yisọs ọbọọrọ eme ete, «Ke apanikọọ ke ntiŋ nọ fin, mfin nken, ofo akaa idu ma mi ke edem-onyuŋ.»
YISỌS APA K'ETO-MPA
Matio 27:45-56; Maak 15:33-41; Yọọn 19:25-30
44Ndien eke eperede mpapaŋa uweme oyo ibaa, ekum ọfuk mfifien isọŋ tutu esim ọyọhọ nkanika ita uweme oyo. 45Sia unwana utin ama okum, ọfọŋ enyin-usuŋ itie efe-uwa mme Yuu asiaaha k'ufọd ibaa. 46Ndien Yisọs eteerede mpubio, ete, «Ntaa mi meyak sibidid mi nsin fin k'ubọk!» Eketiŋ ntoro amaa, enye ọfuuhi apature inye apa.
47Ndien akwaa adaa iso ekọŋ mmọn Rum eken eke ọnọde ndausuŋ yak mmọ ọkọŋ Yisọs k'eto, okud mfifien se eketibede. Enye ọnọ Idem-Mbubod ekọm abaaŋa Yisọs ete, «Ami mmenum ke ataa apanikọọ, ke Ette eken inyeneke ndudue.» 48Ndien akwaa otutu owom ekedide nsise nken onyuŋ okudde mfifien se eketibede, mmọ emieeŋ ubọk ke nkoti esid mmọ, amana ọyuurọ onyuŋe ke mfuhọ. 49Ndien mfifien mmọnido eke diọŋọde Yisọs ma mfifien ibaani idọ ekekenede eme tọọŋọ ke idak ukara Kadidi, edidak nsan-nsan ese mme mpọ nken eketibede.
YISỌS ỌBUUHỌ K'UDI YOSEF
Matio 27:57-61; Maak 15:42-47; Yọọn 19:38-42
50K'idaha owom eken ekekerede Yosef ekedude kendo. Enye ekede owom keen k'otu mme adaa-usuŋ mmọn esop mme Yuu. Enye ekede etiti owom onyuŋ ọfọn uwem ekese. 51Enye ikikeeneke isin ubọk inyuŋ inyiimeke inọ mme adaa-usuŋ mme Yuu k'idiọk edinam mmọ ke abaaŋade Yisọs. Yosef ekeside Adimatia, obio keen k'idak ukara Yudia. Enye ama ọwuri uyiime eyem Idem-Mbubod ọnọ Andinyaaŋa editọọŋọ obio-ubọọŋ ise. 52Ndien enye edi ekebeeŋe Adaa-ibuod ukara, Paided yak enye ọnọ eme opo Yisọs eme ida ikibuuk. Ndien Paided enyiime. 53Ndien Yosef ma mmọn ideeni idiken ọkọbọde opo Yisọs k'eto-mpa. Enye ada nsem nsem ọfọŋ awaŋ eme, onyuŋ ebeen opo eken ekenum ke ofufa udi iken enye eke ọtuŋde k'itiad emi ekenaanam mmọ ibuuke owom berikeen apa. 54Emi ekede idiọk ini k'usen mbeeŋeidem, emisierede usen ibed mme Yuu.#23:54 Usen Ntutum mme Yuu ede usen emisierede usen ibed mmọ. Okudodo ọtọọŋọ ke nsuuk oyo ọyọhọ usen inaaŋ k'udua, edede Tọsidee tutu esibi nsuuk oyo ọyọhọ usen ition edede Fraidee. Ke mbed mme Yuu owom isibenke ben opo owom k'usen ikoro
55Ndien ibaani ido ekeside idak ukara Kadidi asaaŋa ama Yisọs, ekene Yosef ke edem, onyuŋ okud udi, ma nte enye ekenumde opo Yisọs k'udi ikoro. 56Ndien mmọ ọyuurọ onyuŋ ufọk mmọ ke Yedusedem. Mmọ ekenam ataa enemutebe adan mbaak efiọŋọ opo Yisọs. Ndien mmọ ọduọk udu k'usen ibed mme Yuu nte ibed mme Yuu ekedede epono Idem-Mbubod.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nkari Bible by Beyond Translation is licensed under Creative Commons Attribution-ShareAlike 4.0 License.